سبک #شاه‌حسین‌گویان #شهادت_حضرت_رقیه #دهه_اول_محرم ------------------- ☑️ بند اول قانه باتان نگاریم ، خوش گلدین هاردیدین ای قراریم،داریخمیشدیم نار فراقیویله ، یولاردا صبح و مسا یانیب،آلیشمیشدیم زلفون نیه باتیبدی،کوله بابا هاردا بو حاله قالدین،اولیدیم کاش آنین نیه یارادی، ای جانیم ای وای منه بوباشه،ویریبلار داش نی تک نوالیم بابا باشی بلالیم بابا سنده یارالیسان بابا منده یارالیم بابا 🔰 ای منیم غریب بابام / ای منیم غریب بابام ☑️ بند دوم سندن سورا بلایه،دوزدوم من گئتدی جلال و جاهیم،یغمایه سنسیز قالاندا بابا،دیل دردین گاهی گونه دییردیم،گه آیه شامین یولدندا ناقه،منی یخدی قوخدوم قرانلیغیدی،تک قالدیم داده سنی چاغیردیم،ای بابا بیر سونمیین شراره،دیله سالدیم سینمی داغلادیم بابا گلمدین آغلادیم بابا قورخولی یئللر اسدیله گوزومی باغلادیم بابا 🔰 ای منیم غریب بابام / ای منیم غریب بابام ☑️ بند سوم کربوبلا چولونده، شام اهلی ظلمه بنا قویاندا،یاندیم من سویقونچولار توکولدی،اخیامه گوشواره می سویاندا،یاندیم من رنج و غم و بلادن،رخساریم قالدی بیر آیری حاله،اولوب نیلی بابا منیم ده بو گُل،عذاریمه زهرا آنام مثالی،دییب سیلی من ساربانی سویمورم شمر و سنانی سویمورم حرمله دن گلیلییم تیر و کمانی سویمورم 🔰 ای منیم غریب بابام / ای منیم غریب بابام ☑️ بند چهارم واردور یادیمدا بابا،عاشورا عمم گلیردی سمت،گوداله مخیمده آه و ناله،قاخمیشدی آغلیردی آل طاها،بو حاله بولمم نه گوردی عمم،مقتلده سینه غمینده هرگون،داغلاردی آغلاردی سو گورنده،یولاردا هاردا گورنده خنجر، آغلاردی قلبینده چوخ شراره وار دردینه سانما چاره وار باشیمه ال چکن زمان گوردوم الینده یاره وار 🔰 ای منیم غریب بابام / ای منیم غریب بابام -------------------

