🏴زبانحال حضرت زینب کبری سلام ا... علیها در کنار بستر امیرالمؤمنین علیه السلام🏴 🎶(اصغریم ای شیرین زبانیم) روزگارین داد اَلیندن ناله و فریاد اَلیندن بِش یاشیمدان غمه اَسیرم اولمادیم آزاد اَلیندن زینبین ناله سَسی عرشه چاتیب وای بابا مَحاسینون قانه باتیب بابام ایوای بابام ایوای چوخ اولوب غمون جهاندا یانموسان یاده سالاندا سن او گون دوشدون اَیاقدان آنامی ثانی ووراندا یوردولار سنی بابا قوم دَنی آنامی وورانلار ئولدوردی سنی بابام ایوای بابام ایوای بابا دَردون منه گَلیدی زینبون ایکاش ئولیدی تیغ کین سنه دَگینجه قیزیوین قلبین دَلیدی یاراوی، گوروب اورک داغلییَرم آنامین، یاره سی تک باغلییَرم بابام ایوای بابام ایوای چوخدی محنتیم بولَرسن گیدوسن سن دینجَلَرسن یخیلان وقتیده حسینیم قتلگاهیده گَلَرسن او چوخور یره اوزون یِتیر بابا آنامی گَلَنده سن گَتیر بابا بابام ایوای بابام ایوای #امیرالمومنین_ع #حضرت_علی_علیه_السلام التماس دعای فرج الاحقر مهدی عبادی

#روضه_ضربت_خوردن_علی_ع از روضه های حاج جاوید اَلسّلام عَلَیْکَ یا آبَاالحَسَنِ یا اَمیرَالمُؤمِنینَ یا عَلیَّ بنَ اَبی طالِبٍ یا حُجَّةَ اللّهِ عَلی خَلقِهِ یا سَیِدَناوَ مَولانا اِنا تَوَجَّهنا وَستَشفَعنا وَ تَوَسَّلنا بِکَ اِلیَ اللّهِ وَ قَدَّمناکَ بَینَ یَدَی حاجاتِنا یا وَجیهاً عِندَاللّهِ اِشفَع لَنا عِندَاللّه مقدمه نماز اوستنده یارب یاره لندیم رستگار اولدوم حضور پاکووه رخساری قانلی رهسپار اولدوم منی یورموشدی دنیای فنانون حبس تاریکی رضایم یوز گوزوم قانلی بو محبسدن کنار اولدوم 😭 بو گئجه شب قدر ، شب ضربت خوردن آقا امیر المؤمنین علی علیه السلامدی ، همان گئجه کی مولامیز محراب عبادتده ضربتلنوب اورک لری روانه ائلیاخ کنار حرم با صفای مولا یئر لرزه ائدوب تیتره دی گوگ آی پارالاندی سس دوشدی گَلون مسجده حیدر یارالاندی ،،،،،،، قان چشمه لنوب آخدی جمال اللهی دوتدی بیر تیره بلوط سانکی جــــمال مَهی دوتدی بیلمـم نئجه اوُل زهریلی خنجر شهی دوتدی باش سجده ده بیر یول دئدی دینجلدیم الهی قانلی یوزیلن مـــحضروه گـــــلدیم الهی ،،،،،، واضخدی حضورونده سنون دلده کی مطلب گرچه گـــوزومه عالمی خنجر ائلیوب شب ذکر اوسته دی ئوز قانیمه آغشته اولان لب ائیللردی کی غملی ئورگیم عشقووی بسلر القانه ده باتسا گینه حـــــیدر سنی سسلر ،،،،،،، سن دایرهٔ غمده منیم دادرسیم سن بیکس دئمرم من ئوزومه ، یار و کسیم سن یوخ خلقه نیازیم داخی ، ای یار بسیم سن امت منی ، منده بو فنا عالَمی آتدیم ئوز قانیمه باتدیم یوزی قانلی سنه چاتدیم 😭 آقا مسجده یارالانوب بالالار خبر دار اولوب گلدیلر مسجده ، گوردیلر بابا یارالی دوشوب محراب عبادته ، نیلدیر القصه گلیم اوسته گَلوب منزله مولا عرشه اوجالوب ناله دوتوب عالَمی غوغا یثربده بو گون سانکی ئولوب حضرت زهرا ناله اوجالوب بیت علی ماتمه باتدی زینب بابا وای سسلدی ال معجره آتدی 😭 الله هیچ قیزا گورستمسین باباسین یارالی گوره ، تا خانم زبنب بابا سین او وضعیده گوردی 😭 عرض ائتدی بابا سن هامی ایتامه پدرسن مأوای یتیمانی گئـــــــجه یاری گزرسن رخساروی اشکونله قـــرانلوقدا بزرسن علت ندی بیلمـم بئله الــقانه باتوبسان ای یاتمیان آسوده گلیم ایچره یاتوبسان ،،،،،، هاردان باباجان بیر گئجه منزلده قالاردون ویـــــرانه نشینلر باشینا سایه سالاردون قلبی سینیق اطفالی تاپوپ گوگلین آلاردون دور زینبــــووی توسن آمـــــالینه میندیر قلبی سینیقام گوزلرون آچ بیر منی دیندیر 😭 یانورام آی ، یانورام آی ، یانورام بابا ئوز لطفوی بیرده من نالانه نشان وئر ای جان جهان جسم پریشانیمه جان وئر کپیریکلرووه قانلی گوز اوستنده تکان وئر تیغ محنیلن دلِ صد چاکیمی بولّلم قانیله دولان گوزلروی آچماسون ئولّلم بابا دیندیر منی ، آرامشه چاتسون دل و جانیم گوردوم سنی بو حالدا گئدوب تاب و توانیم زمزم دی ، دایانسون باباجان اشک روانیم باش یاروه احوالوه قلبیم گوزوم آغلور ئوز حالیمه غملی ئورگیمده سوزوم آغلور‌ ،،،،،، صرصر یئلی گویا بو گوزل گلشنه دگدی اوُل زهریلی خنجر کی باشوندان سنه دگدی اصلینده او خنجر ئورگیمدن منه دگدی باش یارون آلوب طاقتون الدن چالیشور سان بی شعله شرر وار ئورگونده آلیشورسان ،،،،،، قلبیم آلیشار تنگه دوشن جان سنه آغلار وجدان آتاسیزلار کیمی الان سنه آغلار دین اوخیشار احوالووه قرآن سنه آغلار دلداده لرون دیدهٔ بیــــداروه قـــربان زینب سارالان رنگووه رخساروه قربان 😭 بو بیتی دییم وقتیم تمام التماس دعا ای سینهٔ وجداندا باتان سس ، منه سس وئر بیکسلره بی چاره لره کس ، منه سس وئر یورقون گوزون آچ بو دمِ واپس منه سس وئر قانلی اتگوندن اسن اَل ایستور اوزولسون اللهی گورَن گوزلرون آچ قویما سوزولسون برداشت از :کتاب چهارده معصوم (ع) ج ۵ استاد غلامرضا هادی اردبیلی #روضه_ضربت_خوردن_علی_علیه_السلام ┄┅═✧❁۞══۞❁✧═

