گل ای عاشیق لرین دارونداری یابن الزهرا سالان تحت الشعایه مهروماهی یابن الزهرا فدایم سنه گدایم سنه گوزوم قربانی مهدی(2) چوگیسوی تومن در پیچ وتابم یابن الزهرا چرایک شب نمی ایی به خوابم یابن الزهرا امیرم تویی  عزیزم تویی  اباصالح کجایی اباصالح کجایی ......... ۞۞۞۞۞۞۞۞ چو گیسوی تو من در پیچ و تابم یابن زهرا چرا یک شب نمی‌آیی به خوابم یابن زهرا تویی ماه منیرم به گیسویت اسیرم از آن ترسم که آخر ز هجرانت بمیرم حبیب منی، طبیب منی، بیا درمان دردم کجا جویمت، چو گل بویمت بیا دورت بگردم دل من بر سر زلفِ تو دارد آشیانه نمی‌دانم چرا از من نمی‌گیری نشانه بگو با من کجایی، چرا از من جدایی گمانم یابن زهرا نجف یا کربلای به رویت قسم، به مویت قسم، گرفتار تو هستم که با نقد جان، من بی‌نشان، خریدار تو هستم

گلایه به حضرت ولی عصر (عج) حاج علیرضا امانی اردبیلی عجب زمانه اولوب روزگار ، یابن الحسن! قفسده بلبل ائدور آشیان ، چمن ساتیلور یانان ئورکده اولان درده ، آغلاروق گئجه لر نهاندا هر کیم آلوب هر نیین ، علن ساتیلور گوزیله گوردوگونی، دیل دیینده ، باغلانور ال او قدری مجرم اولوب آیینه ، رسن ساتیلور گلنلر عبرتیلن ، باخمئیور گئدنلرینه اوجوز بهایه اودور ، هر گلن گئدن ساتیلور مدار غمده قالوب روزگار ، ایله ظهور او قدری مشتری وار محنته ، محن ساتیلور آقا بیزیم الیمیزدن گئدوبدی هر نَییمیز ساتیلسا هر نه بیلورسن ، به نام سن ساتیلور نه حشری یاده سالان وار ، نه امتحانه باخان بساط محکمه ده ، رأی ممتحن ساتیلور بهشت باغلارینی ، ئولمه میش ، بیر عدّه آلور صف جهالته باخ ، روضۀ عدن ساتیلور کتاب ، فکره خیانت ائدور ، کتابه قلم سوزون اجاره وئرور دیل دوداق ، دهن ساتیلور غزل ، قصیده کیمین ، مدحیلن تجارت ائدور بئش آلتی شاعر اگر اولسا ، انجمن ساتیلور او کی علی نی ساتوب عشق آدیلا منفعته بیلور ، حسینی آلان اولماسا ، حسن ساتیلور دوشوبدی مسئلیه ، گور نه حالدا تعزیه میز عزا گلنده ، عزادار آرا ، سخن ساتیلور محلّه لرده هله ، نوحه نین رقابتی وار اینان دئسم گلن ایللرده ، سینه زن سانیلور حریم معرفته ، رخنه ائتدی ریب و ریا حرم کبوترینه ، صحنلرده ، دن ساتیلور اوقدری ائیله دی یعقوبه ، حیله اون قارداش تمام ملتِ کنعانه پیرهن ساتیلور بئله بیر آل وئری کیم مردمه حلال ائلیوب؟ قالان شرافتیمز ال به ال ندن ساتیلور؟ خیانت ائیله مسه ، گر امین ، امانتینه نه دشتیمیز بولونر آیری ، نه دمن ساتیلور ندندی یاسمنه اوخشیان یتیمه لرین قابار الینده مزار اوسته یاسمن ساتیلور؟ آغاجلار آغلاسالار بو غمه اگر ، یئری وار یاغیش حراجه گئدوب ، یوللار اوسته چن ساتیلور حقوق خلقه اگر ، ال اوزاتسا غارت ائدن تعجب ائتمه اگر جبر اوزیله ، تن ساتیلور وطن اگر آنادور ، ننگ اولان اوغوللارا کی منافقانه بیلور ، دشمنه وطن ساتیلور نظام معدلته خائن اولماسوق ئوزوموز گئدر خرید و فروشه نه سن ، نه من ساتیلور حسینه آند اولا ، هر یئرده سایه سالسا یزید مدینه ملکی ، اِلی کوفه ... باش کسن ساتیلور التماس دعا یاعلی

