‍ #روضه_قتلگاه دیوب بیر اوخدا قلبیمدن فقط عشقوندی درمانی نه جنت ایستیرم سندن نه بیر جرعه سو میلیم وار فقط سن بول علی اکبر وبیرده زینبین جانی باغشلا یوم محشرده عزاداریله زواری والا شرمسار اولام اولاردان وقت بهرانی خدایا بویوردون روز ازلدن گرک عاشق وحید اولسون ایکی عشقی اورکده بسلسه کیم واردی نقصانی اورکدن اکبرین عشقین چخادیم طبق فرمانون دیدیم اکبرده قوی اولسون بودینون تشنه قربانی نییم وارویرمیشم الدن فقط بیر باشدی پیکرده دیدی یارب بوحسیندور سورونور عشقونده لاله تک قرمزی قانه بورونور عشقونده بودا قلبیمدی کورکدن گورونور عشقونده باشمین نییم وار ورمیشم الدن فقط بیر باشدی پیکرده بحول لله حضورینده یتیردیم باشه پیمانی منیدیم گچدیم عباسین گوزوندن ئوزگه گچمزدی باتاندا ماه رخشانیم ایشقلاندردی قرآنی چخادیم هر نیی یادان ئوزون شاهد وناظرسن فقط بیر مطلبیم واردی باغشلا اولسا امکانی حبیبیم عف ایله نیلیم رقیم چخمیور یادان سنین امیدیوه قالدی ربابین غملی جیرانی بیر قیزیم وار سارالان گلشنیمه گل سایاقی یالواروردی منی ایله بابا جان سوقوناقی خیمه دن من چخانی سوجامین الیندن آتدی بوینونی چینینه قویدی منی چوخ آغلاتدی (اونا باخاندا ننم یادیما دوشوردی) توکولموشدی اوشاق عورت یاخام الرده قالمشدی اوصحنه یاندرار آتش کیمی قلب هر انسانی (حسین نیه آغلورسان،دیدی خدایا اله کی خیمه لردن آیرلیردیم اوبالاجا بالا مندن ال چکمیردی اله یاپشمیشدی بابا هاچان سنی گوره جیم دیدیم قیزیم گلم شامه گلم خرابیه رقیه دن ده آیرلدیم سوار اولدوم مرکبه) لجامی بوشلادیم گوردوم ولی یول گتمییر مرکب ایلدیم باخدیم اطرافه بولم راز معمانی یولوم اوستونده باخوب گوردوم غملی رباب آغلور (باخاندا گوردوم بودفعه علی اصغر ننه سیدی) یولوم اوستونده باخوبگوردوم غملی رباب آغلور گمانیم وار فراتی آغلادیردی چشم گریانی یره دوشدوم رضایه حقه خاطر مرکب اوستوندن دیدیم بسدی بوقدری آغلاما یاندرما دنیانی (رباب، رقیه گلسیدی تعجب المزدیم اما سن بووضعیده گلیب دوشنیبسن یره منی تعجب گوتوروب) دیدی صبر ایله آقاجان منیمده عرض حالیم وار حیادن آچمادیم زینب حضورینده بوجریانی (آقا خانم زینبین یانندا مقید اولدوم بولورسن من اونون یانندا اوتانیرام دانشا بولمورم، رباب خیر اولا سوزون دیگیلن دیدی آقا اوزاخدا دایانوب باخوردوم ) باجین فکر ایلدیم شاید چخا صبر وقراریندن (من اوزاخدان فکریم سیز باجی قارداشدیدی گوردوم زینب بی تابی الیر) طبابت ایلدون صد مرحبا ای روح رحمانی (گوردوم که دست امامتین گویدون باجون اورگینین باشنا) شفا بخش اولدی سر پنجون اونا صبر ایستدون حقدن کانه یاغدی پنجوندن کویره صبر بارانی منیمده مشکلوم واردی قاپوندان قوما مولاجان سنه الله جزای خیر ویرسون ای کرم کانی گئجه سوویرسه دشمن صود گلر سینه ام دولارصودن ئوزون بیر باخ منه ای عشقیمین غیرتلی سلطانی سنونده مشکلون اولسا گوروم الله ئوزی آچسون سنی زهرا منیمده سینمه ال قوی صودوم قاچسون (اله کی حسین شهادته چاتدی الله ملک الموتی یولادی گیت حسینی قوتار عزرائیل باخدی باخدی دیدی الله من بونون هاراسنان جانن آلیم؟) هی دقت ایلیرم بونا صاف یر تاپانمرام اعضاسی گل کیمی داغلوب گلزاریدن آنی یارا،بوغازی یارا،سینه سی یارا مشکولدی جان آلام بئله بیر زخمداریدن من جان آلانمارام آخی ننه سی جان دیور بونا آلدی اجازه حضرت پروردگاریدن (عزرائیلده گیتدی، آقا اله بوحالدا) قویدی زینب باجسین شیعه لری ایتدی دعا مرحبا شیعه لره گور نجه رهبر تاپدی #سبک نوحه بانوای حاج علیرضا اسفندیاری اردبیلی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