🍂دوبیتی شهادت حضرت علی علیه السلام 🍂 بو گجه شاه ولا الدن گئدور مرتضی شیر خدا الدن گئدور آغلیور ارض و سمالر بو گجه چون شه مشکل گشا الدن گئدور بی پدر قالدی یتیملر کوفه ده بیلدیلر میر هدا الدن گئدور بالش نازه اولار باش قویمادی چون هامی درده دوا الدن گئدور دین و قرانه علی وئردی جلا مسلمینه رهنما الدن گئدور ذوالفقار الده چالیشدی جنگیده یار خوب مصطفا الدن گئدور حقی ناحق ائتمدی هئچ بیرزمان معدن جود و سخا الدن گئدور ابن ملجم ویردی ضربت باشینه توختاماز باشدا یارا الدن گئدور زینب و کلثومه افغان ایلیوب سسلیوبلر وای بابا الدن گئدور باخدی تابوته ابالفضل جوان آغلیوب اول با وفا الدن گئدور قول بویون اولدی حسین عباسیله ائتدیلر آه و نوا الدن گئدور (طیبان) آغلا پوزولموش گلشنه روزگاریدن صفا الدن گئدور #شهادت_حضرت_علی_علیه_السلام #شب_بیست_یکم_رمضان

‍ بسم الله الرحمن الرحیم #شعر شهادت امام علی علیه السلام #زبانحال خانم زهرا سلام الله علیها بقلم ابراهیم تون خوش قلم 🥀🌾🌾🥀🌾🌾🌾 سویله نلر اولمیش بابا قلبون نیه دولمیش بابا گیزلتمه قیزوننان دردون رنگون نیه سولمیش بابا گر قیزلارین قلبی دوتولسا حتما آتا حالین سراغلار سس وئر منه والله داریخدیم سس وئرمسون زینب قان آغلار ایوای یارالی جان یارالی جانیم سنه قربان یارالی کیم سالدی سنی بوحاله الله اورگین یاندورسین نئجه اورگین نن گلدی مولایِ جهانی وورسین باشونده کی یارون باباجان آرامیمی الدن آلیبدی بیللم یقین جنتده الآن زهرا ننم آغلار قالیبدی ایوای یارالی جان یارالی جانیم سنه قربان یارالی باش یارووی باغلار الان زینبدی سنون غمخوارون قارداشلا باجون گر یوخدی یوخ عیبی من اوللام یارون قربان اولیم سولمیش عذاره رنگون نیه گول تک سولیبدی منلن ائله صحبت باباجان قلبیم حسین جانی دولیبدی ایوای یارالی جان یارالی جانیم سنه قربان یارالی غیرتدن ابالفضل ئولدی قلبیم یانور اول دلداره سویلیور نیه دشمن ووردی مولایه خفادن یاره قلبِ جهانی یاندوریبدی بیر ایش گوریب بو دشمَنِ رذل هر کیمده آرام اولسا اما آرام اولا بیلمز ابالفضل ایوای یارالی جان یارالی جانیم سنه قربان یارالی 🌾🥀🥀🥀🌾🥀🥀🥀 #شهادت_حضرت_علی_علیه_السلام

🔳 #شهادت_امام_علی(ع) 🌴دیدیم یوزو اوستونده یره 🌴ننه ... ننه ... ننه ... 🎙زنده یاد #محمد_باقر_منصوری ⏯ #روضه #ترکی 👌بسیار دلنشین

🎼مناجات مثنوی افشاری ✍بقلم کربلایی مرتضی اسکندری 🎤#بانوای_حاج_علی_سیفی_افشار

امامی: 🙏🏼مناجات آلله آلله من گنهکارم دیدون گل گلموشم گل دیدون همسایم اول سایمده دینجل گلموشم سن دیدون دنیادن ال چک آبرو ویرم سنه ایتموشم هرچند تاخیر ، چکموشم ال گلموشم هرنه سن عبدی اَطَعنی سسله دون من باخمادیم قویموشام قرخ ایل گوزون یولدا معطل گلموشم سن بویوردون قبریوه فکر ایله وای اولسون منه ایتموشم دنیا ایوون گورنه مجلل گلموشم قورخورام که چاتمویا * لا تقنطوا* یه اللریم پیس گونوم * یا ویلنا * اولدی مطوّل گلموشم اَلّی ایل نفسیم منی تاخیره سالدی عاقبت ایله دیم نفسین ایشین عقله مُحَوَّل گلموشم آند ویرّم مرتضانون بی بدیل عباسینه قیل منیم افکاریمی عشقه مبدّل گلموشم مشعل راه حقیقت دور شهیدانون یولی من ایتیرمشدیم یولی دنبال مشعل گلموشم عالمه یوز یرمی دورت مین زبده پیغمبر گلوب من ولی اسلامی گوردوم دین اکمل گلموشم

