🍁بسم الله الرحمن الرحیم 🍁 اربعیـن سـالار شهیـدان به سبک عمو اوغلی و سبکهای متفاوت بو خسته کاروانیلن گدیب دوبـاره گلمیـشم قبریویـن اوسته اربعین دیل دولی یـاره گلمیـشم غبار غم، قرا علم، عزالی اهلبیت یلن گوزوم یاشی آخا آخا گوزل مـزاره گلمیشم دور خـوشگلدین ایـله قـارداش رقیـه ن گـلیـدی ای کـاش اهـلبـیـته ویـرانـدا داش آغلیوردیم یـاواش یـاواش یورولمیـشام بو چولـلری بسکی پیـاده گزمیشم قمچی ویرانـدا قیزلارا، من آه و زاره گلمیـشم روایت ایلـییـم نجه ئو قیخ گونون مصیبتین رقیه قالدی شامیده باشیمدا قاره گلمیشم دور خـوشگلدین ایـله قـارداش رقیـه ن گـلیـدی ای کـاش اهـلبـیـته ویـرانـدا داش آغلیوردیم یـاواش یـاواش سـاخلامادیم امـانتین یاخجی اخـا نـلَـر دِییم پـرپـر اولاندا نـو گولون اور دا فشـاره گلمیشم عهداٍلـه میـشـدیم آلله ها بیـرده اگر گلم بیرا شوقـیـله سیـنـه داغلـیام نوای یـاره گلمیشم دور خـوشگلدین ایـله قـارداش رقیـه ن گـلیـدی ای کـاش اهـلبـیـته ویـرانـدا داش آغلیوردیم یـاواش یـاواش بیردا خزان اولوب چمن،سولدی خدا گولوم منیم دور منه خوشگلدین اِله غملی دیاره گلمیشم مرقدیوین توزون سیلم دردودیل ایلـیم گـِدَم گوزلرین آچ حالیمه باخ یوز گوزی یـاره گلمیشم دور خـوشگلدین ایـله قـارداش رقیـه ن گـلیـدی ای کـاش اهـلبـیـته ویـرانـدا داش آغلیوردیم یـاواش یـاواش یولدا دئیوبلر خارجی گلشن آل حیـدره باشیمیزه ویـراندا داش گوزلری تاره گلمیشم علیِ اصغرم خانیم لطفینی شامل ایلـدی شرح حالین یازام دئدی آغ گونی قـاره گلمیشم ✍️:علی اصغرعباسعلی نژادکیوج_سرابی التماس دعا... ✨اَللّهُمَّ عَجِّل لِوَلیِّکَ الفَرَج✨

🎆#سینه_زنی_ترکی_امام_حسین_ع 🎇#زنجیرزنی 🎆#کربلایی_صابر_رهنما 🎇#پیشنهادم 👌👌 سائل نالایقم من یا حسین ئوز سوزومده باقیم من یا حسین هرنه اولسامدا عزادارم سنه کربلا مشتاقیم من یا حسین 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم عاشق عاشق اولسا دل عمان اولار گوز یاشی آخسا یوزه طوفان اولار بولمورم یارب نه حکمت وار مگر تل زینبده ئوکلر قان اولار 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم گلشن کرب و بلاده گل آچوب نالیه دل . صحنیده بلبل آچوب ای صبا گیت دئه ربابه آغلاما سینه سلطاندا اصغر دل آچوب 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم شور عشقی قلب و احساسیمده وار بحر غمده نچه الماسیمده وار گوزگوز اولسا دوز نظر سالسا گورر قان حناسی خیمه قاسیمده وار نه روادور سو چوله آخسون بیله یا رقیه آغلیوب ایوی دئیه ایندیده گویا دئیور عباس آقام نعشمی قارداش آپارما خیمیه 🎆گویلوم ایستور اصغره لای لای دئیم 🎇قتلگه ده آغلیوم ایوای دئیم 🎆هدیه به حضرت معصومه سلام الله علیها (صلوات)🎆 ┈••✾•🌿🌺🌿•✾••┈

