بانوای عبداللهی =========👆مدح شاه خیبرعلی<ع> ه~~~ روحیمیزه صفا علی دردمیزه دوا علی مشگل آچان بیلکلره شیعه لرین فدا علی جانم علی جانم علی ای جان جانانم علی میر حجاز علی علی محرم راز علی علی درگهی باب حاجت اهل نیاز علی علی قائد و رهبریم علی هادی معبریم علی ذات حقین وجودینه علت باوریم علی جانم علی جانم علی ای جان جانانیم علی هادی علی هدا علی نادی علی ندا علی وارث ختم الانبیا ارشد اولیا علی راشد علی رشاد علی مرشد علی مراد علی لات ومناتی سیندیران جاهد علی جهاد علی جانم علی جانم علی ای جان جانانم علی معنی اتحاد علی کشتهءعدل ودادعلی خلقت عرش وکرسیه فلسفهء نهاد علی صاحب اقتدار علی خلقته افتخار علی دین حقین بقاسینه ضامن و اعتبارعلی جانم علی جانم علی ای جان جانانم علی عاشق پاکباز علی عشقده سرفراز علی وصل و فراق دلبره دلده کی سوزوسازعلی مکتبه امتیاز علی معنی دستماز علی سجده ده قانه غرق اولان فلسفه ی نماز علی جانم علی جانم علی ای جان جانانم علی عزت و جاهه گام علی رتبه علی مقام علی فلسفه ی نما ز ده سجده علی قیام علی دایره ی قضا علی حق سوونه رضا علی کوفه دکی یتیمیلر قالدیلا بی غذا علی جانم علی جانم علی ای جان جانانم علی روحیمیزه صفاعلی‌ شاعر - جاهد - بانوای دلنشین .

داد خواهی از ولی عصر(عج) سبک: یخلدی سقایئره دنیاده غوغا ائدور _بی عدالتی آقا قربان اولوم گوزلره_ ائت عنایتی آقا هارداسان. هارداسان ای گل نیلوفریم پرده غیبیدن چخ وفالی رهبریم مهدی جان. سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 آل اله سن پرچمی_یوسف زهرای من رایحه وئر هریئره_ای گل شیدای من آند وئررم سنی مصطفایه گل آقا همدم فاطمه مرتصایه گل آقا مهدی جان سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 عدل و عدالت ئولوب_ قلبیلریانمور سونوب بس که باخوب یوللارا_دیده لر قانه دونوب آی آقا جان آقا گل گوزوندن ئوپروک شیعه نی شاد ائله یولووا گول توکروک مهدی جان.سروریم گل هایاندا قالموسان بوبراقونده باخ گورنه درده سالموسان(۲) 🔸🔹🔸🔹🔸🔹 وئررم عباسه قسم_آل اله یاشیل علم آل انتقامین آقا_قوللاری اولوب قلم محشرون تظمینی او ایکی قول اولاجاق باخدیقجان ننون قلبی قانلا دولاجاق مهدی جان.سروریم گل هایاندا قالموسان بوفراقونده باخ گورنه درده سالموسان 🔸🔹🔸🔹🔸🔹 التماس دعا کربلایی ابوالفضل صفری اجرا : احسن دهقان نوکر امام زمان عج تعجیل در فرج امام زمان عج صلوات 🌸🌸❤️💚🌹🌹💐💐

