🌸🍃🌾🌼 🍃🌺🍂 🌿🍂 🌸 مولود حضرت امام حسن عسکری علیه السلام اصغر فرشچی ( عدلی تبریزی) سبک :همه جا بروم به بهانه تو آچدی گوز عالمه بیر گل حیدری گوزل اسمی حسن حسنِ دیگری خوش گلوبسن حسن اَیُّهَا العَسکری ای مه انور یا اَبَالمَهدی عالمه رهبر یا اَبَالمَهدی گل نه گل گورمیوب مثلنی هیچ چمن شهریثربده آچدی گوزون تا حسن یرگویی دولدروب عِطر مُشکِ خُتن باباسی هادی دورسـوسـنـدی مادری خوش گلوبسن حسن اَیُّهَا العَسکری شافع محشر یا اَبَالمَهدی سوسنه زیور یا اَبَالمَهدی نورحقدن بوگون دنیا پر نور اولوب اَبَالمَهدی گلدی شیعه مسرور اولوب خصم قرآن و دین گوزلری کور اولوب مکتبی مکتب موسوی جعفری خوش گلوبسن حسن اَیُّهَا العَسکری سیرتی نیکو یا اَبَالمَهدی قامتی دلجو یا اَبَالمَهدی ای گل فاطمه مظهر بو تراب ولایت بحرینه گوهر و دُرّ ناب گل یوزوندن آلورنورونی آفتاب ای دُرِ احـمـدی ای گل حیدری خوش گلوبسن حسن اَیُّهَا العَسکری رخساری منور یا اَبَالمَهدی سُــلال حـیـدر یا اَبَالمَهدی گل یوزون ایدوری جلوۀ داوری ولایـت قـمـری دین حـق یاوری یاراشور جسمیوه خلعت سروری شیعیان حسنوه اولدولار مشتری خوش گلوبسن حَسن اَیُّهَا العَسکری خورشید سرمد یا اَبَالمَهدی عــزیــز احمد یا اَبَالمَهدی خط وخالون حَسن خُلق وخویون حَسن گفتگویون حَسن عطروبویون حسن کُنیه ن ابن الرضا ماه رویون حسن سنه خالق ویروب بیر بیله برتری خوش گلوبسن حسن اَیُّهَا العَسکری مهره مثل سن یا اَبَالمَهدی گولدن گوزلسن یا اَبَالمَهدی یر یوزونده سنسن مقتدا و امام سنسیزطاعت هدرسنسیز جنّت حرام سنله قرآن تمام سنسیز دین ناتمام سنکیمی اولماز جهانون سروری خوش گلوبسن حسن اَیُّهَا العَسکری کان سـخاسن یا اَبَالمَهدی مشکل گشاسن یا اَبَالمَهدی دولی دولدور دولا ساقی پیمانه نی دیرومسجد ایداخ گر بو میخانه نی مست اولاخ مست ایداخ شمع و پروانه نی گوز آچوب عالمه عالمین مفخری خوش گلوبسن حسن اَیُّهَا العَسکری نــاطــق قــرآن یا اَبَالمَهدی ایت بیزه احسان یا اَبَالمَهدی (عدلیِ) پیردور درگهون نوکری اورگدوب مدح یاز خالق داوری گه زبانِ فارسی گه یازار آذری فضلوزیله دولارگون بگون دفتری خوش گلوبسن حسن اَیُّهَا العَسکری ایستور شفاعت یا اَبَالمَهدی روز قـیـامـت یا اَبَالمَهدی 🌼 🍃🌼 🌸🍃🌼 🍃🍃🌺🍃

🌼🌸🍃🌼 💐🌺💐 🍃🌼 🍃 زبانحال حضرت معصومه سلام الله علیها . حاج اصغر فرشچی ( عدلی تبریزی) . سبک: سن آغلوسان من دوزنمورم آغلاما علی لایلای... . سالوبدی صیّاد اجل ، قارداشیم منی دامه غریب یرده جانویرورم ،گوندوزوم دونوب شامه . گلوب اجل سراقیمه یتوبدی جان دوداقیمه گوزلورم یولون قارداش گوزلورم یولون قارداش . . چکوبدی عشقون مدینه دن ، چوللره منی سالدی یتیشدیم ایرندا ساویه ، قلبیمی اَ لَم