. مرحوم صحاف تبریزی . دولدوروب جهانی وای حسین نواسی اللری باشندا سسلنور آناسی نور هر دوعینم وای بیکفن حسینیم وای جان عزیز زهرا (2) . . گلمیوم نجه من دلدن آه و زارم ویرمیوم اجازه چشم اشکباره قویدیلار بالامی بیکفن مزاره نور هر دو عینم وای بیکفن حسینیم وای جان عزیز زهرا . . جبرئیل دیردی بو حسینه لای لای دوغرادی وجودین اهل کینه بو آی ورد و ذکریم اولدی وای حسینیم ای وای نور هر … . . اوغلومین دولانام مجلس عزاسین آچمارام باشیمدان حشره تک قراسین اللریم اورکده باشلارام نواسین نور هر … . . هر او یرده گورسم واردی قاره پرچم شیعه لر قوروبلار اوردا بزم ماتم منده باشدا قاره سسلرم دمادم نور هر … . . هر عزایه گلم سینه داغلارام من عارضه سرشگ چشمی باغلارام من اوخشارام دویونجا اوردا آغلارام من نور هر … . . اوغلومی چاغوردی اهل کوفه مهمان قویدی میزبانلار میهمانین عطشان ویردی سو یانندا ظلمیله بالام جان نور هر … . . گیتدی جدی گیتدیم منده کربلایه التماس ایدم تا شمر بی حیایه باشی استه گلدیم نی کیمی نوایه نور هر … . . گلدی خیمه لردن زینبیم او ساعت قارداشین گورنده توکدی اشگ حسرت بیر باجی گتورمز بیله حاله طاقت نور هر … . . زینبیم توتاندا شمر خنجریندن قاتلین یاپوشدوم منده اللریندن ایتمدی او ظالم شرم خواهریندن نور هر … . . قویدی بو کشاکش ماسوانی حیران دوشدی عصمت الله معجری باشندان شمر الینده زینب اولدی قانه غلطان نور هر … . . بیر یره یتیشدی ایش او کشمکشدن ضعفدیدی اوغلوم شدّت عطشدن اچدی گوز حسینیم گلدی حاله غشدن نور هر … . . گوردی باجی سندا قارداشی اوحالی سیل تک عذاره آخدی اشک آلی ائیلدیم مکرذ من ده بو مقالی نور هر … . . سسلدی باجی گئت قتلگهده دورما غم بساطین ایندی باشیم استه قورما گل بو دللریله داده باشه ورما نور هر … . . وار آنام یانمدا باجی سینه داغلار قاره معجریله گوزلریمی باغلار آغلادور جهانی بیله اوخشار آغلار نور هر … . . سوز دایاندی صحاف ایله بیر مقاله دوتدی اود صحیفه یاندی الده خامه فاطمه دلنجه ویر سوزون تمامه نور هر …

💐🍃🌿🌸🍃🌾 🍃🌺🍂 🌿🍂       🔹🔸🔹🔸🔹🔸 🌹 #پندیات_غزل بیرگون منی احضار ائلدی پیر خرابات تا شرح ائلسین چاره و تدبیر مکافات                🔸🔹🔸🔹🔸🔹🔸 اماده  اولوب خدمتینه ائتدیم ارادت ابراز ایلدیم  مهریمی هنگام ملاقات              🔸🔹🔸🔹🔸🔹🔸 بیر آهیله عرض ایلدی ای خام طریقت بیهوده یارانموبدی بیزه  ارض وسماوات                 🔸🔹🔸🔹🔸🔹🔸 تدبیر ائله عقبایه بو دنیاده قالان یوخ قویما سالا افکاریوه  بیگانه خرافات                    🔸🔹🔸🔹🔸🔹🔸 نامرده باش اگمه  اگر  اولسنده آجینان بیراهیه گتسون اوزوی ایله مجازات                  🔸🔹🔸🔹🔸🔹🔸 هرگون ائله پیمانیوی معشوقیله تمدید مقصوده یتیرمز سنی بی بهره ریاضات                             🔹🔸🔹🔸🔹🔸🔹 بیل باغلاما بو دهیریده هر بی سرو پایه آخیرده   ائدر  قلبیوی   کانون    جراحات                                🔹🔸🔹🔸🔹🔸🔹 تاپشورسا اگر کیمسه سنه مال و منالین انصافیله   سن ایله   اونا   حفظ امانات                      🔸🔹🔸🔹🔸🔹🔸 هر بزمیده اگلشدون ایشد پندی بوهوکدن بیدار     ائلیر   فکریوی    توصیف حکایات                     🔸🔹🔸🔹🔸🔹🔸 تیکمه گوزووی  ثروت اشخاصه بو یولدا چاتماز ‌  سنه خالقدن   اودم  سیر کمالات                      🔸🔹🔸🔹🔸🔹🔸 یاز قلبیوه بو نکته نی سن ائتمه فراموش بی   عشق   #علی گلمز  اله رمز   فتوحات                   🔸🔹🔸🔹🔸🔹 🍃🌺🍂 💐🌾🍀🌼🌷🍃