روضه راه شام تازیانه ویریلیب زجر ستمکار الینه شامه جه وردی اوظالم دینه نی دینمیه نی دولادی قمچیسینه اصغره لای لای دینی زجری گورجک ایاقا دوردی سلام ایلمگه (سلامن جوابی واجبدی، سلامن جوابنا باخ) زجر سیلیسی دینده اوانیس محنه (بیر دفعه باخدی اویان بویانا) دیدی الله عموم عباسی یتور فوری منه بیوک ال دیسه دوشر گورنه حالا خرداجا قیز (یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی) منی ئولدورمه ردیف اسرادن چخلام بیر کسیم یوخدی پناهینده اقلا سخلام یرتیکانلخدی ویرورسان بئله ورما یخلام نجه عرب که اونون قلبی سخدیدی داشدان غذاسی مارو ملخ بادیه نشین زاده ایاق یالین قاچا عادت ایدیبدی چولرده گچیریب عمرونی وحشیلریله بیداده اوقدری هرزه گیاهی یالین الیله قازب زغال سنگه دونوب ال ایاقی صحراده او الریله ورا رقیه نی گور نیلر گلور هوا باشما یاحسین یتیش داده قیز یامان گونده هرایه چاغرار ئوز ننه سین (گوردولر اوبالاجا بالا الین قویدی یوزونه، یوزون دولاندردی بقیعه طرف،) گل ننه یاندی یوزوم قالدی یاخام الرده سن دوشن درده دوچار اولدی بالان چولرده اوخی بو عرضه می ای سیده پاک تبار سنیلن عرصه محنتده منیم فرقیم وار (نیه بالا؟سنینده یوزوه سیلی وروبلار منیمده) ورولانان صورا سن منزلیوه گلدین آنا خیمه لریاندی ایویم یوخدی گدیم من هایانا نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قاباراولان ایاقلارا ادبله سالک وفا رقیه دامنین دوتار رفیق زجر دیور قالمادی توان منده آلاندا قمچی سینی زجرکین شعار الینه هواده قمچینی دوتدوم اوقیز اورکلندی (دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور) ویردی جواب یاخجی مروتلی شخص سن اما بویرده منطقیوین اشتباهی وار نامحرمیله بیرآتا مینمز حسین قیزی عمم دیوب بو بیر عملین چوخ گناهی وار (دیدیم بالاجا بالا یول اوزوندی سنده ایاق یالن نینیه جکسن) دیدی بوتیکانلق آراسنان ئوزومه یول آچارام سیز سورون آتلارزی منده پیاده قاچارام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

🌸🍃🌾🌼 🍃🌺🍂 🌿🍂 💐 زبانحال حضرت امام حسین علیه اسلام بر بالین حضرت ابوالفضل علیه اسلام . . حاج اصغر فرشچی ( عدلی تبریزی ) سبک : سن آغلوسان من دوزنمورم.... دور ای ویرن کوی عشقیده عالی امتحان قارداش دوروب باشون اوسته قدی خم شاه انس وجان قارداش . دورمشگوی بیرده آل اَله گوزون آچ اویان قارداش سوسوزقیزلارآز قالور ئوله منی تک قویان قارداش . . شراب وصلیله مست اولان کوی عشق قربانی گوزیوی آچ منله بیر دانش ای اولان وفا کانی سیلنموسن قوی اوزوم سیلیم گوزده کی آخان قانی بوسینوی اوخلارا عدو ایلیوب نشان قارداش . . دورای منیم اهل بیتومون باشینه سالان سایه حسینیله عشقیده اولان بو زماندا همپایه بوقان نه قاندوردوتوب یوزون بنزیین یوزی آیه قوجاقلاشاق یوخدی قوللارون آه والامان قارداش . . دور ای مواساتیده اولان اسوۀ جهان عباس ایکی قولون یوخدی باش یاراچشمی خونفشان عباس گلوبدی بو غمده نالیه ایندی قدسیان عباس مدینه ده بولسه آغلاسا حقی وارآنان قارداش . . گلنده یول اوسته گورموشم قوللارون دوشوب قارداش نه حاله قالدیم خدا بولور آخدی صورته قانیاش دیلیمده قارداش دیه دیه گلموشم بورا بیرباش جری اولوب شامیان گوروب سنده یوخ توان قارداش . . سن ای بنی هاشمون آیی ابرخونیده باتما کمک سیزام من اوغولسوزام قارداشون بیله آتما حرملریم گوزلوری یولون قان ایچینده خوش یاتما یارالارون قان ویرورنجه یاتموسان اویان قارداش . . ویروبلاراوخ مشکه سوآخوب سنده یوخدی سوعباس دیمه خجل اصغروندنم ای فرشته خو عباس دورحمل ایدوم خیمه وه سنی سیرتی نکوعباس سینوب بلیم بولمسین عدو خاصه کوفیان قارداش . . بو چولده سندنصورا منیم یوخدی بیرهوا داریم فدای جانان اولوبدولار یاوران غم خواریم قالورفقط سود امر بالام بیرده عابد زاریم بیری مریضدوربیری سوسوز باغریم اولدی قان قارداش . . اگرچه یوخ بو سپاهیده ذرّه آبرو عباس ها رایلا دِ قومِ کافره اِن قطعتمو عباس سن اولماسان تنگ ایدرمنه عرصه نی عدوعباس بو نحویلن قلبومون سوزون ایلورم بیان قارداش . . دورای علی دست پروری شیر صولتیم عباس دورانموسان باری آچ گوزون سرو قامتیم عباس منیم علی اکبریم اولوب چوخدی مِحنتیم عباس گیدن ره عاشقان حق اکبره چاتان قاردا ش . . یازی یازانلارکتاب ایدر شرح غمده حالاتون گجه نمازین اداسینی نصف شب مناجاتون الینده سو ایچمیوب ایدن قارداشا مواساتون بونیسگیلون اود سالورمنیم جانیمه اینان قارداش . . سن«عدلی»ای ذاکرحسین فارغ اول علایقدن اورزق مقسومه قانع اول راضی دوش او رازقدن دِ دردون عباس شاهده چک الون خلایقدن منیم دیلیمده دینه اونا اسمی جاویدان قارداش 🍃 🌾🌼 🍃🌾🌼 🌸🍃🌾🌼

