🍂زبانحال حضرت زینب (سلام الله علیها) در اربعین حسینی🍂 🎼(سبک : تو مشکتو تو آب زدی ) گلوبدی اربعینوه باشی بلالی زینبون حسین حسین دیه دیه گلوب عزالی زینبون سنه گتدیم گور نه قدری نیسگیل یاراسی الیمده خنجر باشیمدا محمل یاراسی منی یخماز بو یارالار اما حسین جان سالوب دیلدن زینبی قارداش دیل یاراسی یارالی حسینیم سوروش بو بی نوا باجون نَدن دویولدی شامیده سینوب قولوم ننم کیمی او جمع ازدحامیده اینانمازدیم اهل بیتون قارداش ویرالار اینانمازدیم نیزه لر اوسته باش ویرالار باجون داشلاندی سنه قارداش آغلیاندا مگر یاسلی آغلیان وقته داش ویرالار یارالی حسینیم اگرچه قارداشین حسین سو بارسینده خار اولوب وفالی قارداشیم کیمی باجوندا شرمسار اولوب اولوب شرمنده یانان قلبین بولدی زینب نَه لر چکمیشدی ابوالفضلیم بولدی زینب رقیه م ئولدی ئوزوم تاپشیردیم مزاره گلینجه مین یول خجالتدن ئولدی زینب یارالی حسینیم منه چاتاندا قانلی باش او قانی سیلمیشم حسین آلینجا قانلی کوینگون ئولوب دیریلمیشم حسین آدین دیلده قلب دنیانی داغلادیم من عذاره گوز یاشیمی قارداش باغلادیم من بو قانلی پیراهنون دشمندن آلاندا ننم دوشدی یادیمه یاندیم آغلادیم من یارالی حسینیم الیکی باشیوه سنون اولار اهانت ایلدی سوروش ربابیدن دئسین ، باجون قیامت ایلدی علی تک خطبه دئدیم شاماتی غم آلدی ائشیددی هر کیم سنون دردین ماتم آلدی یزیدی من خوار ائدنده سسلندی قیزلار اولا احسن کی اَله عمه م پرچم آلدی یارالی حسینیم ** ✍رامین محمد زاده ( پریشان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج

اربعین زبانحال حضرت رباب(س) - دور ای آقامون سینه سی اوسته یاتان عطشان آغوشیمه گل سود امراوغلوم سنه قربان "گلدیم سنه لای لای دییم ناله ایدم ایوای دییم بولمم سنه لای لای دیوم یاسس چکوم ایوای دیوم" بوناله سی افلاکه چخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گولونی جان اوسته دی بوحالی پریشان ایستر بالالار اولسون آنا سینه سی بستر آغوشینه گلجاق آنادان فوری سود ایستر گل سینمه اصغر منه اوز عشقوی گوستر سود ایسته سودوم اولماسا گربذل ایدرم جان یاخشی آنالار ایچره منه ویرمسن عزت لیلا ایله اولدوخ بالا هم صحبت ومحنت یانام ولی سندن چکردم حشرجه خجلت سینمده سودوم اولمادی امدون سولی پیکان خوش حالوه دفن اولدون اوغول عرش خداده یاتدون یارالی سینه ء شاه شهداده هیهات اولا مثلی بویرین ارض وسماده خلق ایلیوب اشرف بویری خالق منان آهوبالاسین اوچی  ایرآنا سندان آردینجا ملر آهوال اوزمز بلاسندان صیاد ویران حلقوه بیکان یاراسندان آهوکیمی یانام ملرم ایلرم افغان هریرده سوگورم سوسوز احوالوه یانام یانام خم آلامیده مین رنگه بویانام ناچار اگر ایچسم بالا روحونن اوتانام چخماز نظریمنن کی یانوردون سوسوزوندان ویردی باشوی نیزیه تا فرقهء گمراه گوردوقجا باشون چکدیم اوغول نالهء جانکاه حقدن بالا ایستردیم ایده عمرومی کوتاه چارم یوخ اجل لطفونی کسمشدی آنانان بیرتک نه سنون فرقتون آرامومی آلدی سرنیزده باشون منی چولدن چوله سالدی بیر نازلی بالامدا بلا ویرانه ده قالدی حسرتله رقیم قوری یر اوسته ویروب جان یوردی باجوی دردوغم ورنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان  دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (پرندا) دی دوباره آغامون سینه سی اوسته یاتان عطشان ✍حاج محمد پرندا #اربعین #حضرت_رباب_سلام_الله_علیها #حضرت_علی_اصغر_علیه_السلام ✨اَللّهُمَّ عَجِّل لِوَلیِّکَ الفَرَج✨

