شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیر مصیبتون بو قلبی بولسون حسن بو نه حالتدی قالموسان زینبون ئولسون حسن ای غرق بلا و اَنین یاندیردی منی مُحنین زهرین اَثرینده سنون گل تک گُویریب بدنین « قربانین اولوم حسن » یاندیم یا فاطمه دِئمه یاندی قلبیم سوزوه حسرتلی باخما زینبه ، زینب قربان گوزوه محنتونده بو بی کسی یاندیریب یاخما حسن دردون گلسین منه ؛ بئله نیسگیلی باخما حسن آلامیوی بیلم اَخا گوزیاشیوی سیلم اَخا باخ زینب غمکشیوه گر باخماسان ئولم اَخا « قربانین اولوم حسن » دردونده راضی اولما من گوزیاشیمی اَلِییم صبر ایله بو یانان دلهَ بلکه چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » رامین محمد زاده(پریشان) ♦السلام علیک یا اباعبدالله الحسین (ع)

‍ رحلت پیامبر(ص)وشهادت امام حسن(ع) وقت عزایتیشدی،،ای شیعه گل نوایه گِی قاره بزم غمده،،آماده اول بُکایه بزم عزاقوروب گون،،رخت عزاگیوب آی حیدرجنانداآغلور،،،زهرادیلینده لایلای گاهی دیوربابام وای،،گاهی دیوربالام وای هراوخشامادینده،،،لرزه سالورسمایه پیغمبرگرامی،،،گوزیومدی بوجهاندان نوحه سسی اوجالدی،، هرپیروهرجواندان جَبریله اهل معنا،،،آیریلدی دلستاندان بزم عزاقوروبدی،،،عشق اهلی مصطفایه بیرآیریغم ائدوبدی،،قلب بتولی مغموم زهریله مجتبانی،،جعده ائدوبدی مسموم جان وئردی ئوزائوینده،،دوم امام مظلوم گوردی اوحالی زینب،،غرق اولدی آه ووایه احمدغمینده اولدی،،ماتمســـــــــرا مدینه اولدی حسن غمینده،،،غرق عزا مدینه ایلوربوغمده الآن،،،آه ونــــــوا مدینه آغلورحسین مظلوم،،،آلام مجتبایه استادطالبی #ترکی ♦السلام علیک یا اباعبدالله الحسین (ع)♦

زبانحال حضرت زینب کبری علیها السلام در شهادت امام حسن مجتبی علیه السلام (آهنگ اوغول علی آغلاما یات) اوزون هرایه یتیش آنا جان ویرور حسن اوغلون سالوب ایاقدان اونی جفا جان ویرور حسن اوغلون ایو اولوب عزاخانه/آغلارام یانا یانه دولوبدی قان طشته آنا صبریمی آلوب الدن آنا دوداقیندا قان دوروب زینبی سالوب دیلدن اولوبدی وردی گوزل آدون سالماز آدیوی دیلدن اوقدری قالمور گوزون یوما جان ویرور حسن اوغلون بلایه دوشدی بوگون حسن زهر کینه دن یاندی بیزه دیمور قاتلین آدین غمدن هامّی حیراندی قانی آخوب کوینگینه یوزگوزی بوتون قاندی ایله سیزیلدیر یانا یانا جان ویرور حسن اوغلون بونون بو مظلومیتی عالمه ایدر تأثیر بهشتیدن گل مدینیه ایلمه آنا تأخیر سویی گوروم قانه دونه ویردی رنگینه تغییر اوجالدی عرشه آنا نوا جان ویرور حسن اوغلون اورک دولوب دردو غصّه دن یانموری دیلیم بیجا گوزوم قاباقینده جان ویرور شور حشر اولوب برپا منه دیور آغلاما باجی وار قاباقدا عاشورا غمیم آنا گلموری سایا جان ویرور حسن اوغلون #امام_حسن_مجتبی_علیه_السلام التماس دعای فرج الاحقر مهدی ♦السلام علیک یا اباعبدالله الحسین (ع)♦