🌸در مقام و منزلت مولای متقیان حضرت علی علیه السلام🌸 🎶سبک(من اومدم دوا بشه / دردم).... باشیمدا تاجِ عزّتیم / سنسن وقار و شأن و شوکتیم / سنسن همیشه ذکر و صحبتیم / سنسن عجب آقام وار گول اوزلی دلبریم آقا / سنسن امیر و سَروَریم آقا / سنسن جهاندا رهبریم آقا / سنسن عجب آقام وار علی علی علی علی / حیدر آدون فداسی صراطِ مستقیمِ دین / حیدر یگانه میرِ مؤمنین / حیدر علی امامِ مُتَّقین / حیدر سنه غلامم ای عالَمه ویرن صفا / حیدر ای شیعیانه مُقتدا / حیدر گوزل آدیوا من فدا / حیدر سنه غلامم نظردن هیچ گَدانی شَه / سالماز بو روسیاهی اوزگه سی / آلماز چاغیرسا کیم سنی غمی / قالماز آدون فداسی یتیردی عشقون ایمَنه / مولا اورکدن عاشقم سنه / مولا نولور عنلیت ایت منه / مولا آدون فداسی بو سوزلری محبّتیم / قوشدی گَدایه شَه نظر سالا / خوشدی بولورسن اَللریم نجه / بوشدی گَدایه بیر باخ گلیبدی (بیکَسین) دیلی / درده نواور نظر ایله رُخِ / زَرده چاغیر گلوم زیارته / بیرده گَدایه بیر باخ #حضرت_علی_علیه_السلام #عید_غدیر التماس دعای فرج الاحقر مهدی عبادی

تنور خولی(شام غریبان ) (سبک: الهی دفن ایدم نئجه) آنا ، کول اوستیَم ندن نه سن سوروش نه من دییوم هانی او دوغرانان بدن؟ نه سن سوروش نه من دییوم **** کول اوسته بو قوناقیدن بو قان دولان دوداقیدن بو آتش فراقیدن نه سن سوروش نه من دییوم آنا او قانلی سینه دن او خورد اولان خزینه دن رقیه دن سکینه دن نه سن سوروش نه من دییوم تاپیلمادی ندن کفن هانی او کهنه پیرهن کیم اولدی باشیمی کسن نه سن سوروش نه من دییوم آچیلدی یول خوارجه سویولدی خیمه لر گیجه گلوبله غارته نئجه نه سن سوروش نه من دییوم کیم اولدی قدّیمی بوکن کیم اولدی قانیمی توکن کیم اولدی سینمی سوکن نه سن سوروش نه من دییوم هایاندا صولدی گوللریم ندن داغیلدی ائللریم هاچان کسیلدی اللریم نه سن سوروش نه من دییوم آنا ئورکده رازیدن او قانلی دستمازیدن بو نحر اولان بوغازیدن نه سن سوروش نه من دییوم دوشندن اللره باشیم دونوبدی قانه گوز یاشیم یاتوب هایاندا قارداشیم نه سن سوروش نه من دییوم هانی علی اکبریم بابام رسوله بنذریم اذان وئرن دلاوریم نه سن سوروش نه من دییوم سوسوز قالاندا خیمه لر نه حاله قالدی صود امر آنا بالا چکوب نلر نه سن سوروش نه من دییوم ندن رباب بی کسین کیم آلمادی حزین سسین خزان ساراتدی غنچه سین نه سن سوروش نه من دییوم ندن بالاسی آغلادی آناسی سینه داغلادی قولون طنابه باغلادی نه سن سوروش نه من دییوم صفای قتلگاهیدن وفای ذوالجناحیدن ئورکده سوز آهیدن نه سن سوروش نه من دییوم دوتاندا شمری قان گوزون سالاند ا مقتله ئوزون (( مُصَیّبین )) ئورک سوزون نه سن سوروش نه من دییوم ** محمدعلی مصیبی تبریزی

قسمت هفتم 🎶 جلوگیری از هوادار شدن صدا

‍ ‍ ‍ ‍ ‍ در ویرانه ده دورما ... زبانحال حضرت زینب کبری با حضرت رقیه (س) در خرابه شام در ویرانه ده دورما منیم آرامیمی آلما چوخ ائتمه تکیه دیواره آنامی یادیما سالما نوالی بلبلوم لایلای شیرین دیل سویگلوم لایلای الیوی قوینووا قویما بئله تئز جانیوه دویما بو قدر غملی دایانما بو ذوقیله تماشایه گلن قیزلاری آغلاتما نوالی بلبلوم لایلای مارالیم ایلمه افغان گوزووی سیل بی بی قربان سوزوی دئ منه هر آن آلیب آغوشه دیوم جان تاپارام دردیوه درمان نوالی بلبلوم لای لای قادا سندن اوزاق اولسون یوزون عالمده آغ اولسون وطنون لاله باغ اولسون ائویوی چلچراغ اولسون سارالیبسان ایراق اولسون نوالی بلبلوم لایلای سنی گوردوکجه سارالّام غم اوخون قلبیمه چالّام دئمه ویرانه ده قالّام یولومی یثربه سالّام سنه گوشِواره آلّام نوالی بلبلوم لایلای قره گیدی اوجا داغلار سارالوب غنچه لی باغلار قوریوب غملی دوداقلار سنی گورجک قولی باغلار ننون آغلار باجون آغلار نوالی بلبلوم گوزلیم گول گوله گوللر قوتارار بو چتین ایللر چکیلر بو قره یللر کؤچر اؤز ملکونه ائللر دارانار بو قره تللر نوالی بلبلوم لایلای             #مرحوم تقای

