✳️ اشعار محلی مازندرانی : ⭐️ شعر جان مار ! ته روز موارکا تو مه جان ماره ته دا بمیرم همش سبزه زاره ته دا بمیرم اگه دنیا سوز و سرما بوو همیشه بهاره ته دا بمیرم نه نه ماه و نه روز تا که گت بووم ته مِر بی قراره ته دا بمیرم اته راحت خو تنه آرزو تو شو زینّه داره ته دا بمیرم اته دل به پش  تو نخارده غذا همش لقمه خواره ته دا بمیرم ته دس مشت اوله ته دوش وچه همش فکر کاره ته دا بمیرم ته کار و ته زحمت چه بی منّته خب پرستاره ته دا بمیرم جان مارا ته کشه ی خوی دا مه دلّ قراره ته دا بمیرم خبی وینه بیه ته ور قرض گیرن چونکه انّه خاره ته دا بمیرم همه ی غم و غصه ره دارنه دل کوی استواره ته دا بمیرم تِ فرق نکنه و چه خار و بد چنّه با وقاره ته دا بمیرم تِ ارمون اینه جمع بوون وچیله همه ی غمخواره ته دا بمیرم اگه پر دنیّوو    خنّه ی    امید تو هم پرو ماره ته دا بمیرم ته شرمنده مِ  چی بوام جان مار تو چشم انتظاره ته دا بمیرم بهشتم ته مزّ  کچیک و کمه تو پره براره ته دا بمیرم جلالیِّ ارمون اینه نوینه وچه ی بی ماره ته دا بمیرم 🔵 شاعر : فرهود جلالی کندلوسی #شعر_محلی_مازندرانی Https://eitaa.com/akhbarelafoor

✳️ اشعار محلی مازندرانی: تقدیم به همه‌ی مادران عزیز مازندرانی ⭐️ لالايي براي مادر ته دسه هيمه و رسن بورده ته قد نشاء و خرمن بورده اتا دم راحت دنيا نکردي ته عمر صحرا بتتن بورده ********* لالالالا خسه تن بلاره شه مار بوي پيرن بلاره ********* ته مه گره دايي توئه بلاره ته شو مسه نشي خوئه بلاره مسه لالا خوندسي تا صواحي مسه داشتي آرزوئه بلاره ********* لالا دل دارنه ارمونه بلاره بي ته دنيا مه زندونه بلاره ********* ته دوش مشته هيمه، من ته بلاره ته دس پره پينه، من ته بلاره يا نشاء کردي يا مال په دئي ته سَهرا تن خسه، من ته بلاره ********* لالا چش مشته اسري بلاره ته مه دنياي خشيه بلاره ********* افتاب ته دل گوشه نوونه بهار ته دسه ونوشه نوونه اگه دنياي خشي مه بووشه جان مار گرم کشه نوونه ******** لالالالا شه غمخواره بلاره اسا ونه تن نخاره بلاره 🔵 شاعر : حیدر رضایی فیروزجایی #شعر_محلی_مازندرانی Https://eitaa.com/akhbarelafoor

