قتلگاه نيّت پاكيله آغلا شه عطشانه گوزوم اوقدرآغلاکه گوزياشي دونه قانه گوزوم بي ريا اولسا سرشگون سنه واجبدي بهشت راوي سي حضرت صادقدي بو عنوانه گوزوم كيم قورا بزم عزا صد قيله مظلوم آقاما سنده گئد آغلا او محفيلده غريبانه گوزوم شمع بزم ايله حسین آديني صبحیله مسا يان اونون شعله ی عشقينده چو پروانه گوزوم آشنا سن نچه ايللردي حسينون آدينا اوزوي فكر ايلمه سن اونا بيگانه گوزوم قاره گي كيم خبر آلسا ندي بو قاره لباس دوتموشام سويله عزا شاه شهيدانه گوزوم آغليور عدنيده الان اونا زهرا آناسي چكديريب قاره خانيم روضه ی رضوانه گوزوم قيل وضو هيته گل گوشه ی مجلسده اوتور صدقيلن دردوي دی حجّت يزدانه گوزوم صد قيلن سسليه سن دادوه زهرا بالا سين گلر امدادوه يوخ شبهه بو عنوانه گوزوم چاره سيز دردوه درمان ايلير پور علي گورن احسن دئير اوندا بئله درمانه گوزوم دی دمادم ئولن اللرده لب عطشان آقا وای عالمي فرض ايله بيرغملي عزاخانه گوزوم اوخلاري دوزمو شدي سينه ده گول مثلي آقا بنذدوب سينه سيني غملي گلستانه گوزوم آغلا اول ساعتينه دوشدي او بحراني يره گلدي باشين كسه بير فاسق ديوانه گوزوم گوردي مظلوم آقا گوداله دو شوبدر يارالي گورجگين آتدي الين خنجر برانه گوزوم چکملی چیخدی امامون یارالی سینه سینه ساتدي دين و شرفين خلعت الوانه گوزوم بير نظر مقتله قيل بيرده دولان خيميه باخ گورنجه عرشه چيخور آه غریبانه گوزوم كيم تسلي ويره جك ايندي بوعظما غمينه يدّي قارداش باجيسي زينب نالا نه گوزوم كينه سي جوشه گلوب شمر ستم كار ودني تابع ايتدي اوزوني نفسيني شيطانه گوزوم قويدي ظلميله ايتي خنجري تشنه بوغازا خنجري ايشلمدي حنجر عطشانه گوزوم دوندروبدر ئوزي اوسته اوسو سوزجان ويرني كسدي دالدان سرشاهنشهي خصمانه گوزوم يتيشن وقته اورگ كامينه اول پست شقي بيلمورم اولمادي عالم نيه ويرانه گوزوم نه قدر عمرایده دنیاده آخوندي دیه جک لعنت حق بئله بيرناكيشي انسانه گوزوم شاعر دلسوخته اهل بیت (ع) کربلایی حسن آخوندی گلچین زیباترین نوحه های ترکی 🎤 https://eitaa.com/joinchat/2348744791Cd1e41b0233

خادم شعبانپور: ـــــــــــــــــــــــــــــــــــــــــــــــــــــــــــــــ به نام خدا 🎤کانالهای روضه،مداحی، ترحیم خوانی ترکی و فارسی در (ایتا) ♦️«لینک کانال مداحی عاشقان حضرت زینب سلام الله علیها»👇 https://eitaa.com/joinchat/2115895304C4149e19122 ــــــــــــــــــــــــــــــــــــــــــــــــــــــــــــ ♦️کانال مداحی ترکی با سبک👇 https://eitaa.com/joinchat/2348744791Cd1e41b0233 ــــــــــــــــــــــــــــــــــــــــــــــــــ ♦️کانال ختم و ترحیم خوانی👇 https://eitaa.com/joinchat/1758134425Ca7138e05ff 🔹ارتباط با مدریت: شعبانپور👇 @Haram75 ـــــــــــــــــــــــــــــــــــــــــــــــــــــــــــــــ

@madahichannel @Haram75 ●بـروزتــریــن نوحه،شــور و روضـه ها از بـهتـریـن مداحـان کشور🎤 ⚪مــطـابـق باهــرخـواسته و ســلیقـه ای ایــنــجــا پـــاتـــوق بچه مذهبی هاست https://t.me/joinchat/UBcQP1enBFPSkjzr

