شهادت حضرت ابوالفضل(ع) #زینبیم_گل_نهرین_اوسته_قانه_باتدی_ قهرمانیم ساق گوزوندن اوخ دگوبدی،دوت الیمدن یوخ توانیم گوردوم عباسیم آتوب دنیاداشین اصغره خاطر توکورردی گوزیاشون سسلدیم جان جان ابوالفضل آدیوه قربان ابوالفضل چکمیوب ال پرچمیندن،ال چکیبدی گوندوزوندن باشین آلدیم سینه ام اوسته،ئوپدوم اول گل یوزوندن گلدی بیر سس ئوپ یوزوندن،ئوپمه اوغلوم ساق گوزوندن ساق گوزوندن تیر جانفرسا ئوپوب زهریلی اوخدان صورا زهرا ئوپوب قلبیمی یاندیرما اوغلوم زحمتین آرتیرما اوغلوم لاله مثلی گورسننده،لاله لردن باش گلیدی لبلریندن بوی جنت،گوزلریندن یاش گلیدی هردینده حق بیزیمدی،مین طرفدن داش گلیدی قاندا گوردوم غیرتین آئینه سین داش ورانلار سیندیروبلار سینه سین قلبیمی غم بولدی زینب شیر مردون ئولدی زینب خیمه سینون چک ستونین،بزم ماتم ایله برپا غیرتوندن واردی حقون،اشک چشمون اولسا دریا اشک ماتم توک عذاره،سنده تنها منده تنها ال چالور لشکر گوروللر یالقوزام سن منه گوز یاشی توک قارداشسیزام بی پناهم بی پناهم سوگوار مرگ ماهم سیندیروبلار باشین اما،سینمیوبدور اقتداری اولدی قربان دین حقه،مرتضانون افتخاری اهل بیته قالدی اوندان،قانلی پرچم یادگاری من دئدی شرمندیم مولا حسین قانلی پرچم زینبیندور یاحسین ساخلا محکم ای وفالی پرچمین قرآن مثالی

روضه حضرت ابوالفضل(ع) بیر بوسه وئر حسینه گلدن گوزل یوزوندن قولسوز نجه چکوبسن اوچ پر اوخی گوزوندن ایکاش یره آتیدون مشکی ئوزون گلیدون اصغر ئولیدی سنده گوز یاشیوی الیدون گلدی سسون خیامه دل دوشدی پیچ وتابه قیزلار بیر آیری نوحه اورگتدیلر ربابه بیر عده سی دیوردی قولسوز سواره لایلای بیر عده سی دیوردی وای شیر خواره لایلای قالسام اگر یانوندابیکس رقیم آغلار گیدسم اگر خیامه بس کیم گوزوی باخلار بیر دسته تشنه جیران العان یولا باخولار سقانی آختارولار هی صاق صولا باخولار آرخام ائلیم ابوالفضل                       سیندی بئلیم ابوالفضل گلدیم هرایه قارداش                      ای قهرمان ابوالفضل سیندی بئلیم غموندن                     یاتما اویان ابوالفضل کرب وبلایه قارداش آتش وران سسیمدی آز اوپ ایاقلارمنان شرمندلیق بسیمدی یار یولداشیم ابوالفضل                   ائلدن باشیم ابوالفضل آرخام ائلیم ابوالفضل                       سیندی بئلیم ابوالفضل گلدیم هرایه قارداش                      ای قهرمان ابوالفضل سیندی بئلیم غموندن                     یاتما اویان ابوالفضل

