‍ محرم رازیم الله - بنده نوازیم الله اولدی الیمده پرپر - غنچه ی نازیم الله صود امر بالام - قانه باتوب یارالیدی اوخلی قربانیم - فاطمه نین مارالیدی الله الله - الله الله اولدی بو نازدانه - اوچ پر اوخا نشانه داغلی اورکله سپدیم - قانینی اسمانه قانی بوغازدان اخدی - گوزلری عرشه باخدی یعنی یوخ التماسیم دشمن بی امانه ایچدی اوز قانین - باخمادی نهر علقمه چالدی ال ایاق - سالدی ربابی ماتمه الله الله - الله الله دوشدی بالام فشاره - اولدی بوغازی یاره بو یارالی شهیدیم - تحفه دی بزم یاره ایلدی شیر خواره - سینه می گاهواره یات دئدیم ای عزیزیم - اچما گوزون دوباره یومدی گوزلرین - سینه سی داغلی اصغریم گئتدی جنته - اللری باغلی اصغریم الله الله - الله الله ** حرمله گلدی جنگه - قلبی دولاندی سنگه گوردی مقابلینده - گولدی بالام خدنگه باخدی منه دوباره گولدی بو روزگاره یعنی باش اگمز عاشق - ذلت و عار و ننگه قوزادی بالام - پرچم آل هاشمی اکبریم کیمی - اصغر اوجاتدی باشیمی الله الله - الله الله شعر از استاد حاج کلامی زنجانی #علی_اصغر_ع •┈┈••✾❀🕊✿🕊❀✾••┈┈•

‍ ‍ #سینه_زنی_باسبک حضرت علی اصغر علیه السلام مرحوم رحیم منزوی اردبیلی ای غنچه دهن لای‌لای، پیکانی امن لای‌لای قبری ننه‌ده‌ن گیزلین، قونداقی کفن لای‌لای لای‌لای گوزه‌لیم لای‌لای، شیرین غزه‌لیم لای‌لای یاز گونلری گول وقتی، سولموش خزه‌لیم لای‌لای آخر گئجه سینه‌مده بیر حالدا سارلمیشدون چون شمعِ شبستانی یاندوقجا آزالمیشدون بیلدیم سَحَره خاطر، جبراً دیری قالمیشدون بیلمَزدی ندیر دردون سویلَردی گورَ‌ن لای‌لای آشفته هواسیله، فکریم کیمی مُختلّم هر آن اوزومو تاپسام بیلسَم یئریوی گَلَّم بیر آز سود امیب، یاتسون منده بالا دینجَلَّم خوشدور دویا دلبندون اوندان دییَسن لای‌لای نسبت آنا عشقینده بیر ذرّه مجاز اولماز قانلی دوداقون اوپسَم جان نقدینه آز اولماز کیم بیلمیرَ‌م اورگَتدی، سنده بئله ناز اولماز آغلا سسیوه قربان چاللام تَزَدَ‌ن لای‌لای شش‌ماهَمیله بِش آی گزدیم نئجه داغ داشدا ال گاه دعادئیدی، گه سینَده گه باشدا ایلّیک قوچ اولار قربان، هئچ اولماسا بیر یاشدا ایلّیک یئرینه اَملیک قربان کسیلَن لای‌لای هر گون نئچه یول اوغلوم، مندَ‌ن سود اَمَردون سن دویجاق منه هر لحظه نازیله گولردون سن آرتیق سودو آغزوندان اطرافه سَپَردون سن تئز-تئز سنی اوخشاردیم قربان سنه من لای‌لای یادیمه دوشَر یارون هر دم دییَرَ‌م جان جان اولمادی سودوم مندَ‌ن اولدون بئله رو‌گردان لب تشنه چیخان جانه، شرمنده ننون قربان قویدون منی چوللرده یات قبریده سن لای‌لای آغ دوشلوگ اولار طفله، پاکیزه برازنده داشلانسا سود آغزیندان سالماز لکه روبنده آغزوندان آخیب قانون ای آهویِ زیبنده سینونده چیچه‌ک بیتمیش خنداندی چمن لای‌لای #علی_اصغر_ع •┈┈••✾❀🕊✿🕊❀✾••┈┈•

