زبانحال رباب ➖➖➖➖➖➖➖ یوزوی گورمگه هر چند ایدوردوم عجله آنوا اولمادی ممکن باشوون اوسته گله مهربان عمه لرون وئردی سنی الدن اله یارون اوسته آپاروب معجریمی سرمدیلر قرمزی دوشلوگوی هیچ منه گوسترمدیلر هاردا ای گنج شفاعت سنی شاه ائتدی نهان یوزوی قویدی قرا تپراقا ای مونس جان بالاجا قبروی عمون منه گر وئرسه نشان قالمارام خیمه ده گللم اورگیم داغلیارام صودیمی قبرون اوسته ساغارام آغلیارام دیل بیلن رحم ایلیور رسمیدی دیل بیلمینه چونکه دیل بیلمینون حاجتی وار دیل بیلینه سنکه دینموردون او ظالم نیه اوخ وردی سنه هانسی جلادون او قدرتده کمان چکدی الی هانسی طفلون بوغازین اوچ پر اوخ اوچ بولدی علی انورا طاقت انسانی آلان سوزدی بو سوز ساده دور لیکن اورک پارچالیان سوزدی بو سوز نوحه خوانلاره اولان ورد زبان سوزدی بو سوز آغلادان گوزلری سوز یوخ سوزوون نسگلیدور گوئیا اوغلی ئولن بیر آنانون ئوز دیلیدور 📝◼️مرحوم استاد حاج انور اردبیلی ره

نوحه حضرت علی اکبر ع زنجیرزنی سه ضرب بانوای #کربلایی_منوچهر_حسن_زاده شاعر#مرحوم_تقایی_اردبیلی خیامه گلدی جدیمون نماسی زینب باتوبدی قانه قامت رسانی زینب جوانیم ئولدی بو سرو قدی دوغریوب ستمله اعدا عباده قطعه قطعه دور بو قد رعنا اولوبدی متنی قطعو و هاربا اربا باشیندا وار سانالمیان یاراسی زینب جوانیم ئولدی بو مه جمالی قان دوتوب دور هاله مثلی اولوبدی جسمی پاره بیر رساله مثلی آخور عذاره گوزیاشیم سلاله مثلی گیدوب فنایی عمریمون صفاسی زینب جو‌انیم ئولدی جفائیله یاغوبدی گرد و غم خیامه یوزوم که گلمیوردی بوش گلم خیامه عبایه گل یغوب گتورمیشم خیامه نه گل باشیندا وار جنان هواسی زینب جوانیم ئولدی منه اونون علاقه سی ز بس واریدی اوغول دییم بابا دیه هوس واریدی بو تلون اوسته جک هله نفس واریدی توان ویرردی روحیمه صداسی زینب جوانیم ئولدی گلیم نشان اولوب ستمله نیش خاره ایدوبله پیکرین مناده پاره پاره یتیشدی روح اقدسی حضور یاره قورولدی عرش فرشیده عزاسی زینب جوانیم ئولدی

نوحه حضرت علی اکبرع بانوای#کربلایی_منوچهر_حسن_زاده شاعر#مرحوم_منزوی_اردبیلی گل اکبریم بویاندی قانه مناده زینب بو پاره پاره نعشین گتدیم عباده زینب نعشین قوم اوسته تاپدیم فکر ایت نه حاله قالدیم دوشدوم یره سوروندیم باشین دیز اوسته آلدیم هی سسلدیم اوغول وای ناله سپهر سالدیم سس ویرمدی سسیمه میداندا باشه چالدیم قویدی منی اوغولسوز بو شاهزاده زینب گوردوم عمامه سیندن شهلا گوزه سوزور قان بیلدیم ویروبلا یاره باشدان بو قوم عدوان باخدیم او باشه ویردیم باشیمه ایتدیم افغان گوردوم قلج یاراسین چیخدی آتام یادیمدان بو درده یاندی قلبیم اوندان زیاده زینب دگمیشدی بسکه یاره بو قامت رسایه اعضاسی پاره پاره دوشموشدی بو منایه علت اودور که نعشین بوکدوم بئله عبایه تف روزگاره لعنت بو لشگر جفایه دوشدوم عجب بلایه بو کربلاده زینب قانه دونوب سرشگیم قلبیم جراحتیندن باجی امان بو قومون طعن و شماتیندن چکدوخجا اکبریمون اوخ سرو قامتیندن هیچ اولمادی مروت قوم جفاده زینب باجی اوزون خبر ویر لیلای دلفکاره کشف ایت بو ماجرانی رمزا او بیقراره سن دوت دیله دانشیدیر لطفیله آل کناره سالسون رقیه بیردن لیلا باشینا قاره گلسون اوغول غمینده فریاد و داده زینب