🌲"زمزمــــــــــه"فارسی وترکی 🔻حضـــــــــرت رقیــــــــــــــــــــــــــــــــه(س)🔻 ✍شعراز: محمدرضامحمدی(ناعم) 🏴🏴🏴🏴🏴🏴🏴 ای بابای مهربون قلبموغم کرده خـــــــــــون باعشقت میگیرم زبون٭آی بابا حالاکه تو اومدی سربه رقیــــــــــــــــــــــــــــــه زدی یه امشبوپیشم بمون٭آی بابا ▪️▪️▪️▪️▪️▪️▪️ باباشامیا بَدَن یکی یکی اومدن عمه روخیلی زدن آی بابا هرجاکه گفتم بابا یاکمی کردم نوا باتازیانه زدن٭آی بابا ▪️▪️▪️▪️▪️▪️▪️ دخترت زندونیه چشماشم بارونیه لبات چراخونیه ٭آی بابا یارویاورت کجاست سرت امشب پیش ماست بگوپیکرت کجاست٭آی بابا ▪️▪️▪️▪️▪️▪️▪️▪️▪️ 🔻تــــــــــــرکـــــــــــــــــــــی👇 گئجه گوندوزآغلارام سنسیزسینه داغلارام گوزیاش یوزه باغلارام٭آی بابا هاردان دیوم من سنه آخورگوزیاش دامنه چوخ سیلی ویروبلارمنه٭آی بابا ▪️▪️▪️▪️▪️▪️▪️ یوخدی دُوزوم آی بابا چوخدورسوزوم آی بابا گورمور غملی گوزوم آی بابا٭آی بابا قامتیمی غم اَگوب یوزومه سیلی دگوب قولاریماقمچی دگوب ٭آی بابا ▪️▪️▪️▪️▪️▪️ ایاقلاریم یارادی دوداقلاریم یارادی حتی قواقلاریم یارادی٭آی بابا یاندیروبلارسینَمی چوخ ویروبلارعمه می چکدی دشمن گوشواره می٭آی بابا 😭😭😭😭😭😭😭 🏴🏴🏴🏴🏴🏴🏴🏴🏴 #محرم1402 #حضرت_رقیه_سلام_الله_علیها

بنام خدا نوحه سینه زنی و زنجیر زنی بمناسبت اربعین حسینی "" "" "" "" "" " اربعینوا حسین جان باغری قان یارالی گلدیم قانلی کوینگون الیمده دور اویان یارالی گلدیم باخمیشام بو قانلی باشه چاتمیشام بو غم سرایه دعوت ایلرم آنامی یاحسین گله عزایه قالموشام غریب و تنها دوشموشم حسین بلایه دورگیلان ایاقه قارداش باخگیلان یارالی گلدیم "" "" "" "" "" "" " ای اخا باجون قوجالدی گول کیمی سارالدی سولدی دوشدی یادیمه سوسوزلار گوزلریم قانیله دولدی اول آنام کیمی نگارون شامیده کفن پوش اولدی اونا آغلارام اولونجه هر زمان یارالی گلدیم " "" "" "" "" "" " ای باشی بلالی قارداش باشوون اسیری اولدوم دردوغم انیسیم اولدی غملرین امیری اولدوم عاشقم سنه ازلدن کربلا سفیری اولدوم اربعینوه حسین جان قد کمان یارالی گلدیم " "" "" "" "" "" "" یارمیشام باشیم یولوندا بیرقون اوجاتموشام من دور اویان دیوم نه نوعی بو دیاره چاتموشام من بو اسارتین غمینده غم لری قوجاتموشام من ائتدی چوخ منه اهانت ساربان یارالی گلدیم "" "" "" "" "" " شهر کوفه ده برادر آیری بیر قیامت ائتدیم ایلدیم یزیدی رسوا صحبت از اصالت ائتدیم خطبه میله عترتیمدن اوردا من حمایت ائتدیم جاری اولدی گوزلریمدن قان هرآن یارالی گلدیم " "" "" "" "" " زینبم اگر چه غرق محنت و ملالتم من بیربیله مصیبتیله اولمدیم سلامتم من اوچ یاشیندا سوگولوندن یا حسین خجالتم من تاپمادیم اونا حسین جان آب و نان یارالی گلدیم " "" "" "" "" " دوشمه دی بابا دیلیندن اشکینی توکوب عذاره جان وئریب خرابه یئرده غصه لی او ماه پاره قازمیشام اوزیم مزارین قویموشام اوزوم مزاره اونی سالدی جاندان آخر خیزران یارالی گلدیم " "" "" "" "" " شامیان بیزه شماتت ایلیوب اخا گولوب لر اهل شام و کوفه قارداش خارجی بیزه دیوب لر اَل چالوبلا بامی لردن باشیمیزه کول توکوب لر داش دگیب باشیم یاریلدی نیمه جان یارالی گلدیم «اشعار آئینی» ✍شائر آئینی: مسلم فرتوت(فاخر) #اربعین

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها اَللّهُمَّ عَجِّل لِوَلیِّکَ الفَرَج

