سیفی اردبیلی
.
رقیه ای اسیر غم
سن اوخشا قوی من آغلیوم
قرا گوز آهوی حرم
سن اوخشا قوی من آغلیوم
.
.
ریاض عمر زینبون سن عزّت و وقاری سن
حسینیمون عزیزه سی وفالی یادگاری سن
قفسده آب و دانه سیز قناد چالان قناری سن
ترنُّم ایله دمبدم سن اوخشا قوی من آغلیوم
.
.
باتردی بخت ایوینده غم پارلدیان ستاره وی
بو چرخ کجروش قیزیم الوندن آلدی چاره وی
گوز آلتی باخما چوخ منه بی بون تانور اشاره وی
چاتور حیاتوه عدم سن اوخشا قوی من آغلیوم
.
.
اوچ ایلده ویرمیوب سنه بو زندگی شیرین مزه
عجوزۀ فلک قیزیم نظر ووروب قرار گوزه
او قاره گوزدن اشکوی بو قدری توکمه گل یوزه
داریخما ای وفا شیَم سن اوخشا قوی من آغلیوم
.
.
ریاض عمریدن کؤچوب قطار شادی بهار
سنق نِیه مثالسن سسونده چوخ سزلتی وار
آنا یولیندا گوزلرون قالوبدی بیلَّم انتظار
گلر او منبع کرم سن اوخشا قوی من آغلیوم
.
.
شکار ایدنده اوچیلار اِلِیکی قوهاقو دوشر
غزال رم ییوب قاچار محیط صیده هو دوشر
نفس یورولسا سینه ده کمند ظلمه او دوشر
غزالِ بَختون ائتدی رَم سن اوخشا قوی من آغلیوم
.
.
چمن سولوبدی خار غم گُل عمروه رقیق اولوب
دیلونده زخم طعنه لر یاواش یاواش عمیق اولوب
همیشه غرق غصّه سن گوزللرون غریق اولوب
من اولموشام سنق بَلَم سن اوخشا قوی من آغلیوم
.
.
باخان دیَر نه دوزلودی یانار سنون ملالوه
مرکّبِ سرشک آخار عذار بی مثالوه
یازار حدیث غصّه نی او توز دوتان جمالوه
اولوبدی کیپریگون قلم سن اوخشا قوی من آغلیوم
.
.
اسیر ایدوب فلک سنی کمند ابتلاسینه
عروسِ بختی قویمادی مراد مرکبین مینه
زمانه بنذه دوب سنی شکسته پر گئوَرچینه
نه وار دَنون نه تابِ غَم سن اوخشا قوی من آغلیوم
.
.
قضا اَگوب مسیرینی مُرداوه دولانمادی
رفیق طالعون سنه بو چولده یار اولانمادی
بَلَندی گَردِ محنته قرا تلون دارانمادی
نه فرصت اولدی من هؤرم سن اوخشا قوی من آغلیوم
.
.
نه صورتونده رنگ وار نه قلب زارده قوا
سالوبدی مرغ روحیوی اذیّته اوچوق یووا
کباب اولار اورک بالا او نی کیمی سزلتوا
گرک غمونده من ئولم سن اوخشا قوی من آغلیوم
.
.
یامان گونون چخار باشا دوام ایبه بو دوستاقا
او زلف عنبرینوی بو قدری سرمه تپراقا
یوزونده سیلینون یری شبیه اولوبدی یاپراقا
ویرر ملالوی رقم سن اوخشا قوی من آغلیوم
.
.
ستاره مثلی پیکرون قزیم محیط چَندَه دور
غبار درد و ابتلا او زلف پر شکننده دور
دیلون دیَر آتا آتا گوزون ولی وطنده دور
اولوب بی بونده قدّی خم سن اوخشا قوی من آغلیوم
.
.
بلا مسیر عمروه قازوب سنون دَرین قوئی
فلک نه کجمداریمش یوخا چخارتدی آرزوئی
بنفشه مثلی دمبدم بو قدری بورما بوینوئی
یوخومدی طاقتیم گؤرم سن اوخشا قوی من آغلیوم
.
.
