سبک ولادت امام رضا(ع) (وصال تبریزی) شه خراسان گلوبدی مه درخشان گلوبدی منادی سسلیر سماده سلطان ایران گلوبدی حق پایلیور خلقه صورتینده نور جمال پیغمبری کنج لبونون هر کیم اوپر یادینه سالور حوض کوثری گوزل گوزی شهلادی لبی شیرین دریادی گوزل آدی رضادی رضا رضا یا مولا اولوبدی دل پای بستی یتوبدی موسم مستی آقام رضانون آدیله ائداخ بوگون می پرستی رضانون آدیله دادموشام من نمازیله ، طاعت عشقینی صفالی قبرین گورنون آتدوم ، همیشه لیق جنّت عشقینی دیلیم دیر یا رضا الیمی دوت یا مولا اوزون به حق زهرا رضا رضا یا مولا عرشیدن اعلا رواقی ولایت اهلینه ساقی وار هانسی شاهون رضا تک جلالت و طمطراقی یوزه چکوب سنده حق جلالون ، حُسن خداسن رضا رضا قاشوندی قبله اوزون ولی بیر قبله نماسن رضا رضا گوزوم کرمونده دی یاشل علمونده دی اورک حرمونده دی رضا رضا یا مولا ذکر ائلین دلبر آدین قویوبدی پیغمبر آدین رضا گلوبدی دیرتسین دوباردن حیدر آدین گونیله ، آیدا اولان او جلوه بونون او نوره جلیسیدی امامت و هم ولایتون چون رضا اوچومجی علیسیدی جلالی عین علی کمالی عین علی خصالی عین علی رضا رضا یا مولا قبول ائدر خوب و زشتی ولاسیدور حق سرشتی رضا اولان یرده زاهد گوزومه چکمه بهشتی منیم بهشتیله هم جنانیم جلالیله ارض طوسیدی جهاندا فخر ائیلرم آقام یر یوزونده شمس الشموسیدی گوزل آدی جانیمدی ولاسینی ایمانیمدی آقامدی سلطانیمدی رضا رضا یا مولا گل شه دلجونی سسله اول شه مه رونی سسله مشکله دوشسن همیشه ضامن آهونی سسله هم انبیا و هم اوصیاده اولان جلالت سنونکیدی یوسف سنه چاتمیوبدی چاتماز ، حُسن و وجاهت سنونکیدی غم آتشینده یانام دیوب رضا اوتلانام باشوا من دولانام رضا رضا یا مولا منیم وقاریم رضادی گل و بهاریم رضادی قسم حق ذوالجلاله جهاندا یاریم رضادی ایکی جهان شیعه نون وقار و صلابتی مرقدونده دی خدایه آند اولسون اهل ایران گوزی رضا گنبدونده دی فلک گوروب اعجازین چکر ملک لر نازین بولر رضا دل رازین رضا رضا یا مولا سبک 👇👇👇👇👇👇👇👇👇

سبک ولادت امام رضا(ع)(وصال تبریزی) شرافت کانی گلوب امامت جانی گلوب بوگون ایرانیلارون گوزل سطانی گلوب حسنونی حق زیبا یارادوب قامتینی طوبا یارادوب خلق ائلینده گل یوزونی عین رخ طاها یارادوب ضامن آهو رضا رضا ولایت ماهی گلوب عدالت خواهی گلوب وئرون زهرایه خبر خراسان شاهی گلوب جلوسین حق انشایه چکوب تشنه دلی دریایه چکوب چوخلی جهات و زاویه دن اوز آناسی زهرایه چکوب ضامن آهو رضا رضا دیلیندور لازمه سی رضانون زمزمه سی بهشت حورالریدی ائوینون خادمه سی حور و ملکلر دایه سیدی گل آدی عرشین پایه سیدی نام رضا دوقوز فلکون حق قسم پیرایه سیدی ضامن آهو رضا رضا گلوب نوره ازلی اولا تا خلقه ولی خدا آد قویدی آدون علی عشقیله علی گل یوزونه حق مشتریدی نجمه خانمون زیوریدی خلقا و خلقا احمدیدور اصل و نسبا حیدریدی ضامن آهو رضا رضا ولا دردانه سیدی وفا پیمانه سیدی هامی سرمستیلرون مشهد میخانه سیدی شمع اودی جان پروانه سیدی عالم اونون دیوانه سیدی نیلیورم زمزم سویونی زمزم او سقاخانه سیدی ضامن آهو رضا رضا نفوسه ناز ائلیر بو طوسه ناز ائلیر ائله بیر شمسیدی بو شموسه ناز ائلیر رحمتون حق نفوسه آچوب باب کرم مایوسه آچوب جنتون الله بیر قاپوسون عشقیله شهر طوسه آچوب ضامن آهو رضا رضا اورک دل بسته سیدی ملک وابسته سیدی بهشت ناز ائلین گوزل گل دسته سیدی خالقه هر دم همدم اولوب آدم او گونون آدم اولوب لطف رضا عیسایه چاتان گونون اودا صاحب دم اولوب ضامن آهو رضا رضا سبک 👇👇👇👇👇👇👇