۞﷽۞ زبانحال حضرت رباب (س)درشب هفتم 🎵 : درسبک : بـو قـدری آغـلامـا مـنـی یـانـدیـرمـا اصغریم یوخدورسینمده صودچوخ اوتاندیرمااصغریم آغلاما چوخ : گوزدن عذاره اشگیوی باغلاما آغلاماچوخ :داغلی سینمی بالا دیرناخلاما سوزعطش سنی ایلیب خون جگر علی تـرپتـمـه لبلـرون مـنـی ائتمـه مَـلَـر علی بیر آزداصبرایله که آچیلسین سحر علی چالماقولون قماطمه اوساندیرمااصغریم ای قـمـری غـم ایلـمـه سـینـمـده بـیـلـه کـو آل پـیـمـبـره سـو یولـون بـاغـلـیـوب عـدو اخیامی گزمیشم من اوغول یوخدی جرعه سو خجلـت شـرارینه بو آنان یـاندی اصغریم سو محنتی سالیب بـو گجه شعلـه جانیوه یورقونـدی قولاریـن بـالا سال بیـرده یانیوه قورخوم بودورسوسوز باتاسان بوردا قانیوه سـو ایستمـه کـه قیمتـی بـیـر جـاندی اصغریم دوشموش شماریشه نفسون سینه داغلیرام گل تک سولان عذاریوه باخدوقجا آغلیرام لای لای دیدیقجا من یوزه گوزیاشی باغلیرام سـن تک آنـاندا گـور نجـه گریاندی اصغریم یات سینم اوسته گل منی ترک ائتمه سن علی بَحـرِ غـمـه مـنـی،بـاتیـریـب گیتمـه سـن علی یـالقیزدی بـو آنـان بیلـه اینجیتمـه سـن علی بـو حـالیمـه یـانـان حـق مـنـانـدی اصغریم این شعر بنابرحسب الامر مداح عالیقدرکربلایی سیدتقی بنی هاشمی در تاریخ ۱۴۰۳/۴/۲۳نوشته شده است ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

نوحه ی سینه زنی حضرت اباالفضل <ع> ~~~~~ آچ قانلیگوزون قویماعدوکام.آلاقارداش سرداریم اباالفضل دور قویما منه کوفه لیلر ال.چالاقارداش سرداریم اباالفضل """""""""""""""""""""""""""""""""" دور قانلی بیاباندا  بئله  یاتما اباالفضل گوز یاشیمی خون دلیمه قاتمااباالفضل دشمن  قاباقیندا  منی آغلاتما اباافضل گل.اولمارضاقارداشیوی تک قالاقارداش سرداریم اباالفضل """"""""""""""""""""""""""""""""""""" دور یاتما  بئله  دشمن  غدار  آراسیندا قویما  منی  آواره  بو اشرار  آراسیندا آغلا  تما   منی  لشگر   کفار  آراسیندا غم پارچالیان قلبیمی آز پارچالاقارداش سرداریم اباالفضل """"""""""""""""""""""""""""""""""" ای ماه منیریم  بئله تئز دوشمه خسوفه خورشیدیوی گل سالما فراقینه کسو فه قویما  بیله  احوالیمی بو  لشگر   کو فه غم زینبیمین  باشینه سایه سالاقارداش سرداریم اباالفضل """"""""""""""""""""""""""""""""""""""" آی آرخام ائلیم سالما گوزوندن من زاری احوالین اگر ایلسه  قارداش  سنه  یاری بیرلحظه فقط.آچ گوزوی باخ منه.ساری آخر باخیشیندان ئورگیم.کام آلاقارداش سرداریم اباالفضل """""""""""""""""""""""""""""""""" دلبر ائله دلشاد اولی دلبر  باخیشیندان دل کامین آلاردلبرینون هرباخیشیندان آچ گوزریوی کام آلیم آخر باخیشیندان دیدار یمیزین لذتی دلده  قالا  قارداش سرداریم اباالفضل ~~~~~   التماس دعا