🍂  حالات اربعین  🍂 غم کاروانی چاتدی گِنه غم   دیارینه زینب یتیشدی شاه شهیدان مَزارینه اَندی کجاوَه دَن یره چون بِنت مرتضی وئردی سلامی عرض ائلدی یَابنَ  مصطفی چاتدیم وصالووَه گنه ای شاه کربلا امّا بو نوعی هِچ دئمَزیدیم گوروش اولا زینب قالا حسینی اونون گُل کیمی سولا   واردور یری بو دَهریلَه بیرده باریشمیوم سان وئرسه نسگیلون نِجه قارداش آلیشمیوم قوریان دوداقلارین سوزونی قوی  دانیشمیوم گوز یاشیمی یارالارا دارو گتورمیشم ای تشنه جان وئرَن سن ائچون سو گتورمیشم سن تشنه لب جهانیدن اَل اوزموسن اَخا یورقون باجون گلوبدی فَراته باخا باخا زهرا نَنم هایاندادی ائتسون منی دعا خوشدور گُل حَیاتیمی ایندی اَجل دَره یللَر اَسنده آق ساچیمی  قبرووَه  سَره نیلوم زمانه ایستَدی ورسون بِله رَقم قوینومدا اَللریم گنه بو چوللَره گَلم بوچرخ کَج رَوش گوروم آخر اولا عَدم دست قضا بولَنده منه پای بولوب بِله سنده دعا ائله آنام اوغلی باجون ئولَه آخر وداعووَه گجه لَر سینه داغلارام گوزدَن سرشک هجرووِی رُخساره باغلارام سن کهنه کوینگی گینَندن من آغلارام مندن او گون دولاندی گوزون ساق صولا حسین ئولدوم دیریلدیم اوندا که دوشدون یولا حسین گئتدون سنی گورَنمَدیم ای شاه مشرقین تا اینکه قسمت اولدی گَلم مَقتله حسین گوردوم سالوبدی شمر دَنی دَهره شور وشین سینونده اوخلار اوستونه ظالم قویوب قَدم مَعناده معجرین  اَله  آلدی   جوان  نَنم طوفان قوپوبدی قاره یل اَسدی او مقتله توز قوزانوب هوایه سالوب یرده وَلوله زهرا ائوی یخیلدی دوشوبدور باشون اَله معراج ائدنده نیزه دَه اَفلاکی داغلادون من باخدیم آغلادیم منه باخدون سن آغلادون نَعشون قالوبدی یرده باشون دوشدی اَللَره آواره قالدی اوندا باجون دوشدی چوللَره تاپشوردوم اوردا گُل بَدنی   قارَه یللَره باشون جِداده یایدی او لَحن حجازووِی طوفان یاتوبدی توز بورودی گُل جنازووِی سوز چوخدی قوی دیوم سنه بو شام مِحنتین ویرانسراده  شام و     سحرلَر   مُصیبتین اوردا ایتیردیگیم گُلومون  غملی  صُحبتین باشون اِلیکه بیر گجه مهمان اولوب بیزه ئولدی رقیه شام غریبان اولوب بیزه اِسپهر عشقین اولدوزی آخر آخوب ئولوب غَمدن نشانه قلبینون اوسته تاخوب ئولوب زهرا باخیش بالام منه بیرده باخوب  ئولوب ویرانه ده قالوب  دُر اَرزنده گلمیشم بوشدور اَلیم مزارووَه شرمنده گلمیشم (نادر) یازاندا نسگیلووی یازدی نیمه شب دوتدی اونون وجودینی خلوَتده تاب وتب گویا بو شعری یازماقا اَمر ائتدی زینِ اَب زوّار اولانمادی گِنه قبرونده باش آچا نوحه دیلینده علقمه ساری قاچا قاچا 🥀🥀🥀🥀🥀🥀🥀🥀

‍ ""اربعین"" "زینبون   گلوب  عزالی جان یارالی جان یارالی یاتمادورحسین حالیمی سوروش سن یارالی من یارالی(۲)" 🌱🌱.🌱🌱🌱🌱🌱🌱🌱 قول باغلی گزوب شام و کوفه نی توشدی ابتلایه زینب آلدی قانلو کوینگون حسین گلدی کربلایه زینب( ۲) زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یا رالی(۲)" 🌾🌾🌾🌾🌾🌾🌾🌾🌾🌾 قبرون اوستونه زینبون حسین قامتی دو تا گلوبدی اولمیین باجون قبرون اوستونه توتماقا عزا گلوبدی اولمییب دوباره یولون سالوب غملی کربلایه زینب آلدی قانلو کونگون حسین گلدی کربلایه زینب( ۲) زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲) 🌱🌱🌱🌱🌱🌱🌱🌱🌱🌱 پاره پاره بو قانلو کوینگون یالواروب عدودن آلدم ترمه ایلیوب کوینگون بو شش گوشه قبرون اوسته سالدم عف ایله الی بوش گلوی حسین بیرده کربلایه زینب آلدی قانلو کوینگون حسین گلدی کربلایه زینب(۲) زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲)" 🌾🌾🌾🌾🌾🌾🌾🌾🌾🌾🌾🌾 چاتمشام حسین قبرون اوستونه با حال نزارو خسته آخرین زیارتیمدی بو گلمیشم مزارون اوسته یوخ گمان گذاری توشه گله بیرده کربلایه زینب آلدی قانلو کوینگون حسین گلدی کربلایه زینب(۲) "زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲)" 🌾🌾🌾🌾🌾🌾🌾🌾🌾🌾🌾 چوخ بلا گلوب باشیمه منیم شام و کوفیان الیندن چوخ یانقلدی شام ماتمی کربلا ماتمیندن تاب ایدوب بلا و مصیبته ایتمه دی گلایه زینب آلدی قانلو کوینگون حسین گلدی کربلایه زینب (۲) "زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲)" 🌾🌾🌾🌾🌾🌾🌾🌾🌾🌾🌾 بیر به بیر امانتلرون اخی گلدی دشت نینوایه هر بیری توشوب بیر مزارون اوس ته باتوبدولار عزایه شاهد اول نجه چاتدروب حسین عهدینی وفایه زینب آلدی قانلو کوینگون حسین گلدی کربلایه زینب(۲) "زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲)" 🌱🌱🌱🌱🌱🌱🌱🌱🌱🌱🌱🌱 جان وئروب رقییون خرابه ده دوشدی جمعیدن آرالی قبره گیتدی زهرا ننم کیمین قول یارالی جان یارالی قازدی اوز الینن مزارینی چوخ گلوب نوایه زینب آلدی قانلو کوینگون حسین گلدی کربلایه زینب(۲) "زینبون گلوب عزالی جان یارالی جان یارالی یاتما دور حسین حالیمی سوروش سن یارالی من یارالی(۲)" ✍ناله های نینوایی حسین راستگو بخشایش

