چو گیسوی تو من در پیچ و تابم یا بن الزهرا چرا یکشب نمی آیی بخوابم یا بن الزهرا تویی ماه منیرم =به گیسویت اسیرم از آن ترسم که آخر _زهجرانت بمیرم حبیب منی، طبیب منی_بیا دورت بگردم کجا جویمت، چو گل بویمت، تویی درمان دردم یابن الزهرا یا بن الزهرا ____________ دل من بر سر زلف تودارد آشیانه نمی دانم چرا از من نمی گیری نشانه بگو با من کجایی _چرا ازمن جدایی گمانم یابن الزهرا _نجف یا کربلایی به رویت قسم ،به مویت قسم، گرفتار تو هستم که بانقد جان، من بی نشان خریدار تو هستم یا بن الزهرا یا بن الزهرا ______________ گل غم در دل ویرانه ای می زد شکوفه چه گویم باتو من از کربلا و شام و کوفه بسوزد هست زینب، توئی پابست زینب بیا در کوفه واکن، طناب از دست زینب بیا نازنین، بیا مهجبین، ازاو دفع خطر کن بکن راه حل، تو برکعب نی، بیا خودرا سپر کن یابن الزهرا یابن الزهرا _______________ گنه جمعه یتشدی گلمدون سن یا بن الزهرا گیجه صبحه کیمین یالوارمشام من یابن الزهرا فدایم سنه، گدایم سنه، گوزون قربانی مهدی ______________ گل ای عاشقلرین دارو نداری یابن الزهرا سالان تحت و شعایه مهرو ماهی یابن الزهرا فدایم سنه، گدایم سنه، گوزون قربانی مهدی در مایه دشتی با صدای استاد کریم خانی

💥💥💥💥 زمزمه امام زمان(عج) استاد کریمخانی دشتی 🌺چو گیسوی تو من در پیچ و تابم یابن الزهرا😭😭😭😭

چشم بتولی ایلدی جنتده گریان قویموب سو ویرسونله وئروب آخر سوسوز جان نه باخدی بیر پیغمبره نه بیر خدایه   اول ام فضل بی حیا یتدی مرامه یا فاطمه عذر ایستیرم بو بیر کلامه بیر نحویلن گول پیکری حمل ائتدی بامه دوشدی ترابه تازه دن باخ بیر جفایه   اوچ گون قالوب گول پیکری توپراقلار اوسته تشبیه اولوبدور جدینه اول دل شکسته اما حسین تک دگمدی اوخلار اوخ اوسته گئچدی سوزوم یا فاطمه کرب وبلایه   من «تابع دینم» ولی عبد ذلیلم بیر روسیاهم درگه حقه دخیلم واضحدی بو مطلب سیزه روحاً علیلم لطف ائت شها ال آچمیوم شاه و گدایه   مرحوم تابع دین

