زبانحال حضرت زینب (س) آنا جان گَلَر غمونده متَّصل فغانه زینب آنا وای دیَر دَمادَم اود سالار جهانه زینب غم كش زمانه زینب آنا جان بو غم كشیده فرقتونده سینه داغلار غصّه دن اولوب گلوگیر سیل اشك عذاره باغلار سس سسه ویرور منیله قارداشیم حسنده آغلار بولَّم ایمدی اولدی سن سیز غم كش زمانه زینب یوزی هیچ جهاندا گولمز آناسیز قیزین بیر آنی آناسیزلارین فغانی ای آنا گویه دایانی چشم روزگار گورموب سن كیمی رئوف آنانی حقّی وار گله غمونده آه و اَلْاَمانه زینب سن منی غمونده ایتدون سینه داغلی دیده گریان بوش گوروب یِرون ئولونجه اولّام هر زمان پریشان گورمدون جهاندا خوش گون بیر دقیقه سن آنا جان یری وار بو غمده ایتسون گوز یاشون روانه زینب قنفذین جفاسی امّا طاقتون اَلوندن آلدی قولّاروندا تازیانه یرلری ئولونجه قالدی بولمدی بیر كس ئولونجه قولووا كیم یاره سالدی حشره تك یانار اوركدن بو غم گرانه زینب اورگیمده درد و غمدن نسگلیم وار عالم عالم سنی یاده سالّام هر آن، اوج ایدر سپهره نالم آنائیله هر زماندا قیز اولار عزیز عالم اولاجاقدی سن سیز ایمدی غملره نشانه زینب نجه كه جوانلقوندا قامتون بوكولدی غمدن بوكولر منیم ده قدّیم آنا سن تك چوخ مُحَندن ایله كربلاده اعدا آلاجاق قرار مندن اولاجاق اسیر او چولده شمریله سنانه زینب سنی چولقادی جهاندا نجه كه مصیبت و غم بو آز عمریده آغاردی ساچون اولدی قامتون خم غصّه چكماقا گرك من باغلیام بیلیمی محكم صبر ایده بلا چولنده جور كوفیانه زینب سنون هر زمان ملالون سالارام آنا خیاله ایدرم مصیبتونده گئجه گوندوز آه و ناله كیم منیم كیمی دایاندی بو قدر غم و ملاله عمری وار نه قدری آغلار، سنه یانه یانه زینب نه قدر سنه جهاندا ظلم ایدوب بو اهل كینه ایله كربلاده اعدا ظلم ایدور بو دل غمینه والِه ایستوری كه اولسون قسمتی بو ایل مدینه ایسته سین بو رو سیاهی گوزل آستانه زینب

🏴زبانحال حضرت ام البنین(س) ای خدا جان اوستیم آرام جانیم گلمه دی منتظر قالدی گوزوم نام ونشانیم گلمدی گلشن عمروم سولور سرو روانیم گلمه دی صاحب اون یدی منصب پهلوانیم گلمه دی نهر علقمده یاتان شیر ژیانیم گلمدی قهرمانلار قهرمانی قهرمانیم گلمه دی ایخدا دل تنگه گلدی دلبریمدن یوخ خبر صون نفسده عون و فضل و جعفریمدن یوخ خبر جان دوداقیمدن چیخیر هئچ ائل لریمدن یوخ خبر قاسمیم دن یا علی اکبریمدن یوخ خبر زاده زهرا حسین تک سروریمدن یوخ خبر یوخ منه چاره ابوالفضل جوانیم گلمه دی چرخ دوران ائیله دی ام البنینی بی بنین دلخوشام دورد اوغلوم اولدی شوقیله قربان دین شامیدن زینب گتوردی یوسفین پیراهنین وئردی عباسین منه مشکیله قانلی پرچمین آخر عمرومده اوغولسوز قالمیشام زار و حزین جان دوداقه گلدی اما دلستانیم گلمه دی بو ائوه گلدیم گلین ، کسب شرافت ائیله دیم اولمیام شرمنده حق دن استعانت ائیله دیم زینب و کلثومه چوخ شوقیله خدمت ائیله دیم فاطمه اولادینه هر آن محبت ائیله دیم ایمدی آخر لحظه بیر بیر گر چه دعوت ائیله دیم باشیم اوسته بیر نفر شیرین زبانیم گلمه دی دار دنیاده حسینمیدن صورا گولمز یوزوم حسرتیله کربلا یولارینا باخدی گوزوم اولمادی از بس خبر قورتادی قلبیمده دوزوم شعله هجرانیدن چوخداندی وار دیلده کوزوم باشیم اوسته گلسه عباسیم اونا وار چوخ سوزوم شمع تک یاندیم ولی دیلدن یانانیم گلمه دی حیف عاشورا گونی سعی و صفاده اولمادیم نی کیمی گلدیم نوایه نینواده اولمادیم منده زینب تک او گون دشت بلاده اولمادیم قانه باتدی ایل لریم کرب وبلاده اولمادیم بیر دویونجا آغلییام قانلی مناده اولمادیم گوللریم حسرتله سولدی باغبانیم گلمه دی گیم گوروب عباسیمی قدر رساسیندن دئسین کربلاده همت و سعی و صفاسیندن دئسین روز عاشوراده کی حال و هواسیندن دئسین دورد وفالی اوغلومون عهد وفاسیندن دئسین ایندی جان اوسته منه مدح و رثاسیندن دئسین بیر دئسین علت ندور اول مهربانیم گلمه دی کربلانی کیم گوروب قانلی مناسیندن دئسین قتلگاهیندن خلیلین دن صفاسیندن دئسین دشمنین عباسیمه ظلم و جفاسیندن دئسین پاره مشکییندن و یا قانلی لواسیندن دئسین بیر منه شیر اوغلومون باشدا یاراسیندن دئسین شرح ائدین علت ندور اول پاسبانیم گلمه دی گوردی عاشوراده کیم عباسیمن پیکارینی عهد و پیمانین و یا عشقینده کی معیارینی تشنه لب نهرین کنارینده گوزل کردارینی قارداش عشقینده اولان رفتارینی ایثارینی هم حسینی آغلادان هجرینده هم قیزلارینی اولدی شرمنده خیامه قهرمانیم گلمه دی باشیم اوسته اولمادی زینب محرم دن دئسین کربلا دشتینده کی اسرار مبهم دن دئسین تشنه لردن سو سوزوندن نهر علقم دن دئسین مشکیدن عباسیدن یا قانلی پرچم دن دئسین کهنه پیراهن سوزوندن آخرین دم دن دئسین گتدی شامه حیف یار روضه خوانیم گلمه دی ✍#محمد_هوشمند_مدهوش ✨اَللّهُمَّ عَجِّل لِوَلیِّکَ الفَرَج✨