گلم مزارون اوسته ئوزوم هرجمعه آخشامی گوز یولدا قویمارام سنی آی مهربان آتا آی زحمتیمی چکن آتا کیپریکلریملن سیلسم اگر قبریوین توزون اولماز بوگردنیمده کی حقین ادا آتا وفالی آتا ،زحمتکش آتا آی یاسا گلنلر،نه گوزل اولار دده جان ورنده جوان بالا باشین آلا دیزی اوسته، الله هیچ کیمی غریب ئاولدورمه، امام موسی بن جعفر آقا زندان گوشه سینده یوزون دوندردی بالالارینا اوغول رضا ئولورم، گوردی هراینه گلن اولمادی، دیدی افسوس بوغربتده غریبم وطنیم یوخ صد حیف عیادت گدقندی گلنیم یوخ چاره ام ندی الله اگر ئولسم کفنیم یوخ بئله غریب ئولورم آیییییی آتاجان ،آی ایویمین یاراشیقی دده، کوینگون آغ ساخلارام یوارام آغ ساخلارام بیرده قوناخ گله سن گوزوم اوسته ساخلارام آی دده آتانین تکجه آدی کل بودنیایه دییر آتانین بیر باخشی ملک سلیمانه دییر عزیزان من آتا بیر گلدی گلستاندا اونا تای اولماز آتانین عطری بوتون باغ وگلستانه دییر اَللّهُمَّ اغفِر لِلمُومِنینَ وَ المُومِنَاتِ وَ المُسلِمینَ وَ المُسلِمَاتِ اَلاَحیَاءِ مِنهُم وَ الاَموَاتِ ، روح پر فتوح مرحوم.......شاد الفاتحه مع الصلوات

اربعین . اویان ای فاطمه نون جانی اویان زینبین یاره لی سلطانی اویان قبروه غملی باجون سو گتیروب کربلانون شه عطشانی اویان . . آنامون الده ئولن اوغلی حسین گلمیشم بوردا سالام شیون و شین گرچه عباسون اوزاق یرده یاتوب حرم عشقیدی بین الحرمین . . لاله لر یاره لی گلشن یارالی کسیلن ای باشی تندن یارالی خنجر شمر کسیب اللریمی یا حسین سن یارالی من یارالی . . قانه دوندردی عدو گوز یاشیمی ئولدوروب سن کیمی بیر قارداشیمی کوفه ده قانلی باشون داشلادیلار دوزمدیم بو غمه یاردیم باشیمی . . #کربلا قبلۀ رازیمدی منیم مایۀ سوز و گدازیمدی منیم توکولوب توپراقینا خون خدا تربتی مهر نمازیمدی منیم . . خامس آل عبا بوردا یاتوب شرف اهل سما بوردا یاتوب قارداشیم امّ بنینون گوزلی ساقی کرب و بلا بوردا یاتوب . . محنت کرب وبلادن نه دیوم کینۀ اهل جفادن نه دیوم توکولن وقتده قوشون خیمه لره غارت خیمه سرادن نه دیوم . . کوفه و شامیده دل داغلامیشام سنه ویرانه ده یاس ساخلامیشام نوحه وی نازلی رقیه اوخیوب منده هی باشه ووروب آغلامیشام . . کوچ ایدن وقتده سینه داغلامادیم بیر دویونجا سنه من آغلامادیم جسموی قوملارین اوستونده گوروب سینوین یاره لرین باغلامادیم . . ظلم الیندن ئورگیم قاندی اخا قیزلارین دامنی اوتلاندی ا خا نوعروسین باشنا کول النوب قاسمون طوی اتاقی یاندی اخا .