دیلون جفای دهردن لباسِ غصّه سویمادی
یوؤن داغیلدی قوش کیمی بو قوم کینه دویمادی
سنی سارالتدی غملرون منی زمانه قویمادی
مرادیمون گولون درم سن اوخشا قوی من آغلیوم
.
.
درخت باغ عمروی جفا الی اوراقلیوب
ویروبدی یاپراقین یله خزل کیمی ایاقلیوب
یانان اورکده اللرین خانم بی بون داراقلیوب
آغارتدی زلفلرین ستم سن اوخشا قوی من آغلیوم
.
.
یایلدی کوی و برزنه نفسده کی شرار آه
صغیره سنّیلن سنی اسیر ایدوبله بی گناه
قورولسا یوم حشرده قصاص ظلمه دادگاه
اولار خدا ئوزی حَکَم سن اوخشا قوی من آغلیوم
.
.
دوتوبدی گوزگی تک قیزیم او ماه صورتون کَدَر
سالوبدی جان کنیشلیگه سنی فراقت پدر
همای روح بَلّیدور ایدوب ارادۀ سفر
یولووی گوزلیور ننم سن اوخشا قوی من آغلیوم
.
.
ستاره قاش گوز اوینادور فضاده چَن تاپولماسا
هزاره غصّه مرگ اولار قفسده دَن تاپولماسا
خرابه اولسا مدفنون سنه کفن تاپولماسا
الیم بوش اولسا نیلرم سن اوخشا قوی من آغلیوم
.
.
نِجِیکی داغلارون قاری اَرور قیزیم آخار چایا
اَریتدی غَم وجودوی گُلَر گونون گیدوب زایا
دیلونده لایلای اصغریم دولاندی ظلمیدن وایا
اورکده درد ایدوب وَرَم سن اوخشا قوی من آغلیوم
×

تورکی نوحه لر
ترکی نوحه لر..........نوحه های ترکی
الهی دفن ایدیم نجه اوز اللریمله یاریمی
زبانحال حضرت علی در شهادت حضرت زهرا علیهم السلام
الهی دفن ایدیم نجه اوز اللریمله یاریمی
مزاره تاپشورام گرگ گجیله من نگاریمی
بو درده یوخدور الیمده چاره
قویوم نه نوعی یوزون مزاره
جنازه سین گتورمیشم گجیله گورمسون بیری
نهان قالا بو شهریده همیشه قبرینون یری
عجبدی ئولمیوب قالوب بو غمده مرتضی دیری
نهان ایدیم گیدیم نجه بو در شاهواریمی
ئولونجه یانام آغلارام نه غملی ماجراسی وار
جفای روزگاریدن اورگده چوخ یاراسی وار
قویوم نه نوعی تپراقا ایوینده دورت بالاسی وار
تیکوبله گوزلرین یولا چکوله انتظاریمی
تمام اولوبدی دوقوز ایل قوتاردی عمرموز بجه
قویوم بو چولده یاریمی دوروم گیدیم ایوه نجه
گل ای اجل هایانداسان قوتار علینی بو گیجه
ئولیدیم ایندی کاش منیم قازیدیلار مزاریمی
ویرن زماندا غسلونی ایدوبدی مه عیان یوزون
او قدری با حیائیدی ایدردی تز نهان یوزون
ئولنجه ویرمدی منه او با وفا نشان یوزون
آلوبدی قلب زاریدن بو نسگلی قراریمی
قویاندا قبره جسمینی او عرصه گاهیلر یلی
عیان اولوبدی قبریدن پیمبرون ایکی الی
ندا گلوبدی صبر ایله دایان عم اوغلی یا علی
بو نوعی ویرمدیم سنه جهاندا یادگاریمی
گوزتله چوخ دیدیم سنه آناسی یوخ بلالیدی
گوزینده قانلی لکه وار ندن شکسته بالیدی
قابیرقالاری ظلمیلن سینوب نیه یارالیدی
سولوب گتورموسن علی گجیله گل عذاریمی
✍️فرهاد فکری اردبیلی
#الهی_دفن_ائدوم_نجه
#فکری
#فاطمیه
شعر جدید
شهادت حضرت علی اصغر علیه السلام
به سبک زینب زینب زینب
اصغر اصغر اصغر گول مثلی اولان پرپر آرام دل مادر
اصغر اصغر اصغر ای جان دل اکبر وی قارداشینا دلبر
