سبک نوحه فوق☝️☝️

‍ نوحه ی خروج از شام سبک # ای قمچیلر آلتیندا دلدن دوشنیم لای لای ای قارداشیمون نازلی دلداری     خدا حافظ ای عمه سینین  غملی غمخواری خدا حافظ یولاّندی    کاروان   کرب وبلایه گلموشم هجرونده نی تک نوایه دور ای باشینا هرگون مین قمچی دگن یاتما چوللرده    مغیلان لار  ایاقین    ئوپن   یاتما بیر یارلی قوش مثلی جان اوسته اسن یاتما قالسون اولاجاق جاندا غم  جاری   خداحافظ نه بیر دانیشوب دیندون نه  دهریده  بیر گولدون تیر     غمیله    هر  گون  بو  قلبیمی سن   بولدون عالم   سنه   قان   آغلار ویرانه  ده    آج  ئولدون ای    غصه  لرین   غملی آثاری          خداحافظ آز  عمریده  چوخ اولدی دردون سنون ای جیران قلبونده    کی   هجرانه دلخسته  بیبون   قربان یاره  لرووه        نیلوم اولمادی  قیزیم  درمان تاراج   اولونان   باغ و گلزاری        خداحافظ شاماتیده     پر بسته زهرالری      آغلاتدون ویرانه ده جان وئردون دنیالری       آغلاتدون ئوز  حالووه  آخر   دم اعدالری      آغلاتدون محنتده  اسیر ائتدون احراری     خدا حافظ شاعر ✍لاادری ✨اَللّهُمَّ عَجِّل لِوَلیِّکَ الفَرَج✨

نوحه برای زائران اربعین با پای پیاده گلمیشم   پای  پیاده   یاحسین   دیداروه سن ننون زهرا جانی لطف ایله بو زواریوه قبریون قربانیم*******کربلا مهمانیم گلمیشم قبرین کنارینده دوینجا آغلیام قتلگاه یوز قویوب بو سینمی من داغلیام باشیمه قاره گرکدی بو عزاده باغلیام دردمندم باخ اوزون بو خسته دل بیماریوه قبریون قربانیم*******کربلا مهمانیم اربعین زواریم دردیم دواسی سنده دی عمرون زهرا جانی ذوق وصفاسی سنده دی بو گلن زائرلرین لطف و عطاسی سنده دی جان فدا اولسون سنین مولا گوزل درباریوه قبریون قربانیم********کربلا مهمانیم قومادون حری قاپوندان چیخدین استقبالینه قول قانادی سینمشیدی چک ال سن بالینه پر ویریب قوندی بهشته خوش اونون اقبالینه قوشدون آخر حری سن جاندان گیچن انصاریوه قبریون قربانیم ****کربلا مهمانیم گل منی حره باغیشلا گر چه عاصی بنده یم چوخ گناهیم واردی سندن یاحسین شرمنده یم من سنون عشقینله مولا بو جهاندا زنده یم نا امید ایتمه منی من نوکرم سرداریوه قبریون قربانیم **کربلا مهمانیم باخسا گر عباس آقا عالملره ناز ایلرم قوش مثالی پر ویریب گوگلرده پرواز ایلرم قاتسا دوز اشعاریمه سو صحبتین باز ایلرم ایلرم بو جانیمی قربان سوسوز دلداریوه قبریون قربانیم ****کربلا مهمانیم ای قلم سو صحبتین سالما اورکلر قان اولار هم رباب آغلار هم اصفرگوزلری گریان اولار نهر علقمدن آخان سو موج لو طوفان اولار سسلنر عباس احسن مرحبا ایثاریوه قبریون قربانیم ***کربلامهمانیم ای اولان مشکل گشای اهل عالم اللری ناامید  ایتمه  امیدیله  گلن  زائرلری یازدی بو اشعاری آغلار گوزلریله تا که بلبللر نوا سالسین گوزل گلزاریوه (ماه پری)

