در شهادت امام سجاد علیه السلام
. #سبک_دولدوروب_جهانی_واحسین_صداسی
گلموسوز بو گون سیز مجلس عزایه
تسلیت وئرون اول حضرت رضایه
جدّینه یانار آغلار
غصه قلبینی داغلار
یا امام سجّاد (2)
.
زین العابدینین قلبی قانه دولدی
اللی یدیایل عمر ایلیوب یورولدی
آغلادی اوتوز بئش ایل ائله پوزولدی
گوز یاشین توکردی شاه کربلایه
سو گورنده آغلاردی
بو جهانی داغلاردی
یا امام سجّاد (2)
.
ابن بابویه دور راویِ روایت
زهر وئردی هشام چکمه دی خجالت
چون واریدی دلده کعبه دن عداوت
فَرزَدَق ائدنده مدح او مقتدایه
انتقامونی آلدی
شیعه نی غمه سالدی
یا امام سجّاد (2)
جان وئرن زماندا یغدی آشناسین
آلتی نوجوانین تک به تک بالاسین
ایلدی معرف حجت خداسین
باقر اوغلی یتدی منصب ولایه
دین ائوی اولا تأمین
جانشین ائدوب تعیین
یا امام سجّاد (2)
.
پس امام باقر ایلوری روایت
اؤز آتام بیوردی وار هله فراغت
ایستدی سو آلسین دستماز او ساعت
من سوئی گتوردوم حجت خدایه
سویلدی وضو اولماز
میته وار بو سو اولماز
یا امام سجّاد (2)
.
تازه دن آپاردیم ایلیم عوض من
موش مُرده گوردوم سو ایچنده بیردن
سو گتوردوم آلدی دستمازین ایمن
امر ائدوب گل اگلش گلمه چوخ نوایه
گور دویونجا بو زاری
من علیل بیماری
یا امام سجّاد (2)
.
بو گئجه یتوبدور وعدۀ وفاتیم
بی وفا جهاندان قورتولوب حیاتیم
بو شهادتیله کشف اولور نجاتیم
هر نه غم یتیشسه ائتمرم گلایه
بیر اسفلی ناقم وار
چوخ اونا علاقم وار
یا امام سجّاد (2)
.
آبیله علف ائت ناقه مه مهیا
چوخ نوازش ایله بیرده تشنه قویما
بولسه ئولموشم من غصّه مرگ اولار یا
قبریم اوسته گلسه یوز دوتار سمایه
قلبی چوخ گلر درده
جان وئرر همان یرده
یا امام سجّاد (2)
.
دفن دن صورا اول ناقۀ وفادار
صاحبیندن اؤتری ائتدی ناله و زار
گلدی قبری اوسته ائتدی بیله گفتار
دور گئداق دوباره خانۀ خدایه
مرکبون فغان ایلر
گورمه سه سنی نیلر
یا امام سجّاد (2)
.
دردلرین دیوردی حسرتیله ناقه
یعنی سیّدی دور قبردن ایاقه
یوخ منیم بولورسن طاقتیم فراقه
آهی اوج ائدوردی عرش کبریایه
قالمادی داخی طاقت
جان وئروب اولوب راحت
یا امام سجّاد (2)
.