فرزاد عالی

سبک ولادت حضرت علی ابن موسی الرضا(ع) (وصال تبریزی) بند اول هر بیر اورکده گر رضا عشقی اولا بهاسی وار شیعه بونا فخر ائلسون رضا کیمی آقاسی وار دردیم گر اولسا رضادی علاجیم ایشقلی سراجیم اونون گوزل آدی ، باشمداکی تاجیم یا رضا جانم آقام آقام آقام..... بندم دوم حسن جمالون آقاجان گونی خجالت ائلیوب خلق ائلین زمان سنی خدا قیامت ائلیوب رضانون حسنی چون حسن ازلدی گله بو مثلدی گوزللرین ایچره ، گینه بو گوزلدی یا رضا جانم آقام آقام آقام...... بند سوم رضا غلامیم خوشام ، بودور اورکدی غرض دیلیم لال اولسون حرمون ائدم بهشتیله عوض دل دویماز والله یاشل علمونون آقا کرمونون بهشت آلار عطرون سنون حرمونون یا رضا جانم آقام آقام آقام..... بند چهارم واردور اورکده گر غمون گل شه دلجویه دئنن حاجتیوی روا ائدر ضامن آهویه دئنن گل بو عشاقی اوزون ائله دلشاد ائوین اولا آباد دخیلیمی باغلا به پنجره فولاد یا رضا جانم آقام آقام آقام.... بند پنجم بو گئجه دل نه ایستسه دست گره گشاده دی تذکره کرب و بلا ، دست امام رضاده دی قاپوندا مولا بیر عمری گدایم گدای رضایم اولونجه اسیر او کرب و بلایم یا رضا جانم آقام آقام آقام.... سبک 👇👇👇👇👇👇👇👇👇👇

فرزاد عالی

سبک عرض ارادت به آقا امام رضا(ع)(وصال تبریزی) سلام آقا کی سن پشت و پناهیمسن یامان گونده منیم تنها رضا جان تکیه گاهیمسن رضاجانم... خدایه شکر اولا مولا ، گینه پابوسیوه گلدیم اوزومه اوز سالوب اقا ، بو ارض طوسیوه گلدیم رضاجانم... سلام آقا گلوبدی خسته زوارون بولورسن کی گویول اولموش اودور چوخداندی بیمارون رضا جان... بو قلبیمده سنه چوخلی بولورسن کی سوزوم واردی یشیل پرچم و گنبده ئولونجه چون گوزوم واردی رضاجانم... سلام آقا گوروسن گلمیشم مایوس الی بوش سالما گل یولا ایا ای شاه ارض طوس رضا جانم... منیم قیدیمه گل سن قال کی اوزگه قیدیمه قالماز گدانی رسمیدور شهلر رضا جان بوش یولا سالماز رضاجانم... سلام آقا یانوب قلبیم فراقونده گذر روحوم قوشی دائم گوزل صحن و رواقونده رضا جانم... شکسته گویلمه والهی تنها جان ، جانانسان نه بلکه شهر مشهد کی هامی ایرانه سلطانسان رضاجانم... سبک 👇👇👇👇👇👇👇

در رثای حضرت  امام رضا علیه السلام به قلم کربلایی صابر ثمودی 🏴🏴 جوشدی گینه طبعیم نظر و لطف خدادی زینت اولونا دفترینه  وصف ِرضادی زهرا گولودی شهرتی دنیانی دوتوبدی دیللرده  آدی ازبر اولار قلبه جلادی قربان آدینا هر نقَدَر دیل دئسه دویماز دنیایله ائتمم من عوض بو گوزل آدی روحیم پر آچار ضامن آهو چاغیراندا   گویچک آدی چون عالم آرا درده دوادی زهرا بالاسی صاحب اجلال و کرمدی درگاهی جهاندا تانینوب  باب رجادی هرکس گله درگاهینه مأیوس قئیتمز دریای محبّتدی  آقا اوغلی آقادی خورشید و  قمردنده منوّردی جمالی چون نوری خدادن ئوزی روح دعادی سیماسی گوزل حسنی گوزل فطرتی زیبا دارای جلال و حشم و میرِ هدادی الله نه گوزل خلق اولونوب قبله هفتم مین یوسف کنعانه دگر ماه لقادی باجادی دوشاق سجده ی شُکرَه گجه گوندوز بیر شاهه مریدوخ کی معین الضعفادی هر کیمسه الی چاتماسا گر بیت خدایه مشهدی دئنن غم یئمه حج فقرادی تکجه نه بشر حور و ملائک  حرمینده آللهیله  مشغول مناجات و ثنادی باخدوقجا گوزل گنبدینه حظ ائدر انسان گلدسته لری باش اوجادوب کوه منادی چوخ سویملیدی صحن و رواقی بونا سوز یوخ مبهوت ائلین زائری ایوان طلادی اول پاک ضریحیندن ئوپر  دسته ء زوّار صحن و حرمی زائرینه مروه صفادی جنّاته وورار طعنه گوزل صحن و رواقی جنّتدن اونون مرقدی خوش عطر و هوادی کیم  مشهدی جنّاته ساتا حتماً اوتوزدی صوندان بوله جاق گوردوقی اعمالی خطادی مشهدی (ثمودی) منه جنّت منه رضوان چون صاحب مشهد ئوزی جنّاته صفادی

