زبانحال حضرت معصومه (س) در فراق پدر(امام موسی کاظم) الهی    دل    یاندی    قلبیم       الولاندی طاقتیم       آزالدی          بابام    گلمدی وصلت قوشی اوشدی اون بیرایل سووشدی گوزیم    یولدا     قالدی     بابام   گلمدی بابام ای وای ای وای (2) یارالی بابام اون بیر   ایلدی   اولوب  بغداددا   زندانی دیوللر     ظالمدی       زندان      نگهبانی بابامی    وردیقجان     آغلا دیر    زهرانی اورگ   قانا دوندی  صفا  شمعی  سوندی دشمن لر     کام    آلدی    بابام   گلمدی ظلم     ائلیور    هارون      آل    امیه  تک امیدیمیز      گلور        خلاق      حیّه تک بابا   وای   سسلورم     عمه م    رقیه تک یورولوب    معصومه    اولوبدور     مغمومه غصه دن     قوجالدی      بابام      گلمدی باجیلاریم    یکسر   غمه   غرق    اولوبلار خزان گورموش گل تک سارالوب  سولوبلار یولا   گوز   تیکمکدن   داخی    یورولوبلار الهی  کریم سن   رحمان سان رحیم سن رنگیمیز       سارالدی      بابام      گلمدی داریخار    قلبیمیز     آخشام   گون  باتاندا چراغ  خاموش اولوب   گون  باشا چاتاندا سس سسه   وئره ریک  قونشولار  یاتاندا وفا شمعی  سوندی  دشمن لر  سوویندی درد  و   غم   چوخالدی    بابام      گلمدی گوروم الله  دونسون    بو  چرخین دورانی ائدیبدور       موسانی       هارونه    زندانی بیر    دیین   یوخ   بوشلا   دلبند    زهرانی یورولوب    فرقتدن    قوجالوب   محنتدن فلک     دامه    سالدی     بابام     گلمدی آتامی   هر   لحظه    من   یادیمه    سالام بوش   گوروب    یئرینی    یانا یانا   قالام جانمازین   آچوب     عطرین   اونان  آلام قزیل   گوللر   صولدی  اورگ  قان  اولدی دشمنلر     ال    چالدی     بابام     گلمدی کیم گوروب   یتیمین  غمنن  دینجلمسین یواشدان   آغلاروق    قونشولار  بیلمسین ائشیدوب   ناله نی  دشمن لر   گولمسین امید    آیی   باتدی   دشمن کامه   چاتدی اورگده     سوز    قالدی     بابام    گلمدی گئنه    شکر     ایلروک  (( علیوی ))    آللهه بیزی   بو    صبریموز     یتیریبدور    جاهه بیزیم    نوکریمیز    فخر    ایلیر      شاهه می وصلت  ایشدیک   معبوده   یتیشدیک باشیمیز     اوجالدی        بابام      گلمدی ** علیوی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه شهادت امام کاظم علیه السلام (سبک : می گذرد کاروان ) ای        گل         نازیم       رضا محرم           رازیم             ضا عرشه       چیخور       سینه دن سوز         و      گدازیم      رضا تیکمیشم   من   بو   غربت   آرا منتظر        گوزلری         یولارا گل  رضا  گل  رضا  گل رضا (2) جان         یغیشیب         سینمه حبسیده         توشم          غمه غصه لی                      احوالیمه داغ      داش      ائدور     زمزمه آتووی   سال   اوغول  یاده   گل قاره   گی     شهر    بغداد    گل تیکمیشم       گوزومی      یولارا گل  رضا  گل  رضا  گل رضا (2) جانه           گتوردی         محن یوخدی      منه     باش    چکن بستریمی                 گلمه سون قبلیه             یوخ        دوندرن