‍ ▪️احوالات حضرت علی (ع) ✍شعراز : کربلایی ودود آذرین خلخال 🎼لایلای گل نازیم بالا... گلون فغانه شیعه لر باتوبدی قانه شاه دین سالوبدی قاره باشینه بوغمده زینب حزین ای وای علی ۴ اذان دیولدی صبح اولوب اورکلره فغان دولوب علی گلوبدی مسجده گل اوسته غنچه لر سولوب ای وای علی۴ دوروب نمازه شاه دین تلاطمه گلوب زمین باشین قویاندا سجدیه ویروبدی یاره بیر لعین ای وای علی۴ علی بویاندی قانینه یخلدی سجده گاهینه ندا یتیشدی عرشیدن حسن حسین قولاغینه ای وای علی۴ جفای قاتل زبون ایدوب دی غملری فزون باشی بولوندی حیدرین جمالی اولدی غرق خون ای وای علی۴ ایتدی شه والا تبار بومطلبه چوخ افتخار باشی اولوب شق القمر سسلندی اولدوم رستگار ای وای علی۴

🎼سبک اول 🎤#بانوای_حاج_علی_سیفی_افشار

🎼سبک دوم 🎤#بانوای_حاج_علی_سیفی_افشار

🎼سبک سوم 🎤#بانوای_حاج_علی_سیفی_افشار

یارب سنون محبتوون شرمساری ام مناجات 📝 سعید حضرتی ( هاتف ) یارب سنون محبتوین شرمساری ام شرمنده یم،کرامتوین شرمساری ام أل بوشدی خیرعملیم یوخ که فخرإئده م بیرعبدیوه م،که منتوین شرمساری ام یوخدورجواب،حقیده یارب،حق سوزه چون آگهم،حقیقتوین شرمساری ام هی سسلیسه ن،گناهون اگراولسادا،قئیید من عاصی ام ،بو فرصتوین شرمساری ام من بنده وم،اگرچه یولوم سن دییه ن دگور با اینهمه ،عنایتوین شرمساری ام بیربنده وم،حسینوه چوخداندی عاشقم من ثالث امامتوین شرمساری ام (حرّ اولمارام،منه اوزسایه سینده یئر وره حره دییون ،خجالتوین شرمساری ام ) یوز قویموشام خجل یوزیله آستانیوه بی چاره یم،حمایتوین شرمساری ام سفرون آچیخ،قاپوندا آچیخ یاخجیا،پیسه ای میزبان ،ضیافتوین شرمساری ام « #هاتف»گلیب بوبزمه،دیلینده بوذخکریله یارب سنون جلالتوین شرمساری ام دایم حسین حسین دیورم،چون عزالی ام سینمده حک اولوبدی حسین، کربلالی ام #هاتف_حضرتی #مناجات

شب قدر . . حاج عباسعلی دهقان(صاحب) . باشه قرآن توتارام گوزلری گریان الله چوخ گناه ایله میشم ایلورم افغان الله . باخمویوب چوخ سوزیوه منده ایتوردیم ئوزیمی آلادوب من بیلیرم چوخ منی شیطان ،الله . سنه من یالوارورام بلکه منی عفوائده سن قورتولام بوشب احیانی گناهدان الله . من بک اللهیلان باشیمه قرآن توددوم منی عفوایله گیلن حق بوقران الله . ختم پیغمبریلن فاطمه نی ایله شفیع مرتضائیله شفیعیم ،ائله احسان الله . اون بیراولادعلینی سپرائتدیم ئوزیمه گوزیاشیم گوزدن آخوربوشب غفران الله . سن باغیشلااودایوخ منده ولی صبروتوان سست اولوب سن بیلیسن منده بوایمان الله . یوخدی سندن صورابیرکیمسه منی عفوائلیین یازیلوب نامه ی اعمالیمی چوخدان الله . جوت ملک هی یازییری خیریله همده گنهی

ضربت خوردن فرق مبارک مولای متقیان باآهنگ نوحه :ایدردبی درمانلارادرمان اباالفضل دگدی قلج محرابیده باش پارچالاندی اولاد مولادن فغان  عرشه   دایاندی ایوای علی وای   ایوای علی وای توکدی مرادی توپراقابیرقان سحرده آل عبانی ایلیوب      گریان سحرده ئولدی علی جبریل ائدوب اعلان سحرده مولادوشوبدور بستره حالی یاماندی ایوای علی وای     ایوای علی وای ووردی مرادی     باشینه کاری یارانی یاردی علینون باشینی صبحون زمانی آخدی باشوندان مسجدومحرابه قانی شمشیر ظلمه حضرتون باشی نشاندی ایوای علی وای    ایوای علی وای گوردی علینی اول زمان رازونیازدا باش سجده ده ذکرایلوری حال ونمازدا گوزدن توکوردی یاشینی چون سوزوسازدا باش قوزویانداحضرتون صبری جالاندی ایوای علی وای    ایوای علی وای شمشیر زهرآلودیلن ائتدی جسارت یندی علینون باشینه شمشیراوساعت داندی مرادی حقینی ائتدی خیانت قانی آخوبدوریاره دن محرابی قاندی ایوای علی وای   ایوای علی وای صاحب یانوراحوالینه گلدی عیالی حمل ایلویوبلر منزله اول مه جمالی دوغراندی اکبر باش یارا وارچوخ ملالی منقذ یاروبدور باشینی تازه جواندی ایوای علی وای    ایوای علی وای ضمن تسلیت شهادت حضرت علی(ع)،بنده حقیررادراین شبهای احیاازدعای خیرتان فراموش نفرمایید

