ای قارداشیمون قولسوز علمداری ابوالفضل پیشواز ایله بو غصه لی زوّاری ابوالفضل عشق حاجیلری کعبۀ آمالینه چاتدی سالک نجه کی رتبۀ اجلالینه چاتدی قیزلار پر آچوب منزل اقبالینه چاتدی دور قارداشوین بو چوله زوّاری یتیشدی اللرده ئولن شاهون عزاداری یتیشدی یغدیم باشیما جمع دل افکاری گتیردیم یورقون یارالی خرداجا قیزلاری گتیردیم هجران ایلیوب عمرلرین یاری گتیردیم قلبینده بو آواره لرون چوخ سوزی واردی هر تک تکینون سنده ابوالفضل گوزی واردی یولّاردا گوزوندن ایراق ای کان کرامت دشمن آتاسیز قیزلاری چوخ ایتدی اذیّت نه شمر و سنان شرم ایلیوب چکدی خجالت نه رحم ایلدی قیزلارا پیغمبره خاطر وردی آتاسیز قیزلاری بیر معجره خاطر بیکس بالالارون یوزه گوز یاشی آخیردی هر قیز که ییوب سیلی سنی داده چاغیردی سسلوردی عمو شمرون الی داشدان آغیردی حق نورینی ایستور بودنی سوندوره تز گل چوللرده حسین قیزلارینی ئولدوره تز گل تا سن واریدون ای مه زیبا و خجسته ال کیمسه آچانمازدی گلیلن قیزلارین اوسته سندن صورا ظلمیله اولوب اللری بسته سایون که جفائیله کسیلدی باشیمیزدان دشمن بیزی مأیوس ایلدی قارداشیمیزدان تا سن واریدون ای ائلیمون محکم حصاری دلده واردی قیزلاریمون صبر و قراری چپ کیمسه باخانمازدی اخا قیزلارا ساری یورقون بالالار ماتم و اندوهه بَلَندی سندن صورا قارداش باشیما کوللر اَلندی یاتجاق علمون بیکس حسینون پری سیندی گنجینه اجلالیمیزون گوهری سیندی بو خرداجا قیزلارون اخا شهپری سیندی بیلدی دوشجک تک تکی چولدن چوله قارداش شاید نچه سی قمچی لر آلتدائوله قارداش هر قیز که دچار اولدی اخا زجر سنانه ال باشه قویوب گلدی او دم آه و فغانه سسلندی ابوالفضل سنی داده یانا یانه دشمن لجاجتله عناد اوسته دوراردی کیم آدوی دوتسیدی اونا قمچی ویراردی کوچ ایتدوق او گونکه بیزی بو لشگر آپاردی فکر ایلمه بو لشکر کین پرور آپاردی یوخ یوخ بیزی سر نیزه ده کی دلبر آپاردی دوشدوک یارالی باشلارا خاطر چوله قارداش آز قالدی بو قیزلار چوخی یولدائوله قارداش شاهددی بیزیم حالیمزه گنبد نیلی آغلاتدی آی ئولدوزلاری سوز دل لیلی اوچ یاشدا قیزا فکر ایله بیردن دگه سیلی او طفل حزینون ایله آرامینی آلدی بش بارماقینون یوزده گویرمیش یری قالدی سندن صورا امنیتیمیز گور نه یوخ اولدی دل یاره لری سینمیزه اوچ پر اوخ اولدی شامون محنی کرب و بلادنده چوخ اولدی اوّلده بیزی چکدی عدو بزم شرابه اولدی صورادان منزلیمیز کُنج خرابه نه سقفی واریدی نه اونون فرش و چراغی نه یاتماقا بیر بستر و بالشنه اطاقی مسکن بیزه اولمیشدی او ویرانه بوجاقی گرچه گیجه سی ظلمیله قارداش سحر اولدی گوندوزلری امّا گیجه سیندن بتر اولدی شامون یغشوب قیزلاری دیداره گلردی مین محنت و غم اوندا بو خونباره گلردی چوخ نخوتیلن بعضی سی گفتاره گلردی بعضیلری چوخ بغض و عناد اوسته دوراردی بعضی سی بیزه دل یاراسی گونده وراردی گورجک اولاری دیده خونبار رقیّه فوراً پوزولاردی دل و افکار رقیّه اوندا من اولاردیم گنه غمخوار رقیّه آهسته باخوب تای توشونا اشگین اَلَردی بوینون قویوب ئوز چیگنینه حسرتله ملردی بعضی سینون امّا اورگی حالینه یاندی آهسته گلوب منزل ویراندا دایاندی یولداشلارونون ایتدیگی اعماله اوتاندی گلدی دله عرض ایلدی ای ماه مدینه سن اکبره خاطر بیزی عفو ایله رقیّه سن طوطی پر بسته شاه شهدا سن هر بیکس و مظلومیه غمخوار و رجا سن دردی اولانون دردینه عالمده دوا سن «فرهاده» خانم بیر نظر ایله الی بوشدی دنیاده بیلورسن که سنون عشقوه خوشدی