غنچه ی پرپر. جان علی اصغر
ای جان وئرن عطشان. جانلار سنه قربان 2بار
اصغر اصغر اصغر لب تشنه قانا باتدون سن کوثری آغلاتدون
اصغر اصغر اصغر اوخ دگدی گولوب یاتدون عالملری آغلاتدون
اصغر اصغر اصغر فیض شرفه چاتدون سن حیدری آغلاتدون
غنچه ی پرپر. جان علی اصغر
ای جان وئرن عطشان. جانلار سنه قربان 2بار
اصغر اصغر اصغر شمع شهدا اصغر ای باب رجا اصغر
اصغر اصغر اصغر تقدیره رضا اصغر هر درده دوا اصغر
اصغر اصغر اصغر تندیس وفا اصغر وی روحه صفا اصغر
غنچه ی پرپر جان علی اصغر
ای جان وئرن عطشان جانلار سنه قربان 2بار
اصغر اصغر اصغر سن عشقیده دریاسن انوار تجلاسن
اصغر اصغر اصغر بند دل مولا سن سن شآنیده والاسن
اصغر اصغر اصغر سن ماه دل آرا سن سن بنده اعلاسن
غنچه ی پرپر جان علی اصغر
ای جان وئرن عطشان جانلار سنه قربان 2بار
اصغر اصغر اصغر دلدار حسین اصغر غمخوار حسین اصغر
اصغر اصغر اصغر اسرار حسین اصغر گفتار حسین اصغر
اصغر اصغر اصغر ای یار حسین اصغر ایثار حسین اصغر
غنچه ی پرپر جان علی اصغر
ای جان وئرن عطشان جانلار سنه قربان 2بار
اصغر اصغر اصغر قونداقی دولان قانان قرآنه اولان قربان
اصغر اصغر اصغر عشقینده ائدن طوفان وی حامی قرآن
اصغر اصغر اصغر لب ویروبسن جان ای روح با ایمان
غنچه ی پرپر. جان علی اصغر
ای جان وئرن عطشان جانلار سنه قربان 2بار
اصغر اصغر اصغر لب تشنه شهید اولدون سن غنچه کیمی صولدون
اصغر اصغر اصغر سن عالمه تئز دویدون آغلار آناوی قویدون
اصغر اصغر اصغر سن ابر کیمی دولدون عالملری سن پوزدون
غنچه ی پرپر جان علی اصغر
ای جان وئرن عطشان. جانلار سنه قربان 2بار
ملتمس دعا مهدی ملکی
اربعين
سبک : ای قلم سوزلرینده اثر یوخ...
جامه عشقوی... مطهری...
زینبم گلمیشم اربعینه
بزم ماتم قورام شاه دینه
ایلیم قبر پاکون زیارت
آغلیام بیر دویونجا حسینه
سن یارالی حسین من یارالی
سن وفالی حسین من عزالی
آیریلان وقته من کربلادن
درده گلمیشدی قلبیم جفادن
چکدی عشقون منی کوه و دشته
وای که گوردوم آخور قان یارادن
سن یارالی حسین من یارالی
سن وفالی حسین من عزالی
حاج ابراهیم رهبر
✔️درد دل خانم زینب با برادرش در اربعین
یا حسین دور نوایه گلدیم
اولمدیم کربلایه گلدیم
اربعین دوتماقا عزیزیم
قبرین اوسته عزایه گلدیم
آیریلوق غملی سرنوشتیم دی منیم
زینبم کربلا بهشتیمدی منیم
اویان قارداش اویان قارداش
ای حسین ای مه مدینه
بیر نظر ایله بو حزینه
قبریده یاتما دور اماندی
زینبون گلدی اربعینه
حمد اولا حاصل اولدی ایام وصال
دور دانیشدور منی حسین گویلومی آل
آیریلوق غملی سرنوشتیم دی منیم
زینبم کربلا بهشتیمدی منیم
اویان قارداش اویان قارداش
بو همان دشت غم فزادی
سر به سر ناله و نوادی
غملی دی صحنه سی فراتین
سو دئمه آتش عزادی
نهر علقم آخور هله اوز باشینا
باخمیر هئچ زینبین آخان گوز یاشینا
آیریلوق غملی سرنوشتیم دی منیم