گرفتار عشق حسینم آقامون   عشق    و   کمندینده     گرفتارم   من با   صفا    گلشنینه     گول    دگلم    خارم  من دامن     پاکینه      آتدیم     بو   گنهکار    الیمی الیمه      ال     یتورر   گر   چه    گنهکارم   من اوزومی   شاعر     و   مداح    حساب    ایلمیرم گر   قبول   ائتسه   آقام    ساده   عزادارام  من روحیمی جذب ایلیوب چون من اونون عاشیقیم آتش     عشقینده      یانماقه     سزاوارم    من هامی         بالیده  لنر      ثروتینه    ،     دولتینه افتخاریمدی    غلام      عترت     اطهارم    من گئجه    گوندوز    اورگیمده    دیرم     یا    مولا هامی   گوزلر   یاتار     اما   گینه    بیدارم   من آناوین     عصمتینه     عفتینه        ایله       کرم ئولمه میش  بیرجه   گورم   قبریوه   زوارم  من سنه    مشکل  لریمی    قبریوه   گلسم    دئیرم لطفوه     معتقدم    مطلب       هوشیارم      من دیمرم    دردیمی    بیگانیه    ای    محرم    راز تربتون    خاک     شفادور    آقا    بیمارم     من گئجه  گوندوز  یانارام   قلبوین  اوخ  یاره سینه قلبیم   آغلار    غمیوه    دیده سی خونبارم  من پشت سردن چیخان اوخ قطب مداری داغدوب اودوی    قلبیم    یانوری   واقف    اسرارم   من منی یاد    ائتسون اگر قبریمون  اول گئجه سی (( سیفیم ))    نوکر    شاهنشه      ابرارم      من ** حاج علی سیفی  افشار 

ای روضه تو رضوان یا حضرت معصومه خاک تو عبیر افشان یا حضرت معصومه هم دخت امامی تو هم اخت امامی تو هم روح قنوتی تو هم روح   قیامی تو همسایه خورشیدی  هم  ماه تمامی تو ای صبح شب افروزان یا حضرت معصومه خورشید کم از شمعی در کنج شبستانت مه شعله کم سویی  در گوشه ایوانت چشم دو جهان روشن از نیر تابانت ای دولت بی پایان یا حضرت معصومه ای خادم درگاهت حور و ملک و انسان نشناخت ترا ادراک آنسان که تویی آنسان کو در سر راه ما مشکل نکنی آسان کن در حق ما احسان  یاحضرت معصومه دست من و دامانت ای دار عنایت ها دارم دلی و صد شور از شوق زیارت ها عاجز بود از وصف حسن تو عبارت ها قاصر بود این دیوان  یا حضرت معصومه جوید دل بیمارم گه مشهد و گه قم را چون  عابر سر درگم لب تشنه ترحم را تسکین تو می جویم این درد و تالم را ای درد مرا درمان یا حضرت معصومه آید به تماشا مه شب نور  حجابت را خورشیدکندتحسین اندیشه نابت را فرمود پدر وقتی چون دید  جوابت را ای بر تو پدر  قربان یا حضرت معضومه علی شهودی جمعه ۲۱ اردیبهشت ۱۴۰۳

بسم الله الرحمن الرحیم شعر میلاد امام رضا ع به سبک دایه دایه 🌹🌱🌹🌱🌹🌱🌹🌱🌹🌱🌹 ای گل نازیم رضا جان یار و دمسازیم رضا جان نجمه خاتون دلبری سن محرم زاریم رضا جان سن ولایت مولکونون سلطانی سان اوغلوم جانانی سان اوغلوم شیعه نون انفاسینه ریحانی سن اوغلوم جانانی سن اوغلوم جان رضا جانم رضا جانم ، ای جان و جانانم قاشلارون بنزر کمانه صورتون یاسه جنانه گوزلرون چشمک لنور هی کوکب هفت آسمانه سن منیم امراضیمه درمانی سان اوغلوم جانانی سن اوغلوم شیعه نون انفاسینه ریحانی سن اوغلوم جانانی سان اوغلوم جان رضا جانم رضا جانم، ای جان و جانانم گوزلرون شهلایه بنزر لبلرون صهبایه بنزر ای بوتون دار و نداریم طلعتون طاهایه بنزر سن منه زیبا گول خندانی سان اوغلوم جانانی سن اوغلوم شیعه نون انفاسینه ریحانی سن اوغلوم جانانی سان اوغلوم جان رضا جانم رضا جانم، ای جان جانانم 🌱🌹🌱🌹🌱🌹🌱🌹🌱🌹🌱 التماس دعا