در شهادت حضرت امام جواد (علیه السلام)   ظلمله جواد الائمه نی امّ فضل مسموم ایدوب بو گون یاندروبدی زهریله قلبینی کایناتی مغموم ایدوب بو گون   نه یوزیله بولمم او بی وفا بو جفالره جرات ایلدی معتصم او بی ننگ و عاریله قتلینه اونون شرکت ایلدی ویردی زهر کینه او سروره گوزده گوندوزون ظلمت ایلدی اوز جفای بی منتهاسنی اهل دینه معلوم ایدوب بو گون   گر دیسم نه نوعیله اول شهی ایلیوبدی مسموم او بی حیا وار نه منده قدرت یازام اونی وار نه سنده طاقت ایشتماقا ایلورم فقط مجلسی یازان ماجرایه بو یرده اکتفا چون بولور هامی ظلمله نجه اول غریبی مسموم ایدوب بو گون   وار نچه خبر الده لیک من ایستورم برین ایلیم بیان بر خبر ده وار یازمارام اونی لال اولا دلیم ایلسم عیان ایلورم امام زمانیدن من حیا او سلطان انس و جان چون اوزی بولور جدینی نجه اهل کینه مظلوم ایدوب بو گون   واریری بو غمده اوقدر من آغلیام دوشه نوریدن گوزوم زهریله یانان قلبینه اولام هم بالالارم هم فدا أوزوم مجلسی یازار ویردیلر اونا ظلمله عدو زهر دار اوزوم قلبینی خدنگ جفائیله اوز عیالی مصدوم ایدوب بو گون   باغلادی قاپونی او بی وفا قویدی تک وصی پیمبری یالقوز ایوده قالدی سیزلدادی دولدی اشک حسرتله گوزلری ایلدی اثر زهر کین دوتوب اود آلشدی یاندی جگرلری پیشوای دینی حیاتدن دست ظلم محروم ایدوب بو گون اگلشوبدی بر گوشه ده غمین عرض ایدردی ای خالق جهان شاهد اول اوزون اشقیا منی ظلمله نجه ایتدی باغریقان اود دوتوب یانار قلب مضطریم حالیمه ولی یوخدی بریانان دلده کی غم بیشماریمی امّ فضل مکنوم ایدوب بو گون   نازنین وجودیندن ایلدی سلب بو جفا تاب و طاقتین شدت ایلیوب زهر دم به دم آرتروب اورکده حرارتین قلبنه شراره سالوب عطش نور چشم شاه ولایتین عدنده بتولی پیمبری بو محنده مهموم ایدوب بو گون   پارچالاندی لبلر اورک یانوب ویرمدی امان سوزش عطش یاندی لبلریم بر ایچیم منه سوویرون بویوردی او ماه وش گوردی بر کنیز آز قالور ایده شدت عطشدن او شاه غش اشک چشمیله گل عذارینه غملرینی مرقوم ایدوب بو گون   دولدوروبدی بر جام سو کنیز تا گتوردی ویرسون او سروره امّ فضل گوردی کنیزیدن آلدی جامی توکدی سویی یره سویلدی جواده سوء ویرمیون بو گرگدی لب تشنه جان ویره جنت ایچره زهرانی دلغمین بو ستمله اولشوم ایدوب بو گون   حضرت علی النقی ویروب سو آتاسنا قیلدی کامیاب سوایچوب امام زمان ویروب جان ایدوب احبانی دلکباب نی کیمی گلوب نالیه اودم ایلدی نوا اهل نه قباب حضرت جواد اهل عالمی اوز غمینده مألوم ایدوب بو گون   یالقز ایوده جانانه تاپشروب جان پیمبرین نور دیده سی باتدی گوردولر مهر برج دین دوتدی عالمی ظلم پرده سی ویردیلر خبر امّ فضله گل أولدی شاهدین گلموری سسی شاد اولوب او ملعونه بولمدی عزتینی مختوم ایدوب بو گون   مرحوم شعاع

زبانحال حضرت امام جواد (علیه السلام)    مسموم ایلیوبلر جگریم قاندی الهی یوخدور سو ویرن دل دوداقیم یاندی الهی   اوز محرمیم آخِر منه اوز ایتدیقون ایتدی بیله بولور ئولدوردی منی مقصده یتدی دنیاده هم عقباده اونون عزّتی گیتدی گوگلوم کیمی امّید ایوی ویراندی الهی   بیر ظلمیله ئولدوردی منی دختر مامون مثلین نه گوروبدور نه گورر دیده ی گردون مقصودی وورا تهمت ایده دردیمی افزون معصومه بو تهمت مگر آساندی الهی   قلبیمده الیم، گوشه ی منزلده جگر خون شرمنده سرشکیمدن اولا وار یری جیحون دیواریده قالموش یوزوم ای خالق بیچون دل آتش حسرتده الولاندی الهی   عمّیم حسنی ایلدی اوز محرمی مسموم امّا من مظلوم تک او اولمادی مظلوم آچمیشدی باشی اوسته باشین زینب و کلثوم یر گوی او غمه ایمدیده گریاندی الهی   غربتده یانیمدا نه آنام واردی نه خواهر ال قلبیده، گوز یولدا، گوزی یاشلی مکدّر دشمن منه هر ظلم الیندن گله ایلر هرگز دیمز آخِر بو مسلماندی الهی   بیگانه اگر ظلم ایلیه سهل اولی سانماق مشکلدی ولی ظلم احبّایه دایانماق حقیّتیمی داندی نگاریم نجه دانماق حق دشمنینین قولینه تولاندی الهی آهیم شرریندن یری وار اودلانا دنیا ئولدوردی بو ملعونه منی ایتمدی پروا باغلوب قاپونی قویدی بو ایوده منی تنها فکر ایلمدی جان ویرور عطشاندی الهی   اوز ئولماقیما آغلامارام ایتمرم افغان جان اوسته فغان ایلرم اوز جدّیمه هر آن گون ایسّی یارالی بدنیله اوزی عطشان عشق اهلینه عشقی عجب عنواندی الهی   یخدی بدنین کرب و بلا خاکینه دشمن سانسیز یارا ووردی بدن پاکینه دشمن دورت مین ووروب اوخ سینه ی صدچاکینه دشمن باخمازدیلا گل پیکری شان شاندی الهی   مامون لعینون قیزی اول جعده ی ثانی مسموم ایلدی حضرتی یاندوردی جهانی تا حاصل اولوب معتصمین کام نهانی بولمم بو نجه کینه ی پنهاندی الهی   توهین ایلیوب جسم همایون امامه امر ایتدی چخاتسونلا اونون نعشینی بامه بام اوستن آتوبلار بدنین معبر عامه بیر کس دیمدی حجّت یزداندی الهی   یر اوزره قالوب اوچ گجه گوندوز او بدن زار نه آغلیانی اولدی نه بیر کیمسه عزادار وارث اولوب اوز جدّی حسینه او دل افکار مظلوم جهان شاه شهیداندی الهی   اوچ گون بدنی قالدی حسینین قوری یرده خار و خس و خاشاک چکوب جسمینه پرده بو محنت عظمی گتیروب زینبی درده قارداش بدنین گوردی که عریاندی الهی   ای خالق بی مثل و بدل قادر و «صابر» دربارینه سائل به کف اشراف و اکابر قویما اولا دنیاده ذلیل اهل منابر ظاهرده بولار دینه نگهباندی الهی   مرحوم صابر تبریزی