نوحه حضرت رقیه (س) (خرابه ده بیردن گوزلرین آچدی گوردی باباسینین یارالی باشی باسدی اورگینین باشینا ) ای خسته قوناقیم بابا قورتاردی فراقین بابا سنی بس که آختاردیم ایاقلاریم قابار اولدی ولی شکر اولا بختیم منیله ایندی یار اولدی بابا بابا بابا سنی زهرا جانی ترک ایلمه بونالانی سن ئولن زمانان سینه ده عمم منی بسلر گورن یوزومه باخدیقیجا وای ننه سسلر بابا بابا ویرانه میزه خوش گلدون غمخانه میزه خوش گلدون بابا نذر ایلمیشدیم اوپم بیر یول ایاقلارین بدنین که یوخدی قوی اوپوم قانلی دوداقلارون بابا بابا

حاج طاهر رحیمی

روضه حضرت رقیه(س) خبر که عرض ایدورم واردی غملی جریانی دیوردی روضه سینی بیر جوان روحانی بیوردی عارف اولان شامین اهلی بیر عالم یازوردی بیر گجه اولدوم زیارته عازم وضو ایدیب یولا دوشدوم فقط بو نیتیلن رقیه نین بالا قبرین اوپم جماعتیلن دیلیمده ذکر خدا گوز یاشیم یوزه الدیم بهشت تک حرمین گورمگه شتاب ایلدیم قویاندا صحنه قدم دوشدی یاده ویرانه اول سلام ایلدیم آغلادیم یانایانه باخاندا حیرتیلن بارگاه اقدسینه جلال و شوکتینه گنبد مقدسینه دیدیم الهی بورا قانلی باش گلن یردی سوسوز آقامین دلبری ئولن یردی گجه آجنان ئولوب بوردا اوچ یاشندا بالا فقط خدا بولوری عمه سی قالوب نه حالا بو یرده حضرت زینب نمازی خسته گلب دورانمیوب  ایاق اوسته خانم نشسته گلب خلاصه خردا مزاری آلاندا آغوشه دیدیم حالون نجه دی گلمدی صدا گوشه دوباره عرض ایلدیم قبریوه آتام قربان قابار ایاقلاروا عترتیم آنام قربان رقیه جان نقدر واردی بوردا ایستینون اویان یارالی بالا چوخدی اوخشاما دینون بیری فغان ایلیور الرینده گوشواره بیری قویور بالاجا قبرین اوسته گهواره بیری الینده دوتوب نسخه اطبانی حضوریوه گتیروبلر مریض نالانی عنایت ایله رقیه منیم ده دردیم وار حضوره گلمیشم ایندی خصوصی عرضیم وار اوحالدا راوی دیور درک گیلدیم همهمه نی باخاندا صحنه نه گوردوم او غملی منظره نی کیمین دوشور گوزی اول صحنیه ئوزون ایتیرور بالاجا  قیز اوشاقی الده بیر کفن گتیرور ئوزی رقیه کیمی اوچ یاشندا نازلی بالا الینده خلعتی ایستور مزارون اوسته سالا گتیردی آغ کفنی سالدی خردا قبر اوسته الینی قوینونا قویدی ملول و دل خسته دیدی رقیه کنیزم غریبه بولمه منی ننم بیچیب سن اوچون یولویوب بو آغ کفنی ولی یقین بولورم دوز چورک ایتیرمزسن بی بین بیچن کفنی کائناته ویرمزسن بی بین ویرن کفنین آیری بیر قداستی وار منی باغشلا رقیه ننمون حاجتی وار یری واریدی ندا خردا قبریدن اوجالا بو خرداجا اوشاقا سویلویه اونازلی بالا بو خلعتی گتیریدون او وقتیده ایکاش بی بیم دیوردی حسین هارداسان گل آی قارداش هایانداسان آنام اوغلی سینمه داغ چکورم چوخ ایستین بالاوی قاره معجره بوکورم