مدح امیرالمومنین علیه السلام . علی پور آقا ( علیوی ) . علی شیر خدادور سینه سی سینادن افضلدی اونون بیر تار گیسوسی بوتون دنیادن افضلدی مبارک پیکرین چکدی نجف آغوشینه جان تک که حیدر دفن اولان یر طارم اعلادن افضلدی . مقدس مرقدی اوسته چکوبلر بیر گوزل گنبد او گنبد تا جهان وار گنبد مینادن افضلدی ئوزی اوغلانلاری باشدور ملکلردن جلالتده محجب قزلاری همسرلری حورادن افضلدی . حسینیلن حسن فخر ایلیر ابراهیمه نوحه قزی کلثوم و زینب،مریم و سارادن افضلدی علی ساقی محفلدی میستان ولایتده او بیر میخانه دور که مسجدالاقصادن افضلدی . گوزین دهره آچان ساعت آچیلدی کعبه دیواری که یعنی ای مسیحی لر علی عیسادن افضلدی علی حجت اولان گون روز بعثتلن برابردی شب میلاد حضرت لیله الاسرادن افضلدی . الیننن ئوپدی پیغمبر زمان فتح خیبرده دئدی بو اللره قربان ید بیضادن افضلدی برائت سوره سین ائتدی قرائت دشمنان ایچره یهودی بیلسه معناسین دیر موسادن افضلدی . او دور دریای حکمت مابقی علملر قطره گئنه راوی دیور هر قطره سی دریادن افضلدی او شاهی من قیاس ایلوم کیمیلن فانی دنیاده که دوزگون شیعه سی یعقوبیلن یحیادن افضلدی . علی بیر کیمیادور قطره نی دریا ائدر زاهد که کرکس خاک پایین ئوپسه گر عنقادن افضلدی بو شعره (علیوی)جنت دئمه سن کربلا ایسته بوگون نقد اولسا اجرون نسیه فردادن افضلدی

‍ داغلار آغلار داشلار آغلار ماتمونده یا حسین نیزه لرده باشلار آغلار ماه ماتم باشلانوبدی غملی گوزلر یاشلانوبدی اهل عالم گیدی قاره سرور دین حیدر آغلار دل غمونده داغلاروخ بیز عاشقانه آغلاروخ بیز عاشق مولا اولانلار آه و افغان ایلر آغلار قورموشوخ ماتم اساسی شیعه گیدی غم لباسی گوز یاشی توکدی عذاره قطب دین پیغمبر آغلار ماتمونده عالم آغلار آدم آغلار خاتم آغلار غم ائله غمدیور بو غمده مومن آغلار کافر آغلار آغلوری گوگده ملک لر اوخشوری محراب و منبر بیر قولاق وئرسن گوررسن مسجد اوخشار منبر آغلار غصه دن طاها سیزیلدار حضرت زهرا سیزیلدار سسلوری ای وای اوغول وای مادر غم پرور آغلار عاقل و دیوانه آغلار کعبه و بت خانه آغلار بو غم عظماده شیعه آچ گوزون گور کیملر آغلار شاه دینین یاسی گلدی روز عاشوراسی گلدی آتش غمده یانانلار گل آدیوی سسلر آغلار آت اورک بیر کربلایه اوردا باخ شور و نوایه بیر نظر سال قتلگاهه حنجر اوخشار خنجر آغلار محنت مولا قوتولماز سوز یازاندا پرده لی یاز ساخلا ال یازما «شهابی» خامه اوخشار دفتر اغلا