زین العابدینه آغلیاندا ناقه
یر گوی اهلی آغلار بو غم فراقه
واردی شیعه لرده بیر بویوک علاقه
«غمگین» آغلا سنده شاه کربلایه
اوغلی جان وئروب نالان
پیکر حسین عریان
یا امام سجّاد (2)
295.9K
شهادت امام سجاد علیه السلام
✍ شاعر ؟؟؟؟
اجرا : احسن دهقان
#اللهم_عجل_لولیک_الفرج
حضرت رقیه سلام الله علیها
استاد غفاری اردبیلی
سبک:ای کربلانون صودامرجیرانی اصغر
ای بلبل شیرین سخن لایلای رقیه
ویرانه ده مظلوم ئولن لایلای رقیه
آدون قیزیم پاینده دی/سندن بیبون شرمنده دی
ایوای رقیه/لایلای رقیه
تپراقون اوسته یاتماای زهرانشانی
سنسن عزیزیم زینبین آرام جانی
قول باغلی اولدون شهرشامون قهرمانی
ظالملری رسواائدن لایلای رقیه
عشقون باشونداتاج اولار/عالم سنه محتاج اولار
ایوای رقیه/لایلای رقیه
اولدوزکیمی آخدون گجه ویرانسراده
نسگیل اولاربومحنتون زین العباده
قالدی سنون حسرت گوزون کرببلاده
اولدی سنه غربت وطن لایلای رقیه
دیداره دلبرگلمدی/قارداشون اکبرگلمدی
ایوای رقیه /لایلای رقیه
قالدی حسینیم قوملاراوسته پیرهنسیز
کرببلاده نورچشمیم قالدی من سیز
سنده گئدورسن وای منه قبره کفنسیز
ئوزکوینگون اولدی کفن لایلای رقیه
قلبیم سنه پیوسته دی/یات خرداجسمون خسته دی
ایوای رقیه/لایلای رقیه
مندن نه گوردون داشیمی آتدون عزیزیم
اولدوزکیمی ویرانه ده باتدون عزیزیم
کوسدون یاتان بختیم کیمی یاتدون عزیزیم
قالدی چراغسیزانجمن لایلای رقیه
قویدون منی دنیاده تک/دشمن ایچینده بی کمک
ایوای رقیه/لایلای رقیه
دوزدون فقط اوچ ایل قیزیم غم ماجراسین
زینب بیبون چکدی ولی دنیابلاسین
الله یتیمون مستجاب ایلردعاسین
درگاه حقدن ایسته سن لایلای رقیه
وئرسین منیم درمانیمی/غمدن قوتارسین جانیمی
ایوای رقیه/لایلای رقیه
366K
حضرت رقیه سلام الله علیها
✍ استاد غفاری
اجرا: احسن دهقان
#اللهم_عجل_لولیک_الفرج
2.15M
حضرت رقیه سلام الله علیها
شاعر: استاد غفاری اردبیلی
بانوای:#کربلایی_منوچهر_حسن_زاده
ای بلبل شیرین سخن لایلای رقیه
ویرانه ده مظلوم ئولن لایلای رقیه
آدون قیزیم پاینده دی/سندن بیبون شرمنده دی
ایوای رقیه/لایلای رقیه
تپراقون اوسته یاتماای زهرانشانی
سنسن عزیزیم زینبین آرام جانی
قول باغلی اولدون شهرشامون قهرمانی
ظالملری رسواائدن لایلای رقیه
عشقون باشونداتاج اولار/عالم سنه محتاج اولار
ایوای رقیه/لایلای رقیه
اولدوزکیمی آخدون گجه ویرانسراده
نسگیل اولاربومحنتون زین العباده
قالدی سنون حسرت گوزون کرببلاده
اولدی سنه غربت وطن لایلای رقیه
دیداره دلبرگلمدی/قارداشون اکبرگلمدی
ایوای رقیه /لایلای رقیه
قالدی حسینیم قوملاراوسته پیرهنسیز
کرببلاده نورچشمیم قالدی من سیز
سنده گئدورسن وای منه قبره کفنسیز
ئوزکوینگون اولدی کفن لایلای رقیه
قلبیم سنه پیوسته دی/یات خرداجسمون خسته دی
ایوای رقیه/لایلای رقیه
مندن نه گوردون داشیمی آتدون عزیزیم
اولدوزکیمی ویرانه ده باتدون عزیزیم
کوسدون یاتان بختیم کیمی یاتدون عزیزیم
قالدی چراغسیزانجمن لایلای رقیه
قویدون منی دنیاده تک/دشمن ایچینده بی کمک
ایوای رقیه/لایلای رقیه
دوزدون فقط اوچ ایل قیزیم غم ماجراسین
زینب بیبون چکدی ولی دنیابلاسین
الله یتیمون مستجاب ایلردعاسین
درگاه حقدن ایسته سن لایلای رقیه