✅حاج طاهر رحیمی ◼️روضه حضرت رقیه(س) خبر که عرض ایدورم واردی غملی جریانی(۱)

✅حاج طاهر رحیمی ◼️روضه حضرت رقیه(س) خبر که عرض ایدورم واردی غملی جریانی(۲)

روضه حضرت ابوالفضل(ع) الله هیچ قهرمانین قولارینی باغلاماسون هیچ غریبین اورگین خجلت اوتی داغلاماسون کیم گوروب دشمن ایچینده کیشینین آغلاماسون؟ دوتماقا تاپمادی بیر سوز او عزیز الثقلین یوزونی خیمیه دوتدی دیدی ادرکنی حسین آقاجان گل اورگیم قاصدی فریاده گلوب اولوب اون یدی نفر قتلیمه آماده گلوب گل حسین جان ویریرم یاسیمه زهراده گلوب من کی زهرادن اوتاندم قولاخ آس سوزلریمه سن بیل آنون جانی فقط باخما منیم گوزلریمه

اربعین 🎼سبک: گلدیم هرایه قارداش، ای قهرمان اباالفضل... ای سرورِ شهیدان یورقون مسافرم من پوزقون مزارون اوسته گوز یاشلی زائرم من ای بی کفن حسینیم مظلوم ئولن حسینیم گل نطقه یابن زهرا آلِ ترابی دیندیر بیر عده قبرون اوسته قلبی کبابی دیندیر منلن دانیشما سوندا بیکس ربابی دیندیر پوزقوندی چوخ ربابین احوالی ناظرم من ای بی کفن حسینیم مظلوم ئولن حسینیم سینمده جوشه گلدی دردیم مزارون اوسته بیر دسته غم گولوندن دردیم مزارون اوسته بو قانلی کوینگی کی سردیم مزارون اوسته بیلدی هامی قصاصون آلماقدا قادرم من ای بی کفن حسینیم مظلوم ئولن حسینیم ای بی کفن سلیمان لای لای یارالی قارداش اللرده ئولدون عطشان لای لای یارالی قارداش زینب بو قبره قربان لای لای یارالی قارداش مدفون اولوب جنازون اللهه شاکرم من ای بی کفن حسینیم مظلوم ئولن حسینیم شاماتیدن گوتوردوم ئوز باشیمی قیتدیم ویرانه یرده قویدوم یولداشیمی قیتدیم توکدوم مزارون اوسته گوز یاشیمی قیتدیم چاره م یوخیدی والله فکر ائتمه قاصرم من ای بی کفن حسینیم مظلوم ئولن حسینیم ویرانسراده قارداش غم صبری مندن آلدی قرخ گونده گور نقدری بیکس باجون قوجالدی بیز شامیدن قیتدوک امّا رقیّه قالدی غربتده قالماقیندان آشفته خاطرم من ای بی کفن حسینیم مظلوم ئولن حسینیم پاک عشقیوه ازلدن دلبسته ام حسین جان عشق عالمینده پیرِ وارسته ام حسین جان دینجلمرم ئولونجه چوخ خسته ام حسین جان آلسا اجل بو جانی السّاعه حاضرم من ای بی کفن حسینیم مظلوم ئولن حسینیم سینمده کی ملالین یوخدور شمار و حدّی زینب باجون قوجالمیش قالمور کشیده قدّی سایسیزدی یول یول اولمیش جسمینده قمچی ردّی صبر ایلدیم ویریلدیم محنتده صابرم من ای بی کفن حسینیم مظلوم ئولن حسینیمhttps://eitaa.com/joinchat/710083390C52394983ad