زبانحال حضرت زینب کبریۜ‌ در فراق مادر هایاندا قوش تک ایلدون سن آشیانه آی ننه محالیدور یولون دوشه بو دودمانه آی ننه بابام که رحلت ایلدی ائوونده امنه یئتمدون قوناقلیقا نه گلشنه نه باغه سیره گئتمدون بو ایکی آی یاریمدا سن گولوب تبسم ائتمدون گوروم تبسم ائتمه سین لب زمانه آی ننه نه سرو گورمیوب فلک او قامت وزین کیمی نه رحمسیز بشر گلر او قنفذ لعین کیمی چوخ ائوده تای توشون سنون گزور هله گلین کیمی مزاره قنفذ ایلدی سنی روانه آی ننه وئرنده غسلووی آتام ائدنده جسمیوه کفن ایلیکه گِیدی خلعتین او ضربه لر گورن بدن نظاره ایلدیم ئوزوم بویووا دقتیله من کفنده هئچ یاراشمیور تزه جوانه آی ننه یتیم اوشاقلارون آنا نه سختیمی زمانه سی سنه بو زینب ایلسون گلایه یوخ بهانه سی بو رسم روزگاردور قوشون یاناندا لانه سی اوچوب او لانه دن گئدر بیر آیری یانه آی ننه هایاندا عندلیبدن گول اوسته خوش ترانه وار او یرده اووچی وار و یا زمینه سی خزانه وار هر ائوده شورِ حق وار صفای عاشقانه وار فلک تئز آیریلیق اوخون قویار کمانه آی ننه یتیشدی جانی بیر خطر بو غملی خانوادیه دچار اولوب بویوک کیچیک بلای فوق العادیه ائدردی غبطه ماخلق آتامدا کی ارادیه همین اراده صاحبی دویوبدی جانه آی ننه بو غملی منزله آتام نمازدن گلن زمان قاپودا مکث ایدور بیر آز ائدور نظاره ناگران گورور نه غملی منظره بیزه دئمور او باغری قان یقین یارالی سینه دن قالوب نشانه آی ننه وجود خرمنی یانور چکنده آه برقی وار یم غم و مصیبتون مگر بیر ایله غرقی وار اوشاقلاروندا آغلیور آتامدا لیک فرقی وار بیز آغلوروق علاقه دن او عاشقانه آی ننه کانال جامع شعر مذهبی ترکی و فارسی روا دگولدی بو ائوی صدای الامان دوتا هوایه توستی قوزانا فضاسینی دومان دوتا یتیم اوشاقلارون سنون عزای جاودان دوتا یانان قاپون اولوب بیزه بویوک بهانه آی ننه قرا گونه قالان قیزون شرار غمده اودلانور کیچیکده اولسا زینبون مطالبی گوزل قانور محلّ دفن محسنه گوزوم دوشور ئورک یانور نه غملی آستانه دور بو آستانه آی ننه هر عورت اولسا حامله گرکدی چوخ چالشماسون مواظب اولسون حملینه آغیر شیئه یاپشماسون نجه بو دردووه سنون ئورک یانوب آلیشماسون بالوندا زیر ضربه ده بویاندی قانه آی ننه بلا پیمبر عترتین همیشه پا بپا گزر وفالی آشناسینی نجیکه آشنا گزر جنینی سقط اولان خانم طبیبیله دوا گزر نه ضرب سیلی ایستیور نه تازیانه آی ننه باشا چخوب عزیز گونوم قرا گونوم قالوب دالا قاباق که گونلرون گرک ئورکده نقشه سی قالا بویومی اوخشیوب منیم دییردون آی گوزل بالا بو تللره بو ساچلارا ووراندا شانه آی ننه سولار چمنده غنچه لر دچار اولان زمان بادا ائوون که گئتدی لذّتی آغیز مگر گلر دادا نه سو دوشور خیالیمه نه بیر غذا دوشور یادا آناسی صید اولان قوشا نه آب و دانه آی ننه نباته چکسون آرزو گوروم مدینه داغلاری بیتورمه سون شقایق و نه لاله غملی باغلاری غروب وقتی ائولرون یانان زمان چراغلاری منیمده قلبیمون اودی چکر زبانه آی ننه انــور

درد دل حضرت زهرا سلام الله با حضرت امیرالمومنین علیه السلام در سبک خداحافظ ای آنان باجی و سبک سن آغلوسان من دوزنمورم به قلم کربلایی صابرثمودی 🏴🏴🏴 خداحافظ جان عمواوغلی جان ایلمه بئله افغان.فاطمه سنه قربان سنی گوزیاشلی گورنمورم اولما سن بئله گریان. فاطمه سنه قربان سن آغلوسان من دوزنمورم (2) آغلاما علی جانم آغلاما علی جانم 🏴🏴🏴 عمواوغلی حسرتله باخورسان گوز یاشون اولور جاری ایسلادور او رخساری الیم قاخمور گوزیاشون سیلم عفو ائله بو بیماری .اینجیدوب پرستاری منه حقون گل حلال ایله لطف ائله سنی تاری. شاد ائله منی باری کی سنده دی جودیلن کرم عالمه اولان سلطان فاطمه سنه قربان 🏴🏴🏴 اوزون اگهسن عمو اوغلی جان ظلم ائدوب منه ثانی آغلادوبدی طاهانی لگد ووردی ظالم و بی دین چیخدی محسنین جانی گورمدی بو دنیانی یانان قاپی ایله آچیلدی نیلدی او مسماری سینمون آخوب قانی یخلدیم من آستانیمده سینه می آپاردی قان.فاطمه سنه قربان 🏴🏴🏴 امامتین آسمانینه بیر مه منورسن.آسمانه زیورسن وصی پیغمبر خدا شیعیانه رهبرسن فاطمیه دلبرسن مریض عشقوندی فاطمه عالمه برابرسن هم جمالی انورسن طبیبم سن سن عمواوغلی جان دردیمه ائله درمان فاطمه سنه قربان 🏴🏴🏴 عمو اوغلی گل باشیم اوستونده ائت تلاوت قرآن تا وئریم من آسان جان سسون قربانی اولا زهرا ای منه عزیز جان.لحنیوه اوزوم قربان گوزون یاشین سینمه چکوم.بلکه بند اولا بو قان فاطمه تاپا درمان چکور زهرا سون نفسلری ای اولان منه جانان فاطمه سنه قربان ✨اَللّهُمَّ عَجِّل لِوَلیِّکَ الفَرَج✨💫

