‍ #روضه_حضرت_زهراس قاپی یاناندا خانم کوینگون بلشدی قانا چکیلمدین ده اوندا کناره یا زهرا خانم ندندی محسن ئولنده علینی سسلمدین؟ نهان قالوب بو بلا شهریاره یازهرا آچانمیوبدی سنون دردیوی زمانه خانم شهیده وی نجه قویدوم مزاره یازهرا آچوبدی بیر سوزون اوستون قلم کی آز یازلوب چکنمدیم اونی من استتاره یازهرا قاپی دالندا سنه سیلی ویروبدی عمر وقتی کی اولعنتدیخ خانمی ویروردی اباعبدالله پنجه سی اوسته قاخدی ایاقا دیدی ظالم قوی سیلی منه دیسون یانان قاپنین اگر اولماسیدی مسماری تاپاردی جان گینه عمر دوباره یا زهرا یاراندا سینوی مسمار قان آپاردی سنی فدا اولیدیم اوپاکیزه ثاره یازهرا اوقانه قان دیمرم بلکه ده توکولدی یره نه لخته قان جگر پاره پاره یازهرا دینده فضه گل ئولدوم عجب قیامتیدی قاپی دالندا دوران حامله بیر عورتیدی قاپنی یانداران اوچ یوز نفر جماعتیدی یاامام زمان الیکی آنان قالدی دیواریلن قاپی دالندا گوردولر زینب قاچیر اویان بویانا هردن یانا یانا دیور آی مظلوم بابا هردن یانا یانا دیور آی جوان ننه هردن الین قویور ابی عبداللهین گوزونه قارداش سن باخما قاپینان دیوار آراسنا @Hazrate_Abalfazll

‏برای پیوستن به گروه واتساپ من، این پیوند را دنبال کنید: https://chat.whatsapp.com/CysqXna80jUE49wrBXwqOd

‍ ❣﷽❣ ▪️ #سینه_زنی_حضرت_زهرا_س ▪️ #زمزمه_حضرت_زهرا_س ▪️ #ترکی #آقای_نادر_جوادی ▪️ #پیشنهادم 👌👌 آی منیم قلبیمون قراری قویما تک مرتضانی زهرا یاندیرور هجرووین شراری سینۀ آسمانی زهرا آغلارام قامتی کمان ئولمگیوه داغلارام سینه می جوان ئولمگیوه ▪️یارالی دلبریم لایلای ▪️وفالی همسریم لایلای یثربه باد صرصر اسدی عمریمون سولدی باغی یاسی هر طرفدن اوزولدی چارم دردووین اولمادی دواسی گوز یاشیم سیل تک آخار محنتیوه بیلمدیم هئچ نه گلدی گول صورتیوه ▪️یارالی دلبریم لایلای ▪️وفالی همسریم لایلای من دیردیم اوچ اولدی اوغلوم محسنه نقشه لر چکردیم اوغلوما فکریمون باغیندا قرمزی لاله لر اَکردیم حیف اولا غنچامی خولوندان قیردیلار باشینون اوسته باغبانین ویردیلار ▪️یارالی دلبریم لایلای ▪️وفالی همسریم لایلای بسکه بو غم آغیردی زهرا آسمانلاردا کوکب آغلار نصف شب دیزلری قوجاقلار صبحه جک غملی زینب آغلار باش باشا آغلاشور گوزل جیرانلارون قیزلاروندان چوخ آغلاشار اوغلانلارون ▪️یارالی دلبریم لایلای ▪️وفالی همسریم لایلای بسترون بوش قالوبدی ائوده صبریمون سیندیروبدی حدّین نصف شب غسلیوی ویرنده گوزلریم گورد سیلی ردّین آغلادیم روزگاریمه ای وای دئدیم یاره لی گلعذاریمه لایلای دئدیم ▪️یارالی دلبریم لایلای ▪️وفالی همسریم لایلای قبره ائودن گیدنده نعشون ائوده برپا قیامت اولدی باشدا ساچ قالمادی یولوندی تازه دن بیر مصیبت اولدی نعشووی قویدولار یره آهولارون گوردیلر قان وئرور گینه پهلولارون ▪️یارالی دلبریم لایلای ▪️وفالی همسریم لایلای زائر کعبه مثلی اول بیر به بیر ئوپدیلر کفندن بیلمورم هئچ نیه حسینون هی ئوپوب دویمیوردی سندن سسلدی گئت جنانه ای شمع حرم من سنی خولینون ائوینده گوزلرم ▪️یارالی دلبریم لایلای ▪️وفالی همسریم لایلای (استاد حاج حسین غفاری اردبیلی ) 🌹هدیه به حضرت معصومه سلام الله علیها (صلوات)🌹 @Hazrate_Abalfazll