نوحه حضرت علی ( ع ) #سینه_زنی_باسبک ‍ الهی گیتدی اصغریم شفق قارالدی گلمدی ئورکده قالدی اللریم شفق قارالدی گلمدی گلیلی گیتدی ای خدا سوسوز قالان ملر قوزوم بو ایوده کی خانملیقیم آدیم سانیم دادیم دوزوم باتردی ماتمه منی سحر باتان دان اولدوزوم او گیتدی سیندی شهپریم شفق قارالدی گلمدی او غول نشانه سین دوتار گوز اوسته بینوا ننه منه قالان نشانه ده یتیشدی دست دشمنه یاناندا خیمه قالمادی اقلی بوش بشیک منه اوجالدی باشدان اللریم شفق قارالدی گلمدی سالوب فراته عکسینی بو گویده کی ستار ه لر ایوین دوتوق قیافه سی یارالی قلبی یار ه لر بو کهکشانون آغ یولی ویرور منه نشانه لر او یول گیدوب کبوتریم شفق قارالدی گلمدی یواش یواش بلند اولور و حوشون عرضه روضه سی قبیلنون گلور سسی گلینلری عجوزه سی چوخی دالیندا صود امر الینده بیر سو کوزه سی منیم غزاله بنذریم شفق قارالدی گلمدی بو دوشلریم سیزیلتیسی که نسگیل اولدی دیللره اذیّتی قالان دگیل نه آیلارا نه ئیللره دوشومده حبس اولان صودیم آدیمی سالدی دیللره دلیمده اولدی ازبریم شفق قارالدی گلمدی کیچن گیجه یانانمدی سینمده ماه منظریم سو اولمادی فقط قوری حرارت امدی اصغریم او گیتدی ایندی بو گیجه دولوب صودیله دوشلریم یانور بو قلب مضطریم شفق قارالدی گلمدی باخانمورام فراته من ز بس چتیندی گوز داغی گرگ گیدوب مدینه ده یووام بو قانلی قنداقی آد اولدی دیللر ازبری سوز اولدی سینه دوستاقی بو کولدی سینه دفتریم شفق قارالدی گلمدی دیدیم بالام ایمکلسه دولاشماز ال ایاقیمه عروسون اکبری قوناق چاغورام اوز اتاقیمه دل آچسا خوش صفا ایدر گلوب گیدن قوناقیمه دیل آچمادی دلاوریم شفق قارالدی گلمدی ✍مرحوم استاد منزوی اردبیلی سینه زنی محشر #حضرت_علی_اصغر_ع •┈┈••✾❀🕊✿🕊❀✾••┈┈

‍ لطفیوه محتاجم ای گوزل اربابیم  وصلیوه مشتاقم هجریوه یوخ تابیم  فیض زیارت ایله عنایت سرور عالی مقام  ای یوسف زهرا سلام  سلام ای مرحمتین معدنی گل قوما قاپوندان منی نوکرلیگه ایله قبول سلام ای کرببلا گلشنی  گویلوم اله ایستیر سنی گل ویر آقا اذن دخول  ای کان حرم لبیک سلطان حرم لبیک لبیک حسین لبیک تکدی اورکلرده عشقیوین آیاتی شأنون ایدوب حیران اهل سماواتی فوج فلکلر اوج ملکلر عرض ایلیولر مدام ای یوسف زهرا سلام سلام ای کشته راه شرف وار سیزده مقدس هدف وار سیزده گوزل آرمان سلام ای تربتی جان توشه سی ای مرقد شش گوشه سی خاک سر هفت آسمان ای جان جهان لبیک سالار جنان لبیک لبیک حسین لبیک درس وقار آلوخ قانلی شعاریندن یاره گوره گچدون دارو نداروندن اکبری ویردون اصغری ویردون عاشق عالی مرام ای یوسف زهرا سلام سلام ای نهضتی فتح المبین ای پرچمی حق المتین ای درگهی دارالامام سلام ای سبط رسول امین بیر گون گله جکدور یقین قان آلماقا صاحب زمان ای خون خدا لبیک مصباح هدی لبیک لبیک حسین لبیک سبک بانوای حاج علیرضا اسفندیاری اردبیلی 👇👇

شهادت علمدار حسین . . . #سبک_آتدان_یره_چون_دوشدی #سبک_یاران_چه_غریبانه #سبک_ای_شمع_حرمخانه ... . مرحوم یحیوی اردبیلی . عباس علمی یاتدی شمع شهدا کئچدی ایام بنی هاشم دنیاده قرا کئچدی . . دوغماز آنالار اوغلان عباسه نظیر اولسون بخشنده درخشنده چون بدر منیر اولسون صولتده شهامتده دعوا گونی شیر اولسون طاعتده عبادتده اللهه بصیر اولسون عباسیدی جانیدن دین اوسته فدا کئچدی . . أی چرخ دنی فطرت دوندی نیه دوّارون شاد اولدی بنی سفیان سیندی بئلی اخیارون قان دوتدی ایکی چشم شهلاسین او سردارون ردّ اولدی کمانیندن هر تیر کماندارون بیر حلقه ی جوشندن سانجیلدى دوتا کئچدی . . . بیر مرد شجاعت کار شمشیرینه ال وورسا مردانه دلیرانه بیر لشگری سیندیرسا تنها او وجودیلن یوز مین نفری قیرسا نیلر اونا گور دشمن قولسوز دایانویب دورس ... ➖➖➖➖➖➖ 👈 #سبک_آتدان_یره_چون_دوشدی #سبک_ای_شمع_حرمخانه #سبک_یاران_چه_غریبانه #عباس @Hazrate_Abalfazll🔰