محمد کاظم عبدالهی ☝️☝️☝️☝️

روضه حضرت علی اصغر(ع) سوزومده شرح مصیبت گلاب تک دورودی خانم ایچنمدی سو دوشلرینده صوت گورودی غبار محنت واندوه دامنین بلدی بوصبحه جک دیدی جان اصغریم اودا ملدی (اوگجه علی اصغرین لای لای چالانی چوخ اولدی اما بالا یاتا بولمدی ) رباب خیمه سی یارب غریبه عالمیدی صوت امر آجلقا دوزمز بوسوز مسلمدی اورک باشیندا آنا جان دیردی اصغرینه اودم بدم ال آتاردی رباب دوشلرینه (بالا هی دیرناخلیر آنانین سینه سین بئله خیال ایدور ننه بالانی گوزوندن آتوب ) گهی آخاردی گوزی تیتریردی گه چنه سی کوله دونردی سو تاپمازدی بینوا ننه سی اورکلر آینه سی مونسیدی غم داشنا هامی گلوب دولاناردی او دلسیزین باشینا کبوتر حرمه وای دین رقییدی بشیک یانندا دا لای لای دین رقییدی (اله یانایانا لای لای چالور قارداشیم آغلاما علی آغلاما) دیردی یوخدی یوخی گوزلرینده حقون وار سو دردی اوت جالیوب لبلرینده حقون وار گوزوی یوم یورولوبسان بیرآزدا یوخلا علی بوقدری ایلمه شیون بیزیده یوخلا علی فلک باخاندا دیر لحظه لحظه آخ ننمه علاجی چوخ کسیلوب بیر دویونجا باخ ننمه سنون غمون ننمین سینه سین یارور هله ده باخور گلیب گدنه چاره آختارور هله ده گوزون تیکیب سنه اما امیدی بیر ائله دی دیور آز آغلا اوغول سرنوشتیمیز بئله دی دیردی الریمی سینه ده داراخلامشام بالا بش آلتی گوندی نه بیر دینجلیب نه بیر یوخلامشام فلکه غصه لریمدن اورکده سای دیمیشم اوقاره گوزلرین اوغلوم #رضه_حضرت_علی_اصغر_ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

#اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰--- مداح صادق انتظاری

طشت گذاری و جریان علامه بحر العلوم وقبر حضرت ابالفضل 🏴🏴🏴🏴🏴🏴🏴🏴🏴🏴🏴 گلدی ایام عزا شیعه اولوب آماده قاره پرچم آچاجاق دهریده هر آزاده سالاجاق علقمه نی طشت گذاری یاده هر حسینچی قره کوینگ گیه جک مولایه گینه ده عالم حسین وای دیه جک مولایه ماجرائی دیورم آغلیا تا چشم عموم نجه گور آغلاشاجاق گر ائشیده ماه ونجوم روضه خوان شیخ فقیهان زمان ،بحر العلوم نقل اولوب بو آقادان روضه مفتوح زیاد مجتهددی اوزیده سید با علم و سواد اهل هئیت قولاق آس بوسوزه ای نودوعین اولونوب بو جریان ثبت معالی السبطین بیر کتابیدی یازوب حال امور حسنین عصر قاجاریه ده واقع اولوبدور جریان اولدی عباس آقامون گوشه قبری ویران قبرسقای حرم ایلدی احوالی خراب ائشیدوبدی بوسوزی قالمادی علامه ده تاب دئدی تعمیر مزار ایلسه کیم واردی ثواب وئردیلر بوخبری شهریده بیر معماره تا گله عرض ادب ایلیه اول درباره گلدی معماریله علامه دم سردابه ایکی اللی الدی عرض ادب اربابه باخدی معمار گوزی قبر میان آبه چوخ تعجب الیوب رخصت آلوب آقادن قطره ایستیردی سوال ایلیه تا دریادن وئر اجازه دئدی ای سید ومولای منه وار سوالیم آقا جان گرچه که زحمتدی سنه بی ادبلیک ایله سم عفو ایله سن پنج تنه من ائشیدمیشدیم ابالفضل آقامون قدیندن ارث آپارموشدی اوزون قامتینی جدیندن وئر جواب ایندی منه حضرت یارو همراه قبرینی گوردوم الان سینه ده چکدیم چوخ آه اوجا قدیله نیه اولدی بو قبری کوتاه ناگهان بحر العلوم قویدی باشین دیواره آغلیا آغلیا پاسخ دئدی اول معماره پاسخون من وئررم قانه اورک باغلیارام بو جوابیله آچیخ سینمی من داغلیارام بوکیچیک قبرینه بوردا اوجادان آغلیارام آقام عباس اوزی آب آوریدی عاشورا مشک آبینده ولی سو یوخیدی واویلا خیمه ده زمزمه العطش عمو واریدی دور عباس رشید بیر سوری آهو واریدی هم رباب همده علی اصغر خوشرو واریدی قول سو وئردی جانین سو یولونا بذل ائلدی تشنه قیزلار دا اودم یاد ابالفضل ائلدی خجل ایتدی آقامی مشک وسبو ای معمار ایندی اما دولانور دورینه سو ای معمار او اوزون قوللارینی کسدی عدو ای معمار نهر علقمده گوزل گوزلرینه اوخ دگدی دای حسینون بوخبر قامت وقدین اگدی باغلادی قوم دغا ساقی عطشان یولونی کسدی ظلمیله عدو خنجریلن ساق سولونی تاپدی قارداشی حسین یولدا کسیلمیش قولونی سسلدی علقمده هاردا منیم قومیم ائلیم بی کسم قارداش ابالفضل منه باخ سیندی بئلیم شعر:حجت مرتضایی، کیان

#اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

متن نوحه ای منیم آرخام الیم ای مــنیم آرخـام ائلیم صاحب عنوان قارداش آچ گوزون غصه لی جانیم سنه قربان قارداش غم گونی ای منیم الدن دوتانیم غمخواریم آدی دللــرده قـــالان نــابغه پرچمداریم دورگیدک خـــیمیه گوزلور یولوی قزلاریم غارته گلسه قوشون یوخدی نگهبان قارداش ای سوسوز نهره گیدوب تشنه چخان دریادن ایلدون عـالمی حـیران بــو گوزل سِودادن عشقیوین خلعتتینی آلدون آنام زهرادن بیچدی اوخلار سنه بیر جامۀالوان قارداش #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

#حسین(ع) نوحه ورود کاروان امام حسین به کربلا به سبک شبانگاهان 🌷آواز دشتی🌷 حسین گلدی کربلایه قوناق----گوزلریندن ایراق یا رسول الله2 ئولوب عطشان فاطمه بالاسی -----دوشدی ائلدن اوزاق یارسول الله محرمده قان گلر جوشه----دوشر یاده قبر شش گوشه یارسول الله2 ✳️✳️✳️ حسینون قربان اولوم ادینا بیزلره بو آدی مادر ئورگتدی ولادتده جبرئیل امین گاهواره سینی گلدی ترپتدی ولی بیلمم کربلاده نیه سینه سین بوغازین---شمره گورستدی معاذالله اللهین قانینی توکدی اهل عراق یارسول الله 2 ✳️✳️✳️ سلام اولسون قانلی لبلره کی ایستیدن قورودی سو کنارینده دیه لر سو مهر فاطمه دی قالدی اجنبیلر اختیاریند حسینون بیر صود امر بالاسین تشنه اوخلادیلار---قان دیارینده یارالی قوش تک بلکده بالا چالدی هی ال ایاق یارسول الله2 ✳️✳️✳️ محرمده قاره پرچم اسر سینه ده قیزیشار---شیعه لر قانی دولان گوزلر کربلایه باخار قطره قطره آخار هی جگر قانی همین آیدا قاره یل اسیلوب گویلره سپیلوب---صود امر قانی حسین آغلوردی او حاله ولی گولدی دیلسیز اوشاق یا رسول الله2 محرمده سینه لر آچیلار غملی سینه زنان دلکباب آغلار سپهر عشقین ستاره سینه آی گیر قاره آفتاب آغلار او گوندن مین دورت یوز ایلدی گئچوب ایندیده بئله بیلم رباب آغلار دیردی اوغلوم گئدنده سووا ترپنوردی دوداق ---یا رسول الله 2 ✳️✳️✳️ غرض عاشورا گونی قوتاروب غارت اولدی حرم---خیمه لر یاندی قرا گییدی دشت کرب وبلا اولدی شام عزا---نوحه باشلاندی یانان دیللر بیر یانان چادرا جمع اولوبدی هامی ---سینه سوزاندی بالا قیزلار قورخا قورخا یاتوب قالدی زینب اویاق---یارسول الله2 ✳️✳️✳️ نگهبانیدی همان چادرا مرتضی قیزی تا---گلمیه دشمن گلدی سسلدی ای---آغلیان کیمسن اودلخسته یانه یانه دئدی چوخدی دردیم اوغولسوز ربابم من قرانلوخدا آختاریر دی گولون دلده داغ فراق یا رسول الله2 ✳️✳️✳️ دیه بیلم اصغرین آناسی صبحه تک او گئجه---ماتمه باتدی دیه بیلم هی دئدی بالاوای قان ایچینده اباالفضلی آغلاتدی سو ایچمیشدی صود فراهمیدی سسلنوردی بالام قان ایچوب یاتدی چتیندی املیک قوزی وئره جان لیک آنا قالا ساق---یا رسول الله2

