🏴درمدح امام حسین (ع) 🎼 سبک : کاروان رفته منزل به منزل..... بو    حسینون    گوزل    کربلاسی کعبۀ    عشقیدی    وار    صفاسی اولماز    اوردا   شکسته    نمازون دوز   قیلاندا   اولار  حق  رضاسی **** بو حسین دور  اولوب حق فداسی ساخلیوب دینی قان  هم  عزاسی آغلیین   گوز    اونا   اوددا   یانماز اشک  چشموندی  جنّت  جزاسی اولسا   هر کیمسه نون  پیشواسی وحشت   قبره    اولماز     هراسی باشی    اوسته  گلر   جان  ویرنده سایه  سالسون  او  زهرا   بالاسی خصم  دینون  اولوب  گر  جفاسی برهم اولسون  حسینون   اساسی لیک  تا   وار   قیامت  حسین  وار قلبلرده      آدی       وار      بقاسی هر  یره   نصب   اولا   غم  لواسی شرکت   ایلر    او    یرده    آناسی هر   عزاداریلن     با   هم    آغلار اوج  ایدر عرش و فرشه صداسی دین   حقه  ویروب   قان  بالاسی هر   ایکی     عالمین     مقتداسی قانی    رونق     ویروبدی     نمازه چون خدا دورحسین خون بهاسی یاده   سال     زینب    مه   لقاسی قتلگهده       گوروبدی      اخاسی تشنه  لب   ذبح   اولوبدی  قفادن غارت  اولموش  بدن یوخ  لباسی عرشه  چاتدی  او   دمده   نواسی گوردی   وار   پیکرینده    یاراسی مرهم اولسون توکوب اشک چشمین یاره لر   اوسته     اولسون     دواسی تاپدی    بلبل   گولون   گوردی   یاره جسموده     واردی    گلمز      شماره گوز    یاشیلن   یارا   مرهم   ایتسون آغلادی       تاپمادی     راه        چاره عرض ایدوبدور یاران چوخدی  قارداش من اوپم صاف یرون یوخدی قارداش صیریمی  چوخ   آلان   سینن  اوسته پر  آچان  شعبه لی   اوخدی قارداش دشت    غمده    دونن    یللر   اسدی فاتح       اولماقلیقا     قان    تلسدی اولدی   شمشیر   تیز    قانه   مغلوب ظلم ایدوب گون باشین شمرکسدی شامیان    دین   و     قرآنی     داندی ویردولار      خیمه لر    اودّا     یاندی حشری گوردوم گچن گون  بوچولده قالمادی     جامه     معجر     تالاندی بر هم     اولدی    حسینیم    جلالون قلبیمی    اودلوری       بو       ملالون کاروان     یوللانور    شامه   قارداش قول     قولا      باغلانوبدی    عیالون غملیدی          کربلا          ماجراسی زینبون      وار        باشیندا     بلاسی یول  سالور  شمریلن  شامه  گتسون غصه     و    غم     مِحَن     مبتلاسی شور     دلده        باشیندا      قاراسی آغلاماق     اولدی    صبحی  مساسی ایندیده   وار    قولاق   گر   ویرولسه قتلگهدن    گلور        آه     و    واسی گوردی    شمر     لبلرینده     دعاسی واردی        معبودیدن         التماسی ایستوری شعیه سین   هر   دو   عالم رستگار      ایلَسون     تا      خداسی ای    شهیدان      عشقون      آقاسی باشدا     وار      کر بلانون     هواسی هیئت    ایچره     برات   ایستین  وار (( عدلی))  تک   دلده   وار   التماسی ** ✍حاج اصغر فرشچی (عدلی تبریزی ✨اَللّهُمَّ عَجِّل لِوَلیِّکَ الفَرَج✨ _______

🏴نوحه اربعین 🎼سبک:کربلا منتظر ماست بیا تا برویم... اربعین گلدی حسین جان ئورگی قاندی باجون گوزون آچ زینبی دیندیر سنه مهماندی باجون      دشمنی خوار ایلیوب گلدیم حسین      یتیشوب قبریوه دینجلدیم حسین ➖➖➖➖➖➖➖➖➖➖➖ منی عفو ایله قویوب نعشیوی گیتدیم یارالی یوخودی چاره سنون ترکیوی   ایتدیم یارالی دشمنی  خوار ایلیوب  بیرده قییتدیم یارالی آنام  اوغلی بو گوزل قبریوه قرباندی باجون ➖➖➖➖➖➖➖➖➖➖➖ آند اولا  فاطمه نون  ناله سینه  افغانینا حیدرون منبر و محرابه یاخیلموش قانینا سالموشام  لرزه حسین جانی یزیدون جانینا نهضتوندن نگران اولما  نگهباندی  باجون ➖➖➖➖➖➖➖➖➖➖➖ منه  تاپشوردون عزیزیم  آنامون  اوخشارینی باغلادی  بند جفائیله   عدو  قولارینی پا برهنه دولانوب  شامون اوزون یولارینی داغ هجروندن اونون گورنه پریشاندی باجون ➖➖➖➖➖➖➖➖➖➖➖ عاقبت  شامیده جان ویردی او محکوم بلا کنج  ویرانه ده  دفن  اولدی  عزیز  اسرا یارالی باشیوه  یورقون  جانینی ایتدی  فدا فرقتوندن نجه گور  دیده سی گریاندی باجون ➖➖➖➖➖➖➖➖➖➖➖ سالموشام    ولوله   یولاردا   دل  سنی  اهرمنه قویمادیم طعنه وورا قوم کج اندیشه سنه سنی  زهرا آنامون  جانی   دعا ایله   منه نقدر غصه  گله  فاتح  میداندی   باجون ➖➖➖➖➖➖➖➖➖➖➖ یورقونام   آچ گوزیوی  بیرده دانیشدیر باجیوی آتش عشقیوه قارداش  آز آلیشدیر باجیوی کربلائیله  کوسوب  گویلی  باریشدیر باجیوی قوریوب  دیل دوداقی قامتی  چوگاندی باجون ✍شاعر:مرتضی اسکندری(ساعد)زنجانی لینگ کانال 👇👇👇👇

🎼سبک نوحه فوق👆👆 ✍بقلم کربلایی مرتضی اسکندری(ساعد زنجانی) 🎤#بانوای_حاج_علی_سیفی_افشار

