من عباسم حالیمه دل داغلایون منیم من دیمیرم باش یارامی باغلیون منیم راضی ائدون اوغلی ئولن ننمی خنجر سالان قولاریما آغلیون منیم آچ گوزلـرون گلدیـم اخـا- باشیوی اللّردن آلام اطرافیمی دشمن‌آلوب- دور راضی‌اولما تک‌قالام دوشوب قولاّرون بدندن قارداش آرالی قالوب گُل جسمون بو نخلستانـدا یارالی سوسوز سقّا خیمه‌ده یـول گوزلور رقیّه دییـور الله تشنــه‌دی ربــابین مــارالی آی قارداش- جان قارداش- یار قرآن قارداش حسینـون- تک جـانی- سنـه قربان قارداش   از بس که صیّاد اوخ وروب- ام البنین اصلانینه عاجـزدی هـر حاذق طبیب- بو یاره‌لر درمانینه الـی سینسین آنیّـوا اوچ پـر اوخ ورانیـن گوزی چیخسین گوزلریوه قان دولدورانین یورولمازدون قهرمان قارداش هیچ زمان سن ذلیل اولسـون شیـرمی میدانـدا یورانـون آی قارداش ...   دیدی عباس اوشاقلار یولوی گوزلولر بئله یاتما یارالی خیمه سرا ماتمدی عباسین آلدی الینه ممکن اولسا سنی اکبر تک عبایه بوکرم بوعبا عالمیده گورملی بیر عالمدی باخیرام بوداغلان جسمه عبا یر ویرمز نیلیوم آغلامیوم غصه منه همدمدی هیچ یرده گورونمویوب قارداشی ئولنه ال چالالار هیچ یرده گورونمیوب قارداشی ئولنه شمادت الیلر آقا اله آغلور دوره ده دشمنلر ال چالولار ابوالفضل بوقوشون شمادت ائدور منه باشین اوسته چوخ اوتورانمورام سونوله باشه ورامرام گلوشوله آغلایا بولمورم قاباقمدا دشمنیم ال چالورولی من ایاقه دورانمرام اوقدر دل دیدی گتیدی غرض عباسی دیله دیدی شاها بو باشمدی بودا سینه مدی باش پارچالانوب سینه ده اوخلار ایلشوب ابوالفضل سوزون نمنه دی اوقدر دل دیدی گتیدی غرض عباسی دیله دیدی شاها بو باشمدی بودا سینه مدی سنی زهرا الیوی قوی بو داغلمیش باشما صورا بیر آیری سوزوم وار که غم اعظمدی بئله باخدی ابوالفضل سوزون ندی آند ویرم ننوون سیلی گوردن یوزدنه منی اخیامه آپارما آخی بالالارینان شرمندیم رقیوه سوقولی ویرمیشدیم ربابه سوقولی ویرمیشدیم بوخیامه قتلگاهیدن قانیلا آرخ آچام گرک وفا آغاجلارین گرک کنارینه ساچام گرک قیامتین گونونده ده رقیه دن قاچام گرک https://eitaa.com/Hazrate_Abalfazll

حالات یتیم یتیم اوشاق گله آه وفغانه قویمازلار دوتاندا آه و فغانه بهانه قویمازلار دولاندا قلبی گوزون دولدوراندا حسرتیله اوجالدا ناله سینی آسمانه قویمازلار سیلَلَّه گوزیاشینی باشینه چکللر ال سرشکینی یوزه ائتسون روانه قویمازلار یتیم آغلاسا عرش خدا تزلزل ائدر یتیم گلسه اگر الامانه قویمازلار فرحلَنَر بیری گر خوش دیلیله دیندیرسه بسان غنچه دونه قلبی قانه قویمازلار کباب ائدر آناسین نسگلی یتیم اوشاقین چون احترام اونا اهل زمانه قویمازلار لباسی کهنه اولار وضع حالی پژمرده گئده سیاحته گر گلستانه قویمازلار یتیم آدی ائشیدنده اؤرک دؤنور قانه ولیک آغلاماقا عاشقانه قویمازلار معاینه گورورم اهل بیت دؤرین آلوب سیزیلدیا گله آه و فغانه قویمازلار دیله دوتالّا مبادا بابا آدین گتوره گتورماقا بابا آدین زبانه قویمازلار #حسینی پاک اول ئوزون سال بو آستانه دخیل که مجرمی بو گوزل آستانه قویمازلار https://eitaa.com/Hazrate_Abalfazll