زینبم کربلا بهشتیمدی منیم
اویان قارداش اویان قارداش
چوخ سنه آغلیامادیم من
سینه می داغلیامادیم من
عفو ایله کوفیه گئدنده
یاره وی باغلیامادیم من
فرقتونده گونوم گوزوم ده گئجدی
زینب اولسون سینون یاراسی نئجه دی
آیریلوق غملی سرنوشتیم دی منیم
زینبم کربلا بهشتیمدی منیم
اویان قارداش اویان قارداش
✔️حاج ولی الله کلامی
#یا_حسین_دور_نوایه_گلدیم
#اربعین
#کلامی
گلدی گئدن کاروان
ناله ائدور قدسیان
گوردی حسین قبرینی
زینب اولوب باغریقان
باشلاندی قبراوسته شور وشین
قوزاندی آوای یا حسین
یاحسین یاحسین یاحسین 2
درد اسیری چکن
نخل عزانی اکن
آغلاماقا یئر تاپوپ
گوز یاشی گیزلین توکن
سسلندی ای یار بی کفن
زینبون گلدی دلده محن
یاحسین یاحسین یاحسبن 2
گلدیم حسین شامیدن
قوی دئیوم آلامیدن
وردیلا داش باشووه
شامیده هر بامیدن
قان آخدی من باخدیم اغلادیم
نار هجرانه دل داغلادیم
یاحسین یاحسین یاحسین2
آی قاناباتمش قمر
قیل بولود آلتدان گذر
گور نجه سندنصورا
زینب اولوب دربدر
اولموشام قیزلارین رهبری
قول باغلی گزمیشم چوللری
یاحسین یاحسین یاحسین2
جانیمی دردون آلوب
قلبیمی درده سالوب
صبرئوزی بو غصه ده
صبریمه حیران قالوب
عشقیمی من نشان وئرمیشم
صبریله امتحان وئرمیشم
یاحسین یاحسین یاحسین 2
#سبک_ای_بوغازین_اوچ_پر_اوخ
با صدای استاد، حاج داود بیدق داری
#اربعین
#گلدی_گئدن_کاروان
#بیدق_داری
ارسالی ذاکره اهل بیت سرکار خانم علیپور
از آذرشهر
روضه اربعین
بوردا دیردی بیزلری سالدلار آت قباقینه
بوردا دیردی ناله میز یتدی سپهر طاقینه
ایندیده عمه هرکسین خار باتور ایاقینه
سوزشی وار سزلدوری آه وفادور عمه جان
رسمیدور آغلیوب یانار هرکسین ئولسه بیر کسی
فاطمه نین بو نقطه ده غیردی سر ناله سی
عمه گلور قولاقیمه اصغرین آغلاماق سسی
اله دییر یاندین ننه
روضه اربعین
کوفیه گیرنده قطاریمیز / حالیمه منیم داغ داش آغلادی
یادیمه گچن گونلریم دوشوب/ اولدی کیم منه یولداش آغلادی
ناقه ده هرای چکدیم آغلادم/ نیزه ده یارالی باش آغلادی
(حسین هیچ یادمنان چخمور قارداش )
باشیوی کسن وقته اشقیا / دوشدوقون یری گلدیم آختارام
غیرتیم قبول ایتمدی حسین / باشیمی آچوب شمره یالوارام
(حسین اله اوگونن بئله اولموشام با)
زینبم غمینده قوجالمشام
قرخ گونون فراقی اولوب منیم / غم گلیب حسینیم غم اوستونه
گلدین ایندی شش گوشه قبریوین / نصب ائدم قرا پرچم اوستونه
ای منیم امیدیم نه یاتمسان؟ / دور الیوی قوی سینم اوستونه
زینب ایستردی ئوز عشقین عالمه اعلان ویره
اول قدر قالموردی قارداش قبری اوسته جان ویره
(هامی بئله باخور ام کلثوم یریدی قاباقا باجی بسدی قربان اولوم سنه فقط بو آرام اله دی خانمی یوخسا دورمازدی اوقبریدن)
باجی دور گداخ قبر علمدار اوسته سینه داغلیاخ
naser shams arbain.mp3
1.1M
حاج ناصر شمس - روضه اربعین
کوفیه گیرنده قطاریمیز / حالیمه منیم داغ داش آغلادی ...
