سلام دوستان زبانحال حضرت علی علیه السلام در سر بستر حضرت زهرا (س) ای چراغ زندگانیم موقع بحراندا سونمه اولسا امکانی آماندی مهلک طوفاندا سونمه فاطمه جان فاطمه جان ایلمه سن قلبیمی قان گوز یاشیم قانه دونوبدی قان یاغور هر بارشیندن گچمه امکانی گر اولسا مرتضانین خواهشیندن قویما یانسون زینبینی بو فراقین آتشیندن بیلمورم هچ نیلیوم من محنتین افزایشیندن ای چراغ زندگانیم موقع بحراندا سونمه دوقوز ایل عمرون بهاری سولدی ایام خزاندا یوخ گلایم چون یازوبدی متنین آللهون یازاندا غسلووی ویرم و لیکن یوخ کمک قبرون قازاندا خجلتیمدن من دیمم یا محمد دای اذاندا ای چراغ زندگانیم موقع بحراندا سونمه چون امانت ویرمیشیدی یادگارین مرتضایه حالووی مندن سوروشسا یوخ جوابیم مصطفایه دودمانیمده دوشوبسن سن منیم درد و بلایه گوزلرون یوممادویونجاخ قوی گلوم آه و نوایه ای چراغ زندگانیم موقع بحراندا سونمه باغبان سیز گورسه باغی غارت ایلر دست یاغی قالماز حال اولینده شاخسارین گل بوداغی دیللن آهسته سووندور مرتضانی غملی چاقی قویماآغلار عم قیزی جان نعشون اوسته دورداوشاقی ای چراغ زندگانیم موقع بحراندا سونمه سنده گیتسون بیرکسیم یوخ دار دنیاده غریبم فاطمه جان قارداشون یوخ گلسین امداده غریبم یوخدی یاریم قونشولاردان من بو اثناده غریبم جدیوه آغلار گوزیلن گیت دی عقباده غریبم ای چراغ زندگانیم موقع بحراندا سونمه نار محنتدن دوتوبدی اود یانور قلبیم حقیقت رختین امواتین سویالار طبق قانون شریعت کوینگون اوستن ویروم من غسلووی آیا نه علت ایله فرمایش جهاندا کیم گوروب بیله وصیت ای چراغ زندگانیم موقع بحراندا سونمه رسمیدور همسر ئولنده یانه یانه همسر آغلار چشم گریانیلن آخر گوزلرین آهسته باغلار من چکن اندوهی چکسه سو اولار مجموع داغلار گورسه یا اینکه شکوفا دن دوشر اوضامی باغلار ای چراغ زندگانیم موقع بحراندا سونمه ملتمس دعا (گوهری) ✨اَللّهُمَّ عَجِّل لِوَلیِّکَ الفَرَج✨