😥زبانحال رقیه س با پدر 😭 بی قراره دل من چاره نداره دل من شد مانند شبای بی ستاره دل من بی قراره دل من بابا جونم به کجایی که دلم تنگه برات خبری ازت ندارم الهی جونم فدات همه روز و هم شب در انتظارم که بیای توی هر نفس بابا دارم دو چشمامو به رات به کجایی ای پدر به رقیه کن نظر دل دخترت میخواد با تو باشه همسفر یا ابالمظلوم یا ابالمظلوم یا ابالمظلوم یا ابالمظلوم پر خونه دل من داره میخونه دل من الهی که کودکی یتیم نمونه دل من پر خونه دل من دیگه صبری به دلم نمونده ای جان پدر بیا لالایی بخون ناز سه ساله تو بخر بخدا خسته شدم میلی به دنیا ندارم یه سری بزن خرابه من و با خودت ببر من و زخم آبله من و خشم حرمله دو سه بار موندم عقب از مسیر قافله یا ابالمظلوم یا ابالمظلوم یا ابالمظلوم یا ابالمظلوم قربون سرت بشم فدای حنجرت بشم بیا امشب بغلم که جای مادرت بشم مثل زهرا شده ام کبود شده پهلوی من جای تازیانه ها سیاه شده بازوی من پر زخم است و داره می سوزه اما به فدات قربونت بشم سرت بزار روی زانوی من ریخته شد موی سرم آخه سوخته معجرم اما خوب شد اومدی تا که قربونت برم یا ابالمظلوم یا ابالمظلوم یا ابالمظلوم یا ابالمظلوم #هادی_همتی

روضه وداع امام حسین (ع ) بُلور گیتماقلیقون هر سوز بُلن قیز دیده گریاندور سو جامین گیزلَدوب، اظهار دردیندن پشیماندور دیولّر بو سوسوزلوق هجر اودوندان مین یول آساندور نه سن گیت، نه سو ایستور بو یانان پروانه لر قارداش دایان قارداش چراغ آرزومی بیر آلشدور گیت یاتان بخیله من بخت قرانی بیر دانشدور گیت نه کم لطف اولموسان بیکس ربابی بیر دانشدور گیت (آی بالا نازی چکنلر، آی گجه لر بالالارینون یرین راحت المه میش یاتمیانلار، گوردولر امامون او اوچ یاشیندا بالاسیدا بی تابلق الور ) زینب گل مندن آل رقیه می قوی من دوشوم یولا آز قالدی سینم اوسته بو قیز غصه مرگ اولا من ئولمه میش آل بو قیزون گوشواره سین شمر ئولدورر گورسه قولاقدا طلاسی وار گل بیر دولانوم باشیوه گیت تاجداری زینبون قربان گیدن یولاریوه جان فکاری زینبون