بسمه تعالی آهنگ سینه زنی و .. روضه خوانی زبانحال حضرت زینب درغم مادر هارا گیدورسن آی ننه هارا گیدورسن آی ننه دالونجا آغلیان گلور سینونده یا ره وار سنون یاروی باغلیان گلور دالونجا آغلیان گلور یاروی باغلیان گلور ...‌‌‌......... گیجه یاریسی گیتمه سن دالونجا آغلیور حسن حسینده گوزیاشین توکر آلوبدی قلبینی محن دالونجا گورپه قیزلارون تلسمه بیر دایان گلور دالونجا آغلیان گلور.یاروی باغلیان گلور ........ بابام علیده آغلیور جنازوی قوجاقلیور غریبدی نیلسون بابام اورک باشینی داغلیور دیور نه گلدی فاطمه سینون یارادی قان گلور دالونجا آغلیان گلور. یاروی باغلیان گلور ......... التماس دعا این شعر ادامه دارد شعر از یعقوب رشتبر آلیله مورخه 14000.10.7 @Hazrate_Abalfazll

‏فایل صوتی از طرف مداح اهلبیت، ع، آقای یعقوب رشتبر

‏فایل صوتی از طرف آقای رشتبر

زبانحال حضرت زهرا س بالینیمه گل پیک اجل گلدی عم اوغلی باغلا گوزونی فاطمه دینجلدی عم اوغلی زهرا سنه قربان ماموریدی پیک اجل الان باشیم اوسته بیر سنده گل ای سویگلی جانان باشیم اوسته ای ناطق قرآن اوخی قرآن باشیم اوسته قرآن سسیووه سن بیلوسن چوخ هوسیم وار خوش لحنیله قرآنون اوخی تا نفسیم وار ای مونس غم آز منی غرق محن ایله مندن سورا ترک گل و باغ و چمن ایله وئر غسل اوز الونله من زاره کفن ایله آگاه ایلمه ثانی شدادی عم اوغلی گلسه بیلوسن روحیمه ایذادی عم اوغلی غسلومدا گوزون اشکینی خون دله قاتما گورسون اثر ظلم و ستم نالون اوجاتما اگنیمده اولان کوینگی سعی ایله چیخاتما بیر نحویله تا غسلومی ویر کوینگیم اوستن کشف ایلمه بیر کیمسیه قمچی اثرین سن جان ویرمگیمی گرچه چوخ آسان سانورام من یادیمه دوشور محسن اورکدن یانورام من ثانی لگدین محسینه قاتل سانورام من چون من کیمی مظلومه گورنمز گوز ایوینده ناموس حقی کیم ویرار آیا ئوز ایوینده بیر اللی قیام ایتدیم اولان وقته مصلی گتدیم عمله ذکر قنوتیمی بیر اللی گیزلینجه نماز ایلمیشم اولمیا بللی گیزلینجه نماز ایتمگیمین علتی واردی چون قنفذ ایدن ظلمیلرین شدتی واردی هجران اوخونا حکم مشیتله نشانم لبیک دیوب محفل جانانه روانم ام حسنیمدن چوخ حسیندن نگرانم بلبل تک اونی بسلمیشم چونکه گل اوسته قورخوم بودی خولی قویا مطبخده کل اوسته بیر گون گزورم چوللری آواره دولاننام مقتلده قیزیم زینبیلن منده دایانام گودالیده زینب بویانان قانه بویاننام یانام غم اطفال پریشان حسینه گوزیاش توکرم خیمه سوزان حسینه گلم من ئوزوم شام غریبان حسینه لازمدی اولاخ کوفه ده مهمان ایکیمیزده واجبدی دوتاخ شام غریبان ایکیمیزده ای باشسیز عیال و حرمین باشدان آتان باش می صورتینین نسبتی اللهه چاتان باش سنسن دی گوروم سینمین اوستونده یاتان باش یا گوزلرون آچ قانلی گوزونن تانییم من یا منله دانش تا کی سوزونن تانییم من ایندی واریدیم کرب و بلاده من خسته یاندیردی یانان قلبیمی بیر قلبی شکسته گوردوم یاتیب ایستکلی رقیون سینن اوسته هر دم دیور ای شاه لب عطشان منی دیندیر تیر غم ایدیب سینمی شان شان منی دیندیر ایتدوقجه اوغول حنجر منحوریووه دقت یوز ویردی اوغولسوز آنووا حالت رقت گوردوم که دگوب حنجریووا اون ایکی ضربت بیلدیم بالا چوخ اینجموسن گل سینم اوسته جان تک باسوم اغوشیمه دینجل سینم اوسته استاد منزوی اردبیلی @Hazrate_Abalfazll