🌹 دریا حسینه قوربان صحرا حسینه قوربان کلیپی بی نظیر از فخرالذاکرین استاد معظم حاج سیدمحمد عاملی که ماندگار شد. دریا حسینه قربان صحرا سینه قربان طاها حسینه قربان حیدر حسینه قربان ویرانده سه ساله زهرا حسینه قربان قولسوز یاتان سو اوسته سقا حسینه قربان یرلر حسینه قربان گولر حسینه قربان گلزار کربلاده گلر حسینه قربان پیغمبرون شبیهی اکبر حسینه قربان اوز گوز قانا بویانموش اصغر حسینه قربان سو اوستکی کسیلمیش اللر حسینه قربان دریای قانه باتمیش لشگر حسینه قربان اثر زیبای استاد حاج یدالله منعم اردبیلی ره

🌹سرود میلادیه امام هادی(ع) 🎼باآهنگ: ازغم شکستم بابا حیدرمدد فانی دنیایه گلوب پورعلی ختم پیغمبره دلبندووصی یثربی نوریله باراندی بوگون نه گوزل خلق ائلیوب رب جلی ای پورحیدر آقاسندن مدد سبط پیمبر آقاسندن مدد(۲) _ آی گونه نازائلیور پورعلی یارانان نورولایت اذلی شاداولوب بیت پیمبربوگونی بیربالالطف ائلیوب رب جلی ای پورحیدر آقاسندن مدد سبط پیمبر آقاسندن مدد(۲) _ بوگونی جسمه اولان جاندی گلوب فاطمه اوغلی خراماندی   گلوب حامی دینیله   قرآندی   گلوب یثربی نوریله باراندی   گلوب ای پورحیدر آقاسندن مدد سبط پیمبر آقاسندن مدد(۲) __ شادائدوبدورآتانی هم آنانی آتاسی آلدی قوجاقه  بالانی جدینون آدینی قویدی بالایا دشمنون قلبینه وحشت سالانی ای پورحیدر آقاسندن مدد سبط پیمبر آقاسندن مدد(۲) _ صاحبون قلبینی محنت آلاجاق دشمن دینه اووحشت سالاجاق سامره شهری اونامدفن اولار بالاسیلان اوامام تک قالاجاق ای پورحیدر آقاسندن مدد سبط پیمبر آقاسندن مدد(۲) 🌹میلادباسعادت امام علی النقی (هادی) مبارکباد ✍حاج عباسعلی دهقان(صاحب ) ارومیه۱۴۰۰/۴/۲۷

حسین جان —–|●♯♩♪♫♬♬♫♪♩♯●|—– عالمون آیری بیر عالمدی حسین جان!! ♪♪^ سنون عشقونده جهان اهلیدی حیران.. در و دیواره گینه قاره چکوبلر ♪♪^ گلوب ایام عزا ای گل رضوان…. محرمون گلوب اورکلر یاندی! ♪♪^ بو اون گجه نه غصلی دوراندی حسین حسین آقام ابا عبد ا… ♪♪^ یاحسین ای شرف عالم آدم گوزل آدون یارالی قلبیمه مرهم!! ♪♪^ زاهدین فکری بهشت آختاریر امّا… منه جنّتدی حسین محفل ماتم! ♪♪^ نمازیده صفای محرابیم سن بوبسدی کی جهاندا اربابیم سن ♪♪^ ای اولان کان کرم حجت یزدان!! فاطمه سویگلی سن ای شه دوران ♪♪ اُمتین باب نجاتی آقا سن سن.. رحمت واسعه سن ای شه دوران! ♪♪^ گناهیمیز اگرچه چوخدی مولا هارا گیداخ پناه یوخدی مولا ♪♪^ دیل آچاندان آدیوی ازبرم ارباب…. سوز باشی گول آدیوی سسلرم ارباب!!! ♪♪^ ای منیم هر ایکی دنیاده وقاریم گر قبول ایلیسن نوکرم ارباب! ♪♪^ محبتون اورکده سرمایمدی.. بو ماتمون غریبه بیر ماتمدی! ♪♪^ بنده لیق سندن حسین تاپدی شرافت ای نجاتین گمیسی نور هدایت… ♪♪^ آلتی گوشه حرمی گویلوموز ایستیر (بیکَسه) ویرآقاجان قول زیارت!!! ♪♪^ نولور گورم نصیب اولوبدی یارب… دایانمیشام به روی تل زینب ♪♪^ —–|●♯♩♪♫♬♬♫♪♩♯●|—– نوحه عالمون آیری بیر عالمدی حسین جان #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