همایون

بیات اصفهان

سگاه

چهارگاه

بیات ترک

🎼سبک نوحه فوق👆👆 🎤#بانوای_حاج_علی_سیفی_افشار

ابوعطا

دشتی

شور

سگاه عربی

شورعربی

راست پنجگاه

قفقازی

ماهور

البته قفقاز زیر مجموعه سگاه هستش

🍂 شام غریبان  گودال 🍂 سس وئر داریخمیشام من نالانه آی بابا گلدیم بو یئرده  شام غریبانه آی  بابا گلدیم بابا غمینده یانیم  سینه  داغلییم خلوت ائدیب جنازه وین اوستونده آغلییم امکان یوخومدی یاره لرین گرچی باغلییم گوز یاش گتیرمیشم سنه درمانه آی بابا سس وئر منه  دئییم  باشیمین ماجراسینی غارت غمین بو  لشگر کفرون  جفاسینی یوخ باغلیان ایاقلاریمین  هیچ  یاراسینی غم گور نئجه   گتیردی منه جانه آی بابا سند نصورا اورکلرمیز قانه  دوندولر باشین اوجالدی نیزیه دشمن سویوندولر غارت هواسی باشدا خیامه توکولدولر یاندی شرار ظلمیله  کاشانه ای بابا عمه م اودم کی گوردی گلیر لشگر جفا ائتدی  سوال  قارداشیما  نیلیوم بالا امر ائیلدی کی اهل حرم چوللره قاچا قالدی اوزی خیمده یانا یانه آی بابا هر نه واریدی اهل جفا غارت  ائیلدی اهل حرم داغیلدی چوله وحشت ائلیدی الله ولیک عممه چوخ نصرت ائیلدی تاپدی گتیردی خیمه سوزانه آی بابا سندنصورا بابا بیزه دشمن گتیردی سو هر قطره سینده دیلده فغان ائتدیم آرزو بیر قطره سین وئریدیله کاش  اصغره عدو اوخ ووردیلا او طفل لب عطشانه ای بابا الان کی گلمیشم بورا ای سرور حجاز نصفی یانان چادیردا بی بیم باشلیوب نماز گوزیاشلی  سینه داغلی ائدیر رازیله نیاز قلبی دوندی لاله کیمی  قانه آی بابا سندن صورا بو عالم امکاندا یوخ صفا قمچی له ساکت ائتدی بیزی قوم  اشقیا کاش عمری اجل گله مقتلده قورتارا یوخ منده تاب کوفه ده زندانه آی بابا #محرم1402 #شام_غریبان

نوحه حضرت زهرا سلام الله علیها در سبک؛خدامادرم را کجا میبرند سیننده سیزدلار یارا آی ننه گئجه نن گدورسن هارا آی ننه گوزیم قالدی آغلار،یتیم سینه داغلار دایان بیر دایان(3) نه تئز سوندی عمرین چراغی ننه اطاقین اولوب غم اطاقی ننه گوزیم قالدی آ غلار،یتیم سینه داغلا ر دایان بیر دایان(2) جوانسان یاراشمورکفن آی ننه قان آ غلور حسین وحسن ،آی ننه گوزینده گوزیم وار،سنه چوخ سوزیم وا ر دایان بیر دایان