نوحه شهادت حضرت رقیه سلام الله علیها        زبانحال عمه جان هاردا قالوب یورقون آتام قویموری درد و غمی ایندی یاتام         چوخ ویروب یولدا منی شمر دنی        سالموشام زحمته یولاردا سنی 2بار عمه سنسن منیم عالمده بوگون دادرسیم وارسنه زحمتیم عمه نچه کی وار نفسیم چاتموری بیر کسه عمه بیله بحراندا سسیم          چوخ ویروب یولدا منی شمر دنی      سالموشام زحمته یولاردا سنی 2بار عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک      چوخ ویروب یولدا منی شمر دنی     سالموشام زحمته یولاردا سنی  2بار عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبر ه آغلامشام سینه می من داغلامشام      چوخ ویروب یولدا منی شمر دنی      سالموشام زحمته یولاردا سنی 2بار عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم     چوخ ویروب یولدا منی شمر دنی     سالموشام زحمته یولاردا سنی 2بار شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق     چوخ ویروب یولدا منی شمر دنی     سالموشام زحمته یولاردا سنی 2بار گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه ریحان گله جاق      چوخ ویروب یولدا منی شمر دنی      سالموشام زحمته یولاردا سنی  2بار عمه زینب بابامی گورمک بو دل تلسور گون باتاننان بوگیجه قلب حزین گل تک اسیر گلموری ایندی بابام بیلمورم هالاردا گزیر       چوخ ویروب یولدا منی شمر دنی        سالموشام زحمته یولاردا سنی 2بار هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر     چوخ ویروب یولدا منی شمر دنی      سالموشام زحمته یولاردا سنی 2بار گر گیدوبدی سفره شبه پیمبر هانی بس ئولوب اکبر اگر  عباس دلاور هانی بس نوجوان قاسم هانی تشنه لب اصغر هانی بس     چوخ ویروب یولدا منی شمر دنی       سالموشام زحمته یولاردا سنی 2بار آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب     چوخ ویروب یولدا منی شمر دنی       سالموشام زحمته یولاردا سنی 2بار «مهدیم » عرض ایدرم ای گل گلزار وفا دفتره یازدوم آدین دفتریمه ویردی   صفا لطف ایله نوکر درباریوه قیل لطف عطا           چوخ ویروب یولدا منی شمر دنی       سالموشام زحمته یوللاردا سنی 2بار 🙏🏼ملتمس دعا ✍بقلم حاج مهدی ملکی زنجانی _____

🎼سبک نوحه فوق👆👆 ✍بقلم استاد حاج مهدی ملکی زنجانی 🎤#بانوای_حاج_علی_سیفی_افشار

بسمه تعالی. گلدی حسین شامه گیدن کاروان هامی لاری خسته دیلر باغریقان گلدیم حسین وای دیم من سنه لای لای دیم ....... شامیده غوغا الیوب گلمیشم کوینگوی قاردش حسین آلمیشم قبرون اوسته گتوروب سالمیشم سسله علی اکبر ی ویرسون اذان گلدیم حسین وای دیم من سنه لای لای دیم ........ باغلامیشام باشه حسین قاروی قویمادیلار باغلاماقا یاروی اوخلادیلار ظلمیله شش ماهوی هاردادی شش ماهوی سن ویر نشان گلدیم حسین وای دیم من سنه لای لای دیم ......... گلدی رباب آختاروری اصغرین دی بالامون باغلامیشام اللرین باغلامادیم اوخلا دین حنجرین نیلییرم حلقی اگر ویرسه قان گلدیم حسین وای دیم من سنه لای لای دیم .......... عف ایله سن زینبی شاه جنان بیلمیورم من نیجه ایلوم بیان غصه وغم باغریمی ایلوبدی قان شامیده ایستکلی بالون ویردی جان گلدیم حسین وای دیم من سنه لای لای دیم شعر از یعقوب رشتبر آلیله در حال نوشتن است ادامه دارد وبدون ویرایش است