آلدی اوگوندن اولدوم مریضه حال، حالیم هر حالا قالدی امید ویرور بو الیمده کی، منه یازدوقون نامه . . یالاندی بو من دسم اگر ،فرقته دوزوم واردی بو غربت ایچره آدامسیزام، آغلیین گوزون واردی سنی جواد اوغلوون جانی، گل سنه سوزوم واردی گلوب بو شهره منی گور ،خاتمه ویر آلامه . . گل او گلن یوللاروا ، باشیمی ویروم شاباش یانور اورک بو دردیمه ، گوز توکور یوزه قانیاش منی اوزون مزاره قوی ، یوخدی محرمیم قارداش ویراخ فضلیت بو یرده بیز، حکم دین اسلامه . . بو گلشن عشقیمه منیم، صرصر خزان اسدی ایدوبدی ویرا ن بو گویلومی، بلبلون سسین کسدی بو عمر کوتهون دئدی ، آنا تک سنه بسدی گلوب سنی من گورنمدیم ، حیف اولا بو ایّامه . . دیار طوسه گلنمدیم، قالدی دلده بو حسرت گورنمسم گل جمالووی ، اولماسا منه قسمت مزاریده منله دفن اولار، داغ بویی غم و مِحنت گییر سنون شیعه لرون ، اگنینه قرا جامه . . خانم عزا ساخلیوب سنه ، نوحه خوان اولوب (عدلی) یازانموری نوحۀ حزین ناتوان اولوب (عدلی) برات آلانمور زیارته، باغریقان اولوب (عدلی) عنایت ایله خانم اوزون، پرتوان اولا خامه . ✨اللّهُمَّ عَجِّل لِوَلیِّکَ الفَرَج✨💫

🌿🌸🍃🌾🌼 🍃🌺🍂 🌿🍂 💐 حضرت مهدی علیه السلام ✍️ عدلی تبریزی الله عنایت ایله جود وکرمدن احسان زهرا بالاسی مهدی ایتسون اوزون نمایان گلسون قرائت ایتسون نازل اولان کتابی قرآندی واجب ایلوب هرعورته حجابی قطّامه تک آچوبلاررخساری یوخ نقابی طغیان ایدوب بیرعدّه نسوان نا مسلمان عرصه اولوب تباهی دوتدی جهانی ظلمت روحی مریض اولان چوخ یوخدی ایدن طبابت دین اهلی دینه ایلورالله ندن خیانت باطل اولورزماندا احکام دین وقرآن وهّابی لرجهاندا اونسوز تاپوب جسارت تبلیغ ایدورهمیشه ضد شه ولایت یولّا گله اوقائم ایله بیزه کرامت آچ باب وصل وقربت تا قورتولا بوهجران هرصبح وقتی مخلوق ایلور سنه مناجات عجّل خدا دیورهی پیرو جوان به کرّات ایستورکرم سحابی توکسون یره کرامات آچسون گل مَحبّت پرعطراولا بودوران زهرا بالاسی گلسه حقی اوایلراعلان جنّاته کیم گیدرکیم عقباده اهل نیران کیم شیعۀ علیدی اولسون او قلبی شادان محشرگونی اولاردی امّت ایچینده خندان زهرا بالاسی گلسه دنیا اولار چراغان گوزیاشی اولمازاولسا گوهراولاریا مرجان پیسلیک گیدرزماندان یاخشی اولارهرانسان قوردا قویون سوروسی مهمانسراده مهمان زهرا بالاسی گلسه داغ داش اولارگلستان چولده تیکان تاپولماز گلشن اولارنیستان گل لرگولرگولنده بلبل اولارغزلخوان حاکم اولاریراوسته مهرو وفا وایمان زهرا بالاسی گلسه ایلر جهانی رضوان اولمازبیرینده جرأت ناحق توکه یره قان هرجان آلا نی ایلر حُکمیلَه قانه غلطان قهروغضب ایدر طی راه جهیم ونیران زهرا بالاسی گلسه حقه آچاراو دیوان حق سوز دیوب یازانلار حتما تاپالّا امکان آغزی قفّلی( عدلی) اولماز داخی هراسان حق کلمه سی یازولسا تولید اولارهم عمران 🌿 🌿🌸 🌿💐🍃🌿