۞﷽۞ سرودی در ولادت امام هادی (ع) 🎵 : در سبک ای نگار عالمین زهرایه نوردوعین مژده ویرین عاشقان امـام هـادی گلدی هرسینیخ دیله بوگون نغمه شـادی گلدی واگیر مدد امام هادی مدد امام هادی(۲)بار فروغ ایمان گلیب جلوه جـانـان گلـیب مکـتب معـرفـت و ادب اسـتـادی گلدی جـان علم و ایماندی دین واسلامه جاندی بزم عشق وعرفان و اُمّـت ارشادی گلدی وارث عـلـم نَـبـی مـاخـلـقـون سـبـبـی جوادالأئـمـه نیـن آغزینین دادی گلدی فخر اولـیـاء گلیب دلـبـنـد طاهـا گلیـب به به شادوخرامان ایتدی جوادی گلدی فـروغ لــم یـزلــدی گـوزلـلـردن گوزلـدی ذات حقدن بو بیزه لطف وعطادی گلدی شأن و شـرفده حیدر خُلق وخوده پیغمبر حُسن وملاحتده چون زین العبادی گلدی عشقـونـده دیوانـیـم شمعیـوه پـروانـیـم فخـر ایلر درگـهـونده (عاجز) گدادی گلدی این شعربنابرحسب الامر استاد عزیزم خادم مخلص دربار اباعبدالله الحسین(ع)حاج جعفرفتحی درتاریخ ۱۴۰۳/۳/۳۲ نوشته شده است ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

در مدح حضرت امام هادی ( ع ) ای زاده ء پاک تقی ای زاهد و ای متقی اولسون سلام حق سنه يا أَيُّها َ الهَادى ِ النَّقي سن شمس عالمتابسن حاجات خلقه بابسن سن سرور احبابسن يا أَيُّها َ الهَادى ِ النَّقي سن آیت سبحانیسن حقّه آقا برهانیسن سن معنی قرآنیسن يا أَيُّها َ الهَادى ِ النَّقي ای سروه بنزر قامتی ای عرشه بنزر ساحتی ای سِلمِ حقون غایتی يا أَيُّها َ الهَادى ِ النَّقي ای اهلبیت مصطفی ای یادگار مرتضا ای معدن صبر و وفا يا أَيُّها َ الهَادى ِ النَّقي ای منبع جود و سخا ای ملجاء شاه و گدا سنسن بوتون درده دوا يا أَيُّها َ الهَادى ِ النَّقي هم مست و هم بیماریوم بیر عمردور سرباریوم من سائل درباریوم يا أَيُّها َ الهَادى ِ النَّقي من روسیه بیر بنده یم چوخداندی سرافکنده یم من عاصی و شرمنده یم يا أَيُّها َ الهَادى ِ النَّقي ذات حقون یرده سسی بی کس لرین ای هر کسی عفو ائت بو خوار و بیکسی يا أَيُّها َ الهَادى ِ النَّقي ای سامراده مدفنی حقّه قسم وئرم سنی سالما گوزوندن سن منی يا أَيُّها َ الهَادى ِ النَّقي عشقونده تبدارم آقا درده گرفتارم آقا #شیدای گلزارم آقا يا أَيُّها َ الهَادى ِ النَّقي #محمدرضا‌صادقی‌شیدا