بسمه تعالی ... این شعر هدیه به جاماندگان اربعین .. ......‌‌‌... سینه زنی .در آهنگ .ای قلم سوزلرونده آرزوی کربلا واربعین حسینی ای گزن دردینه عمده درمان کربلانی سون اهل ایران سن بوایل گیتمدن چوخ دارخما درده درماندی شاه خراسان کربلا ونجفدی بوایران..درده درماندی شاه خراسان یا رضا. یارضا یا رضا جان. 2. .....‌‌‌ ای ایدن آرزو کربلانی ایستین کربلادن شفانی گید گیلن مشهده ایت زیارت سن چاغور درده درمان رضانی کربلاونجفدی بوایران درده درماندی شاه خراسان یا رضا یا رضا یا رضا جان .2. ....‌‌‌... ای ورن هر مریضه شفانی قیل نظر قورتارا بو بلانی یوخدی درمان آقا ایله درمان دردیمیز چوخدی سن ویر دوانی کربلاونجفدی بوایران درده درماندی شاه خراسان یا رضا یا رضا یا رضا جان .2. ......... سسلوروگ بیز مشهده رضانی ایستروک دردمنده دوانی سن اوزون قسمت ایله آقاجان بیز گورک بیر دفعه کربلانی کربلا ونجفدی بوایران درده درماندی شاه خراسان یارضا یا رضا یا رضا جان. 2. . اربعین گلدی غملر چوخالدی زینبون آهی عرشه اوجالدی یدی قارداش غمی چوخ چتیندی چاتمامیش کربلایه قوجالدی کربلاونجفدی بوایران درده درماندی شاه خراسان یا رضا یا رضا یا رضا جان .2. ....... کربلایه گلوب چاتدی زینب غصه ودردینی آتدی زینب آلدی شش گوشه قبری قوجاقه گوز یاشین قانینه قاتدی زینب کربلاونجفدی بو ایران درده درماندی شاه خراسان یا رضا یا رضا یا رضا جان.2. ........ سسلدی یا حسین دور ایاقه گلمیشم کربلایه پیاده شامیدن قیزلار وی من گتوردوم ویرگیلن سس بویورقون قوناقه کربلا ونجفدی بوایران درد ه درماندی شاه خراسان یا رضا یا رضا یا رضا جان .2. ........ عف ایله گلمدی نازدانه اینجیدوبدور اونی تازیانه کربلاده حسین سن یاتوبسان او رقیه بالون گیتدی شامه کربلاونجفدی بوایران درده درماندی شاه خراسان یا رضا یا رضا یا رضا جان .2. ..‌‌...... شعر از یعقوب رشتبر آلیله

🎼سبک نوحه فوق👆👆 ✍بقلم حاج یعقوب رشتبر 🎤#بانوای_حاج_علی_سیفی_افشار

بسم الله الرحمن الرحیم 🏴اربعین سالار شهیدان 🎼سبک :ای منیم نازنین نگاریم یاحسین من نوایه گلدیم ئـولمدیـم کربـلایـه گلـدیـم قبـریـوی ائتـماقـا زیـارت بیـرده دشت بلایـه گلدیم گلمیـشم اربعیـنیوی ساخلاماقـا قبریـویـن اوسته ایلشوب آغلاماقـا حسین جانم حسین جانم گور میشم قبریوین نماسین قلبیمی یاندیروبدی یـاسین شامیـده سـولدی نازدانه ان غصـه دن آچمـادی قاراسین شامیده سسلدی حزین جان بابا وای گوزلرین آچ دردیمه درمان بابا وای حسین جانم حسین جانم باخ منـه یـاحسیـن نه پیـرم یولدا قیخ گوندی من اسیرم کفر اگر اولماسا دئـیـردیم فانی بو دونیـادا ندا سیـرم آچ گوزون خوشگلدین اله قارداش اویان درد هجرینـدی ، منی آواره قـویان حسین جانم حسین جانم   کانال سبک وشعر مداحی ویژه مادحین خواهران برادران #رضاابوالحسنی

کانال سبک وشعر مداحی ویژه مادحین خواهران برادران #رضاابوالحسنی

🍂  زبانحال زینب(س) در اربعین   🍂 قارداش اوگوزل قبرووه جانیم اولا قربان یورقون باجووام کرب وبلاده سنه مهمان زوّارمزارون یتیشوب قبرووه خسته به به نه گوزل ائتدون عمل امر السته اکبرایاقون آلتدادی اصغر سینون اوسته مه پاره لرین آدی او گون سنله یازیلدی بو گورملی قبرون اودی ششگوشه قازیلدی هر قوش آنام اوغلی قفسیندن اولا آزاد واضحدی بو اول ائدر ئوز گلشنینی یاد بو قزلارادا سیر زمانه ائدوب امداد اما بولارون بال وپری اولدی شکسته یورقون یخیلوبلار بوگوزل قبروون اوسته آزاد اولوب هر چند باجون قید رسندن بیرحسرتی وارقلبیده سن یاخشی بیلورسن اولموبدی میسّرسنه غم بزمی قورام من سن ایله دعا زینبووی یورماسین الله یثربده سنون یاسووی قوررام ئوزوم ای شاه دیداریمیزی سالدی زمانه گئجه گلدیم هم گوندوزی عشقونله حسین هم گجه گلدیم آلچاق اوجا یولاری سوروشما نجه گلدیم آغلاردی بوچوللرده منیم حالیمه داغ داش دیندیرباجووی باغریمی قان ایلمه قارداش سن دئ آنام اوغلی منه بو کرب وبلادن منده دییرم کوفه و شامات و جفادن شمشیری یخان قانی دئسن ،منده حیادن گوستر منه سن سینه ده کی داغ جوانی من گوستررم آغ ساچیلان ،قد کمانی قورتاردی حسین عترتووه قید اسارت قارداش یتیشوب موسم تحویل امانت هچ کیمسه گوروم اولماسون عالمده خجالت اسگیک بالالاروننان حسین بیرقزون اولدی ویرانه بوجاقینده آخان اولدوزون اولدی ویرانه نی مسکن ائلدی قالدی رقیون شام ایچره نجه ولوله گور سالدی رقیون گوشواره وئروب خورداجا قبرآلدی رقیون فکرائتمه اونی تک قویارام شامیده قارداش شیرین دیلووه آخر اولار عمه سی یولداش

