زبانحال حضرت زینب س در قتلگاه 🌷 با مداحی حاج جواد حسن زاده 🌷 ۱۴۰۳/۱۰/۵ زینبون غصه سی چوخدی قارداش هر یاران قلبیمه اوخدی قارداش گلدی زینب اوپه اللروندن حیف اولا اللرون یوخدی قارداش واحسینم واحسینم واحسنم واحسینم 😭😭😭😭😭😭😭😭 پیکرون چون گلستاندی قارداش هر یاران گلدی ریحاندی قارداش بو نجه نعشدی باجین اولسون سربه سر اوخدی پیکاندی قارداش واحسینم واحسینم واحسینم واحسینم 😭😭😭😭😭😭 قویسالار کوفیان بوردا قالام فاطمه عطرینی سندن آلام گتمرم مقتلیندن کناره عور اولان جسمیوه سایه سالام 😭😭😭😭😭😭😭

در احوالات حضرت موسی ابن جعفر (علیه السلام) ای خدا زندانیده محبوس بی تقصیره باخ جان وئرن وقتیمده بو بوینومدا کی زنجیره باخ شاهد اول سن گور نئجه هارون منی مظلوم ائدوب بیر اوزون مدّتدی بو زندانیده مغموم ائدوب عاقبت مین جور و ظلمیله بو گون مسموم ائدوب جانیمه زهر عداوت ایلین تآثیره باخ شکر اولا درگاهیوه ای خالق ربّ جلیل سن کریم پروردگار و منده بیر عبد ذلیل قالمیشام اولادیمه حسرت اؤزوم زار و علیل گوشۀ زندانیده احوال عبد پیره باخ سالدی زندانه منی اول ناکس بی شرم و عار مین جفائیله ائدوبدور محنت هجره دچار خلقه اسلامیّتین هر لظه ایلر آشکار بی حیا هارونیده بیر حیله و تزویره باخ دمبدم هارون الیندن یوز وئرور ذلّت منه آرتوری ظلم وستم هر لحظه هر ساعت منه حلقۀ زنجیر و کنده اولدی هم صحبت منه آه آتشباری گور بیر نالۀ شبگیره باخ هجر معصومه خدایا منده قویموب اختیار گوزلریم یولدا قالوب یوخ بیر غمین و غمگسار بی کسم توپراقلار اوسته ایمدی ئولّم خوار و زار کنده و زنجیر ظلمه باغلانان نخجیره باخ هر بلا گلسه رضایم وار بو جانه منّتی لیک چوخ دلتنگ ائدوب اوغلوم رضانون فرقتی نوش قیللّام دمبدم جام و بلا و محنتی ملک جسمیمده سپاه غم ائدن تسخیره باخ عرض ائدوب راز و نیازین حضرت معبودینه عاقبت ائتدی وفا اؤز وعدۀ معهودینه تاپشوروب جان نقدینی اولدی بو سودا سودینه قتلینه هارون بی دین ایلین تدبیره باخ جان وئروب زندانیده گر چه امام هفتمین دفن ائدوب نعشین سلیمان دوتدی ماتم دلحزین جانو ئرنده کربلاده تشنه لب سالار دین هر زمان سویلردی یارب گردش تقدیره باخ عهدیمی باشه یتوردوم ای خدای مهربان من خریدارم اؤزوم هر ظلم ائدللر کوفیان ایمدی وئرّم خنجر برّان دمینده تشنه جان بارالهی پیکریمده زخم تیغ تیزه باخ گرچه یوخ بیر رحم ائدن ای خالق ربّ رَئوف دیدۀ زینب کیمی آغلار جراحات سیوف مین بئله یاره دگه هرگز دئمم بیر کلمه اوف خاک و خون ایچره دوشن اعضانی گور تخمیره باخ راضی ام شمر ستمگر زینب غم پروری قولّاری باغلی دولاندیرسون پیاده چوللری چخماسون دیندن کناره جدّیمون امّتلری عاصیان ، غم دفترینده ایلین تحریره باخ «کهنمویی» قورتولاندور نچّه گون عمرون یقین دوت حضور قلبیله موسی ابن جعفر دامَنین مطلع اشعاریوی یاز بیرده آخرده غمین بارالهی حبسده محبوس بی تقصیره باخ مرحوم کهنموئی