‍ #ایام_فاطمیه زبانحال حضرت علی علیه السلام به سبک اصغریم ای شیرین زبانیم ای منیم یار با وقاریم دینمون اوسته جانثاریم قالدی بو گوزلریم دالینجا آچ گوزون یارلی نگاریم داغلارام سینه می فراقینده سنین آغلارام ایندی بوش اتاقینده سنین قالوب زهرا علی تنها 2 بار باخ منه گور نه حاله قالدیم آغلادیم من غمینده یاندیم کوچه ده ایتدیلر جسارت من بو آز سینیده قوجالدیم آتما گوزدن عم اوغلوی سن یارالی یوخلاما آچ گوزون مدینه مارالی قالوب زهرا علی تنها 2بار ای ائویمین صفاسی زهرا قویما سن بو علینی تنها قلبیمه ویردیلار جراحت ای گل. گلعزار طاها یاندرار سینمی ئورک داغلاماقین گیجه لر صبحه تک یواش آغلاماقین قالوب زهرا. علی تنها. 2بار بیلمدیم کوچه ماجراسین قوی گوروم صورتین یاراسین زینبه نه اولار جوابیم زینبین گورموسن نواسین کیم ووروب صورتیوه سیلی یارالی گول جمالون ائدوبدی نیلی یارالی قالوب زهرا. علی تنها 2بار گلمیشم ایندی من فغانه قویدی آغلار منی زمانه دست کینه ائدوب جسارت اشگیم اولدی یوزه روانه صر صر ظلمیله صولار یاسمنین قان اولار گوزلرینده اشگی حسنین قالوب زهرا علی تنها. 2بار گول کیمی صولدی باغ طاها زینب آغلور غمینده زهرا دیلده قالمور داخی قراریم قویما سن مرتضانی تنها آغلارام قبره نیمه شب گیتمه گیوه سینه وین یاره سین نهان ایتمه گیوه قالوب زهرا علی تنها. 2بار حیدرین گویلون آل دانیشدیر آز منیم قلبیمی آلشدیر آچ گوزون بیر علینی دیندیر بو گوسن گویلومی باریشدیر مرتضی باشین اوسته آغلور یارالی سینه سین غملرینده داغلور یارالی قالوب زهرا علی تنها. 2بار ظلم ائدوب ثانی ستمگر دیللری یاندروبدی یکسر ووردی سیلی قباله اوسته آغلادوب عالمی سراسر حشره تک یاندرار بوغم شیعه لر ی «مهدی» یاز شانینه گوره نوحه لری قالوب زهرا. علی تنها. 2بار شاعر مهدی ملکی زنجانی ✨اَللّهُمَّ عَجِّل لِوَلیِّکَ الفَرَج✨

نوحه حضرت زهرا (س) زبانحال امیرالمومنین(ع) اهنگ از خون جوانان وطن ✍️ شاعر علیرضا علوی زنجانی ✍️ آچ گوزلریوی غملی یاریم وفا داریم سولوب سارالمیشام من آدامسیز قالمیشام من بوشهریده یوخ هوا داریم ای نگاریم داخی قوجالمیشام من آدامسیز قالمیشام من جهانی داغلارام من عزاوی ساخلارام من بالا لاریم لا. باهم غمونده آغلارام من «کر» نه تز مندن دویوبسان. وفا رختین سویوبسان بالا لارین غمینده نیه آغلار قویوبسان الله اورگیم دوتوب شراره ٬٬ ایله چاره گیدور زهرا مزاره خدایا ایله چاره آغلور زینبیم قالمیشام آواره٬٬ ایله چاره گیدور زهرا مزاره خدایا ایله چاره جهانی داغلارام من عزاوی ساخلارام من بالا لاریم لا. باهم غمونده آغلارام من «کر» نه تز مندن دویوبسان. وفا رختین سویوبسان بالا لارین غمینده نیه آغلار قویوبسان اون سگیز ایلده گل عمری ٬٬جفایله سولان مظلومه زهرا سولان مظلومه زهرا ظلم ثانیدن در و دیوار. اراسیندا قالان معصومه زهرا قالان معصومه زهرا جهانی داغلارام من عزاوی ساخلارام من بالا لاریم لا. باهم غمونده آغلارام من «کر» نه تز مندن دویوبسان. وفا رختین سویوبسان بالا لارین غمینده نیه آغلار قویوبسان گلم هر گیجه مزاریون اوسته من خسته گلم گیجه لر ایوه خسته مزار اوسته علی نین قلبی قاندی حسیندن ناگراندی یانام هجرونده من آهسته چو پر بسته علی نین قلبی قاندی حسیندن ناگراندی جهانی داغلارام من عزاوی ساخلارام من بالا لاریم لا. باهم غمونده آغلارام من «کر» نه تز مندن دویوبسان. وفا رختین سویوبسان بالا لارین غمینده نیه آغلار قویوبسان سنسیز نجه من گلوم زهرا غمون دیلدن سیلوم زهرا آماندی بو آیریلیق یاماندی ایسته اللهدان بو گون منده اجل گلسین ئولوم زهرا آماندی فراق اوتی قالاندی جهانی داغلارام من عزاوی ساخلارام من بالا لاریم لا. باهم غمونده آغلارام من «کر» نه تز مندن دویوبسان. وفا رختین سویوبسان بالا لارین غمینده نیه آغلار قویوبسان ✍️ شاعر علیرضا علوی زنجانی ✍️