🎼سبک نوحه فوق👆👆 ✍بقلم استاد حاج یعقوب رشتبر 🎤#بانوای_حاج_علی_سیفی_افشار

🏴نوحه اربعین . . ✍ اثر مرحوم استاد حاج داود بیدق داری میانه ای .. شاعر و ذاکر اهلبیت سلام الله علیها 🎼سبک:نوایی نوایی . کربلا کربلا آدیوه جان فدا گلدی مهمان سنه دختر مرتضی . آغلور ارض وسما دلدن ایلر نوا کربلا کربلا کربلا کربلا . . اربعینه گلوب زینب دلغمین زلفی آغ قدّی خم درد و آهه قرین سسلنور ئولمه دیم قالمیشام چوخ چتین نیمه جانم حسین هجریوه مبتلا . . کهنه دنیا قانا قاتدی گوز یاشمی وئردی عالم غمین آلدی قارداشمی کوفه ظلمینده من یارمشام باشمی گلمیشم محضره قلبی قان باش یارا . . من یانان آتشه یاندی پروانه ده وئردی شیرین جانین عشق جانانه ده قالدی خیردا قیزون کنج ویرانه ده گوردی نوراللهی تاپدی راه بقا . . من لباس غمی سویمادیم یاحسین آغلاماقدان سنه دویمادیم یاحسین عفو ائله قبریوه قویمادیم یاحسین جبریله زینبون اولدی سندن جدا . . اونداکی قارَه وی باشیمه باغلادیم سینه می آتشِ عشقیوه داغلادیم یاتمادیم صبحه تک هر گجه آغلادیم سویلدیم قبریوه یاحسین من فدا . . گردشِ چرخ دون سن ئولندن صورا قهرمان زینبی چکدی هاردان هارا گلمیشم شامیدن قول یارا باش یارا سالدی دیلدن منی قمچی لر برملا . 🙏🏼 ملتمس دعا _______________ #اربعین #حضرت_زینب_سلام_الله_علیها

🍁بسم الله الرحمن الرحیم 🍁 🏴اربعین سالار شهیدان🏴 🎼میگذرد کاروان گلدی باجون شامیـدن قبریـوه مهمـان حسین دور منـه خوشگلدین ائت شاه شهیدان حسیـن دوتماقا اربعین گلمیـشم قبریوین اوسته دینجلمیشم جان حسین جان حسین جان حسین کرب و بـلا دشتـینـه گلمیشم حیـران حسین درد و دیل ائیلوب گِئـدم دور سنـه قـربان حسیـن پاک آدیـوی سسلـدیم شامیـده هـرآن حسین دور بالالارین گـلـوب گورنـه پریـشان حسیـن دوتـماقا اربعین گلمیـشم قبریـوین اوسته دینجلمیشم جان حسین جان حسین جان حسین هانسی غم و دردیـمی من سنه سویلوم اخـا قیخ گونی یـولدا باجـون اولـدی غمـه مبتـلا سولدی قیزون شامیده قلبیم اولوبدور یـارا جان بابا وای سسلدی ئـولدی او نـازلی بـالا دوتماقا اربعین گلمیـشم قبریوین اوسته دینجلمیشم جان حسین جان حسین جان حسین ✍علی اصغر عباسعلی نژاد کیوج_سرابی التماس دعا... #محرم1402 #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

اربعین سالار شهیدان ⚫️⚫️⚫️⚫️ دور قبریدن آی قارداشیم قان اولدی گینه گوز یاشیم قیرخ گونده بیلیم بوکولدی گورنه آغاروبدی باشیم قرخ گونده گورنجه قوجالدیم جای عجبدی زنده قالدیم یول بو مزاره بیرده سالدیم ایوای حسین ایوای یارالی بولمم دیوم هانسی غمدن آیریلدوق اودم کی سندن غارتده نلر گور موشم جور و ستم دشمندن بعضی قولاقدان قان آخوردی بعضی بالانهره باخوردی نارجفاقلبین یاخوردی ایوای حسین ایوای یارالی بیزکوفیه تاکی چاتدوخ گوزیاشینی قانه قاتدوخ گور نه گونه قالدوخ قارداش زنداندا گیجه نی یاتدوخ بیر بزمه گیتدی آل عصمت مجلس دیمه صحن قیامت اولدی بیزه چوخلی جسارت ایوای حسین ایوای یارالی یوللاردا اولوب هَنگامه توش اولدوخ حسین آلامه ا... بولوری نه چکدوخ یولدا یتیشینجه شامه بیر گون قیزون یوللارداقالدی زجر دنی آرامین آلدی هجری شرربو جانه سالدی ایوای حسین ایوای یارالی غم یتمیوب هیچ پایانه بیر بیله بلا بیر یانه امایارالی گلدوخ بیز شامین ستمیندن جانه بیر ظلم اولوب اوردا امامه یاده دوشوریانمیش عمامه سایماقیله یتمز تمامه ایوای حسین ایوای یارالی ویرانه ده توکدوخ قان یاش چوخ غملره دوزدوخ قارداش ال چکمدی اما بیزدن بیرعده جفاجو اوباش اولسون قسم خلاق حیّه چوخ ظلم ایدوب ال اُمیّه ویرانه ده قالدی رقیّه ایوای حسین ایوای یارالی #اربعین التماس دعای فرج الاحقر مهدی عباد