‍ 💔#سینه_زنی_امام_حسین_ ماه میگویدحسین با آه میگوید حسین آیه آیه حضرت الله میگوید حسین یار میگوید حسین دلدار میکوید حسین در مدینه احمد مختار میگوید حسین نار میگوید حسین گلزار می گوید حسین شاه مردان حیدر کرار میگوید حسین 💔به ابی انت و امی یا ابا عبدالله خار میگوید حسین غمخوار میگوید حسین فاطمه بین در و دیوار میگوید حسین خاک میگوید حسین افلاک میگوید حسین مجتبی با سینه صدچاک میگوید حسین خواب میگوید حسین مهتاب میگوید حسین منبر و سجاده و محراب میگوید حسین گاه میگوید حسین بیگاه میگوید حسین شمع و نجم و کهکشان و ماه میگوید حسین هوش میگوید حسین مدهوش میگوید حسین بین خیمه کودکی آواره میگوید حسین چاره میگوید حسین بیچاره میگوید حسین غنچه شش ماهه در گهواره میگوید حسین هوت میگوید حسین لاهوت میگوید حسین ذوالجناح از قتل شه مبهوت میگوید حسین شیر میگوید حسین شمشیر میگوید حسین در تن شه سنگو تیر و نیزه میگویدحسین آل میگوید حسین گودال میگویدحسین تازیانه برتن اطفال میگویدحسین ناله میگویدحسین آلاله میگوید حسین درخرابه دختری باناله میگوید حسین

💔#سینه_زنی_امام_حسین_ع   🖤#زمینه      💔#واحد         🖤#شور            💔#آقای_بنی_فاطمه

نیمه نفس یتوردی او قبر اوستونه ئوزون گه صاق یوزونی قویدی گهی قویدی صول یوزون چکدی گوزونه تربتینی باشلادی سوزون درد دلین ایدوبدی بیان اربعین گونی قارداش باجون فدا بو مزار مجلّله احوالیمی سوروشسون اگر زنده دور هله شامونده فتح نامه سینی سالمشام اله فاتح گلوبدی حق دانیشان اربعین گونی لطف ایلدی حرملروه حَیّ دادگر فیض زیارتونله بیزی قیلدی مفتخر قلبونده که یارادان حسین ویر منه خبر راحتدی یا آخور گنه قان اربعین گونی بو اربعین مزاروون اوستونده من وارام اما گلن ایله بیلورم زنده قالمارام قدیم خمیده ساچلاریم آق الده وار یارام بیرده گلم سن ایتمه گمان اربعین گونی ✍منکلام:مرحوم استاد حاج قدیر جلیل زادگان متخلص به انور اردبیلی ?

اربعین حسینی شامیدن بیر قانلی کوینک، بیر آغارموش مو گَتوردوم ئُولمدیم تا اربعینه، قبرون اوسته سو گَتوردم من دئمَم هئچ زینبم نه شاَن و جاه و عزتیم وار گئتدی الدن عزتیم ایندی نه شاَن و شوکتیم وار زینبیّتدن نشانه، بیر خمیده قامتیم وار قبرون اوسته من دوباره گتوردوم قلبیمی یاندیردی چون که قوم سنگ دل حسینیم ذبح ائدنده باشیوی سو وئرمدی قاتل حسینیم من اودور گَتدیم سرین سو ایلرم نیسگل حسینیم دور حسین لب تشنه یاتما مِیلون اولسا سو گتوردوم چوخ بلایه حق یولوندا بو بلالی باشی سالدیم شامیده ویرانه لرده، مدتی قالدیم عاقبت بو قانه باتموش کوینگون اللردن آلدیم قانین ائتدیم گُوز یاشیملان یاخشی شستشو گتوردوم چون یزید ائتمشدی دعوت مجلسه بی حد نفوسی ایلدیم بیر خطبه ایفاء، گئتدی کلاََ آبروسی وئرمدیم ائتسون شامیه بو نو عروسی تا اوزوملن قبرون اوسته چوخ پریشان مو گتوردوم دشمن دینون الینده، ساغر صبریم جالاندی ... یغمایه گئتدی، سر به سر ... تالاندی محمله گاهی برادر، دَگدی باشیم پارچالاندی کوفه دن کربُ بلایه قصه ی دلجو گتوردوم کربلایه بیر رقیّون گلمدی اولدوم خجالت چون خرابه گوشه سینده، نازیله یاتمشدی راحت آرزودِیدیم ئُولم من، ئُولمدیم قالدیم سلامت قبرون اوسته یاخشی بیر عدّه مَلَر آهو گتوردوم سعی بو سوداده ائتدیم دیمیه بیر تازیانه عورتی وورماخ دگولدی راه و رسم تازیانه بی مروت لر ووراردی سیلی گاهی تازیانه شاهدیم بیر عده نیلی صورت و بازو گتوردوم بیر سوزی واردور ربابون سینون اوسته اصغرینه سن بویور مادر دیلیجه اصغر مه پیکرینه مِیلون اولسا سندن اُوتری ای ایچن قان سو یرینه صود گتوردوم سو گتوردوم یاتماقا پر قو گتوردوم منزوی آدیم فنون شعره خیلی ماهرم من اردبیل ایچره ولیکن بیر محقّر شاعرم من بو سوزه اما چوخ آیری شهرلرده فاخرم من شامیدن بیر قانلی کوینک بیر آغارموش مو گتوردوم ✍منکلام:مرحوم استاد حاج رحیم منزوی اردبیلی