آهنگ :یا امام زمان شیعه ده احساسه باخ نوحه حضرت زهرا (س) ✍️ شاعر علیرضا علوی زنجانی ✍️ بو دل شبده سن هارا گیدرسن آنا آغلور اوغلون حسن هارا گیدورا آنا زینبم اغلارام. سینمی داغلارام جان آنا جان. جان آنا جان گل یوزون دهریده گولمین ای وای آنا قیز طوی گورمین دهریده ای وای آنا قبره‌ حسرت گیدن دهریده ای وای آنا آغلیور دورد بالان هارا گیدرسن انا زینبم اغلارام. سینمی داغلارام جان آنا جان. جان آنا جان آناسیز لیق غمین گورموشدین سن اوزون تا اولونجه آنا وایدی هر گون سوزون گولمدی ای آنا دنیادا لحظه یوزون تک قویوبسان بیزی هارا گیدرسن آنا زینبم اغلارام. سینمی داغلارام جان آنا جان. جان آنا جان داخی سندن صورا کیم بیزی یاده سالار اغلیاندا حسین. گویلونی کیملر آلار قاپوموز باغلانار حیدر آتام تک قالار قالدیم حسرت سنه هارا گیدرسن آنا زینبم اغلارام. سینمی داغلارام جان آنا جان. جان آنا جان سنی یاد ایلوری آغلوری اوغلون حسن آلور اغوشینه اوخشوری. شاه زمن هی دیر آغلاما ایلمه شیون حسن اولموشوق باغری قان هارا گیدرسن آنا زینبم اغلارام. سینمی داغلارام جان آنا جان. جان آنا جان قلبیمز قان اولوب غصه و غمدن انا گیجه لرصبح جاق سسلیورم جان آنا اغلیریق دودومیز اوخشیور یان یانا قالدی بوش محرابون هارا گیدیرسن انا زینبم اغلارام. سینمی داغلارام جان آنا جان. جان آنا جان غسل ایدنده بابام حالیوه چوخ اغلادی قویدی دیواره یوز سینه سینی داغلادی باسدی بیر باقیرنا گوزلریوی باغلادی بیلدوم اولدوم یتیم هارا گیدور سن انا زینبم اغلارام. سینمی داغلارام جان آنا جان. جان آنا جان آتامیز ای آنا غصه و غمدن سولوب او قدر آغلیوب گوزلرینه قانون دولوب قلعه خیبرین قهرمانی دای سولوب بیکسوق بیز داخی هارا گیدیرسن انا زینبم اغلارام. سینمی داغلارام جان آنا جان. جان آنا جان ✍️ شاعر علیرضا علوی زنجانی ✍️ ۹۷/۱۱/۲۰