قوری یرده نقشه ی قامتون ایلیوب قیامت اوغول علی ایویمی یخوب بِئلیمی بوکوب بیله سروقامت اوغول علی قدرت الی جمالیوی حسن رسوله اوخشادوب عزوجل فروعیده عین اصوله اوخشادوب حیف اولا سینیوی ولی عمر بتوله اوخشادوب سینیده بیردی هیجده ساله آنا بالا اوغول بوقوشون شمادت ایدور منه باشون اوسته چوخ اوتورانمورام گولوشولر آغلیا بولمورم سویونوله من دایانامرام باشیم اوسته دشمنیم ال چالور هله من ایاقه دورانمورام   یتیشوبدی فرقیوه بیر یارا بوریوب جمالیوی تازه قان دیریلیقدان ال یوموشام علی باشیوا بو یاره دگن زمان منی اُلدوررر سنون اُلماقون نه لزومی اُلدوره کوفیان بو باشونداکی یاره مرگیمه چوخ ایدر کفایت اوغول علی   ایده لر شکاف بو سینمی که قدر که قلب اولا آشکار اورگیمده اوندا باخان گورر باشیوین یاراسینون عکسی وار گله باشه هر نه بلا یلی اونی ضبط ایدر دل داغدار اورگیمده دور بدنونده وار نه قدر جراحت اوغول علی   سسیوه خیمده ویرنده سس بولورم بو سرّی بولوب آنان صفحات دفتر عیشیدن آدینی به کلّی سیلوب آنان هله دور خیامه گیداخ گوراخ بو غمونده بلکه اُلوب آنان چون اوغول غمینده آنا چتین ایدر استقامت اوغول علی   دی گوروم یاتوبدی بو گوزلرون هله سیر عالم خواب ایدر گوزیوین یومولماقی یا اوغول من بینوایه جواب ایدر بیله که یامان گونه قالموشام منی بلکه اوزگه حساب ایدر گورورم گوز آچموسان ایلورم بو قدر سماجت اوغول علی     نه روادی من گونه اوخشادام یوزون ای جوان مَلَک سیر آزالار شعاع و ضیاسی چون گونه هر گوز ایلسه چوخ نظر ولی بو جماله باخاندا من گورورم ایشیقلانوری بصر گوزیمون ضیاسینی آرتیرور بیله بیر ملاحت اوغول علی   منی نیمه جان ایلیوب غمون بولوسن اوزونده بو نکته نی گوروسن که گلموری دیزلریم نجه خیمیه آپاروم سنی دور ایاقه دوت الیمی علی سن اوزون خیامه آپار منی قوجالیق زمانیدور ایله اوز آتاوا حمایت اوغول علی   عرصات حشریده یاحسین آتا اوغلینی ایتیرن زمان یوزی قاره منزویه مگر کیم او های و هوده ویرر جنان نولی شاهزاده ی اعظمه او زمان منی ویره سن نشان دیه سن او روسیه گیدوب قیل اوزون شفاعت اوغول علی نه بلیمده تاب قیام وار نه دیزیمده طاقت اوغول علی

حسینه ای یار مهربان، یاتما دور گیداخ قارداش آچـگوزلرون باغریم اولدی قان، یاتما دورگیداخ قارداش خیام و خرگاه عصمتدن ایندی تا سسون آلدیم گلیردیم امدادیوه چاتان یول بویول اوستن سالدیم گوردوم یولدا قولارون دوشوب بولدوم قارداشسیز قالدیم داخی دیزیم گلموری اینان یاتما دور گیداخ قارداش یولوی گوزلور باجیم زینب ایندی قارداش پیور آغلور یانایانا گلعذاریمه سیل اشکینی باغلور دورور یولا ناگران باخور قارداشیم دیور آغلور نه بی مروتدی اوخ آتان یاتما دور گیداخ قارداش دیمدیم نهری گیدوب خیمه لره دوندره سن یاکه بیر مشک سوا بیرگوز ایکی قول ویره سن اوخ آتان گر چوخودی مشکی آتیدون یره سن اولماسیدی سو اورک بیربیله چیرپینمازدی نه او قولار کسیلردی نه بیلیم سینمازدی

قورخولی بوصحراده یاتما دور اویان قارداش بیر کسیم داخی یوخدی باغریم اولدی قان قارداش دور گیداخ دور گیداخ قهرمان علمداریم ایسی قوملارون اوستی بو نه خواب راحتدی قان ایچی مگر قارداش جای استراحتدی دور گیداخ ئوزون بیر گور خیمده قیامتدی دور گیداخ دور گیداخ قهرمان علمداریم

یابن الحسن اورکلرین ذوق و صفاسی سنده دی مریض عشق اولانلارون جمله دواسی سنده دی نور خدای ازلی ای گوزلر گوزلی دردینی کیم سنه دیسه آقا دواسی سنده دی آقا یابن الزهرا سینه سی سینایه دیر قامتی طوبایه دیر یاریمیزین بیر نفسی عمر مسیحایه دیر آقا یابن الزهرا سینه سی سینایه دیر قامتی طوبایه دیر یاریمیزین بیر نفسی عمر مسیحایه دیر بوندا یداله الی وار مین ید بیضایه دیر قوزاسا غیرت علمیم عرش معلایه دیر فاطمه نین اوغلیدی بو بیر توکی دنیایه دیر آقا یابن الزهرا