🍁بسم الله الرحمن الرحیم 🍁 نوحه/راه شام... ✍✍ به قلم ارزشمند استاد حاج رامین محمدزاده...... گئتمه دایان ساربان ، گوز یاشیم اولدی روان یولدا رقیه م قالوب ، زینب اولوب باغریقان بوردا گرک من قالام ، دردینی جانه آلام قلبی سینیقدور دایان ، صبر ائله گلسین بالام بالامی یولدا ترک ائتمرم رقیه م گلمسه گئتمرم ای کاروان ای ساربان قالدی بالام گئتمه دایان عمه سینی ترک ائدوب کامینه گویا چاتوب یاره لی یورقون دوشوب قوش کیمی حتماً یاتوب بیر نچه گوندی اونی قارداشی گوزدن آتوب شاید اَیاقلارینا خار مغیلان باتوب قلبیمی قان ائتمه ساربان قالدی بالام گئتمه ساربان ای کاروان ای ساربان قالدی بالام گئتمه دایان رحم ائله وار اوچ یاشی یوخدی اونون بیر کسی ایندی اونی زَهره چاک ایلدی یئللر سسی قورخولی وحشتلی چول عرشه چیخوب ناله سی ایندی ئولَر قورخودان فاطمه ریحانه سی قارداشیم حسینون جانیدور زهرانین غملی ریحانیدور ای کاروان ای ساربان قالدی بالام گئتمه دایان داده کیمی یولّاسان تاپشور اونی ویرماسین چوخ یوروب آغلاتماسین وقرینی سیندیرماسین آت دوشونه سالماسین رشتۀ غم قیرماسین یاسلیدی گویلون آلوب قلبینی یاندیرماسین کینه سین یولدا بولدورمسین آللها خاطر ئولدورمسین ای کاروان ای ساربان قالدی بالام گئتمه دای......

اربعین_حسینی __                                                         ای زینبی آغلار قویان وای قارداشیم وای گَلدی باجون یاتما اویان وای قارداشیم وای زینب بو توزلی قبریوه قربان یارالی اوخشار باجی قارداشینی آغلار یارالی قارداش گیدنده شامه من باشی بلالی گونلر ایوینده نعشیوی گوردوم یارالی یاددان چخارتماز زینبون هرگز او حالی قیلّام گئجه گوندوز فغان وای قارداشیم وای غم گوزلریمون بارشین دوندردی ابره اولدوم ته دلدن ولی تسلیم صبره کیم غسل و کفن ایتدی سنی، کیم قویدی قبره ای پادشاه انس و جان وای قارداشیم وای قارداش حسین آخِر سنه کیم قبر قازدی شش گوشه قبرون اوسته کیم بو خطّی یازدی گَلسم اُلونجه شیون و فریاده آزدی گوز یاشیمی ایتسم روان وای قارداشیم وای عورت اوشاق شامه گیدنلر دست بسته پوزقون، پریشان، سینه سوزان، دل شکسته بو اربعین گَتدیم تماماً قبرون اوسته ناله کُنان و مو کَنان وای قارداشیم وای واردور رقیّه جانبیندن انفعالیم سرّی اودور بو نوعیله پوزقوندی حالیم حالی دوشنده یادیمه آرتار ملالیم ویرانه یرده ویردی جان وای قارداشیم وای اولموشدی غمدن زلف تک حالی پریشان ایتمیشدی غصّه قلبینی لاله صفت قان ویردی قوری توپراقلار اوسته آج سوسوز قان ویرانه ده ایتدی مکان وای قارداشیم وای سندن او گون که جبریله اولدوم جدا من نه ظلم لر ایتدی منه بی رحم دشمن شامه کیمی نه چَکمیشم آگاه سن سن دل یوخ ویرم شرح و بیان وای قارداشیم وای نوک جدانی طلعتون دوندردی طوره گَتدون کلیمُ اللهی سن عشقونده شوره خولی قویوب اوّل گئجه باشون تنوره اولدون کُل اوسته میهمان وای قارداشیم وای