آهنگ :اویان ای یار وفاداریم اویان بسمعه تعالی شاعر :علیرضا علوی زنجانی نوحه حضرت زهرا (س) آهنگ :اویان ای یار وفاداریم اویان وام گرفته از :استاد غفاری اردبیلی اویان ای یاور و دلداریم اویان آچ گوزون غم گونی غمخواریم اویان آغلیور. باشیوین . اوسته بالالار سنه قربان دل. بیماریم اویان گل بی خار یم اویان. یارلی یاریم. اویان سنه من یارلی ؟ لایلای دیرم قبرون اوسته گیجه لر تک گلرم قارداشین یوخ بیلیرم فاطمه جان گوز لریم یاشینی گوزدن. الرم گل بی خواریم اویان. یاره لی یاریم اویان اچ گوزون غملی نگاریم گوزون اچ ای منیم باغ و بهاریم گوزون. اچ باخ حسینین. سارالان صورتینه ای منیم دارو نداریم. گوزون. اچ یارلی یاریم. اویان. غملی غمخواریم اویان گل منیم قلبیمی قان ایتمه خانیم غصه لی قلبیمی اینجیتمه خانیم سنسیز عالمده. پریشاندی علی یالقوزام. بی کمگم گیتمه خانیم یارلی یاریم اویان. غملی غمخواریم اویان دیمرم فاطمه جان گویلومی آل گل حسینه گوره سن بو گیجه قال زینب آغلیور اورگیم. اوتلانیری آچ قولون زینبوین بوینونا سال یاره لی یاریم اویان. غملی دلداریم اویان آچ گوزون ای حسنینون. آناسی بی کسم سن سن حسینون آناسی حسن آغلیور دانشور اوز اوزونه هی اشاریله ویرور. دیل. یاراسی یارلی. یاریم اویان. غملی غمخواریم اویان قولی پهلوسی سینان یاریم اویان درگهی. اوتدا یانان یاریم اویان ای جوانلیقدا. اولان قدی کمان گل کیمی رنگی سولان یاریم اویان یاره لی یاریم اویان. غملی غمخواریم اویان غسل ایدنده سنه من آغلامیشام من سنون هجریوه دل داغلامیشام گوزون آچ حیدره باخ فاطمه جان سینوین یاره سینی باغلامیشام یاره لی. یاریم. اویان. غملی غمخواریم اویان شاعر :علیرضا علوی زنجانی وام گرفته از استاد حسین غفاری اردبیلی از همه عاشقان التماس دعا دارم حقیر مشکل دارم لطفا دعا کنید

ایام فاطمیه آهنگ :  گینه بیر هفته سایدیم جمعه گلدی گلمدین سن گلوب ایام غم باشلاندی زهرانین عزاسی گینه شیعه دوتوب ماتم گیوب زهرا قراسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای دولوب قانیله قلب مرتضا ایوای دئیردی حسن ماتم دوتوب کلثومیلن های های دئیردی باخوب زینب حسینیلن آنام لایلای دئیردی دئیردی زینبون اولسون آنا جانین فداسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای گینه مولا علینون گوزیاشی رخساره آخدی حسینون گوزیاشی عالملری یاندیردی یاخدی گینه زینب دئیوب ایوای آنام مسماره باخدی دئیر سن سیز بو باغین یوخ آنا هرگز صفاسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای گوزوندن مرتضا دنیا و مافیهانی آتدی گینه پیغمبرین دُردانه سی بستر ده یاتدی بو غمده قیزلاری خون دلین گوز یاشه قاتدی گینه باش آچدی بو ایامیده زهرا یاراسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای گینه صوت حزینیله اولار قرآن قرائت ائدر زهرایه مولا سورهٔ یاسین تلاوت دئیر قنفذ ائدوب سندن منی زهرا خجالت تاپولماز دردیوین هرگز بو عالمده دواسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای گینه باد جفا زهرا اولان گلزاره اسدی گینه تخم نفاق و کینه نی اول ظالم اکدی گینه اود ووردولار باب رسالت شعله چکدی وورار جنتده باشه هم آتاسی هم آناسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای بو غمده مرتضانین کاسه صبری جالاندی گینه زینب دئیر الله ننم زهرا جواندی باجیم کلثومه رحم ایله آنام حالی یاماندی دئیر الله منه گلسون آنام زهرا قاداسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای دئیر زینب آنام اوتوق یری قیلدی صلاتی ایله تنگه دوشوبدور ثانی ظلموندن حیاتی گینه اللّه نمازینده دییور «عجّل وَفاتی» چخار عرشه گینه مظلومه زهرانین نواسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای گینه جنتده قلب مصطفی قانیله دولدی نچه زاغ و زغن اولدی سبب گلزاری سولدی نه اولدی کوچه ده اولدی جوان زهراسی ئولدی آتا هجرینده درده مبتلا اولدی بالاسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای بو غمده تسلیت ویر «صادقی» صاحب زمانه گلور زهرا غمینده قائم اوغلی الامانه هاچان وقتی یِتور حکم ایلیه کل جهانه اَسه دیدوقجا یِل اول ناطق قرآن لواسی حسن ایوای دئیر حسین لای لای دئیر دئیر ایوای آنام وای دئیر زینب آنام یانار کلثوم مدام دئیر ایوای آنام وای                   