مکالمه حضرت زهرا( س) بامولاعلی(ع) درآهنگ ای قلم سوزلرونده اثریوخ... ای امید دل وجان عم اوغلی قلبیمی ایتدیلرقان عم اوغلی گَل اوخی باشیم اوستونده قرآن قوی گله صوت قرآن عم اوغلی آغلاما سن یانایانه زهرا گلمه بیربیله افغانه زهرا کشتی صبریمی بحرغمده سالماامواج طوفانه زهرا تانفس وارهله واردی فرصت گل ایدیم محضرونده وصیت نصف شب کفن ودفن ایت بوزاری گورمیوب ایتمه سینلر شمادت دست ثانیله بوچرخ دوران ایلیوب ظلمین آفاقه اعلان روح پاکون اولوب زارو مضطر مرتضانی ائدیب دیده گریان پَر چالیر مرغ روحیم بدندن بلبلون آیریلیربوچمندن جان سنون جان حسینین عم اوغلی قویما غمگین اولا بومحندن عشقین ای گوهرپربهاسی گل وجودی بلاآشناسی ساخلارام سینم اوسته حسینی تااولاحاصل الله رضاسی ثانی پست آچیب ال جفایه باخمادی قدرت کبریایه اوت وریب یاندیریب عرش وفرشی ظلمی فاش اولدی خیرالنسایه وای اولا کینه جو روزگاره عمریوی حسرت ایتدی بهاره ترک ائدیرسن علینی جهاندا اوخشویارگوندوزوم لیل تاره حرمتون واردی عرش خداده ثبت اولوبدورحدیث کساده لطفا ایله آرزی سی وار نصیری اوخشیوب آغلیاکربلاده                  

‍ ‍ ‍ شهادت حضرت زهرا سلام الله علیها ای قلبیمین آرامش و صبر و قراری آغلار گچر سن سیز علینون روزگاری سینونده یاره گیتدون مزاره بو درده ایلوم ایندی نه چاره سنسیز منه دنیا بویوک زندان اولوبدی قلب شکسته فرقتونده قان اولوبدی همواره پیشم ناله و افغان اولوبدی سینونده یاره گیتدون مزاره بو درده ایلوم ایندی نه چاره طوفان ظلم اسدی شکست اولدی سفینه قورتار میان ضربه دگیب ار کان دینه محسن شهید اولدی سنوب پهلو وسینه سینونده یاره گیتدون مزاره بو درده ایلوم ایندی نه چاره سن سیز حسینیله حسن گل تک سارالدی کلثوم وزینب الری قوینوندا قالدی سن سیز منیم قلبیمی طوفان غم آلدی سینونده یاره گیتدون مزاره بو درده ایلوم ایندی نه چاره دنیای روشن گوزلریمده تار اولوبدی قاتل سنه سیننده کی مسمار اولوبدی یوخ یوخ سنه قاتل در و دیوار اوولوبدی سینونده یاره گیتدون مزاره بو درده ایلوم ایندی نه چاره ای عزت عالم  ندن  سن خوار اولوبسان گه مبتلای ثانی خونخوار اولوبسان گاهی گرفتار در ودیوار اولوبسان سینونده یاره گیتدون مزاره بو درده ایلوم ایندی نه چاره قلبیمده زهرا جان بویوک داغلار قالوبدی کلثوم لن ذینب گوزی آغلار قالوبدی گوررم جفائیلن قاپون باغلی قالوبدی سینونده یاره گیتدون مزاره بو درده ایلوم ایندی نه چاره قنفذ سنه وردی نقدری تازیانه فریاد ایدیب گلدین جفائیلن فغانه تاثیر ایدوب قلبیم دونوب بیر پارچا قانه سینونده یاره گیتدون مزاره بو درده ایلوم ایندی نه چاره محنت لباسین پیکریندن سویمادون سن بیر بالش آسایشه باش قویمادون سن سینونده یاره گیتدون مزاره بو درده ایلوم ایندی نه چاره

روضه قتلگاه امام حسین(ع) نعشِ حسین اوسته اوُلدی اِستشهاد اوجالدی ناله سپهره سراد قاتندَن عَجب جسُوریدی یابن الحَسن سپاهِ عراق بله دِیردیله مُنشی لره گوزوندَن اِیراق بیری دیردی بو کاری یارانی من وردیم بیری دیردی یازون بو سنانی من وردیم بیری دیردی بو غازیندا نیزه مین یِری وار دوشنده سَجدیه شَه ناگهانی من وردیم بیری دیردی یازون  شَمر وردی خیمیه اُود چخاندا عترتِ خیرالنسانی من وردیم بیری دیردی منی باشدا یاز که حرملیم یادوزدا قالسون او دل سیز بالانی من وردیم بیری دیردی باخون سَجده گاهه قانی آخور یازون حسینه او سنگِ جَفانی من وردیم بیر دیردی باخون غصه لی اُورک باشنا او تیرِ دل شکن و جانستانی من وردیم بیری دیردی منیم باشدا ثَبت اولسون آدیم یازون حسینی قوجالدان جوانی من وردیم بیری دیردی منیم چاتمادی الیم ئوزونه باجیسینون قولونا ریسمانی من وردیم سحر نسیمی اسوب اون بیرین گونی چخدی ...............