#شهادت_امیرالمومنین_علی_علیه_السلام #ترکی نوحه زبانحال زینب کبری (س) درشب شهادت حضرت علی ✍کربلایی محمدرضامحمدی ( ناعم ) وام از نوحه "گجه لر"استادفکری ▪️زینبم باغلارام یارا گجه لر غمدن قلییم یانارقراگجه لر ننم زهراکیمی غمه آماجم خلوتده ایلرم نواگجه لر گجه لر گجه لرامان گجه لر زینبی غملره سالان گجه لر ▪️دورت یاشیمدان قراباشیماسالدیم اولدی آنام منیم آناسیزقالدیم گلشن طاهایه اسوبدی صرصر باغداگللرکیمی سولوب سارالدیم ذکریم اولوب آنا آنا گجه لر ساخلادیم آناماعزاگجه لر گجه لر گجه لرامان گجه لر زینبی غملره سالان گجه لر زهرادن صورامن سیه پوش اولدوم جام مصیبتدن قدح نوش اولدوم سجده ده یاریلدی بابامون باشی اوروجلوق آییندا غمه توش اولدوم ایلرم گیزلینده بکا گجه لر سسلرم وای بابا بابا گجه لر گجه لر گجه لرامان گجه لر زینبی غملره سالان گجه لر ▪️یارالی یاتوبدی بابام بسترده ذکریازهراوارسولان لبلرده باشدان یارالیدورامیرعالم آغلوللارملکلر اوناگویلرده عرش اهلی ایلیورنواگجه لر غم ایتمز زینبی رها گجه لر گجه لر گجه لرامان گجه لر زینبی غملره سالان گجه لر ▪️غصه دن گجه لر سینه داغلارام آغلیا آغلیا یاراباغلارام بابامون غملرین یادیماسالام گیزلینجه گوزیاشی توکوب آغلارام دیلدن دوشوب شیرخداگجه لر دیزینده قالمیوب قواگجه لر گجه لر گجه لرامان گجه لر زینبی غملره سالان گجه

#ترکی ✍شاعر:کربلایی محمدرضا محمدی (ناعم)

‍ ‍ سید تقی سیفی اردبیلی سندی ارکان هدایت ظلمیلن یکسر بو گون سجده ده قانه بلشدی ساقی کوثر بو گون گوز یاشیم قانه دونوب مشعل قرآن سونوب توکدی بیر طرح جنایت دست بیداد فلک زخم قلب عترت پیغمبره سپدی نمک زینب و کلثومی ائتدی غصه دن قاره لئچک سوندوروب حیدر چراغین چرخ بازیگر بو گون حاکم تاولدی حیله و تزویر عدوان مسجده ابن ملجم سالدی بیر وحشتلی طوفان مسجده حیدرون باشیندن آخدی سجده ده قان مسجده بوترابه مقتل اولدی خانه داور بو گون زاده پست مرادی دیو نفسه زر خرید ایلدی شقُّ القمر محراب طاعتده پدید سسلنوب فزت برب الکعبه سالار وحید رنج دنیادن علی قورتاردی سرتاسر بو گون گیدی قاندان رخت هجرت قامت سردار دین شهپر آچدی محضر جانانه سیمرغ وزین عرشدن صوت منادی کوفیه سالدی طنین وای علی ئولدی عدالتدن ئولوب جوهر بو گون ماه عدلون چهره سین ابر غم ائتدی استتار سندی مرآت جمال حضرت پروردگار شیر حق روباه الینده اولدی مکریلن شکار ئوز وقارین وئردی الدن مسجد و منبر بو گون اولدی ثاراللهیلن آغشته حقون مأمنی بیکس و ایتامون الدن گئتدی عزت دامنی خائن قرآن یخوبدور خانه زادِ کعبه نی تیر محنتلن بُو لوندی قلب پیغمبر بو گون باشینون قانین دوتوبدور شیر یزدان اوجونا آخ مُحاسینه یاخوب ثاراللهی مثل حنا باخ حنای عشقیمه عرض ایلدی یا ربنا قامت توحیده قاندان وئرمیشم زیور بو گون ائتمیشم تیر بلای وصلیوه من شرح صدر ایلرم طاقت بو یولدا محنت اولسا هر نه قدر صدر ظلماته نجه خنجر وورار سیمای بدر ظلمت کفره وئروب قانیم منیم خنجر بو گون  درد هجران قلبیمی گوردوم سالوبدور تابیدن شوق وصلوندن اویاتدوم قاتلی من خوابیدن ایستدیم معراج عشقه ال تاپام محرابیدن درک ایده تا ارزش عبدیتی کافر بو گون حمدِ لِلَّه دیلده کی دیرینه کامه چاتمیشام جانماز زهدیمی القانیلن ایسلاتمیشام چون سنی اُولی بیلوب اولدی گوزدن آتمیشام عیبی یوخ سولسون سارالسون حیدری گوللر بو گون اوزموشم اُلفت حیات نازیدن ارحامیدن ائتمیشم منهاج حقی برملا ابهامیدن ناگرانم بیر فقط باشسیز قالان ایتامیدن قویما سن اولسون اولاردان شرمگین حیدر بو گون