‍ میلاد و وصف حضرت امام رضا- سبک:ستاره بریزید       ضامن غریبان مولا یاامام رضا       جلالیوه قربان مولایاامام رضا سنه قربان شاه خراسان دردلره درمان امام رضا گل زهرامهرتولّاعالمه سلطان امام رضا ئورک عشق عالموندی/دم عیسی دمونده دی آقاجان عالمین گوزی/اویاشیل پرچمونده دی گوزی زیباقامتی طوباسروخرامان امام رضا گل زهرامهرتولاعالمه سلطان امام رضا ____________       ستاره ی رحمت نورجاودانه سن       تاج سرایران السلطان اباالحسن مه تابان حجت یزدان جلوه ی ایمان امام رضا گل زهرامهرتولاعالمه سلطان امام رضا قاپیوااهل دل گلر/سنه عالم دخیل گلر کیمون عشق ولاسی واراوحریمه هرایل گلر باشیمیزدان کسمه سین الله سایه وی بیرآن امام رضا گل زهرامهرتولاعالمه سلطان امام رضا #میلاد_حضرت_امام_رضا

🍁﷽🍁 السلام السلام یا رضا 🎼سبک:میگذرد کاروان شـاه خراسان رضا دردلـره درمان رضا ایلـه عنـایت بیـزه ، یـار ضعیـفـان رضا ائتسه توسل اگر دهریده عاشقلـرین خالقین ایـلر سنین مشکلی آسان  رضا السـلام السـلام  یـا رضـا سنسن معدن جودوسخا یا علی ابن موسی الرضا یا علی ابن موسی الرضا عشقیوه اولدی سنون شیعه لـرین مبتلا سنله تاپوب قلبیلر یاعلی جان چوخ جلا هدیه ویریب ذات حق عالمه سن تک آقـا شیعیـیه سلطانی سـن  ای گل بـاغ ولا السـلام السـلام  یـا رضـا سنسن معدن جودوسخا یا علی ابن موسی الرضا یا علی ابن موسی الرضا ✍علی اصغر عباسعلی نژاد کیوج_سرابی ✨اَللّهُمَّ عَجِّل لِوَلیِّکَ الفَرَج✨

