🌿🌸🍃🌾🌼 🍃🌺🍂 🌿🍂 🌸 با نوای شاعر زبانحال زائرحضرت امام رضا علیه السلام حاج اصغر فرشچی (عدلی تبریزی) قسم او بیته قسم او عشقه که کعبه سن سیزصفاسی اولماز قسـم او جانه هوای جنّت سنون او صحنون هواسی اولماز کر: رضا رضا جان شاه خراسان بو قبره پاکه جانمدی قربان اوگوزکه گوردی رواق و صحنون دگر او رغبت بهشته ایتمز سنی سُون لر امام بولن لر اولاندا محشر بکاسی اولماز سن عرش و فرشه سراج حقسن که اولدی باعث اولا بو خلقت سپهرو ماه وستاره سن سیز فروغ و نور و ضیا سی اولماز امید آدم پناه عالم ایدن عنایت گدا و شاهه او بارگاهون کیمی جهاندا سرای و باب رجاسی اولماز سنون او دور طواف قبرون فزوندی حجّ خدا اویندن ایدوبدی واجب اطاعت ایتسون سنه کیم ایتمز ولاسی اولماز تاپوبدی عزّت بو ملک ایران سنیله اقدس اولوب خراسان گوزل رواقه گوزل ضریحه فدا ایدن جان خطاسی اولماز تمام دریا اولا مرکب قلم آغاجلار یازا قوتولماز صفات پاکون بیانه گلمز یازولسا گرانتهاسی اولماز او شاه سن که سنه محبّت کلید باب و دَرِ جناندی قسم او جانه اولوبدی مغبون او دل کی نام رضاسی اولماز مریض عشقون بیری گر اولسا غم ایتمزآخر طبیبی اولسان قسم او جانه هوای وصلون کیمی او شخصین دواسی اولماز غنی فقیرون مریض علیلون شفاسی سنده دواسی سنده اسیرعشقون بو(عدلیه) باخ گیچوبدی عمری قواسی اولماز 💐 🌾🌼 🌸🌾🌼 🌿🌸🍃🌾🌼

سبک شعر فوق 🎤#بانوای_حاج_علی_سیفی_افشار

🌾🌼 🍂 🌾 🍃 مدح ومیلاد حضرت معصومه علیهاسلام . شاعر استاد کلامی زنجانی . گل گلزار پیمبردی خانم معصومه معصومه دختر موسی جعفردی خانم معصومه معصومه کر: . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا . . ماه ذیقعده نین اول گونی اعلان گلدی جان گلدی نجمه خاتون سویونوب نجم درخشان گلدی جان گلدی عالمه خواهر سلطان خراسان گلدی جان گلدی آرزوی دل مادردی خانم معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا . بو کریمه خانومون وار صفت اکرامی اکرامی فاطمه دور آدی ئوز جدّه سنین همنامی همنامی حرمی قم دا اوجالدوب عَلَم اسلامی اسلامی حوزده حافظ سنگردی خانم معصومه معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا قم و مشهد یری وار فخرایلیه کیوانه کیوانه بو ولایتده رضا شمعیدی بو پروانه پروانه باجی قارداش یارادوبلار عظمت ایرانه ایرانه طوسه قارداش قما زیوردی خانم معصومه معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا . آندویرم سنی معصومه خانم زهرایه زهرایه قاپوون سائلیوق باشیمیزه سال سایه سال سایه قطره یوق دوت الیمیزدن قاروشاق دریایه دریایه اهل ایران سنه نوکردی خانم معصومه معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا خوش گلوبسن خانم ایرانیمیزه بطحادن بطحادن سالدی هجران زضا قمدا سنی یارادن یارادن تزگوزون دویدی خانم قاطمه تک دنیادن دنیادن سنی اولدودی رضا دردی خانم معصومه معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا ای جوانلوقدا دوشن فاطمه تک هجرانه هجرانه اوبیر ایل سندن اوزاق دوشدی آتان زندانه زندانه گلدون ای باب الحوئج بالاسی ایرانه ایرانه حرمتون جنّته مظهردی خانم معصومه معصومه . جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا معدن جود و کرم بحرسخا معصومه معصومه دردیمیز واردی خانم ایله دوا معصومه معصومه قاپون ای شیعه لره باب رجا معصومه معصومه آی آدون جمله مریضانه شفا معصومه معصومه ویر بیزه تزکرۀ کرب و بلا معصومه معصومه جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا ـــــــــــــــ ما سر خوشیم که راه ولایت گرفته ایم بهر ادب ز دامن عترت گرفته ایم یا حضرت رضا نظری کن به ما که ما بر خواهر تو جشن ولادت گرفته ایم ـــــــــــــــ ملتمس دعا اصغر فرشچی (عدلی تبریزی) 🌾 🌾🌼 🍃🌾🌼