آغلادور   چوخلی    بو  غم  منی یوخ    آچان   ایاقدان   کنده نی تیکمیشم       گوزومی      یولارا گل  رضا  گل  رضا  گل رضا (2) جام        غم     ایستور     داشا ارض     و        سما       آغلاشا کنده            و            زنجیریله چاتدی           حیاتیم        باشا یوخدی بو  دردیمون   چاره سی ایجیدور    بوینومون    یاره سی تیکمیشم       گوزومی      یولارا گل  رضا  گل  رضا  گل رضا (2) شامه        دونوب       گوندوزوم وای     ننه     وایدی      سوزوم فاطمیه                       اوخشیور سیلی          گویردن       یوزوم قامتیم    غمدن    اولدی   کمان سیلیدن  گوزومده   واردی   قان تیکمیشم       گوزومی      یولارا گل  رضا  گل  رضا  گل رضا (2) دوشدی         شماره        نفس تنگیدی           شیره        قفس سسلییرم                      ائللری یوخدی         جوابیمده     سس تیره   دور     گوزومده     روزگار یانیمده    یوخدی    ایل   و  تبار تیکمیشم       گوزومی      یولارا گل  رضا  گل  رضا  گل رضا (2) حلقه ی       غم        قاشلانوب گوز            بلاغی    جوشلانوب عرش          خداده        بو گون بزم           عزا          باشلانوب دولدوروب   عرشی  آه  و  فغان آغلیور           دمبدم     قدسیان تیکمیشم       گوزومی      یولارا گل  رضا  گل  رضا  گل رضا (2) ** روح اله  رمضانی خاکی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حالات حضرت موسی بن جعفر(ع) زبانحال حضرت امام رضا(ع) باشون اوسته گلدیم مدینه دن یانه یانه زندانه ای بابا رنجه قیل قدم جان وئرنده من سنده گل خراسانه ای بابا **** گلمیشم دل شبده ایستدیم گلماقیمی معصومه بُولمَسون ظلم الیله مسموم اولونماقون دردینی او مظلومه بُولمَسون چوخلی همّ و غمی گوگلده وار بو غمی او مغمومه بُولمَسون بولسه قورخورام غصه مرگ اولا باغری تیز دونه قانه ای بابا اون بیر ایلدی آیریلمیسان بابا خانواده ی دلفگاردن بو مدید مدّتده نه دیوم چکمشوخ نه لر روزگاردن صبح و شامی گوز تیکمیشوخ یولا جانه گلمشوخ انتطاردن درد انتظاریله هیچ کیمی گلمسون گوروم جانه ای بابا سن آتا بالالیق رُسومینی بیر دقیقه یاددان چخاتمادون گلدون اهل بیتون وداعنه قیزلارون ولیکن اویاتمادون یوزلرینی اوپدون سیزیلدادون آه و ناله عرشه اوجاتمادون اولمادون رضا نصف شب گله اهل بیتون افغانه ای بابا وصلوه یتنلر بوباره دن آتش فراقوندا یاندیلار آغلادی بیوکلر حزین حزین خورداجا اوشاقلار اویاندیلار اودلانان اورکلر نئجه دوزر بیله درد هجرانه ای بابا گلمیشم باشون اوسته ایندی من سوز آهیله سینه داغلیام دوندروم یوزون قبلیه طرف گوزلریوی حسرتله باغلیام یوخ سنه بو زنداندا آغلیان من اوزوم دویونجا بیر آغلیام سوزیله بو تاریک محبسی ائیلیم عزا خانه ای بابا وار یری سالا گر جهانه اود داغلى دلده آهیم شراره سی آغلادور ئولنجه بابا منی بوینوین بو زنجیر یاره سی چاره سیز قالان اهل بیتون یوخدی ناله دن اوزگه چاره سی صبح و شامی گوز یاشلاری آخار حسرتیله دامانه ای بابا یاد ایدوب سنون درد غربتون آغلاسام سزادی ئولنجه من لیک وار یری آغلیاخ بو