‍ ‍ نوحهء سینه زنی حضرت حضرت ابوالفضلᐸع> _____ آخورهی باش یاراندان قان اباالفضل                                جان اباالفضل حسین باش یاروه   قربان   اباالفضل                                جان اباالفضل گوآچ بیر اویان    .   حسیندن دویان         منی تک قویان اباالفضل جان.اباالفضل.جان اباالفضل.جان.اباالفضل               •••••••••••••••••ه یانیر دل غم کوزوندن آلله آلله . آلله آلله                                              آلله آلله آخیرقان گول یوزوندن الله الله . الله الله                                               الله الله دگیب اوخ صاق گوزوندن.الله.الله.الله.الله                                              الله الله سوکوب گوز پردسین  پیکان  ا با ا لفضل                                       جان اباالفضل گوز آچ بیر اویان          حسیندن دویان             منی تک قویان ابالفضل جان.اباالفضل.جان.اباالفضل.جان.اباالفضل جفای.کوفیان.عرشه.دایاندی.غملی.قارداش                                     غملی قارداش سوزوب.گوزقول.دوشوب.باش.پارچالاندی                                  غملی قارداش.۲ رقیم،وای.دئدی.اصغر.اویانی.غملی.قارداش                                    غملی قارداش حرملر باشلادی.افغان.اباالفضل.جان.اباالفضل                                     جان اباالفضل گوزآچ.بیراویان          حسیندن دویان           منی تک قویان اباالفضل جان.اباالفضل.جان.اباالفضل.جان.اباالفضل ____________    لطفا" ادامهء این نوحه را در کتاب نوحه های جاهد . چاپ سوم . بخوانید

‍ شهادت حضرت علی اکبر علیه السلام از زبان امام الله الله اکبریم جان اوسته دی قانلی گوزلر عهد و پیمان اوسته دی گوزلیم جام وئرور الله اکبر          یاره سی قان وئرور الله اکبر جان وئرور جانانیم ای جان صاحبی گل صولور اغلور گلستان صاحبی ال بالامین قانین ای قان صاحبی نهضتیم احقاق قران اوسته دی گوزلیم جام وئرور الله اکبر          یاره سی قان وئرور الله اکبر جان وئرور پیغمبره بنزر بالام نور عین ساقی کوثر بالام گل بالام اطهر بالام اکبر بالام قانه غلطان سیر عرفان اوسته دی گوزلیم جام وئرور الله اکبر          یاره سی قان وئرور الله اکبر لبلریندن نغمه قران گلور خنجر اوسته ن نیزه و پیکان گلور اوغلومون الله باشیندان قالور بیر بئله هنگامه ایمان اوسته دی گوزلیم جام وئرور الله اکبر          یاره سی قان وئرور الله اکبر سسلدی جدیم منی سیراب ائدوب قلبیمی دوتقون سسی بی تاب ائدوب یار اونا رضوانی فتح الباب  ائدوب مرغ روحی باغ رضوان اوسته دی گوزلیم جام وئرور الله اکبر          یاره سی قان وئرور الله اکبر اکبریم پوزدی پیامیندن منی اغلادوب اخر سلامیندن منی مست ائدوبدی قانلی جامیندن منی قابلی باشی قانلی دامان اوسته دی گوزلیم جام وئرور الله اکبر          یاره سی قان وئرور الله اکبر خوشدی جان فکرین بو گون باشدان اتاخ اکبریمله وصلت یاره چاتاخ ایستورم بیر قبریده با هم یاتاخ جلوه سی ائینه جان اوسته دی گوزلیم جام وئرور الله اکبر          یاره سی قان وئرور الله اکبر گر (کلامی) یا حسین.شهرت تاپوب سن وئروبسن ابرو . عزت تاپوب دوز قاتوبسان شعریوه قیمت تاپوب پاک ادون اون یدی دیوان اوسته دی گوزلیم جام وئرور الله اکبر          یاره سی قان وئرور الله اکبر ** #الله_الله_اکبریم_جان_اوسته_دی #جان_وئریر_پیغمبره_بنزر_بالام #کلامی #اکبریه فایل صوتی👇👇👇https://eitaa.com/joinchat/710083390C52394983ad