مدح ومیلاد حضرت معصومه علیهاسلام شاعر :حاج ولی الله کلامی گل گلزار پیمبردی خانم معصومه معصومه دختر موسی جعفردی خانم معصومه معصومه کر: جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا . ماه ذیقعده نین اول گونی اعلان گلدی جان گلدی نجمه خاتون سویونوب نجم درخشان گلدی جان گلدی عالمه خواهر سلطان خراسان گلدی جان گلدی آرزوی دل مادردی خانم معصومه . بو کریمه خانومون وار صفت اکرامی اکرامی فاطمه دور آدی ئوز جدّه سینین همنامی همنامی حرمی قم دا اوجالدوب عَلَم اسلامی اسلامی حوزه ده حافظ سنگردی خانم معصومه قم و مشهد یری وار فخرایلیه کیوانه کیوانه بو ولایتده رضا شمعیدی بو پروانه پروانه باجی قارداش یارادوبلار عظمت ایرانه ایرانه طوسه قارداش قما زیوردی خانم معصومه آندویرم سنی معصومه خانم زهرایه زهرایه قاپوون سائلیوق باشیمیزه سال سایه سال سایه قطره یوق دوت الیمیزدن قاروشاخ دریایه دریایه اهل ایران سنه نوکردی خانم معصومه . خوش گلوبسن خانم ایرانیمیزه بطحادن بطحادن سالدی هجران رضا قمدا سنی یارادن یارادن تزگوزون دویدی خانم فاطمه تک دنیادن دنیادن سنی اولدودی رضا دردی خانم معصومه معصومه . معدن جود و کرم بحرسخا معصومه معصومه دردیمیز واردی خانم ایله دوا معصومه معصومه قاپون ای شیعه لره باب رجا معصومه معصومه آی آدون جمله مریضانه شفا معصومه معصومه ویر بیزه تذکرۀ کل و بلا معصومه معصومه بانوای حاج اصغر فرشچی( عدلی تبریزی) .