کربلایه یورولان لشکری زینب گتوروب اوج عزّتده سنان شهپری زینب گتوروب متبّرک ایلیه قارداشنون قبرینده آغاران باشدا قرا معجری زینب گتوروب قبرینون اوسته قویا اشکینی رخساره توکه الده پیراهن حزن آوری زینب گتوروب دیوب هر دم سنه قربان اولا شرمنده باجون مگر اوچ یاشدا گوزل دختری زینب گتوروب آل اطهار گوز آلتی دویولن سمته باخوب قمچی آتدا گوگرن اللری زینب گتوروب سو کنارینده یاتوبدور اوجا بوی قارداشی کاروانینده ملر خواهری زینب گتوروب اربعین علی اکبردی بلانون چولونه مادر اشبه پیغمبری زینب گتوروب باخوب اصغر ملین سمته گونی قاره رباب بالاسی الده ئولن مادری زینب گتوروب الغرض قویدی حسین قبرینه زینب یوزونی دیدی دور عترت غم پروری زینب گتوروب گوزلریم قبرووه قربان نئجه دی یاره لرون الّلی ایل اشک توکن گوزلری زینب گتوروب دانیش ای فخر ملائک دلوون قربانی سوزوی دُرّ بیلوب مشتری زینب گتوروب ئولدی غربتده بالون قبرینی قازدیم قارداش دیمیور فاطمیه بنذری زینب گتوروب زینبم صبح و مسا دیده سی گریانم حسین انبیاء شوط ایلین قبرووه قربانم حسین گویا سس یتیشوب عالم فرقتدی باجی هر سوزون واردی گتور ظاهره فرصتی باجی دئدی قبروندن حسین جان آنامون عطری گلور دئدی زهرا آنامون قصدی زیارتدی باجی دئدی اطراف مزارونده ملر قزلارون دئدی بیلّم هاموزا مثل قیامتدی باجی دئدی پیراهنوی آلمیشام اللردن حسین دئدی گیزلت بالالاردان سنه قسمتدی باجی دئدی قلبون گینه ده سوز حرارتده یانور دئدی کوثرلن اولوب الفتی مُدّتدی باجی دئدی سقّا نیه قبروندن اولوبدی آرالی دئدی قئزلاردان ابوالفضل خجالتدی باجی دئدی شهزاده بالون پایین پایونده یاتوب دئدی گُل جسمی منیم قبریمه زینتدی باجی دئدی سینونده یاتوب اصغرون حالی نئجه دی دئدی سو ایستمیور قبریده راحتدی باجی دئدی داش ووردیلار آلنوندان اولوب قان جاری دئدی گر یاره گوره عاشقه لذتّدی باجی دئدی باش محمله چالدیم سنون عشقونده حسین دئدی باعث بئله رفتاره محبتّدی باجی دئدی قانلی دوداقوندا یودی کیم قانلی کولی دئدی راهب یودی دائم یری جنتّی باجی دئدی یاندوم دوداقون پارچالانان ساعت من دئدی محکم دانشوبسان منه منتّدی باجی ای «معزی»یازوب اشعارووی توک گوز یاشوی روز محشرده حسین قورخما اوجالدار باشوی ✍منکلام:مرحوم استاد حاج یوسف معزی اردبیلی

‍ ‍ #روضه_باسبک بسم الله الرحمن الرحیم یا رحمن ویارحیم صل الله وعلیک یا مولایه یا اباعبدالله والارواحی التی حلت بفائک السلام الاحسین والی علی ابن الحسین والی اولادی الحسین والی اصحابالحسین اربعین یعنی تجلای عزای اولیا اربعین یعنی چهل روز اروزی کربلا اربعین یعنی علم در دشت پهناور زدن اربعین یعنی به قربانگاه جانان سر زدن خانم گلدی قارداش قبرینه نیچه قدم قالاندا اوقهرمان زینب خانم ایلشدی یره گوزونون قاباقیندا واقعه کربلا مجسم اولدی بیر باخدی گوداله بیر باخدی تله من بو یرده اشکمی غمدن قانا دوندرمیشم تارزلفیمدن بورا فرش مصیبت سرمیشم بوردا قارداش سینه سیندن آخ دیوب اوخ درمیشم حسین سنه باجون قربان آی قارداش  ۲ گوردیلر زینب گلدی فراتین کنارینه خانم بیر کاسه سو دولدوردی قویدی حسینون قبرینه حسین ایشیقلی گون منه سندن صوراقرا گیجه دی باجون اولسون حسین دی گورم یارالارون نیجه دی باجی قارداش قبرینه گیدنده تاج گل اپارار ترمه شال آپارار اما خانم الین آپاردی اورگینون باشیندا ن بیر اوخلی گوینک سردی قارداش قبرینه باجون سنه قربان حسین ویرانسرا ده فرش عزا سالمیشام حسین قمچی گوروب گوینگون اللردن آلمیشام یارالی قارداش۲ گور نیچه اوغلی اولن ننه گتورمیشم نیچه قارداش سیز باجی گتورمیشم خانم بیر باخدی خیملره بیر باخدی قتلگاهه بیر تله دیدی حسین بو خیمه لردن ایریلاندا منه بیر امانت تاپشیردون قارداش خیمده ایریلاندا رقیه گلدی سن ات اوسته پای پیاده من نقدر قاچیم یتوروم بابا سنی عمه مین جانی بیر دایان باشوه گلیم دولانیم بابا ایلشدون بالانی آرام ایلدون دیدی بابا منی کیمه تاپشوروب گیدوسن اشاره ایلدون زینب بالامی سنه تاپشیر دیم گوزون آچ قارداش۲ اما حسین خجالتم قارداش بو سن بو مزارون بو خسته قیزلارون اما حرملرون کیمی منده سلامتی قارداش ولی رقیه بالا ندان خجالتم آی قارداش حسین بالون قالدی خرابده اونوندا سن کیمی قالدی جنازه سی یرده کفن تاپیلماد ی بالاما گلدی خاطریم درده   حسین اولدی بالام اولدی بالام گل کیمی ویرانده  گون گورمه دی اولدی بالام تیر اهیلن ئوزی ئوز سینه سین بولدی بالام بیر ئوپوش گوتدی دوداقیدن سنون اولدی بالام یارالی بالا یارالی بالا لای لای بالام ای،،، #مداحی استاد طالبی :