#ماه‌محرم‌دی‌اورک‌غرق‌نوادی #یا‌ابوفاضل‌قمر‌بنی‌هاشم ------------------- ☑️ بند اول ماه محرم دی اورک غرق نوادی عالم سیه پوش اولدی ایام عزادی کوی و معابرده اسیر قاره علم لر نُقل محافل دی آقام عباسین آدی آدی زیبادی قدی رعنادی آقامیز عباس گل زهرادی ساقی دین ای مه جبین جانم اباالفضل ای زاده ی ام البنین جانم اباالفضل 🔰 یا ابوفاضل قمر بنی هاشم ☑️ بند دوم صاحب لوای کربلا مشکل گشادی دردین وار عباسه دنه باب سخادی سالماز یولا اوز درگهیندن دست خالی کیم دوتسا سقا دامنین حاجت روادی یل دریا دل قاپیوا سائل ایکی دنیادی یا ابوفاضل فرخنده فر قرص قمر جانم اباالفضل حیدر کیمی مرد خطر جانم اباالفضل 🔰 یا ابوفاضل قمر بنی هاشم ☑️ بند سوم اولموش ابوالفضلین آدی دیللرده رایج کسب ائیلییر سائل لری عالی نتایج هر دردمندین دردینه درمانی واردی مشکل ده قالسان سسله یا باب الحوائج وریری جولان وسط میدان بئله سردارین آدینا قوربان صاحب لوا ای با وفا جانم اباالفضل ذکر لب اهل عزا جانم اباالفضل 🔰 یا ابوفاضل قمر بنی هاشم ☑️ بند چهارم سالدی فرات اوسته آتین حیدر بالاسی لرزه سالیب دی پیکره کفره صداسی هل مبارز سسلدی شیری حسینین عرض‌ائتدی‌گلسین‌کیمده‌وارجنگ‌ادعاسی ددی سردارم و سپهدارم بولون ای لشکر من علمدارم شیر عرب مهد ادب جانم اباالفضل حیدر خصال عالی نسب جانم اباالفضل 🔰 یا ابوفاضل قمر بنی هاشم

گویلوم ایستور اصغره لای لای دیم قتلگه ده آغلیام ایوای دیم سائل نالایقم من یا حسین ئوز سوزومده باقیم من یا حسین هرنه اولسامدا عزادارم سنه کربلا مشتاقیم من یا حسین گویلوم ایستور اصغره لای لای دیم قتلگه ده آغلیام ایوای دیم عاشق عاشق اولسا دل عمان اولار گوز یاشی آخسا یوزه طوفان اولار بولمورم یارب نه حکمت وار مگر تل زینبده ئوکلر قان اولار گویلوم ایستور اصغره لای لای دیم قتلگه ده آغلیام ایوای دیم گلشن کرب و بلاده گل آچوب نالیه دل صحنیده بلبل آچوب ای صبا گیت دئه ربابه آغلاما سینیه سلطاندا اصغر دل آچوب گویلوم ایستور اصغره لای لای دیم قتلگه ده آغلیام ایوای دیم شور عشقی قلب و احساسیمده وار بحر غمده نچه الماسیمده وار گوزگوز اولسا دوز نظر سالسا گورر قان حناسی خیمه قاسیمده وار نه روادور سو چوله آخسون بیله یا رقیه آغلیوب ایوای دیه ایندیده گویا دیور عباس آقام نعشمی قارداش آپارما خیمیه گویلوم ایستور اصغره لای لای دیم قتلگه ده آغلیام ایوای دیم