نوحه حسین گلدی کربلایه قوناق سید صادق موسوی کرکوکی ترکمان🖤🖤

نوحه حسین گلدی کربلایه قوناق با نوای سید محمد عاملی🖤🖤

استمداد حضرت ابالفضل (ع) . کریمی مراغه ای . گل خسته جانیم مقدمون قربانی قارداش دریا یانیندا یخدیلار سقانی قارداش . . لشگر توکولدی اوستومه ساق وصولومدان رد اولمادی بیر ثانیه دشمن یولومدان ظلمیله محروم ایتدیلر بیر جوت قولومدان قاف اوسته پرسیزقویدولار عنقانی قارداش . . یاننام سنون احوالیوه چوخ چوخ اوزومدن بیرده خیامه گلماقا گلمز یوزومدن بیر اوخ ویروب قاتلریم بو ساق گوزومدن گل چک گوزومدن زهریلی پیکانی قارداش . . بیر حالده یدیم سیدی آتدان دو شنده نه گوزده طاقت گورماقا نه قول بدنده الده عمو د آهنین نوفل گلنده آغلاتدی حالیم سنگدل عدوانی قارداش . . لطفین آنام زهرا یتوردی انتهایه آلدی قوجاقه جسمیمی باخ بیر وفایه آهسته قویدی نعشیمی دشت بلایه گل باشیم اوسته گور آنام زهرانی قارداش . . دنیاده نسگیل اولماسین ام البنینه زهرا آلوب عباسنون باشین دیزینه گه آغلار عباسه آنام گاهی حسینه گاهی سیلر شهلا گوزومدن قانی قارداش . . اولدی هجوم آور هامی بیر پیکر اوسته اوخلار اوخ اوستن دگدی خنجر خجر اوسته اون یدی خنجر یوز قویوب بیر حنجراوسته یوخ باشیم اوستن طرد ایدن اعدانی قارداش . . گر چه ویروبلارجسمیمه سانسیز جراحت چوخ راحتم حاشا ایدم بیر آن شکایت اما آلوب آراممی طعن و شماتت دل یاره سی دلدن سالارانسانی قارداش . . گل باشیمی اللردن آل ای شاه عطشان بیرده گوروم رخساریوی راحت ویرم جان لشگر قباقونده منی کسسونله قربان سنده قبول ایت بو سوسوز قربانی قارداش . . من دین یولوندا دویمارام جنگ و جدلدن چون وقفدور دینه منیم جانیم ازلدن نیلیوم کومک یوخدور صدا گلمز تک الدن

نوحه حضرت رقیه (ع) در سبک <الهی یانمیوم نجه > ◇◇◇◇◇◇◇◇◇◇◇◇◇◇◇◇◇◇◇ خرابه آی ائوی اولان _قلبی غمیلن آی دولان گورن طبقده قانلی باش_باباسینی گوروب سولان منی آغلادور بو یاناقلارون تیکانا باتان بو ایاقلارون بالام لایلای. بالام لایلای۲بار یانار ببیون بو حالیوه _نجه باخیم جمالیوه قاچاندا خیمه دن قزیم _تیکان باتوب ایاقیوه منم آی بالا اوجالان بیبون غم و غصدن قوجالان بیبون بالام لابلای.بالام.لایلای۲بار قیزیم نه گلدی ده سنه _ جوابی وئرموسن منه گورنده چوخ زمان یوزون .دئیردیم آی جوان ننه سنی خیردا فاطمه سسلرم آدیوی  بوسینمه  بسلرم بالام لایلای بالام لایلای۲بار نیه قزیم دا دینموسن _ منه باخوب دا گولموسن اولونجه آغلارام گلوم _ خرابه ده آج اولموسن بوفراقه چوخ یانورام بالا سنی آللها تاپشورورام بالا بالام لایلای بالام لایلای التماس دعا کربلایی ابوالفضل صفری ممان

👇👇👇👇👇👇👇

ای حسین نوکری بوشلامـا سنگری اگنووه گی قاره یاپوش قانلی علمدن یاده سال تشنه لب اوخلانان اصغری ایستـه دوا درديـوه سقّـای حرمـدن ای- الی قنداقینه باغلـی بالا لبّیک ای- بالاسی قانینه غلطان آقا لبّیک آنامیز ئورگدیب بیـزه پروانـهلیک شمع وفایه گئجه گوندوز ویراروق پَر بودی مستانهلیک بودی مردانهلیک آديـوه قربـان اولا جانیـم علی اصغر ای- بوغـازی پارچالانان صـود امـر آهو ای- سودان ئوتری گئجه گوندوز مَلَر آهو شـه گلگـون قبــا گتیـروب اصغری ویردی نشان لشکره ئوز اللری اوسته دیدی یاخشی باخون قـوریوب لبلری سینمـون اوستـه ملیور شهپری بسته کیم- بالامـا سـو ویـره جبران ایلرم من سو- اونا محشر گونی احسان ایلرم من ادامه👇👇👇👇👇