سرود امام هادی(ع) آذری ازکربلایی طاهرنوروزی🌸🌸🌸🌸🌸 نوگل باغ تقی ،،، آقام علی النقی گوزآچدی بوعالمه ،،،اوسرورو متقی امام هادی قویدی بودنیایه قدم غبطه ایلر. مقامنه اهل کرم گوزوزآیدین(4)🌸 متقی لر سروری. آقام امام هادی اهل زمین وسما اوحضرته فدادی اهل ولا دلینده اولوبدی ازبر آدی امام هادی قویدی بودنیایه قدم غبطه. ایلر. مقامنه اهل کرم گوزوزآیدین(4)🌸 ندا ایدوب. منادی گلدی امام هادی دشت ودَمنده بلبل اوخورسرود شادی دردیوی ایله اظهار آقام گره گشادی امام هادی قویدی بودنیایه قدم غبطه ایلر مقامنه اهل کرم گوزوزآیدین(4)🌸 اورکلرین صفاسی عسگرینون آتاسی طبعمه چوخ ویروب دم گوزلریمون ضیاسی بیزلره باب رجاء بو در. با سخاسی امام هادی قویدی بودنیایه قدم غبطه ایلر. مقامنه اهل کرم گوزوزآیدین(4)🌸 نوروزی. ایت توکل. خدای لایزاله توسل ایت اورکدن شه علی خصاله نا امید اولمادی کیم اولدی دخیل بوآله امام هادی قویدی بودنیایه قدم غبطه ایلر مقامنه اهل کرم گوزوزآیدین(4)🌸 🌸🌸🌸🌸🌸🌸🌸🌸🌸🌸 جهت اطلاع ازسبک سرود به کانال تلگرام مراجعه شود🌸 التماس دعا👋👋

تقدیم بروح والای حضرت رقیه (س) ❣ فضل علی (ع) در صفین ❣                  قسمت (1) دریای وفا ،شیرخدا،شمس ولایت آئین شرف،مظهر حق روح عبادت عَدلی،عَملی،عِلمی،وجودی،حرکاتی شیرین سخنی،خطبه سی محکم اثراتی حیرتده قویان نُه فلکی،شمس و کُراتی اَللر دوتان اَل صاحبی ،مِرآت حقیقت مِصداقِ طَریقتدی ،ترازوی شریعت صِفینیده بیر مرد قَوی پنجه و مشهور اسلام عَلمین یخماقا گلمیشدی او مَقهور شرکت ائلدی جنگیده گلسون اَله منظور یاددان چیخادوب قدرت حَیّ اَزَلینی میدانه گلوب ایستدی میدانه علینی درک ایلدی بو دعوتینی مالک اشتر میدانه او اثناده قدم قویدی بوافسر یوز دوتدی حریفه دئدی ای خَصم بَداَختر تا ساقدی علی نوکری بو ضِیغم میدان هر بی سروپا جنگینه گلمز شه مردان لبخند وروب افسر اسلامه او جاهل سرمست زر وشهرت اولوب مقصدی باطل یوز مالکه دوندردی اولا صحبته داخل سن گئت دئدی قوی بَدر دُجانون ئوزی گلسون میدانه دیون شیر خدانون ئوزی گلسون مِهمیز وروب مَرکبین اویناتدی او شامی یوز لشکر اسلامه دوتوب چکدی لِجامی بیرده اوجادان سَسلدی میدانه امامی اوچ دفعه همین دعوتی چون ایلدی تکرار آخرده بو دعوایه گلوب حیدر کَرّار میدانه قدم قویدی علی اَشجع والا اَلده ایکی باش تیغی اولوب رَزمه مهیا یوز دوتدی حریفه بِله اَمر ایلدی مولا لَفظونده سنون قدرت بازو سوزی گلدی گوستر هُنرون جنگه علینون ئوزی گلدی تا گوردی جمال حَقی حَق مَعبرین اوسته ساق اَلده عمودی دولانوب لَنگرین اوسته اَندیردی اونی قدرتیلن حیدرین اوسته قلخانینی حائل ائلیوب پیکره حیدر بیرضربه وروب ضربتینه صف شکن اَللر چون دوشدی عمودی اَل آتوب تیغ جفایه شمشیریله یورش گتوروب شیر خدایه الله اَلی قالخیزدی اَلین اوندا هوایه دشمندن اوخیبر یخان اَل فرصتی آلدی بَه بَه سَسی عرش اوسته مَلکلردن اوجالدی ادامه در قسمت(2)👇