وئرسین منیم درمانیمی/غمدن قوتارسین جانیمی
ایوای رقیه/لایلای رقیه
سوال و جواب حضرت ابوالفضل ( ع ) و امام حسین ( ع )
(سبک : ایران اگر دل تو راشکستند)
مولا
گوزوم قالوب یولوندا تئز گل
دوشوب ساقیم صولومدا تئز گل
منی آلوب آرایه لشکر
آدون قالوب دیلیمده تئز گل
دوشوب باشیم بلایه قارداش (4)
****
گلدیم
هرایه آچ گوزون ابوالفضل
دئ واردی هر سوزون ابوالفضل
سنه تیکوبدی گوز رقیّم
علاج ایله اوزون ابوالفضل
یارالی سرسپاهیم ایوای (4)
****
آتدان
یخلمیشام یوز اوسته قارداش
سورونموشم اوز اوسته قارداش
غریبه وقته داده یتدون
قدملرون گوز اوسته قارداش
دوشوب باشیم بلایه قارداش (4)
عباس
یارالی یاتما قوملار اوسته
حسینی قویما دلشکسته
گوز آچ اویان یارالی شیریم
دور ای سفینه ی شکسته
یارالی سرسپاهیم ایوای (4)
مشکیم
اولوبدی اوخلارا نشانه
ایدوبله اهل کین بهانه
خجالت اولدوم اصغروندن
دونیدی گردش زمانه
دوشوب باشیم بلایه قارداش (4)
باخما
سو مشکیوه بئله آلیشما
سراب اشکیوه قاریشما
سنه فدا اولا بو جانیم
دولانموری دیلون دانیشما
یارالی سرسپاهیم ایوای (4)
**
اصغر گلمحمدی (دلجو)
برچسب‌ها: اصغر گلمحمدی دلجو
💢شهادت حضرت سجّاد علیه السلام
✍مرحوم تائب تبریزی
#سبک_سو_یوخومدی_قزلاروندان
.
ای صبا دئ کربلاده
شهریار کربلایه
فخر ساجدین ویروب جان
گل مدینه ده عزایه
.
.
آل هاشمه بو ساعت وار مدینه ده قیامت
گل اُزونده ایله شرکت ویر تسلّی مصطفایه
.
.
گور نجه امام باقر حسرتیله سینه داغلار
گوزلری دولوب بولود تک گوزیاشین عذاره باغلار
چیگنینه قویوبدی بوینون آغلادار جهانی آغلار
اللری اورک باشندا نی کیمی گلوب نوایه
.
باقر اوغلوین اُزون گل دردینه شراکت ایله
ویر اونا تسلّی دل رفع درد و حسرت ایله
یاسلیدور سنقدی قلبی گوگلون آل محبّت ایله
خوش دوشر ویره تسلّی مهربان آتا بالایه
.
دوزدی حالینه یانان وار لیک سن تک اوزگه یانماز
دوزدی قیدینه قالان وار سن تک اوزگه سی قالانماز
دوزدی دردینی آلان وار سن تک اوزگه لر آلانماز
مبتلا ایده مداوا خوشدی درده مبتلایه
.
جدّوین مدینه سینده حشر اهلبیت دیندور
حضرت امام باقر یاسلیدور عزانشیندور
جان ویرن امام ساجد یعنی فخر ساجدیندور
بیر امام ساجدی که چوخ دوشوب باشی بلایه
.
بو همین امامدور کیم گوردی خیمه لر تالاندی
خیمه لر اولاندا غارت قالدی اودلار ایچره یاندی
صبر قیلدی هر جفایه هر مصیبته دایاندی
هر بلا یتشدی دلدن شکر قیلدی لایرایه
.
استقامتیله دُزدی یوز چُویرمدی بلادن
گردنینده غُلّ جامع شامه گیتدی کربلادن
دوزدی هر جفا یتیشدی قوم شوم اشقیادن
دین یولوندا همّتیله صبر قیلدی هر جفایه
.
گاه کوفه ده او سرور زار و خسته دلشکسته
صدقیله امید تارین ایلیوب خدایه بسته
ایله خطبه ایتدی ایراد دست بسته ناقه اوسته
بُهت آپاردی کوفه اهلین باخدی حجّت خدایه
.
گه آپاردیلار ستمله بزم زادۀ زیاده
منطقی جواب ویردی اول خبیث بدنهاده
غیظیله زیادین اوغلی ایتدی قتلینه اراده
سنمادی ره شهامت ایتدی طیّ پایه پایه
.
عمّه سی دُزنمدی بو ظلم فرقۀ نفاقه
دوردی دفعتاً یول آچدی اتّحاد و اتّفاقه
زینبه باخوب حرم لر دوردولار هامی ایاقه
بیر خطر ساویشدی امّا دوشدی اوزگه بیر بلایه
.