در آهنگ (ای آسمان غمین.... ) _______________ بهانه    آختارانا    بهانه دی     حرمون سالوبدی سایه بوتون اورکلره  کرمون بو   اربعینی  اگر  چاغیرماسان  ئولرم آلوب قراریمی چون شها یاشیل علمون عشقون جسمیمه جاندی قبرون    باغ     جناندی ذکریم    اه   و  فغاندی دییم   لایلای    _   آقام    لایلای قالوبدی  گلمگیمیز  سنون  کرامتیوه فدا  آتام  هم  آنام او  قانلی تربتیوه سنی رقیه جانی بو جمعی دعوت اله اورکده   آه  و   فغان  گلک  زیارتیوه نه  صبر  و  نه   دوزوم وار مرقدونده         گوزوم وار چوخ نیسگیلی سوزوم وار دییم   لایلای    _   آقام    لایلای کرگ   یانان   سینمی   بلا  اوخیلا  دلم بو   اربعینده    کربلایه    ساری      گلم دیلیمده نوحه غم؛ گوزومده اشک روان باشیمدا  شال  عزا _ الیمده  قاره   علم دائم   آغلیارام  من سینه داغلیارام من قاره  باغلیارام  من دییم   لایلای    _   آقام    لایلای

سبک ... یخیلدی سقا یره ... اماندی   گل مقتله   قامتی   کمان    ننه سینون گولون ائتدیلر اوخلارا نشان ننه اوخ گوب . داش دگوب . باش بدنده یوخ ننه قارداشیم . جان ویرور. سینه سینده اوخ ننه دیار ماتمده من دوشموشم بلایه   گل دیلیمده یا فاطمه سسلورم هرایه  گل یامان گونه قالمیشام زینبه دعایه  گل مدینه دن دوش یولا دشت کربلایه گل مقتله . سال یولون . گور نه حاله قالمیشام آند اولا . محسنون . جانینه   قوجالمیشام باشیمدا ال آغلورام الده ذبح اولان  باشا او باش که گل پیکرین ائتدیلر نشان داشا حسین شهید اولدی گر چاتدی یار و یولداشا فلک ولی زینبی حسرت   ائتدی   قارداشا زینبم . دردیمه . داشلار   آغلار   آی  ننه حالیمه . بو کسوک . باشلار آغلار آی ننه بو کوفه نین   ملتی   ظلمون   ایلدی علن یارالی پیکر قالوب قوملار اوسته بی کفن غم ایلمز  زینبون   اولسا    دردینی   بیلن یوبانما قارداشسیزام یوخ    هراییمه  گلن قارداشین . اولمادی . گر سنین الون دوتا بیر نفر . کاش گلوب . زینبون الین   دوتا

جان ویرورم گَل باجی معصومه گَل زهر ویروبدور من مظلومه گَل اود دوتوب اودلاندی دل مضطریم زهر اثریندن یانوری لبلریم یرده یوزوم یولدا قالوب گوزلریم جان ویرورم گَل باجی معصومه گَل گلشن عمریم گُلی خندان اولوب حالیم آنام باجی پریشان اولوب غربت اَلیندن جگریم قان اولوب جان ویرورم گَل باجی معصومه گَل گورماقیم اطفالیمی اولدی محال محشره قالدی باجی بیرده وصال عترتیمون باشلارینه قاره سال جان ویرورم گَل باجی معصومه گَل من کیمی یوخدور کسیلن چاره سی زهریله خونین دل صد پاره سی غربت اسیری وطن آواره سی جان ویرورم گَل باجی معصومه گَل وار نه منیم حالیمه بیر آغلیان باشیمون اوستونده جگر داغلیان اُلسم اگر یوخ گوزیمی باغلیان جان ویرورم گَل باجی معصومه گَل زهر ویروبدور منه دشمن باجی رحلت ایدم آز قالوری من باجی گَل گوزیمی باغلاماقا سن باجی جان ویرورم گَل باجی معصومه گَل ظلمیله مامون پلید و شقی ایلدی خاموش بو نور حقی قالدی یتیم ای باجی اوغلوم تقی جان ویرورم گَل باجی معصومه گَل رحم ایدن ای کاش اولا گوز یاشیمه ایلیه اخطار بنی هاشمه قومو قبیله یغیشا باشیمه جان ویرورم گَل باجی معصومه گَل گوردی من بی کسی دشمن غریب ایلدی اوز بُلدوقون ایمن غریب دشمنیمون قدرتی چوخ، من غریب جان ویرورم گَل باجی معصومه گَل گوشه ی غربتده اَُلن گونده من کاش اولِیدون باشیم اوستونده سن جسمیمه زلفوندن ایدِیدون کفن جان ویرورم گَل باجی معصومه گَل مردمک گوزده مجسّم اجل یرده یوزوم، یولدا گوزوم، دلده اَل سسلنوری جدّیم اوغول دورما گَل جان ویرورم گَل باجی معصومه گَل گوردی قضا ظلمه منی چون رضا جبراً عیالیمدن آیردی قضا دل دوداقیم یاندی مَضی ما مَضی جان ویرورم گَل باجی معصومه گَل ایلدی بیر پایه ده مامون جفا واوَلَدا سویلدی خیرُ النّسا ایتدی خراسانی منه کربلا جان ویرورم گَل باجی معصومه گَل سِلم و رضا مُلکینه من والیَم جدّیمه غربتده بو گون تالیَم بو غمیله اُلّم، اوزوم حالیَم جان ویرورم گَل باجی معصومه گَل باغلی دگل شهر سناباده یول فرض حسین ایت، منه سن زینب اول بوینوما سال باجی دین وقته قول جان ویرورم گَل باجی معصومه گَل دشت بلاده او شه انس و جان ویردی لب عطشان قوری یرلرده جان آغلارام احوالینه جان اوسته قان جان ویرورم گَل باجی معصومه گَل قانیله غلطانیدی مظلوم امام دوره سین آلموشدی گروه ظلام آز یولیدی قتلگهیله خیام جان ویرورم گَل باجی معصومه گَل گرچه دگلدی او قَدَر فاصله مانعیدی لیک سَنان، حرمله گَلسون عیالی باشی اوسته دله جان ویرورم گَل باجی معصومه گَل باخمادی میدانی دوتوب قیل و قال گَلدی گنه باجیسی پژمرده حال گوردی ویرور جان شه گردون جلال جان ویرورم گَل باجی معصومه گَل بسدی حسینی سوزون ایله تمام مختصر ایت، اولدی مطوّل کلام مطلعی یاز مقطعه، قیل اختتام جان ویرورم گَل باجی معصومه گَل