نوحه‌های ناب اي بند دل فاطمه مولا دوت اليمدن    وي طرفه گل گلشن طاها دوت اليمدن ال مندن اتك سندن حسين غملي گونومدي  بوحالدا كيمه يالواريم آيا دوت اليمدن درياي غمه دوشموشم اي كشتي اميد قويما مني غرق ايليه دريا دوت اليمدن         ال بوشدي ئوزوم قاره معمادي نجاتيم   لطف ايله حل معما توت اليمدن          گچ جرميمي قولدان گچن عباسيوه خاطر حق شهدا حرمت سقا دوت اليمدن درمانده يخيلسا يره بيرده دورا بيلمز من عاجزم اي شاه توانا دوت اليمدن بولم آناوين خاطريني چوخ سوه سن سن سالما نظريندن سني زهرا دوت

▪️ سینه زنی #سبک_یخیلب عباسیم نهر فرات اوسته و یا سه پنج روزه که بوی گل نیومد ‍ گل آنا یا زهرا گل سینوی داغلا ئولدی آتام حیدر آتاسیز قالدوخ یاریوه گل آغلا گل یاره سین باغلا قانه باتوب یکسر آتاسیز قالدوخ دیرم من ایوای مظلوم بابام ایوای مظلوم بابام ایوای مظلوم بابام وای واویلا واویلا، واویلا واویلا 3 آه و، واویلا... (ننه یرین بوش دونن سنین عوضیوه من یارا باغلامشام علی سسلدی زینب نیه یارامی گورنده ننه ننه دیورسن ) خسته یارون گلدی هم اسرارون گلدی دیندور اونی مادر غملی گلوبدی اونا جانان سن سن دارو درمان سن سن باشی اولوب یاره یاراسون باغلا واویلا واویلا، واویلا واویلا 3 آه و، واویلا... دیرم من ایوای مظلوم بابام ایوای مظلوم بابام ایوای مظلوم بابام وای قلبی غملن دولدی خانه نشین اولدی قالمشدی بی یاور یاناردی دلدن (ننه سن گیدنن بابام داریخوب ) اورگین درد آلدی غمون غمه سالدی یوردی اونی غملر جانان اوساندی دیرم من ایوای مظلوم بابام ایوای مظلوم بابام ایوای مظلوم بابام وای امان ای دل ای دل امان ای دل ای دل بسوز ای دل ای دل آه و، واویلا...

‍ ‍ #اللهم_عجل_لولیک_الفرج صل الله علیک یا ابا الحسن ......یا امیرالمومنین... سفره دار خدا امام زمان دگر امشب بیا امام زمان شب قدر است هر کجا هستی التماسِ دعا امام زمان مولاجان شب شهادت اتاون علیدی شب شهادت مولای متقیان علیدی هریرده سن اقا بیلمیرم نجفده سن کربلاده سن یا مدینه ده سن مولاجان شب قدر است.... من که امشب به یادِ تو هستم یاد کن پس مرا امام زمان دست بر دامنت اگر نروم مولاجانم  یوسف زهرا آی علینون بالاسی بروم پس کجا؟ امام زمان آمدم آشتی دهی من را باخودت، با خدا امام زمان اقا اتاون علینون یاسی ای علینون یاسینه گلننر آی دست گدایی بلند ایلیننر الوی قالخیز یاابن الحسن کجایی من آمدم گدایی بیلورم حتما امام زمان ننه سی زهرانین آدینا چوخ حساس اولار ایندی رو به قبله اماده برای شب قدر برای بخشش گناهان امید ایوینن گیدک امام زمانین قاپیسینا مولا بجان مادرت.... ان مادر..غم پرورت مارا مرانی...ازدرت ایندی کی مجلس آماده اولدی ایندی کی امام زمانی دعوت ایلدون مجلسه التماس دعا کاش قرآن به سر بگیرم من اورگوین سوزیدی یک شبِ قدر با امام زمان اقا باشوه دولانیم اقا بیلمیرم هاردا ایله شیبسن جای دوری نمی رود که کنی گوشه چشمی به ما امام زمان خوب شد در شبِ عزای علی اقا جدوین عزاسیدی بو گیجه علینین حالی خراب اولور زینب دولانیر علینون باشینا علی هردن غش ایلور هردن گوز لرین آچیر باخیر گورو ابولفضل اللرون قویوب اورگینون باشینا بالا آغلاما امام حسین گوزلرینون یاشین توکور زینب ایلشوب بابانون ایاقلارین باسیر اوره گینون باشینا علی جان آقالیق ایله یاسه گلنلره عنایت ایله اقا اقا بیر غش ایلدی هوشه گلدی حال اغماده گوز آچدی چاغیروب عباسی گوردی اللرین قویوب اورگینین باشینا گل بالا آغلاما واردور باشوون غوغاسی ابولفضل ایندی آغلاما بالا گل ایلش یانیمدا بالا ابولفضل ایلشدی یره مولا ابولفضلین اللرین آلدی الینه او قانلی دوداخلارین دایادی ابولفضلین اوزون قولارینا رسمیدی اتا دنیادن گیدنده بالاجا بالانی تاپشیرار بویوک بالیا اما زینب باخیر امام حسن باخیر التماس دعا گوردیلر حسینون الین قویدی ابولفضل الینه اوغول حسینم سنه تاپشیررام بالا... دعواده اوغول سعی ایله دالدان یارانما دشمن امان ویرسه حسین ارالانما گوردیلر اوزون قولاری باسدی اوره گینون باشینا او قانلی دوداخلارینان بوسه ویرور ابولفضل الینه اوغول بو اللردن مواظب اول بالا اوغول بو قولار کربلاده حسینن حمایت ایللر اولاسان بیرگون حسینون سن اوغول سقاسی ایوای بالام ایوای سو آغیرقیمت اولار قیمتنی بولن اوزون سالاسان یادوه اوندا آتاون غملی سوزون دئدی غیرتلی بالا دوت بو حسینون علینی سنه تاپشوردوم اوغول فاطمه نین سوی گولونی اوغول بیر گون اولار کربلاده حسینیمین اکبری اولر یارو انصاری شهید اولار بالا بیر سن اولارسان بیر حسینیم اولار جان سنون جان بو حسینون بونی ترک ائتمه بالا قویما سن دشمنه ایچنده الی قوینوندا قالا ایله یادیندا ساخلیوب گوردی کربلاده علی اکبر شهید اولوب یارو انصاری گیدوب اقا خیمه لرده اللرین قویوب اوره گینین باشینا دوردی ایاقه لباس جنگی مشگی سالدی چیننه گلدی دایاندی حسین سارالان رنگوه ابولفضل قربان ویرسون منه فرمان اقا بو لشگری قیرام بیر باش آپاریب شامیده ویرام مین دفعه امان نامه ده گلسه گنه جیرام حسین باشوه دولانیم آی قارداش سنسیر نه بو دنیا نه امام نامه نه قول باش بیر باخماقوی ویرمرم عالملره قرداش سننون ایچون گلسه امان نامه قبول ائتمه اوغول وئرسه لر قدرت دنیانی چخوب گئتمه اوغول مداح #طالبی #شب_بیست_و_یکم_ماه_رمضان #روضه_امیرالمومنین_علیه_السلام