زبانحال حضرت زینب (س) آنا جان گَلَر غمونده متَّصل فغانه زینب آنا وای دیَر دَمادَم اود سالار جهانه زینب غم كش زمانه زینب آنا جان بو غم كشیده فرقتونده سینه داغلار غصّه دن اولوب گلوگیر سیل اشك عذاره باغلار سس سسه ویرور منیله قارداشیم حسنده آغلار بولَّم ایمدی اولدی سن سیز غم كش زمانه زینب یوزی هیچ جهاندا گولمز آناسیز قیزین بیر آنی آناسیزلارین فغانی ای آنا گویه دایانی چشم روزگار گورموب سن كیمی رئوف آنانی حقّی وار گله غمونده آه و اَلْاَمانه زینب سن منی غمونده ایتدون سینه داغلی دیده گریان بوش گوروب یِرون ئولونجه اولّام هر زمان پریشان گورمدون جهاندا خوش گون بیر دقیقه سن آنا جان یری وار بو غمده ایتسون گوز یاشون روانه زینب قنفذین جفاسی امّا طاقتون اَلوندن آلدی قولّاروندا تازیانه یرلری ئولونجه قالدی بولمدی بیر كس ئولونجه قولووا كیم یاره سالدی حشره تك یانار اوركدن بو غم گرانه زینب اورگیمده درد و غمدن نسگلیم وار عالم عالم سنی یاده سالّام هر آن، اوج ایدر سپهره نالم آنائیله هر زماندا قیز اولار عزیز عالم اولاجاقدی سن سیز ایمدی غملره نشانه زینب نجه كه جوانلقوندا قامتون بوكولدی غمدن بوكولر منیم ده قدّیم آنا سن تك چوخ مُحَندن ایله كربلاده اعدا آلاجاق قرار مندن اولاجاق اسیر او چولده شمریله سنانه زینب سنی چولقادی جهاندا نجه كه مصیبت و غم بو آز عمریده آغاردی ساچون اولدی قامتون خم غصّه چكماقا گرك من باغلیام بیلیمی محكم صبر ایده بلا چولنده جور كوفیانه زینب سنون هر زمان ملالون سالارام آنا خیاله ایدرم مصیبتونده گئجه گوندوز آه و ناله كیم منیم كیمی دایاندی بو قدر غم و ملاله عمری وار نه قدری آغلار، سنه یانه یانه زینب نه قدر سنه جهاندا ظلم ایدوب بو اهل كینه ایله كربلاده اعدا ظلم ایدور بو دل غمینه والِه ایستوری كه اولسون قسمتی بو ایل مدینه ایسته سین بو رو سیاهی گوزل آستانه زینب

🏴 زبانحال حضرت علی(ع) درسربستر حضرت زهرا(س) ✍بقلم استاد گوهری هشترودی 🎼سبک دوم 🎤#بانوای_حاج_علی_سیفی_افشار ای چراغ زندگانیم موقع بحراندا سونمه اولسا امکانی آماندی مهلک طوفاندا سونمه فاطمه جان فاطمه جان ایلمه سن قلبیمی قان گوز یاشیم قانه دونوبدی قان یاغور هر بارشیندن گچمه امکانی گر اولسا مرتضانین خواهشیندن قویما یانسون زینبینی بو فراقین آتشیندن بیلمورم هچ نیلیوم من محنتین افزایشیندن ای چراغ زندگانیم موقع بحراندا سونمه دوقوز ایل عمرون بهاری سولدی ایام خزاندا یوخ گلایم چون یازوبدی متنین آللهون یازاندا غسلووی ویرم و لیکن یوخ کمک قبرون قازاندا خجلتیمدن من دیمم یا محمد دای اذاندا ای چراغ زندگانیم موقع بحراندا سونمه چون امانت ویرمیشیدی یادگارین مرتضایه حالووی مندن سوروشسا یوخ جوابیم مصطفایه دودمانیمده دوشوبسن سن منیم درد و بلایه گوزلرون یوممادویونجاخ قوی گلوم آه و نوایه ای چراغ زندگانیم موقع بحراندا سونمه باغبان سیز گورسه باغی غارت ایلر دست یاغی قالماز حال اولینده شاخسارین گل بوداغی دیللن آهسته سووندور مرتضانی غملی چاقی قویماآغلار عم قیزی جان نعشون اوسته دورداوشاقی ای چراغ زندگانیم موقع بحراندا سونمه

