زبانحال حضرت رباب سلام الله علیها حسین غفاری اردبیلی سبک : یخیلوب عباسیم گَل اوغول گون باتدی ربابی تک قویدون یوباندون میداندا گوزل جیرانیم قوجاقیم بوش قالدی اوغولسوز جانیم وای بوغازون اوخلاندی سوسوز قربانیم مَلَشوللر قیزلار مَلر آهولر تک توکوللر گوزدن یاش عزیزیم ای وای یغیشوب خیمونده وئروبلر باش باشه اوغولسوز لار مثلی دیوللر لای لای قره معجر باشدا رقیه ام آغوشه آلوبدور گهوارون دیور گَل قارداش اِوی آباد اولسون دیور بیر گهواره منه چاتدی عمه نگاریمدن پای گئدرم یثربده نقدری عمر اولسا خانم زهرا مثلی قرا باغلارام یازارام پرچمده شهید اولدوم اوغلوم ئولونجک پرچمدن ئوپوب آغلارام اگر اولسا قسمت رقیّملن با هم امان وئرسه قمچی اوزون یوللاردا دوه لر اوستونده قرا معجر باشدا سینیق محمللرده عزا ساخلارام

🥀کوچ از قتلگاه🥀 ✍اصغر فرشچی ( عدلی تبریزی http://eitaa.com/torkiy🏴 ( سبک: همه جا بروم به بها نۀ تو) پوزولدی گلشنون گللردن آیرولدوم عشقونده وطندن ایللردن آیرولدوم گیدورم شامه سال یولا قارداش آغلارام گـوزدن الرم قانیاش من خدا حافظ یارلی قارداش جسمیدن بـاشی آرالی قارداش اســیـرم دشـمـنـه آپاروللا رشامه گـونـدوزم بـولـورم دونـه جاقـدی شامه بـیـرنفـرتــاپـولمازرحـم ایـده امـامـه ای تراب اوسته یاتانیم قارداش زینبین گوزدن آتـانـیم قارداش من خداحافظ یارلی قارداش جسمیدن بـاشی آرالی قارداش قـانه بـاتـدی سـنـله جمله یارویاور ابوالفضل وقاسم بیرده عون وجـعـفر دوغرانوب اکبرون اوخلانوبدی اصـغر عشقیده کامل عـیارم قارداش کمند صیدیوه شکارم قارداش من خدا حافظ یارلی قارداش جسمیدن بـاشی آرالی قارداش سوسوزدان اصغرون گل کیمی سارالدی قماطـه اللری آخرباغـلی قالـدی آناسی ربابون اختیاریـن آلـدی فرض ایدوراصغرقوجاقدا آغلور هی دیورلایلای سینمی داغلور من خدا حافظ یارلی قارداش جسمیدن باشی آرالی قارداش بودشت بـلاده یـوخ بیزه هوادار کـمـک سیز قـالوبدی اهلبیت اطهار یدی قـارداشیدن یـوخ بیری اولا یـار گـتـوروب غـملر قلبیمی دره آخـورگوزیـاشیم عارض زرده من خدا حافظ یارلی قارداش جسمیدن بـاشی آرالی قارداش دیمورم ظلمودن اهل عالم دویوب رعیّت هانسی شاهی بونوعی سویوب بدنین گون قباقیده عـریان قویوب ای نحری منحوراولا نیم قارداش اورگی غملـه دولانـیم قـارداش من خدا حافظ یارلی قارداش جسمیدن بـاشی آرالی قارداش قالوبدی قوری یـرده عـریان بدنون نـه غسلون ویرن وارنه بیردفن ایدنون خاروخس بوچولده اولوبدی کفنون بـاشی اللرده قـالانیم قارداش دله هـردردی آلانیم قـارداش من خدا حافظ یارلی قارداش جسمیدن بـاشی آرالی قارداش گورموشم شـمردون بـا شـوی کسنده ظـلـمت آسـمـان قــاره یــل اسـنـده تـاراولـورگـوزلـریم جسموه دوشنده نیمه جان اولدی دخترزهــرا کشتی روحـوم دورگِلَه باتما من خدا حافظ یارلی قارداش جسمیدن بـاشی آرالی قارداش بـاجون عـزّتیله گلموشدی بـوچوله شام شومه ایندی چکـورلرزوریله اسیرعـشقـوم گلمرم من دله باجووی عشقین چوللره سالدی عدلینون الدن صـبرینی آلدی من خدا حافظ یارلی قارداش جسمیدن بـاشی آرالی قارداش