#سبک_های_محرم_۱۴۰۰ #سبک_شماره۱۱ سبک محرم و شجاعت حضرت ابوالفضل(ع) در قالب شاخسی و واحد(وصال تبریزی) بزم غم قورولدی عرش اعظمده دلبر آدی نقش اولوبدی پرچمده حق دوتوب عزا حسینه جان اولا فدا حسینه عزا و ماتمدی مه محرمدی انبیا دوتالّا یاسین روضه خواندی آل یاسین دیلینده مشق اولسون حسینه عشق اولسون آدوندی زیب قرآن کریم «وَ فَدَیناهُ بِذِبْحٍ عَظِیمٍ» صفا بخش روحیم ای کشتی نوحیم واردی گوزوم کرمونده سنون هر لحظه هر دمده ماه محرمده دل گزوری حرمده سنون هر دردیم اولسا شاهَ دئیرم اون گون عشقیله قاره گئیرم یا حسین یاحسین ای تجلی جمال وجه الله طور عشقیده آدوندی ثارالله قدسیاندی دست بوسی خلقی مست ائدوب سبوسی خُماریدور عالم گداسیدور حاتم حضّ وار زیارتینده سرّ وار شهادتینده فدای قرآندی ملاک ایماندی آدوندی زیب قرآن کریم «اهْدِنَا الصِّراطَ الْمُسْتَقِيمَ» آه ای سبط النبی دیریدون مذهبی عالم اولا بو مرامه فدا مکتبون برتردی ابوالفضل پروردی جانلار اولا بو امامه فدا گَل قید غمنون ائت منی آزاد گوروم اولسون حسین ائوین آباد یا حسین یاحسین کربلاده باخ او سیر احساسه نوبت نبرد ، چاتدی عباسه مات ائدوبدی کائناتی چکدی تیغ آلا فراتی به اذن ثارالله علی ولی الله آچدی یول ره صوابه قویدی تا ایاق رکابه چخاتدی تا شمشیر دئدی اوجا تکبیر ائتدی بیله اوز شاهون تکریم « بِسْمِ اللَّهِ الرَّحْمَنِ الرَّحِيمِ » منیم اعتقادیم قلبیمده مرادیم آند اولا حقه حسیندی حسین دنیاده امیرم مرجع تقلیدم آند اولا حقه حسیندی حسین من مطیع امر ، او امیرم وَأُوْلِی الأَمْرِ مِنکمْ دی سیرم یا حسین یاحسین داغ کیمی حسین دالوندا دورّام من بو علمی نهرون اوسته ورّام من چون اوپوب علی الیمنون دوشمین دیول دیلیمنون حسینمه یارم اونا علمدارم حیّ زی ائدون فراموش طعم مرگی ایلیون نوش گلوبدی عزرائیل بیر آز ائدون تعجیل سیزه قرآنیدون آیه دییم «فَبَشِّرْ هُمْ بِعَذابٍ أَلِیم‏» حقی تا یاد ائدی بیر استمداد ائدی خرمن کفره سالوبدی الو کفر ، تار و مار اولدی ماریدلر خوار اولدی باشلاری بیر بیر ائدوردی درو بو سس گویللرده اولوبدی طنین ائوین آباد اولسون ام البنین یا حسین یاحسین سبک 👇👇👇👇👇👇👇👇👇👇 @Hazrate_Abalfazll🔰

سینه زنی بسته شدن راه فرات بو گجه آل علی ناله سی عرشه اوجالوبدی خیمه لرده سوتاپلمیر بالاقیزلارسارالوبدی تشنه لر صبرینیسوز عطش الردن آلبدی ایش ابوالفضله قالوبدی بیرطرفده آنالار قلبه محن تیری تاخاردی بیرطرفده بالا قیزلار بویلانوب نهره باخاردی ولی بیریاندا فراتون سویی صحرایه آخاردی یاندروب قلبی یاخاردی ایش ابوالفضله قالوبدی علی لای لای علی لای لای(۴) بیرطرفده سوایچیب کوفه وشام اهلی توخیدی بیر طرف خیمده دردوغم واندوه چوخیدی صودامر تشته یانیردی/آناسندا سویوخویدی سو سوزی اوخدان اوخیدی/یاندریب قلبی یاخردی ایش ابوالفضله قالوبدی علی لای لای علی لای لای(۴) نار محنتده رباب سینه سینی داغلادی آخر سس ویریب اصغرینه اشکی یوزه باغلادی آخر الین هر یردن اوزوب باخدی بیرآز آغلادی آخر الینی باغلادی آخر(۴) صبح اولونجا بالانین چکدی نقدری آنانازین نقدر ایتدی مناجات وادا ایتدی نمازین رفع ایده بولمدی آخربالانین دلده نیازین هی اوپوب تشنه بوغازین/یاندریب قلبه یاخوردی ایش ابوالفضله قالوبدی تشنه ام منده علی سن کیمی بی تاب وتوانم سری واردور بله تیر غم وآلامه نشانم نقدر حرمله واردی بالا سندن نگرانم نی کیمی غرق نوایم(۴) دله دلگیریمه رحم ایله علی غم اوخی تاخما یاندریب خجلته یاخما بویانان قلبیمی یاخما الریم اوسته بوقدری بالا ضعف ایلیوب آخما یوخ صودوم سینمه باخما علی لای لای علی لای لای(۴) @Hazrate_Abalfazll🔰