🏴زبانحال حضرت زینب کبری سلام ا... علیها در اربعین حسینی🏴 🎼سبک(ای نورِ قلبِ عاشقم، شمعِ این خانه تویی) مهمان گَتدیم حضوریوه اِعزاز ایله یارالی خسته یورقون بالالاری پیشواز ایله یارالی قرخ گوندی آیری دوشموشوق سَندن ای شاهِ ولا شُکر اولسون اولدی قسمتیم بیر یولدا کرب و بَلا دور دردیمه ایله دَوا ششگوشه لی قبره فدا قارداش حسین اویان یولدان یتیشوب بالالار ئولدوردی اوزون آنالار قارداش حسین اویان حسین حسین، حسین حسین، حسین حسین مَظلوم قارداش سَندن خجالَتم زینَبدن اولما مَلول یرده قویدوم جَنازه وی عُذرومی ایله قَبول باشسیز تَندن خدا بولور جَبریله دوشدوم اوزاق گوردوم دورسام بالالاری قَمچی لر ئولدوره جاق غَمدن اوره گیم سیخیلوب هجرونده ایویم یخیلوب قارداش حسین اویان غَملَر باشیما توکولوب قرخ گونده بِلیم بوکولوب قارداش حسین اویان حسین حسین، حسین حسین، حسین حسین مَظلوم یوللاردا چوخ چوخ اینجییوب ناز اورگَنَن بالالار عُریان ناقه کیچیک اوشاق اوغلی ئولموش آنالار کوفه ظلمی قوتارمامیش دیل اولدی درده هَدف ایکاش ئولیدی زینَبون گیتمه میش شامه طرف دنیانی اولیدی خراب زینب هارا، بَزمِ شَراب قارداش حسین اویان وار علّتی غُصّه لیَم شامه گینه گیتمه لیَم قارداش حسین اویان حسین حسین، حسین حسین، حسین حسین مَظلوم منزل ویردی بیزه یَزید کُنجِ ویرانه حسین توپراقلار اوسته قیزلارون گَلمیشدی جانه حسین گَلدون گوردون رقیّه وی ای شاهِ تَشنه لَبان قانلی باشی گورَن کیمی جان ویردی خَسته بالان مَظلومه قیزا بولوسَن اوز کوینگی اولدی کَفَن قارداش حسین اویان غملی دیلی داغلامیشام قبرین قازیب آغلامیشام قارداش حسین اویان حسین حسین، حسین حسین، حسین حسین مَظلوم #اربعین #حضرت_زینب_سلام_الله_علیها التماس دعای فرج الاحقر مهدی عبادی

عرض ادب خدمت سالار شهیدان و آرزوی زیارت ➖➖➖➖➖➖➖➖➖ 🎼سبک(عاشقان حرم ،موکب به موکب) ➖➖➖➖➖➖➖➖➖ یا حسین ای خانیم زهرا بالاسی شیعیانین یقین سنسن آقاسی اولموشام عشقیوین من مبتلاسی سن سروریم سن، حسین دلبریم سن ، حسین آدیوا عاشیقم رهبریم سن، حسین غمه آماجم ، آقام آقام ایله تاراجم ، آقام آقام سنه محتاجم ، آقام آقام ابی عبدا... حسین حسین نچّه ایلدی قاپوندا نوکرم من اوزگه بیر آستانه گیتمرم من تا نَفَس وار آدیوی سسلرم من سن ایتموسن محترم سائلم قیل کرم گویلوم ایستیر آقا آلتی گوشه حرم اولسا قسمتیم ، قدم قدم توتارام الده ، قره عَلَم دیَرم دائم، حرم حرم ابی عبدا... حسین حسین اهلبیت عشقینه کیم مبتلادی علّتی عالَمِ قالو بَلادی شیعه لر سینه سی کرب و بلادی بیز حیدری مسلَکوخ کفره باش اَگمروخ گوردی داعش نجه نوکر زینبوخ چکروخ لشگر هر اربعین آقامیز پورِ ام البنین یخاروخ کفرون یقین ایوین ابی عبدا... حسین حسین مکتبونده آقا من درس آلاندان سفره وین ریزه خواری من اولاندان آلمیشام درسیمی اکبر بالاندان من آقا دیده ترم عاشق اکبرم بودی دیلده سوزوم پیرو رهبرم تیکمیشم من گوز عنایته عاشقم دیلدن ولایته چکه جاق بو عشق شهادته ابی عبدا... حسین حسین #محرم1402 #اربعین التماس دعای فرج الاحقر مهدی عبادی

