‍ ‍ ‍ زبانحال حضرت زینب در بالین حضرت امیرالمومنین علیهم السلام آچ گوزلریوی بابا زینب اولا قربانون دامانیمه گُل مثلی باشدان توکولور قانون واگیر:: ای سلطان عشقیم یاتما آماندی باشوین اوسته زینب باغریقاندی قلبیمدن آخان قانه گوزیاشلاریمی قاتما نرگس کیمی گلشنده آچ گوزلریوی یاتما سن بیل ننمون جانی دیندیر منی آغلاتما قلبیم سخیلوب غمدن چوخ سختیدی هجرانون سینسون فلکین چرخی ساچلاریمی آغ هوردی زهرا قیزینا دائم خوش گونلری چوخ گوردی بیر سوز دانیش آی بابا عباس ئوزین ئولدوردی جانیم اولا قربانی غیرتلیدی اصلانون محراب عبادتده ووردی سنی ناکسلر قانه بویانان قلبیم زیبا آدووی سسلر دور گئت بابا ائولرده گوزلر سنی بی کسلر الان سنی ایستوللر بیچاره یتیمانون یوم گوزلریوی دینجل یورقونسان اگر گئتمه گُل تک سارالوب رنگون ای نور بصر گئتمه قویما منی ظلمتده خورشید سحر گئتمه پیوسته اولوب قاندان مژگانوه مژگانون واضحدی کی قرآنه پیوسته سن آی بابا دوزدور کی یتیمانه دلبسته سن آی بابا یورقون جانوا قربان یات خسته سن آی بابا گرچه بیلورم راضی اولماز بونا وجدانون ✍حاج حسین غفاری اردبیلی کتاب صلاة عاشورا

‍ ‍ در مدح و شهادت حضرت علی (ع) حاج داود بیدق داری #فارسی ای درد تو درمان ما یاعلی مولا دلها به عشقت مبتلا، یاعلی مولا ای بیکران آسمان درنگاه تو ای ماه کوفه شاهد اشک وآه تو آسوده جان عالمی، درپناه تو خود بی امان ازکینه ها، یاعلی مولا مرغ دلم پرمی زند، درهوای تو ازکودکی گشته دلم، مبتلای تو خواهی اگرجان میدهم من برای تو آئینه ی نور خدا یاعلی مولا عالم فدای سینه ی، پر ز احساست مشگل گشای عالمی دست عباست ریزی چون آب دیده ی همچو الماست گرید برایت اولیا یاعلی مولا ای آشنای داغ تو، لاله ی صحرا بربیکسان یاور ولی بیکس وتنها شبها دل ویرانه را ، کرده ای ماوا بردی به بیماران غذا، یاعلی مولا ای ماه شبگرد ازچه تو خفته ای امشب از دیده مرواریدخون سفته ای امشب بازینب از کرب وبلا، گفته ای امشب کردی مهیای بلا، یاعلی مولا #ترکی یاندیردی شمعین شعله سی یاندی پروانه یعنی توکولدی زینبین اشکی دامانه عرض ائتدی صبر ایلوم نجه غملی هجرانه بیرده دانیش منله بابا یاعلی مولا یوخدور آنام زهرا اگر آغلارام بابا باشون یاراسین بوگجه باغلارام بابا عمریم نه قدراولسا اورک داغلارام بابا اوللام آناملا هم نوا یاعلی مولا

حیف اولا آینه سی دگدی جفانین داشینا قبری گیزلینده قالوب حاجی دولانمور باشینا غم لرین زمزمه ائت ویر حرکت گوز یاشینا بزم ماتمده گلون آغلیاقون وای یارالی سس قوشاق زینبه باهم دیک ایوای یارالی 😭😭😭😭😭😭😭 آغلادور فاطمه نون حالی بو معنانی عجب هجر یارینده چکور آه علی هر دل شب الی قوینوندا بئله گور نه دیور جان زینب ساتاشور گونده گوزیم من بو در و دیواره آغلارام آهیله من باخدوقجا مسماره 😭😭😭😭😭😭😭😭😭 ناصراسدی