سو ویرن اولمادی او سوسوز ماهیه دگدی سه پراوخ بالانون بیچدی بوغازین نه روا اوچ پَراوخ دگـه ششمـاهیه گورمیـه بیچـاره دویونوجـاق ننـه نازین ای- ننه سین درده سالان باب الحوائج ای- آدی هـر یـرده اولان دیللره رایج سوزولوب اوجونا علــی اصغـر قانـی یاخـدی اَوَل صـورت زیباسینـه مولا بوغازین ئوپمَسم دیدی چیخماز جانی حیف اولا یوخـدی گله امدادیمه سقّا ای- قولی تندن کسیلن هاردا قالوبسان ای- سو کنارینده ئولن هاردا قالوبسان بالامـون پیکـری بویانــوب قانینــه قان توکولـور تپراقا پیکان یاراسیندان آند اولا اصغرین یــارالـی جانینــه فاطمـه عطـری گلور الان یاراسیندان ای- منـی آواره قویـان تشنـه کبوتر من- اولارام جانيوه قربان علی اصغر #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

نوحه حضرت رقیه (ع) در سبک <الهی یانمیوم نجه > ◇◇◇◇◇◇◇◇◇◇◇◇◇◇◇◇◇◇◇ خرابه آی ائوی اولان _قلبی غمیلن آی دولان گورن طبقده قانلی باش_باباسینی گوروب سولان منی آغلادور بو یاناقلارون تیکانا باتان بو ایاقلارون بالام لایلای. بالام لایلای۲بار یانار ببیون بو حالیوه _نجه باخیم جمالیوه قاچاندا خیمه دن قزیم _تیکان باتوب ایاقیوه منم آی بالا اوجالان بیبون غم و غصدن قوجالان بیبون بالام لابلای.بالام.لایلای۲بار قیزیم نه گلدی ده سنه _ جوابی وئرموسن منه گورنده چوخ زمان یوزون .دئیردیم آی جوان ننه سنی خیردا فاطمه سسلرم آدیوی  بوسینمه  بسلرم بالام لایلای بالام لایلای۲بار نیه قزیم دا دینموسن _ منه باخوب دا گولموسن اولونجه آغلارام گلوم _ خرابه ده آج اولموسن بوفراقه چوخ یانورام بالا سنی آللها تاپشورورام بالا بالام لایلای بالام لایلای التماس دعا کربلایی ابوالفضل صفری ممان

#ورود_به_ماه_محرم بَخشِ دوّم عَبّاسِ نامدار عَلمدارِ کَربَلا آچمُوش اِمام باشِینُون اوُستَه لِوا گَلَور سقّادِی تَشنَه قِیزلارا سَقّالِیق اِیتماقا مَشکین سالُوبدِی چِیگنِینَه دِلدَه صَفا گَلُور بیر شِیرخوارَه غُنچَه لَبی غُنچَه گُل کِیمی گُول سِینَه سِی اِیدُوب اوُزینَه بیر آنا گلُور هَردَم دُولان دِیرُور بالا آهُو باخِیش گُوزیین جُوشَه آنا دِلیندَه کِی مِهر و وَفا گَلُور اِیگلُور اُپُور، او غُنچَه گُولَه لای لای دِیُور لای لای دِیندَه داغ داش اوُنا هَم صَدا گَلُور اَصغَر دِیُولّر آدینا اَکبَردِی شاُنیدَه نازِیلَه بی نِیازینَه اوُلسُون فَدا گَلَور شِش ماهَه لِیقدا اِیستُورِی سُوددَن آچِیل ماقِین دِلدَه او شُوق باشدا او شُور و هَوا گَلُور اوُخ دایَه سِی گُوزَتلُورِی سُودّن اوُنی آچا تاپسُون او دایَه نِی او گُول اوُزلی بالا گَلُور سَجّادِ عابِدِین کِه اوُلُوبدُور مَریضِ عِشق آلسُون شَفا اوُزِینَه او رُوحِ شَفا گَلُور بازارِ شامِی سِیر اِیدَه قُولّاردا سِلسِلَه زِینِ اِلعبادَ سِلسِلِهء اوُصیا گَلُور دِین دَردِی واردِی، نُسخِهء دَرمان اَلیندَه دُور بازارِ شامِیدَن آلا قَطعِی دَوا گَلَور شامِ جَفایَه تاپمادِی یُول مُرتضی علی شامَه نِیابتاً گِیدَه اوُل مُقتَدا گَلُور مدّاحِ مُرتضادَی گِیدَه شامِیدَه دِیه سُفیان یانَه مُنقَبَتِ مُرتَضی، گلُور زِِینَبدَه آیرِیلانماز عَیان دُور حُسینِیدَن بیر رُوح اِیکی بَدَندَه او اَخت و اَخا گلُور چُون یاخِشی یاره باغلاماقِین مَشقِین اِیلیُوب کُوی بَلادَه باغلاماقا چُوخ یارا گلُور نازِلی رُقیّه عَمّه سِینُون دامَنِین دُوتُوب اوُلسُون اوُز عَمّه سّیلَه اَسِیرِ بَلا گلُور بیر شُورِشِ قِیامَتِی وار شَهرِ شامِیدَه کَربُ و بَلاسی بُو خَبرَه مُبتَدا گلُور اوُدلار جَهانی خُوردا اوُشاق وا اَبا دِیسَه کَرب و بَلا چُولِیندَه دِیَه وا اَبا گلُور وِِیرانَه دَه یاتا اوُیادا یاتمُوش عالَمی وار دُور آیِیق او قَلبِیدَه بُو مُدّعا گلُور فَریاد او وَقتیدَن که گُورُوب زِینَبِ حَزِین مِیدانی دَن یارالی اِمامِ هُدی گلُور گُل پِیکَرِی دُولُوبدِی سَراسَر یارائیلَه هَر بیر نَفس چَکُور یارالاردان دِما گلُور باشِی یارالِیدُور آتاسِی مُرتَضی کِیمِی آنّیندا داش یاراسی دِلَه مُصطفی گلُور عَرض اِیتدِی گل باشُون یاراسِین باغلیِوم حُسین مَن تَک یاراوِی باغلاماقا کِیم سَزا گلُور سَن تَک بَلالی قارداش اوُلار نَه جَهانیدَه مَن تَک نَه بیر باجِی اوُلا صاحِب وَفا گلُور اِدامِه دارَد #زنده_یاد_تائب_تبریزی_رحمة_الله_علیه