سبک👆👆👆👆👆👆

🌸🍃🌾🌼 🍃🌺🍂 🌿🍂 💐 استمدا حضرت ابوالفضل العباس علیه السلام به قلم: اصغر فرشچی (عدلی تبریزی) گوزلورم یولوی داده گل قارداشیم تیز یتیش دادیمه قالوب الده باشیم اوخ دگوب مشکیمه مأیوسام قارداشیم غصّه وغم لره مأنوسام قارداشیم داده گل.. داده گل داده گل.. داده گل قول دوشوب باش یارا ....جسمیدن خستیم من ازلدن حسین ...عشقیوه بستیم ساقیم تشنیم..... بو فرات اوستیم ویروبلار دوزولوب.... سینمه نیزه اوخ مشکیمدن آخان سو... خجالت ایتدی چوخ داده گل ..داده گل داده گل.. داده گل سویوم یوخ یوزوم یوخ .. خیمیه من گلم باش سنوب آخور قان قوللار اولموش قلم ساخلیه بولمورم ...گل حسین من علم علم یرده قالوب... صاحب اول لوایه خیمه ده یوبانما.. گل حسین هرایه داده گل.. داده گل داده گل.. داده گل پیکریمده اوخلار... پرآچوبدی چوخدی بیر نفر یاوریم... بو زماندا یوخدی اوتوران گوزمده... اوچ شعبه لی اوخدی بو اوخ یاراسندان ... هر یارام باش اولدی ایکی گوزدن آخان... اشکیم قانیاش اولدی داده گل.. داده گل.. داده گل.. داده گل صون نفسده یوزون.. وار گورم هوسیم جان دوداقه یتوب ....تنگ اولوب نفسیم سیدی گلمه سن .. یوخ منیم بیرکسیم قالسیدی بدنده ... اللریم سلامت قویمازدیم کوفیان.. ایتسونله جسارت داده گل.. داده گل.. داده گل.. داده گل من باخدیم مشکیمین ... سوئی آخدی چوله کشمکش وار باشیم اوسته ایت عجله گلمسن بو باشیم دوشر الدن اله جانیم یتشوبدی.. اخا گل دوداقه قدرتیم یوخ منیم دورماقا ایاقه داده گل.. داده گل.. داده گل.. داده گل مشـکیمدن سو آخدی... اولموشام روسیاه آخدی سوحسرتله ...سووا ایتدیم نگاه من سنه سربازم ....دگورم سرسپاه درک ایله سربازون ..گل بو دم هرایه باشیمی کوفیان آلوبلار آرایه داده گل.. داده گل.. داده گل.. داده گل حـراسـت ایلدیم.... دگمیه مشکه اوخ قضایه دیمدیم ....سـنکـیمی منده یوخ اخان سو ایلدی... منی شرمنده چوخ یوخدی سوخیمه ده توکوری قان گوزوم وای رباب وای اصغر اولوب ایندی سوزوم داده گل.. داده گل.. داده گل.. داده گل 🌸🍃🌾🌼 جواب حضرت امام حسین علیه السلام در بالای سرحضرت ابالفضل العباس به همان سبک: ابوالفضل ای اولان.. دین حق فداسی من حسینه یاور... کربلا سقاسی یاتما ایسی یرده..... قلبیم گلور درده دورمشکون اله آل... شیوندی خیمه ده ابوالفضل ابوالفضل ابوالفضل ابوالفضل سـسلدون ادرکنی بودشـت بـلاده اللریم بلیم ده دور گلدیم امـداده اوخلانوب سومشکون گلموشم فریاده تأثیرایلوب غمیم ابولفضل داغ داشـا ابوالفضل ابوالفضل ابوالفضل ابوالفضل جسمونده یاره لر...چاتوبدی باش باشا قول لارون سالوبلار....قان ویرورهریارا عشق جانان اوسته ... دینه اولدون فدا یاتما دورسیل غـم.. ایستور باشـدان آشا ابوالفضل ابوالفضل ابوالفضل ابوالفضل سن بحروفادن ...جانه آلدون وضو حدیث عشقی چون.. آختاردون مو به مو فراتی ترک ایتدون... قوری دوداق گلو ایچمدون جرعه سو... ایلدون مواسا ابوالفضل ابوالفضل ابوالفضل ابوالفضل استقلال دینه ....سن ایکی قول ویردون کچدون باش وگوزدن... صاقیله صول ویردون هرگلن پیکانه... سیننده یول ویردون سن عشقونله ویردون ... بو جهانه صفا ابوالفضل ابوالفضل ابوالفضل ابوالفضل قرمزی قانیوی... باشه تاج ایلدون سینوی هرتیره ...سن آماج ایلدون شهید اولماقلیقی ... سن رواج ایلدون شـریک نهضتیم ...سن روزعاشورا ابوالفضل ابوالفضل ابوالفضل ابوالفضل جسمون آماج اولوب بوچولده سیوفه ماه هاشمی سن دوشموسن خسوفه آغلورام من گولورشام و اهـل کوفه مشکل دورقارداشون اولومی قارداشا ابوالفضل ابوالفضل ابوالفضل ابوالفضل کیچیلوبدی جسمون یاره تعدادی چوخ سینه وه دوزولوب وای منه نیزه اوخ هاراندان من اوپوم صاح یرین تنده یوخ جسمونده یاره لر چاتوبدی باش باشا ابوالفضل ابوالفضل ابوالفضل ابوالفضل آغلار(عدلی) بیزه هرصبح وهـرمسا گویلی ایستور گوره بیرده کرب وبلا سن باب الحوائج آدون مشکل گشا مشکولون آچ اونون دردینه ایت دوا ابوالفضل ابوالفضل ابوالفضل ابوالفضل 💐 🌾🌼 🍃🌾🌼 🌸🍃🌾🌼