نوحه اربعین (ع) آهنگ :«یا امام زمان شیعده احساسه باخ» ✍شاعر لاادری ############ ایسته عاشقلرین       قبریوه مهمان گله  لطف ایله یا حسین  صحنیوه مهمان گله  بیزه ایله  کرم     ای شه محترم یا حسین جان    یاحسین جان ############# او  گوزل    قبریوه  شیعه لرین فخر اِیدر اربعینده سنه.  چوخلی    قوناقلار   گلر عرب  ترک و فارس      آدیوی ذکر ایلیر ای شه کربلا.        آدیوا جان فدا یاحسین  جان    یاحسین  جان ############ نظر.  ایله     بیزه.  ای    شه  کرب وبلا دردیمه چاره ایت.    ای  پسر  مرتضی آند  ویرم   سنی  جدیوه ای   ذوالعطا دوت الیمدن آقا       سنه جانلار فدا یاحسین  جان         یاحسین جان ######### قسمت   ایله  بیزه بیر  اربعین  ای آقا دولاناق     قبروین   باشینه ای مقتدا باجین زینب کیمی دیلده دیک کربلا سن اصغر جانی.     سن اکبر جانی یاحسین  جان        یاحسین  جان ######### الیندن غملرین  قدیم اولوب خم  حسین گتیریب قیزلارین هامیسینی جم حسین خجالت. چکرم.  واردی بیری کم حسین رقیه ن  گلمیب     وای بابا  سسلیب یا حسین جان          یا حسین جان .######## گلمیشم     زینبم  باشدا    قارا  یا حسین قلبیدن  داغلیام     واردی یارا   یا حسین گلمیشم زینبم    گیدیم      هارا یا حسین بیر کسیم قالمیب.   غم دیلدن سالمیب یا حسین جان.        یا حسین جان ########## عترتون    گلوبدی   ئورکلری   قاندیلار قوجالیب چوخلاری  سنیده  جواندیلار چوخ   بالالار   گلوب اما نیمه جاندیلار چوخی قمچی ییب.  چوخی سیلی ییب یا حسین جان.          یا حسین جان ######## قاره وی گیمشم.    امکانی. یوخدی سویام کل. عالم    دویا  امکانی     یوخ من دویام حسرتیم وار حسین  مزاریوه   یوز    قویام اوجادان  آغلیام       سینمی داغلیام یا حسین جان.       یا حسین جان ######### پوزولوبدی.  اخا     عترتون  آشیانه سی گلوبدی قیزلارین واردی چوخ بهانه سی وار.  بدنلرینده     نشان      تازیانه سی پوزولوب قیزلارین    دویولوب قیزلارین یا حسین جان.       یا حسین جان ######### التماس دعا

#اربعین 🏴زبانحال حضرت زینب(س) قارداش باجیلیق رسمی اولارمیش بیله قارداش قارداش ئولومی ضربه ویرارمیش بئله قارداش قدیم بوکولوب باش آغاروب فکر ایلمزدیم زینب بو بیابانه دوباره گله قارداش قرخا یاخون اطفالون حسین قرخا گلوبدی قورخوم بودی قرخوندا ربابون ئوله قارداش ای کوینگی اللرده قالان دور سنه قربان گلدی بو چوله شامه گیدن قافله قارداش  آغ ساچلاریمی قبریوون اوسته سررم تا قبرین داشینی ساچلاریم الآن سیله قارداش نامحرم حسین یوخ باش آچوخ آغلارام الان گلدی باجون هم آغلیا هم دینجله قارداش گلدیم سو سپم گوز یاشیلان قبریوون اوسته شرمنده ایدم آب فراتی بله قارداش گئچدی اورگیم گئچدی باشون نوک جدایه دوشدوم باشیوون آردیجا چولدن چوله قارداش وار علتی یاردیم باشیمی کوفه ده نیلوم گوردوم بلشوب نیزه ده باشون کوله قارداش چوخدور یارام، آلنیم یاراسین فاش ایلدیم من قالسون یارالار کوینگون آلتدا هله قارداش غساله منه غسل ویرنده بیله جکدور هانسی یارالار زینبی گتدی دیله قارداش ويرانه ده بير بلبل حسين ئولدي قفسده ئولدوردوله گون ويرمديلر بلبله قارداش ويرانه ده ئولدي بالوون قبریني قازديم نه هفته دوتا بيلوم اونا نه چله قارداش ✍بقلم استاد غلامرضا عینی فرد زنجانی ✨اَللّهُمَّ عَجِّل لِوَلیِّکَ الفَرَج✨ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---