✳️ اشعار محلی مازندرانی: هوشته مِرِه پِلای سَر گِنِه تن نگار انه سِفره رِه جَم نکن نور یار سر نهار انه درانه دَسُّ و پا هاکن، بُور همه ره صدا هاکن چکه بزن سما هاکن سرزده با وقار انه تشت بور لگن بیار ،طبل و دسر کتن بیار دشمن ور کفن بیار ،بورده پار و پرار انه دهره بیار گلن بزن ،گو ره بور همن دون خارک پیراهن دکن، یار سمن سوار انه لمتکا و متکا بیار، کاسه و پیلکا بیار بزکله جونکا بیار ،مظهر کردگار انه زهره انه روجا انه، نقره انه طلا انه خنده انه صفا انه ،جلوه شام تار انه لینگ نشون گنه انه، دسا دهون گنه انه دور زمون گنه انه، بلبل بی قرار انه اسپه میها ره بو نرو ، وارش و وا ره بو نرو سرد هوا ره بو نرو ، چرده دوسه دار انه حجله نشین هلی ره بو ،ممرز و ولولی ره بو پج بدا انجلی ره بو ، ککی و ککی مار انه غرصه نخر صوا انه ، روز دهون الا انه یار نئو خدا انه ، دلبر غرصه خوار انه چله شونه هوا شونه، ورف شونه میها شونه چکه شونه سما شونه ، یار تن کنار انه سبزه پرس چمن پرس، دره پرس همن پرس مرده در کفن پرس ، چله سر بهار انه زردکلا کئی انه ، سرخ تتی ائی انه ورف دهون هئی انه ، باغ انه نپار انه تازه پچا پچا ره بو ، ترنه ونوشه ها ره بو پهلم و گندیما ره بو، سوزی سبزه زار انه درد انه دوا انه ، عشق انه جفا انه برمه و ونگ وا انه، غرصه بیشمار انه ظلم دره ستم دره ، محبت دم به دم دره غم دره گاه کم دره ، گاه هزار هزار انه لاله همن همن انه، سنبل و یاسمن انه قاصدک چمن انه، سرخ تتی انار انه حافظ خوش سخن گنه ، عمر دراز ره بخواه راسه نمیر بهار انه، کمبزه با خیار انه این همه ره فنا بوین ، همه ره نابجا بوین جای همه خدا بوین ، عشقه که پایدار انه حجت دل دماغ دور ، باته امیدوار باش عمر ننه زمون ننه ، گردش روزگار انه ⭐️ شاعر : حجت‌الله حیدری سوادکوهی #شعر_محلی_مازندرانی Https://eitaa.com/akhbarelafoor

✳️ اشعار محلی مازندرانی: ⭐️ شعرهای عاشقانه مازندرانی: سرم درد بهیته تا حد گردن اجل برسیه ونه بمردن اجل ماره نکوش ما نوجوانیم گل نشکفته ي مازندرانیم ************************ ته گوش گشواره آ گردن تِمِنی کیجا بوته ریکا اَمه سِره نِنی اِسا که من اِمبه شونی خِسِنی معلوم بیه کیجا مه ره نخوانی *********************** عقل وِنه آدم کلّه دوو کیجا وِنه آدم مله دوو صِواحی نماشون راه کوچه دوو چِش وه ره بوینه دل تازه بوو ********************** خدایا سر هدایی سامون هاده خدایا درد هدایی درمون هاده ته جه من نخواسمه مال و ثروت جان خدا مه ره هم زبون هاده ********************** چندِ من هِرسّم کَلِک کنار چند من هاکنم ستاره شمار شیشک و ترازی همه شونّه مار آخر بمو مه قشنگ یار ********************* پاییز بموهه وا دکته صحراره ارباب در اِنه زارع گیرنه شه لِفاره قربون بهووم قدرت خداره زارع بزوهه ارباب په کِفاره ********************* کیجای نالِ بِن تو دکشم تو انده تو بخِرم نالّ بورم لو مار گنه چچیه دتِر گنه گو بیچاره دِتِرا چو بَخرده چو ********************* شب وروز ته وِسّه من زمّبه ناله دل من تنگ بیّه نوونه پاره دِشمِنون شماره هاکنم چه کار نینگنین جدایی من و منه یار #شعر_محلی_مازندرانی Https://eitaa.com/akhbarelafoor

✳️ اشعار محلی مازندرانی: برو شونيشت ، شه دله مه ور هاده برو شونيشت ، دل غم ره سر هاده شه دل غم ره په بئير تا صِواحي نَفته کول ِ جا اون وَر تر هاده برو بوريم سي تِک ره سر بزنيم شه دل ِحرف ِ رکاب سر بزنيم بوريم کارم ِ اسم ِ بيريم نِکارم ! تل سِه خاطر، شِه سر بزنيم ديگه دل ، سنگ بهيه ، نرم نوونه ديگه هيچکي ، شه جِم ، همدم نوونه اگر اينجور که مِن ويمبه دَشونه ! اَمه شونيشت ِ جِم ، اُو گرم نَوونه ! #شعر_محلی_مازندرانی Https://eitaa.com/akhbarelafoor