#ورود_به_ماه_محرم بخش سوّم آلدِی خَبَر حُسین گلُوسَن بیردَه خِیمِیَه اِیتدِی اِشارَه باشِیلَه مَعناسِی لا گَلُور یَعنی آنام باجِی مَنِیم اوُلماز قِیتماقِیم اَمن اوُلسا آشیانِینَه مُرغِ قَطا گَلُور گِیتدِیم، گُوزُیوِی تِیکَمَه یُولا،یُول گُوزتلَمَه هِیهات بیردَه خِیمِیَه بُو مُبتلا گَلُور بُوردا گُورَنمَه سَن گُورَه سَن شَهرِ کُوفَه دَه باشِیم اوُلوبدِی زِینَتِ نُوکِ جِدا گَلُور زِینَب دِیدِی حُسین آنامِین وار سِفارِشِی اِیتسَن قَبُول قَلبِیمَه بی حَد صَفا گَلُور سُویلُوب اُپَم بُوغازِیوِی آخَر وِداعیدَه اُپسَم اَله رِضایَتِ خِیرُ النِّسا گلُور وِیردِی جَواب قِیل آنامِین اَمرِینَه عَمَل زَهرا رِضایَتی لَه رِضای خُدا گَلُور اُپدی اِجازَه سِیلَه حُسینِین بُوغازِینی بُوردا ظُهُورَه مَنظَرَهء غَم فَزا گَلُور بو صَحنِیَه باخُوردِی رُقیّه کَنارِیدَن گُوردِی بُو آیریلِیق گُوزَه پُر ماجَرا گَلُور بو حالتِیلَه کِه باباسِی آیرُیلُوب گِیدِر بیردَه چَتین خِیامَه شَهِ کَربَلا گَلُور گلدِی بَلالی عَمّه سِینُون دُوتدِی دامَنِین گُفتارَه عَمّه سِیلَه او نازلِی بالا گَلُور عَرض اِیتدی اُپدُون عَمّه بابامِین بُوغازِینی چُوخ پُر مَلال خاطِرَه بُو ماجَرا گَلُور سالدُون او حالِیلَه کِه بابامِی بِی بِی یُولا بُولدُوم مَحال بیردَه امامِ هُدی گَلُور مَعلُوم اوُلان کِه بیردَه قِیّتمَز مَنِیم بابام اوُندا بَلالی باشِی مِیزَه نَه بَلا گَلُور باش سِیز قالان عَیالینَه کِیم عَمّه باش چَکر کِیم لَر حِمایَت اِیتماقا اوُندان صُورا گلُور کِیم دَردیمَه یِتر، گُوزُیمُون یاشینی سِیلَر دَرمانِ دَرد اِیتماقا اَلدَه دَوا گلُور رَافتلَه کِیم چَکر مَنی آغُوشَه جان کِیمِی کِیم بُو شِکَستَه گُوگُلونی آلماق لِیقا گلُور اَلدَن گِیدُور وَفالی بابام، کِیم بابام کِیمی سایَه بَلالِی باشیمُون اوُستَه سالا گلُور کِیم نازِیمی چَکر، کِیمَه ناز اِیلرَم بُویُور کِیم غَم گُونُوندَه حالِیمَه دِلدَن یانا گلُور زِینَب بُویُوردِی مَن چَکرَم نازِیوِی اوُزُوم مَندَن نِیازِ ناز اوُلا سَندَن سَزا گلُور سَن ناز اِیلَه مَندَه سَنُون نازِیوِی چَکُوم ناز اِیتسَه نازدانَه نَه قدَری بِجا گَلُور بیکس بابان گِیدندَه سَنی تاپ شِیرُوب مَنَه عِیناً عَمل وَصِیّتینَه جا به جا گلُور سَندَن بیر آن گُل اوُزلی قِیزِیم گُوز گُوتورمَرَم مِنّتدی جانَه هَر نَه یُولوندا بَلا گلُور قارداش بالاسِین عَمّه لَر عالمدَه چُوخ سُوَیر بو عَرضِ حالِیمَه بِی بِیلَر آشنا گلُور مَن تَک وَفالی عَمّه اوُلار نَه جَهانیدَه سَن تَک نَه بیر وَفالی صَفالی بالا گلُور مَن تَک نَه دِل وِیرن اوُلی قارداش بالاسِینَه سَن تَک نَه عالَمَه دِل آلان دِلرُبا گلُور بِیلَه اوُزون اِیتُورمَه هَلَه عَمّن اُلمِیُوب غَم لَر سَنی تاپاندا بِیبُون غَم زُدا گلور زَهرا باخِیشلی گُوزلَرُون آز دُولدُورُوب بُوشات سَن آغلیندَه نایِ دِلیمدَن نَوا گلُور اِی مَه جَبِین سَنی گُوزُوم اوُستُوندَه ساخلارام سَنلَن اِیشیق بُو گُوزلَرِیمَه مَه لَقا گلُور گِیتمَه گُوزُومدَن آهُوی چِین و خَتای عِشق گُوز تِیرینَه نِشان اِیدَه اَهلِ خَطا گلُور سَندَه بَلالی سان بالا مَندَه بَلالیم سَندَن مَنه صَفا، مَنه سَندَن وَفا گلُور کَرب و بَلا بَلاسی یِتَر باشَه، باشِیوَه شاماتِیدَه وَقایِعِ وِیران سَرا گلُور #تائب تَدارِکَ اِیلَه مُحَرّم عَزاسِینی آمادَه اوُل عَزایَه کِه ماهِ عَزا گلُور #تائب بُو دِل لَری سَنه دِل صاحِبی وِیرُوب عِلّت او دُور سُوزُون قَلمَه چُوخ رَسا گلُور آغلار حُسینَه صِدقِیلَه دُنیادَه آغلاسان مَحشَر گُونی شَفاعَتِیُوَه مُصطفی گلُور اِلتِماس دُعای فَرَج #زنده_یاد_تائب_تبریزی_رحمة_الله_علیه

