‍ #تنور_خولی مطبخده گلدون اوغلوا مهمان آنا قانلی باشیم ایاقیوه قربان آنا خوش گلمیسن بو مجلس خار و محقره لایق دیور سنون کیمی خاتون محشره دیواری دوده فرشیدی کول قاندی منظره ویران اولان گویول کیمی ویران آنا ای گوهر یگانه گنجینه حیا سوز یوخ آنا نشان ویریسن اوغلوا وفا سینن یارادی باشیمی چوخ باسما باغریوا قانلی باشیم دیر آچیلار قان آنا دیدی اوغول گوزون آچ کام آلوم نگاهوندن خبر ویریم سنه ئوز قانلی قتلگاهوندن او چولده من واریدیم چشم خون فشان واریدی غریبه منظرلر واضح و عیان واریدی گوزوم فراته ده دوشدی آخوردی اوز باشینا شریعه ده نه موکّل نه پاسبان واریدی یانان چادردا نماز اوسته زینبون گوردوم نه دیزده طاقتی نه قلبیده توان واریدی دیدیم گیدیم گنه گودال قتلگاهه طرف اگرچه اوردادا مین محنت گران واریدی کسوک بوغازیوی اوپدوم اوجادان آغلامادیم کمینده چون اَلی خنجرده ساربان واریدی من اوخشاما دیمَدیم چون که سینون اوستونده بیر اوچ یاشیندا شیرین دیلی نوحه خوان واریدی (گوردوم اله سیزلدیر اله دییر وای یارالی بابام گوردوم آرام آرام دییر بابا) قمچی سالور اذیته دردین آتانمرام آغریر باشیم یوخومدا گلندا یاتانمرام آیون ایشیقی دوشنده رقیّه نون یوزینه گوزومدن اولدی روان قلبیده نه قان واریدی بیله خیال ایلدیم ثانی کربلایه گَلوب یوزینده من کیمی چون سیلیدن نشان واریدی

#روضه_قتلگاه حسین داغلمسان یره گویا سنخ بیر آینه سن شکسته آینیه وار شباهتون یارالی یغم جنازوی یردن ویا بالالاری چولدن بو باره دن منه اولسون حمایتون یارالی اورکده زینبیون دردی گرچه چوخ چوخدی بو قدر دردیله بیر تسلیت ویرن یوخدی منیم ایویمی یخان قلبیوه دین اوخدی خبرون واردی دوشوبدی نجه بیر درده رباب؟ گچن گئجه آنام اوغلی سینه داغلامشام یانان چادردا رباب آغلیوب من آغلامشام خبرون واردی دوشوبدی نجه بیر درده رباب؟ ئوز ئوزوله دانشور اصغر ئولنن

کوچ از قتلگاه سبک یارالی جان یارالی ای منی درده سالان زینبووی دور یولا سال نعشی میداندا قالان زینبووی دور یولا سال یارالی جان یارالی....جان سنه قربان یارالی هم اورکدن یارالی...همده بیلکدن یارالی بو نه عالمدی حسین...سن یارالی من یارالی 🖤 جبریلاً گور نئجه دوغروبلا حسین گول بدنون غارته هانسی ستمگر آپاروب پیرهنون باشووی هانسی شقی کسدی یوزون اوسته سنون الی باشینده قالان زینبووی دور یولا سال گودیِ قتلگهه خسته دوشوبسن یارالی سالدیلار گور نئجه قارداش  سنی مندن آرالی قوملار اوستی اولا بستر یا تا زهرا مارالی ای گورن داغ جوان زینبووی دور یولا سال اول قدر یاره ویروبلار یارالی گول بدنه نه اولوب دفنوه امکان یارالی نه کفنه نقدر عمر ایلسم آغلیارام بو محنه نعشی میداندا قالان زینبووی  دور یولا سال وئرجاق کوفه لیلر جدیمه نه نوعی جواب نعشیوه باخدوقوجان قلبیم حسین اولدی کباب آلتی آیلیق بالاسین ایندی گزیر غملی رباب گل قوجاقیمده دولان زینبووی دور یولا سال فرصتی وئردی فلک گور نئجه بیگانه لره شعمی سوندوردوله نوبت چاتا پروانه لره حایل اولام من ئوزوم فاطمه دردانه لره قارداش اولما نگران زینبووی دورر یولا سال دوشموسن قوملارین اوستونده سن ای میر امم علقمین اوسته یاتوبدی یارالی صاحب علم آغلیور قارداشیمین غملرینه غملی ننم دئیور عباس جوان زینبووی دور یولا سال من گلنده بو چوله گلمیشیدیم لشگریلن قاسم و اکبر عباس کیمی افسریلن همرهم ایندی ولی دشمن کین پروریلن سن بوغمدن قوجالان زینبووی دور یولا سال بو غم وغصه الینن دئمورم دینجلرم گئدورم شامه حسین اما دوباره گلرم اوندا قارداش گوزومون یاشینی راحت اللرم دئیرم روح و روان زینبووی دور یولا سال یات بو یئرده یارالی ای شرف آل عبا زینبوون چوللره دوشسون قوی حسین دلده نوا نوکروندی بو ثمودی هوسی کرب وبلا کربلا ذکری اولان زینبووی دور یولا سال