نوحه اربعین سبک: آره برم سرم بره 🖍بقلم احقرالمادحین مهدی شفائی حسین ایاقه دور -باخ گورنجه قوجالمیشام چمنده گول کیمی-خزان وروب سارالمیشام حسین حسین حسین-حسین حسین حسین حسین(2) غم زمانه دن- اولوبدی قددی خم باجون گلوب زیارته-الینده بیرعلم باجون دور ایله پیشواز-گلوبدی زائرون حسین ئورکلری یارا-باشیندا بیر حرم باجون حسین حسین حسین... 🖤🖤🖤🖤🖤 آلیشماقی غمه -منه ننمدی ئورگدن باشون جداده دی یاتوبدی بوردا بیربدن ائشیدمیشم سنی- بوکوبله بوریایه بس اجاره وئر حسین -ائدیم دوباره دن کفن حسین حسین حسین.... 🖤🖤🖤🖤🖤🖤 گلوبدی زینبون -باشیندا قاره آی حسین یانیمدا ائللرون-ئورکده یاره آی حسین نجور دیوم سنه-بوغملی ماجرانی من ئولنده اولمادی-رقیه چاره آی حسین حسین حسین حسین..... 🖤🖤🖤🖤🖤 گلوبدی عترتون-ئورکلرینده قان حسین قوجالدی من کیمی- بوغمده هرجوان حسین قالوب دمشقیده- رقیه نازلی دخترون قوجاتدی زینبی-گلوبدی نیمه جان حسین حسین حسین حسین.... 🖤🖤🖤🖤🖤🖤 بوقاره جامه می-امکانی یوخدی من سویام دویسون اگر اخا-امکانی یوخدی من دویام قرخ گوندی قارداشیم-رخساریووه داریخمیشام ئورکده حسرتیم- پوزقون مزاره یوز قویام حسین حسین حسین.... همان باجون حسین- الینده بیرعلم گلوب هلالی قددی وار ئورکده غصه غم گلوب غمیم آشوب داشیب- بونسگیله یانور باجون رقیه گلمدی- خجالتم که کم گلوب حسین حسین حسین.... 🖤🖤🖤🖤🖤🖤 پوزولدی عترتون - داغلیدی آشیانه سی گلوبله تک تکی- ئورکده واربهانه سی بورحمسیز قوشون وروبلا چوخ حرملرون نشاندی رددی وار- قولوندا تازیانه سی #اربعین

اربعین حضرت حسین علیه السلام                    نوحه آچ گوزین قارداش اویان گلدی رشیده زینبین چوخ مصیبتدن اولوب قدی خمیده زینبین زینبی آغلارقویان آچ گوزین قارداش اویان چکموشم سندن صورا من دردوغمدن الامان ووردولارقمچی بیزه یولارداشمریلن سنان قولاریمدا زیوراولموش کسدی قارداش ریسمان ای ئولن عطشان گتوردی اشک دیده زینبین زینبی آغلار قویان آچ گوزین قارداش اویان * قتلگهده شمرملعون کسدی یاره حنجربن کوچ ائدنده کربلادن قالدی یرده پیکرین خیمه لریاندی تالاندیم چوخلی چکدیم غملرین دستگیراولدی اوگون قوم پلیده زینبین زینبی آغلارقویان آچ گوزین قارداش اویان **** محملیم عریان دویدی یول اوزاق شامه روان گوزیاشیم ئوزدن آخوردی دوره ده شمروسنان شامیده نطقیمله من حقی اوگون ائتدیم بیان غم چکوب یالوارمادی آل یزیده زینبین زینبی آغلارقویان آچ گوزین قارداش اویان * وای حسین ایوای اخاایوای حبیب مصطفی آچ گوزین زینب گلوب فرزندمکیلن منا فاطمه اوغلی گوزآچ پوررشید مرتضی قالدی سالم آچ گوزین اولموب شهیده زینبین زینبی آغلارقویان آچ گوزین قارداش اویان ** قوی دیوم چکدیم نه لراولدی خرابه مسکنیم آغلادی یاندی قئزین آرتوبدی دردیلن غمیم باشیوی آلدی قوجاقه ئولدی اورداهمدمیم گورگیلن غمدن اولوب رنگی پریده زینین زینبی آغلار قویان آچ گوزین قارداش اویان التماس دعا