‍#زبانحال حضرت علی #شهادت_امام_علی بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن ئولوب قالان امامیزم یرین گویون دایاقیم کفیل بحر کوثرم می السته ساقیم چخوب قباقه فاطمه فاطمنون قوناقیم حسینیمه تسلی ویر ایدور نوا اوغول حسن بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن علی علی علی علی (۴) اگر بوذوالفقاریلن اوجالوب حق پرچمی ولایتون باشه ویروب رسالت مکرمی ولیک شیر داوری قوجاتدی فاطمه غمی گوزوم چاتاشدی غسلودا سنان قولا اوغول حسن بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن

#زبانحال #شهادت_امیرالمؤمنین

‍ ‍ سینه زنی شام غریبان مولا علی ع سبک شیعه بو گون گلموشوخ شام غریبانه بیز شیعه بو گون حیدرون شام غریبانیدی زینب غم پرورین حالی پریشانیدی قاره چکیلدی گویه عرش خدا آغلادی فاطمه جناتیده ایتدی نوا آغلادی زینب اوزی باشینه سالدی قرا آغلادی بو شهه یاس ساخلیان خالق سبحانیدی یوم عزادور بو گون عترت پیغمبره قاره گیوب آغلیون شاه ولا حیدره مسجد ومحرابیده قانه باتان سروره ناله ایدون زینبون گوزیاشی القانیدی عالم امکانی چون گرد مصیبت آلوب شیر خدانون غمی عالمه لرزه سالوب کوفه یتیمانینون گوزلری آغلار قالوب یر گوی اویکتا شهون حالینه گریانیدی شیعه بو ماتمده گل آهیله افغانه سن باغلا قرا باشیوه اول شه مردانه سن تسلیت عرض ایتگینن شاه شهیدانه سن چوخلی فغان ایلین شاه شهیدانیدی ساغدی هله زینبون بو گجه قارداشلاری وورمیوب عدوان هله نیزلره باشلاری زینب اوگوندن توکر گل اوزه قان یاشلاری اوندا یانیخ خیمده گورنجه طوفانیدی کرب وبلانون چوخلی قانیله الوان اولار یتمیش ایکی تشنه لب ظلمیله قربان اولار عترت پیغمبرون گوزیاشی القان اولار هر طرفه قوزانان ناله وافغانیدی آختاراجاق صبحه جن چولده رباب اصغری نازلی رقیه توکر خیمده اشک تری یالقوز اولان زینبون اولمیاجاق یاوری قارداشی یر اوسته چون قانینه غلطانیدی بیرطرفه جمع اولار یاره لی باشسیز بدن چولره غوغا سالار ناله وشیون ایدن شاه حجازه اوگون اولمیجاخ بیر کفن باشی کول اوسته اونون خولیه مهمانیدی مداح خوش نوازمرندی ‍ #شب_قدر #شب_بیست_و_یکم_ماه_رمضان #روضه_امیرالمومنین_علیه_السلام