گیتدی مجلس یزیده ایتدی بیر خطابه ایراد
قتلینه ایدوب اراده اول یزید کینه بنیاد
توکماقا امام قانین ایستدی او بزمه جلّاد
نقشه اولدی نقش بر آب یتمدی بو مدّعایه
.
افتخار و عزّتیله گیدی جامۀ اسارت
گوستروب اسارتینده شهرلرده چوخ شهامت
لیک شام مسجدینده بیرگون ایلدی قیامت
حقّ اهلی حقّی یکسر ثابت ایتدی ماسوایه
.
حقّ و باطلی آیردی تک قیام و نهضتینده
نهضته گتوردی خلقی حالت اسارتینده
ایلدی یزیدی رسوا منبر اوسته صحبتینده
آبروی آل سفیان گیتدی سربسر فنایه
.
شامدن خلاص اگر چه اول شه ولایت اولدی
دائماً دل وطنده پای بند حسرت اولدی
همدمی سزیلتی اولدی مونسی مصیبت اولدی
یاده سالدی اُز آتاسین گلدی نی کیمی نوایه
.
هاردا سو گوریدی اول شه آغلیوب گلردی داده
اُز آتاسینی سالاردی اول مریض امام یاده
جان ویروب بابام دیردی تشنه کام کربلاده
ویرمیوبله سو یانندا سو امام مُقتدایه
.
قرخ ایل آغلادی حسینه روز و شب او زار و مهموم
غمله باشه ویردی عمرین چشمی اشگبار مغموم
عاقبت هشام الیله اولدی اول امام مسموم
ترک ایدوب فنا جهانی گیتدی عالم بقایه
.
غسلینی ویروب اُز اوغلی دفن ایدوب او مقتدانی
یغدی باشه قبری اوسته قوم و خویش و اقربانی
لیک او شاه دفن ایدنده پادشاه کربلانی
قبری اوسته قالدی حسرت قوم و خویش و اقرباسی
.
«تائبا» حسین غمینده صدق اوزیله آغلایان سن
مجلس عزالر ...
نوحه ی حضرت رقیه (س)
ای خرابه گوشه سینده فکری سرگردان رقیه
گل قیزیم گلدی طبقد دردیوه درمان رقیه
جان رقیه جان رقیه
باغرون اولدی قان رقیه
گویلووی آلسون یارالی باش گوبدی طشت زرده
قورخما هرگز طشتین اوستن ردّ اولاندا قانلی پرده
سسله بابا خوش گلوبسن وصل یاری دوت نظرده
آل قوجاقه ئوپ دویونجاخ اوندان آغلا قان رقیه
جان رقیه جان رقیه
باغرون اولدی قان رقیه
گرچه سنّون آزدی نیلک بیربویوک ایش گور بوساعت
یاره لی باشین ئوپ اوّل یاره سیندن اِئت زیارت
قوی گوروب تا ایله سونلر اهلِ ویرانه قیامت
سیّد ساجد حجازی باشلاسون قرآن رقیه
جان رقیه جان رقیه
باغرون اولدی قان رقیه
آللّه آلّله محشر اولدی اهل بیت مصطفایه
صحن ویرانه دل شب بنذدی کرب و بلایه
گلدی گویا یدّی گویدن آسمانلار صدایه
یعنی گورسه قانلی باشی جان ویرَر الآن رقیه
جان رقیه جان رقیه
باغرون اولدی قان رقیه
وصل معشوقین گورنده ناگهان دلخسته عاشق
یومدی اوّل رویتیندن گوزلرین آهسته عاشق
وُوردی اوندان یانه یانه باشینه پیوسته عاشق
سسلدی الله و اکبر ایلدی طوفان رقیه
جان رقیه جان رقیه
باغرون اولدی قان رقیه
ملتمس دعا (گوهری)
زبانحال حضرت زینب (س) به حضرت رقیّه(س) درخرابه شام
گلن خاطری درده رقیّه بالام ایوای
ویرن جان قوری یرده رقیّه بالام ایوای
قیزیم رنج و مصیبت سنی ایلدی خسته
گهی یولدا پیاده گه عریان دوه اوسته
گتوردی سنی دشمن بو شامه قولی بسته
ویرن جان قوری یرده رقیّه بالام ایوای
بو یوللاردا دگوبدی ز بسکه سنه سیلی
یوزوندن هله گئتموب قیزیم نقشة سیلی
ئولونجه یاناجاقدور بو نسگللره لیلی
ویرن جان قوری یرده رقیّه بالام ایوای