التجاء به حضرت امام رضا(ع) درد الیندن جانه ای سلطان خوبان گلمیشم بو خراسانه قویوب یوز دیده گریان گلمیشم روزگاریم سخت اولوب دردیم آغیر حالیم خراب قلبیمی آشفته لیقدان چولقیوبدور اضطراب سیز اگر لطف ایلسوز اولّام جهانده کامیاب ناامید ائتمون منی ای جان جانان گلمیشم عرش اعلایه مباهی صحن و طاقوز دور سیزون هشت جنّت سایه پرورِد رواقوز دور سیزون سیز رئوف آل حیدر بو سیاقوز دور سیزون منده بیر سائل اَل آچموش دیده گریان گلمیشم سیز قاپوزدان قوؤساز ای شاهنشهه گردون حشم وار هارام آخر منیم بو یئر یوزونده من گیدم بیر یاریم گونده قوجالمش عمّه زَه وئرّم قسم درگهوزدن قوؤمیون ای شاه خوبان گلمیشم دردیمه گر اولماسا سیزدن علاج ای شهریار قلبیمی بیر آیری درد و محنت و غصه دوتار اوزگه لر آخر منه ایتسون شماتت دل آچار اولما راضی دل شماتتدن اولا قان گلمیشم من بو درگهدن اگر اولسام جهاندا ناامید ائل قوهوم ایلر شماتت یوز وئرر درد جدید گل کرم قیل سیّدی هر بیر خطامی دوت ندید من بو درگاهه امیدیله آقاجان گلمیشم خلقه احسان ایتماق عالمده سجیَّت دور سیزه چون کرامت ایلماق دنیاده عادت دور سیزه شانوزه لایق اولان زیبنده رأفت دور سیزه هاردا واردور من کیمی محتاج احسان گلمیشم درگهوزده من همان پُر رو گدا هر گاه و گاه گلمیشم بو درگهه هر صبحگاه و شامگاه نیلیوم پُر رو ایدوبدور سائلی الطاف شاه ایتموسوز لطف و کرامت چونکه هر آن گلمیشم من او طفلم که بولر مامن آنا دامانینی یا او نوکر که ولی نعمت بولر سلطانینی اولموشام شاها پناهنده سیزه درمانینی دردیمین سیزدن آلام بو شهره مهمان گلمیشم کیم ائدر سیز تک علاج دردیمی بی گفت و گو کیم بُلر قلبیمده کی دردی سیزون تک موبمو کیم ائدر سیز تک عطا آلماز الیمدن آبرو ای سیزه عالملر اولسون جمله قربان گلمیشم چوخلی اهل درده سیز مشهد ده درمان ایتمسوز هر کسین وار حاجتی الطاف شایان ایتمسوز رانده اولموش کیمسه نی لطفیله مهمان ایتمسوز منده هر یئردن قوؤولموش بیر ایت الان گلمیشم صحن لر ده حسرتیله گزمیشم هر سو آقا ایلرم خاک درون مژگانیله جارو آقا منده ده ایکاش اولیدی همَّت آهو آقا بذل احسان ایلیون چون منده نالان گلمیشم آند اولا اوغلوز جواده سیّدی ال چکمرم وئرمه سوز دل حاجتین من بو قاپوزدان گئتمرم ال منیم دامن سیزون ترک بو دامن ائتمرم اهل احسانه یاراشماز ردّ مهمان گلمیشم التماس دعا

عرض ارادت به محضر حضرت ثامن الائمه امام رضا علیه السلام ای ضامن آهو اولان ای کان مروت بیر آهو حساب ائت منه ده ائیله عنایت وئر اذن گلیم محضریوه بیرده سلامه گوگلوم داریخیب قالمییب هجرانیوه طاقت روحیم تلسیر  تا اوچا صحن و حرمینده قربانین اولوم قیل کرمیندن  منی دعوت کامه چاتارام گر اولا بیلسم سنه مهمان گر ایلیه بیلسم سنی شرطیله   زیارت دامانیوه گر چاتسا الیم ای گل زهرا اظهار ائده رم عشقمی ای کان ملاحت سن باب الحوائج بالاسی کان سخاسن سندن اولی سائل لره احسان و کرامت عالیم سن اوزون بوشدی الیم  مستحقم من سینم دولودی دردیله گل ائیله طبابت هر چند گنهکارم اوزوم قاره ، غمیم یوخ حتما دوتاجاق دی الیمی قول شفاعت بو درگهین عاشقلریوه خلد بریندی هر کیم ییخیلب دی قاپووا تاپدی شرافت منده سنه گوز تیکمیشم ای ضامن آهو زهرا آناوون حقی منی ایله ضمانت

یا امام رئوف موشکولده یم  ای شاه خراسان   مدد  ائیله ای پاک آدی هر دردیمه درمان  مدد  ائیله یازسا قلمیم  هر نقدر  شأنیوه   چاتماز وصفینده قالار واله و حیران  مدد ائیله گلدسته لرین نور سپیر عرشیله فرشه عالم سنه محتاجیدی  هرآن  مدد ائیله سن سن ره حقین آقاجان شرط و شروطی سن سن ائله ین مشکلی  آسان  مدد ائیله دنیا  بویی  ای   شاه    غریب الغرباسن درک ائیله یه تا شأنیوی انسان مدد ائیله قوربان اولوم اجلالیوه ای ضامن آهو گلمیش  قاپیوا  بندۀ نالان  مدد  ائیله دریای غمین ساحلی یوخ سن  توت الیمدن هریئردن اسیر قورخولی طوفان مدد ائیله هرگون منه قسمت اولا ای کاش وصالین تا جان ائله یم عشقیوه  قوربان مدد ائیله 🤲🤲🤲🤲🤲🤲🤲🤲