شعری در رابطه با ماه مبارک رمضان 🌼🌸🌼🌸🌼🌸🌼 🌷🌷🌺🌺🌿🌿🌻🌻🥀🥀🌹🌹 قرآن اوخویوب دوت اوروج ای بنده بو آیدا باخ لطف و عنایات خداونده بو آیدا شاید اله دای دوشمویه بیرده بئله فرصت بیل قدرینی اول فرصتی یابنده بو آیدا اللهدان عزیزیم طلب مغفرت ائیله درگاهینه اول سنده پناهنده بو آیدا پاکیزه دولان نفسیوی مغلوب ائله هرگون چون خواریدی شیطان چکیلوب بنده بو آیدا منظوری وار اللهین اوروج دوتمادان انسان فکر ائیله اوزون اول بونی جوینده بو آیدا گر گلسه الیندن دوت الیندن فقرانین بی کسلره ائت خدمت ارزنده بو آیدا قدرین گئجه سی هر نه مقدر اولاجاقدی تشکیل تاپور هرکسه آینده بو آیدا آج قالماقیلان جسمیوی سالم تر ائدورسن روحینده قالور مطلقٱ ایمنده بو آیدا خلاق جهان عبد خطاکاری باغوشلار از نو آچیلار بیزلره پرونده بو آیدا سو گورسن اگر یادیوه سال تشنه حسینی اندوهیله قلبین اولار آکنده بو آیدا شاید بیله سن صودامر اصغر نه چکوبدی عطشانلیقی درک ائتسن اگر سنده بو آیدا ای هم آتادان هم آنادان مهربان الله امیدیله گلدوم قاپووا منده بو آیدا لطف ائیله خدایا نظر لطفیوی کسمه سن قویما (مرادی) اولا شرمنده بو آیدا

سینه زنی ‍ گل آنا یا زهرا گل سینوی داغلا ئولدی آتام حیدر آتاسیز قالدوخ یاریوه گل آغلا گل یاره سین باغلا قانه باتوب یکسر آتاسیز قالدوخ دیرم من ایوای مظلوم بابام ایوای مظلوم بابام ایوای مظلوم بابام وای امام ای دل ای دل ای دل حیدر (ننه یرین بوش دونن سنین عوضیوه من یارا باغلامشام علی سسلدی زینب نیه یارامی گورنده ننه ننه دیورسن ) خسته یارون گلدی هم اسرارون گلدی دیندور اونی مادر غملی گلوبدی اونا جانان سن سن دارو درمان سن سن باشی اولوب یاره یاراسون باغلا امان ای دل ای دل ای دل حیدر دیرم من ایوای مظلوم بابام ایوای مظلوم بابام ایوای مظلوم بابام وای قلبی غملن دولدی خانه نشین اولدی قالمشدی بی یاور یاناردی دلدن (ننه سن گیدنن بابام داریخوب ) اورگین درد آلدی غمون غمه سالدی یوردی اونی غملر جانان اوساندی دیرم من ایوای مظلوم بابام ایوای مظلوم بابام ایوای مظلوم بابام وای امام ای دل ای دل ای دل حیدر

احوالات حضرت علی (علیه السلام سبک: ای قلم سوزلروندا اثر یوخ مسجدکوفه ده محشر اولدی قان آخیب چشم مولایه دولدی سیندی ظلمیله رکن عدالت آل پیغمبرین باغی سولدی یاعلی یاعلی جان یارالی یاره لی باشه قربان یارالی 😭😭😭😭 جان عالم فدااول نمازه خنجرآلتیندارازونیازه کعبه مولودی معراجه گئتدی چیخدی طاهااؤزی پیشوازه یاعلی یاعلی جان یارالی یاره لی باشه قربان یارالی 😭😭😭😭😭😭 دهریدن مرتضی قلبی دویدی تیرمحنت دل‌ِ زاری اویدی آق محاسن قیزیل قانه باتدی زینبین گوزلرین یولدا قویدی یاعلی یاعلی جان یارالی یاره لی باشه قربان یارالی 😭😭😭😭😭😭😭😭😭 کشتی دینی طوفان آپاردی حیدری سجده ده قان آپاردی جنّته کوفه دن مرتضانی فاطمه گلدی مهمان آپاردی یاعلی یاعلی جان یارالی یاره لی باشه قربان یارالی 😭😭😭😭😭😭😭😭😭 گوزیاشی مجتبانین آخاردی یاندیریب عالمینی یاخاردی هم حسین آغلییب هم ابوالفضل خالی محرابه هردم باخاردی یاعلی یاعلی جان یارالی یاره لی باشه قربان یارالی