🌿🌸🍃🌾🌼 🌼🌸🌾🌼 🌾🌼 🌼 حضرت زهرا علیها سلام حاج اصغر فرشچی ( عدلی تبریزی ) سبک :: ای درد بی درمانلارا... مظلومه زهرا ترک ایدوب بو گون جهانی آغلار قویوب فرقتینه کون و مکانی کر: مظلومه دی شهیده دی حضرت زهرا اون بیر امامون آناسی اُمّ اَبیها بوگون قیامتدی جهان غرق عزادی قاره چکوبلر گویلره ماتم سرادی دخت پیغمبر فاطمه دینه فدادی سالدی شرر بو دللره دل سوزانی بیرباغبان دوشدی بوگون آیری گلیندن بیر کیمسییه بولدورمدی درد وغمیندن آیرولدی دوت بالاسیندان خاصّه حسیندن جنّاته گیتدی تا اولا آتا مهمانی ظلم عدودن فاطمه اولموشدی خسته گورموشدی مولا اللرین ایلوبله بسته سینه یارالی قول یارا پهلو شکسته نیسگللی ترک ایتدی بتول فانی دنیانی آزعمروده دوت گل وجود گتدّی دنیایه طوی گورمدی یوز گولمدی گلدی نوایه قالدی حسرتی قلبیده گتدی عقبایه آپاردی قبره داغ کیمی غم پنهانی هجر بتول سالدی شررخانۀ صبره بنزدّی مولا گوز لرین بارش ابره غسلون ویروبدی نصف شب قویوبدی قبره طبق وصیّت دفن اولوب گجه زمانی مکتب عصمتده ویروب درس حجابی هم اورگدوب پیغمبره گلن کتابی درگاهی یاندی حیف اولا گوردی عذابی ایذا ایدن حقین آلان دانوب قرانی ظلم اولوندی عالمده چون دخت طاهایه بیت الحزنده روز و شب گلدی نوایه آغلاردی حقی الیندن گیدن مولایه گوز یاشلی آخرترک ایدوب شاه ولانی ایتدی سنی زهراغمی اولدون خون جگر یازدوقجا خامه آغلادورآغلوری دفتر گیتدون بعقیده (عدلی )سن هروقت سحر آختاردون امّا تاپمادون قبرزهرانی 🌸 🍃🍂 🍃🌺🍂 🌸🍃🌾🌼

🌿🌸🍃🌾🌼 🍃🌾🌼 🌾🌼 🌿 زبانحال حضرت علی علیه السلام درشهادت حضرت زهراسلام الله علیها اصغر فرشچی ( عدلی تبریزی ) اولدی سندن هم یارالی سینه دن حیدر خجل هم غلاف خنجر ومیخ دروهم در خجل سن غروب ایتدون گوزومده گوندوز اولدی لَیل تار بو غروبه من خجل شمس و قمر اختر خجل درگهون یاندی مریض اولدون اوگوندن بستری هم شِفا سندن خجل دَرد و دَوا بَستر خجل ویردیلار اُود باغیما گل غنچه ده پر پر اولوب باغبان بلبل خجل پروانه لر گل لر خجل هم صدف سیندی وهم دُرّ و گهر الدن گیدوب من علینی ایلدی الدن گیدن گوهر خجل گلستان عشقیده خوش رنگ و بو گللر سولوب باغبان گلدن خجل هم لالۀ پر پر خجل پاره لنموش بیر قباله نیلگون رخساریوی گوردوم اولدم من حسندن تا دم محشر خجل ای وفالی همسریم ای چرخ عصمتده قمر هرگز اولماز همسریندن من کیمی همسر خجل نطق و غیرتله منی اَللردن آلدون فاطمه شاهباز عشقیدون ایتدی او شهپرلر خجل هر غم و مِحنتده دُوزدون دودمانیمده منیم اولدی بو اَمره عَم اوغلون ساقیِ کوثر خجل زینبی آغوشه آلماق ممکن اولموردی سنه زینبون سندن خجل سن زینبه مادر خجل فضّه ویردی تا خبر گل یا علی اُولدی بتول اوز کنیزیندنده اولدی فاتح خیبر خجل اونداکی قویدوم مزاره آلدی بیرجفت ال سنی بیر امانت ردّی تا جان وار منی ایلر خجل «عدلیا» نظمون ویرار شعله بو قلب امته ایلسه زهرا شفاعت اولماسان محشر خجل 🌼 🌼🌸 🌾🌼🌸 🌼🌸🌾🌼