#روضه_باسبک دفن شهدا . . اهل قبیله گلموسوز دفن ایدسوز ئولنلری سیز کمک ایلیون منه من تانورام بدنلری . . قافله کوچ ایدنده من دشمنه دستگیریدیم یرده قویوب بدنلری گیتماقا ناگزیریدیم مجلس کوفه ده ئوزوم منده بوگون اسیریدیم امر خدا یئتیشدی گیئت دفن ایله جان ویرنلری . . بو چوله منده گلموشم محفل غم قورام گیدم کاسۀ چشم پر نمی اشگیله دولدورام گیدم بوردا آتام جنازه سین قبرینه تاپشورام گیدم کوفه ده منتظردیلر باجیلاری حرملری . . اوندا که ایستدی آتام بو چولی مسکن ایلسون پول ویروب آلدی بو یئری وادی ایمن ایلسون دینه فدا اولانلارون نعشینه مدفن ایلسون تا که زیارت ایلیه حشره تک ایستینلری . . بی کس آتام حسیندی بو جسمده چوخ یاراسی وار پیکری پاره پاره دور نه الی نه لباسی وار دشمن الینده باشینون غصه لی ماجراسی وار سیرایدر ال به ال اودور نیزه باشیندا چوللری . . اوچ گون اولور بو گون قالوب یئرده بو جسم نازنین ظلمیله پایمال ایدوب آتلار ایاقی پیکرین بند زر اوسته اهرمن کسدی بلکدن اللرین گیئتدی بوچولده نالیه فاطمه نی پیمبری . . سیز چکیلون دورون باخون جمله جوان و پیریله عالم غیبدن کمک وار من دستگیریله تا که آتام جنازه سین قبره قویام حصیریله گون قباقندا قالمیه دفن ایلیم او سروری . . قارداشیم اکبری ایدوب قطعه به قطعه تیغ تیز اولدی آتام حسین او دم قد خمیده اشگریز قانلو جنازه سین قویون قبره ایاق طرفده سیز بسکه آتاسی چوخ سور اوغلی علی اکبری . . توش اولوب ای بنی اسد مین غمه بیر باشیم منیم کشف ایلوری ئوره ک غمین گوزده کی گوز یاشیم منیم وار بو ئولنلر ایچره بیر خورداجا قارداشیم منیم دفن ائدرم آتاسینون سینه سی اوسته اصغری . . قاسم عم اوغلومون یری ایستورم آشکار اولا قبری علی اکبرین قبرینه همجوار اولا ایستمورم بو دوره دن آیری دوشه کنار اولا دفن ایدون ای بنی اسد بوردا او ماه پیکری . . بلبلون عشقی وارگله قلبیمی حیرته سالور بزم وصالی آختارور قیمت جانیمین آلور دفن ایلیون بو دوره ده هر نه صحابه دن قالور پادشهون اولا گرک تحت نظرده لشگری . . قالدی عموم جنازه سی گلم ئوره کده شیونه الده چتیدن حمل اولا جسم شریفی مدفنه نعشینی قبره قویماقا گلدی بابام کمک منه پوزدی بو غملو منظره دلدن آتاسی . . #دفن_شهدا #اهل_قبیله_گلموسوز_دفن_ایدسوز_ئولنلری #کهنمویی #ریاضی_تبریزی

‍ شام غریبان حضرت امام حسین (علیه السلام) در کربلا وای حسین وای دییر‌م شام غریبان گئجه‌سی بواوْغولسوزلاریلان،ناله وْافغان گئجه‌سی بوگئجه آل عبا دیده‌سی گریاندی حسین آل پیغمبره باخ گؤر نجه افغاندی حسین حَرمون اوْلدی اسیرخیمه‌لری یاندی حسین صبرائد‌م منده گر‌ک عهدیمه پیمان گئجه‌سی چوْخ قارانلوق گئجه‌دور قارداش عَلَمداریم ئؤلوب زینبه چاره ندورلشگریم انصاریم ئؤلوب اکبروْقاسمیلن سروروْسرداریم ئؤلوب آغلیوب باشه وورام شام غریبان گئجه‌سی وای حسین وای دییر‌م قلبیده یانموش باجیوام کربلاده بویامان گونلره قالموش باجیوام یتدی قارداشی ئؤلن خیمه‌ تالانموش باجیوام قالان آواره باجون شام غریبان گئجه‌سی نیزه اوْخلاریاراسی اینجیدیری پیکریوی ئؤلدوروبلراوْجوان اوْغلون علی اکبریوی سودامراوْخلادیلار تشنه علی اصغریوی نیلسون زینب حسین شام غریبان گئجه‌سی آغلیوللربوگئجه اوْغلی ئؤلنلرآنالار بوقرانلوق گئجده شیون ائدوللربالالار جیدوْجهد ائیلیور‌م خرداجا قیزلار یاتالار من نگهبانم اؤزوم شام غریبان گئجه‌سی یازما (موجودی) قوتارحالیم اوْلورحال دگر غم‌افزا سؤزونه الده قلم یاندی جگر باجینون قارداش ئؤله قمچی ووراللارکی مگر آغلیان باشه ووران شام غریبان گئجه‌سی شاعر : موجودی