بو گئجه سو یولونی باغلادیلار یا الله تشنه لبلر جگرین داغلادیلار یا الله الده سوسوز پیاله لر الله سولموش عطشدن لاله لر الله رباب الده اصغر ، گوزی یاشلی سسلر دیر هی داور ، الله یاندی بالام خیمه لرده سو تاپلمیر بالالار آغلاشری دیگ صبری تالانوب خیمه به خیمه داشری خیمه گاه علی اصغرده هامی آغلاشری الده سوسوز پیاله لر الله سولموش عطشدن لاله لر الله رباب الده اصغر ، گوزی یاشلی سسلر دیر هی داور ، الله یاندی بالام کربلاده سوتاپلمور بالالار چوخ دولانور دیور عباس عمو قلبین الولاندی یانور علی اصغر آناسی گاه گیدور گه دایانور الده سوسوز پیاله لر الله سولموش عطشدن لاله لر الله رباب الده اصغر ، گوزی یاشلی سسلر دیر هی داور ، الله یاندی بالام

#غزل_تورکی من عاشقم،ولی بو سوزوم دن گیلِیلی ام از بس دوزوب فراقه،دوزوم دن گیلِیلی ام قلبیم یانیر بو آتش هجرانیله دئدیم عُصیانیله سونَن بو کوزوم دن گیلِیلی ام ایل گَلدی گِئتدی،گَلمه دی یورقون مسافریم یول گوزلیه ن یالانچی گوزوم دن گیلِیلی ام بیر بئیله من گناه ائلدیم،سن ولی دعا شرمنده یم،بو قاره یوزوم دن گیلِیلی ام سیزدن گلایه ائیلماقا گلموری یوزوم آند اولسون عشقیمه من اوزوم دن گیلِیلی ام... #هاتف_حضرتی #یا_صاحب_الزمان_عج