🌿🌸🍃🌾🌼 🍃🌺🍂 🌿🍂 🌹 حضرت زهرا سلام الله علیها ✍️ عدلی تبریزی هانسی دیلده گر اولا مهر و ولای فاطمه روزمحشرده اولار تحت لوای فاطمه دست قدرت وادی ایمن یازوبدی درگهین عاشقانه کعبۀ دل دور سرای فاطمه حق ویروب گور نه جلالت جبرئیل دور خادمی حوریانه توتیادی خاک پای فاطمه نطق گویاسیله آچدی شاهراهی اُمّته مثل قرآن دلنشین دور خطبه های فاطمه منطقی ارشاد خلق وحقی باطلدن سچن دشمنی ایلوبدی رسوا ادّعای فاطمه اورگدوب درس حجابی بانوان عالمه مکتب قرآن دور دانشسرای فاطمه سورۀ کوثر که نازلدی خدای حیّ دن ایلیوب اول سوره ده حمد و ثنای فاطمه بارها فرمایش ایتدی اول حبیب لم یزل میوۀ قلبیمدی زهرا جان فدای فاطمه بیر بیله عزّ و جلالت صاحبی مظلومه دور قلبیدن گیتمز هله درد و بلای فاطمه اوندا کی ثانی ویروب درگاه وحیه اود یانوب قان توکولموش یر اولوب کرب وبلای فاطمه قامتی غمدن خمیده اولدی هر آن آغلادی قورتولا کسدی شجر دشمن بُکای فاطمه قدرینی بولموبله لیل قدر تک افسوس اُمم اولدی پنهان جلوۀ احمد نمای فاطمه اجر و مزد احمد مرسلدی حُبّ عترتی پس رضای حق سبحاندور رضای فاطمه روز محشر که اولار عزّ و جلالی آشکار غملی اولماز شیعۀ غم آشنای فاطمه واردی طومار شفاعت اوندا چون روز مَهیل اهل جنّت دور او گونده اولیای فاطمه اولیانی دشمن ایچره بیر به بیر ایلر جدا شامل احبابیدی لطف و عطای فاطمه خادم درگاهنون وار دور مقام شامخی خوش او کیمسه حالینه اولدی گدای فاطمه اللری اوسته گتورسه صود امر باشسیز بالا محشر اهلین یاندورار آه و نوای فاطمه بو اشاریدی غمینده من توسل ایلدیم گر یازام چوخ دور رِثای غم فزای فاطمه وار قیامت عرصه سینده لوح تقدیر «عدلیا» کیمسه کی ذکرین ایده حمد و ثنای فاطمه 🌹 🌾🌼 🌸🌾🌼 🌿🌸🍃🌾🌼

🌿🌸🍃🌾🌼 🍃🌺🍂 🌿🍂 🌹 شهادت حضرت زهرا سلام الله علیها زبانحال حضرت علی علیه السلام ✍️ عدلی تبریزی خزان آپاردی گلی بهاردا بلبل آغلار گلی سولاندا یاره لی توپراق آتدایاتدون قانون قالوبدی بو آستاندا ویرنده غسلون سنه چوخ آغلاموشام بو دوت بالیله سینمی داغلاموشام غصّه دن ای خمیده قامت بولمدی قدریوی جماعت آلان قبالنی الیندن کوچه ده ایلیوب اذیّت بولور علی سیلی یوزوندن ویرولوب حسن دیوردی آنام اوردا یخولوب گونوم غمه سیاه اولوبدی انیسیم اشک و آه اولوبدی حلال ایله دوقوزایل بوایوده روزگارون تباه اولوبدی بیچدی خیاط الم جامۀ غم ایدوبدی ثانی ستمی قدیوی خم اگموشم باش قضا و جبره صورتون من قویاندا قبره