حضرت ابوالفضل(ع) #شاخسی آرخام الیم آچ گوزون سیندی بئلیم آچ گوزون غم اوتونا گور نجه یاندی دلیم آچ گوزون گوزلریوه لخته قان پرده چکوب گورموسن غم یمه قوی گوزده کی قانی سیلیم آچ گوزون عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم یوخدی سوزوم عشقیدن مقصدیوه چاتموسان یاره لی قولسوز دوشوب قانه بئله باتمسان حالیمه دشمن گولور اهل جفا ال چالور دوره می دشمن آلوب سن نیه بس یاتموسان مشکیوی دور اله آل گیداخ قولارون بوینوما سال گیداخ عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم دیدیم ای علم اماندی بئله صاق صولا چوخ اسمه منی یخمینجا دشمن بو یخلماقا تلسمه هله سایه وی باشمنان کمگیم گلینجه کسمه حرمین گوزی علمده هامی ناگراندی قارداش الده سو جامی چکیب صف بالالار خیمه ده دور نجه گور غصه لی منظره وار خیمده ایندی رقیه دییر گلسه عموم خیمیه سو گتیرر قیزلارون گویلون آلار خیمده هی باخور قیزلاریم یولارا گوز تیکیب او اوزون قولارا عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم

مرحوم حاج رضا صراف تبریزی . هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما

اهنگ شهریاریمسان اقا نوحه حضرت ابوالفضل (ع) سنه الحق یاراشور    درده معالج اولاسان سنه الحق  یاراشور  باب الحوایج اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.   شرفلی  سردار  اولاسان فاطمه اوغلی حسین.  لشگرینه یار اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور     علقمه اوسته یاتاسان ایکی قول بیر گوزیوی دینوه هدیه ساتاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور  دشمنی آتدان سالاسان ماردین نیزه سینی اوز بو غازیندان ویراسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.   صفلری برهم  ویراسان     او امان نامه نی  غیضیله   غضبله جیراسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور.    حیدره اولاد  اولاسان سنه الحق یاراشور      اکبره  استاد  اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور   دشمنین جانین  آلاسان ابن سعدین جانینا    لرزی  طوفان سالاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور          عالمه  ناز ایلیسن بیر اشاریله  فراتین         یولونی باز ایلیسن    درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور  دشمنیلن جنگ ایده سن سنه الحق یاراشور  تک باشا جنگه گیده سن درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور   میمنه ده اوت سالاسان نچه مین لر  نفری.   آت قاباقیندا چاپاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور     جعفر طیار  اولاسان سنه الحق  یاراشور     حیدر کرار   اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور.      سرور دوران اولاسان خلعت  خدمتیوی    فاطمه دن سن آلاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.      وارث کرار.   اولاسان سنه الحق  یاراشور    اوغلونا  سردار اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا

در استمداد حضرت ابوالفضل از خوندل ابوالفضله گل ایله عنایت آتام اوغلی ایدوم بیرده جمالون زیارت آتام اوغلی ایله حالدیم من كه مایوسم اوزومدن گذشت ایت منی قارداش خلاف اولسا سوزومدن بو قانی گَل اوزون سیل منیم قانلی گوزومدن گوروم گُل یوزون اولسون سعادت آتام اوغلی سو اوسته بولوسَن من نه زحمتلره دُوزدوم گلن اوخلاری گُل تك یانان سینمه دوزدوم سو مشكیمدن آخاندا حیاتیمدن اَل اوزدوم منی ایتدیله سَندن خجالت آتام اوغلی یارالی گون ایوینده سیزیلدار یارام آغرور یارالار بدنیمده اوزوم تا وارام آغرور گَل اَگلش باشیم اوسته دیوم تا هارام آغرور ایدیم دردیمه بیر بیر اشارت آتام اوغلی قوری یِردیم امّا یِرون وار گوزون اوسته نقدری نفسیم وار وارام اوز سوزوم اوسته اگر عطریوی آلسام سورونَّم یوزوم اوسته تاپام خاك رهوندن شرافت آتام اوغلی قالان دشمن اَلینده یارالی باشیم ایوای آخار قانلی عُذاره یازار گوز یاشیم ایوای من اَل چكدیم اوزومدن سوسوز قارداشیم ایوای جسارت تاپار اهل عداوت آتام اوغلی عجب مقصده چاتدی بو گون قانه باتانلار كنار اولدولار اوددان كنارونده یاتانلار نه ا... دان اوتاندی نه سَندن اوخ آتانلار ایدوبلر منه مشكه جسارت آتام اوغلی گرك قان ایده بو غم سوسوز قیزلارین اشكین كه انهار بهشتی او اشكین چكه رشكین سو یوخدی سَن اوزون گَل آپار قانلی سو مشكین اوزی شَرح ایده سَندن حكایت آتام اوغلی بو صحراده شدائد نقدر ایلدی شدّت وفا شیوه سین ایتدیم وظیفَمجه رعایت بیر اوخ غفلتا امّا ایدوب مشكه اصابت سو گیتدی هدر اولدی او زحمت آتام اوغلی گَل آرتور منه لطفون غم و دردیم آزالسون رضا اولما فراقین شرر جانیمه سالسون گَل اگلش باشیم اوسته منیم باشیم اوجالسون ابوالفضلیوه آرتور فضیلت آتام اوغلی نه غم گَلدی سو اوسته شهامتله دایاندیم دیشیمدِیدی سو مشكی بو میدانی دولاندیم بیر اوخ گَلدی سو گِتدی اوركدن یارالاندیم منی سالدی اَیاقدان او حسرت آتام اوغلی حسینیم منی قویما بو اَشرارون اَلینده دوشوب اود دله آهِ شرر بارون اَلینده قالوب بیر یارالی گُل نچه خارون اَلینده اولوب جسمی سراسر جراحت آتام اوغلی نه منظوریدی قارداش منه بو یارالی باش نه قانلی گوزوم آغلار كسلمیش اَله قان یاش آچار اهل جفا اَل باجیم زینبه قارداش ایدر صبریمی غارت او غارت آتام اوغلی اوزوم راهِ وفاده نه غم گَلسه دایانّام غمیم یوخدی باشیمدان، اَلیمدن یارالانّام سنی دشمن اَلینده قویوب گیتماقا یانّام بو غم روحیمه ایلر اذیّت آتام اوغلی خیامه گَتورم سو منه اولمادی امكان سوسوز قیزلارا ایله بو احوالیمی اعلان قصور اولسادا مندن سَن ایت عفویله جبران كه شایسته دی سَندن كرامت آتام اوغلی #عباسیه شعر: خوندل قابل توجه این کامل شعری هست که حاج مهدی لیثی خوانده است