زبانحال حضرت زینب (س) آنا جان گَلَر غمونده متَّصل فغانه زینب آنا وای دیَر دَمادَم اود سالار جهانه زینب غم كش زمانه زینب آنا جان بو غم كشیده فرقتونده سینه داغلار غصّه دن اولوب گلوگیر سیل اشك عذاره باغلار سس سسه ویرور منیله قارداشیم حسنده آغلار بولَّم ایمدی اولدی سن سیز غم كش زمانه زینب یوزی هیچ جهاندا گولمز آناسیز قیزین بیر آنی آناسیزلارین فغانی ای آنا گویه دایانی چشم روزگار گورموب سن كیمی رئوف آنانی حقّی وار گله غمونده آه و اَلْاَمانه زینب سن منی غمونده ایتدون سینه داغلی دیده گریان بوش گوروب یِرون ئولونجه اولّام هر زمان پریشان گورمدون جهاندا خوش گون بیر دقیقه سن آنا جان یری وار بو غمده ایتسون گوز یاشون روانه زینب قنفذین جفاسی امّا طاقتون اَلوندن آلدی قولّاروندا تازیانه یرلری ئولونجه قالدی بولمدی بیر كس ئولونجه قولووا كیم یاره سالدی حشره تك یانار اوركدن بو غم گرانه زینب اورگیمده درد و غمدن نسگلیم وار عالم عالم سنی یاده سالّام هر آن، اوج ایدر سپهره نالم آنائیله هر زماندا قیز اولار عزیز عالم اولاجاقدی سن سیز ایمدی غملره نشانه زینب نجه كه جوانلقوندا قامتون بوكولدی غمدن بوكولر منیم ده قدّیم آنا سن تك چوخ مُحَندن ایله كربلاده اعدا آلاجاق قرار مندن اولاجاق اسیر او چولده شمریله سنانه زینب سنی چولقادی جهاندا نجه كه مصیبت و غم بو آز عمریده آغاردی ساچون اولدی قامتون خم غصّه چكماقا گرك من باغلیام بیلیمی محكم صبر ایده بلا چولنده جور كوفیانه زینب سنون هر زمان ملالون سالارام آنا خیاله ایدرم مصیبتونده گئجه گوندوز آه و ناله كیم منیم كیمی دایاندی بو قدر غم و ملاله عمری وار نه قدری آغلار، سنه یانه یانه زینب نه قدر سنه جهاندا ظلم ایدوب بو اهل كینه ایله كربلاده اعدا ظلم ایدور بو دل غمینه والِه ایستوری كه اولسون قسمتی بو ایل مدینه ایسته سین بو رو سیاهی گوزل آستانه زینب