نفستون بیمه حضرت فاطمه الزهرا علیهاالسلام 😭😭 التماس دعا ب

زبانحال حضرت زهرا(س)وگریز به قتلگاه سیدالشهدا(ع) (سبک : عمواوغلی چوخ گل سارالار) سینه     یارالی    گیدورم     يا علی    حلال   ایله حسینیمی     ترک     ایدورم    یا علی  حلال   ایله بو  ائوده   دوقوز  ائیل  علی خدمتینده  من اولدوم جهاندا  زهرا  سنه   فدا  گول  مثالی  تئز صولدوم سنی کمکسیز قویوب گدوب نیلیوم جوان ئولدوم اگر  چه     دردون    بیلورم   یا علی   حلال    ایله سنی   زهرا    آغلاما   علی دردیوی  اوزوم    بیللم قولوم   قاخسا گوز یاشووی  فاطمه  جانی  سیللم ندور  چارم   قاخمور   الیم   یاره لی   علی   ئوللم دانیش   مندن  چون   ئولورم   يا علی حلال   ایله سنون  غمون   چوخدی  علی فاطمه  سنه  قربان بابام  رسوله   اولورام   بوندان   بیله  من  مهمان یوزومده  سیلی   یئرینی گورسه  نه دیوم جانان؟ سوزی   آچیق  چوخ  دیمورم  یا علی   حلال  ایله قاپوم کیمی  یاندیروب  منی جور و ظلمیلن   امت منیم گئجه   قبریمی  قازوب  قبریمی علی گیزلت سینم تک قلبیم سینوبدی چون ائستمم بوله ملت ئولومه   حسرت    چکورم    یا  علی   حلال   ایله بودوغری سوزدی عم اوغلی جان قیز آناسینا چکر منیم   قیزیم   غملره   دوزر هر غم اولسا تاب ایلر ولی  آناسی  جوان   ئولر    باغرينی   کباب    ایلر بیر    اللی   زلفین   هورورم   یا  علی   حلال   ایله حسینیمه   هر گئجه  یاری سو  ویره  دینن  زینب سو ایچمک عادتدی  اونا سو  ایچه  بالام هرشب اگر  چه سو  اوسته  صولار  یاسی  هاشمی اطیب او   صحنه سین  من گوررم   یا علی   حلال   ایله توخوموشام کوینک   اوغلوما  کربلاده   تا گیسین ویرر   او  چولده  باجیسی  اگنینه  گیوب گیتسون منیم  وریمدن  بوغازینی زینبیم  ئوپوپ  گیتسین او  حاله   گوز   یاش   الورم   یا علی   حلال   ایله او چولده  بیر یل اسه جک  فی المثل خزان فصلی آت   اوسته   قولسوز  دولانار سائله  اولان فضلی یخیلاندا   تپراقا   گرگ   درک    ایدم   ابوالفضلی سنی   اوندا      گوزلیورم    یا  علی   حلال     ایله او   چولده    قانه     بویانار      یاوریله     انصاری سو    اوسته    قدی کیچیلر   اوغلومون  علمداری او   چولده   گل   باهم  اولاخ  اوغلومون  هواداری ولی   ایندی   من   گئدورم    يا  علی  حلال   ایله حسینه  حمله   ائدر  قشون  اوغولونی گورللر تک توخودوقوم  غارته  گیدر الده کی   همین  کوینک چوخور یره من گیدوم اووقت سنده زینبه باش چک اگر  چه   زحمت    ویرورم    یا  علی   حلال   ایله غرض  دولانوبدی  نچه  ائیل  اولدی  روز عاشورا دوشوب  حسین اول چوخور  یئره سسلیوبدی یاجدا گلوبدی   داده   او  چوله   باشدا   قاره سی   زهرا دیوب     بقیعدن    گلورم    یا  علی    حلال   ایله گوروبدی شمر  ایستیوری اوغلونون کسه  باشین دیوبدی کسمه ویر  امان توکسون آانا گوز یاشین بو  قدری  قانه   بیلمه   اوغلومون  گوزن  قاشین یتیش    هرایه     ئولورم     یا  علی   حلال    ایله سنی   حسین     ایله     نظر  (( متقیه ))    یا   زهرا غم   و  دردی   چوخدی   خانم   ورد  ذکری کربلا بو   نوحه نی قسمت  اولسا  گر آغلیار اوخور اوردا سینه     یارالی    گیدورم     يا علی    حلال   ایله ** محمد متقی تبریزی ✨اَللّهُمَّ عَجِّل لِوَلیِّکَ الفَرَج✨💫