باسلام شعر جدید توسل به حضرت ولیعصر علیه السلام با آهنگ شبانگاهان گل نرجس گل سنه قربان هاردا قالدین آقا غملی بحراندی آشوب داشدی ایندی درد بلا چیخدی عرشه نوا عالم حیراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار یتش داده فاطمه بالاسی شیعه لر آقاسی گل گل طاها چیخوب عرشه ظلم جور و جفا دهریده قالدی شیعه لر تنها ایدور ظالم ظلمیده طغیان ای مه تابان تز گل ای مولا ظهور ایله اذن حقیله ای مه انور شیعه گریاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آقاجان گل الده قانلی علم قوی گوز اوسته قدم یا ابا صالح قالوب شیعه گوزلری یولدا ایله لطف کرم یا ابا صالح خانم زهرا قبرینین اوسته وور بقیعده علم یا ابا صالح نشان ویر سن قبر زهرانی تنگه گلدی ئورک سینه سوزاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گلوب داده شیعه نی شاد ایت هستی عالم سن سن ای مولا گلوب دولدور عدل دادیله عالمی یکسر ای شه والا عدالت قوی بر قرار اولسون شاه عالمیان ای گل زهرا یانان ایندی ظلم ظالمده ای مه تابان اهل ایراندی گل زهرا گل سنه قربان اولوب مولا سینه لر سوزان یا ابا صالح یا ابا صالح. 2بار سنی ویرم مصطفایه قسم قالما غیبتده شیعه گریاندی بو عالمده شیعه نین یکسر قلبی قان اولدی سینه سوزاندی نظر سال سن حال زاره آقا ایله نورین عیان غملی بحراندی یوران چوخ بو دار دنیاده امتی مولا درد هجراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آشوب داشدی ایندی جورو ستم ظالمان زمان ظلم ایدور تز گل چیخوب یاددان عالمی یارادان قوم شمر و سنان ظلم ایدور تز گل اولوب شیعه دهریده نگران حاکمان جهان ظلم ایدور تز گل عیان ایله شمع رخسارین حسنوه یکسر عالم حیراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گل زهرا جان طاها گل ایله لطف کرم حال بو زاره دخیل اولدوم درگهینده سنون روسیاهم من درده قیل چاره سنون عشقونده یانا یانه گلمیشم ایندی من بو درباره یازار «مهدی» شأنیوه نوحه خوان احسانه ایندی مهماندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار @Hazrate_Abalfazll

سبک وفات حضرت ام البنین(س) (وصال تبریزی) هایاندا قالموسان بویوا من فدا بالا اجل گل ایستوری بو خسته جانیمی آلا یوخومدی بیر کسیم قبره ائوینه یولا سالا شهید آناسیم دورد اوغولوم اولا اولا ئولن زماندا گوزلریم باخیر ساقا صولا سیزدن صورا داخی گویلومی گللر آشمادی ام البنین آدی اصلا منه یاراشمادی یارالی ای بالام منیم یارالی آی بالام.... دئمه کی جسمیدن رخت وصالی سویموشام او قانلی پرچمون سینمون اوسته قویموشام بیر حالدیم داخی حیاتیدنده دویموشام یانمدا گل اوتور دویونجا صحبت ایلیاخ باشیم بلالرون دیوم قیامت ایلیاخ او قدری آغلادیم ، قلبیمه بیر ورم گلوب سو مشکی تک منیم قلبیمی تیر غم دئلوب فراق اوتونداایستمه اوغول یانوب ئولوم الیم الونده ایستیرم کی اوتلانوب ئولوم دوروب ایاقیوه باشیوا دولانوب ئولوم آنا بالالیق حقینی اونوتما لااقل بو صون نفسده ممکن اولسا باشیم اوسته گل یارالی قلبیمه الینده بیر دوا گئتور گلنده بیر اووش تربت کربلا گئتور سنونصورا اوغول خم غمه بویانموشام سو صحبتون باجون دیوبدی منده یانموشام الله بولور اوزوم ربابیدن اوتانموشام فلک ائله منیم ائویمی ائلوب خراب گلسون مدینه ائله گل بولمسون رباب اوغول غمون اورک باشون بولوب مدینه ده اوتانما گل داخی رباب ئولوب مدینه ده اوغول مصیبتون او وقتیدنکی بیلمیشم قسم او جانیوه مین یول ئولوب دیرلمیشم او شمع اوخشورام یانا یانا اریلمیشم دوشر نه حاله گور جوان بالاسی بیر ئولن من آغلورم سنه حالیمی یوخدی بیر بولن سن جان وئرن زمان باشون اوسته اولانمادیم جنازون اوسته بیر زفلریمی یولانمادیم نه حالیله سنی یخوبلا کار زاریده دوغرانموسان اوغول همان او گیر و داریده دیوله یاتموسان بالا کچیک مزاریده زینب باجون دیوب منه شرح مفصلون الی سنیدی کاش گوروم او دمده نوفلون بو داغی قلبیمی بو یرده بیر محن سیخوب نه حالیله قشون سنی آتدان یره یخوب خدنگ کینیله گوزیوی یاشلیوبدولار او باشه گلمین بلانی باشلیوبدولار گوروبله یوخ الین دوروبلا داشلیوبدولار سالوبلا قولارون گوزون یاشی آخا آخا آتدان یخوبدولار زهرا خانم باخا باخا حسینمون بئلین بو محنتینده ایموسن السیز یوز اوسته تپراقا نه حالدا دیموسن بو یرده وار یری عرش اهلی گلسه نالیه عباس آناسینه مصیبتون اوزی دیه سو مشکیمه گلوب بیر اوخ اصابت ایلدی او اوخ منی رقیه دن خجالت ایلدی دوباره آیری اوخ منی بی طاقت ایلدی حصاره صبریمی دئمه غم سیلی سیخمادی هر نیلدیم آنا او اوخ گوزومنون چیخمادی گتوردی لرزیه عمود کین وجودیمی دینده باشیمه داغیتدی تار و پودیمی او دمده اهل کین عداوت اوسته دوردولار کرب و بلاده پاییه جفانی قوردولار یارالی باشیمی نوک جدایه وردولار دئمه کی زینبون بند دیلینی قیرمادی هر نیلدی قشون باشیم جداده دورمادی زینب اورگینی تیر غمیله اویدولار آخریده باشیمی توربانون ایچره قویدولار سبک 👇👇👇👇👇👇👇👇👇👇 @Hazrate_Abalfazll

