نوحه وفات حضرت ام البنین (ع) سبک : یخلیب عباسیم چاتوب روز ماتم، گلور هریردن غم گدوبدی دنیادن شهید آناسی گیوب قاره عالم، اولوب گوزلر پرنم گدوبدی دنیادن شهید آناسی واویلا واویلا واویلا واویلا واویلا واویلا آه و واویلا (2) یری واردی قانیاش ، توکم گوزدن بیر باش گیینم اگنیمه، عزا لباسی سالام عرشه ناله، دوشم غملی حاله اولام دنیا بویی، غم آشناسی نجه آغلامیوم، سینه داغلامیوم اباالفضل آقا مون، اولوب آناسی ائدرم گوزیاشین، یوزه هردم شبنم گدوبدی دنیادن، شهید آناسی واویلا واویلا واویلا واویلا واویلا واویلا آه و واویلا (2) بو غمده آغلارام، سینمی داغلارام ئوزوم یاس ساخلارام، ام البنینه وئردی فخر ناسین، اوجا بوی عباسین فدا کربلاده، دین مبینه اونا بنذر عورت، ائله بیر باعفت گوره هرگز بیرده، شهر مدینه آلوب دلدن طاقت، بو محنت اعظم گدوبدی دنیادن، شهید آناسی واویلا واویلا واویلا واویلا واویلا واویلا آه و واویلا (2) ادامه غمنامه خاکی

زبانحال حضرت ام البنین (س) سبک : چو گیسوی تومن درپیچ و تابم ئولور غملی آنون ای دردیمه درمان اباالفضل چیخور خسته بدنن بو یورولان جان اباالفضل گل ماه منور _ وئرور جان غملی مادر سنون هجرون ائدوبدی _ یانان قلبی مکدر گل ای نور عین _ مه عالمین قالوب یولدا بو گوزلر غلام حسین _ مه عالمین قالوب یولدا بو گوزلر ائدوب درد فراقون خسته قلبی قان ابا لفضل جانیم اولسون اوزیبا آدوه قربان اباالفضل منیم ای قهرمانیم _ شجاعتلی جوانیم سنی یاده سالاندا _ آخور اشک روانیم آنون خسته دی _ سفر اوسته دی گل ای روح و روانیم چاتوبدی اجل _ حسینیله گل گوزومی باغلیان یوخ ادامه غمنامه خاکی

مزاره گوز یاشی سوغات آپاردی ام البنین غم وملالیلن عمرون قوتاردی ام البنین اوغولسوز ئولدی الهی اوغولارین آناسی ئوزی بقیعده یاتوب کربلاده دورت بالاسی (یانایانا دییر ابوالفضل ئولورم) آنان ئولنده آقا بوش ایوین بوجاقینده دیله قالموشودی پرچمین قوجاقینده (ابوالفضلین قانلی علمین قویوردی اورگینین باشنااله یانایانا دییردی بالا اوجا بویوا ننون قربان) خیالی قبریوین اوسته گونوزلر آغلاردی (گیدردی قبرستان بقیعه دورت دنه قبر دوزلدردی خانم یوزون قویاردی اوقبریلرین اوستونه دیردی بو عونومون قبری بوفضلیمین قبری بو جعفرین قبری بودا ابوالفضلین قبری) خیالی قبریون اوسته گونوزلر آغلاردی گئجه گلردی ایوه مشکیوی قوجاخلاردی (اوغلی ئولن ننه اولسا گذشت الر ؛الله نه چتین اولار ننه نین اوغلی ئوله ایوینده نشانه سی قالا یادگاری قالا) دیردی قانه باتان مشکیوه ننون قربان خجالتینن آخان اشکیوه ننون قربان بالا من گیدن وقتیده هر مجلسه هر انجمنه یر ویرردی ننه لر عرشه مجلسده منه ظلمدی گوردوگی گونن دالی هر کیمسه قالا ایندی هیچ مجلسه دعوت الین یوخدی بالا کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال مداحی عاشقان حضرت اباالفضل ،ع، رو به دوستان خود معرفی کنید 🙏☝️☝️☝️☝️