اوجا قامت اوجا بوی الره حیف اولسون اخا نهر علقمده دوشن پیکره حیف اولسون اخا عباس عباس نه گلوب الریوه عباس عباس قان دولوب گوزلریوه من سنی بیله یاتاندا یارالی گورمه میشم سن کیمی ماه ملک منظره حیف اولسون اخا گر رقیم خبر آلسا سنی مندن نه دیوم نجه سویلوم خلف حیدره حیف اولسون اخا خیمه لرده نگراندی بالالاریم دو گداخ شانیه حسرت اولان تلره حیف اولسون اخا عباس عباس نه گلوب الریوه عباس عباس قان دولوب گوزلریوه باجیم آغلار گوزوله تلیده گوزلور یولوی الی الدن اوزولن خواهره حیف اولسون اخا آنامین عطری گلور اولما گوروبسن آنامی الی پهلوده قالان مادره حیف اولسون اخا عباس عباس نه گلوب الریوه عباس عباس قان دولوب گوزلریوه نقدر سن واریدون قورخی یوخویدی حرمه قورخوسونان دوتولان دیلره حیف اولسون اخا گوز گوز اولموش بدنون مشکیوه تای آی یارالی بندی بندیندن اولان پیکره حیف اولسون اخا عباس عباس نه گلوب الریوه عباس عباس قان دولوب گوزلریوه نیه سس ویرمیسن ای صورتی آی قدی علم بولموسن اوغلوم ئولوب بی کس و افسرده دلم خیمیه گیدماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای منیم قافله سالاریم اَخی یَابنَ اَبی ای اوزون قولّی علمداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن دگلدون که اوجایدی هامی اَللردون اَلون؟ شیردن آرتوقیدی صولت جنگ و جَدَلون تیغ زن لیقدا تاپولمازدی جهاندا بَدَلون ای حقیقتلی فداکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه قولومین قوّتی اول صولت مردانه هانی؟ اَۀده کَسگین قلجیم، جنگ دلیرانه هانی؟ زادۀ شیرخدا پنجۀ شیرانه هانی؟ ای مصیبت گونی غمخواریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه صولتون نولدی یاتوبسان یارالی پژمرده؟ نه گَلوب اَللریوه قالدی قلنجون یرده؟ ای آتام اوغلی قلنجون دور اَله آل بیرده قویما یالقوز منی سرداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه تا اَسوردی عَلَمون اَلده اَیا کانِ هنر خیمه ده راحتیدی سر به سر آل حیدر عَلَمون یاتدی اولاردان اولی غارت معجر داغیلار چولّره قیزلاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نه اَلون واردی بدنده، نه وجودوندا رمق یورولوب خسته سن ای صورتی گون، قانی شفق یات قوری یرده، بو یاتماقدا واروندور چوخ حق قوی دونه قانه دلِ زاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه بِلیمی سندیروب اَلدوردی سنی قوم ظلام بو شکستیله شکست اولدی عمود اسلام دلده سو، اَلده سو جامی سولیوی ایمدی تمام گوزلوری عترت اطهاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نیه سَس ویرموسن ای صورتی آی قدّی عَلَم؟ بُلموسن اوغلوم ئولوب، بی کسم افسرده دلم؟ خیمیه گیتماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه غم یتنده منه هر غمده شریک غمیدون غصّه لی وقتیده قارداش منه سن همدمیدون جسمیده روحیدون، اسراریمه سن محرمیدون ای منیم محرم اسراریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه روز و شب راحتیدی قارداش عیالیم سنیله آزالوردی غم و اندوه و ملالیم سنیله سن که ئولدون گیده جاق جاه و جلالیم سنیله قالمیوب کیمسه هواداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن که ئولدون منه جرات تاپار اشرار دنی ئولدورَر قوم جفاجو بو بیاباندا منی سویولار ظلمیله اطفال رسول مدنی تالانار خیمۀ زرتاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای حسین بن علی، ای کرمین دریاسی کاتبیله بو «حسینی» سنه ساخلار یاسی ایله مامور بو وقفه بو سوزه عبّاسی اولاری یاز اولا زوّاریم اَخی یَابنَ اَبی

سائلم آقا گوزوم وار کرمونده یانارام گئجه گونوز نار غمونده قاپوا گلمیشم ای کان کرامت قوی قالوم سایه لطف علمونده گوزل آدون گئجه گونوز ازبردی محبتون اورکلره یاوردی فدا اولوم سنه هامی نوکردی امان امان امان؛علملرون اسیر اسنده پرچمون ؛قراریمی کسیر نگار من حسین ؛حسین حسین حسین شعار من حسین ؛حسین حسین حسین صبح اولدوزوم پس نیه آخدون گوزدن بئله مادری آتدون سیراب اولوب مقصده چاتدون علی لایلای. بالا لایلای ایکاش اوغول گویلون آلیدیم دل آچماقون بیرجه گوریدیم سن اوخلانونجا من ئولیدیم علی لایلای. بالا لایلای