‍ ‍ حال احتضار حضرت زینب(س) بهار عمروم اولوبدی خزان حسینیم گل یتیبدی وقت اجل مهربان حسنیم گل اگرچه گوزلریوی جان ویرنده باغلامادیم ایدنمدیم باجلار تک فغان حسینیم گل اوگیروداریده گلدیم گورم حالون نجه دی ولیک قویمادی شمروسنان حسینیم گل اگر سن اینجیمیسن شهر شامیدن قارداش وروبلا لبلریوه خیزران حسینیم گل ولی یزید منه فوق العاده خدمت ایدوب خرابه لرده ویروبدور مکان حسینیم گل حسین تمام علتلر بیر یانا اما بوعلتیم بیر یانا رقیه قویلومه دوشدی دوزنمدیم گلدیم اولام اونا همیشه همزبان حسینیم گل یوزوی گورمسه زینب چتیندی جان ویرسین گوزوم یولونداقالوب هارداسان حسینیم گل باجی سویر باشی قارداش دیزینده جان ویرسون ئورکده قالدی بوحسرت نهان حسینیم گل ✅جواب امام حسین جگرین داغلاما بی کس باجی یاندرما منی اله من سنن اوتانام سن اوتاندرما منی زینبیم انتظارین بولورم من سنین ای مونس غم سن گلیبسن باشیم اوستونده گرک منده گلم نجه گلدین اوگئجه شام غریبانیمه سن قوخما خار ایلمرم شام غریبانیوی من شمر منع ایتدی سنی وار منیده منع ایلین سن اوچون اوندا باجی مانعیدی قوم ظلام منی قویمور بوقوجاقیمده کی شش ماهه بالام دوزدی هریرده گرک من سنی غمدن قوتارام تخته تابوتیوی چینیمده مزاره آپارام بالامی ساخلیان اولسا سوزومون اوسته وارام قورخورام دیسگینه وحشتله هراسان اویانا آغ کبوتر تازادان چرپنا قانه بویانا اونداکی اوغلومی اوخ سینه ده گل تک تالادی (بیرصحنه گوردی گوزوم بتر ئورگیمی یاندردی زینب) اونداکی اوغلومی اوخ سینه ده گل تک تالادی گوردوم آهو کیمی ئوز قانلی دوداقین یالادی کیم دیمیشدی صودانر فاتح اولانماز بالادی قهرمانیم اوخ آتان ظالمه قالب گلدی گلر ایچره بوسنان غنچه ده جالب گلدی ✅گریز به حضرت معصومه وجریان ورود به کوفه خانم معصومه زمانی کی وارد اولدی قم شهرینه قمون خانملاری چخدلار الرینده دسته گل خانمن کجاوه سین آلدلار آریا گل باران الدیلرگول سپوردولر هره بیر بیرینه دییردی معصومه نی من آپاراجاقام ایویمه موسی بن خضره باشلادی خانمن قاباقیجا آیه نور تلاوت الدی قمون اهالیسی تشویق الدیلر اما امان بیر یارالی باشدان اودا قرآن اوخوردی زینب گوردی بیر نفر اله ایلشیب یره باشن کجاوه دن چخادی اشیه دیدی حسین قرآن اوخی قرآن اوخوماخ ذکر جلیدور گورسونله بوباش خالق صبح ازلیدور گورسونله نجه خانه ایمانی یخبلار الرده حنا هامسی داملاره چخبلار ✨اَللّهُمَّ عَجِّل لِوَلیِّکَ الفَرَج✨ 👇👇

شهادت قمر بنی هاشم 🌷با مداحی حاج جواد حسن زاده 🌷 به قلم استاد حسین قربانپور(وفا) ۱۴۰۳/۱۰/۲۹ ای گل باغ حیدر عرصده بیر دلاور بی کس حسینه سن سیز قالمادی یار و یاور 💟 گوزل یارمسان وفا دارمسان منیم بو چولده هوا دارمسان 💟 کمانه دوندی قامت پوزولدی استقامت من اغلرام بو غمده عدو ایدیر شماتت وای 💟 عرشه اوجالدی اهیم سندی منیم سپاهیم قالمادی سندن سورا عرصده بیر پناهیم 💟 شرفلی یاریم گوزل نگاریم گیدیبدور الدن منیم قراریم 💟 دور بیله یاتما قارداش عالمی اتما قارداش بیرده منی دانشدر حالمی قاتما قارداش وای💟 نهر فراتون یولی گوزلمدین ساغ سولی سالدولا بیر بیر ییره ساغ قولولان سول قولی 💟 سبو جالندی اورگ تلاندی سو اخدیقیجان بو سینه یاندی 💟 قالدی سو سوز اصغریم گوهر خوش منظریم سو اوسته باتدی قانه وفالی سر لشگریم وای 💟 دوروی دشمن الدی یغدی کمنده سالدی انوا اوخ دینده طاقتین الدن الدی💟 محن دوزولدی الین اوزولدی بیر اوخلا قارداش گوزون سوزولدی 💟 غمین گراندی قارداش ایشم فغاندی قارداش گوز اچ بو غمده گور نه قدیم کماندی قارداش وای 💟😭😭😭😭😭😭