‍ ‍ اربعین سبک اصغریم ای شیرین زبانیم زبانحال حضرت زینب (س) ------------------------------------- یاتما دور ای مه مدینه زینبم باخ بودل غمینه قانلی پیراهنون الیمده دورحسین گلدیم اربعینه گلمیشم شیونه دوگی گوینگوی اصغری وئرمنه دو گی گوینگوی حسینجانم حسینجانم ------------------------------------ من بو گلشندن آیرلاندا وادی غمدن آیرلاندا فرصتیم اولمادی یاراوی باغلیام سندن آیرلاندا بولسن گوزلریمده گوندوزگجدی ده منه سینوین یاراسی نجه دی ------------------------------------- گورمیشم قانیوه باتاندا یارالار باش باشا چاتاندا یارالی بس نجه دوزبسن سینون اوستنده آت چاپاندا نه اولوب پیگریوه بولدیم یارالی قتلگهده ئولوب دیریلدیم یارالی ---------------------------------- دور بو آل ترابی دیندیر دور بو قلبی کبابی دیندیر گویلون آل هرکیمین آلورسان اوّل اما ربابی دیندیر آغلوری اونا دلبریندن وئر خبر اصغرین یاره حنجریندن وئرخبر ---------------------------------- الاحقر عبداللهی ✍

سبک بالا ======👆

‍ ‍ #روضه_باسبک بسم الله الرحمن الرحیم یا رحمن ویارحیم صل الله وعلیک یا مولایه یا اباعبدالله والارواحی التی حلت بفائک السلام الاحسین والی علی ابن الحسین والی اولادی الحسین والی اصحابالحسین اربعین یعنی تجلای عزای اولیا اربعین یعنی چهل روز اروزی کربلا اربعین یعنی علم در دشت پهناور زدن اربعین یعنی به قربانگاه جانان سر زدن خانم گلدی قارداش قبرینه نیچه قدم قالاندا اوقهرمان زینب خانم ایلشدی یره گوزونون قاباقیندا واقعه کربلا مجسم اولدی بیر باخدی گوداله بیر باخدی تله من بو یرده اشکمی غمدن قانا دوندرمیشم تارزلفیمدن بورا فرش مصیبت سرمیشم بوردا قارداش سینه سیندن آخ دیوب اوخ درمیشم حسین سنه باجون قربان آی قارداش  ۲ گوردیلر زینب گلدی فراتین کنارینه خانم بیر کاسه سو دولدوردی قویدی حسینون قبرینه حسین ایشیقلی گون منه سندن صوراقرا گیجه دی باجون اولسون حسین دی گورم یارالارون نیجه دی باجی قارداش قبرینه گیدنده تاج گل اپارار ترمه شال آپارار اما خانم الین آپاردی اورگینون باشیندا ن بیر اوخلی گوینک سردی قارداش قبرینه باجون سنه قربان حسین ویرانسرا ده فرش عزا سالمیشام حسین قمچی گوروب گوینگون اللردن آلمیشام یارالی قارداش۲ گور نیچه اوغلی اولن ننه گتورمیشم نیچه قارداش سیز باجی گتورمیشم خانم بیر باخدی خیملره بیر باخدی قتلگاهه بیر تله دیدی حسین بو خیمه لردن ایریلاندا منه بیر امانت تاپشیردون قارداش خیمده ایریلاندا رقیه گلدی سن ات اوسته پای پیاده من نقدر قاچیم یتوروم بابا سنی عمه مین جانی بیر دایان باشوه گلیم دولانیم بابا ایلشدون بالانی آرام ایلدون دیدی بابا منی کیمه تاپشوروب گیدوسن اشاره ایلدون زینب بالامی سنه تاپشیر دیم گوزون آچ قارداش۲ اما حسین خجالتم قارداش بو سن بو مزارون بو خسته قیزلارون اما حرملرون کیمی منده سلامتی قارداش ولی رقیه بالا ندان خجالتم آی قارداش حسین بالون قالدی خرابده اونوندا سن کیمی قالدی جنازه سی یرده کفن تاپیلماد ی بالاما گلدی خاطریم درده   حسین اولدی بالام اولدی بالام گل کیمی ویرانده  گون گورمه دی اولدی بالام تیر اهیلن ئوزی ئوز سینه سین بولدی بالام بیر ئوپوش گوتدی دوداقیدن سنون اولدی بالام یارالی بالا یارالی بالا لای لای بالام ای،،، #مداحی استاد طالبی