یادیمه دوشدی خاطراتون گوز یاشیم بنزیوبدی ابره دوباره دن یاره لیوب غم سینمی علینیده اولدورجاق هجران غمی قبریوه من دئدیم حالوندان فخر ایده اولدی بیر گلستان گزلین ایتدیم مزارینی من حافظ اول سنده ایله پنهان من عمرومون سرمایه سین ویردیم سنه ویر مه نشان حشره کیمی اهریمنه سقط اولوب محسن بالاسی کاش کی تا بولمیه آتاسی خجلتیم واردی سینه سینده فشار در مسمار یارا سی قولوندا وار قمچی یری قد بوکولوب علی الیندن بالالاردان ال اوزوب اولان مصیبت لره دوزردی یوزومدکی اشکیمی سیلردی نیلی یوزون گوردوم یوواندا سییلی یرینی گیزله دردی جهانی ترک ایلدی بو وقت شباب سپهر عفتدی آخوب مثل شهاب «عدلیا» گل دله بیانه تسلی ویر صاحب الزمانه نوحه دی آغلاسون بوامت فاطمه یار مهربانه رحلت زهرانی یازدی میخ درب یتیمه اولدی بش یاشیندا زین اب 🍃 🌾🌼 🌸🌾🌼 🌿🌸🍃🌾🌼

زبانحال حضرت فاطمۀ زهرا علیها سلام اصغر فرشچی  ( عدلی تبریزی) سبک: من مانده ام تنهای تنها.....و .. باغبانم باغ عشقه دویمادیم اوز گل لریمدن بوغمه بلبل لرآغلار آیری دوشسم ائل لریمدن باب کینه مِحنت وغم تا آچیلدی باغبانه دست ظلمیله ویرولدی سیلی وهم تازیانه من بتول مصطفایم    همسرشیر خدایم من گل باغ رسالت خار الینده پرپر اولدوم یاندی درگاهیم یاناندا ابرتک آلامه دولدوم پشت درده تا یخیلدیم گل کیمی اول یرده سولدوم یوزکبود بوسینه ده وارسوزش مسمار یاراسی قویدی مادرسیز جهاندا زینبی ثانی جفاسی من بتول مصطفایم    همسرشیر خدایم داندولار مولا علینون حقینی درده دچارم من ولایت اوسته محزون هرگجه شب زنده دارم  من مرید شاه مردان شهریار تاجدارم سسلرم گلسون او مولا گویلومی بویرده آلسون ایلسون قرآن تلاوت غصه و دردیم آزالسون من بتول مصطفایم    همسرشیر خدایم عمرکوته ده من  آچدویم مکتب عشق و محبت ویرموشم نسوانه درس عفّت و حُجب و دَیانت حیف مثل لیلۀ قدر قدریمی بولمز بو اُمّت خسته جسمیم نصف شبده تا گیده تاریک قبره بش بالام آغلارسرشکین اوخشادار بیر قاره ابره من بتول مصطفایم    همسرشیر خدایم ربِّ گلهای امیدم باغ حُسنون باغبانی اورگدن درس حجابی فکرو بینش هم بیانی بسلیین آغوش نازه دین فدا و قهرمانی بوحسین شمع حقیقت عشقینه پروانه زینب دورشمعه یاندورار پرعاقل و فرزانه زینب من بتول مصطفایم    همسرشیر خدایم ثانی تا اود ویردی یاندی باب وحیه من دایاندیم زخمدار اولدوم قاپومدا قانیمیله من بویاندیم کربلانون محنتیندن بوغمی من سهل ساندیم وارباشوندا بو حسینون کربلانون ماجراسی یوم عاشوراسی الده اوخلانان عطشان بالاسی من بتول مصطفایم    همسرشیر خدایم وارنقدری (عدلی) عمرون الده خامه فرصت ایله عشقینی قلبینده حک ایت نوحه سین یاز هِمّت ایله نوحه خوان اول بزم غمده درگهینده خدمت ایله توک گوزون یاشین عذاره آغلا آغلات عاشقانی جمع ایدیم گوزیاشلرون من سنده اول بوامره بانی من بتول مصطفایم    همسرشیر خدایم