سروده های ترکی و فارسی مناسبت های مذهبی همراه با سبک شعر و سایر اشعار ارتباط با ادمین: @Bahmanjafarizinjanab1 اشعار و سبک شاعر و مداح:#بهمن جعفری زینجناب @Bahmanjafarizinjanab https://eitaa.com/bahmanjafarizinjanab

🌿🌸🍃🌾🌼 🍃🌺🍂 🌿🍂 زبانحال حضرت موسی ابن جعفر علیه السلام حاج اصغر فرشچی ( عدلی تبریزی) سبک: یا امام زمان گل اماندی... جامۀ عشقوی سویمیین وار و... کاروان رفته منزل به منزل و.... تیره دورای خدا روزگاریم یوخدی بو سجنیده غمگساریم زهرکین بیرشررسالدی جانه سلب ایدوبدورتوان یوخ قراریم کر: خستیم خستیم ای الهی گویلوم ایستورگورم من رضانی بلبلم اولموشام گل چمندن آیری سالدی عدو ایل وطندن ظلم الین چکموری سِند مندن هی ویرور قالموری اختیاریم ال آچوب اهل کین هرجفایه دوزموشم حبس لرده بلایه عمرومی کاش چاتا انتهایه لیل تاریک دور هر نهاریم بو نمین یر منی ایتدی بیمار ظلمت ایچره یوخومدی پرستار کیم غریبی گلوب بوردا یوخلار هرگونومدی خزان یوخ بهاریم واردی منده الهی نه تقصیر ایلسون بوینومی یاره زنجیر ایلیوب زهر کین جسمه تأثیر عرشه چاتدی خدا آه و زاریم یادینه من غریبی سالان یوخ کوندنی بوایاقدان آچان یوخ محبسیمدن من قورتاران یوخ واردی دیلده غم بی شماریم ایخدا روحومی یوردی محنت من رضانی گورم ایت عنایت ایلییه صون نفس منله صحبت قالمیه حسرتیم غم شراریم ای نهاری دونن لیل تاره درد و غمدن اولان قلبی پاره خادموز (عدلیه ) ایت نظاره مشکلوم وار دیورشهریاریم 🍃 🌺🍂 🍃🌾🌼 🌸🍃🌾🌼

▪️احولات حضرت موسی بن جعفر(ع) ایندی جان ویرسم بو حالیله اگر زنداندا من نه ائلیم وار نه قبیلم ، نه گلن وار نه گیدن کیم مزاره تاپشورار کیم بس منه ایلر کفن؟ کیم گلر شامِ غریبانه آنا یا فاطمه   چون ایدوب مشمولِ رحمت ، خالقیم اوز بنده سین گون کیمی گورّم ایشیق تاریخمین آینده سین مرگ باغلار هر نجه محکوم اولا پرونده سین آشنا یا اولسا بیگانه آنا یا فاطمه   سِندی گورسم ، رنگِ رخساریم دیمه قاچماز منیم طایرِ روحیم بو خاکی دامدن اوچماز منیم دشمنِ بی عاطفه زنجیریمی آچماز منیم جان ویرم آسوده جانانه آنا یا فاطمه   من آنا باشه یتوردوم باشداکی تقدیریمی اهلِ دل باخسا وجودیمدن گورر تصویریمی قاتلیم ئولسمده آچماز جسمدن زنجیریمی ظلم ایدر بی روح انسانه آنا یا فاطمه جان ویرنده دفنه راجع بیر وصیّت ایلرم بو مُقیّد جسمیله محشرده شرکت ایلرم منتقم آللهه دشمندن شکایت ایلرم انتظارم من او دیوانه آنا یا فاطمه   نوکرون (خوندل) بو درگاهه قویوب چوخدان یوزون وار سنه آرتوق ارادت اوندا ، آگهسن اوزون قویما قالسین ننگدور بیگانه اللرده گوزون تا قورتارسین عمری شاهانه آنا یا فاطمه.  

احوالات موسی ابن جعفر علیه السلام 🌷 با مداحی حاج جواد حسن زاده 🌷 ۱۴۰۳/۱۰/۲۹ 🏴🏴🏴🏴🏴🏴🏴🏴🏴🏴🏴🏴🏴🏴 گل رضا گل سینوی داغلا اوغول منیم احوالیمه سن آغلا اوغول باشیم اوسته گل اوتور قرآن اوخوی صورا سن گوزلریمی باغلا اوغول گل منه اغلا اوغول گوزومی باغلا اوغول گل سراغیمه من  الان ئولورم باخ منه قلبی پریشان ئولورم جانیمی آلله قربان ویرورم باقری قان گوزلری گریان ئولورم گل منه اغلا اوغول گوزومی باغلا اوغول من اوغول دینمون اوسته ئولورم یارالی قلبی شکسته ئولورم ئوزیوی محبسیمه فوری یتور اورگی خسته و خسته ئولورم گل منه اغلا اوغول گوزومی باغلا اوغول دین وقرآنیمه خدمت ایلدیم دردمندانه     حمایت   ایلدیم اون بیر ایل گوشه ی زندانیده من آللها     عالی   عبادت   ایلدیم گل منه اغلا اوغول گوزومی باغلا اوغول گل رضا کاسه ی صبریم جالانوب عرشه حقه بوگون اهیم دایانوب منی مسموم ایلیوب سند دنی دل دوداقیم جگریم پارچالانوب گل منه اغلا اوغول گوزومی باغلا اوغول اغلادیم گونده او اولدوزلاریما دهریده بی کس آدامسیز لاریما او فراقیمده یانان صبح ومسا گوزوی یولاردا قالان قیزلاریما گل منه اغلا اوغول گوزومی باغلا اوغول