مناجات شب قدر – شب رحمتدی شب لطف وعطا یا الله شب غفران ومناجات ودعا یاالله خون دل اشک روانیله آخور رخساره یوزوموزده یازا هرقطره سی تا یا الله قلبیمیز هرضرباندا سنه لبیک دیور سنون عشقونده ویرور صبح ومسا یا الله آچ کرامت قاپوسین چوخدی اورکده یارامیز کرمونله ایله هر درده دوا یا الله – ای ید قدرتیله عالمی یوخدان یارادان ید قدرتله ویرن عالم امکانه تکان داغلار آلتندا ویرن چشمه لره آب روان یرده کی خاکه ویرن قدرت اعجازیله جان جان انسانه عنایت ایلین روح وروان روح انسانلارا تزریق ایلین فکر وبیان گجه نی گوندوز ایدن گوندوزوده تیره نشان بشر اندیشه وادراکینی حیرتده قویان خالق لم یزل ارض وسما یا الله کرمونله ایله هر درده دوا یا الله – یارادان جمله سماوات وکراتی سن سن بشره بذل ایلین آب حیاتی سن سن گورن آسان خلوات وجلواتی سن سن گورسدن هربشره راه نجاتی سن سن ویرن هرحسنه هزاران حسناتی سن سن حسناتیله چوخالدان درجاتی سن سن عرشیدن نازل ایدن هربرکاتی سن سن ماضی تک سن سن ومستقبل و آتی سن سن سن بقاسن یارانان جمله فنا یا الله کرمونله ایله هر درده دوا یا الله – بشری خلق ایلدون پیکرینه سر ویردون سرینه عقل سلیم،عقلینه باور ویردون محکه چکدون اونون باورینون مرتبه سین اونون ئوز باوری اندازه سی گوهر ویردون جاهل اعرابی بوتون غرق ایلدون ظلمتده خلقتونله اولارا پاسخ برتر وبردون قیزلارون زنده بگور اولماقینون عصرینده ائوین آباد اولا پیغمبره کوثر ویردون اونی خلق ایلدون عالم یارانا یا الله کرمونله ایله هر درده دوا یا الله – کوثری خلق ایلدون حیدر وطاها یارانا حسنین عزت واکرامیله زیبا یارانا پنج تن خاطرینه قلبلری پنج ایلدون تا اورکلرده تبری و تولا یارانا پنج تن قویدی قدم قلبلره باعث اولوب خانه عشقه گوره جنت الاعلا یارانا خلقتین فلسفه سیندن صورا معلوم اولدی یارانان جمله بهانه یدی که زهرا یارانا یارادان سن ، یارانان اهل کسا یاالله کرمونله ایله هر درده دوا یاالله – دل عاشقلری بیر قانلی لوایه سالدون باشلارا قانلی لوائیله نه سایه سالدون ایلدون چوخلارینی کرب وبلانین دلیسی حرم عشقنده عجب حال وهوایه سالدون عاقبت آدمیله نوحی ده چکدون اوچوله تا باغشلاندیراسان آه ونوایه سالدون اولارین که اورگین غصه وغم دولدوردی بیربه بیر یولارینی کرب وبلایه سالدون قلبیدن ایلدیلر آه ونوا یاالله کرمونله ایله هردرده دوا یاالله – کربلا آدی اورک مملکتین قان ایلیور کربلایه گلنون دردینه درمان ایلیور سائل درگهنه لطف فراوان ایلیور مور اگرگلسه همان لحظه سلیمان ایلیور به محمدبه علی،بالحسن وبالزهرا بالحسین سسلینه دم به دم احسان ایلیور کربلانین آدی گلجک دل عاشقلر اسور جانینی گنبد وایوانینه قربان ایلیور کربلادور اورایا عرش خدا یاالله کرمونله ایله هر درده دوا یا الله – ذات حق قدرتین هریرده نمایان ایلدی اویری قدرتیله وادی عرفان ایلدی شهر طوسه قدمین قویدی امام هشتم قدم پاکی خراسان یولون آسان ایلدی سگز ایل پیرجماران دایانوب سنگرده علوی ملکنی میدان شهیدان ایلدی شهدا جانلارینی ایتدی فدا ایرانه توکولن قانلاری ایرانی گلستان ایلدی حرمت خون تمام شهدا یاالله کرمونله ایله هردرده دوا یاالله مداح اهل بیت ابوالفضل صفری