نوحه اربعین حسینی           زبانحال حضرت زینب(ع) چوللره ای غم هجری منی دنیاده سالان زینبم قارداش حسین قبریوه زوارم اویان حسین من حسین من حسین من حسین من علی 2بار دولانوب چوللری قیرخ گوندی حسین گلدی باجون تیر دلدوزیله دشمن اورگین دلدی باجون دوشه نوب مرقدیوین اوستونه دینجلدی باجون        حق سوز اوسته دایانوب قانینه عشقیله باتان حسین من حسین من حسین من حسین من علی 2بار درد هجرانین حسین چولره سالدی باجیوی غم غم اوسته قالانوب غملره سالدی باجیوی چوللره درد و غمین یکسره سالدی باجیوی       یاتما دور زینبم ای باجیسینی گوزدن آتان حسین من حسین من حسین من حسین من علی 2بار باجیوا سس ویر حسین سن دلیمون از بری سن لشگرین قانه باتوب سن شهدا رهبری سن عالمین سروری سن سن باجیوین دلبری سن        درد هجرینده سنین آغلادی بوکون و مکان حسین من حسین من حسین من حسین من علی 2بار عالمه ویردین حسین سن نه گوزل درس وفا گوروم اولسون جانیوا زینبیوین جانی فدا گلمیشم دور سنه قربان یاراوی باغلاماقا               درد هجرانی منی چولره عشقیله سالان حسین من حسین من حسین من حسین من علی 2بار گزمیشم شام دیارین ولی سندن نگران باجیوین قامتینی آیریلیغین ایتدی کمان باشیوی گوردی جدا اوسته باجین ایتدی فغان       دور حسین جان غم هجرینده دوتوب قلبیمی قان حسین من حسین من حسین من حسین من علی 2بار ای وفا درسینی عالملره احراز ایلین جدی پیغمبری جنتده سرافراز ایلین آلتی آیلق بالاسین دینینه سرباز ایلین                 یاره وی  باغلاماقا گلمیشم ای شاه جهان حسین من حسین من حسین من حسین من علی 2بار باجیوین قامتی خم اولدی بو مدتده حسین صبر ایدوب حقدن اوتور زجریده ذلتده حسین قلبیمی سالدی غمون درده نهایتده حسین       دور حسین جان سنه قربان منه ای مفخر اولان حسین من حسین من حسین من حسین من علی 2بار من حسین عشقیوی عالملره اعلان ایلدیم حق سوز اوسته دایانوب شامیده طوفان ایلدیم کاخ خضرای او معاویه نی ویران ایلدیم           عشقیوی ساخلامو شام بو یارالی دیلده نهان حسین من حسین من حسین من حسین من علی 2بار باشیوی گوردوم حسین نیزه لر اوستونده سنین قلبیمی داغلادی نار غم هجر و محنین شام شوم ایچره رقیه غمی چوخ اولدی چتین      هی دیردی نیه گوزدن منی آتدین باباجان حسین من حسین من حسین من حسین من علی 2بار بیر گیجه شیون ایدوب آغلادی اول نازلی بالان باشیوی باغرینا باسدی منی ایتدی نگران اوخشادی آغلادی ویردی غم هجرانیله جان        گلمدی کرب و بلا یه ایلدی شامی مکان حسین من حسین من حسین من حسین من علی 2بار اولمادی اوردا کفن معجری اولدی کفنی باجیوین قلبنی یاندیردی گویرمیش بدنی آغلادوب قبره قویونجا غم هجرانی منی      ایتدی اوز عشقینی شام اهلینه بالمره عیان حسین من حسین من حسین من حسین من علی 2بار ملتمس دعا مهدی ملکی

زینب گلور اما؟ زینب گلور اما باشینا قاره سالوبدی زینب گلور اما اورگین غملر الوبدی زینب گلور اما ائله بیل چوخ قوجالوبدی هر دم وئرور اللهی قسم صبر حسینه جان چیخمیا سالم یتیشه قبر حسینه * زینب گلور اما هله بیر کلمه دانیشمور قارداشسیز اونا دنیا بهشت اولسا یاپیشمور مدتدی کوسوب نهر فراتیله باریشمور حسرتله سووا خیره لنور نیمه نگاهی سسلور انامون اوغلی سوسوز ئولدی الهی * زینب گلور اما اوجالور ناله دلیندن زینب گلور اما یاپشوب فضه الیندن مشکل قدم اتسین الینی چکسه بئلیندن الله بو خانم هر یره گئتدی گئجه گئتدی تندیس حیا شمریله شامه نجه گئتدی * زینب گلور اما ائله بیل چوخ سوزی واردی زهرا قیزیدی قبر حسینده گوزی واردی هر یرده که زینب اولا زهرا اوزی واردی سسلور الیمی دوت انا دل درده گلوبدی قبری منه گورست گوزیمه پرده گلوبدی * زینب گلور اما او یانان دلده شرر وار قلبینده حسینه دئمه لی خاطره لر وار قیمتلی نچه بوخچادا سوغات سفر وار سوغاتی باسوب سینیه جان تک گتوروبدی بی غسل و کفن یوسفه،کوینک گتوروبدی * زینب گلور اشگی توکولور گوز بولاقیندان گلدیقجا ورور بوسه ملکلر ایاقیندان افسوس رقیه سسی گلمور قوجاقیندان اغلور دیور ایوای عجب زنده دی زینب قارداشدان ابوالفضل کیمی شرمنده دی زینب * زینب گلور اما دولانوب قلبی کبابه اصغر غمی قویمور باخا بیر موجیلی ابه در دین دیه بیلسه چاتاجاق نوبه ربابه یا فاطمه قلبینده ربابین سوزی چوخدی ایستور چکه نازین دیه لای لای بالا یوخدی * ✍از استاد کلامی #محرم1402 #اربعین #حضرت_زینب_علیهاالسلام ✨اَللّهُمَّ عَجِّل لِوَلیِّکَ الفَرَج✨