گلوبدور سنه مهمان بابان شاه لب عطشان
دور اگلش ایله صحبت او شیرین دیله قربان
بیله نازیله یاتما اورکلر اولی آلقان
ویرن جان قوری یرده رقیّه بالام ایوای
قوناقه اولی حرمت بو مرسوم جهاندی
دو بیر ایله نوازش قیزیم یاتما اماندی
همین بو یارالی باش سنون بیکس آتاندی
ویرن جان قوری یرده رقیّه بالام ایوای
دیردون گئجه گوندوز هانی اکبریم عمّه
منی یادینه سالمور او مه پیکریم عمّه
خرابه قاپوسوندا قالوب گوزلریم عمّه
ویرن جان قوری یرده رقیّه بالام ایوای
بو نسگللرین ائتدی منیم قلبیمی پاره
ولی اولمادی ممکن ائدم دردیوه چاره
همین دردیله گئتدون قیزیم محضر یاره
ویرن جان قوری یرده رقیّه بالام ایوای
سنین تک بو جهاندا مصیبت چکن اولماز
دلینده غم غربت قولوندا رسن اولماز
شهنشاه حجازین قیزی بیکفن اولماز
ویرن جان قوری یرده رقیّه بالام ایوای
بو نسگل من زاره ئولونجه محن اولدی
شهنشه قیزی ئولدی کفن پیرهن اولدی
نه قبرین قازان اولدی نه دردین بیلن اولدی
ویرن جان قوری یرده رقیّه بالام ایوای
وطن قسمتیم اولسا سنی یادیمه ساللام
بالا قیزلاری گورسم سنون عطریوی آللام
چکر شامه علاقون گلوب شامیده قاللام
ویرن جان قوری یرده رقیّه بالام ایوای
وطن فکرینی باشدان بو یرده آتارام من
گیدوب بیرده قیتسم مرامه چاتارام من
بو شام ایچره رقیّه سنیله یاتارام من
ویرن جان قوری یرده رقیّه بالام ایوای
قیزیم (( تابع دینین )) قاپوندا گوزی واردور
اودور بیله اثرلی یانیقلی سوزی واردور
ایله دردینه درمان حیالی یوزی واردور
ویرن جان قوری یرده رقیّه بالام ایوای
**
🏴 زبانحال حضرت زینب (س) بعد از شهادت حضرت رقیه (س )و دفن آن حضرت
✍بقلم کربلایی ابراهیم تون(خوش قلم میاندوآبی)
🎼سبکی دلنشنین و زیباااا
خرابه لرده سولان
گل چمن گوزون آچ
سنه فدا اولا جان
غریب ئولن گوزون آچ
زمانه دن نه دیوم؟
فغانه گتدی منی
ئورگینی محن و
الم بولن گوزون آچ
هجرونده ملر عمون
گوزیاشین الر عمون
کوسمه ای گول نازیم
کوسسون گر ئولر عمون
بالام لایلای گولوم لایلای
نئجه بو گوزلریوی
الیمله باغلیارام
رقیه جان دیرم
غمونده آغلیارام
دانیش منیله یانان
ئورگیمی بالا آل
دانیشماسون گوزلیم
سینه می داغلیارام
دخت بی کفنیم وای
اللرده ئولنیم وای
قارداشین فراقیندا
قارداش وای دینیم وای
بالام لایلای گولوم لایلای
قرا لباسیوی من
سویوم نئجه گوزلیم
مزاره پیکریوی
قویوم نئجه گوزلیم
او عمه عمه دین
دئلیوه قوربان اولوم
سنین کیمی بالادان
دویوم نئجه گوزلیم
دردانه بالام ایوای
نازدانه بالام ایوای
زینبون دوزومی یوخ
هجرانه بالام ایوای
بالام لایلای گولوم لایلای
گل اکبریم دادیما
ئولوبدی غملی باجون
ئورگیمی یاریدان
بولوبدی غملی باجون
کفن گتور باجووا
کفن یوخومدی بالا
اسیر درد و محن
اولوبدی غملی باجون
تئز گل ای مه انور
زینب یولووی گوزلر
گوز یولدا باجون ئولدی
گوشواره گتور اکبر
بالام لایلای گولوم لایلای
✨ اَللّهُمَّ عَجِّل لِوَلیِّکَ الفَرَج✨💫
زبانحال حضرت زینب (س) به رقیه خاتون (س)
زبانحال حضرت زینب (س) به رقیه خاتون (س)
(سبک : دولدوروب جهانی ...)