بنام خدا #غم_نامهٔ_شهادت_امام_علی_ع #قسمت_اول _پیک صبا بلا خبرین ائتدی زمزمه_ بو شوم خبر سالوبدی شرر قلب عالمه زیر و بر ائتدی قوم جفا عدل خیمه سین سالدی باشا قناری غم آه و ناله سین _گلزار عشقه ٱسدی خدایا نسیم غم_ -محرابیده باتدی قانا شاه ذوالکرم_ _ائتدی جفا بار دگر قوم نابکار_ _اوز قانینه بویاندی علی شیرکردگار_ بیر بیله گون ده آتش کین اولدی شعله ور _آل علینی قوم دنی ائتدی خون جگر_ محرابیدن اوجالدی سماواته وا سسی ائتدی شهید قوم عدو میر بی کسی _ایما ائدیم نه نوعی بو آلامه ای خدا_ _قان آغلاسا بجادی بو دم انس و ماسوا_ _واردی یئری عالم اولا زیر و بر بوگون_ شیعه توکه گوز یاشینی سربه سر بوگون پیر و جوان بو غم ده اورک داغلا سین گرک _شیعه مثال آذری لر آغلاسین گرک_ بیر بیله گونده تیره و تاریک اولوبدی روز _آمالینه چاتوبدی بو گون قوم کینه توز_ _باطل بوگون حقیقت یلن روبرو دوروب_ شیطان حقین مسیرینه دام بلا قوروب_ _تیغ جفانی زادهٔ ملجم چکن زمان_ _زهرا اولوبدی عالم معناده باغری قان_ _جناتیده خیرالامین ایلویوب نوا_ _دائر ائدیبدی جمع ملائک بوگون عزا_ _بو شوم خبر تا کی خدا دوشدی دیللره_ _گویا او دم باد خزان دگدی گوللره_ _تا ماجرادن آل علی اولدی باخبر_ قاجدی اولار مسجده اول لحظه دیده تر _وا محنتا لوح و قلم بوردا آغلایور_ _بو غملی ماجرا دل عشاقی داغلایور_ تا چاتدی مسجده حسنین اولدی باغری قان _گوردی اولار قانه باتوب شاه انس و جان_ _چکدی او دم آه غم افزا امیر غم_ _اوغلانلارین سسلدی بالینینه او دم_ _فرمایش ائتدی جزو محالاتدی قالماقوم _ سرحال اولوب بیرده ایاق اوسته دورماقوم _عرض ایلدی دعوت حقدی گرک گئدم_ _تئزلیکجه من عالم امکانی ترک ائدم_ واردی سیزه چوخلی سوزوم چوخ سفارشیم اما منیم واریمدی فقط بیرجه خواهشیم بی قیدوشرط قاتلیمی سیز باغیشلایون لطف ایلیون سیز او خطا کاری بوشلایون سون گونلریمدی فصل خزانیمدی گوللریم _هر دم منی سیزده دعا ایلون اللریم_ _مسلم فرتوت فاخر_ ـــــــــــــــــــــــــــــــــــــــــــــــــــــــــــــــ

*بنام خدا* _مناجات ویژه شانزدهم ماه مبارک رمضان به زبان ترکی باالهام از دعای خاص امروز_ ##### _الهی باخ منه خوار و حقیرم_ _الیم بوشدی خداوندا فقیرم_ _یوخومدی خیر عمل بیر ذره آلاه_ _به قدر بیرعدس یا قدربیرکاه_ _بهار عمرومی غفلتده سودوم_ _ایشیق گون گورمدیم ظلمتده سودوم_ _حقیقت دن اوزاق دوشدوم خدایا_ _شرور اشخاصیلن اولدوم هم آوا_ _خداوندا منی سن رستگار ائت_ _منی جهل و جهالتدن کنارائت_ _گئجه گوندوز خدا زار و حزینم_ _کج اندیشلرله یا رب هم نشینم_ _نظرقیل سن من غم باره یارب_ _منیم سن دردیمه ائت چاره یارب_ _نجات وئر بنده وی بحر فنادن_ _منی قورتارگیلان راه خطادن_ _منه ایله خدا لطف و کرم سن_ _جلوس ایلوم فقط ابراریلن من_ _منه یارب سرای جاودان وئر_ _منه دارالقراروندا مکان وئر_ _یارالدیب سان خدا کون و مکانی_ _خدایاعرش و فرش نه سمانی_ _من عبدم سنده معبودیم خدایا_ _باغیشلا بنده وی سن بارالها_ _خدایا فاخر فرتوت و زارم_ _اسیر نفس دون و کج مدارم_ _منه لطف و کرم ایله الهی_ _نشان وئرسن منه راهیله چاهی_ شعر:مسلم فرتوت فاخر ـــــــــــــــــــــــــــــــــــــــــــــــــــــــــــــــ ـ