سبک نوحه فوق☝️☝️ بانوای استاد محمدی بزرگوار جان خانم زهرا یانان اورکلر قربان😭😭😭😭😭

❤زبانحال حضرت زینب (س)❤ در سوگ مادر با آهنگ (ای گل نازمن) آچ گوزون آی ننه بیرده دون باخ منه دیله گَل بیردانیش جان فدادور سنه ئوز قیزون زینبم بِله یاتما اویان داخی گولمز یوزوم نَنم ئولسه جوان ننه یا فاطمه باخ منیم حالیمه زلفیمه شانه وُر چَک اَلون باشیمه نجه بو ناگران گوزووی باغلیوم یرووی بوش گوروم گجه لر آغلیوم گئتمه گئتمه دایان باغریمی ائتمه قان گنه منله دانیش دردووی ائت بیان باخ پریشان ائووَه بیزی ترک ائتمه سن گجه نون عالمی سفره گئتمه سن باغلاما گوزلرون تک قالور همسرون بیر قوشیدون ولی سیندی بال و پَرون هِچ یاراشمور ننه گیونورسن کفن ئوز ائووندن بِله آیریلورسان نَدن ای عزالی گئدن هانی سن تک ئولن سنه یاس باشلیوب بو حسین و حسن گجه لر قوزانار ننه سیزلر سسی بیز غَریبوک ننه آتامون یوخ کسی حاجی نادر بابایی ✨اَللّهُمَّ عَجِّل لِوَلیِّکَ الفَرَج✨💫

سبک نوحه فوق☝️☝️ بانوای استاد گرانقدر مداح اهلبیت ع کربلایی موسی محمدی 😭😭😭😭 حنجرتون بیمه خانم زهرا س التماس دعا🙏

️ حضرت زهرا سلام الله علیها گلوب ایّام حزن و غم ورولمیش هر یاندا علم عزا باشلاندی زهرای اطهره الیمده ایلور شرح حال قلم پر سوز و با ملال یازور روضه نور چشمِ حیدره ای عالمی دردی یاندیران دلشکسته باغریقان اولان عمری تیز خزان وجودی جهانه بیر دلیل عرش رحمته جمیل اولان حشره ای کفیل مدد مولاتی فاطمه    یا زهرا (۲) بار —------------------ دوشوب ناخوش افسرده حال اولوب آمالی پایمال ایاقدان سالدی غملر وجودینی قیلاردی بیر اللی نماز نه زحمتلن با سوز و ساز قیامین ایلردی هم قعودینی چوخ عشقی واریدی حیدره او امیر و سروره او شه مظفره عیان اولوب عشقی بر ملا بلایه دیوب بلی غمه اولدی ابتلا مدد مولاتی فاطمه    یا زهرا (۲) بار —------------------ اولوب گر چه قبری نهان اورکده حبی جاودان اولا جان قربان بانوی محشره عزاداران گرم حضور یاناللار با شور نشور قراپوش اولوب عالم بو مادره لواسینه کیم دخیل اولار یقین حاجتین آلار باشی عرشه قوزانار گوزل آدی خیره النسا بودی زینت کسا بودی مام ماسوا مدد مولاتی فاطمه     یا زهرا (۲) بار #حضرت_زهرا ✍️ حاج علی زلفی تبریزی سبک ⬇️⬇

❣﷽❣ 🎆 #سینه_زنی_حضرت_زهرا_س 🎆 #زمزمه_حضرت_زهرا_س 🎆 #ترکی 🎆 #سبک یخیلدی سقا یره زینبون قربان سنه باغریم اولدی قان ننه صبحه کیمی سسلرم جان یارالی جان ننه گون باتار آی چیخار دیزلریم قوجاخلارام شمع تک اود دوتوب یانه یانه آغلارام گورسم سینوب ساقه دن گُل چمنده آغلارام سینمیش گُلون حالینه یِل اَسنده آغلارام مسماریده قانووی هر گورنده آغلارام ساللام سنی یادیمه جان وئرنده آغلارام اولمادی قارداشون دردیوه شریک اولا قیزلارون نیمه شب سالدیلار سنی یولا زینب دئمه تک قالوب ماتموندی یولداشیم قویماز سولا گُل لرون چشمه چشمه گوز یاشیم گَل هارداسان آی ننه شانه سیز قالوب باشیم گرچه چکر نازیمی نازدانه قارداشیم بسترون بوش قالوب آی جوان ئولن ننه کوینگین سائله طوی گونی وئرن ننه وئردی بابام غسلووی باخدی باخدی آغلادی سیلی یرین گورجگین گوزلرینی باغلادی غیرتیندن تیترَدی عالمینی داغلادی سسلندی آی یاسمن! کیم سنی ایاخلادی قلبیمی یاندیران قبرووه گوزوم فدا کاسه سی داشلانان صبرووه ئوزوم فدا (#غفاری_اردبیلی) ┈••✾•🌿🌺🌿•✾••┈