‍ 💢نوحه اربعین اویان قارداش دل غمین دی2 گچوب قیرخ گون اربعین دی2 اویان قارداش ، آیریلیخ دردی، زینبه سن سیز، چوخ چتیندی 2 سنه الده سو گتوردوم 2 بیر عده مه رو گتوردوم2 گوریدون کاش، قیزلارون قارداش، قبروین اوسته، چوخ حزیندی یورقون رزمنده ام غمدن آکنده ام سندن شرمنده ام حسین 🌴🌴🌴 وطن ایتدون بو عراقی سونیدی شمرون چراغی مگر قرآندا یازوبدی ویرالار ایوده قوناقی گیوب قاره ، اولدی زواره، گلدی دیداره ، باغری قانلار بوخاکون خاک شفادور بلادشتی کربلادور اویان ای بی سر جنازه باشون ذبحا من قفا دور اورک یاندی، قلبی اوتلاندی،دیده گریاندی،نوحه خوانلار قیزلار عزالیدی قلبی یارالیدی باشی بلالیدی حسین 🌴🌴🌴 نه مدتدی بیقرارم سنون عشقونده نزارم رقیون گتدی الیمدن باجون اولسون شرمسارم اورکلندی ، عمه سسلندی، باخ بابام گلدی، خوش گلوبدی اوپیردی تز تز یاناقدان گچم موب سن تک قوناقدان قویوبدی لب لبلر اوسته ویریبدی بوسه دوداقدان اوپوب لبدن، اول شبدن،دوشدی دای تبدن،دینجلوبدی اولدی خیردا قیزون باتدی دان اولدوزون قان آغلاسون گوزون حسین 🌴🌴🌴 نظر قیل غملی ربابه دایاق اولدی انقلابه ویریبلار غمچی اوزاره دوزوب یولدا چوخ عذابه اوزون یولار،باغلانوب قولار، غم اورک باشین، داغلیاردی علی جان لای لای دییردی حسینیم ای وای دییردی باشوزی نی ده گورنده قانا باتمیش آی دییردی دیوب غمدن،درد عالمدن،آه و ماتمدن،آغلیاردی گلدی اوباغری قان ویردی الدن توان ده اصغره اویان حسین اثر:جهان سلیمانی 🌴🌴🌴🌴

روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه گلسون باری گوزلریمی باغلاسون ♦السلام علیک یا اباعبدالله الحسین (ع)♦

روضه حضرت زینب س☝️☝️ بانوای حاج جعفرایمان نژاد اردبیلی 😭😭😭😭😭😭😭😭 التماس دعا

۞﷽۞ ۞﷽۞ 📝 : ادامه شعر شماره ۳۵ چوخ غمیم واردی برادردیلده اماایتمورم فاش شامه چکدی شمربی دین دوندی قلبیم قانه قارداش شام اهلی بیزه اَل چالیب ایلردی شمـادت اولدی گونوزوم شامیده بیر لیله ی ظلمت سر برهنه دل پریشان کوفه و بازاره گیتدوخ ائتماغا احیا مرامـون مجلس اغیاره گیتدوخ گوردوم که قویوبلارباشیوی طشت طلایه گـاهـی ووروری گـاهـی باخـور آل عـبـایـه گوزیاشیم رخساره آخدی اهلبیته سن باخاندا تـازیـانـیـلـه یـارالـی لبلـرون اوسـتـه وورانـدا اطـرافیمـی آلـدی بالالار زلـفنـی یولـدی بـاخـدی یوزوه نـازلی رقیه یـوزی سولدی بـیـر خـرابـه اولـدی مـنـزل اهلبیت مصطفایه یاره لی باشون گلیبدی نصف شب ویرانسرایه آلـدی باشـون آغوشه بـالام ولـولـه سالدی قویدی دوداقـیـن قانلـی لبه کام دیل آلدی غصه وغمندن یورولدی لاله تک سولدی رقیه وای منه تپراقلاراوسته جان ویروب ئولدی رقیه ویردیم بالامین غسلون ئوزوم قبرینی قازدیم قـبـریـن داشینـا اکبر یمین آدینی یازدیم حق ائدیب لطف و عنایت ای شهنشاه مدینه قسمت اولـدی کـربلایـه گـلـدی زینب اربعینه دعوت ایله بیر وقفه حسینیم مــنـه خاطـر گوز یاشلی گـلـه (عاجز) اولا بـوردا مجاور ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

🏴زبانحال زائرین اربعین حسینی 🎼سبک : در هوایت بی قرارم بی قرارم روز وشب _استاد شهرام ناظری سن شهید سرزمین نینواسن  یاحسین پادشاه باوفای  کربلاسن یاحسین زائرم من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) کربلایه شوقیلن  من غملی  مولا گلورم لبده ذکرون جاندا  عشقون دیلده  نوا   گلورم آلتی گوشه مرقدووه تلسورم چاتماقا سسلیورم یابن الزهرا   یابن الزهرا      گلورم زائرم  من  زائرم  من  زائرم آلتی گوشه مرقده مسافرم جان حسینیم، جان حسینیم،جان حسین(2) وار سلامیم قاسموه اکبروه یاحسین آغلارام هی  شیرخواره     اصغرووه  یاحسین تشنه سقا ماتمینه قلبیمیزی  داغلیوب قان توکور گوز قانه باتان  پیکروه    یاحسین زائرم  من  زائرم   من   زائرم آلتی گوشه مرقده مسافرم جان حسینیم، جان حسینیم،جان حسین(2) بیز مریدِ جان به کف بوترابوگ  بوتراب بیز غمونده حشره کیمی دلکبابوگ   دلکباب زنده قالوب  یابن الزهرا بوشرفلی    نهضتون تا نفس وار  پای بند انقلابوگ  انقلاب زائرم  من  زائرم   من  زائرم آلتی گوشه مرقده مسافرم جان حسینیم، جان حسینیم،جان حسین(2) آلماقا من عطر قبر شهدانی گلورم گورمگه من قتلگاه نینوانی گلورم تل زینب کف  العباس آرزومدور سینه ده اوپمگه من خاک پاک کربلانی گلورم زائرم  من  زائرم   من   زائرم آلتی گوشه مرقده  مسافرم جان حسینیم، جان حسینیم،جان حسین(2) یولا باخور او صفالی قبری گزور گوزلریم اشک شوقه اشک وصله ایسلانوبدور   اوزلریم نوحه دیوب سینه ووروب شاه دینه آغلورام دیلده فقط، جان حسیندور،یاحسیندور، سوزلریم زائرم  من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) شهر عشقه قبر شاه مه جبینه گلمیشم نینوای باصفای شاه دینه گلمیشم من حسینون انقلابی زینبیه عاشقم مثل  زینب کربلایه اربعینه گلمیشم زائرم من  زائرم من زائرم آلتی گوشه مرقده مسافرم جان حسینیم، جان حسینیم،جان حسین(2) ✍بقلم شهرام  علیزاده ___