روضه حضرت زهرا(س) ✅گریز به حضرت ابوالفضل(ع) قباله اولدی سنه مایه ی بلا بوللم او کوچه صحبتینی آچسا گر حسن ئوللم فدک سوزون هله سالما غمیله یانیمده قباله ده سنه قربان فدکده جانیمده سوروشما هاردا منه دمبدم خطر گلدی خدا بولور قاپیدا باشیمه نلر گلدی غروب اولاندا عم اوغلی جهانی داغلاردوم بهانه محسنودی سندن اوتری آغلاردوم سوروشما هاردا منه دمبدم خطر گلدی غروب اولاندا عم اوغلی جهانی داغلاردیم بهانه محسندی سندن اوتری آغلاردیم اورگده ایلمه شکوه بوقوم اعدادن ئوزوم سلاموی آلام بهشت اعلادن اوگونکه امرخدائیله همسرون اولدوم همیشه سعی ائلدیم یارویاورون اولدوم غریبه گونلریدی شوقیله اورک دولدی سنیله خوش گونوموز ائوده دوقوزایل اولدی بودوقوز ایلده سنه هیچ سفارش ایلمدیم سنی فشاره سالوب آیری خواهش ایلمدیم ولیک ایندی سنه بیرسفارشیم واردی گجله غسلیمی وئرفوری ائت روانه منی ئوزون نمازیمی قیل دفن ائله شبانه منی اگرچه نازل اولار نعشیم اوسته میکائیل گلرجنازه می آلسون ال اوسته جبرائیل اوجات منیم باشیمی ای پناه عالمیان جنازه می ئوزون ال چگنوه سنه قربان (علی بنا به وصیت گجه غسل اله دی فاطمیه هر یرده رسمیدی ننه ئولنده کفنین بندین آچالار دیلر بالالاری گلسین گورولر حسن گلدی قاباقا یوزون قویدی او سیلی گویردن یوزونه ،زینب گلدی یانایانا دیدی آی گلین ئولن ننه لای لای ، سیلی دیوب گوزونه قان دولان ننه لای لای گوردی حسین دایانوب اوغول نیه گلمیرسن ننله وداع الیه سن گوردی گلدی قاباقا یوزون قویدی ننه نین قدملرینه دیدی ننه) ایاقیوی اوپورم کربلایه تئز گله سن دیمورم عونیله فضل و جعفر ئولنده گله سن ننه منت قویاسان ابوالفضلیم ئولنده گله سن (بیر یرده ده آدام قهرمان اولا پهلوان اولا ئولنده دیر کاش ننم اولیدی ، آتنان یخلاندا یره قولسوز ابوالفضل دیدی کاش ننم اولیدی منی بیر قوجاقینه آلیدی گوردی عالم معناده بیر بئلی بوکولن ننه بله یانایانا دییر ابوالفضل اوغول گل قولی قابرقاسی سنان ننوم فاطمیم آی بالا اوتوز دورد ایلده قارداش دیمین بله یانایانا دیدی حسین قارداش گل ئولورم ) جنگ و جدلیم خاتمه گل تاپدی یوبانما السیز بدنه الیلر ال تاپدی یوبانما (ابی عبدالله بله گلدی اوتوز دورد ایلدن صورا دیدی عباس منه قارداش دیدین ابوالفضلین باشین آلدی دیزلرینون اوستونه ) برج محنتده کی اولدوزلاریمون وای گونونه بو چولده آدامسیزلاریمون وای گونونه سایه لطفوه دالدالانان قیزلاریمون وای گونونه @Hazrate_Abalfazll