گلشن وفانون بلبلی رقیّه
قارداشیم حسینه سویگلی رقیّه
مجلس عزا قورما
اهل بیتی یاندرما
آغلاما رقیّه (2)
زینبین جهاندا گلعذاری سنسن
قارداشیم حسینون یادگاری سنسن
بو دیار شامون افتخاری سنسن
گوزدن عالمی آتما
قیزلاری چوخ آغلاتما
آغلاما رقیّه (2)
ایتموسن بیر ایلدى شامده اقامت
قورتولار بو گونلر ختم اولار اسارت
ایله سن حسینی بیر گیجه زیارت
نیلر اوُل شه عالم
گورسه حالیوی برهم
آغلاما رقیّه (2)
اولما چوخ مکدّر توکمه اشک آلون
باخما کیم گیدوبدی غارته جلالون
آز قالور یتیشسون گون کیمی زوالون
اشکه خون دل قاتما
عمّه وی چوخ آغلاتما
آغلاما رقیّه (2)
بیر گونی اولار تا مقصده چاتارسان
بیر ایشقلی گون تک شامده باتارسان
تک بو یرده سن فکر ایلمه یاتارسان
شامده گلوب قالّام
بوردان عطروی آلّام
آغلاما رقیّه (2)
وار ئورکده بوللم بیر غم مفصّل
آه و ناله ایتمه یات رقیّه دینجل
ایندی دور ایاقه سینه م اوستونه گل
گرد محنته باتما
توپراق اوسته سن یاتما
آغلاما رقیّه (2)
بو خرابه یئرده اولما چوخ مکدّر
گلسه بو سفردن شاهزاده اکبر
قورتولار ملالون ای مه منوّر
باشیوه سالار معجر
قارداشون على اکبر
آغلاما رقیّه (2)
طعن ایدوبدی باخما قلبوی یارالی
اوچ یاشندا اولدون چوخ باشی بلالی
توپراق اوسته یاتما اکبرین مارالی
بیر گُل معطّر سن
سن عزیز اکبر سن
آغلاما رقیّه (2)
شام قیزلاری گر ایتسه لر شماتت
واردی گر چه دردون دیلده بی نهایت
پوزما اوز وقارون چکمه چوخ خجالت
غصّه دن اوزون یورما
سن اوزوی سیندرما
آغلاما رقیّه (2)
قیزلاری گورنده اولماسون هراسون
فکر ایدورسن ایندی یوخدی عیش اساسون
غصّه لنمه گر چه کهنه دور لباسون
یاندروب منی یاخما
قیزلارا طرف باخما
آغلاما رقیّه (2)
سالما قیزلار ایچره باشوی اشاقه
قوش کیمی سیخلما بیر سینان بوداقه
عمّه ن ئولمیوبدی گل آلوم قوجاقه
جانه دردوی آلام
قول بو بوینوا سالام
آغلاما رقیّه (2)
**
حاج حسین حسنی افشرد تبریزی
بسم الله الرحمن الرحیم
روضه حضرت رقیه سلام الله
متوسل اولاک خانم رقیه نازدانه ابی عبدالله... زهرای سه ساله
بیزده گئداخ خانمین قاپیسینا آی دردین گوتوروب بو قاپلارا گلننر
بیلمیم ایندیننکیمین یتیم اوشاق گوروبسن یا نه
بابانین بدنینین کنارینده ایلشیب ناله اله
اوز اوشاق دیلینن سوزلرین دیدی بابایه
هر کس بو یتیم بالانین ناله سین ائشیدسیدی ناخداگاه اوزوده آغلاردی
اما هر طرفده سیز یتیم اوشاق گورسوز
حتما نوازش الرسوز ال چکرسوز باشینا
ولی جانیم قربان خانم رقیه نه گوزل نوازش الدیلر نه قشنگ همدردی الدیلر
هر یاندا گوردولر خانمی تازیانه نن ایجیدیدیلر خانیما سیلی ویردیلار 😭
الان کی اوره لروز آماده دی گداخ خرابه شامه