❣﷽❣ ⚜ #سینه_زنی_حضرت_زهرا_س ⚫️ #زمزمه_حضرت_زهرا_س ⚫️ #شور ⚜ #سبک به سمت گودال از با پَر خونینت... پر زدی از خونهَ م ببین پریشونم... فاطمه اِی جونم چشماتو بستی و ... بی تاب و حیرونم مضطر و گریونم... فاطمه ای جونم عروس نه ساله... شبا زدی ناله پر از گل لاله... بسترتِه زهرا رو صورتت جایِ ...سیلی سنگینه کسی که غمگینه... دخترته زهرا بازویِ یاریِ ...علی شده زخمی تو کوچه یِ غمها... به تو نشد رحمی پهلویِ خونیِ...تنت شده روضه با دیدن چادر... حسن چه می لرزه قرار ما گودال... غروب عاشورا وقتی می مونه تن... زیر سُـمِ اَسباٰ قرار ما گودال... وقتی که با خنجر بی حیا می کوبه... ضربه ها پشتِ سر قرار ما گودال... پیش تن عریان صَـلُّوا علیکَ یا...ذبیحُ نِ العطشان قرار ما گودال... غروب غارتها زینبت میشه... خیلی جسارتها به سمت گودال از ...خیمه دویدم من شمر جلوتر بود... دیر رسیدم من 🌹هدیه به حضرت معصومه سلام الله علیها (صلوات)🌹 ┈••✾•🌿🌺🌿•✾••┈

روضه حضرت زهرا ابـری لر کیمـی  دولـدی مرتضا –  فاطمه اویان اماندی گل کیمی نه گور سولدی مرتضا –  فاطمه اویان اماندی بی کس و غریب اولـدی مرتضا –  فاطمه اویان اماندی عموغلـون آدیوه قربان اماندی گتمه زهرا جان سن سیز آغلارام سینه داغلارام –  فاطمه اویان اماندی دیزلریمی سن سیز قو جاخلارام –  فاطمه اویان اماندی زینبـون کیمـی قـاره  باغلارام –  فاطمه اویان اماندی بی کس و غریب اولـدی مرتضا –  فاطمه اویان عموغلـون آدیوه قربان اماندی گتمه زهرا جان سـن سیـز بـالالار غمنـن سارالار –  فاطمه اویان اماندی خوش گونللری چون سن سیز قارالار –  فاطمه اویان اماندی غـم سینـه لـرین اوخ تک  یـارالار –  فاطمه اویان اماندی بی کس و غریب اولـدی مرتضا –  فاطمه اویان عموغلـون آدیوه قربان

در مقام مادر،و گریز به حضرت فاطمه سلام الله علیها قویدون منی بو ائوده ملر، آغلارام نه‌نه گئتدین مزاره دلده شرر، آغلارام نه‌نه نسگللرین دوشر یادیما قلبیم اودلانار اللر ئور‌کده شام و سحر، آغلارام نه‌نه یاد ائیلر‌م سنیله کئچن گونلری مدام هاردان او گونلریم قییدر آغلارم نه‌نه سسلردیم هر زماندا نه‌نه، سس گلردی جان خوش گونلریم کی یاده دوشر آغلارام نه‌نه دردین دییر آناسینا قیز دوشسه مشکله نیلر آناسی اولماسا گر آغلارام نه‌نه قارداش آتا باجی هامیسی، کیمسه‌دیر ولی واردیر آنادا آیری ثمر آغلارام نه‌نه ائوده آتا، آنا یئری وئرمز، یقیندی بو هر گولده وار بیر عطرِ دِگَر، آغلارام نه‌نه گون دؤنسه آی دولانسا گلر بایرام آخشامی بایراملیق الده گؤرسم اگر، آغلارام نه‌نه قارداش دا گئتمسه باجی دیدارینه اگر دیلدن مگر آناسی دؤز‌ر، آغلارام نه‌نه هر کس گؤروب آنا داغینی یاخشی درک ائد‌ر قلبیم ند‌ن غمونده اسر آغلارام نه‌نه قلبیم دولان زماندا هی سسلر‌م سنی گلمز منه جوابِ دِگَر، آغلارام نه‌نه اما بو آغلاماق غمِ دیگر سالیر یادا دیل یاندیرار او غملی خبر، آغلارام نه‌نه آغلار او غمده زینب و کلثوم، حسین حسن آغلار او غمده چوخ نه‌نه‌لر، آغلارام نه‌نه زینب دییردی ای آتامین یاوری آنا ائتدین ند‌ن بو نوعی سفر، آغلارام نه‌نه هانسی آنا سنین کیمی گؤز یاشلی باغریقان گؤزد‌ن آتار بالانی مگر، آغلارام نه‌نه زینب هارا آنا بو قدر درد و غم هارا؟ هانسی ئور‌ک بو درده دؤز‌ر، آغلارام نه‌نه آخشام اولان زمان چراغی ائولرین یانار قلبیم دوباره غصّه ‌لَنَر، آغلارام نه‌نه ☑️ختم وترحیم خوانی👆👆👆👆