(( زمان سسی )) قالخا گرک زمانه ده هر آن زمان سسی عرشه چیخا مسلمان ائویندن اذان سسی آلله حسینچی شیعلره عزت آرتیروب هر سسده باتسا باتمیاجاخ نوحه خوان سسی هر کس اذان وئره اونا آلله جزا وئرر خوشدور کی قالخا ماذنه لردن جوان سسی دعوت ائده نمازه کیشی اهل بیتینی بیرده قوناقینی آییدا میزبان سسی صوت حسن مهمیدی وقت اذانیده تشویق ائدر عبادته زیبا اذان سسی قرآن صفاویرراوخویاندااورکلره بذل ایلیرحلاوتی هرجسمه جان سسی نیزه باشیندا قاری قرآن اولوب حسین معناسی واردی باتمیاجاقدور قران سسی ثارالله اولسا قان اونی آلله آلار ئوزی اذن ظهور اولسا گلر قان آلان سسی سسلر بیر اولسا ، سسلسه داده امامینی بیر گون گلر یقیندی امام زمان سسی هر کیمسه ایشلَده سسینی راه حَقّیده حتما زمانه ده قالاجاق جاودان سسی دلدَن او سَس که گلدی یقین دلنشین اولار فورا آلار دل اهلی او دلدن جوشان سسی طالبدی خلق، ایمدی صداقتلی بیر سَسه طالب دگول قولاقی ایشیدسون یالان سسی سَس گر سَس اولسا ، هانسی بوغازدان چخان کیمی هر گوشه دَن گورَرسَن اونا گلدی جان سسی آتدان یره دوشنده حسین بن فاطمه دوتدی هامی عوالیمی کرّوبیان سسی جبریل گلدی قتلگهه دلده واحسین دشت بلانی چولقادی یکسرفغان سسی جبریل آغلیوبدی ملکلرده آغلادی کرب و بلا چولقالادی قدسیان سسی سالدی غمه حرملری خاصّه سکینه نی آغلاتدی ذوالجناحین اوشیحه زنان سسی آلعلی بیری بیرینه دگدی قوزانوب عرش حقه علی قیزینین اَلاَمان سسی غارت ایدنده مخیمی بی رحم کوفیان باتمیشدی قیزلارین چوخونون قورخودان سسی ناگه اوجالدی نیزه باشیندان صدای حق گویا یر اوسته جلوه لنوب آسمان سسی کهف آیه سین تلاوت ائدنده یارالی باش فوج ملک یئتیردیلر عرشه همان سسی نوک جداده صوت حجازیله اول زمان قدرت ویروردی اَهلینه شاه جهان سَسی شمر الده تازیانه ووراندا اوشاقلاری اوج ائیلردی عرشه او دم بانوان سسی زینب دئیَنده ساکت اولون اهل کوفیه گوردوز نه نوعی باتدی اودم کوفیان سسی ائوز خطبه سیله کوفه نی وورموشدی بیربیره سالمیشدی شهره وَلوَله شیرزنان سَسی بولمَم نچَکدی آل علی کوفه ده ، چیخوب عرشه او غمکشیده لرون اَلاَمان سسی طعنه ووراندا کوفه لیلر آل حیدره راوی دئیور گلوردی اولاردان فغان سسی هر قیز گلَنده نالییه جورِ ظلامیدَن تئز قوزانوردی خشمیله شمر و سَنان سسی کوچ ایلینده کرب و بلادن قطار غم دوتموشدی دشت ماریه نی ساربان سسی جمعی از شاعران بوستان شعر و ادب حاج اصغرفرشچی (عدلی) حاج محمد تقی جابری حاج ستار رزاقی حاج بهروز کیمیا دلجو علی جعفری(عاجز) سید جواد حسینی غیضعلی اشرفی( عارف) محمدرضاصادقی(شیدا) الیاس ملک پور

تقدیم به عاشقان امام رضا(ع) بر اساس حروف الفبا حاج بهلول حیبی زنجانی (ا) ای ویرن جلوه خراسانه رضا (ب) بحر جود و کرم و لطف و سخا (پ) پاک آدین حک اولوب عرشین طاقینا (ت) تا ویرا، طعنه بهشتون باغینا (ث) ثمر، نخل، امامتسن آقا (ج) جوهر،جان،ولایتسن آقا (چ) چاغیرا کیم سنی امداده،یقین (ح) حل اولار مشکلی دنیاده،یقین (خ) خلقی مبهوت الییوبدی کرمون (د) دیللره،طنطنه سالدی حرمون (ذ) ذره،باخسان بیزه،لطفونله اگر (ر) روحیمیز عرش معلانی گزر (ز) زائرم،کوییوه دوشدی گذریم (ژ) ژاله تک گوزدن آخور اشک تریم (س) سنین عالمده گوزلدی لقبین (ش) شمسیدن باج آلور اصل و نسبین (ص) صاحب قدرت داورسن آقا (ض) ضامن شیعه ی حیدرسن آقا (ط) طالبم،دل ایوین،آباد الییین (ظ) ظلمت نفسیدن آزاد الییین (ع) عزتون،رایحه دور احساسه (غ) غیرتین بنزیر عمون عباسه (ف) فاتح،ملک دل ایرانسان (ق) قسم الله،بیزه،سن،جانسان (ک) کیم گله درگهن،احسان ایده رن (گ) گبر و ترسانی مسلمان ایده رن (ل) لطفیوه اهل جهان مشتریدی (م) ملکوت اهلی آدین ازبریدی (ن) نقشه ده کشور ایرانه باخون (و) والی ملک خراسانه باخون (ه) هامینون دردینه درماندی رضا (ی) یاز قلم حج فقیراندی رضا ___ از همه ی مادحین و عاشقان امام رضا(ع)التماس دعا دارم

دنیا بویی مصحف اولا قرآت اولا بولمز مدح خوانی حاج اصغر فرشچی(عدلی تبریزی).