اول بویور گوروم یارالی یاخشیدور یاران؟
بیر آزدا قوی دییم سنه ئوز روزگاریمی
(اله قبرین دوره سینی خلوت اله دی باجی محبتین آیری محبتلرینن قیاص الماق اولماز بیوردی تمام باجلار بالالار چکیلدیلر کناره ایلدی بیر الین قویدی قبرین بیر گوشه سینه )
بیر آزدا قوی دییم سنه ئوز روزگاریمی
گور من نه چکمیشم هله دور زمانه دن
ماموریت قوتاردی ئولوم ایسته زینبه
بیر سری وار رقیه نی گتیره بولمورم دله
بیر نصف شب اشیدیم او شیرین زبانیدن
گوردوم یواش دیور آجام عمه یاتانمرام
وارد اله دی بزمه بیزی ظهر چاقندا
سفره واردی دارالاماره اتاقندا
هر نوع غذا بن زیادن قاباقندا
balayi.mp3
2.2M
حاج امیر بالایی
اول بویور گوروم یارالی یاخشیدور یاران ...
#اربعین
جدید_ آهنگ حماسی_بدرقه ی راه زائرین اربعین
____
به لطف زهرا_ غرق شور و شینم
بو اربعینده _زائر حسینم
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
نجف اولوبدی_ پایتخت غیرت
علیدن آلدیم_ رخصت زیارت
شه ولایت_ایلدی عنایت
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
عمودی بیر بیر_سایمیشام پیاده
چاتور بهشته_انتهای جاده
صفای جنت _واردی کربلاده
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
بو یوللارین وار_آیری بیر صفاسی
اولوب(حسین وای)_دیللرون نواسی
باشیمدا واردی_کربلا هواسی
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
ئورکلر ایستور_تا گوره ضریحی
گلوب مزارن_ارمنی،مسیحی
سنه فدا ای_کربلا ذبیحی
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
نوحه-حاج سید یوسف شبیری.mp3
2.8M
پیاده راهی اولموشام گلم
#شعراز_بهلول_حبیبی_زنجانی
ویژه #اربعین حسینی
حاج سید یوسف شبیری
اولماقا آماج بلا گلورم کربلا
خاکون ایدم لعل و طلا گلورم کربلا
کربلا کربلا کربلا
کعبه نی حیرتده قویوب حسناتون سنون
وادی سینادی مگر عرفاتون سنون
زمزمی شرمنده ایدر بو فراتون سنون
سنده ایدم سعی و صفا گلورم کربلا
هاردا منانون بو قدر شرف و شأنی وار
اصغر شش ماهه کیمی قوزی قربانی وار
هانسی خلیلین دیه گوروم، بله امکانی وار
تشنه ذبیحاً به قفا گلورم کربلا
سنده سپهرین گونی تک باتارام کربلا
اصغری آلّام سینمه باتارام کربلا
اوز قانیمی توپراقووا قاتارام کربلا
تا اولاسان خاک شفا گلورم کربلا
سنده امانت گمیسین سالاجاقلار گِله
باب الحوائج بالاسی دوشه جاق مشگله
سنده عشایر ساتاجاق سویی بیر جوت اله
ویرماقا عباسی فدا گلورم کربلا
سنده دمادم آخاجاق یوزومه گوز یاشیم
اوغلوم الیمدن گیده‌جاق اُله جاق قارداشیم
عزتّلن الدن اله دوشه جاقدیر باشیم
اولماقا تسلیم قضا گلورم کربلا
سنده رقیّم سولاجاق اولاجاقدیر یتیم
سنده قورام بزم عزا گلورم کربلا