خبردار ای عزاداران حسینین یاسی باشلاندی اولونسون عالمه اعلان حسینین یاسی باشلاندی آلور بازاریدن گوردوم کی بعضی شخصیلر قاره خبر آلدیم نه اوضاعدور آچوبلار نطق گفتاره مگر گورمورسن اطفالی دوشوبلر کوچه بازاره دیوللر با دل سوزان حسینون یاسی باشلاندی دیدی ای شاعر نالان ندن بیلدون بو پیغامی اونا عرض ایتدیم ای مومن بو سوزلر اولدی الهامی اولور چون #نهم #ذی_الحج کی یعنی #بایرام_آخشامی سحر کی کسدیلر #قربان حسینون یاسی باشلاندی او گوندن کی حسین اولموش قتیل لشگر اعدا همان گوندن الی محشر گرک اولسون عزا برپا هامی یر کربلا دشتی هامی گون یوم عاشورا کفایتدور بو بیر برهان حسینون یاسی باشلاندی اگر فکر عالمیلن ایلسن سن گوگلره معراجا گوررسن حضرت روح الامین باشدان گوتورموش تاج بلند آوازیلن سویلر الا ای فرقۀ بهاج اولون غمگین بودور فرمان حسینین یاسی باشلاندی گئدیب بیر طفلد‌ن آلدیم خبر آیا، نه عالمدیر دئدی آلما خبر ای مرد محرمدیر، محرمدیر بیزیم گوز یاشیمیز آخر حسین زخمینه مرحمدیر اونون لطفی بیزه درمان حسینین یاسی باشلاندی گوزومد‌ن یاش اولور جاری، قلم آلدیم اله فی‌الحال یازام بیر شمّه بو حالی خیالیمدن گئچیب گودال همان گودالی آلمیشدی آرایه دستۀ اطفال هامیسی دیدسی گریان، حسینین یاسی باشلاندی آچیبدیر باشینی زینب او نعشین اوسته دلخسته نه حالدیدی دولاندیردی خلاصه آرخاسی اوسته باجیدیر قارداشین اوخشار ولی آهسته آهسته میان مقتل میدان، حسینین یاسی باشلاندی گوروب بیر اوچ یاشیندا قیز مصیبت باشیدن آشدی دئدی دردین باباسینه محبت قایناییب داشدی آتاسی قوللارین آچدی، بالا گلدی قوجاقلاشدی باخیر اطرافید‌ن عدوان، حسینین یاسی باشلاندی ✍مرحوم جبارمضطراردبیلی