🏴زبانحال حضرت ام البنین(س) ای خدا جان اوستیم آرام جانیم گلمه دی منتظر قالدی گوزوم نام ونشانیم گلمدی گلشن عمروم سولور سرو روانیم گلمه دی صاحب اون یدی منصب پهلوانیم گلمه دی نهر علقمده یاتان شیر ژیانیم گلمدی قهرمانلار قهرمانی قهرمانیم گلمه دی ایخدا دل تنگه گلدی دلبریمدن یوخ خبر صون نفسده عون و فضل و جعفریمدن یوخ خبر جان دوداقیمدن چیخیر هئچ ائل لریمدن یوخ خبر قاسمیم دن یا علی اکبریمدن یوخ خبر زاده زهرا حسین تک سروریمدن یوخ خبر یوخ منه چاره ابوالفضل جوانیم گلمه دی چرخ دوران ائیله دی ام البنینی بی بنین دلخوشام دورد اوغلوم اولدی شوقیله قربان دین شامیدن زینب گتوردی یوسفین پیراهنین وئردی عباسین منه مشکیله قانلی پرچمین آخر عمرومده اوغولسوز قالمیشام زار و حزین جان دوداقه گلدی اما دلستانیم گلمه دی بو ائوه گلدیم گلین ، کسب شرافت ائیله دیم اولمیام شرمنده حق دن استعانت ائیله دیم زینب و کلثومه چوخ شوقیله خدمت ائیله دیم فاطمه اولادینه هر آن محبت ائیله دیم ایمدی آخر لحظه بیر بیر گر چه دعوت ائیله دیم باشیم اوسته بیر نفر شیرین زبانیم گلمه دی دار دنیاده حسینمیدن صورا گولمز یوزوم حسرتیله کربلا یولارینا باخدی گوزوم اولمادی از بس خبر قورتادی قلبیمده دوزوم شعله هجرانیدن چوخداندی وار دیلده کوزوم باشیم اوسته گلسه عباسیم اونا وار چوخ سوزوم شمع تک یاندیم ولی دیلدن یانانیم گلمه دی حیف عاشورا گونی سعی و صفاده اولمادیم نی کیمی گلدیم نوایه نینواده اولمادیم منده زینب تک او گون دشت بلاده اولمادیم قانه باتدی ایل لریم کرب وبلاده اولمادیم بیر دویونجا آغلییام قانلی مناده اولمادیم گوللریم حسرتله سولدی باغبانیم گلمه دی گیم گوروب عباسیمی قدر رساسیندن دئسین کربلاده همت و سعی و صفاسیندن دئسین روز عاشوراده کی حال و هواسیندن دئسین دورد وفالی اوغلومون عهد وفاسیندن دئسین ایندی جان اوسته منه مدح و رثاسیندن دئسین بیر دئسین علت ندور اول مهربانیم گلمه دی کربلانی کیم گوروب قانلی مناسیندن دئسین قتلگاهیندن خلیلین دن صفاسیندن دئسین دشمنین عباسیمه ظلم و جفاسیندن دئسین پاره مشکییندن و یا قانلی لواسیندن دئسین بیر منه شیر اوغلومون باشدا یاراسیندن دئسین شرح ائدین علت ندور اول پاسبانیم گلمه دی گوردی عاشوراده کیم عباسیمن پیکارینی عهد و پیمانین و یا عشقینده کی معیارینی تشنه لب نهرین کنارینده گوزل کردارینی قارداش عشقینده اولان رفتارینی ایثارینی هم حسینی آغلادان هجرینده هم قیزلارینی اولدی شرمنده خیامه قهرمانیم گلمه دی باشیم اوسته اولمادی زینب محرم دن دئسین کربلا دشتینده کی اسرار مبهم دن دئسین تشنه لردن سو سوزوندن نهر علقم دن دئسین مشکیدن عباسیدن یا قانلی پرچم دن دئسین کهنه پیراهن سوزوندن آخرین دم دن دئسین گتدی شامه حیف یار روضه خوانیم گلمه دی ✍#محمد_هوشمند_مدهوش ✨اَللّهُمَّ عَجِّل لِوَلیِّکَ الفَرَج✨

همایون

بیات اصفهان

سگاه

چهارگاه

بیات ترک

🎼سبک نوحه فوق👆👆 🎤#بانوای_حاج_علی_سیفی_افشار

ابوعطا

دشتی

شور

سگاه عربی

شورعربی

راست پنجگاه

قفقازی

ماهور