@Hazrate_Abalfazll💥

روضه حضرت زینب(س) (او زینبی که بش یاشندا ننه سی زهرانین قراسین سالدی باشنا اوزینبی که آتاسی علینین باشنین یاراسین باغلادی اوزینبی که قارداشی حسن جان ویرنده طشتی ئوزی گتیردی اوزینبی که یاریم گونون عرضینده تمام یارو انصارین الیندن ویردی او زینبی که کوفه ده شامده نه مصیبتلر چکدی اما بیله یانایانا دیور الله ) زمانه گور گتیریب هاردا جان آلور مندن کیمه دیوم غم و اندوه قلب مضطریمی (اله یانایانا دییر حسین) ده حالمی آنام اوغلی جوان ئولن ننمه (آخی قیزین یامان گونی اولاندا ننه گلر هراینه ) ده حالیمی آنام اوغلی جوان ئولن ننمه اورک چوخ ایستر او پهلو شکسته مادریمی آنام گلنده نه خوشدور ربابیده گتیره ربابین اوخشاماسی سوندورر دل آذریمی بو خسته عاشقیون خدمتی باشا یتیروب هایانداسان گل ئوز باغلا عشق دفتریمی گلنمسنده عزیزیم گلایه ایلمرم آدن دیوب یومارام انتظار گوزلریمی دیمم منه گوره یوخ رقیوه گوره گل آی قارداش من زینبم که شیشه عمروم داش آختارور جان اوسته انتظار گوزوم قارداش آختارور کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال مداحی عاشقان حضرت اباالفضل ،ع، رو به دوستان خود معرفی کنید 🙏☝️☝️☝️☝️

‍ استمداد قمر بنی هاشم (ع) ال گیدوب علم سرنگون اولوب قارداش ال تاپوب اشقیا منه دستگیرم اون یدّی کافره لطف قیل شه کربلا منه باش یاریلدی قان آخدی سو کیمی هر ایکی گوزوم دولدی قانیلن چاک چاک حسین اولدی پیکریم تیغ و تیریلن هم سنانیلن قالمیوب داخی قدرتیم منیم ایلیم جدل شامیانیلن پیکریم داخی پایمال اولوب کوفیان وروب چوخ یارا منه وردولار زبس خنجر و سنان یخدیلار منی بو عقابیدن کثرت یارا شدت عطش سالدی قلبیمی صبر و تابدن ای ابوتراب اوغلی گل گوتور قانلی نعشیمی بو ترابدن یاره لر سالوب نطقدن منی ایلوب اشقیا چوخ جفا منه صف بصف آلوب دوره می قشون مشگل امریدور خیمیه گلم باغلانوب داخی چاره یوللاری باش سنوب اولوب قوللاریم قلم نیلیوم یتوب جان دوداقیمه قورخورام یوزون گورمیم الم هر او قدر سس گلدی سسلدیم سنده لطف قیل ویر صدا منه ویر سکینیه حالیمی خبر تکمه سون داخی یوللارا گوزین مشگیم اوخلانوب آخدی سو یره کشف قیلماسون برده سو سوزین سو کنارینه یخدیلار سوسوز کوفیان حسین سقانون اوزین چکمه سون داخی انتظاریمی یوز ویروبدی بیر ماجرا منه ایتدیلر بهانه سو مشگیمی الده بو گروه ستم شعار وردولار اوخ اوستن اوخی منه قالمادی وجودیمده اختیار آخدی قان ز بس گیتدی طاقتیم سلب اولوب داخی قلبدن قرار سالدیلار آت اوستن یره حسین آچدی ال بو قوم دغا منه (( روز و شب سنه خدمت ایلوری نوکرون شهاب ای شه جهان عمرونی ویروب باشه صدقیله ایلیوب منه خدمتین عیان سنده ایسته حقدن بهشتده روز حشر ویرسون اونا مکان اولسا جرمی نصفین سنه گذشت ایلسون او نصفین خدا منه)) @Hazrate_Abalfazll