بوش قالوب سنسیز علی محراب و منبر کوفه ده عالم معناده قان اغلور پیعمبر کوفه ده * ای کلام الله ناطق معنی ام الکتاب ایله میشدون عالم اسلامه مولا فتح باب اتموشیدی حضرت خاتم سنی نایب خطاب اولمیوب اولماز سنون تک بیرده رهبر کوفه ده فرقتون الدی اورکلردن علیجان اختیار عرشه دوشموش ولوله ایلور ملک لر اه و زار واریری بو غمده مولا تیره اولسون روزگار اغلوری شام و سحر اولاد حیدر کوفه ده زاده ملجم علی ظلمونده طغیان ایلدی یخدی دینون پایه سین خاکیله یکسان ایلدی شیعه نین گوز یاشینی عالم بویی قان ایلدی فرقتون ده یا علی باشلا ندی  محشر کوفه ده ای ولی الله اعظم معنی حبل المتین نائب پیغمبر خاتم ولی مسلمین ادم و نوح و خلیل اولموش علی ماتم نشین ایتدی رحلت عاقبت ساقی کوثر کوفه ده یا علی یاسه باتوب لاهوتیان افلاکیان سس گلور دنیانی ترک ایتدی امیر مومنان مریم و سارا خدیجه اولدی غمدن باغریقان اسم اعظمدور ادین گر اولدی از بر کوفه ده ماتمونده زینبون زار و پریشاندور علی کیم سنون تک کوفه ده یار یتیمان دور علی قالدی سرگردان یتیملر حال بحراندور علی زینبون باشه سالوبدور قاره معجر کوفه ده کاش اولیدی کوفه شهری یکسره ویران علی اوردا اولدی اهل بیته ظلم بی پایان علی بیر بله ظلمه نه اولدی بیلمورم عنوان علی گلستان عصمته چون اسدی صر صر کوفه ده گور نجه قان اغلیور مظلوم حسینیله حسن زینب و کلثومه یارب یوز ویروب بیحد محن باغبان اولدی صفادن دوشدی گلزار و چمن اولدی هم بستر ترابیله او سرور کوفه ده اغلا بو غمده شهابا توک عذاره اشک تر تا علی ایتسون عنایت شعرون اولسون چون گهر شور گوز یاشی ورر اخر سنه شیرین ثمر باتدی قانه عاقبت فتاح خیبر کوفه ده

بنام خدا ▪️زبانحال حضرت زینب س در شهادت پدربزرگوارشان مولی الموحدین علی ع 🌲🌲🌲🌲🌲🌲🌲🌲🌲🌲🌲🌲 🎼«سبک:ویرانه ده نازلی بالام جان وئردی دینجلدی...» "" "" "" 🎋🎋🎋🎋🎋🎋🎋🎋🎋🎋 گئت دی‌ بو  دنیادن علی شیر خدا حیدر اولدی  خانم   زینب  حزین   قان  آغلادی یکسر آغلار  گوزیله سسسلدی ای وای بابام  ای وای سندن  صورا خوش گون  منه  اولدی حرام ای وای یوخ  آیری  چاره م  من  گرک  قان آغلیام  ای وای بابا  نئجه  بو محنتی من  ایلیوم   باور2 "" "" "" 🌻🌻🌻🌻🌻🌻🌻🌻🌻🌻🌻🌻 خنجر کی  دگدی  باشیوه  رنگیم منیم سولدی خوش‌ گؤنلریم  چاتدی باشا قدّیم کمان اولدی یاندیردی  آهیم عالمی  نالم  گؤیه دولدی بیلدیم کی من  اولدوم بابا بی یارو یاور2 "" "" "" " 🌿🌿🌿🌿🌿🌿🌿🌿🌿🌿🌿🌿 سندن صورا غم خیمه سین من ایلرم برپا گیزلینده هردم آغلارام چون مادریم  زهرا بو   حالیمه   آغلار   منیم  جنّاتیده  طاها قلبیم  اولار بابا  منیم هجروندا خاکستر2 " "" "" " 🌱🌱🌱🌱🌱🌱🌱🌱🌱🌱🌱🌱 قان  آغلیور    عاشقلرون   بابا  بو دنیاده ماتم   دوتوب   افلاکیان   عرش معلّاده آغلور  سنه زهرا  آنام  بو لحظه   عقباده گوزلور سنی  دخت  نبی  دلبند پیغمبر2 " "" "" " 🌹🌹🌹🌹🌹🌹🌹🌹🌹🌹🌹🌹 ایلور  نوا قارداشلاریم  عباس اورک  داغلور گوز  یاشینی  رخسارینه  اول با وفا  باغلور کلثوم  اونی  آرام ائدن  لحظه  اوزی آغلور سسلور   یتیم لر یاعلی  آغلور اودم گویلر2 🌷🌷🌷🌷🌷🌷🌷🌷🌷🌷🌷 ✍شاعر : مسلم فرتوت(فاخر)

‍ شهادت حضرت امیرالمؤمنین علیه السلام شاعر اهلبیت استاد بزرگوار حاج اصغر فرشچی (عدلی تبریزی) سبک : کوفه را ماتم گرفته دین و قرآن جان نثاری اِنِّمانون تاجداری مست جام حق خُماری مکتب اوسته علی باتدی قانه تا ابد یومدی گوزبو جهانه کوفه شهرینده سسلوریتیمان هارداسان هارداسان یا علی جان یا علی یاعلی جان کجائی آمدیم بر درت ما گدائی روز حشره وار علامت شور اعظم دور قیامت جان ویروب شاه ولایت سوندی فانوس مهر و محبت تا شهید اولدی ئولدی عدالت کوفه شهرینده ... رهبر اهل حقیقت خلقت ایجاده علت کان رأفت هم سعادت شهر علمه اولان مقتدادی دینی تکمیل ایدن پیشوادی کوفه شهرینده ... بوالحسن یعنی سخاوت خضره فانوس هدایت حق اوزی حقدن عبارت عرصۀ سجده ده با لیاقت ایلیین خالقه دوز عبادت کوفه شهرینده ... ناظراعمال امت هم قسیم نارو جنّت اهل دینه ویردی عزّت قالمادی دنیادا داد گستر دوز هدایت ایدن دینه رهبر کوفه شهرینده ... ابن ملجم دین ساتوبدی ظاهراً کامه چاتوبدی چوخ یتیملر آج یاتوبدی مظهر جود و بذل ئولدوروبدی دنیانی دردیلن دولدوروبدی کوفه شهرینده ... ابن ملجم دلده تکبیر حقی ناحق ایتدی تفسیر شاه دینه ویردی شمشیر بولمدی شمس دین خدادی جا نشین تمام انبیادی کوفه شهرینده ... دگدی ضرب کین باشیندان آخدی قانی گوز قاشیندان مرهم ایستور گوز یاشیندان قورتارا بولمدی رکعتینی قیلدی تکمیل ایدوب نور عینی کوفه شهرینده ... باشدایاره گیتدی قبره تابع اولدی حکم جبره اشک چشمان دوندی ابره ئولدی خیبر شکن فوق انسان بش بالاسین قویوب دیده گریان کوفه شهرینده ... درده دگمز هیچ عبادت اولماسا حب ولایت بی ولا تاپماز سعادت بی ولایت چاتانماز مرامه گرگیده ایلده بیت الحرامه کوفه شهرینده ... مرتضا نور خدادی اللری مشکل گشادی شافع روز جزادی «عدلی» نام علی غم زدادی حامی دین و اهل ولادی