🏴شهادت حضرت امام رضا علیه السلام . . 🎼سبک:: :: ممدنبودی ببینی... :: بزم عزاده گیمیشم قاره ... . ✍حاج غلامرضا عینی فرد زنجانی . تپراقلار اوسته جان ویرور – ضامن آهو جانین حقه قربان ویرور – ضامن آهو . واگیر 1 :: یوخ بیرکس آغلاسین گوزلرین باغلاسین . واگیر 2 :: آه و واویلا... . . موسی الرضانی ایتدیلر ظلمیله مسموم غربت ولایتده اولوب هر ندن محروم چاتمور الی برکیمسیه جان ویرر مظلوم تپراقلار اوسته جان ویرور ضامن آهو . . نامه یازوب معصومیه چوخ ملالیله دعوت ایدوب طوسه اونی چوخ جلالیله معصومه دوشدی چوللره شور و حالیله تپراقلار اوسته جان ویرور ضامن آهو . . معصومه قمدا جان ویدوب سینه ده نامه ئولدی رضانی گورمدی اولدی هنگامه قالدی جوادیم عمّه سیز گون دونوب شامه تپراقلار اوسته جان ویرور ضامن آهو . . گاهی دوداقلاردان چخور یاندیران سوزلر گاهی بهارین ابری تک یاش توکور گوزلر سسلور جوادیم هارداسان گوز یولون گوزلر تپراقلار اوسته جان ویرور ضامن آهو . . زهر آلدی شاه طوسیدن طاقت و یارا ماهی کیمی صاق و صولا میل ایدور مولا قلبی یاناندا سسلنور وای آنا زهرا تپراقلار اوسته جان ویرور ضامن آهو . . بیر کشتی بی ساحله بنزورم الان گلزاریده سولموش گله بنزورم الان کُنج قفسده بلبله بنزورم الان تپراقلار اوسته جان ویرور ضامن آهو . . یاندی وجودیم شمع تک یوخدی پروانه غربت ولایتده اوغول دویموشام جانه گل آل دیز اوسته باشیمی نازلی دردانه تپراقلار اوسته جان ویرور ضامن آهو . . خوشدور بالا اولسا آتا جان ویرن دمده عکس قضیّه سختیدور لیکن عالمده آغلور حسین و اکبره حال پر غمده تپراقلار اوسته جان ویرور ضامن آهو . . جدّیم حسینه گل اوغول آغلیاخ باهم من اکبره سن جدّیمه بیز دوتاخ ماتم تنگه گلوبدور کربلا شاهینه سینم تپراقلار اوسته جان ویرور ضامن آهو . . ای حجت هشتم رضا قبریوه قربان ساین بو `عینی فردیدن” کسمه مولا جان قبرین کنارینده یازوب بو سوزی گریان تپراقلار اوسته جان ویرور ضامن آهو . ✍#بقلم_استاد_عینی_فرد_زنجانی #ترکی ✨اَللّهُمَّ عَجِّل لِوَلیِّکَ الفَرَج✨

شهادت امام رضا (ع) ✅گل اوغول طوسیده مظلوم اولورم ✅اولموشام گور نئجه مسموم اولورم ✅غم گونی غمخواریم اوغول ✅گل اوزون اول یاریم اوغول ✅گوزلریم گوزلیر اوغول ایمدی سنی ✅یاده سال بو قوجا وقتیمده منی ✅زهر وئردی منه مأمون دنی ✅گل اوغول طوسیده مظلوم اولورم ✅سالدی دیلد‌ن منی زهرین اثری ✅درک قیل سنده بو خونین جیگری ✅خوشدور اولاده آتا دردسری ✅گل اوغول طوسیده مظلوم اولور‌م ✅گلمدی یانیمه معصومه باجیم ✅آغلییئیدی من مسمومه باجیم ✅قالدی حسر‌ت منه مظلومه باجیم ✅گل اوغول طوسیده مظلوم اولورم

احوالات اربعین اربعینون گلدی قارداش سن هارا توپراق هارا آچ گوزون زینب گلوب آلنی یارا، قلبی یارا ایندی قرخ گوندی حسین سندن دارخمیش زینبون دورگینان  پیراهنین  اللردن آلمیش زینبون ایندی قرخ گوندی سسون گلمیر قولاقه آی حسین دورگینان حرمت ائله یورقون قوناقه آی حسین ایندی قرخ گوندی اسوب هجران یئلی گلزاریمه تاپمادیم بیرکس ائدم محرم  بوسوز و سازیمه قارداشیم باخ باجیلار قاره گیوبلر هامیسی آغلیوبلار گه سنه ای وای دیوبلر هامیسی باشیمه قرخ گوندی قارداش چکمیوبسن  اللرین قبرون اوسته  آغلاشیلار بی نوا  بلبلرین باجی قارداش رسمی قارداش گورنقدری خوش اولار غملی گونده باجینون قارداش یئری چوخ بوش اولار چون که سندن من حسین درک محبت   ائتمیشم عطریوه واللهی قارداش من چوخ عادت ائتمیشم ایندی قرخ گوندی منیم وای  یوخدی  قارداشیم اخا سیلی تک  آخمیش عذاره  قانلی گوزیاشیم  اخا باجی ایستر جان وئرنده قارداشی گلسین  حسین قبلیه ساری باجیسین فوری دوندرسین  حسین نینیم ایندی ولی سن گئتمیشن من   قالمیشام قبرون اوسته پیکریمی سایه مثلی سالمیشام کاش سنی بیر یول خدا دنیایه قیترسین حسین بو کمکسیز باجیوا  قارداشینی ورسین  حسین تا دونوم هر روز و شب پروانه مثلی  باشیوه جان دیوب بوسه ویرام هم گوزلره هم قاشیوه   گوزلره تاکه دویونجا من باخوب ای وای دیم سینمه باشون آلام قارداش سنه لای لای