🐪 ای ساربان( ترکی )🐪 ای ساربان گَل بیردایان من کارواننان قالمیشام بیرخستیم،یول اوستیم،جسمیله جاننان قالمیشام اِقبالیمی سن پیلوسن هِی بو قطاری هِیلوسن رحم ایله باری بیر دایان من خانماننان قالمیشام بو قافلونده وارکسیم،چاتسا اونا یورقون سسیم منده قوشولام اِئلره ، اول مهرباننان قالمیشام داغلار بویی واردورغمیم، یاهِی لَر اولدی همدمیم ایندی یوواسیز بیر قوشام هر آشیاننان قالمیشام یازسا قلم بوسوزلری آغلار گورنلَر گوزلری گَلمور سسیم دردیم دیم آخر بیاننان قالمیشام گَلم قطارین زَنگینه ، کونلوم یانار آهنگینه بیلمم نجه آیریلمیشام اِئللرده ساننان قالمیشام دنیادی بیر غُربتسرا ، (نادر) اونا وِئرمه بها  ساتدون جَنانی بوغدیا باخ گور هایاننان قالمیشام 🌴🌴🌴🌴🌴🌴🌴🌴 #ای_ساربان_گل_بیر_دایان #راه_شام

#داش_نه_لازمدی #کوفه #منصوری 👆👆

‍ زینبم چاره منه یاراشیر قاره منه خنجرین چکدی فلک ووردی هی یاره منه 🖤🖤🖤 زینبم یانا یانا گدیم الله هایانا قمچی گورسم دیرم وای آنام ایوای آنام 🖤🖤🖤 مظلوم آقاما لای لای🖤 عطشان آقاما لای لای🖤 زینبم دربدرم غم اکم غصه درم کربلا هاجریم شامه مهمان گدرم 🖤🖤🖤 من زینبم باش یارالی یار و یولداش یارالی گدیرم شامه قوناق باجی قارداش یارالی 🖤🖤🖤 زینبم وای گونومه ایلیمه آی گونومه آخان اولدوزلارما دوتولان آی گونومه مظلوم آقاما لای لای🖤 عطشان آقاما لای لای🖤 🖤🖤🖤 لاله لر داغدا یانار سینه لر داغدا یانار من چکن غصه لره داغلارا داغدا یانار 🖤🖤🖤 عزیزیم ایل گئجه لر دل آچار دل گئجه لر بیر گئجه گل یوخوما دردیمی بول گئجه لر مظلوم آقاما لای لای🖤 عطشان آقاما لای لای🖤 😭😭😭😭😭😭😭 یا زینب آغیر غمووه قربان 😭😭😭 شاعر✍لاادری