امام_رضا_ع یارب غریب خاک خراسان اولان منم غربتده لاله تک اورگی قان اولان منم اِئل لردن آیری دوشموشم ایل لردی ای خدا جبراً دچار محنت هجران اولان منم حسرت قالوب منه بالالار من بالالارا درد فراقی دلده فراوان اولان منم یوخ محرمیم یانیمدا دیم دردیمی اونا محتاج استراحت و درمان اولان منم اُلماقدان آیریلوق غمی مشکلدی دهریده امّا امید وصلتی حرمان اولان منم معصومه نی چوخ ایستوری گوگلوم داریخموشام وصلیندن اوتری دیده سی گریان اولان منم ای کاش اولوب سالیدی منیم بوینوما قولون احسان اولاردی، لایق احسان اولان منم قارداش اُلنده خوشدی آچا باشینی باجی بو آرزوده ای حق منّان اولان منم آغلاشماقا یوزومده یوزی اولمادی ولی بو بارده دن قرار ایوی ویران اولان منم جان اوستیم، یوزوم قوری توپراقلار اوسته دی آهی به سانِ مشعل سوزان اولان منم عیناً سودان کناره دوشن بیر بالیق کیمی هولیله گه صاقا صولا غلطان اولان منم اوغلی اولوب اوغولسوز اولانلار مثالیم چشم انتظار و حالی پریشان اولان منم یعقوب ثانیم، بو خراساندا مصر غم مشتاق وصل یوسف کنعان اولان منم ا... بویوم برابری اوغلوم اولا اولا گوزده صباحی شامیله یکسان اولان منم تاخیرینون ندور سببی بولموری مگر هجر عالیمنده واله و حیران اولان منم گویا یغوب بالالاریمی باشینه دیور بوندانصورا بو جمعه نگهبان اولان منم بو آرزودییم که آنام فاطمه گله چوخ اوغلیم، یاخون اونا الآن اولان منم دوشسه بالا بلایه آنا آرزو ایدر بو آرزوده هردم و هر آن اولان منم هاردا غریب اُله او گیدر باشی اوستونه غربت غریبی ایمدی کماکان اولان منم عهد ایلورم گلنده قویام یوز ایاقینه لایق او خاک پاکینه قربان اولان منم خوشدور باشیم دیزینده اولا جان ویرن زمان جانیم عزیزیدور اونا جانان اولان منم حتماً یارالیدور یوبانوب تیز گلنمیوب یوخسا بولور که چاک گریبان اولان منم مشکل گشا بابام کیمی مشکلده قالموشام گورّم خدا که مشکلی آسان اولان منم چوخلار منه دیردی سوزون من کیمه دیوم مینلرجه دردی سینه ده پنهان اولان منم

ایوب روزبه بخشایش: اشعار کربلایی ایوب روزبه بخشایش: خروج ازشام آهنگ لایلای ای جبهه لرین ********************** شامی ترک ایله میشم من گلورم کرب وبلایه غصه لی موکبیلن من گلورم دشت بلایه آغلیاآغلیابیرباش گلورم قانلی منایه من خلاص اولدوم اسارتدن حسین دشمن الیندن آلموشام قانلی لباسون سنون اهریمن الیندن گلورم قانلی منایه-اربعینه کربلایه(2) *********************** شام شوم ایچره حسین قیزلاریلاولوله سالدیم معاویه اوغلونی تختیندن حسین من یره سالدیم ویرمیوردیله لباسون من اوزوم آغلادیم آلدیم شامیده هرنه مصیبتده اوزوم من آلیشیردیم هرمکاندادانیشاندامثل حیدردانیشیردیم گلورم قانلی منایه-اربعینه کربلایه(2) *********************** شکراولابوامتحاندایاخشی ایتدیم نقشیم ایفا من سنون قانلی قیامون اوزقانیملاایتدیم امضا سسلدیم من هرمکاندامارایت الا جمیلا من سنون عشقونده قارداش جام وصلتدن ایچیردیم هربلاگلدی بویولداباش وجانیمدن گئچیردیم گلورم قانلی منایه -اربعینه کربلایه(2) ***********************