🔮 عید غدیر خم 🔮 بیات ترک 🎙شاعر : رضا ماه پری زنجانی سبک از صلابت ☘☘🔷🔷🔴🔴🔷🔷☘☘ حجة الوداع شیعه لر دردینه، دوا گلوب ایهاالرسول ویر خبر عالمه، صفا گلوب پرچم ولایتی لوای دین ایله ئوزیرینده مرتضانی جانشین ایله یا مرتضی علی علی یا مرتضی 2 💚💚💚💚💚💚💚💚💚 امته یتور بو بشارتی مرتضایه ویر حکم دولتی علینی خلقه امیر ایلسن پیام دینه سفیر ایلسن یامرتضی علی علی یا مرتضی 2 💚💚💚💚💚💚💚💚💚 قویدی باشه تاج ولایت علی. امیرعشق مصطفی یرینده اولوبدی علی. وزیرعشق بیعت آلدی مرتضایه مصطفی اوگون نعمتین تمام ادوبدی چون خدا اوگون یامرتضی علی علی یا مرتضی 2 💚💚💚💚💚💚💚💚💚 کامل اولدی دین شاد اولوب علی اولدی عالمه مرتضی ولی غدیر اولوبدی حرا تک جلی بویوردی بخ"هامی یاعلی یامرتضی علی علی یا مرتضی 2

فقر کاسه ي گدایی نیست ، فقر یعنی کاسه های چشمی که این کاسه های گدایی را می بیند و کاری نمی کند... 👤 دکتر شریعتی 29 خرداد ماه سالروز درگذشت استاد دکتر علی شریعتی گرامی باد