مدح و میلادیه حضرت امام رضا علیه السلام محمدرضارمضانی . هزار شکر اولا که باشه انتظار گلوب که یعنی بیرده بیزه فصل وصل یار گلوب . وئرون بشارت او هجران کشیده بلبله که اورگی قانه دونوب قلبی داغدار گلوب دیون قوتاردی زمستان سووشدی سردیِ دی دوباره موسم جان بخش نوبهار گلوب . آچوبدی باغدا چمنده گنه گؤزل گل لر فنا جهان بزنوبدی بهشت وار گلوب تصرّف ائتدی اورک ملکینی سپاه شعف اودورکی دردوغمه حکمِ اَلفرارگلوب . دوباره وحی ائوینی شوق و شور احاطه ائدوب بو بیت اقدسه بیر گورمه لی نگار گلوب بو شور و عشقی ائدوبدور قدوم یار ایجاد شکوه و فرّیله اول هاشمی تبار گلوب . مدینه شهری اولوب گوئیا که هشت بهشت جهانه چون بو گئجه هشتِ هشت وچار گلوب قویوبدی ملک حجازه قدم امام رضا بهشتیدن یوخاری ایندی بو دیار گلوب . صراحتیله دیوم آدین آشکاراولسون نِجیکی گل یوزی گون مِثلی آشکار گلوب مبارک آدی علیدور رضا لقبدی اونا رضا او شه دن اوزی ذات کردگار گلوب

ولادت حضرت امام رضا (ع) گریز به شهادت مرحوم شعاع تبریزی . ایدن رشگ جنان بو گون جهانی بیر ضیا اولدی شعاع حسن سلطان سریر ارتضا اولدی . . اولان موسی ابن جعفردن نشانه حجت داور قدم تا عالمه قویدی او وجه باقیه مظهر تجلّای رخی ایتدی احاطه کونی سرتاسر بو نورون طالعیندن منفعل شمس الضّحا اولدی . . ایدر کسب شفق آی گون او خورشید دل آرادن منوّردور او نوریله دل و دین طور سینادن طلوعی هیکل کفری سالوب تاب و توانادن اولان منکر ایکی دنیا اونا حقدن جدا اولدی . . بو دنیایه قدم قویجاق او سبط احمد مختار ترابه بوتراب اوغلی قویوب باش باشلادی اذکار دوتوب سمت سمایه ال ایدیبدور وحدته اقرار او نطقی واله و حیران گوروب اهل سما اولدی . . تولّد تاپدی سلطان خراسان طیّب و طاهر اولاندا مظهر نور خدادن نور حق ظاهر او لوب مقهور او گوندن نور حقّه فاسق و فاجر ایدنلر حقّینی کتمان دچار ابتلا اولدی . . همینکه گون کیمی طالع رخ شمس الشّموس اولدی بو عالم مایۀ رشگ سپهر آبنوس اولدی بهشت عدندن برتر شرفده ارض طوس اولدی او یر چون کعبۀ راز دل اهل ولا اولدی . . اولوب یمن قدومیندن ملکلر خرم و خندان مقام و شأنه سیر ایله اولوم من شأنینه قربان ویریلدی جنّته زینت به امر خالق سبحان کیمه خلّاقدن بیر بیله لطف آیا عطا اولدی ؟ . . ایدوب اسم رضا ایله مسمّا اوُل شهی خلّاق رضا حق اوسته چون اولدى قضایه آدمه مصداق اونون والهدی صبرینده سراسر انفس و آفاق اودور کیم تربتی درد اهلینه خاک شفا اولدی