🔸خرابه گئجه وقتی چوخ توکوبدی گوز یاشینی
🔸قویوبدی عمه سینین قوجاقینه باشینی
🔸بیر آز یوخی آپاروب گوردی دل صفایه گلوب
🔸خرابه ده بو گیجه حسین آتاسی گلوب
🔸اوپوپ یوزون دئدی قلبیم داغلوسان رقیه بالا
🔸نیه یانا یانا آغلوسان رقیه بالا
🔸ددی عمه یوخودا بابانی گوریدیم 😭
من الان بابامی ایستورم ...رقیه آغلادی ارض و سمایه اوت سالدی یزید شومین الیندن استراحتین الدی ...خرایه چوخ یوخونیدی چون یزید منزلینه ظالم بو سسی ائشیدی ... ددی گئجه زمانی بو نه سس دی گلور ...گیدون خرابیه گورون نه سسدی گلور ....(گیدیلر یزید ملعونه خبر گتیدلر )( ددیلر حسینون قیزیدی دی من بابامی ایستیم)...😭😭😭😭
ملعون دستور وئردی ددی آپارون حسین باشین بلکه گوره ساکت اولا
قویوبلا طشته حسین باشین اورتوک اوستونده ....خرابیه گتوروبلر اودم ال اوستونده
نجه خانم زینب اورتوگی رد الدی گوزی دوشدی قارداشین یارالی باشینه قانلی گوزلرینه😭😭😭
ایکی الی خانم باشینه ووردی ددی زینبون سنه قربان آی یارالی قارداش .
اوننان چاغیردی رقیه بالا گل قوناقون وار آی بالا ....آی آتاسیز بالام آی قارداش یولی گوزتلین بالا...خانم رقیه گلدی بابانین یارالی باشین گوتوردی آلدی سینه سینین اوستونه اول اوپدی او قانلی لبلریندن ...سورا او خردا اللرینن گوزلرینین قانین سیلدی ...ددی...
🔸 بو دل شبده منی یاد ائلدون سن یارالی
🔸بو نه عالمدی بابا سن یارالی من یارالی
🔸گلموسن بو گئجه وقتی قیزوی یاد ائدسن
🔸غملیدی غصه لیدی غصه دن آزاد ائده سن
🔸غصه ویران ائلین گوگلیمی آزاد ائده سن
🔸ائوون آباد اولا گل یاخشی گلیبسن یارالی
سورا او خردا اللرینن گوزلرینین قانین سیلدی ...اوننان بدن یاپراق کیمین اسدی ...جسمینین طاقتی گئتدی آخی تصور ائله اوچ یاشیندا اوشاق اولا بابانین کسیک باشی اولا ...نه گلدی بیلمورم الله رقیه نین جانینا ...او باش دوشوبدی یره رقیه ده یانینا
🔹بیردن اوجادان سسلدی الله بالام ئولدی
🔹گلثومه دئدی گل باجی والله بالام ئولدی
🔹دنیاده وفا گورمدی الله بالام ئولدی
▪️دئدی بالا دائم قره معجر سالان عمون سنه قربان
▪️آرامیمی غملر آلان عمون سنه قربان ▪️قارداشسیز اوغولسوز قالان عمون سنه قربان
( بالا دینجلدون قمچیلرین الیندن 😭)
🔸ای قارداشیمون نازلی جگر گوشه سی لایلای
🔸اللرده قالان خرداجا گوشواره سی لایلای
🔸غربتده وئرن جان وطن آواره سی لایلای
( خانم زینب اوزون توتدی ربابه ساری .خطاب ائلدی رباب گل سنده بالوی اوخشا خانم رباب گلدی قباقه باخدی
خانم زینبه ددی
🔸 خانم چوخ سوز دئمرم چون اورگون ایستین ئولدی
🔸باشون ساغ اولا اصغره لایلای چالان ئولدی
التماس دعا
🌴🌴🌴🌴🌴🌴🌴🌴