‍ #ایام_فاطمیه زبانحال حضرت علی علیه السلام به سبک اصغریم ای شیرین زبانیم ای منیم یار با وقاریم دینمون اوسته جانثاریم قالدی بو گوزلریم دالینجا آچ گوز ای یاره لی نگاریم داغلارام سینه می فراقینده سنین آغلارام ایندی بوش اتاقینده سنین علی تنها. سنه آغلار غمون دیلده. عزا ساخلار باخ منه گور نه حاله قالدیم آغلادیم من غمینده یاندیم کوچه ده ایتدیلر جسارت آز زماندا. بله قوجالدیم آتما گوزدن عم اوغلوی سن یارالی یوخلاما آچ گوزون مدینه مارالی علی تنها. سنه آغلار غمون دیلده. عزا ساخلار ای ائویمین صفاسی زهرا قویما سن بو علینی تنها قلبیمه ویردیلار جراحت ای گل. گلعزار طاها یاندرار سینمی ئورک داغلاماقین گیجه لر صبحه تک یواش آغلاماقین علی تنها. سنه آغلار غمون دیلده. عزا ساخلار بیلمدیم کوچه ماجراسین قوی گوروم صورتین یاراسین هیچ دیوب دینمیور حسنده زینبین گورموسن نواسین کیم ووروب صورتیوه سیلی یارالی گول جمالون ائدوبدی نیلی یارالی علی تنها. سنه آغلار غمون دیلده. عزا ساخلار گلمیشم ایندی من فغانه قویدی آغلار منی زمانه دست کینه ائدوب جسارت اشگیم اولدی یوزه روانه صر صر ظلمیله صولار یاسمنین قان اولار گوزلرینده اشگی حسنین علی تنها. سنه آغلار غمون دیلده. عزا ساخلار گول کیمی صولدی باغ طاها زینب آغلور غمینده زهرا دیلده قالمور داخی قراریم قویما سن مرتضانی تنها آغلارام قبره نیمه شب گیتمه گیوه سینه وین یاره سین نهان ایتمه گیوه علی تنها. سنه آغلار غمون دیلده. عزا ساخلار حیدرین گویلون آل دانیشدیر آز منیم قلبیمی آلشدیر آچ گوزون بیر علینی دیندیر بو گوسن گویلومی باریشدیر مرتضی باشین اوسته آغلور یارالی سینه سین غملرینده داغلور یارالی علی تنها. سنه آغلار غمون دیلده. عزا ساخلار ظلم ائدوب ثانی ستمگر دیللری یاندروبدی یکسر ووردی سیلی قباله اوسته آغلادوب عالمی سراسر حشره تک یاندرار بوغم شیعه لر ی «مهدی» یاز شانینه گوره نوحه علی تنها. سنه آغلار غمون دیلده. عزا ساخلار شاعر مهدی ملکی زنجانی بانوان کربلایی منوچهرحسن زاده #سلیم_نظرآباد_منوچهر_حسن زاده التماس د ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب در فراق حضرت زهرا گوزوم غمونده دونوب بارش بهاره آنا که آختارور گوره بلکه سنی دوباره آنا گوزوم غمونده دونوب بارش بهاره آنا که آختارور گوره بلکه سنی دوباره آنا دوشوبدی کشتی گوگلوم بلالی طوفانه چکن تاپولموری گردابیدن کناره آنا دیردیلر آناسیزلیق چتیندی، بُلمزدیم دوشوبدی زینبون ایمدی همان شراره آنا دولانورام، دولانان یرلرون گوروب یانورام یوزیمی دوندریرم حیّ کردگاره آنا اورک دوام ایلمور بوش گورم یرون آناجان آخور سرشک غمیم دیده دن عذاره آنا حسینیوه باخورام قلبیدن اَلولانوام دوشنده گوزلریم اول دیده ی خماره آنا ایله دولوبدی گوزل گوزلری، سولوب رنگی سالوبدی زینبیوی درد بی شماره آنا دوشوب او بلبل شوریده نطقیدن یکسر داخی دانیشمیری منله او ماه پاره آنا جهانه چوخ آناسیزلر گَلوب گیدوب، گیده جاق ولی منیم کیمی گَلمز بو روزگاره آنا جهاندا هانسی آنا دردینی دیمز قیزینا سالوبدی روحیمه بو نسگلون شراره آنا اورکده غصّه لرون ساقلیقوندا گیزلینیدی ولیک ایمدی چخوب دردون آشکاره آنا سینن ندن یارالیدی منه نیه دیمدون ووروب بو قلبیمه چوخ یاره لر او یاره آنا دیدون اوشاقدی یقین بُلمه ماخلیلقی خوشدور؟ که زینبیم ایده بُلمز بو درده چاره آنا؟ یاراوا مرهم ایدردیم آنا بو گوزیاشیمی قیزون گورردون ایدر چاره زخمداره آنا دوشنده یاده یخلماقلیقون کباب اولورام ایدردون حسرتیله زینبه نظاره آنا او باخماقونلا دیردون آنام باجیم زینب آنان اُلور باجی گَل چک منی کناره آنا منیم قولومدا توان اولمادی گذشت ایله که دوشمه میشدی قیزون بیله گیر و داره آنا مزارون ایتگین اگر اولماسِیدی قیرخوندا اولاردی فرصت اقلّاً بو شرمساره آنا گَلوب ایله دوشنردیم او تربت پاکه دوشَردی شال عزا زینب اول مزاره آنا حسینیوین یاپوشاردوم الیندن آهسته او بلبلی گَتیرردیم او شاخساره آنا بو نازدانه وی مین نازیله اوتورداردیم ایدردیم آهو باخشلی گوزه نظاره آنا باخشلاریندا گورِیدیم سنون باخشلاریوی آخاردی خون دلیم دیده دن عذاره آنا یانقلی دللریله بیر دویونجا اوخشاردیم که بلبلی گَتیرردیم چمنده زاره آنا هزار حیف گرک اربعینون ایوده دوتام بیله یازوبدی یازان زینب فکاره آنا یغام بالالاریوی باشیمه اوزوم اوخیم او نوحه لر که ایدر قلبی پاره پاره آنا بو ایوده آغلاماقیندا بیر آیری مشکلی وار دوشور امام مبین درد بی شماره آنا بیز آغلینده دولور گوزلری، اَلولانورام دوشنده گوزلریم اول چشم اشکباره آنا بو باره دن ولی بیر ذرّه ناگران دگلم که زینبون چاتار آخِر او انتظاره آنا بو شیعه لردن ایله آغلیانلارون گله جاق یانار او آغلاماقا ماهیله ستاره آنا یانقلی دللریله اوخشیوب سیزیلدالّار اولار تسلّی دل قلب بی قراره آنا زبان حالیمی زرّین قلم یانقلی یازار بو شرطیلن که اوزوزدن اولار اشاره آنا ☑️