نوحه زینبم چاره منه☝️☝️ التماس دعا 😭😭😭

‍ #روضه_باسبک {خطبه ی امام سجاد (ع) در مسجد اموی} اموی مسجدی بیرمسجدزیباوکبیر روزجمعه ائیدی جماعت دولی حضارکثیر دورمنبرده شیوخ اموی تیره ضمیروزراهیات مخصوصیله سلطان پلید مسجدین شاه نشینینده اوترموشدی یزید ناگهان داخل اولوب مسجده فرزند نبی جنب منبرده جلوس ائتدی شریف علوی حیرته دوشدی هامی گورجک اووالانسبی آچیلیب رمز و ایشاره یولو هر مرد و زنه ديدی‌لر خارجی گلدی نییه بو انجومنه وقت او وقت اولدو چيخيب منبره ناپاک خطيب جيره‌خوار اموي خودسر و بي‌باک خطيب پرده شرري خطابيله ائديب چاک خطيب قيلدي تعريف ازل نسل ابوسوفياني سورا هذيان دانيشيب سب ائله‌دي مولاني مچيده بير ملکوتي سس اوجالدي او زامان توتولوب هرزه خطيبين ديلي، سيندي خفقان او صدا صاحيبي گفتاره گليبدير اوجادان اي خطيب اموي ساخلا خطابه ادبين خلقي راضي ائله‌ييب خالقين آلدون غضه‌بين سورا اوز توتدو يزيده دئدي اول ميره گرام اذن وئر‌سن منه بو تخته‌نين اوسته چيخارام روخصت آلدي اوتوروب عرشه منبرده ايمام ذاتي اعلايه فصاحت‌له ائديب حمد و ثنا او دانيشديقجا خانيم عمه‌سي ائيليردي دوعا ايها الناس، اولون مطلبه آگاه بيلين بيزه بذل ائيلييب آلتي صيفت الله بيلين يئتدي ني مطله مرتبه و جاه بيلين ايرثدير جود و فصاحت‌له شهامت بيزده واردير اخلاق و عبادت‌له شوجاعت بيزده قلبيمين‌ده اولان مهر سزاوار بيزيم انبياء زومره‌سينه سيد و سالار بيزيم خلقه‌تين مسخري پيغمبري مختار بيزيم حافظ قلعه‌ دين حيدر کرار بيزيم حضرتي حمزه بيزيم، جعفر طيار بيزيم ليلي اسرا ملکوته گئده‌نين اوغلو منم قبله‌تينه اوکي ائيليبدي ناماز اوغلو منم اوکي گويلرده ائديب راز و نياز اوغلو منم زمزه‌مين اوغلو منم، مکه منا اوغلو منم مشعرين اوغلو منم، مروه صفا اوغلو منم عرفات اوغلو منم، غار حرا اوغلو منم داده مظلومي آليب، داد ائده‌نين اوغلو منم اوکي ايکي نئيز‌يله جهاد ائيلي‌يه‌نين اوغلو منم گولشه کربوبلاده سولانين اوغلو منم لخته-لخته گوزونه قان دولانين اوغلو منم قانلي باشي داليدان ذبح اولانين اوغلو منم سويولوب کوينه‌يي عوريان قالانين اوغلو منم پيکري خاک‌يله يکسان اولانين اوغلو منم تاني‌يين سيز مني مظلوم آتامين اوغلو منم باش وئريب محضره حقه چاتانين اوغلو منم قيزلاري چولده هراسان ياتانين اوغلو منم نئيزه اوستونده باشي داشلانانين اوغلو منم اولمميش تعزيه‌سي باشلانين اوغلو منم خاريجي آديلا مظلوم اوله‌نين اوغلو منم اوزو مهمان سوسوز جان وئره‌نين اوغلو منم اوزوگو بارماغي الدن گئده‌نين اوغلو منم ساربان اللـرينه ال تاپانين اوغلو منم سينه‌سي اوسته قوشون آت چاپانين اوغلو منم ختم پيغمبره سيز ساخلامادوز ذره حريم بير اوچوق يئرده ياتيب ايندي نواميس حريم قوسسد‌ن زولفون آغارديب قوجاليب عمه‌لريم طولقا‌زاده بيزي ايسته‌مير آزاد ائله سين غئير‌تي ديني اولانلار بيزه ايمداد ائله سين مرحوم استاد انور اردبیلـے بااجرا بسیارزیبا زنده یاداستادسلیم موذن زاده

👆👆

گویلر حسینه قربان یرلر حسینه قربان گویلر حسینه قربان گویلر حسینه قربان گلزار کربلاده گوللر حسینه قوربان یرلر حسینه قربان گویلر حسینه قربان گویلر حسینه قربان گویلردکی ملائک یکسر حسینه قوربان یوز مین گوشون دالیندا ظفر حسینه قربان پیغمبرون شبیهی اکبر حسین قوربان اوز گوز گانا بویانمیش اصغر حسینه قوربان سو اوسدکی کسیلمیش اللر حسنه قوربان دریای قانه باتمیش اصغر حسنه قوربان لشکر حسنه قوربان نوکر حسنه قوربان