مدح و میلادیه حضرت امام رضا علیه السلام یا_اباالحسن .مرحوم شبخیز . . ای جهان خلقتده مظهرِ نورِ ذاتِ حق یا ابالحسن خلقتون دلیل اولدی خلق اولا کلّ ما خَلَق یا ابالحسن ای عزیز زهرا ، مقدمون مبارک … . . خلق ایدوبدی خلّاق ذوالمنن نور پاکیدن گل جمالیوی اوز کمالی تک جوهر کمال ایلیوبدی کامل کمالیوی بارگاه عزّتدی درگهون، درک ایدن زماندان جلالیوی قدسیان سپر بارگاهیوه گل طبق طبق یا ابالحسن . . ای شهنشه مسندِ ولا سن ظلال لطف اِله سن منبع کرامتدی حضرتون، سن پناه هر بی پناه سن رحمتوندن اهل ولایته تکیه گاه سن دادخواه سن سنده گوستروب لطف و رحمتین حق به حق حق یا ابالحسن . . بارگاه عرش آستانیوین خادمی شرفدن اولوب مَلَک طمطراق جاه و جلالت بارگاهیوه رشک ایدر فلک خلقتوندی عنوان خلقتِ روح ماخَلَق جانِ مامَلَک اولماسیدی اولمازدی خلقت چرخ نه طبق یا ابالحسن . . دولت کمالوندی رفرفین اوج عشق معراجدور سنه مُلک عزّته شهریارسن، گوهر شرف تاجدور سنه انس و جنّه شاملدی رحمتون، کائنات محتاجدور سنه درگهونده شاهلار گدا صفت لطفه مستحق یا ابالحسن . . ای اولان وجود مقدّسی صنع خلقت عالمه دلیل فخر ایدر بو خاکی وجودیله عرش و فرشه گویلرده جبرئیل خاکدان آرا یوخ جمالیوه بیر جمال اولا آیت و بدیل بی بدل جمال جمیلیوی خلق ایدوبدی حق یا ابالحسن . . آی دیسم جمال جمیلیوه آیدا بو فروغ و ضیا هانی گون دیسم اگر اشتباه دور، گونده بو جمال و بها هانی عالمی دوتوب نور طلعتون، آیدا گونده بو اِنجِلا هانی نور محضیدن خلق ایدوب سنی خالق فلق یا ابالحسن

سن شهنشه مُلک ارتضا، من قاپوندا بیر کمترین گدا من کیمم مدیحت دیم سنه ای صفاتی اوصاف کبریا دِعبِل ایستوری مدحیوی یازا حقّ مطلبی ایلیه ادا قدرت بیان منده یوخ ویره نظمیمه نسق یا ابالحسن . . مین امیدیله خاشعانه یوز قویموشام سنون بارگاهیوه یوز چوؤورمه مندن سخلموشام ظلّ مُستدام پناهیوه ای مراد عالم مریدیوم، عاکف اولموشام خانقاهیوه دولتوندن اهل طریقیدن آلموشام سبق یا ابالحسن . . سن او مقتدای رئوف سان که عیاندی عالمده رأفتون شامل اولدی آهولارا سنون فیض التفات و کرامتون بنده وی او آهو حساب ایله کسمه مندن ای شه عنایتون پیکریمده جور زمانه دن قالمیوب رمق یا ابالحسن . . اهل کین بو شأن و مقامیله بولمدی دریغا جلالیوی دوتدی گوزلرین منصب و مقام ایتدیلر پریشان خیالیوی سالدی خرمن جانیوه شرر، زهر کینه دن پوزدی حالیوی خوشه ی وجودون او شعله دن اولدی محترق یا ابالحسن . . تا لهیب جانسوز زهر کین ائتدی گلشن جسمیوه اثر سولدی لاله تک رنگ عارضون، ای ولایتین نخلینه ثمر رسمیدور اگر صرصر خزان صحن گلشنه ایلسه گذر نزهت و طراوت گئدر، اولار گل ورق ورق یا ابالحسن . . ای حریم درگاه عزّتی مأمن امان، ملجاء عطا سائلم قاپوندا دایانموشام، ویرمه سن صله گئتمرم شها رحم قیل گدایه بیر عمردور درگهونده #شبخیز بینوا مین امیدیله قاپیوی دویور دقُّ دقُّ دق یا ابالحسن

🏴🖤انالله وانااليه راجعون🖤🏴 شب مراسم هشتمین امام، هشتمین رئیس جمهور و یاران شهیدش آسمانی شدند روح بلند رئیس جمهور مجاهد و خستگی ناپذیرمان شهید آیت الله سید ابراهیم رئیسی و همراهان انقلابی ایشان به ملکوت اعلی پیوست.