🍃🌺🍃🍃🌺🍃 حضرت مهدی علیه السلام حاج اصغر فرشچی (عدلی تبریزی) آختارورام تاپام سنی کوچه بکوچه کوبکو عارض ماهوی گورم اولام سنیله روبرو نورجمالون ایلیوب جلوه لیدی کون و مکان مُشک ختن هواسی وارشهرودیاری سوبه سو دامنیوه الیم چاتا ای گل سر زمین عشق درد دل ایلرم سنه کلمه به کلمه مو به مو تاریدن آیرولا تارون زلفیوه شانه کاش و یرام گر چه صبااسر ایدر پیچ به پیچ و تو به تو عشقون اورکده حکّ اولوب سنکیمی یاره عاشقم شهرۀ شهرایدوب منی دل دله لیک خو به خو تک نه من عاشقم سنه چوخلاری عشقیوه مرید مهریوی حق ویروب بیزه چشمه به چشمه جوبه جو سن خُم عنبرین سن عطریوی دولدوروب سما توده اولورفضایه چون عطربه عطر وبو به بو لعل لبوندی شهد گون کوثر و نیل و سلسبیل مرده نی زنده ایلییر ذرّه به ذرّه مو به مو غم یمه( عدلی) چوخ ویرور طعنه بو جاهل و دنی لطفونی شامل ایلسه لال اولی هم اوهم ده بو ساقی عزّتون ویروب بیردولی جام می سنه اول می حقدی نوش ایله جام به جام سبو سبو رباعی: یابن الحسن ص در تن سرد صحرا نفس نیست دیدن تو به دل ها هوس نیست در دل عـاشـقـان تــو مـهدی هست فریاد و فریاد رس نیست

‍ ‍ 💐🍃🌿🌸🍃🌾🌼 🍃🌺🍂 🌿🍂 یا مهدی ✍حاج اصغر فرشچی ( عدلی تبریزی) 🎼سبک: بو غربتده الله گوزوم یولدادی... 🎤#بانوای_حاج_علی_سیفی_افشار سالوب جانه دلبر فراقي شرر او صاحب زماندان گينه يوخ خبر امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل گل نرگسيم سن ايدوبسن سفر ويرر نخل اميد هاچان پس ثمر سن ای مهدی گلسن گِجم چون سحر امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل فراقه نقدری دوزربو بشر ايدوبدی فراقون منی خون جگر بولوط آتدا قالماز ايشقلی قمر امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل گوزوم ياشی الله اولوب بی اثر گونی گوندن اولدی گونوم تيره تر الهی نظرايت گَله مُنتظر امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل بلالی باشيمدا واريمدی خطر اوچام قوش كيمی من يوخوم بال و پر اگرمهدی گلسه كناره چكر امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل دئیر(عدلی) سنسن آقا سر پناه حیاتینده ایلوب اگر چه گناه آنان خاطری ایت اونا بیر نگاه امام زمانيم "" باشوا دولانيم ظهور ايله گل منيم تكيه گاهيم"" گوزل سر پناهيم ظهور ايله گل _____ ✅ به ما بییوندید👇👇 #کانال_رسمی_نوای_حاج_علی_سیفی_افشار در پیام رسان ایتااااااااا👇👇 http://eitaa.com/joinchat/3601727499C34b432a9d1