سنده آخار زینبیمون یوزه اشگ تری
غارته زهرا قزینون گیده‌جاق معجری
سینوی آچ باغریوا باس یارالی پیکری
ساخلا منی صبح و مسا گلورم کربلا
ارسالی ذاکره اهل بیت سرکار خانم ابراهیم پور (از تبریز)
✔️احوالات اربعین
💥فایل صوتی به دو سبک زیر توسط مداح خویی آقای قاسم شبانی و محمد باقر منصوری
یا حسین دور سنه سو گتیردیم
قبروه عطر خوشبو گتیردیم
قبروین یوخدی زوّاری گوردوم
بیر سوری غملی آهو گتیردیم
___
بوی جنّت گلور مدفنوندن
پخش اولور عطر گول گلشنوندن
کچمرم حشریده دشمنوندن
کچمدی کهنه پیراهنوندن
((یا حسین دور سنه سو گتیردیم))
قبروین تپراقی کیمیادی
کیمیادن ده باشدی دوادی
پیکریم هادا دفن اولسا قارداش
روحیمون مدفنی کربلادی
((یا حسین دور سنه سو گتیردیم))
اللی بش ایلدی همراز عشقم
گوهر ناب و ممتاز عشقم
سن منیم زُبده فرماندهیم سن
پادگانونده سرباز عشقم
((یا حسین دور سنه سو گتیردیم))
سن ئولندن صورا یاندی قلبیم
خیمه لر مثلی اودلاندی قلبیم
ممکن اولسا دعا ایله قارداش
منده بوردا ئولوم قاندی قلبیم
((یا حسین دور سنه سو گتیردیم))
طاقتیم یوخدی داد و اَنینه
نالة دلخراش و حزینه
من نجه سویلیوم ئولدی عباس
شهر یثربده امّ البنیه
((یا حسین دور سنه سو گتیردیم))
عاشقین ایت اجابت نیازین
بی ثمر گورمسین سوز و سازین
ئوپ ربابین یرینده حسینجان
اصغرین پارچالانمش بوغازین
((یا حسین دور سنه سو گتیردیم))
قاسمون حجله گاهی تالاندی
سفرة عقدی آتشده یاندی
دور ئوزون گوگلین آل نو عروسین
بختی قاره بالام باغریقاندی
((یا حسین دور سنه سو گتیردیم))
ای گُل پرپر باغِ زهرا
سویله آچسین گوزین شبه طاها
شامیدن دلشکسته گلوبدور
آغلیور قبروین اوسته لیلا
((یا حسین دور سنه سو گتیردیم))
سسلنور ای گُل پرپر اوغلوم
ختمِ پیغمبره بنذر اوغلوم
باشدا کی یاروه لیلی قربان
بختیمون اولدوزی اکبر اوغلوم
((یا حسین دور سنه سو گتیردیم))
صبریمی الدن آلدی رقیّون
باشیمه قاره سالدی رقیّون
تک یولا سالدی ئوز هم قطارین
شهر غربتده قالدی رقیّون
((یا حسین دور سنه سو گتیردیم))
قبره قویدوم دیدیم جان رقیّه
زلفی قلبی پریشان رقیّه
قمچنون ردّینه قوللاروندا
زینبین جانی قربان رقیّه
((یا حسین دور سنه سو گتیردیم))
خانة صبریمی غصّه یخدی
قلبیمی درد هجرانی سخدی
یارلی لبروندن ئوپنده
سسلدی وای بابا جانی چخدی
((یا حسین دور سنه سو گتیردیم))
✔️حسین غفاری اردبیلی
#یا_حسین_دور_سنه_سوگتیردیم
#درخواستی
#اربعین
#اشعار_ترکی
گلچین زیباترین اشعار و نوحه های ترکی
https://eitaa.com/joinchat/2348744791Cd1e41b0233
─┅─⊱✾♡✾⊰─┅─
کانال اشعار عاشقان حضرت ابالفضل(ع)
مدیریت کانال:شعبانپور
@Haram75
اللّٰهمَّ عَجِّلْ لِوَلِیِّكَ ٱلْفَرَجَ
@Hazrate_Abalfazll
---⊱✾♡✾⊰---