شهیدی نوشته بود جسمم را به خاک و روحم را به خدا سپردم و راهم را به شما...

مدح خوانی حاج اصغر فرشچی(عدلی تبریزی). درصدا و سیما مرکز تبریز ای حجت حق عالم و عالم سنه مایل

عشق عمر شمع حیات سُنورغروب ایدن آفتابیدی تشخیصه یوخ توان" صبحودی "یا ماهتابیدی آخدی نه سرعتیله کهکشان" حیاتیده شباب عـمروم ایخدا مگر شهابیدی کتاب حیاتیم داغولدی" واژۀ جوان اوخونمیین یریدی که نقش کتابیدی پیوند رشته سی باریک اولورجسم و جانیده اوچ دورت نفس قالان دردیله اضطرابیدی فروغ چشمۀ عشق " کویرزندگیده نوید ویرورولی جلوه سی سرابیدی امید نخلینی بارورایدن سفرِ خوفناکیده عشق حسینیدی غمینه دل پرالتهابیدی ساقی قدح ویروب زبس عشقینده ایشموشم مستانه گوزیومارام طولانی خوابیدی جواب سئواله آمادئیم قبریده گرک اوّل دیم حسینیم اودا بیرجوابیدی دنیاده وار یوخوم دیرم بیرحسین اولوب بیرده شعرو نوحه لریمدی نچه کتابیدی اصغرآدیمدی شهرتیم دائی«عدلی»تخلصوم یازدیقچا دلکباب وگوز یاشیم چون سحابیدی مفتخرم همچون استادان دیگر این کتب را به رایگان بین علاقمندان و مادحین صادق توزیع کرده ام واین نمودارنه تعریف ازخود است بلکه تشویق به امر وجه الله است

یا مهدی گریز به کوفه ای حُجّت حق عالِم وعالَم سنه مایل عالَم سنیلن عالَم اولار خسرو عادل ای مهری اولان شمسۀ ایوان ولایت سالسان او گوزل نوریوی ظلمت اولی زایل گل معركۀ عدلوی قورحق اله گلسون مظلومه امان ویرمور آقا فرقۀ باطل سن حبل متین مُجری احكام خداسن سنسیز اولا بولمز بو قدر حلّ مسائل دوندردی یوزون چوخلار آقا حكم خدادن گل امر ایله قرآن یر اوزونده اولا عامل ای محرم اسرار خدا عصرین امامی دریای شرف جود و كرم علمیده فاضل وار عالمیان ایچره ظهورین اولاجاقدی اولدی او گوزل ساعته عیسی اوزی قائل تعجیل ایله چوخ منتظرون واردی ظهوره گل گورسد اوزون ای شه فرخنده خصایل عاشقلرون هر گون سنی سسلور آقاجان گل سن مُنتَظَره مُنتظِرین عشقیده كامل جرأت تاپوپ اشرار جهاندا اولوب عاصی سال سایه وی دیوانه لر اوسته اولا عاقل قوی تاج امامت باشا گل طاقت آزالدی بسدی نقدر هجره دایانسون بو قبایل بایرامدی ولی آغلا بیر آز گو گلون آچولسون چون آغلاماسان جدّینه گَلمز اَله حاصل گوز یاشیوی جام شوقینه دولدور ایله پنهان زهرایه آپارحشریده بیر تحفة قابل اول حالته آغلا اُسرا ناقه لر اوسته بیر عدّه پیاده ایدوری طی منازل باشلار ویرولوب نیزیه همراهی اوشاقلار بیر آن دیمه زینب بالالاردان اولی غافل شرح ایتموری خامه اُسرایه نه لر اولدی هرتك تكی دینجلماقا چوخ اولدولا مایل زینب اورگی قانیله دولموشدی او ساعت باخدی یارالی باشه اودم دیلده تمایل بیردن اوخودی نیزه باشوندا یارلی باش كهف آیه سین اولموشدی اونون جدّینه نازل بیر قدرت قلب اولدی خانم زینبه گویا سسلندی فدا عشقوه ای شمس قبایل زینب اولاقربان او گوزل لحنوه قارداش قرآن اوخی شرمنده اولا دون و ارازل تدریس ایله قرآنی اوخی نوحوی «عدلی» محشر گونی امداده گلرخسرو عادل