🏴زبانحال زائرین اربعین حسینی 🎼سبک : در هوایت بی قرارم بی قرارم روز وشب _استاد شهرام ناظری ترکی... سن شهید سرزمین نینواسن  یاحسین پادشاه باوفای  کربلاسن یاحسین زائرم من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) کربلایه شوقیلن  من غملی  مولا گلورم لبده ذکرون جاندا  عشقون دیلده  نوا   گلورم آلتی گوشه مرقدووه تلسورم چاتماقا سسلیورم یابن الزهرا   یابن الزهرا      گلورم زائرم  من  زائرم  من  زائرم آلتی گوشه مرقده مسافرم جان حسینیم، جان حسینیم،جان حسین(2) وار سلامیم قاسموه اکبروه یاحسین آغلارام هی  شیرخواره     اصغرووه  یاحسین تشنه سقا ماتمینه قلبیمیزی  داغلیوب قان توکور گوز قانه باتان  پیکروه    یاحسین زائرم  من  زائرم   من   زائرم آلتی گوشه مرقده مسافرم جان حسینیم، جان حسینیم،جان حسین(2) بیز مریدِ جان به کف بوترابوگ  بوتراب بیز غمونده حشره کیمی دلکبابوگ   دلکباب زنده قالوب  یابن الزهرا بوشرفلی    نهضتون تا نفس وار  پای بند انقلابوگ  انقلاب زائرم  من  زائرم   من  زائرم آلتی گوشه مرقده مسافرم جان حسینیم، جان حسینیم،جان حسین(2) آلماقا من عطر قبر شهدانی گلورم گورمگه من قتلگاه نینوانی گلورم تل زینب کف  العباس آرزومدور سینه ده اوپمگه من خاک پاک کربلانی گلورم زائرم  من  زائرم   من   زائرم آلتی گوشه مرقده  مسافرم جان حسینیم، جان حسینیم،جان حسین(2) یولا باخور او صفالی قبری گزور گوزلریم اشک شوقه اشک وصله ایسلانوبدور   اوزلریم نوحه دیوب سینه ووروب شاه دینه آغلورام دیلده فقط، جان حسیندور،یاحسیندور، سوزلریم زائرم  من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) شهر عشقه قبر شاه مه جبینه گلمیشم نینوای باصفای شاه دینه گلمیشم من حسینون انقلابی زینبیه عاشقم مثل  زینب کربلایه اربعینه گلمیشم زائرم من  زائرم من زائرم آلتی گوشه مرقده مسافرم جان حسینیم، جان حسینیم،جان حسین(2) ✍بقلم شهرام  علیزاده کانال سبک وشعر مداحی ویژه مادحین خواهران برادران #رضاابوالحسنی

کانال سبک وشعر مداحی ویژه مادحین خواهران برادران #رضاابوالحسنی

نوحه شور #ترکی صحراده پیکری باشسیز قالان سلام چوللرده باجیسین آغلار قویان سلام قربان اُلا باجون عطشان دوداقووه دور بیر تسلی ور غملی قوناقوه ماتمونده یر گوی آغلار زینبون جهانی داغلار ای حسین جان باشدا قرا گلیب زینب مزارووه خوش گلدون ایله بو یارالی یارووه آییردیلار منی سندن وورا وورا مرهم قویامدیم مقتلده یاروا ماتمونده یِر گوی آغلار زینبون جهانی داغلار ای حسین جان واردور اورکده چوخ دیل یاندران سزوم سنسیزلیگه نجه بو دنیادا دوزوم قدّیم کامان الوب حالیم یامان الوب باقریم رقیه نین یاسینده قان الوب ماتمونده یِر گوی آغلار زینبون جهانی داغلار ای حسین جان هیجرونده یانمیشام غمنن قوجالمیشام من صبریدن بو صحراده باج آلمیشام اللردن آلمیشام غارت اساسینی نطقیله یخمیشام ظلمین بناسینی ماتمونده یرِ گوی آغلار زینبون جهانی داغلار ای حسین جان یاسینده یاحسین محشر یاراتمیشام گُز یاشیمی قانا قبرینده قاتمیشام من شمع تک سنون عشقونده یانمیشام باش محمیله ووروب قانه بویانمیشام ماتمونده یِر گوی آغلار زینبون جهانی داغلار ای حسین جان کانال سبک وشعر مداحی ویژه مادحین خواهران برادران #رضاابوالحسنی حسنعلی بالایی

کانال سبک وشعر مداحی ویژه مادحین خواهران برادران #رضاابوالحسنی

اربعین #سبک_ساخلا_ناقه_می_کاروانیدن  (بیش از 8 سبک زنجیر و سینه زنی) .. مرحوم میرمحمود آقا شوری تبریزی . دور ایاقه من قبریوه فدا بیر اویان حسین بو نیامدن دستگیر دشمن اولان باجون قورتولوب گلوب شهر شامدن وار شکایتیم اهل شامدن . ای یارالی ازّل بویور گوروم یاخشیدور یاران من فدا سنه یا که باش آچوب تازه قان گلور سویگلوم حسین وئر خبر منه منده سس چکوب ناله ایلیوب آغلیوم گلوم داد و شیونه ایله وای حسین وای حسین دیوم تا گئچه سسیم نه غمامدن لطف و مرحمت ایلسن حسین حالیمی سوروشسان اگر مینم وار قضاسی چوخ چوخ بو باشیمون بو اؤرکده هم واردی چوخ غمیم دور ایاقه اول ای عزیز من مختصر زمان یار و همدمیم گر چه قدرتون یوخدی شمر دون عاجز ایلیوبدور قیامدن مختصر دیوم شهر کوفه ده چوخ جفا ایدوب اشقیا بیزه گورموشم نلر نه دیوم حسین نیلیوبدی اهل جفا بیزه ائتمیوبدی شرم و حیا قویوب خارجی آدی برملا بیزه قورخمیوبدیلار روز حشرده حقّیلن آلان انتقامدن . دوشموشم او مرجانه اوغلونون مجلسینده من نه بلالره ناسزایه دیل آچدی چون او دم دیل یاراسی ووردی بو مضطره تاب ائدنمدیم حق سوزومله من ووردوم اود حسین جان او کافره بزم عیشینی برهم ایلدیم آلدیم اختیار خاص و عامدن . گورموشم یارالی باشون گئدر دیره میهمان منده گلمیشم میزبانیوی بولموشم حسین خیلی مهربان منده گلمیشم راهبه ائدن وقته درد دل ائتماقا فغان منده گلمیشم راهبون حسین وای سسی چخوب عرشه صبحه دین اول مقامدن . گر ائدم بیان شام محنتون نه دیوم نلر گورموشم اوزوم اول قدر بلا یوز وئروب منه شامده دونوب شامه گوندوزوم یاده ساللام عمروم نقدر وار آغلارام چتین بیر گوله یوزوم اهل بیتیوون نظمینی سالوب بی حیا جماعت نظامدن . مجلس یزیده گئدنده من ینگیمی یوزه ائتمیشم نقاب گه گولوب گهی اوینیوب قمار گه او بی حیا میل ائدوب شراب لبلریوه گه ووردی خیزران قالمادی بو زینبده صبر و تاب ناسزا آتام حیدره دیوب قورخمیوبدی هئچ لاینامدن . مدتی بولورسن اوزون حسین قالمشوخ پریشان خرابه ده سویگلون رقیه صباح و شام چوخ ائدردی افغان خرابه ده اول قدر دیوب هارداسان بابا عاقبت وئروب جان خرابه ده نسگلیم قالوب دویمادی بالام تا ئولونجه آب و طعامدن . من نجه دوام ایلیوب حسین گوز یاشی توکوب سس اوجاتمارام اول بالام رقیه مصائبین من ئولونجه یاددان چخارتمارام وای خرابه ده جان وئرن بالا سویلرم باشمیدان هئچ آتمارام جانیوه قسم سالدی نسگلی بو باجیوی صبر و دوامدن . آلتی گوشه لی قبری «شوریا» قسمت اولمیوبدور بو اربعین سن حسینیدن اولما نا اُمید عین مصلحت بوندادور یقین گر بو ایل سنه قسمت اولماسا کس امیدیوی اولگلان امین بولگلن حسین لطفنی کسوب دوشگلن اوزون بو مرامدن