شور شبهای محرم سبک نوحه : به شکوه عَلم تو دل سپردم آتش عشقیوه من یاندیم حسین جان شرر غملره اوتلاندیم حسین جان هر زمان یاره لرون یادیمه دوشدی اشکیمین موجینا ایسلاندیم حسین جان بیر عمرودی اسیر قاره پرچمم فدائیِ شهنشه دوعالمم آقام آقام آقام اباعبدا... نهضتون لرزه سالیب کون و مکانه هامی عاشق لریوی گتدی فغانه بسکی شیریندی آدون ای گل زهرا گتیریب پیر و جوانی هیجانه صفالی دی آدون عزیز زهرا بلالیدی آدون عزیز زهرا آقام آقام آقام اباعبدا... سنی مولا تانیماز فرقه گمراه باخسا گر دقتیله هر دل آگاه یا حسین شوکت و اجلالیوه قربان یوخ سلیمان دا بو حشمت بئله بیر جاه فدا اولوم بو حشمته یا مولا فدا اولوم بو شوکته یا مولا آقام آقام آقام اباعبدا... ای خانم فاطمه نین نور دو عینی ای سینیخ قلبیلرین شوریله شینی نه اولار زینبیوون خاطری مولا قسمت ائتسن گینه بین الحرمینی اگر چه بیر ،چمنده کی خارم من نولور گورم، قبریوه زوارم من آقام آقام آقام اباعبدا... ای نجاتین گَمی سی شمس هدایت قره کوینک لریوه ایله عنایت هارامیز وارآقاجان قووما قاپوندان وئر عزاداری لره قول شفاعت دیولّه شیعه( بیکَس) و مضطردی بو بسدی کی ، حسین بیزه رهبردی آقام آقام آقام اباعبدا... ✍️ شعری از کربلایی مهدی عبادی

زبانحال حضرت رباب (سلام الله) اوغول علی آغلاما یات سنده یانموسان منده آنان ئولسون چاره ندور منده سوسوزام سنده سو یوللارون باغلادیلار فرقه ی جفا گستر بهاریمیز اولدی خزان سولدی غنچه وش‌گوللر بوحالتون بیکس آنان یاندیروب کباب ایلر سنون تک هئچ غنچه ی گل سولمیوبدی گلشنده آزآغلا‌یاندیردی غمون کایناتی نسگلدن یوزون خراش ایتمه بالا اودلادون منی دلدن نه منده سود واردی نه سو بو ایکی مشکلدن آنان اولیدی علی کاش اولمییدی شرمنده مگردگول آب فرات فاطمه آنان مهری سنه حرام اولدی ندن بوشریعه نون نهری ندن بوقومی بولمورم دوتموری خدا قهری یهود‌وترسایه دگول بیله ظلم زیبنده اوغول نجه روادی بوبحرتک فرات آخسون غریب آنان حسرتیله بوآخارسویا یاخسون بوحالیله سوز عطش یاندیروب سنی یاخسون سوسوز اوشاقلار ملشه شامیان ایده خنده من ایسترم آغلامیام گورم آغلورام های های قرارسیزوردیم اولوب سودامر بالام ایوای بوآغلاماق ویرمور امان من سنه دیم لایلای زبس دلیم چوخ دوتولور آزقالور دوشه بنده جهانی یاندیردی داخی سوز آه وافغانون تاپولموری سوبیر ایچیم آزقالور چخا جانون ویرر سنه ایمدی سو اوخ سوکیمی آخار قانون قضا سنه حاضر ایدوب سوخدنگ دشمنده بوحالیله قویمیه جاق حرمله سنی بی شک ایچیردی قانون سو کیمی جان زاریوی گورجک خسوف ایدر سن قان آرا قرص ماه انور تک دوشر تلوتلدن اوغول بوجمال رخشنده (ذهنی) اگر ذهنون اولامحو بو مصیبتده اوسانما هرگز دیمه بس ور قلم بو محنتده ویرر بوشهزاده سنه اجر ومزد جنتده اینانمابی فیض اولا بو آستانده بنده شاعر : مرحوم ذهنی زاده