گون سنده منده ای شاه ممتحن جدّیمز حسینه که اولمیوب بیر نفر اونون تک غریب ئولن ایستی قوملار أوسته بدن یارا جان ویره غریبانه ای بابا جان ویرن زمان دوره سین آلوب قتلگهده قوم ستم شعار اللرینده داش نیزه اوخ قلج یاره اوستونه یاره ووردیلار جبرئیل لای لای دیَن بدن قالدى توپراق اوستونده خوار زار اوخشادی او صد پاره پیکری آیه آیه قرآنه ای بابا ایلیوبدی (( صحاف )) چوخ خطا وار خطاسینه بس ندامتی ماسوانی گوزدن آتوب دلى واردی بیزده چشم شفاعتی خدمتینده وار آل حیدره صدقیله اونون استقامتی ایسته قبریوه منده ایسترم ایل به ایل خراسانه ای بابا ** مرحوم صحاف تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💧زبانحال حضرت معصومه(س)💧               هر گجه غَمین آشناسیم گَلدی کاروان گَلمدی بابام آغلیاندا نِی لَر نواسیم گَلدی کاروان گَلمدی بابام اون بیرایلدی قالمیش گوزوم یولا اولدی مونسیم غم مدینه ده گون باتان زمانی همیشه من آغلارام دَمادَم مدینه ده آز قالور آتام فُرقتینده بو قامتیم اولا خَم مدینه ده درد فُرقتین مبتلاسیم گلدی کاروان گلمدی بابام هانسی یردی موسی بن جعفرون ای حَق مِنان ایندی مسکنی بیلمورم هارا گئتدی باغبان ترک ائدوب نَدن صحن گلشنی هر گجه آتالار گَلن زمان گردش فَلک آغلادار منی من اسیر بند جفاسیم گلدی کاروان گلمدی بابام گونده من اَذان وقتی آلمیشام رشته رشته بو زُلفیمی اَله ائتمیشم دعا حَیّ ذوالمَنه بلکه بو سفردن بابام گَله گلمیوب الهی مسافریم اولمیوب دعا مُستجاب هَله بو مَشیَّتین من رضاسیم گلدی کاروان گلمدی بابام 🐪🐪🐪🐪🐪🐪🐪🐪🐪 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️نوحه حال احتضار حضرت موسی بن جعفر (ع) 🎼سبک یخیلوب عباسیم... گل رضا جان تئز گل،چاتوب پیک اجل رسوله مهمانم یوبانما اوغلوم دوداقا جان گلدی آتان باخ دینجلدی الی باشدا اما دولانما اوغلوم دئنن ای وای بابا گله داده زهرا یا زهرا یا زهرا آنا یازهرا بو بلالی باشیم اگر دوشدی درده ولی دیل واللهی گنه شکر ایلر نقدر زنداندا شکنجه من چکدیم دئدیم اما بیر گون گئدر بو گونلر اورگیم صد پاره ،باشا سال سن قاره بالاجا اطفالیم جهاندا نینر ؟؟؟ منه ظلم اولدی چوخ، بو درده درمان یوخ الی قویوندا بس دایانما اوغلوم دئنن ای وای بابا گله داده زهرا یا زهرا یا زهرا آنا یازهرا چکیلوب گویلرده ، ائله بیل که قاره بو نچه ایل عمروم چاتوب پایانه منه عالم آغلار ،یانور دریا داغلار ولی تکیه ایله، علی ایمانه باجیوی تک قویما ، وفا رختین سویما قالار اسلام زنده، قسم قرانه نه یاماندی هجران ، یانور کون و امکان دانیش دردین الان ،اوتانما اوغلوم دئنن ای وای بابا گله داده زهرا یا زهرا یا زهرا آنا یازهرا من موسایه کاظم شکنجه چوخ گوردوم ولی الان گلمیش اجل فریاده ایستیور صبری غم ، آخور اشگیم نم نم گلر وار امیدیم آنام زهراده منه بلبل اغلار ، یانوب سنبل اغلار سیزیلار دیل اغلار ایکی دنیاده اجلیم یول گوزلر ،دونور قانه دیلر گوزومی سن باغلایوبانما اوغلوم دئنن ای وای بابا گله داده زهرا یا زهرا یا زهرا آنا یازهرا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات امام موسی کاظم (ع) (سبک : کاروان رفته منزل به منزل) دویموشام من بو زنداندا جانه رحم ایله سنده بو ناتوانه گوزلریم یولدادی گلسین اوغلوم منتظر قالمیشام اول جوانه گوندر اوغلوم گله سن الهی قالمیوم انتظار من الهی ای آدامسیزلارین یاری الله مظلومون یار و غمخواری الله دویموشام جانیمه بسدی قورتار گورمیوم سِند خونخواری الله گوندر اوغلوم گله سن الهی قالمیوم انتظار من الهی گوز یاشیم دوندی قانه اماندی لطف ایله حالتیم چوخ یاماندی وردی دشمن منه سیلی یا رب طاقتیم گیتدی صبریم تالاندی گوندر اوغلوم گله سن الهی قالمیوم انتظار من الهی چکمیشم من ز بس انتظاری غملریم آغلادور رهگذاری بو سیاه چالیدن قورتار الله منده بیر خوش گوروم روزگاری گوندر اوغلوم گله سن الهی قالمیوم انتظار من الهی خوش اولار گورسم اوغلوم رضانی ایتمرم من داخی چوخ فغانی گلسه آرتار گوزوم نوری یارب تئز منه گوندر اول مه لقانی گوندر اوغلوم گله سن الهی قالمیوم انتظار من الهی کاش معصومه نی بیر گوریدیم اشگ چشمی یوزوندن سیلیدیم بیر دِییدیم اونا آغلاما چوخ گول یوزوندن اونون من اوپردیم گوندر اوغلوم گله سن الهی قالمیوم انتظار من الهی من غریبم منه آغلیان یوخ گوز یاشین عارضه باغلیان یوخ من غریب ئولسم الله بو یرده بیر گلوب سینه سین داغلیان یوخ گوندر اوغلوم گله سن الهی قالمیوم انتظار من الهی بو قرانلقدا من آغلارام چوخ بیر نفر دادیمه هیچ یتن یوخ گه ورار طعنه دشمن بو یرده سوز دیر قلبیمه مثلی بیر اوخ گوندر اوغلوم گله سن الهی قالمیوم انتظار من الهی وار (( خلیل نژادین )) اشتیاقی ایستیور بیر گوره بو عراقی صورتین سورته قبر حسینه اشگیله بیر یووا اول رواقی گوندر اوغلوم گله سن الهی قالمیوم انتظار من الهی ** محمد حسین خلیل نژاد قاضیجهانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

خطاب به امام رضا (ع) از زبان امام موسی کاظم (ع) زهر ائدوب اثر جان وئرور آتان گل اوغول رضا گل اوغول رضا یوخدی جسمیده دادیمه چاتان گل اوغول رضا گل اوغول رضا **** جور و ظلم هارون اولوب سبب بی گُنه بو زنداندا قالموشام محبس ایچره زنجیره باغلیام صولموشام جفادن سارالموشام یوخ داخی وجودیمده طاقتیم ظلملر الیندن قوجالموشام سلسله آلوب جسمده توان گل اوغول رضا گل اوغول رضا طاقتون اگر اولسا سویلرم من غریبه بو سِند نیلدی دهریده ستم پیشه کیمسه نون بیکسیله رفتار بیلَدی بیر جسارت ائتدی او بی حیا جسم زاریمی نیلی ایلدی قدّیمی بوکوب ایلدی کمان گل اوغول رضا گل اوغول رضا منتظر گوزوم یوللارا باخور دیدیمه گلن یوخدی بیر نفر ای صبا یلی شرح حالیمی اهلی بیتیمه وئر گیلن خبر نور دیده مه ، اوغلوما دئنن زهریله یانوب اودلانوب جگر تار اولوب گوزومده داخی جهان گل اوغول رضا گل اوغول رضا دیلده سوزلریم یولدا گوزلریم راضی اولما چوخ انتظار اولام دفن و کفنیمه تئز یتور ئوزون غربت ئولکه ده قویما خوار اولام قیل نمازیمی قبره قوی ئوزون قویما بوردا ایتگین مزار اولام یوخدی باشیم اوستونده آغلیان گل اوغول رضا گل اوغول رضا ای منیم عزیز دیلیم رضا گل غریب آتان جان وئرور بالا بوینومی ائدوب یاره سلسله سلسله یری قان وئرو بالا قعر سِجنیده فصل عمرومه زهر کینه