۞﷽۞ ۞﷽۞ زبانحال حضرت زینب(س) در اربعین 🟢شعرشماره ۳۴ زینب یتوبدی قـبـرحسینه ائـدیـب فـغـان درد دلین بـو نـوعی ائدیب قارداشا بـیـان قـرخ گوندی باجین آتش هجرانـه یانیبدی آردینجادوشوب کـوفه وشامی دولانیبدی قرخ گوندی فراقونده گوزوم یاشی رواندی کاشانـه ی صبریـم بـو محنده تالانیبدی قرخ گوندی گونوزگوزده دونوب لیله تاره آهـیـم غـم ایّـا مـیلـه عـرشـه دایـانـیبـدی قرخ گوندی اورک قانی آخیرگوزدن عذاره غـم بیر بیری اوسته اورگیمـده قالانیبدی قرخ گوندی باجین یاتمیوب ای خسروخوبان هـرقیزچـاغیریب عمـه بـفـوری اویانیبدی قرخ گوندی کـه پائیزه دونوب گلشن زهرا یتمیش ایکـی گـل بـادخـزاندان تالانیبدی قرخ گوندی گزورچوللری مجنون کیمی لیلا ایندی بـو گـوزل قـبـریـلـره دالـدالانیبدی قرخ گوندی رباب اصغرینه هی یانیرآغلیر سسلیربالاوای گورنجه جاندان اوسانیبدی قرخ گوندی ابولفضلینی هی اخشوری کلثوم قـانـلـی اَلَـمـی الـده بــو آلامـه یـانـیـبـدی وارقصدی باجون قبریون اوسته وورا پرچم اَسدوقجا توتا بوردا دویونجا سـنـه ماتم یورقون باجیوام دورئوزون اعزازایله قارداش عباسـویـلـه زینبـی پیشـواز ایلـه قـارداش غمندن یورولان قمچی یِیَن قیزلاری گتدیم بو جمعی محبتله سر افراز ایله قارداش عشقونده بوروندوخ هامی میز گرد ملاله ئوزعشقیوی سنده بیزه ابراز ایله قارداش وار نـازیـوه عـشـق عالمی ای شـاه نیازیم آخـر بـو نـیـازی اولانـا نـاز ایـلـه قـارداش یـولّاردا چکیب اهـل حـرم رنـج و مشقت آغوشیوی بـو خسته لره بـاز ایله قارداش ویرانه ده ایستکلی قیزین گـلمـدی قالدی مـن آغـلامـاغـا مـرثیه آغـاز ایلـه قـارداش ❇️التماس دعا 📝علی جعفری(عاجز تبریزی) # اربـعـیـن ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

زبانحال حضرت معصومه (سلام الله) در فراق حضرت امام رضا (علیه السلام) قارداش دئمه غمینده معصومه جانه گلمز دل یوخ دیَم نلر واردردیم بیانه گلمز واللهی سن گئدندن یوخدور یوخی گوزومده بیله محبت اولماز بُلمم ندور اؤزومده سنسیز ئولوم نشانی ظاهردی بو یوزومده پژمرده گول منیم تک  بیر گلسِتانه گلمز نه وار آنام یانیمدا قارداش مواظب اولسون احوالیمی سوروشسون هر دم مراقب اولسون بیر کیمسنه تاپولماز منله مُصاحب اولسون من تک وطن غریبی بُلَّم جهانه گلمز قلبیمده فرقتیندن بیر سوزش نهان وار کشف ائتماقا بو دردی نه شرح و نه بیان وار بو یانماقیمدا گویا باجیوا امتحان وار قارداش باجی یانیندا عشق امتحانه گلمز دل ویرموشم سنون تک بیر بی بدل نگاره فکریم هامی وفادور من قویدوقوم قراره خوشدور او عهد چکسه هر شهر هر دیاره یانسا اگر غمونده قلبیم فغانه گلمز نامون منه یتیشجک گلدی اله مرامیم چیخدیم وطندن آخر آرتدی منیم ملالیم باد صبائیله گر یتسه سنه سلامیم بُل غربت ایچره قارداش اشکیم روانه گلمز قویدون منی وطنده گئتدون عراقه قارداش هر کاروان گلنده  گئتدیم سراقه قارداش باد صبا گتوردی عطرین دماغه قارداش غربتده آغلارام من دردیم شماره گلمز ال ساخلا سن «ثریا» یازما بو قدر محنت قارداش غمینده چکدی باجی بو نوع زحمت هر دم دیردی قارداش مشکلدی درد فرقت گزلین قالوب اؤرکده لیکن زبانه گلمز شاعر : مرحوم ثریا تبریزی