✳️ اشعار محلی مازندرانی: 🔵 شعر : اون زمونای قدیم... اون زمونای قدیما اون آدمای با وفا هنیش بینه رواقه سر خسه بینه شه کاره سر تازه چایی افتابه کل بهار بینه زمینا کل ورزای پش چو و ازال لپر و تیل کتنه چال بچا پلاره خردنه زنده بینا ای مردنه گد وشون ای کد خدا پول و زمین کرده سیوا بیچارون هی کار کردنه بینجه کیسه بار کردنه ناماشونا خسه بینه مله میون دسه بینه سمباره بن پلی بینه مشغول لینگه تلی بینه تشکله سر زرک پلا مشغول بینه قند و پلا تازه کره قد کتنه تیسابه را ره متنه زمین زوئه تازه وجین دسه جمی کاره بوین کمر دلا تب تب عرق مرزه بالا لامبوس ورق چله بییه کرسی سر شب چره دیه سر به سر تیکا ایا مله دله بمپرسنه تله دله سنگه پل و اون پله سر چند تا کیجا افتو به سر دشته دله اسب و سوار صواسری و چار بیدار خرمن زونه چند تا خلال خردنه روزی حلال جینگا زنی خسه بینه بینج و کمل دسه بینه لمپا وشونه سو بییه فنر چراغ خو بییه برف اموئه میسه قاده وارش امو وه با قاده اسا گنی کو قدیما تازه بونی نو و نوا مدل رب زندی برار خارجی گپ زندی برار کئی پلاره یاد نکن دولبه کلاره یاد نکن شلوار لی تنگ پوشنی ایمونه دل ره کوشنی جوابه سر بالا دیینی گد و کچیکی ره وا دیینی قدیمای سختی ره ته اونای بد بختی ره ته اتا لحظه شه یاد بیار اون کتاباره بی بیار نا که قدیما چی چیه زرک و چفا چی چیه مه دل خانه اتا بویم کمک کنی صد تا بویم اسا بونه یاد نکنی؟ قدیماره شاد هکنی؟ الان بمو ضبط و سی دی زبونه مازرون چی تی بورده فراموش بهییه فارسی بتن خوش بهییه اسا گمبه جان مارون وچه دره شمه میون فارسی زبونه یاد بدین مازرونی ره باد ندین اتا بوین یکی چییه مستروین و جکی چییه مواظبه وچه باشین وشونه هر کجه باشین اما شما جان پرون زحمتکش و خسه تنون وچه ی جا رفق باشین چپ چپکی تشر ناشین اسا بورم شه مله سر شعر بهووم از همه ور امه مله هسه شلوغ گد و کچیک گوش زنده بوق چفته بنه دارنه مله الیاد بنه دارنه مله مصدار و تسکندون عجب زمین دارنه وجب وجب بیستا پنج تا دارنه شهید اتا اتا بینه رشید به راشون فدا بهینه آسونه سر جا بهینه آخر سر گمبه برار مله ره ته هکن قرار طاهری که بورده بیرون مشکل دیه ونه میون #شعر_محلی_مازندرانی Https://eitaa.com/akhbarelafoor

🎥 مستند پارپیرار این کلیپ گزیده‌ای است از منظومه "اسری" سروده زیبای آقای فرهود جلالی کندلوسی ، که در آن شاعر ابتدا از زیبایی های مازندران و اصالت و تاریخ آن می گوید.... #فرهود_جلالی #شعر_محلی_مازندرانی Https://eitaa.com/akhbarelafoor

✳️ شعر بسیار زیبای محلی سوادکوهی از جناب نادری به زبان شیرین محلی #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ شعرخوانی به زبان محلی مازندرانی از مهسا خانم تیزبخش #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ شعر محلی مازندرانی با صدای استاد حسن پور در انجمن سوادکوهی های مقیم تهران #شعر_محلی_مازندرانی #شعر_تبری ⭐️ کانال اخبار لفور 👇👇 Https://eitaa.com/akhbarelafoor

✳️ شعر محلی مازندرانی بسیار زیبای " گُم بئی کوتر " سروده استاد علی حسن نژاد در وصف شهدا جهت شادی روح همه‌ی شهدا از صدر اسلام تا بحال اجماعاً صلوات #شعر_محلی_مازندرانی #شعر_وصف_شهدا #استاد_علی_حسن_نزاد ⭐️ کانال اخبار لفور 👇👇 Https://eitaa.com/akhbarelafoor