اربعین سالار شهیدان (ای منیم همدمیم اصغر) گلدی زینب سنه مهمان پیشواز ایله حسین جان عشقیوین بیماری ام من اربعین زوّاری ام من شُکر اولا ذاتِ خدایه شامل اولموشام عَطایه گلمیشم کرب و بلایه قیزلارون گَتدیم حسین جان سنی دینجَتدیم حسین جان بوکولوب قدّیم حسین جان آپاراندا بیزی اوباش جان ویریدیم او گون ایکاش کیم قازوب قبریوی قارداش عاقله بَسدی اشاره دردیمه یوخدی شماره چوخونا اولمادی چاره دوزموشم دوزدی بلایه سنه ایتمَرم گلایه گینه سال باشیمه سایه کوفه و شامی دولاندیم خُم مُحنتده بویاندیم هر نه غم گَلدی دایاندیم خسته جان ویردی رقیّه ن گوردون اَل چَکمدی سندن او گیدندن یانیرام من (بیکَسم) گوزومده وار یاش فاش ایدور دردیمی قارداش کربلاده ئولم ایکاش #عرض_ارادت #اربعین #شوق_زیارت التماس دعای فرج الاحقر مهدی عبادی

‍ روضه اربعین کوفیه گیرنده قطاریمیز / حالیمه منیم داغ داش آغلادی یادیمه گچن گونلریم دوشوب/ اولدی کیم منه یولداش آغلادی ناقه ده هرای چکدیم آغلادم/ نیزه ده یارالی باش آغلادی (حسین هیچ یادمنان چخمور قارداش ) باشیوی کسن وقته اشقیا / دوشدوقون یری گلدیم آختارام غیرتیم قبول ایتمدی حسین / باشیمی آچوب شمره یالوارام (حسین اله اوگونن بئله اولموشام با) زینبم غمینده قوجالمشام قرخ گونون فراقی اولوب منیم / غم گلیب حسینیم غم اوستونه گلدین ایندی شش گوشه قبریوین / نصب ائدم قرا پرچم اوستونه ای منیم امیدیم نه یاتمسان؟ / دور الیوی قوی سینم اوستونه زینب ایستردی ئوز عشقین عالمه اعلان ویره اول قدر قالموردی قارداش قبری اوسته جان ویره (هامی بئله باخور ام کلثوم یریدی قاباقا باجی بسدی قربان اولوم سنه فقط بو آرام اله دی خانمی یوخسا دورمازدی اوقبریدن) باجی دور گداخ قبر علمدار اوسته سینه داغلیاخ

صحرا صحرا دویده ام... ########## پای     پیاده     گلموشم دیلده    وار  شور  حسین دل خسته چون مسافرم قلبیمده     نور    حسین قلبیم سنوب شکسته ام منی سن دیندور حسین غملر     الیندن خسته ام منی سن دیندور حسین «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴) ####### چولری چوخ   دولانمیشام دور       قوجالان   باجیوام مقتلینده   سنون  حسین باشون      یولان   باجیوام قانه.  دونوبدی   گوزیاشیم زولیم        داخی    آقاروب کوفه و.   شامی.   گزمیشم دور      زینبون    قوجالوب «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴) ####### گیتدیم قول باغلی شامه من سالدیم     تخدن       یزیدی کاخینده.   سینه.     داغلادیم رسوا         ایتدیم.     پلیدی آنام         توخیان.  کوینگی گیتدیم. من. آلدیم. حسین ویر. میر دیله . اونی   منه آغلیوب.      آلدیم.  حسین «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴) ####### رقیه       قالدی.   گلمدی واردور.   قلبیمده   سوزوم  قالدی       خرابده  قیزون دفن    ایلدیم  من  دوزوم  حتی.   تاپیلمادی.     کفن حسیره    بوکدوم.    اوزوم غربتده جان ویروب  بالام آغلار       فراقه       گوزوم «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴) ####### بش    یاشیمدان   عزالیم مصیب   تیلدی.    باشیم بیر     گونده.    کربوبلاده اولوب     یدی  قارداشین باشین    دالیجا   یا   اخا شامه      گیدیم    قیدیم دشمن  لریوی.    شامیده    رسوا     ایتدیم   قیدیم  «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴) ####### دگدی چوخ یاره یا حسین یولاردا.    بو          باشیما دشمنین  رحمی    گلمدی بو    آخان     گوز یاشیما عشقون. منی گنه چکوب گلدیم     مزاره    حسین  یغدیم.  باشیمه.  قیزلاریم گلدیم     دیداره  حسین  «کر» من   زینبیوم    یارالی     من یارالی سن یارالی گل گویلومی آل یارالی من یارالی سن یارالی قارداش حسین (۴)