🎤خادم اهل بیت کربلایی سعید سلطانی 🍂@Hazrate_Abalfazll🍂

زبانحال حضرت زینب (س) سبک : آخشام اولدی ننه ای مهربان ننه، جان ننه جان ننه شیرین زبان ننه، جان ننه جان ننه آرام جانیم روح و روانیم ای گوزل آدی ورد زبانیم حیالی ننه وفالی ننه (2) مادر امامت، دختر رسالت سنیدون جهاندا، شاهکار خلقت ای ذات حقه عبد مکرم نور دوچشم رسول خاتم ای خلقته علت، شه بانوی جنت مصداق صداقت، تندیس جلالت مرآت حسن خلاق اکبر شانوه گلدی سوره کوثر حیالی ننه وفالی ننه (2) عالملره بانو، زن فرشته خو خلقتون خلق ائدوب ، عالمه آبرو در ثمین کنز شرافت ماه سپهر عزو جلالت حیالی ننه وفالی ننه (2) ای مشعل هدا، مادر اولیا قدروی بیلمدی، امت بی وفا ای یادگار احمد مختار ائتدیله سنی درده گرفتار عزالی ننه یارالی ننه (2) غم اوت ویردی دله، اشکیم اوخشار سله اولموشدی پیغمبر، عزالیدون هله عرشه اورکدن قوزاندی آهون اوت ویردی عمر یاندی درگاهون عزالی ننه یارالی ننه (2) بی مروت ثانی، اول فاسق و جانی باعث اولدی آخسین، سینوون القانی قابیرقون سیندی قاپی دالیندا گوردوم من سنی ئولوم حالیندا عزالی ننه یارالی ننه (2) غصه قلبه دولدی، گل تک یوزون سولدی بین دیوارو در، محسن شهید اولدی ای اوزائوینده اولان بی پناه محسنه اولدی قاپون قتلگاه مونس غم ننه، غرق ماتم ننه ئولونجه گوزلریم، اولار پرنم ننه گلشن عمری تز سولان ننه قامتی غمنن خم اولان ننه عزالی ننه یارالی ننه (2) اولار هردم ننه، گوزیاشیم یم ننه اولدی ظلم الیندن، عمرون چوخ کم ننه بعد پیمبر بی وفا امت، قویدولا سنی خوش گونه حسرت یارالی ننه عزالی ننه (2) ای ملک پاسبان، مفخر انس و جان ضربت سیلیدن، ساغ گوزونده وار قان شعله ی غمده دل داغلارام من اولونجه سنه قان آغلارام من عزالی ننه یارالی (2) بابامین یاوری، وفالی همسری غصه دلدن سالیب ، فاتح خیبری سارالان گل تک رنگی سارالیب مرحب اولدورن بابام قوجالیب عزالی ننه یارالی ننه(2)

✅ حضرت ام البنین( س ) ✍🏾 ابوالفضل عباسی معروفان اهری ( معروف ) وفات حضرت ام البنین (س) ای عزاداران گلون ام البنینون یاسینه آغلیون ام البنینه هم گوزل عباسینه دولدورون گوز کاسه سین اشکیله سیراب ایلیون قطره تک ملحق اولون آل علی دریاسینه جان ویرور بیر شیرزن ئوز شیرینون فکرینده دی آغلیور کرب و بلانین مرد با احساسینه تعزیه قورموشدی از بس گون ائوینده اوغلونا ابر غم سالمیشدی لکه صفحه سیماسینه دلده یاره بستر محنتده افغان ایلیور عالم آغلور ناله و فریاد واویلاسینه منتظردور گوزلری جان اوسته عباس آختارور حقی وار اوغلون چاغیرسون لحظه حساسینه سسلیور عباس من گل قبلیه دوندر منی دوش یولا کرب و بلادن کفن و دفن اجراسینه بیر خانمدور بسلدی ئوز دامنینده شیر نر فاطمه اوغلی حسینون روز عاشوراسینه گرچه شخصا گورمه میشدی کربلا هنگامه سین نوحه خوان اولموشدی دشت نینوا غوغاسینه گه دییردی یا حسین گاهی ابالفضل آدینی سس قوشاردی آغلیاندا اکبرون لیلاسینه یادینه دوشسیدی هر دم دلبر بالا قدی گوزلرین دریا ائدردی کربلا سقاسینه اوغلونون عطرین آلاردی اوغلی عبداللهیدن انکساریلن باخاردی صورت زیباسینه قامتی یاده سالاردی سرو قد عباسینی گونده مین قربان دییردی قامت رعناسینه بیر علم بیر مشک شوقیلن وئرردی چیگنینه اوخشاداردی صولتین سردار سرو آساسینه گه دییردی دوش یولا گاهی دییردی دور بالا قوی باخوم قوللارووه قربان گوزون صهباسینه الغرض یومدی گوزون دنیانی ترک ائتدی خانم قالدی حسرت گوزلری ایستکلی خاطرخواسینه عفو ائدون بو شاعری ای کربلا عاشقلری خط شعریمدن چخوم روح عزا معناسینه با حیا ام البنینون با وفا اوغلون یازیم تا پر آچسون مرغ طبعیم شاخه طوباسینه اعتراف ایلور گوزللر بانوی نیکو فرین تک ابالفضلی دیر یوز مریمین عیساسینه بس کرملیدور آقام باب الحوائج آدلانوب مریمون عیساسی چاتماز قدرت انفاسینه بیر باخیشلان مین مریضون دردینه درمان ائدر شیعه لر قربان ابالفضلین ید بیضاسینه گر اینانمورسوز دیون عیساده گلسون ، کورده تا شفا ویرسون اونون بالمره نابیناسینه ائتدی ابراز عشقینی ام البنینون دلبری هم حسینه هم حسینون حضرت زهراسینه گور نجه وارسته دی وارسته لر وارسته سی سود دنیانی ساتوب عقباسینون سوداسینه اوجونا آلدی سویی اما حسین سیز ایچمدی بیلدی حتما خدمتی ناقص اولار مولا سینه دولدوروب مشکی خیالی اولدی آسوده بیر آز ایستدی آسان یتورسون دست آل یاسینه دوشدی نخلستان یولوندان افتخاریلن یولا تا وئره روح حقیقت اصغرین رویاسینه حیف جلاد اجل کسدی خیامون یوللارین گلدی سقای لب عطشانون او دم دعواسینه آلنینی تیره هدف باشون عمودیله ووروب صدمه یتدی ابتلادن پیکر و اعضاسینه قول دوشوبدور بیر یانا مشکیله پرچم بیر یانا مشکینون اوخلانماقی چوخ آرتیروب ایذاسینه آرخاسی اوسته عقاب اوستن دوشوبدور تپراقا فکر ائدور عطشانلارین احوال جانفرساسینه سسلدی شرمندیم قارداش ئوزون گل سو آپار خاتمه وئر قیزلارین فریاد آه و واسینه قسمت ائت (معروفه) یارب کربلاده آغلاسون آند وئررم هم حسین هم زینب کبراسینه