زبانحال حضرت ام البنین(س) علیرضا حضرتی(ناعمی) سبک:کربلا منتظر ماست ... یارالی جان یارالی ... لایلای ای سینمون اوسته ... یتیشوب لبلره جان گل اوغول عباس ئولورم حالیمی یوخ سوروشان گل اوغول عباس ئولورم حاش لله ساقالا دهریده قلبیم یاراسی گلمدی جانیمه بیلمم نیه جانون قاداسی گل اوغولسوز ئولور عباسیم اوغوللار آناسی ایلرم آه و فغان گل اوغول عباس ئولورم گونلریم سنسیز ابوالفضل چتیندیر آغ اولا آرزو ایلر ئولنده آنا اوغلی ساغ اولا جان وئرنده نه کی من تک اورگینده داغ اولا گؤزیاشیم وئرمور امان گل اوغول عباس ئولورم سن اولان وقتیده اولمازدی بو قلبیمده محن هی باخاردیم بویووا شکر ائلیردیم حقه من چکدی غم نقشه سی تقدیریمه بو چرخ زمن عزتیم اولدی یالان گل اوغول عباس ئولورم من دییردیم کی بالام غملی دله دلبر اولار شهر یثربده ولا اهلینه غم پرور اولار هم خانیم زینبه هم قارداشینا نوکر اولار هم منه روح و روان گل اوغول عباس ئولورم من دییردیم کی بالام مهر و وفادن دانیشار گویلومی آلماقا هر لحظه جهاندا چالیشار غم یوخوم ئولسم او تابوتیمه باری یاپیشار یتیشوبدور او زمان گل اوغول عباس ئولورم غصّه دن گل کیمی هر دم سارالار امّ بنین جام اشکین یوزه هر لحظه جالار امّ بنین نه بیلئیدیم ئولر عباس قالار امّ بنین غم ائدوب قلبیمی قان گل اوغول عباس ئولورم شانلی قارداشلاروی سن کی ییغاردون باشوا هم سنه فخر ائلیردیم هم او اوچ قارداشوا یار اول عباس دئیردیم بالا یول یولداشوا اول صداقتلی جوان گل اوغول عباس ئولورم عشق و ایثارون اولوب دهریده اثبات آنوا یارادیبدی ئولومون عمده مصیبات آنوا گرچه نیسگیلدی ولی اولدی مباهات آنوا افتخاریمسان اینان گل اوغول عباس ئولورم آنوی گرچه بو دنیاده نواخوان ائلدون جانوی فاطمه نون اوغلونا قربان ائلدون آنالاردا آنوی صاحب رجحان ائلدون خوشدلم اشک فشان گل اوغول عباس ئولورم #سبک_کربلا_منتظر_ماست #سبک_یارالی_جان_یارالی #سبک_شهریاریمسن_آقا و ... ﷽🍁 ✨اَللّهُمَّ عَجِّل لِوَلیِّکَ الفَرَج✨💫