یاحسین بن علی.ع. #اشعار_حاج_رضامحمدی_ولایی سبک:میگذردکاروان فارسی_ترکی_عربی ▁▁▁▁▁▁▁▁▁▁▁▁▁▁▁▁▁ دل شده غرق نوا گشته به غم مبتلا چاره ندارد مگر بوی خوش کربلا اللهم ارزقنا کربلا_کربلا کربلا کربلا.٣ مرغ دلم راهی کرب وبلا می شود همسفر و همره اهل ولا می شود از محن روزگار گرچه رها می شود باغم زینب شود بار دگر آشنا کوی آه ونوا کربلا..کربلا کربلا کربلا.٣ اللهم ارزقنا............................... مآمن اهل ولا ملجا حور و ملک زائر آنجا شود حور وملک تک به تک بر دل صاحبدلان نام حسین گشته حک مرقدپاکش شده کعبه اهل ولا قبله اولیاکربلا..کربلاکربلا کربلا..٣ اللهم ارزقنا............................ چون زحسین شدبقا مذهب و آئین ودین لشکر شیعه شود زائر او اربعین ذکر همه یکصدا باشعف وغم عجین ماهمه سر میدهیم در ره خون خدا مهد شور و صفاکربلا.کربلاکربلاکربلا.٣ اللهم ارزقنا............................. ترکی▁▁▁▁▁▁▁▁▁▁▁▁▁▁ تانقدر وار نفس شوقیله من سسلرم ای شه جود وکرم آدوه من نوکرم ای شاه کربلا.یاحسین سلطان سرجدا.یاحسین یامولا یامولا..یاحسین اللهم ارزقنا.................................. ای مه برج حیا ای شرف الاولیا دعوت ائله تا اولاخ زائر کرب وبلا قیل کرم ای شاهنشاه دین تا گلم قبروه اربعین یامولا یامولا یاحسین اللهم ارزقنا........................ سن کیمی شاهنشهه نوکر نالایقم من سنون اما آقا مکتبوه عاشقم یابن طه یابن فاطمه وئرمرم آدوی عالمه یامولا یامولا یاحسین اللهم ارزقنا................................ کوری چشم عدو حقوه من قائلم فخر ائلرم یاحسین درگهوه سائلم ای حریمینده حورا گدا آلتی گوشه قبروه فدا یامولایامولا یاحسین اللهم ارزقنا............................. عربی▁▁▁▁▁▁▁▁▁▁▁▁▁ یابن امیر العلا انت امام الهدی قره عین الرسول انت قتیل الورا ذکرنا مولانا یاحسین ابد والله لاننسا حسین یامولا یامولا یاحسین اللهم ارزقنا.............................. (ولایی) 🍃 الّلهُــمَّ عَجِّــلْ لِوَلِیِّکَــــ الْفَــرَج 🍃 ________________________

احوالات اربعین حسینی سوال وجواب حضرت امام حسین(ع) وحضرت سکینه(س) *********************** سوال(حضرت سکینه) گلموشم کربلایه مهمان آغلورام یوزده گوزیاشیم قان آختاروب تاپموشام مزارون تاایدم دردلریمی اعلان من سنون سینه ده یاتان اولدوزوام(2) بلوسن من سکینه آدلی قیزوام (2) آغلیوب وای دیرم-سنه لایلای دیرم(2) *********************** جواب(امام حسین) خوش گلوبسن قیزیم سکینه آغلاما ای منه عزیزه تاپموسان آلتی گوشه قبری ویر بوقبره دویونجا بوسه ای منیم سینه ده یاتان نازلی بالام(2) بلوسن اولموسان منیم دوزلی بالام(2) آغلیوب پوزمامنی-سویرم منده سننی(2) *********************** سوال(حضرت سکینه) آیریلاندان بابابوچولدن چوخلی غم غصه لریئدیم من یولدا من مشکله دوشنده دردیمی عمه مه دیدیم من یولدامن سسلینده عباس عمومی(2) شمرهی گلدی ویردی زینب بی بی می(2) آغلیوب وای دیرم-سنه لایلای دیرم(2) *********************** جواب(امام حسین) سیزبوچولدن قیزیم گیدندن غم دیارینی ترک ایدندن چوخلی غم غصیه دوشوبسن کربلادن بالا گیدندن کینه سی واردی دشمن عباسیمیلن(2) سسلییدوزسیزاکبری قاسیمیلن(2) آغلیوب پوزمامنی-سویرم منده سنی(2) *********************** سوال(حضرت سکینه) آغلیوردی باجیم رقیه اکبری سسلین زمانی گرایشیتسیدی اکبرآدین قالمازیدی اونون توانی صبحیدن ناله ایلیردی تاغروب(2) چوخ گجه اکبریله قاسم چاغروب(2) آغلیوب وای دیرم-سنه لایلای دیرم(2) *********************** جواب (امام حسین) پس رقیه بالام هایاندا آغلیوب مندن آیریلاندا اولمیا مهربان رقیم قالدی ویرانه بیرمکاندا نه گلوب باشینه رقیه بالامین(2) ماجرا سین ده اوچ یاشیندابالامین(2) آغلیوب پوزمامنی-سویرم منده سنی(2) *********************** سوال(حضرت سکینه) اولدی ویران نشین رقیه عمه مین قلبین ایتدی یاره جان ویروبدی خرابه لرده گیتدی ویرانه ده مزاره آخرین لحظه ده بی بیم اوپدی یوزون(2) جان باباجان علی دیوب یومدی گوزون(2) آعلیوب وای دیرم-سنه لایلای دیرم(2) *********************** جواب(امام حسین) ایوای ایوای بالام رقیه شامه طوفان سالان رقیه آجلیقیندان خرابه لرده گول جمالی سولان رقیه زینبین قلبین اوگجه بولدی بالام(2) یاره لی باشیمی گوروب ئولدی بالام(2) آغلیوب پوزما منی-سویرم منده سنی(2) *********************** اشعارکربلایی ایوب روزبه بخشایش