‍ اربعین حسینی زبانحال حضرت زینب کبری(س) ** حسین گل ئوزون پیشوازه گیدوبسن عجب خواب نازه واریمدی سنه حرف تازه حسین جان (۲) سندن صورا زینبون دوشدی دردوبلایه سندن صورا قیزلارون گلدی شورونوایه سندن صورا گئچدی باشلار حسین جان جدایه ایوای یارالی،یارالی ،یارالی،یارالی(3) *** بیزه کوفده ال چالوبلار منی مین بلایه سالوبلار اخا دل یاراسی ویروبلار حسین جان(۲) قانلی باشون نیزه اوستونده قرآن اوخوردی قرآن اوخویان باشوا عدو داش آتوردی گوردوم باشوندان حسین تازه دن قان آخوردی ایوای یارالی، یارالی،یارالی، یارالی(3) **** گلایه واریم اهرمندن آیردی بالالاری مندن اوزاق دوشدوم اهل حرمدن حسین جان (2) اولماز اوشاقین بیله ظلمه تاب توانی آغلاتدی یوللاردا دشمن رقیه بالامی قول باغلی قارداش دولاندیردی کوفیله شامی ایوای یارالی،یارالی،یارالی،یارالی(3) *** سوروشما سه ساله آنوندان سوروشما رقیه بالوندان سوروشما خرابه شامدان حسین جان (2) چیخماز رقیه بالامین غمی هیچ یادیمدان جان ویردی ویرانسراده رقیم آجیندان اولدوم خجالت رقیه بالوندان حسین جان ایوای یارالی ،یارالی،یارالی،یارالی(3) *** دیوم شامین هانسی بلاسین نجه نقل ایدوم ماجراسین مصیبت گوروب آل یاسین حسین جان (2) شام اهلی چیخموشدیلار شامیده پشت بامه بیرظلم ایدوبلر یتوب صدمه راس امامه اودسالدی شام اهلی اودلاندی باشدا عمامه ایوای یارالی،یارالی،یارالی،یارالی(3) ***** دیوم یاحسین هانسی غمدن رقیمدن اهل حرمدن ویا کهنه بیرپیرهندن حسین جان (2) پرچم نصرمن الهی شام ایچره ویردیم کوفیله شاماته قارداش نجه لرزه سالدیم ویرموردیلر کوینگون  باری آغلیوب آلدیم ایوای یارالی،یارالی،یارالی،یارالی(3) **** باشون شمر الیندیدی گوردوم باشون نوک نیدیدی گوردوم باشون طشت زردیدی گوردوم حسین جان(2) منزل اولوب شامیده اهل بیته خرابه شمرلعین دوردی کینیله اوردا عناده جبریله قارداش بیزی چکدی بزم شرابه ایوای یارالی،یارالی،یارالی،یارالی(3) ** حسین کربلانون صفاسی بوشش گوشه قبرون بناسی اخا چوخ گوزلدی نماسی حسین جان(2) شش گوشه قبرون حسینجان من آغوشه آلام اولسا علاجیم بوقبرون کنارینده قالام دوشسم اوزاق کربلادن سولوب من سارالام ایوای یارالی،یارالی،یارالی،یارالی(3) اشعارکربلایی ایوب روزبه بخشایش

زبانحال حضرت زینب کبری (س) به امام حسین (ع) در اربعین حسینی  ای فاطمه نین قلبینون آرامی حسینیم ترمیم ایلین پایه ی اسلامی حسینیم زینب بو گوزل قبریوی مین جنّته ویرمز دنیاده قالان عمرینی بو ساعته ویرمز قبروندی بو یا اینکه گلستان وفادی قبر اولسادا گلشن کیمی پرذوق و صفادی هر درده بو قبرین توزی عالمده شِفادی بیجا دگی قبرون بو قدر کامه چاتوبدی بو قبریده زهرا آنامین روحی یاتوبدی بو قبری طواف ایلین ایلر عمل خیر عادی نظریله باخانا قبریدی لاغیر من تک باخانین فکری درست ایلسه گر فکر بو قبر گورر اوندا نجه عطر فشاندور واللهی دیر قبر دگول باغ جناندور بو قبریوی کیم گورمسه بولمز که نلر وار بو قبر حریمینده دعالرده اثر وار بو تربت پاکونده منه کُحل بصر وار 📘حاج مجید امینی تبریزی