نازلی رقیه ای گوزویم نوری گلمه افغانه ویرانه رنجوری دیللری آهون دلر ، لای لای بالام لای لای غم یمه اکبر گلر لای لای بالام لای لای بوقدر ایتمه افغان بی‌بون قربان آغلار گوزللره نالان بی‌بون قربان اریدوب جیسمون زندان بی بون قربان دیللری آهون دللر لای لای بالام لای لای غم یمه اکبر گلر لایلای بالام لایلای بیلکلرونده بند طناب آغلار حالوه منن گیزلین رباب آغلار قلبینی ایلر دائم کباب آغلار دیللری آهون دللر لایلای بالام لایلای غم یمه اکبر گلر لایلای بالام لایلای دانیش منیلن ای شیرین زبانیم ویران سراده شمع شبستانیم دردیوه ای کاش اولیدی درمانیم دیللری آهون دللر لایلای بالام لایلای غم یمه اکبر گلر لایلای بالام لایلای شاعر : آقای خدایی مداحی نازلی رقیه ای گوزویم نوری از حاج نادر جوادی

نادرجوادی

🏝 کربلایه گئدن 🏝 ای گئدن کرب وبلایه منیده یادووَه سال عمل ائت رسم وفایه منیده یادووَه سال یولی بینُ الحَرمینه سالاجاقسان بیلورم نظر ائت مروَه صفایه منیده یادووَه سال دئمه که گنبد عباسه گوزوم دوشدی او دَم باخوسان هاشمی آیه منیده یادووَه سال صدقیلن آغلا علمداریدن آل اِذن دُخول زائر اولسون شهدایه منیده یادووَه سال بِله سانما بو زیارت هامیا قسمت اولار سالوب الله سنه سایه منیده یادووَه سال آستانیندن ئوپن وقتی حسینون دِئ آقا ائت کرم بو فقرایه ، منیده یادووَه سال پایِ پادَه اوخیان وقتی زیارت نامه اکبری سَسله هَرایه منیده یادووَه سال اصغرین وار هَوسی زائرینون لایلاینا لای لایون گلسه نوایه منیده یادووَه سال بوینی چگنینده دایان اوغلی ئولَن بیر نَنَه تَک نوحه دِئ خوردا هُمایه منیده یادووَه سال مَقتل شاه شهیدانه طرف چوخ گِئتمه باخ اوزاقدان او مِنایه مَنیده یادووَه سال اورا بیر یردی که اوردا باش آچار خَتم رُسل گَلر عَرش اهلی بُکایه ،منیده یادووَه سال اوردا بَند دل زهرانی قِیروب کافر اَلی باخ او مَعناده عزایه منیده یادووَه سال چوخ دایانما ایکی اَل سینووُن اوستونده قَیت آچ دیلی ذکر و دُعایه منیده یادووَه سال بیر گونی تُپراقین آلتیندا دِیرسَن (نادر) ای گئدن کرب و بلایه منیده یادووَه سال 🏴🌴🏴🌴🏴🌴🏴🌴 #اربعین #زائر_کربلا

اوخ شمادت دن یاغاندا گؤز تیکر اوّل منه من ابوالفضلم بلا لولاسینون معناسی ام من ابوالفضلم گوزوم اوخلاندی مولا جان دئدی داغ داغیلدی دامن صحرایه، صحرا جان دئدی من دئدیم یاندیم آنا، سسلندی زهرا جان دئدی بیر جهان جان سیز ییخیلدی بیر جهاندا جان دئدی من ابوالفضلم حسینین دوغرانان اعضاسی ام من ابوالفضلم منی تشنه دوداخلاردان سوروش من ابوالفضلم منی یانمیش بولاخلاردان سوروش من ابوالفضلم منی سؤنموش چیراخلاردان سوروش من ابوالفضلم منی قولسوز بوداخلاردان سوروش من سؤزولموش گوزلرون «فریاد» واویلاسی ام