مدح و میلادیه حضرت زینب(س) ✍️ حاج اصغرفرشچی( عدلی تبریزی) 🎤#بانوای_حاج_علی_سیفی_افشار شکراولا خالق مهربانه آچدی زینب گوزون بوجهانه ویرخبرشاد اولا عاشقانه اولسون چراغان هریرگل افشان گل اوسته بلبللراوخور اولوب غزلخوان خوش گلوبسن زینبا سن قهرمان کربلاسن اسمی زینب اوزی زین اب دی نطق گویاسی واربا ادب دی بوحسین عشقینه تشنه لب دی مادره دلبر پاک ومطهر قویدی بوعالمه قدم حسینه خواهر خوش گلوبسن زینبا سن قهرمان کربلاسن بوبتولون قیزی، سرسبد دی صنع حی مجید وصمد دی اُمّته مُستَعان تا ابد دی خالق یکتا ایلدی اعطا ویردی حسین قوجاقینه سویوندی زهرا خوش گلوبسن زینبا سن قهرمان کربلاسن آتش عشقه بو شعله وردی صدف عصمته بیرگهردی وارباشیندا سفرپر خطردی بوبا لیاقت شریک نهضت قیام ایدنده قارداشی ایدرحمایت خوش گلوبسن زینبا سن قهرمان کربلاسن هربلا وخطر یولداش ایستر قلبی غمدن دولان قانیاش ایستر مهربان باجنی قارداش ایستر آغوشه آلدی بشیکه سالدی اوپدی حسین یوزون صورا لایلاین چالدی خوش گلوبسن زینبا سن قهرمان کربلاسن سویلدی باجیمون عصمتی وار اوزآتاسی کیمی غیرتی وار کربلایه گیده جرئتی وار راه خداده روزبلاده پرچم دین آلاراله کربو بلاده خوش گلوبسن زینبا سن قهرمان کربلاسن غملیدی کربلا ماجراسی اوللام اول یرده من دین فداسی پیکریمده گورروار یاراسی گلمزشماره ازبس کی یاره مرهم ایدرگوزیاشنی یوخ ره چاره خوش گلوبسن زینبا سن قهرمان کربلاسن دشت غمده گورر یل لراسدی فاتح اولماقلیقا قان تلسدی ظلم ایدوب گون باشین شمرکسدی بولراخاسی واردی دعاسی شیعه نی رستگار ایده ایستورخداسی

🌿🌸🍃🌾🌼 🍃🌺🍂 🌿🍂 🍃 یا حسین . حاج اصغر فرشچی (عدلی تبریزی) . دردیمه درمان آلام گلدیم عزایه یاحسین دوزموشم دنیا غمینده هر بلایه یاحسین قوی قالا دنیا غمی هر حالیده شُکر ایلرم لیک بیر دردیم دوا اولمور دعایه یاحسین . روسیاه و پُر گناهم قد خمیده مو سفید شافع اول توبَم قبول اولسون خدایه یاحسین . بیر نظر قیل توبه کاره حُرّ تک نادِم گلوب آند ویرّم زینبه اوغلون رضایه یا حسین . خضر تک بیر جرعۀ آب حیاته تشنیَم انتظارم تا چاتام منده سقایه یا حسین . هدیۀ قابل یوخومدی جز بو گوزده گوز یاشیم عشقیمی ویرّم نشان گللّم نوایه یا حسین . من مریض کوی عشقم دردیمون درمانیسان سجدۀ شکر ایلرم خاک شِفایه یاحسین . منصب شاهانه سی وار درگهونده هر گدا من سگ دربارووام باخ التجایه یا حسین . کعبۀ آمال دور هر عاشقه کرب و بلا کیمیا دور خاک پاکون هر گدایه یا حسین . خالقون خاک مزاروندا شفانی خلق ایدوب ویرمیوب بو رجحتی هیچ اولیایه یا حسین . گونده یتمیش مین ملک اول قبریوی ایلر طواف خوش مطاف اولموش مزارون انییایه یاحسین . سفرۀ رحمت آچوبسان دعوت اوسته زایره زایروندی بهره مند لطف و عطایه یا حسین . جان زهرا و علی اکبرون احسان ایله «عدلیه» گلسون گینه کرب و بلایه یا حسین . 🌾 🌼🍃 🍃🌾 🍃