شهادت حضرت سجاد علیه السلام . . آغلیون شیعه گلون ناله و فریاده بوگون ساخلیاخ بزم عزا سید سجاده بوگون . نسگلی چوخدی بونون ذکرینه یوخ منده توان آناسی فاطمه بو غمده ایدور دادو فغان شوریله گوزیاشینی ایلیوری رخساره روان اوغلونون درد و ملالین سالوری یاده بوگون . . یری وار عصرین امامی ایده ناله بو سوزه شوریله اشک ترین جاری ایده گوزدن اوره جدینون قبرینی پوزگون گوره مشگلدی دوره یا قویار صبر بو غم اول شه والاده بوگون . . قبری پوزقوندی بونون چوخدی ملال و منحنی آزدی زواری زبس غربت اولوب اوز وطنی گورمیوب دیده ی عالم بیله مظلوم اولنی گلمسون شیعه بو محنتده نجه داده بوگون . . یاده سالدی آتاسین آغلادی هر شام و سحر خاطری درده گلوب توکدی یوزه اشک بصر بیر بیله محنت صبر ایلماق آساندی مگر گتوروم هانسی ملالین داخلی تعدادی بوگون . . هاردا سو گوردی دوروب سسلدی. ایوای بابا وای کسیلن باشی اولان قانینه غلطان بابا وای سویولان رختی قالان پیکری عریان بابا وای آغلارام سلیم و قایم سنه دنیاده بوگون . . گون قباقینده قالوب مدفنی چوخ زار نزار یاندورار شیعه لرین فابین او نسگل لی مزار سالار هر بیر گورنون قلبینه بو غصه شرار بیر نفر یوخدی او یرده گله فریاده بوگون . . ای صبا دوشسه یولون کرب و بلا دشتینه گر ویر فراط اوسته یاتان قولسوز علمداره. خبر سویله سجاد اولوری گل خبرین یوخدی مگر تسلیت ویرماقا گل عترت امجاده بو گون . بیرده شهزاده علی اکبره آندور بو سوزی قارداشون جان ویروری یولدا قالا قویما گوزی چون بولور محنت هجران نجه مشکلدی اوزی قویما حسرتده بو رنجوری گل امداده بوگون . عترتی یکسر آلوب شوریله صاق و صولونی گوزلور اما آتاسی شاه شهیدین یولونی ایستری سالسون اونون بوینونا بلکه قولونی گورماقا مظلوم آتاسین اولوب آماده بوگون . #سبک_یارالی_جان_یارالی ... #آغلیون_شیعه_گلون_ناله_و_فریاده_بوگون

‍ ‍ عبرت نامه و گریز به قتلگاه و اذان قتلگاه آغلا ای دل دهریدن درد اشنالر گتدیلر کاروان دوشدی یولا موشکل گوشالر گتدیلر اسدی بیر بادمخالف گلزاری پامال ایلدی قمریلر اوچدی بوتون باغدان همالر گتدیلر نه طراوت قالدی گلده نه صفا گلزاریده گل کیمی یوزلر سارالدی مه لقالر گتدیلر قلبیلر دوغراندی گوزلر دولدولار قان یاشیلن دوشدی پرچملر یره صاحب لوالر گتدیلر قویمادی بیر گون سنون یانسون چراغون روزگار چوخلی طویلار یاس اولوب الدن حنالر گتدیلر (چوخلی ننه لرین آرزلارین اورینده قویدی بودنیا ننه ایکی یرده بتر عجله ایلر ننه ایکی یرده بتر بالاسین اوخشار او ایکی یر بودی آی ننه دده محبتی گورنلر، بالاکی دنیایه گلر اولدی اوشاقین بیر سنی ننه دده اولحظه ده انتظار چکر بالام ایاق دوتوب یرییدی بیرده بالا کی یتیشدی سن بلوغه ننه ئوز ئوزونه دیلر الله گوریدیم بیر اوغلومی داماد لباسندا ایلکی اوغول گیتدی طوی اتاقینه هامی دورلر دامادی دیلر چکیلین کناره دامادین ننه سی گلسین وقتی ننه گلدی دایاندی دامادین بغلینده اول باشدان ایاقا باخار بیر بالیا بالا بویوا ننن قربان ننه کی بالانین بویون اوخشادی فورا ننه بالا بیر قول بویون اولالار بیرده اوغولون وقتی جنازه سین قبره قویالار ننه بالانین بویون اوخشار الله هیچ باجیادا قارداش ئولومون گورستمسین هیچ یاندا گورونمویوب باجینون گوزونون قاباقیندا قارداشی دویلر ، اورین بیر دولاندیر کربلایه بولمورم زینب نجه باخوب حسینین او جنازه سینه زینب بیر باخدی یارالی جنازیه ) حسین یوخ سوزوم هر باجینون قارداشی دعواده ئولر رسمیدور خوش دیلیلن تسلیت اما ویره لر کیم گوروب باجینی قارداش باشی اوسته دویلر (زینب باخدی دیدی حسین بیر زمانیم واریدی بو کوچه لری گچنده دیردیلر چکیلین کناره ابوالفضل باجیسی گلیر اما حسین ایندی گور کیمینن سنن آیرلرام الین قویدی اورگینین باشنا حسین نولار باجوین دالسیجا اذان دیه سن باجوی یولا سالاسانخانم نچه قدم آیرلمشدی جنازه دن گوردی اله اذان سسی گلیر ئوز ئوزونه دیدی الله اذان دین اکبر ئولوب قاسم ئولوب بو اذان دین کیمدی باخندا گوردی حسینین او یارالی جنازه سی نیم خیز اولوب اله اذان ویرور الله اکبر زینب قیتدی جنازیه طرف حسین من گلنده بو چوله گلمیشیدیم یاوریلن ایندی اما گیدیرم شمر جفا پروریلن باجوی ایله دعا او کسیلن الریلن گوردی گینه اذان سسی گلیر اشهدان لا اله الا الله بیر باخدی حسینون جنازه سینه حسین گرچه مقام عشق و وفاده اوجالمشام دنیا غمیله ئولمه میشم زنده قالمشام سن گوردوگون زینب دیورم چوخ قوجالمشام