پایان وئرور بالا قورخورام اجل ویرمیه امان گل اوغول رضا گل اوغول رضا یوخدی بیرکسیم جان وئرن زمان باشینی آچوب سینه داغلیا قبلیه طرف دوندره منی گوزلریمی مهریله باغلیا اوخشویا دیه وای غریب ئولن آغلادا احبّانی آغلیا ای فراقی بو زاری آغلادان گل اوغول رضا گل اوغول رضا ای غریب شهر و دیار اولان سجنیده معذّب اولان آقا جور و ظلم اعدای دوندن گول کیمی سارالوب صولان آقا بیر نظر ائیله بو (( کریمی یه )) ای میله قلبی دولان آقا تا سنون دیلونجه ائده بیان گل اوغول رضا گل اوغول رضا ** مرتضی کریمی زنجانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات امام موسی بن جعفر (ع) مدتدی منیم یانیمه بیر کیمسه گلن یوخ احوالیمی بو غربت آرا یاده سالان یوخ یا رب من اوزوم گوشة زندانیده پیرم هارون جفا کاره نه مدتدی اسیرم **** زندان اولا سوز یوخ یاتارام حبسده راحت بیر گوشه ده اوللام گینه مشغول عبادت اما واریدی قلبیده بولمم نه عداوت هر نه دیرم ایلمز اصلاً اونا تأثیر یوخسا من بیچاریه نه کونده و زنجیر زنجیریله بوینوم گوروسن بسته دی یا رب سنگین ایلیوبدور بدنیم خسته دی یا رب بیر کمسه دیمز لر که بو نه اوسته دی یا رب یورقون بدنیله دوزرم بس ندی چاره طاقت گتورر کیم بو قدر رنج و فشاره قورتار منی یا رب بو زمانین ستمیندن قرآنی دانان اهل جفانین ستمیندن هارون جفا کار و دغانین ستمیندن قورتار منی ای بنده نوازیم سنه قربان اوز محضریوه قوی اولوم عازم سنه قربان چوخداندی منیم حالیمی بیر کس خبر آلماز احوالیمی بو غربت آرا یادینه سالماز هئچ گلشن و گل من کیمی دنیاده سارالماز بیر خاره دچار اولموشام الله علاجیم یوخ زندانیده جان ویرسم او نیسگیلدی باجیم یوخ بیر ظلم ایلیوبدور منه بو ظالم بیداد عمرونجه توکر گوز یاشی معصومة ناشاد گوندر اجلون پیکینی ایتسون منی آزاد ایللردی منیم باغریم اولوب قان بو قفسده چوخ ناله ایدوب بلبل خوشخوان بو قفسده بلبل که نوا خواندی اونون شغلی نوا دور عاتدی قفس چون اونا بیر باغ صفا دور اما که منیم دردیمه بیر مرگ دوا دور پیشواز ایدرم مرگی بو قلبیمده رضا دی قلبیم سیخیلور گلدی رضا اوغلومون آدی بو اهل جفا قویمادیلار ظلمیده نقصان قرآن اوخویانلار هامیسی هی دی قان قان عالم بوئی خشک اولمیاجاق شمر توکن قان الله قانیدور حشره علامت قالاجاقدور قان صاحبی وار گلسه قیامت سالاجاقدور قربان اولا جانیم سنه ای سرور والا نوکردور (( امینی )) سنه ائیللر بوئی مولا گلماخلیقا قبرون باشینا قویموری اعدا لطف ائیله صفا ور بو گلستانه اوزون گل ای حامی قرآن بیزیم ایرانه اوزون گل حاج رسول امینیان (امینی خوئی ) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اللهم انی السئلک العفو والعافیه والمعاقات فی الدنیا والآخره: (روضه ی جانسوز حضرت موسی بن جعفرعلیه السلام زبانحال به حضرت زهرا) 🥀🥀🥀 «شب شهادت حضرت موسی بن جعفر آقا اوزوده عجب مکان مقدسده عرض تسیلت دیمگه گلمیشوخ هم آناسی فاطمیه هم بالاسی مهدیه. آلله امام زمان خاطرینه نظرین بو مجلسدن گوتورمسین هامیز الی دولو اولاسیز.» «بیلمیـــرم نه ایشدی اوغول اولا قــیز اولا اهل مجلس آقا اولا خانیم اولا امام اولا هرمقام اولا اورگی داریخاندا چتین لحظه سینده چتین زمانی اولاندا آناسی یادینا دوشــــر» آقا یوزون قویدو زندانین گوشه سینده دیوارا ننه بس گلمیرسن. 