‌‌💐🍃🌿🌸🍃🌾🌼 🍃🌺🍂 🌿🍂 🌸 🔹یا مهدی (عج الله ) 🔹محمد رضا صادقی یا اباصالح گنهکارم دعا ایله منی روسیه عبدِ خطاکارم دعا ایله منی دوزدی جرمیم چوخدی نالایق سنه بیر عاشقم لطفووه اما سزاوارم دعا ایله منی یوز چوورمه سن یوزومدن گل سنی زهرا آنان گر چه حقونده بدهکارم دعا ایله منی محبس نفسه دچارم قول قانادسیز قوش کیمی عاشق بستان و گلزارم دعا ایله منی ای گل باغ رسالت ای امام محتشم منده گللر ایچره بیرخارم دعا ائله منی دورِ شمعونده حساب ایله منی پروانه تک آتش عشقه گرفتارم دعا ایله منی لیلی و مجنون کیمی درده گرفتار اولموشام نیلیوم هجرونده بیمارم دعا ایله منی گوزلریم آز قالدی چئخسون آغلاماقدان گل آقا حالیسن مشتاق دیدارم دعا ایله منی جمعه سایماقدان یورلدوم یولدا قالدی گوزلریم گوزلَماقدان بسدی بیزارم دعا ایله منی مستحق بیر سائلم گوز تیکمیشم درگاهیوه هر نه پای وئرسن خریدارم دعا ایله منی آتموشام دنیانی باشدان ، من سنه خاطر آقا دوره گرد شهر و بازارم دعا ایله منی روسیه “شیدا”یم آقا واردی عرضیم باخ منه جدیوه آخر عزادارم دعا ایله منی نوکره اربابیلر لازمدی باش چکسون ی..آقا من بو بابتدن طلبکارم دعا ایله منی 🌸 🌿 🌾🍂 🍃🌺🍂 💐🌾🍀🌼🌷🍃

بانوای عبداللهی =========👆مدح شاه خیبرعلی<ع> ه~~~ روحیمیزه صفا علی دردمیزه دوا علی مشگل آچان بیلکلره شیعه لرین فدا علی جانم علی جانم علی ای جان جانانم علی میر حجاز علی علی محرم راز علی علی درگهی باب حاجت اهل نیاز علی علی قائد و رهبریم علی هادی معبریم علی ذات حقین وجودینه علت باوریم علی جانم علی جانم علی ای جان جانانیم علی هادی علی هدا علی نادی علی ندا علی وارث ختم الانبیا ارشد اولیا علی راشد علی رشاد علی مرشد علی مراد علی لات ومناتی سیندیران جاهد علی جهاد علی جانم علی جانم علی ای جان جانانم علی معنی اتحاد علی کشتهءعدل ودادعلی خلقت عرش وکرسیه فلسفهء نهاد علی صاحب اقتدار علی خلقته افتخار علی دین حقین بقاسینه ضامن و اعتبارعلی جانم علی جانم علی ای جان جانانم علی عاشق پاکباز علی عشقده سرفراز علی وصل و فراق دلبره دلده کی سوزوسازعلی مکتبه امتیاز علی معنی دستماز علی سجده ده قانه غرق اولان فلسفه ی نماز علی جانم علی جانم علی ای جان جانانم علی عزت و جاهه گام علی رتبه علی مقام علی فلسفه ی نما ز ده سجده علی قیام علی دایره ی قضا علی حق سوونه رضا علی کوفه دکی یتیمیلر قالدیلا بی غذا علی جانم علی جانم علی ای جان جانانم علی روحیمیزه صفاعلی‌ شاعر - جاهد - بانوای دلنشین .

#شهادت-امام -علی ع #نادر-جوادی #روضه ترکی ان یتیمان که به خرمای علی سیر شدند..۲ دم گودال رسیدند همگی شیر شدند.. اولاریکی علینین دوزین یدیلر.. گودی قتلیگاهیده حسینه اوخ وردیلار حسینه داش ویردیلار حسینه نیزه وردیلار زینب یانایانا ددی حسین سنه اولمین باجون قربان..قارداش... مقتله گلدی ددی دیدمده قان یاش وار حسین هارداسان سس ور منه نه یار ویولداش وار حسین.. دشمنون کامه چاتوپ هر الده بیر باش وار حسین باشووا دولانیم آی قارداش مدینیه قیدندن سورا.امام سجاد اقا بویری گوردوم عمم زینب اله یانایانا اغلی ددم عمه جان نیه بله اغلیسن عمه بله باشووا دولانیم نیه بله رنگون سارالیب ددی سجادیم بالا کربلاده حسینیمین جنازه سینن ایریلاندا حسنیمین تمام یارالارینا باخدیم داش یاره سین تانیدیم نیزه یارسین تانیدیم اوخ یاره سین تانیدیم اما امامیم بالا بیدنه یارنی تانیامادیم عمه او نه یاره سیدی عمه اونین عکسین چکه بیلرسن.. امام سجاد اقا دی گوردوم بیر هلالی شکل چکدی ددیم عمه باشووا دولانیم... اوبی یاره بی بی سینه ده تاب و تبه بنزر آت دیرناقینین ردی هلاله شبه بنزر... حسین دوشوبدی مقتله.گلن ورور گدن ورور۲ آلوبدی نیزه سین اله گلن ورور گدن ورور.. (باشووا دولانیم اقا قربانون اولوم اقا.دکترلردن یورولان علاجی هر یردن اوزولوب گلیب اتاوین یاسینه اقا...) حسین دوشوبدی مقتله گلن ورور گدن ورور الوبدی نیزه سین اله گلن ورور گدن ورور اولوب پرپر توپراق اوسته بی گول سیاقی....... گلی پامال ایلیبدی آتلار ایاقی.. اخور قانی لخته لخته هر یاره سینن دولوب آغزی ذکره تولانمیر دل دوداقی یارالی لب عطشان حسین جان ۴