🌺 فضل علی (ع) در صِفین 🌺            قسمت (2) قَهریله قوی دشمنی چون مَقتله سالدی شام اهلینی تَشویشه همین مَرحله سالدی لشکر قاریشوب بیربیرینه وَلوَله سالدی خوار اولدی علی دشمنی ئوز کینه سی اوسته حضرت دیزینی قویدی اونون سینه سی اوسته وئردی حرکت خنجرینه حجّت یزدان تا مُهر عَدَم بیرده گوره دستهء بُطلان گلدی دیله عِجزیله همان شامی هراسان اَل ساخلا قِتالیمده دئدی بو سوزه خاطر عَفو ایله منی شامیده آغلار گوزه خاطر سن میر عرب رهبر اَقشار عَجم سن تصدیق ائدورم سن دِیَنی میر اُمَم سن من روسیهَم سن ولی دریای کَرم سن رحم ائت منه ای رحمتی بی حَدُّ وکرانه بیرخوردا قیزیم وار یولومی گوزلر اَلانه دشمندن ائلیکه بِله سوزلر دیله گلدی دریای کَرم داشدی گِنه ساحله گلدی رحمه اوزوگون بَذل ائلین سائله گلدی فرمایش ائدوب رحم ائلدیم حرمت داور دورگئت وطنه ایندی بالون یولّاری گوزلر حِیرتده قویوب عالمی بو عدل و عدالت طبعیم قوشی بو یرده گَزر آیری حکایت خامه گِنه پَردیله ائدر غملی اِشارت اولمادی رضا شامیده بیرقیز یولا باخسون قوینوندا اَلی گوزیاشی رُخسارینه آخسون عَکسینده علینون عملی جِلوه گر اولدی اولادی اونون شامیده دائم مَلر اولدی ویرانه سوزون قوی دانیشوم گور نَلر اولدی خامه گِنه غملردن آخان اولدوزا آغلار ویرانه بوجاقینده ئولَن بیر قیزا آغلار بیر خورداجا زهرا سوزی بو مَحفله گلدی باریکیدی مطلب که سخن نِسگیله گلدی یَابنَ الحسن عَفو ایله منی سوز بِله گلدی ویرانهء شامون دوتولان ماهی رقیه شیرین دیلیله سَسلین اللّهی  رقیه اولسیدی یوخی عارض او دلبند ربابه رُخسارین ئوپردی گِنه ده خاک خرابه گویا که قِزیل گُل سَپَه لَنمیشدی تُرابه زینبده دیردی بو بالام خسته دی خسته زهرادی یاتوبدور ائله بیل تُپراقین اوسته آخشاملار اونا سِیر زمانه یوباناردی هرلحظه نی بیر ایل بِله اَیّامَه ساناردی صُبحون قوشی تک صبح زمانی اویاناردی اَل سینه ده ویرانه قباقینده دوراردی قاره یِل اَسوب تِللرینه شانه وِراردی ویرانهء شامی دئدی دیلدَن دیله سالّام یولّار قباقیندا دورارام گوز یولا قالّام گون باتسا گِنه رشتهء زُلفی اَله آلّام اولموبدی مسافرلریم ایچره گَلن الله آز قالدی منه کوینگیم اولسون کفن الله تَشبیهم آنام فاطمیه درد و مِحنده ویرانه ده من آغلادیم او بیت الحَزَنده ثانی گوزومه گورسَنوری شمری گورنده زهرا نَنَمون نِسگیلینی ایلدیم اَظهَر یول یول گوگَرَن جسمیم اونون جسمینه بَنزَر (نادر)ائله سن عرصهء تاریخی سیاحت تاپ یازماق ایچون دفترووَه یاخشی عبارت نَظمه چکیلوب میرزا حَبیبدن بو روایت هر بیتینه بیر بیت بَقا قیمتی اولسون عُقباده اولان مَنزلوون زینتی اولسون 🌴🌴🌴🌴🌴🌴🌴🌴