🥀🥀🥀 دور بقیدن گل یانا یانا آنا یافاطمه باخ منه باخ بو نگهبانه آنا یافاطمه سند الینده گلمیشم جانه حضوره تز چاغور تا سسی بیردن گلور قلب حزینه غم یاغو من قوجا بیر ناتوان سید اوظالم ال آغیر سن کیمی گوز دولدو القانا ننه یا فاطمه گوزلرون قربانی بو یولدا قالان آغلار گوزوم صبر ائدم دردو مصیباته آنا یوخدور سوزوم ناخوشام پیرم داخی یوخ سیلیـــــــیه منده دوزوم قالموشام بیردا یانایانا آنا یافاطیمه «آی باب الحوایجه دیملی دردی اولانلار آی بو گیجه خانم زهرایه تسلیته گلنلر یوزون دولاندیردی بقیع سمتینه ننه» من ئوزوم باب الحوائج جمله خلقه دستگیر اون بیر ایلدی ئولموشام هارونه محبسده اسیر یر سالیب زنجیرین بوینومدا یری بوشاخه اینجیدیر یوخدی امکان بیرده درمانه آنا یا فاطمه سند قالخیزدی الی ویرسین منی بی واهمه دینـــــــمدیم ویرسین دئــدیم گول صورتیمه لاطیمه سیلی دئسه یاخجی بیللم نه چکیبدی فاطمه اوندا گلمیشدون افغانه آنا یافاطیمه اندیریب ناپاک الیـــن باخمیب دل ناشادیمه آیری بیر نیسگیل ولیکن اوت سالیب اکبادیمه تا منی سیلیله وئردی کوچه دوشدی یادیمه او کــــوچده نلر اولدی فقط حسن بیلدی چاغیــــــردی قونشولاری تز گلین ننم اولدی «امام حسن آقا بیردن باخاندا گوردی ننه ییخیلدی یره گوردو او نامرد اوزاخلاشیر» (آتام حیدره چوخ عزیزدور انام ائله ویرما ظالیم مریضدور آنام بالاسی ئولوب) «آقا آخیر عمرونده یانیر آغلیر کوچچه برنامه سی ذهنینده گئچیر» *الهی خلصنی من سجنی هارون * ایندی من آمادیم گوندر واروندی هر بلا اهل دردم قاشمارام من درد الیندن مطلقا بیر گلایم وار فقط زهرا ننمنن ای خدا ایستیرم عرض ایلیم ای مادر نیکو سیــر محبسیم مطبخ سرایه خولــــیدن کمدی مگر؟ #شهادت_امام_کاظم_علیه_السلام لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شهادت حضرت امام موسی بن جعفر(علیهماالسلام) - قسمت اول *مداح: زنده یاد حاج محمدباقر منصوری 😭😭😭😭🖤🖤☝️☝️

🌹 اَلّلهُمَّـ؏عَجِّل‌لِوَلیِّڪَ الفرج🌹 گلیب بوگون قاپیوا غملر آشناسی آقا توجه ائیله منه گؤزلرین فداسی آقا من ایندی چاره سیزم گلموشم سنون قاپووا علاج ائله منه ای در دلرین دواسی آقا سني قسم وئريرم جديوين سينان دیشینه ترحم ائیله غریبم غریبلر آقاسی آقا هامی بیلیر که سیزین گره گشادی قاپیز محالدی بوش قاییتا قاپیزین گداسی آقا کنیزیوه نظر ائت قسم به حق علی(ع) کنیزیوین چیخیر هرگون گوگلره نواسی آقا نقدر یالواریرام آغلیرام منی نالان کنیزیوین قبول اولمیر هیچ زمان دعاسی آقا ائله سیخیر منی دنیا آزقالیر هلاک ائلییه سیزین الیزده دی هر دردیمین شفاسی آقا ┈┈••✾•✾•✾••┈┈• ✍ شاعر:امینی خوی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

خدایا صفحه ای دیگر از عمرمان ورق خورد روز را در پناهت به شب رساندیم 🌙✨ پروردگارا شب را بر همه عزیزانمان سرشار از آرامش بفـــرما و در پناهت حافظشان باش شبتون در پناه خداوند 🌙 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