🌴جاماندگان کربلا یا حسین بدرقه ائتدیم هامی یولداشلاریمی یولا سالدیم گله پابوسووه قارداشلاریمی قسمت اولمادی گلوب عرض ارادت ائلییم یوللادیم تحفه گؤزل قبرووه گؤزیاشلاریمی.....

عرض ادب و ارزوی زیارت خدمت سالار شهیدان (من ایرانم و تو عراقی) \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// باشدا وار شوقِ ،طوافِ نِینوا دردِ عشقه گَل ،کَرَمله قیل دوا بیرده یاز مولا،پیاده کربلا عزیزِ زهرا قلبیمیز دوتدی ، سُراغیوی حسین باشه ویر آخر ، فَراقیوی حسین گویلوم ایستیری ، رَواقیوی حسین عزیزِ زهرا \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// عشقیوین دیلدن ، اَسیرییَم حسین بَزم‌ِ عشقیوین ،حَقیرییَم حسین بابِ اِحسانین ،فَقیرییَم حسین گدایه بیر باخ هر کیم اوز عشقین ،سنه نشان ویرر قلبینه عشقون، ایله توان ویرر هر ئولی جسمه ، دوباره جان ویرر گدایه بیر باخ \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// گول آدون قلبه ،صفا ویرر حسین جانه عشقوندی ،جَلا ویرر حسین هر نه درد اولسا ،شِفا ویرر حسین یارالی ارباب عزّتِ عالَم ، بو آسِتانه ده نوکر اولدوم من ،سنه زمانه ده عمرومون دادی (مَزه) ، بو بیر ترانه ده یارالی ارباب \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// من آقا سَنسیز ،جهاندا (بیکَسم) بَسدی کی آدون ،ئولونجه سَسله سَم وای اگر قبرون ،دوباره گورمه سَم دوزَنمرم من یولداکی موک،دوشوبدی یادیمه روضه ی هر شب، دوشوبدی یادیمه او سوسوز لَبلر ،دوشوبدی یادیمه دوزَنمرم من \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداخدا// \\من اوزاخدا سن اوزاخدا// \\آیریلیق ابری یاغیر بو توپراقا// \\دای منه هئچ یئر حرم دییر آقا// \\آند ایچیم قوی من او قانلی قونداقا// \\اؤلؤرم آقا// \\کربلاسیز من نه ائیلرم حسین// \\گور نجه قلبیم ائدیب ورم حسین// \\قیل اوزون حتما بو ایل کرم حسین// \\اؤلؤرم آقا// \\من ایراندایام سن عراقدا// \\من اوزاخدا سن اوزاخدا// \\توان قالمیب بو قوناخدا// \\من اوزاخدا سن اوزاخدا// \\آی گوزل سلطان داریخمیشام سنه// \\قبریوه قربان داریخمیشام سنه// \\قالمیشام حیران داریخمیشان سنه// \\آرام جانیم// \\رحم ائله جانا بو غملی حالیمه// \\باخ اوزون بیردن جماله زردیمه// \\کربلا والله دوادی دردیمه// \\آرام جانیم// \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// \\آیریلیق ابری یاغیر بو توپراقا// \\دای من هئچ یئر حرم دییر آقا// \\آند ایچیم قوی من او قانلی قونداقا// \\اؤلؤرم آقا// \\کربلاسیز من نه ائیلرم حسین// \\گور نجه قلبیم ائدیب ورم حسین// \\قیل اوزون حتما بو ایل کرم حسین// \\اؤلؤرم آقا// \