💢 بیر لحظه حسینون یارالی قلبی دایاندی 💢 -------------------- بیر لحظه حسینون یارالی قلبی دایاندی آمدن حضرت امام حسین(ع) سر بالین حضرت ابوالفضل (ع) . . مرحوم حاج عبداله رضایی (غمکش) . بیر لحظه حسینون یارالی قلبی دایاندی سرلشگرینی گوردی گوزل پیکری قاندی آلدی باشین آغوشه اونون حالینه یاندی سسلندی اَخا آچ گوزووی یاتما ابوالفضل گوزدن یانان اهل حرمی آتما ابوالفضل . یاندیرما یانان قلبیمی ای پشت و پناهیم سرلشگر و سردار و علمدار سپاهیم قدّیم بوکولوب هر طرفه باغیلدی راهیم سینم آلیشور آتش هجرانووه قارداش باخدوقجا سنون پیکر القانووه قارداش . بیردن نه گوروب ساقی لب تشنه او ساعت جلوه ایلیوب نهریده اول شمس امامت بیر آه چکوب گوز دولوسی آغلادی راحت بیر لحظه چوخ آهسته دئدی گلدون امیریم ال چک باشیما اولمویا عالمده نظیریم . صحبت لریمین وار اثری قلبووه آلما آتدّان یخیلان ساعتمی یادووه سالما من نوکرووم دور گیت اَخا فکریمه قالما توپراقلارون اوسته ایلدیم سجده خدایه قربانون اولوم گلمه اَخا ایندی نوایه . صیّاد اجل صبرووه قربان اولا قارداش سالدی نئجه آتدان منی بو قوم اورک داش سیندی بئلیم آرامیم آلوب غصّه لی گوز یاش اصغر هایینا وئرمدیم های یاندیم آلیشدیم اوخ مشکیمه دگدی فقط اول لحظه چالیشدیم . مولا او یانان دیللریله ایلدی فریاد سندن صورا یوخ کیمسه ائده قارداشون امداد مقتلده کسلّر باشیمی لشگر بیداد قانه قاریشان گوز یاشیم اولسون سنه قربان اهل حرمیم قارداشیم اولسون سنه قربان . یوخدور گر الون قانی ائده پاک گوزوندن یانّام سنون احوالووه چوخ چوخ من ئوزوندن سیلّم قانی الآن ئوپرم قانلی یوزوندن ای عترت طاهایه نگهبان سنه قربان زنده قالاجاق دهریده قرآن سنه قربان . غمدن قوجالان قارداشووی فکریدن آتما خون دلیمی اشک تر ماتمه قاتما دور تکیه ایله چگنیمه قارداش بئله یاتما گوز یاشیله زینب سو سَپر یولاّرا قارداش قرباندی رقیّم کسیلن قولاّرا قارداش . گلشن پوزولوب گل سارالوب سولدی گلستان باخدوقجا گلستان و گله باغریم اولور قان «غمکش» یئری

نوحه حاج شهروز حبیبی اماندی گل مقتله قامتی کمان ننه سینون گولون اتدیلر اوخلارا نشان ننه😔🥀🖤🏴 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

#غزل_تورکی من عاشقم،ولی بو سوزوم دن گیلِیلی ام از بس دوزوب فراقه،دوزوم دن گیلِیلی ام قلبیم یانیر بو آتش هجرانیله دئدیم عُصیانیله سونَن بو کوزوم دن گیلِیلی ام ایل گَلدی گِئتدی،گَلمه دی یورقون مسافریم یول گوزلیه ن یالانچی گوزوم دن گیلِیلی ام بیر بئیله من گناه ائلدیم،سن ولی دعا شرمنده یم،بو قاره یوزوم دن گیلِیلی ام سیزدن گلایه ائیلماقا گلموری یوزوم آند اولسون عشقیمه من اوزوم دن گیلِیلی ام... #هاتف_حضرتی #یا_صاحب_الزمان_عج

🏴#نوحه 🌷#حضرت_رقیه 🔘#ترکی بلایه آغوش آچانیم لای لای بهشته روحی اوچانیم لای لای ایاق یالین یولدا گئجه یاری تیکانلار اوسته قاچانیم لای لای ئولونجه قاره گینیم لای لای همیشه غصه یینیم لای لای هامی یاتانان صورا آخشاملار حسینه نوحه دینیم لای لای خرابده آج ئولنیم لای لای یوزی ئولنده گولنیم لای لای یارالی قلبین آتا هجرینده جفا خدنگین بولنیم لای لای فغانه غمدن گلنیم لای لای عجل سرشکین سیلنیم لای لای خـــــرابه کنجینده بـــــــــلالـــــــردن گوزون یوموم دینجلنیم لا لای جفای زجره دوزنیم لای لای ستاره مثلی سوزنین لای لای #بلایه_آغوش_آچانیم_لای_لای 🌷هدیه به حضرت رقیه سلام الله علیهما (صلوات)🌷 ﷽🥀 ✨اَللّهُمَّ عَجِّل لِوَلیِّکَ الفَرَج