‍ زبانحال حضرت ام البنین (س) با حضرت عبداله (ع) سوال و جواب سبک : آخشام اولدی ننه ✔️ سوال : گون باتور عبداله ائل یاتور عبداله آخشامدی اوغول کوچه ده دورما یتیم لر کیمی بوینووی بورما اخشاملار اولاندا بالانی باسیر اوره گینین باشینا یا الله ایام رحلت ام البنین اوجوان بالاسی اولن ننه ابولفضل اقانین او یتیم بالاسین باسیر اوره گینین باشینا اآخشامدی اوعول کوچه ده دورما یتیم لر کیمی بوینوی بورما یری وار اوادبلی بالا باخا بیر ننه نین یوزونه ✔️ جواب : باغریقانم ننه ناگرانم ننه۲ هامینون گلوب ائوه آتاسی گلمیوب منیم دردیم دواسی ای ننه اخشام اولاندا یوزون قویار دیواره باخار او بالالارا اتالار یاپیشیب الیندن گیدور ایوه الله هیچ بالانی اواره ایلمه یتیم ایلمه چتین اولار ام البنین قولارین اچیر عبدالله بالا قلبیمی یاندیما بالا ✔️ سوال : یانوب سولما بئله مأیوس اولما بئله هجران قوتارار گویچک چیچگیم گل ائوه ئوزوم نازیوی چکیم ✔️ جواب : آی چخار باخارام اولدوز تک آخارام باتدی دیرم آییم چخمادی بش گونلیک اولدی آغزیمون دادی ✔️ سوال : قیش دونر یاز اولار یامان گون آز اولار هی آتا دیوب آهونده یانما یوواسیز قوش تک ویلان دوقفسیمگ ✔️ جواب : خسته دور نفسیم تیره دور قفسیمگ اوینیوب گولر ائوده تای توشوم آواره گزور منیم جان قوشوم ✔️ سوال : جان قربان سوزووَه گوز دگر گوزووَه گزمه جیران تک آواره اوغلوم قویما یوزووی دیواره اوغلوم ✔️ جواب : کیمدن ایلوم گِله یوخ میلیم منزله گر چه ئوز ائویم خوش گلور منه آتامون یری بوش گلور منه ✔️ سوال : گل چراغ یاندیراق بزم هجران قوراق باهم اگلشوب دانشاق اوغلوم اوجا بوی یاره سؤز قوشاق اوغلوم ✔️ جواب : غصّه لر ییَرم هی آتا دیَرَم نه ئوزی گلور نه سسی گلور نه بیر سفردن نامه سی گلور ✔️ سوال : بختیمه یوخ سحر سن مَلَر من مَلَر گل یورولوبسان غم داشین آتاق باش باشه وئرک قول بویون یاتاق ✔️ جواب : بوشلا منی آنا قلبیم دونوب قانا قوی گزوم دیوم امان آیریلیق یامان آیریلیق یامان آیریلیق #استادطالبی کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال مداحی عاشقان حضرت اباالفضل ،ع، رو به دوستان خود معرفی کنید 🙏☝️☝️☝️☝️