نوحه ی شور علمداریم اباالفضل(ع) 🏴🩸🏴🩸🏴 🏴 آی قیزلار یمین امیدی قارداش اباالفضل قرآن یولونون شهیدی قارداش اباالفضل علمد ا ر یم اباافضل سپهدا ر یم اباالفضل 🩸🏴🩸🏴🩸🏴 رحم ائت قوجالان امامه قارداش اباالفضل سعی ایله بیر آز قیا مه  قارداش اباالفضل دور منله گئدک خیا مه  قارداش اباالفضل علمد اریم  اباالفضل سپهداریم اباالفضل 🏴🩸🏴🩸🏴🩸🏴 <<آچ گوزلریوی اماندی قارداش >> اباالفضل قارداش ئولومی یاماندی قارداش >> اباالفضل قدّیم بوکولوب کماندی  قا ر د ا ش اباالفضل علمداریم  اباالفضل سپهداریم اباالفضل 🏴🩸🏴🩸🏴🩸🏴 التماس دعا .

عشق به امام حسین(ع) ۱۳۵۷ استاد سلیم موذن زاده اردبیلی ارسالی ازعلی اصغرمولائی

اکبره باخ سال ۱۳۶۴ کانال استاد سلیم موذن زاده اردبیلی ارسالی ازعلی اصغرمولائی

بانوای#کربلایی_منوچهر_حسن_زاده باجین قربان لب عطشانه قارداش شتابان گئتمه بو میدانه قارداش سنه آغلار گوزوم وار دایان گئتمه سوزوم وار سنه قربان حسینیم عنان مرکبی بیز از دایاندیر شرار عشقیوه بو زاری یاندیر منی ای با وفا باشه دولاندیر صفا وئر بو دل سوزانه قارداش گیدورسن سرعتیله یوخ مجالین خیامه گلماقا یوخدور خیالین دایان بیر ده گوروم ماه جمالین گوزوم یاشی دونوبدور قانه قارداش وصال یاره وار چوخ اشتیاقین منه سالدی غم و درده فراقین نه نیسگل دی اخا عطشان دوداقین فداسن تشنه لب قرانه قارداش باشیندا وار سنین شور شهادت منیم اما اورکده یوخدو طاقت قیامت دیر قیامت دیر قیامت دوشوب روحیم قوشی طوفانه قارداش اورکده وار گوزل سوز و گدازین دیلینده موج ایدیر و راز و نیازین دایان بیرده اوپوم عطشان بوغازین کرگ صبر ایلییم هجرانه قارداش سنین ارزنده دیر کفره جوابین شهادت دیر بو چولده انتخابین بویاندی تشنه قانه شیخ و شابین ولی باش اگمدین سفیانه قاراداش حقیقت کفره بیعت دن اوزاق دیر بصیرت اهلی خفت دن اوزاق دیر شهادت اهلی ذلت دن اوزاق دیر دایاندین عهدیوه مردانه قارداش دایان شمع شبستانی الیشیدیر منیله بختیمی بیر ان باریشدیر بو نازلی قیزلاری بیر بیر دانیشدیر گلیب لر گور نجه افغانه قارداش #محمد_هوشمند

هیئت مکتب العباس، ع، آذری ها قوانین گروه، #تبلیغ_لینک_گروه_یا_کانال_وچت_وشوخی_کردن_ممنوع_می_باشد_⛔⛔ درصورت مشاهده مطالب لینک دار برابر با حذف از گروه❌❌❌❌❌ لطفا به قوانین گروه احترام بگذارید👉🏻 https://eitaa.com/joinchat/1805844674C67a5cb0b59 در خواست نوحه ها فقط در گروه مکتب العباس، ع،