اربعین حسینی (سبک : حسین دوشوبدی مقتله ...) بو     کربلایه      یا حسین ئورکده      یاره    گلمیشم قوجالمشام   بو  قرخ گونی باشیمدا    قاره     گلمیشم بو  شش گوشه   قبروه من  قربان یارالی ئولن   اللرده   بو  چولده  عطشان  یارالی آنام اوغلی گل دیله  بیر یول سسله زینب جوابنده  قوی   دیوم   منده   جان  یارالی یارالی    حسینیم وفالی     حسینیم غریب      نینوا       حسین شهید     کربلا       حسین غم          فراقه      زینبون اولوبدی    مبتلا      حسین گلوب   لیلا   ویر   اشاره   اکبر   اویانسین باتان  قانه   قاسم  خوش منظر اویانسین گیدوب هوشه صود امر قربان سینون اوسته رباب آغلور سسله قارداش  اصغر اویانسین یارالی    حسینیم وفالی     حسینیم بو قرخ  گونی   نلر  چکوب بو      کربلایه      گلمیشم خرابه ده  دوشوب   باشیم غم    و     بلایه    گلمیشم قیزیل  گول  مثلی  او  یرده  صولدی  رقیه کیچیک   قلبین   تیر   غمله   بُولدی  رقیه گئجه گوندوز هی سنی  مندن  ایستیردی قوجاقینده   یاره لی   باش   ئولدی   رقیه یارالی    حسینیم وفالی     حسینیم جفای    شمر      شومیدن بو    چولده   زاره  گلمیشم الیمده     یاره      گئتمیشم باشیمدا    یاره     گلمیشم اویان قارداش آلمیشام من آغوشه قبرون گوزلدور چوخ عشقیمی گتدی جوشه قبرون یتیشدیم   تا    کربلایه   دینجلدی   قلبیم دیر دنیایه حسین جان ششگوشه  قبرون یارالی    حسینیم وفالی     حسینیم سحاب   رنج   و  غصه دن بلا      یاغاردی     شامیده بلیم    بوکولدی    کوفه ده باشیم   آغاردی    شامیده او شهرین یوخدور صفاسی چوخدور بلاسی سالوب درده  باجووی اوردا  دیل  یاراسی سن ئولدون  اللرده  اما  باشون  اوجالدی قوجالدی  زینب   اولوب   غملر  آشناسی یارالی    حسینیم وفالی     حسینیم بو  اشک  و  آه  و سوزیلن جهانی     بر  هم      ایلرم یارالیسان   بو  گوز یاشین سینووه     مرهم       ایلرم علمدارون هاردادی  اول عطشان ابالفضل دئنن قارداش دور گلوبدی مهمان ابالفضل کسیلمیش  قوللاریلن چیخسون  پیشوازه دیوم منده   قوللارا   قربان  جان ابالفضل یارالی    حسینیم وفالی     حسینیم ** حاج افشین بابک اردبیلی

من ایراندایام سن عراقدا من اوزاخدا سن اوزاخدا آدین حک اولوب او دوداخدا من اوزاخدا سن اوزاخدا آیریلیق ابری یاغیر بو توپراقا دای منه هئچ یئر حرم دییر آقا آند ایچیم قوی من او قانلی قونداقا اؤلؤرم آقا کربلاسیز من نه ائیلرم حسین گور نجه قلبیم ائدیب ورم حسین قیل اوزون حتما بو ایل کرم حسین اؤلؤرم آقا من ایراندایام سن عراقدا من اوزاخدا سن اوزاخدا توان قالمیب بو قوناخدا من اوزاخدا سن اوزاخدا آی گوزل سلطان داریخمیشام سنه قبریوه قربان داریخمیشام سنه قالمیشام حیران داریخمیشان سنه آرام جانیم رحم ائله جانا بو غملی حالیمه باخ اوزون بیردن جماله زردیمه کربلا قانلا دوادی دردیمه آرام جانیم من ایراندایام سن عراقدا من اوزاخدا سن اوزاخدا آدین حک اولوب بو دوداقدا من اوزاخدا سن اوزاخدا آیریلیق ابری یاغیر بو توپراقا دای من هئچ یئر حرم دییر آقا آند ایچیم قوی من او قانلی قونداقا اؤلؤرم آقا کربلاسیز من نه ائیلرم حسین گور نجه قلبیم ائدیب ورم حسین قیل اوزون حتما بو ایل کرم حسین اؤلؤرم آقا