زبانحال حضرت رباب سلام الله علیها حسین غفاری اردبیلی سبک : یخیلوب عباسیم گَل اوغول گون باتدی ربابی تک قویدون یوباندون میداندا گوزل جیرانیم قوجاقیم بوش قالدی اوغولسوز جانیم وای بوغازون اوخلاندی سوسوز قربانیم مَلَشوللر قیزلار مَلر آهولر تک توکوللر گوزدن یاش عزیزیم ای وای یغیشوب خیمونده وئروبلر باش باشه اوغولسوز لار مثلی دیوللر لای لای قره معجر باشدا رقیه ام آغوشه آلوبدور گهوارون دیور گَل قارداش اِوی آباد اولسون دیور بیر گهواره منه چاتدی عمه نگاریمدن پای گئدرم یثربده نقدری عمر اولسا خانم زهرا مثلی قرا باغلارام یازارام پرچمده شهید اولدوم اوغلوم ئولونجک پرچمدن ئوپوب آغلارام اگر اولسا قسمت رقیّملن با هم امان وئرسه قمچی اوزون یوللاردا دوه لر اوستونده قرا معجر باشدا سینیق محمللرده عزا ساخلارام

نوحه حضرت عباس آچ او شهلا گوزون باخ منه قارداش ابوالفضل سسله قارداش دیوم جان سنه قارداش ابوالفضل قالدیم بو چولده تنها برادر ئوُلدون سُووندی اعدا برادر ای آتام اوغلی ای منشی درباریم عباس ای اوجا بوی، اوزون قول سپه سالاریم عباس آغلاشور خیمه‌ده گور نجه قزلاریم عباس دور امان ویرمه بو دشمنه قارداش ابوالفضل او رسا قامتی باوریم یوخدور یخوبلار خطّ مردانگیدن قوشون قارداش چخوبلار اوستُوه ساری چوخ نیزه و خنجر سیخوبلار قوی چکوم پیکرون مَأمَنه قارداش ابوالفضل سن علی اوغلی سان مظهر اخلاص و عرفان مقصدون اولدی احیا اولا احکام ایمان بابی انت و امی ای جانباز قرآن فرقتون سخت اولوبدور منه قارداش ابوالفضل پیکرونده یارالار سنون گلمز شماره قولسوز آتدان یره یخدیلار ای ماه پاره جوشنونده اولان تیرلر گچمش دوباره گلمشم غصّه‌دن شیونه قارداش ابوالفضل قوللارون آگهم ظلمیله میداندا دوشدی صاق قولون سالدیلار ولوله هر یاندا دوشدی قوللارون دوشجاقین پرچم قرآندا دوشدی بو علم چاتماز اهریمنه قارداش ابوالفضل ظاهراً بیرَقون یاتدی باطنده اوجالدی تا جهان وار آدون قارداشیم دللره قالدی آخ بلیم سندی چارم کسلدی صبر آزالدی وای باجیم زینبه وای منه قارداش ابوالفضل موضوع: #حضرت_عباس سبک: #من_ابوفاضلم 👇👇👇👇👇👇👇

باسبک من ابوفاضلم👆👆👆