زبانحال حضرت موسی بن جعفر(ع) مهدی قلندری گل آنا زهرا سسیمدن نالیه زندان گلور هرنفس چکدوکجه زنجیرین یریندن قان گلور گل منیم جان وئرمگیم زنداندا دشوار اولماسین باشیم اوسته شمع یاندیر محبسیم تار اولماسین باری سن گل زینب عمّم تک یاسیم خوار اولماسین بی کسم بغدادیده غربتده یالقیز قالمیشام جان وئرن حالیمده عمّم تک آدامسیز قالمیشام جنتی ترک ائت مکدّر حالیلن بغداده گل محبس مرطوبیده یاس دوتماقا آماده گل کنج زندانی ائله ماتمسرا فریاده گل گلمسون کیم باش آچار کیم سینه سین داغلار منه گلمسون کیم یاس دوتار کیم اوخشیار آغلار منه گل آنا اشکین عزاده باغلیان یوخدور منه باشیمون اوستونده سینه داغلیان یوخدور منه نه باجیم وار نه قیزیم وار آغلیان یوخدور منه گل یارالی قلبیمی آخر نفسده شاد ائله دام درد و غصه دن گویلوم قوشون آزاد ائله محبسه گلسون بو جان نقدیله پیشواز ایلرم مقدمون اوپمکله قلبیم عشقین ابراز ایلرم باشیمی دیز اوسته آلسون عالمه ناز ایلرم صادقم عشقیمده زینب جانینه اولسون قسم واردی نقصیم گر سنه حقّ القدم جان وئرمسم گل هرایه قول قنادی بسته ام یافاطمه کُنده و زنجیر الیندن خسته ام یافاطمه گوزلریم یولدا قالوب جان اوسته ام یافاطمه تنگدور زندان، غم و اشکه بورونّم آی ننه یوخسا من عطرون گلن سمته سورونّم آی ننه دهریده گزدیم پریشان اون بیر ایل زندانلاری سربلند ائتدیم جهاندا حق طلب انسانلاری چوخ تحمّل ایلدیم تهمت لری بهتانلاری ایستدیم اعلان ائدم عاشقلره آگاه اولون ایستدیم تا باغلیام احبابیمه دوزخ یولون ظلمه صبر ائتدیم که خفّت آل خاتم گورمسین پیروان مرتضی محشر گونی غم گورمسین دؤزمیشم هر محنته، شیعه جهنّم گورمسین شیعه لر محشر گونی مضطر دایانسا دؤزمرم پیروان مرتضی دوزخده یانسا دؤزمرم سِند ظالم اینجیدور امّا دئمور تقصیریمی ئولدوروبدور بوشلامور حتی قوری تصویریمی آچمیور ظالم اقلّاً بو آغیر زنجیریمی آچمیور تا سینه دن روحیم قوشی آسان چیخا بوینومون زنجیری قویمور حنجریمدن جان چیخا سسلیوم داده کیمی غربتده یوخدور بیر کسیم؟ گور چاغیرسامدا هارا بوردان چیخار آیا سسیم؟ اولدی قرخ پلّه یرین آلتی قرانلوق محبسیم ئوزگه لردن اوممارام سن وای دئسون بسدور منه سن باشیم اوسته گلوب لایلای دئسون بسدور منه لطف ائله گل تشنه لب سقا کیمی باش چک منه سن اباالفضلین باشین آلدون نجیکی دامنه ئوز عموم عباس تک جان اوسته محتاجم سنه جان چیخاندا ایستورم رخساروه باخسین گوزوم گل اونیلی‌صورتی گورسون صورا آخسون گوزوم حسرتم دیداروه سقای پاک انفاس تک وصلوون مشتاقی‌ام اول صاحب احساس تک گل منیمده باشیمی آغوشه آل عباس تک قوی اوجالسین عرشه باشیم چهره خندان جان وئریم قوی گولش حالینده سقا مثلی الآن جان وئریم 🏴🏴🏴