╭─┅─═ঊঈ💘ঊঈ═─┅─╮   🌹اَلّلهُمَّـ؏عَجِّل‌لِوَلیِّڪَ الفرج هرچتین  دردین  دواسی  حضرت  زهراده دی گرمریض اولسان شفاسی حضرت زهراده دی .......................................... باخ جلال  وشانینه   دوقوز آدا   دارادی  بو نوری الله نوریدی  هر کیمسدن والادی بو مصطفی نون مرتضی نون علمینه دارادی بو یعنی پیغمبر عطاسی    حضرت  زهراده دی *************************** آسمان  عصمته    برج   حیا    دور فاطمه تابع   امر  ولی  دور    با وفا   دور فاطمه زوجه   پاک   علی   المرتضی   دور فاطمه مرتضی نینده   صفاسی حضرت زهراده دی ************************ ببخشش و جود سخا بودرگه والاده دی دردالینن  عاشق  زهرا  اگر  آواره دی نااعلاجون دردینه زهرا آدین  دی چاره دی هرچتین دردین چاراسی حضرت زهراده دی گر محب   فاطمه  یانسا   آلوشسا   دردیلن صفحه رخصارینه  دردی یازولسا  اشگیلن با  جلالت  دامنینن    گر یاپوشسا  صدقیلن مطمئن بولسون دعاسی حضرت زهراده دی ******************* فاطمه  کل  بو دنیایه   وروب  درس وفا ایلیوبدور  مستحقه  درگیهین  باب  سخا اوز عروسی  کوینگونده  سائله  ایلیوب  عطا عالمون لطف وسخاسی  حضرت  زهراده دی ****************** ذکر یا  زهرا  دیسن  مشکلرون  آسان  اولار گوزلرون یاشی گوزنده چشمه تک جوشان اولار صدقیلن دلدن چاغورسان دردیوه درمان اولار چونکی هر دردون دواسی حضرت  زهراده دی ************************