۞﷽۞عرض ارادت به امام زمان(عج) 🎵درآهنگ؛ باشدان هله سو فکرین آت... ای دردلریمون درمـانی وی غملریموین پایـانی قویما گوزومی یولاردا گل گوزلرووون قربانی گل هارداسان زهرا بالاسـی سنسن منیم دردیم دواسی ((یاابن‌الحسن*یاابن‌الحسن ای شــمــع شبستانیم گل وی جانـیـمـه جانانیم گل آز چولری گز گوز یاشلـی اول بیر گجه مهمانیم گل تیز گل گلن یولاره قــربــان آیدان گوزل رخساره قـربان آی سن کیمی تابان اولماز گـــون بیله فروزان اولماز تک بیر باخیشون قیمتـده مین یــوسف کنعان اولماز تیز گل گلن یولاره قـــربـان آیدان گوزل رخساره قربان هجرینده اولوب دیل یاره گل ایله بـــــــو درده چاره لـطـفـیـلـه نــقـابــون مولا چک یـوزدن ئوزون کناره تیز گل گلن یولاره قــــربان آیدان گوزل رخساره قربان ای گوزلریمون ضیاسی جان گوزلریوین فداسی گوزلور یولووی فاطمه گل یرده قالیب دماسی تیز گل گلن یولاره قــــربان آیدان گوزل رخساره قربان هر صـبـح و مـسـا آغـلاردی داغلی سینه‌سین داغـلاردی چوخ وقت گجه‌لر یاره‌سین گیزلینجه آچـیـب باغلاردی تیزگل گلن یولاره قـــــربان آیدان گوزل رخساره قربان قلبین غــم و مـحـنــت آلدی اوت خرمن صــبـــره سالدی گُل تک سارالوب تیز سولدی گَل صاحـبـی یـالـقـیـز قالدی تیزگل گلن یولاره قـــــربان آیدان گوزل رخساره قربان نصف شب علی دلدارین غـسـل ایلدی غمگسارین یـئـتـدی نـفـریـله گیزلین دفـن ائتدی یارالی یارین تیز گل گلن یولاره قــــربان آیدان گوزل رخساره قربان یـازمــا داخـی دایان(عاجز) بو محنته چـوخ یان(عاجز) زهــــرا بالاسین سن سـسله امـــدادیــوه هــر آن(عاجز) تیز گل گلن یولاره قربان آیدان گوزل رخساره قربان ❇️التماس دعا 📝علی جعفری(عاجز تبریزی) ❣ الّلهُــــــمَّ عَجِّــــــلْ لِوَلِیِّکَــــــ الْفَـــــــــرَجْ ❣

‍ ‍ اربعین سبک اصغریم ای شیرین زبانیم زبانحال حضرت زینب (س) ------------------------------------- یاتما دور ای مه مدینه زینبم باخ بودل غمینه قانلی پیراهنون الیمده دورحسین گلدیم اربعینه گلمیشم شیونه دوگی گوینگوی اصغری وئرمنه دو گی گوینگوی حسینجانم حسینجانم ------------------------------------ من بو گلشندن آیرلاندا وادی غمدن آیرلاندا فرصتیم اولمادی یاراوی باغلیام سندن آیرلاندا بولسن گوزلریمده گوندوزگجدی ده منه سینوین یاراسی نجه دی ------------------------------------- گورمیشم قانیوه باتاندا یارالار باش باشا چاتاندا یارالی بس نجه دوزبسن سینون اوستنده آت چاپاندا نه اولوب پیگریوه بولدیم یارالی قتلگهده ئولوب دیریلدیم یارالی ---------------------------------- دور بو آل ترابی دیندیر دور بو قلبی کبابی دیندیر گویلون آل هرکیمین آلورسان اوّل اما ربابی دیندیر آغلوری اونا دلبریندن وئر خبر اصغرین یاره حنجریندن وئرخبر ---------------------------------- الاحقر عبداللهی ✍