حضرت علی(ع) - رحیم شایان    سینه زنی             ================ در آهنگ «حسین دوشوبدی مقتله»یا تومشکتو به آب زدی ندندی بو سحر باشون ، بویاندی قانه آی بابا ووروبلا باشیوه یارا ، نه ظالمانه آی بابا یوزه گوزدن دائم اشک غم باغلارام من حزین حزین فرقتونده چوخ آغلارام من سیه پوش اوللام بو محنتده من آتا جان سنون مظلوم ئولماقیوا دل داغلارام من یارالی    یارالی    یارالی    یارالی(2) بیر عدل و دادیدن صورا ، یوخ آیری فکر و نیّتین یاخوندی زینبین گوره ، آتاسینین شهادتین نه علته گوره دگوب ، باشا بو کاری ضربتون یانار بو سینه ماتمه ، چکر زبانه آی بابا گلر عرش و فرشیدن صدا وای علی وای ائدوب جبریل عالمه ندا وای علی وای علی ئولدی ، ئولدی عدلین ارکانی والله دئیر آغلار خیرة النسا وای علی وای یارالی    یارالی    یارالی    یارالی(2) کیم آی بابا داغیرداجاق ، یتیم لرین غذاسینی دوتار سحردن هر بیری ، آتاسینون عزاسینی گل ائوده پانسمان ائدیم ، بو باشیوون یاراسینی ساغالماسا گوزوم یاشین ، ائدوم روانه آی بابا آنام قالسایدی یاراوی تئز باغلیاردی یانا یانا آدیوی دئیوب آغلیاردی آنام یوخدی یانّام آغلارام حُزنیلن من سنه زهرا ائللریله یاس ساخلیاردی یارالی    یارالی    یارالی    یارالی(2) سن عین عدلیسن ئوزون ، عدالتین شهیدی سن پیمبرین   یورولمیان ، وزیری سن مریدی سن اوروجلوخ  آیینین بابا  ، شهید رو سفیدی سن شهادتین سنین اولار ، نه عاشقانه آی بابا شهید اولدون سجده حالینده بیت حقده بئله توفیق اولمیوبدی هیچ ما خلقده غریبانه ئولدون آی بابا کوفه ده سن تایین یوخدی ما خلقده ما سبقده یارالی    یارالی    یارالی    یارالی(2) بو کوفه نین وفاسی یوخ ، بیز اهل بیت عصمته دعا   ائله   بو  کوفیان   ، یتیشمه سونلر عزته آنام  دیوب بو شهریده  ، باشون دوشر مشقته نه ظلمیلرکی یوز وئرر، بو باغریقانه آی بابا بیزی کوفه اهلی ایله للر مکدّر باشیمیزا بامیلردن هی کول سپه للر حسینیمین باشینی ووراللار جدایه چکه للر آل اللهی طنابه سراسر یارالی    یارالی    یارالی    یارالی(2) رحیم شایان – ارومیّه

سینه زنی ‍ گل آنا یا زهرا گل سینوی داغلا ئولدی آتام حیدر آتاسیز قالدوخ یاریوه گل آغلا گل یاره سین باغلا قانه باتوب یکسر آتاسیز قالدوخ دیرم من ایوای مظلوم بابام ایوای مظلوم بابام ایوای مظلوم بابام وای امام ای دل ای دل ای دل حیدر (ننه یرین بوش دونن سنین عوضیوه من یارا باغلامشام علی سسلدی زینب نیه یارامی گورنده ننه ننه دیورسن ) خسته یارون گلدی هم اسرارون گلدی دیندور اونی مادر غملی گلوبدی اونا جانان سن سن دارو درمان سن سن باشی اولوب یاره یاراسون باغلا امان ای دل ای دل ای دل حیدر دیرم من ایوای مظلوم بابام ایوای مظلوم بابام ایوای مظلوم بابام وای قلبی غملن دولدی خانه نشین اولدی قالمشدی بی یاور یاناردی دلدن (ننه سن گیدنن بابام داریخوب ) اورگین درد آلدی غمون غمه سالدی یوردی اونی غملر جانان اوساندی دیرم من ایوای مظلوم بابام ایوای مظلوم بابام ایوای مظلوم بابام وای امام ای دل ای دل ای دل حیدر