درد دل امیر المومنین علیه السلام با زهرای مرضیه سلام الله علیها (میگذرد کاروان) (به صورت سوال و جواب) بانوای حاج علیرضاداداش نژاد میاندوآب اجرادردستگاه : همایون کوشه شوشتری ⚫️🛑⚫️🛑⚫️🛑⚫️🛑 فاطمه من حیدرم//گورنجه دیده تَرم شهریده بی یاورم//گیتمه بیله فاطمه س باخ پوزولان گلشنه//تزدی بو ئولماق سنه رحم ایله زهرا منه // گیتمه بیله فاطمه س اُلفَت رَختین سویما فاطمه حیدری تک قویما فاطمه عم اوغلووام زهرا ⚫️🛑⚫️🛑⚫️🛑⚫️🛑 ای ایویمون کوثری // ظلموله سینمیش پَری آتما بیله حیدری  // گیتمه بیله فاطمه س دوشدی مَحاقه قَمر // اینجیموسن پُشتِ دَر یوردی سنی سیلی لر // گیتمه بیله فاطمه س سالدی اَیاقدان ثانی سنی یاندیردی یخیلماقون منی عم اوغلووام زهرا ⚫️🛑⚫️🛑⚫️🛑⚫️🛑 گیتمه بالالار سولار // قلبیلری قان اولار زلفونی زینب یولار // گیتمه بیله فاطمه س اینجیموسن غصّه دن //درد و غمِ کوچه دن آز قالور ئولسون حَسن // گیتمه بیله فاطمه س درده دوشدون غم  کوچه دن مندن اوز دوتدون زهرا ندن؟ عم اوغلووام زهرا ⚫️🛑⚫️🛑⚫️🛑⚫️🛑 ای منه نورِ دوعین // دیلده واریم شور و شین گورنه سولوبدی حسین// گیتمه بیله فاطمه س حقلیدی قان آغلاسا// قلبی یارا باغلاسا سینه سینی داغلاسا // گیتمه بیله فاطمه س آغوشه آل بیر ساکت ایله بلکه رنج و غمدن دینجَله عم اوغلووام زهرا ⚫️🛑⚫️🛑⚫️🛑⚫️🛑 باخ بو رُخ زَردیمه // یا نَفَسِ سَردیمه کیم باخاجاق دردیمه// گیتمه بیله فاطمه س دردی کیمه من دییم// هانسی غمه آغلییم آغلامیوم نیلییم  // گیتمه بیله فاطمه س ((بیکَسم )) قلبیمی غم سیخار حیدری

ترکی آغلامادا با نوای حاج مهدی رسولی آغلاما دا، ای منی آغلادان آغلاما دا منه گلسین قادان آغلاما دا گتملی بیر قوناقی یول دا ساخلاما ، آغلاما هی اوتوروب دیزلریوی قوجاخلاما، آغلاما عم اوغلو جان ائتمه منیم باغریمی قان ، آغلاما اوشاخلارین باخیر بیزه چوخ اوجادان آغلاما آغلاما دا ای منی آغلادان آغلاما دا منه گلسین قادان آغلاما دا آغلاما دا، ای منی آغلادان آغلاما دا منه گلسین قادان آغلاما دا آغلاما دا، ای منی آغلادان آغلاما دا منه گلسین قادان آغلاما دا آغلاما دا، ای منی آغلادان آغلاما دا منه گلسین قادان آغلاما دا گتملی بیر قوناقی یول دا ساخلاما ، آغلاما هی اوتوروب دیزلریوی قوجاخلاما، آغلاما هی دیمه گتمه فاطمه، علی! قالا بیلمورم گتماقا راضی دویورم ولی قالا بیلمورم قصد الدیم ساکت اولام ائوده قالام ، حیف اولا چوخ ایستدیم من سنی اللردن آلام ، حیف اولا مغیره بیر ایش گوروب الدن گدنی بوشلادیم قوللاریما غمچی ویراندا من سنی بوشلادیم قوللاریما غمچی ویراندا من سنی بوشلادیم آغلاما دا ای منی آغلادان آغلاما دا منه گلسین قادان آغلاما دا آغلاما دا، ای منی آغلادان آغلاما دا منه گلسین قادان آغلاما دا آغلاما دا، ای منی آغلادان آغلاما دا منه گلسین قادان آغلاما

#بشنوید نماهنگ سوزناک ویژه مداحی های حضرت زهرا (س) ؛ 🎙با نوای:#حاج_مهدی_رسولی ( آغلامادا 🥀...) #فاطمیه ❣: سبک وشعر

متن شعر: الهی نَنَم نن اوزولدی الیم بو هجران غمینن نجه دینجلیم اورک دولدی یا رب یتیم اولدی زینب آخار گوز یاشیم توکر اشک حسرت دیر وا مصیبت حسین قارداشیم مدینه بو غمده سیه پوش اولور الهی وفا شمعی خاموش اولور نَنَم محسنیلن هم آغوش اولور باتوب ماه عصمت معین ولایت آخار گوز یاشیم ننه سیزلرین قلبی سوزان اولور اذان وقتی حالی پریشان اولور... r> ننم گلمسه بو اورک قان اولور قالیب جانمازی منه سوز وسازی آخور گوز یاشی حسین سسلینده دوراردی ننم باشی اوسته خیمه قوراردی ننم اُو رخساره بوسه وُراردی ننم دیردی گلوم یات آنووی آز آغلات آخار گوز یاشیم