نوحه شب ۲۱ ماه رمضان سبک :سو یوخومدی قیزلاروندان بیلوسن خجالتم من 🏴🏴🏴🏴🏴🏴🏴🏴 پرچم ولا یخیلماز ؛ تاج انّما ییخیلماز مرتضی یخیلدی امّا؛ نام مرتضی ییخیلماز عشق مرتضی علیدن شیعه لر چکر نفسلر کیمسه عاشق علی دی عشقینی بو آده بسلر مرتضانی یا چاغیرماز؛یا کی عاشقانه سسلر سائل علی دی هرکس عشقه آند اولا ییخیلماز آز قالوردی مرتضانین تا چیخا جانی بدن دن عرشیدن انوب ملکلر گلدی مصطفی عَدَن دن قان جوشوردی پیرهندن روحی آیریلوردی تندن دوزدی پیکری ییخلدی روحی مطلقا ییخیلماز گوز نئجه قاشین یئریندن ذره یئراوجا چیخانماز سینه علینی ئویله درد و ابتلا سیخانماز خنجرین یاراسی اصلا ؛ حیدری یئره ییخانماز دگسه مرتضی باشیندان مین بئله یارا ییخیلماز مرتضی ییخلمازیدی محنت مدینه ییخدی مرتضی ییخلمازیدی فتنه سقیفه ییخدی بیر یانان قاپیدی باعث،بیرده قانلی سینه ییخدی موج،ناخدانی ییخسا؛ مرد باخدا ییخیلماز ئولدی مرتضی او گون کی بیت هل اتی تالاندی ئولدی مرتضی او گون کی بیر یئره اودون قالاندی ئولدی مرتضی او گون کی فاطمه قاپوسی یاندی چوخلاری ییخلدی اما خیره النسا ییخیلماز قانیلن خضاب اولونموش حیدرینده دامنیدی بستره گلن او لحظه بیر طبیب اَرمنی دی بولدی تا طبیب حاذق بستره دوشن علی دی سسلدی ؛ جهان ییخلسا شاه لافتی ییخلماز مصیّبی تبریزی 🏴🏴🏴🏴🏴🏴🏴🏴 التماس دعا

شهادت حضرت امیر المؤمنین علیه السلام . بو گون حیدر شهید اولدی شهید کربلا آغلار ایدر آه و فغان زینب امام مُجتبی آغلار حسین آغلار حسن آغلار یتیم لر سینه سین داغلار علی مظلوم علی مظلوم علی مظلوم علی مظلوم . . . . بوگون خورشیدعالم تاب غروب ایلوبدی تزباتدی ایدوب ترک جهان حیدر گوزوندن عترتین آتدی یورولمو شدی جفالردن یارالی قبریده یاتدی بو هجرانه توکر قانیاش تمام اهل ولا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . بو گونده کوفه شهرینده فضانی غم مِحَن آلدی بابام ایوای دیور زینب فغان عرش حقه سالدی یتیم لر بیوه لر سویلور علی سنده گوزوم قالدی سرا سرکوفه ایتامی ایدر ناله نوا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . یاغار بوکوفه شهرینده ندن غملر هواسیندن علی قبره گیدور الله آخور قانی یاراسیندن نچون که دویمیوب زینب وفالی اوز آتاسیندن دیر ایوای بابام ایوای ایدر محشر بپا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . غم هجرانی آغلاتدی یتیم لرگوزلری دولدی حسینون رنگ رخساری سارالدی گل کیمی سولدی گلوب فریاده زینب گل آنا زهرا نه لر اولدی محندن گل لرون پرپر بوحاله مصطفی آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . بابام حقین آنا زهرا ندندی بو عدو داندی بو غمده اودلانوب قلبیم شرار ظلمده یاندی سنه واضحدی یاندیردی قاپون ثانی الولاندی علی مظلوم اولوب مادردیر ایوای بابا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . فلک آخر علینی سن حسینیندن جدا ایتدون عدالت خواه دنیانی سن اولدوردون جفا ایتدون تاپوب ارکان دین صدمه عجب شوری بپاایتدون علاوه زینب و کلثوم بوگون صاحب لوا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . فلک راضی نجه اولدون توکه حیدر قانین اعدا سالا بیر شورش اعظم بو گون محشراولا برپا مزار ایچره ایده ناله یارالی سیندن زهرا دوشه دورون مداریندن قدرآغلارقضا آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم . . . . علی علمه مدینیدی علی هر حکمته دارا نمازاوسته قلج ویردون سالوبسان محشرصغرا اولونجان محشر کبری دیر شیعه علی مولا توکرگوزدن یوزه اشکین دیروا مرتضی آغلار حسین آغلار حسن آغلار یتیم لرسینه سین داغلار علی مظلوم علی مظلوم علی مظلوم علی مظلوم .التماس دعا