بی وفایی دنیا ای دل ندور بهانه بئله بی قرارسن دنیادن اوتری بیر بئله بی اختیارسن بیجا یره ئوزون وروسان آب و آتشه دائم اسیر دامن گرد و غبارسن بیر گون گلوب سنیده قوجاقه آلار اجل سنده گدنلرون کیمی بی اعتبارسن دنیا وفا نه شاهه ایدوب نه گدالره باقی فقط خدادی عبس انتظارسن اوچ گونن اوتری باغلا ما بئل دار فانیه دنیا طناب داریدی محکوم دارسن بیر گون سنی مزاره قویار اقربالرون ناز ایلمه که صاحب ایل و تبارسن اوچ گون سنه عزا دوتاجاخ ایستینلرون دوردومجی گون غریبه شهر و دیارسن ایل و تبار و شهرت و ثروت بهانه دور اعمال خیرون اولسا یقین رستگارسن قورخوم بودور که خیر عملون کم گله اوگون اعمالون اولماسا هدف مور و مارسن https://eitaa.com/Hazrate_Abalfazll

✅ الّلهُمَ ارحَمنا اِذا عرق الجبین منه یا رب ترحم قیل   ئولنده                                                                 اجل پیکی باشیم اوسته   گلنده                                                                                 اودم کی زندگیمون باغی سولدی                                                                           قوتاردی  عمر  گیتمک   وقتی اولدی                                                                                 عجین اولدی سویوق تَرنن    جبینیم                                                                              اوجالدی ناله  و داد و  انینیم                                                                                   او دم مایوس اولار  مندن    طبیبیم                                                                           منه  آغلار  هامی یارو     حبیبیم                                                                                        یانار نارفراقه قلب ریشیم                                                                     وداع  ایلر  منیلن قوم و   خویشیم                                                                          کفنه جسم رنجوریم  بوکللر                                                                                 قویوب قبره صورا تپراق   توکللر                                                                             بیری اولماز کمک بو بیقراره                                                                             قویاللار صاق یوزی خاک  مزاره          او وقته رحم ایله ای قادر  الله                                                                        کی سنسن اوّل وهم آخر الله                                                                                  اودم کی آشنادن ال ئوزولدی                                                                                    مزاریم اوستنه داشلار  دوزولدی                                                                                   قرانلوق یرده ساللام   شور و شینی                                                                       چاغیرام دادیمه مظلوم    حسینی                                                                              آقا امدادایله بیر یارو کس و یوخ                                                                              منه سندن صورا بیر دادرس یوخ                                                                               الیمدن دوت آقا زار وغمینم                                                                             قرانلق یرده بی یارو معینم                                                                                 اگر چه خادم  دربار     شاهم                                                                               ولیکن غرق دریای گناهم                                                                                      منه  یوخ چاره ی دیگر حسین جان                                                                                کی سنسن  شافع محشر حسین جان       #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ارزش حسینیان وقتی که از دنیا میرن کیم دیلده حسین آدین ایدوب اَزبَر آپاردی قبره الی بوش گیتمدی بیر گوهر آپاردی تپراقدا خیانت ایلمز عشق حسینه قبر ایچره بولر گوهر جان پرور آپاردی چوخ گورمشوخ عالمده ئولن وقته حسین‌چی قبره نه جلالیله اونی اِللّر آپاردی گیت مجلس ترحیمینه باخ جاه و جلاله گور عشقیدی یا مسئله دیگر آپاردی بو عشق قمارینده بلی هیچ کیم اوتوزماز اوّل اوتوزندا گوروسن آخر آپاردی هر کیم کی جوان عمرینی بو یولدا اوتوزدی آخر بله گوردوک آقادان نوکر آپاردی هر کیم کی بو درگهده قوجالدوقجا اوجالدی باشی آغاران رتبه‌ی والاتر آپاردی چوخ آغ گونه چخدی قره تپراقلارون آلتدا هر کس قره دسمالیلن اشک تر، آپاردی فکر ایلمه‌سن آغلادون اشگون هدر اولدی زر قدرینی از بس تانیدی زرگر آپاردی سن گورموسن امّا دولانور شیشه‌‌سی الده گوز یاشلارینی فاطمه‌ی اطهر آپاردی (بیر امام حسینچینین مجلس ترحیمیدی هریانان گلوبلر دده سی ئولن بالالارا عزیزی ئولنلره تسلیت دیلر الان نچه گوندی بو دده بالالارینان آیرلوب ، حتما بو نچه گونده بالالارینون گوزی چاتاشور دده نین او بوش یرینه ) چشمه منیم چای منیم ای..... اولدوز منیم آی منیم ای....... والله سن ئولن گوندن ذکریم اولوب وای منیم ای..... (دده نین ایکی دنه اورینده آرزوسی اولاراولین آرزوسی اولار اولین آرزوسی بایرام گونلری آرزوسی اولار الله منیم بالالاریم گله کناریمه ایکیمجی آرزوسی ده بو اولار الله من ئوز ائلیمین چینینده گیدم قبره الله هیچ ایوی دده سیز المسین والله دده سیز ایوین ارزشی اولماز ایستریم اوریزی بیر دولاندرام کربلایه بئله دیرم خانواده معزا هر یانان گلوبلر سیزلره تسلیت دیه لر آخی پیغمبرین فرمایشیدی بویوروب گدین دده سی ئولنلره تسلیت دیون دییرم آرزوزا یتیشدوز بو باره دن که هامی گلدی سیزلره تسلیت ددیلر شرمنده اولمادوز اما بیر اوغولدان خبریم وارکربلاده زینب دیر روز عاشورا گونی گوردوم امام سجادآقا الین قویوب اورینون باشینا اله یانایانا آغلورگلدیم یاخنا اوغول سجاد سن بئله آغلیاندا من بو اوغلی ئولن ننه لری قارداشی ئولن باجیلاری آتاسی ئولن بالالاری نجه آرام الیوم دیدی عمه بیر قتلگاهه باخ گور قتلگاهیده نخبر وار) یارالینی سوینازلار ای..... سویوب یرده قویمازلار ای..... یارالی ئولسه مگر اونی قبره قویمازلار ای..... (هامی گلیب خانواده معزایه تسلیت دیلر اما هیچ یاندا گورونمویوب قارداشی ئولنده دل یاراسی ورالار هیچ یاندا گورونمویوب دده سی ئولنه شمادت الیلر زینب بیر باخدی اویارالی جنازیه ) یوخ سوزوم هر باجینون قارداشی دعواده ئولر رسمیدور خوش دیلیلن تسلیت اما ویره لر کیم گوروب باجینی قارداش باشی اوسته دویلر https://eitaa.com/Hazrate_Abalfazll