🍂زبانحال عقیله ی بنی هاشم در کنار مزار علمدار کربلا🍂 🎼سبک(العَجل صاحب زمان ، مولا) عباس ، زینبون یولدان گلوب ، قارداش واردی ، گوزلریمده گورنجه ، قانیاش قبرون ، چوخ کیچیکدی ای اوجا ،قامت یاندیم ، زینبون عبّاس ئوله ، ایکاش گَلدی زَوّارون اوزاخ ، یولدان پاره پاره جسمیوه ، قربان وای یارالی قارداشیم ، ایوای ۴ قرخ گون ، آیریلیق اَگدی ایله ، قدّیم امّا ، قویمادیم سینسین دوزوم ، سَدّیم غارت ، اولموش اَموالی یانوب ، آلدیم باخ گور ، قانه باتموش پرچمون ، گَتدیم غُصه دن گور دیده سی ، زارم سن گیدندن من عَلَم ، دارم بعضی ، غم منی چوخ یاندیریب ، یاخدی یاندیم ، گوز یاشیم‌ رُخساریمه ، آخدی عبّاس ، غیرتون قویمازدی گورسِیدون اَز بَس ، بیحیا گوزلر بیزه ، باخدی قلبیمی تیرِ جفا، دَلدی باشیما مین بیر بَلا ، گَلدی یَثرب ، شهرینی تَرک ایلین ، گوندن بیر دَم ، لطفووی سَن کَسمه دون ، مَندن زینب ، ایندی قرخ گوندی قالوب ،(بیکَس) دشمن ، زینبی آیری سالوب ، سَندن من نجه سَنسیز گیدیم ، قارداش جان ویریب بوردا قالام ، ایکاش لینک کانال👇 http://eitaa.com/torkiy #عرض_ارادت #اربعین التماس دعای فرج الاحقر مهدی عبادی

🍂عرض ادب و آرزوی زیارت حضرت سیدالشهدا علیه السلام🍂 سلام ارباب گَدای روسیاهم من بولورسن کی نجه غرق گناهم من حسین جانم(۲) باشیمدا وار هوای قبر ششگوشه اوقبری کاش چَکیدیم بیرده آغوشه حسین جانم(۲) گوزوم یاشی آخور گوزدن فراقوندا چاغیر بیرده دوروم مولا رواقوندا حسین جانم(۲) منه سیزدن آقا دائم عنایت وار الیم بوشدی ولی شوق زیارت وار حسین جانم(۲) حرم فکری بو بیمارین آلوب صبرین گویول ایستیر علمدارین کیچیک قبرین حسین جانم(۲) اگر گلسم خلاص اوللام هامی غمدن ولی چوخدی گلایم نهر علقمدن حسین جانم (۲) #محرم1402 #اربعین #عرض_ارادت #امام_حسین_علیه_السلام التماس دعای فرج الاحقر مهدی عبادی