✳️ متن شعر مازندرانی " گم بئی کوتر " در وصف شهدا : شعر محلی مازندرانی ” گم بیی کوتر ” را جناب آقای علی حسن نژاد سروده و بسیار تاثیر گزار و دلنواز است . در ادامه متن این شعر بسیار زیبا را برای شما قرار داده ایم . 🌹🌹🌹🌹🌹🌹 مه دله غم دپیته غم دپیته إفرادار بیمه و بهیمه پیته إفرادار بیمه و بشکسه چله غرصه سیو چادر بزو مه دل دله غرصه غرصه غرصه خروار به خروار غرصه إنه إنه قطار به قطار  بورم صحرا بورم جنگل بورم دشت پسره بورده راه ره بزنم گشت  آهای مزیره مرد،چی کار هاکردی مه ره سر بیشتی و تینار هاکردی  دو ساله بوردی و دیگر نموئی پاره بیه منه جیگر نموئی  چند ساله راه دارمه تا ته دگردی دست به دعا دارمه تا ته دگردی  مره بکوشته ته چشم انتظاری رفاقت این تیه بوری تیناری؟  در که صداکنه گمبه بیموئی ته مار دعا کنه گمبه بیموئی  ته ماره برمه واره کور هاکرده ونه دله ته داغ ناسور هاکرده  مه دست و مه دل و صدا بمرده برمه نکمبه ، مه دل باد بکرده  شه مزیره ریکای دوربگردم نومزه گیره ریکای دور بگردم  ته تازه نوج بزه ریشه بلاره ته رج دره مه سرپیشه بلاره  شه می ره چم دایی ته دور بگردم غرصه ره رم دایی ته دور بگردم أشون ته عکسه می ره چم هادامه ته عکسه شیشه ره شبنم هادامه  دل ره خربزه واری قاچ هادامه تا قد داشتمه عکسه ماچ هادامه  امسال ننی کر ره کوفا هاکنی بینجه هپاچی و سما هاکنی  امسال ننی تره داماد هاکنم دوست و رفیقونه دلشاد هاکنم  دامادی رخت ره هر روز بو کشمبه ورمه وره بازار اتو کشمبه  پنج شنبه نماشون مه گس کفنه غرصه ورگ وونه و مره لفنه  شومبه مزار ته ره پیدا نکمه دله قرار تره پیدا نکمه  بورم جبهه سنگر به سنگره بگردم داد بکشم پسر پسر بگردم  اینجه جنگه اینجه خون و تفنگه اینجه جنگه اینجه شونگ و شونگه  مه سر تیر و تفنگ ، مه سرگلیله اینجه خون روش بیته کیله به کیله  اینتا لینگ کنه شه چه راه نشونه صاحاب کوئه ونه همراه نشونه  اینتا دست کنه شه که دم هادائه حلقه دارنه گمونم نو زوماهه  کوتر إسپه بال ته ره ندیمه بیمومه ته دنبال ته ره ندیمه  گننه ته ره اروند او بورده گننه ته ره کوسه ماهی بخرده  گننه تانکه زنجیره بن ، راستیه؟ دشمن توپ و تیره بن ، راستیه ؟  مسلمانون مسلمانون ، مه سینه  مه دل که دل نیه، کینوئه کینه  مه ره تور بزه چو هاکرده دشمن کوتره پر پتو هاکرده دشمن  مه سره تش دچینه من شه دومبه مه کوتره پر بچینه من شه دومبه  مه صدا لو نینه چه چی بهووم مه چشم سو نینه چه چی بهووم  ته پوتین و پلاک ره راضی بیمه تنه بپیسه ساک ره راضی بیمه  ته هسکائه جا مه دل رضائه دل ره راضی کمبه ته هسکائه جهت شادی روح شهدا صلوات #شعر_محلی_مازندرانی #استاد_علی_حسن_نژاد ⭐️ کانال اخبار لفور 👇👇 Https://eitaa.com/akhbarelafoor