بولمزدیم آتا گون کیمی آخشام باتاجاخسان بولمزدیم آتا عالمی گوزدن آتاجاخسان بولمزدیم آتا قبریده منسیز یاجاجاخسان کیم دوزر منده دوزم بیر بئله هجرانه آتا دیون بو مجلسه بیر گوزلری دولان گلسون الین قویوب بئلینه آرخاسیز قالان گلسون اگر بو مجلس آرا قارداشی ئولن اولسا دیون حسین کیمی عباسه بیر آغلیان گلسون (قارداشین او یامان لحظه لرینده قارداشی یادینه دوشر الله گورستمسین قارداشین او چتین لحظه لرینده قارداش چاغرار قارداش، الله هیچ قارداشین گوزلرین یولدا قویماسین قارداشین او جان ویرن ساعت گوررسن اله گوزی باخور قاپیا الله قارداشین گله آخرین لحظه الرین سالار قارداش بوینونا اما سیدالشهدا گلدی ابوالفضلین باشی اوسته اله یانایانا دییر عباس) دیمیرم بو تلین اوستون منیله دوروب آشیدوخ دیمیرم سو مشکی الده خیمیه یاخنلاشیدوخ نه دییرم ابوالفضل؟ دییرم قولون اولیدی بیرده بیر قوجاخلاشیدوخ https://eitaa.com/Hazrate_Abalfazll

احوالات غارت خیام نجه قوشون یواسون تارمار ائدر صیاد دوشر یره بالاجا قوشلار ایلیر فریاد اوقوشلارین آناسی ایلیر هواده تلاش اوچار گویه بالار اوستونه انر بیر باش ورار داشا آغاجا خول بوداقه شهپرینی انر هراسیله چنقالینه ورار بیرینی او بچه مرغیلری دام ظلمیدن قوتارار ئوزون ویرر ئولومه بیر به بیر دوتوب آپارار اونون تک ایتدیله سوزان حسین خانه سینی داغتدلار بالا قیزلارون آشیانه سینی اگرچه دوتدی دومان توسی زینبین گوزونی گینه اوحالدا اوخاتون ایتیرمدی ئوزونی ئوزونی قمچیلر آتدا هلاکته سالدی آچوب قنادین او قوش تک داغا داشا چالدی آتان زمانیده صیاد اونا جفا داشینی خانم قباقه ویرردی قولونی یا باشینی آچانمادیم سوزی گزدیم اشاره اوستونده دویولدی تازه گلین گوشواره اوستونده ائدردی ئوز عجلین غم کشیده لر احساس یارالانان دویولن سسلنردی یا عباس (دییردچار اولدی هر قیز که قمچیلره دیدی یاابوالفضل اوتوردی یره عمو گوزلرینن ایراق اولسون ) ائدردی ئوز عجلین غم کشیده لر احساس یارالانان دویولن سسلنردی یا عباس سویولان عترته دل داغلیاندا زینبیدی بو های وهوده یارا باغلیاندا زینبیدی آرادا چوخ دویولنده یاناندا زینبیدی گوروبدی یدی دلاور ایشین خانم زینب شهاب شعله سی خوشدور دیدی صحابه دیه ائدیبدی قولارینی تازیانه لر سپری بو تازیانه دیدی قویمارام ربابه دیه اوت ایچره گوهر عشق آختاراندا زینبیدی (راوی دییر گوردوم بیر اوجابویلی خانم دامنین جمع اله دی ئوزون وروردی اویانار خیمیه اولده دیدی یا جدا یا رسول الله ایکیمجی دفعه دیدی یا ولی الله بابا یاعلی اوچومونجی دفعه ئوزون کی وردی خیمیه اوجادان دیدی یاندیم ننه) https://eitaa.com/Hazrate_Abalfazll