🍂زبانحال حضرت زینب (سلام الله علیها) در اربعین حسینی🍂 🎼(سبک : تو مشکتو تو آب زدی ) گلوبدی اربعینوه باشی بلالی زینبون حسین حسین دیه دیه گلوب عزالی زینبون سنه گتدیم گور نه قدری نیسگیل یاراسی الیمده خنجر باشیمدا محمل یاراسی منی یخماز بو یارالار اما حسین جان سالوب دیلدن زینبی قارداش دیل یاراسی یارالی حسینیم سوروش بو بی نوا باجون نَدن دویولدی شامیده سینوب قولوم ننم کیمی او جمع ازدحامیده اینانمازدیم اهل بیتون قارداش ویرالار اینانمازدیم نیزه لر اوسته باش ویرالار باجون داشلاندی سنه قارداش آغلیاندا مگر یاسلی آغلیان وقته داش ویرالار یارالی حسینیم اگرچه قارداشین حسین سو بارسینده خار اولوب وفالی قارداشیم کیمی باجوندا شرمسار اولوب اولوب شرمنده یانان قلبین بولدی زینب نَه لر چکمیشدی ابوالفضلیم بولدی زینب رقیه م ئولدی ئوزوم تاپشیردیم مزاره گلینجه مین یول خجالتدن ئولدی زینب یارالی حسینیم منه چاتاندا قانلی باش او قانی سیلمیشم حسین آلینجا قانلی کوینگون ئولوب دیریلمیشم حسین آدین دیلده قلب دنیانی داغلادیم من عذاره گوز یاشیمی قارداش باغلادیم من بو قانلی پیراهنون دشمندن آلاندا ننم دوشدی یادیمه یاندیم آغلادیم من یارالی حسینیم الیکی باشیوه سنون اولار اهانت ایلدی سوروش ربابیدن دئسین ، باجون قیامت ایلدی علی تک خطبه دئدیم شاماتی غم آلدی ائشیددی هر کیم سنون دردین ماتم آلدی یزیدی من خوار ائدنده سسلندی قیزلار اولا احسن کی اَله عمه م پرچم آلدی یارالی حسینیم ** ✍رامین محمد زاده ( پریشان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج

اربعین زبانحال حضرت رباب(س) - دور ای آقامون سینه سی اوسته یاتان عطشان آغوشیمه گل سود امراوغلوم سنه قربان "گلدیم سنه لای لای دییم ناله ایدم ایوای دییم بولمم سنه لای لای دیوم یاسس چکوم ایوای دیوم" بوناله سی افلاکه چخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گولونی جان اوسته دی بوحالی پریشان ایستر بالالار اولسون آنا سینه سی بستر آغوشینه گلجاق آنادان فوری سود ایستر گل سینمه اصغر منه اوز عشقوی گوستر سود ایسته سودوم اولماسا گربذل ایدرم جان یاخشی آنالار ایچره منه ویرمسن عزت لیلا ایله اولدوخ بالا هم صحبت ومحنت یانام ولی سندن چکردم حشرجه خجلت سینمده سودوم اولمادی امدون سولی پیکان خوش حالوه دفن اولدون اوغول عرش خداده یاتدون یارالی سینه ء شاه شهداده هیهات اولا مثلی بویرین ارض وسماده خلق ایلیوب اشرف بویری خالق منان آهوبالاسین اوچی  ایرآنا سندان آردینجا ملر آهوال اوزمز بلاسندان صیاد ویران حلقوه بیکان یاراسندان آهوکیمی یانام ملرم ایلرم افغان هریرده سوگورم سوسوز احوالوه یانام یانام خم آلامیده مین رنگه بویانام ناچار اگر ایچسم بالا روحونن اوتانام چخماز نظریمنن کی یانوردون سوسوزوندان ویردی باشوی نیزیه تا فرقهء گمراه گوردوقجا باشون چکدیم اوغول نالهء جانکاه حقدن بالا ایستردیم ایده عمرومی کوتاه چارم یوخ اجل لطفونی کسمشدی آنانان بیرتک نه سنون فرقتون آرامومی آلدی سرنیزده باشون منی چولدن چوله سالدی بیر نازلی بالامدا بلا ویرانه ده قالدی حسرتله رقیم قوری یر اوسته ویروب جان یوردی باجوی دردوغم ورنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان  دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (پرندا) دی دوباره آغامون سینه سی اوسته یاتان عطشان ✍حاج محمد پرندا #اربعین #حضرت_رباب_سلام_الله_علیها #حضرت_علی_اصغر_علیه_السلام ✨اَللّهُمَّ عَجِّل لِوَلیِّکَ الفَرَج✨