زبانحال زائر اربعین . کربلایی رحیم شایان . آلوب قلبیمیزدن قراری حسینین او قانلی مزاری پیاده گداخ اربعینده گزاخ اول غم افزا دیاری . گداخ تا اولا سرمه چشم او قانلی دیارین غباری دیاخ یولدا لبیک حسینجان که سنن دی دین اعتباری . منیم افتخاریم حسیندی حسیندی که دارو نداریم حسیندی حسیندی غرور و وقاریم حسیندی حسیندی . یا حسین یابن الزهرا(3) . . . . . گیدنده بو غملی مسیری گلور یاده داغ اسیری گورنده بو دشت و فلاتی یورور یول جوانیله پیری . چکوبلر نلر خیردا قیزلار گیدنده بوراه خطیری قرانلیق تیکانلیق بیابان یانوب اهل بیتین ضمیری . چکن داغ هجران امان زینب ایوای گورن درد حِرمان امان زینب ایوای . یا حسین یابن الزهرا(3) . . . . . دوشور یاده زینب ملالی داغیلدی بو یولدا جلالی قوجالدی او تندیس غیرت اولوب سرو قدی هلالی . گتورموش اونا یوز مصیبت بلالی عزالی یارالی یوروب یولاری شمر ظالم نوا باشلیوب اول نوالی . دییردی مداوم حسینیم حسینیم اولوب ذکری دایم حسینیم حسینیم . یا حسین یابن الزهرا(3) . . . . . یانور حالیم حال ربابه دونوب آرزیلاری سرابه ملر آهوسی اوخلانوبدی دولوب چون بهاری سحابه . بالام وای دینده وورولاّر یانان یوخدی اول دلکبابه باخور هر زمان نیزه اوسته سالولار اونی پیچ و تابه . دیور وای بالام وای علی وای گولوم وای سالوب عالمه های علی وای گولوم وای . یا حسین یابن الزهرا(3)

#اربعین عازم اولدی کربلایه کاروانیم یا حسین قبریوین قربانی اولسون خسته جانیم یا حسین‌ قورتاروب قیدِ اسارت شامیده ویرانه دن عترتون آزاد اولوبدی غصّه لی کاشانه دن آلمیشام غارت اساسین دشمنِ بیگانه دن یوخدی امّا کارواندا نوحه خوانیم یا حسین گلمیشم شامه گلنده بیر گوزل دلداریلن اوچ یاشیندا غرق ماتم دیده سی خونباریلن نیلیوب گور سرنوشتی زینبِ بی یاریلن قالمیوب شرحین دیَه م تاب و توانیم یا حسین عالمه ظلمِ یزیدی شامیدن پخش ایلدیم منطقیلن توسنِ ننگِ قُواسین پیلدیم قولاریم باغلی نهایتده بیلورسن نیلدیم اولدی حاصل انتقامِ جاودانیم یا حسین آلمیشام چوخ یئرده روحیّه بالون سجّادیدن دوشموشم مخصوصاً هاردا قدرتِ فریادیدن سس دیوب قورخماکسیلمز شیرِ مادر زادیدن چوخ موَکّد بو عزیزِ مهربانیم یا حسین مجلسِ شومِ یزیده سالمیشوخ غوغا دیوم ائتمیشوخ باهم حقیقت نادمی رسوا دیوم تا بیلوبدور حق بیزیمدور مردمِ دنیا دیوم اولدی آخرده محقّق آرمانیم یا حسین ظاهرِ ویرانه با اینکه بیزه زندانیدی باطنی غیب عالمینده گوشه یِ رضوانیدی چون مداوِم باشیمیزده سایه یِ قرآنیدی سخت اولوب با اینکه اوردا امتحانیم یا حسین گلمیشم شاماتیدن ایندی سنون مهمانووم قبریوین اوسته حسینیم گورنجه گریانووم زینبی دیندیر یولی اولسا اگر قربانووم ساکت اولسون قلبیده سوزِ نهانیم یا حسین من گیدنده کربلادن اولمادی امکان حسین جبریلن گوردون آپاردی فرقه یِ عدوان حسین قال دیدوم گونلر قباقینده باجون قربان حسین آخدی رخساره فقط اشکِ روانیم یا حسین _______

🏴شهادت امام رضا(ع) سینه زنی درسبک ای منی آواره قویان ابوالفضل ابوالفضل, گلگینه نور بصریم جوادیم جوادیم زهریله یاندی جگریم جوادیم جوادیم,,, سالدی اجل ایندی منی کمنده کمنده بیرجه کفن ایندی گتیر گلنده گلنده باغلا منیم گوزلریمی ئولنده ئولنده تاسنه دوشسون نظریم جوادیم جوادیم,,,, یولدا گوزوم سن گلسن هرایه هرایه قویما بو قلبیم گله چوخ نوایه نوایه آغلاگینان سن بوآتان رضایه رضایه دادیمه گل تاج سریم جوادیم جوادیم,,,, پاره لنوبدی جگریم بدنده بدنده قیندی قانیم آخینوب دهنده دهنده یاندی وجودیم بو قدر محنده محنده آخدی اوزه اشک تریم جوادیم جوادیم,,, رنگیمی زهرین اثری سارالدوب سارالدوب ناله می افلاکه اوغول اوجالدوب اوجالدوب غربت وغم چوخ آتاوی قوجالدوب قوجالدوب گورماقیوا وارنظریم جوادیم جوادیم,,,, جام جفا سالدی منی ایاقدان ایاقدان سوزعطش دوتدی نجه دوداقدان دوداقدان سس ور اوغول سوزلریمه اوزاقدان اوزاقدان سیندی محندن کمریم جوادیم جوادیم,,, من که اوزوم دردیلره طبیبم طبیبم عرشیده خلاقه اوزوم حبیبم حبیبم یوخدی نه قارداش نه باجیم غریبم غریبم خلوت اولوب دور وبریم جوادیم جوادیم,,, ترک ایدیرم محبس اولان اوتاقی اوتاقی جدیمون اولام بو گجه قوناقی  قوناقی قورتاریرام من بو غم فراقی فراقی ای گل زیبا سیریم جوادیم جوادیم,,, دوشموشم آیری نچه ایل وطندن وطندن سالدیلارآیری گلی چون چمندن چمندن غم منه یولداشدی بورا گلندن گلندن اولمادی سندن خبریم جوادیم جوادیم,,, حالیمه آغلاردی منیم ملکلر ملکلر چوخلی یانار محنتیمه اورکلر اورکلر بو غمه قاره گیونر فلکلر فلکلر آغلا منه ای پسریم جودیم جوادیم,,

#اربعین عازم اولدی کربلایه کاروانیم یا حسین قبریوین قربانی اولسون خسته جانیم یا حسین‌ قورتاروب قیدِ اسارت شامیده ویرانه دن عترتون آزاد اولوبدی غصّه لی کاشانه دن آلمیشام غارت اساسین دشمنِ بیگانه دن یوخدی امّا کارواندا نوحه خوانیم یا حسین گلمیشم شامه گلنده بیر گوزل دلداریلن اوچ یاشیندا غرق ماتم دیده سی خونباریلن نیلیوب گور سرنوشتی زینبِ بی یاریلن قالمیوب شرحین دیَه م تاب و توانیم یا حسین عالمه ظلمِ یزیدی شامیدن پخش ایلدیم منطقیلن توسنِ ننگِ قُواسین پیلدیم قولاریم باغلی نهایتده بیلورسن نیلدیم اولدی حاصل انتقامِ جاودانیم یا حسین آلمیشام چوخ یئرده روحیّه بالون سجّادیدن دوشموشم مخصوصاً هاردا قدرتِ فریادیدن سس دیوب قورخماکسیلمز شیرِ مادر زادیدن چوخ موَکّد بو عزیزِ مهربانیم یا حسین مجلسِ شومِ یزیده سالمیشوخ غوغا دیوم ائتمیشوخ باهم حقیقت نادمی رسوا دیوم تا بیلوبدور حق بیزیمدور مردمِ دنیا دیوم اولدی آخرده محقّق آرمانیم یا حسین ظاهرِ ویرانه با اینکه بیزه زندانیدی باطنی غیب عالمینده گوشه یِ رضوانیدی چون مداوِم باشیمیزده سایه یِ قرآنیدی سخت اولوب با اینکه اوردا امتحانیم یا حسین گلمیشم شاماتیدن ایندی سنون مهمانووم قبریوین اوسته حسینیم گورنجه گریانووم زینبی دیندیر یولی اولسا اگر قربانووم ساکت اولسون قلبیده سوزِ نهانیم یا حسین من گیدنده کربلادن اولمادی امکان حسین جبریلن گوردون آپاردی فرقه یِ عدوان حسین قال دیدوم گونلر قباقینده باجون قربان حسین آخدی رخساره فقط اشکِ روانیم یا حسین ___