🏴عرض ارادت زیبای «تاج‌الشعرا یحیوی» خدمت حضرت أباعبدالله علیه‌السلام🖤
➖آی باتدی صبح آچیلدی زینب نوایه گلدی
➖زهرا دئدی حسین وای عالم صدایه گلدی
➕چون ییخدیلار آتیندان سلطان تشنه‌کامی
➕دنیایه اولدی اعلان قتل الحسین پیامی
➖جناتیدن ائشیتدی پیغمبر گرامی
➖نعلین‌سیز عباسیز کرب‌وبلایه گلدی
➕پیمانه عالم اولدی جانانه وئردی جانین
➕شوق و شرافتینان طی ائتدی امتحانین
➖شمر دغا توکنده خاک منایه قانین
➖پوزدوتدی آسمانه حمد و ثنایه گلدی
➕خون خدا توکولدی گودال کربلایه
➕یئرلر تزلزل ائتدی رعشه دوشوب سمایه
➖کروبیان لاهوت آغلاشدی بو بلایه
➖یئل اسدی گون دوتولدی ظلمت فضایه گلدی
➕خون حسین بوغازدان جاری اولان زمانی
➕جبریل آپاردی عرشه بیر شیشه الده قانی
➖او شیشه‌دن نمودار اولدی بلا نشانی
➖قوزاندی بوی ماتم اهل سمایه گلدی
➕نور حق اولدی لامع باش‌سیز قالان بدنده
➕رأس حسین مظلوم سرنیزیه گئدنده
➖باد سیاه اسنده یئر زلزله ائدنده
➖سیندی نظام دنیا حد فنایه گلدی
➕نزدیکدی یئرندن چیخسون مدار دنیا
➕آل امیه ائتسون دستور شرعی ملغیٰ
➖سرنیزه‌دن ائدنده نور حسین تجلی
➖دین محمد اوسته نورانی سایه گلدی
➕فرمان غارتیلن تللی آشوب عربلر
➕گوردی اوهایهویی اطفال زار و مضطر
➖قاچویلا خیمه‌گاهه بیردن اوچالدی سسلر
➖عمه آماندو لشگر خیمه‌سرایه گلدی
➕صحرانورد عربلر خرگاهی یاندیراندا
➕باشی آچوغ حرملر اوتدان چیخوب قاچاندا
➖قالخیب هوار آتش گیزلندیلر دوماندا
➖توسدی اوجالدی قاره پرده هوایه گلدی
➕بیر خوردا قیز قاچیردی دوتموش آلوعباسین
➕مرد یهودی دوتدی خاموش ائدب لباسین
➖گتدی اله حسینون دلبندینون رضاسین
➖احسن او شیخه مشکل وقته هرایه گلدی
➕گرائتمه سئیدی زینب نسل حسینه امداد
➕اولموشدی اودایچینده سوزان امام سجاد
➖قیلدی رشادتیله اوتدان امامی آزاد
➖بیر تازه زندگانیق زین‌العباده گلدی
➕زهرا گزردی گوندوز اطراف ماجراده
➕تا کوفیه حسینون گئتدی باشی جداده
➖نعش حسینی آخشام باش‌سیز قویوب اراده
➖گون باتجاقین او خاتون مطبخ‌سرایه گلدی
➕حوران باغ جنت محزون گرفته سیما
➕حوا خدیجه خاتون مریم جناب سارا
➖آشفته‌مو سیه‌پوش دیللرده وای حسین وا
➖زهرایه همدم اولسون بزم عزایه گلدی
➕اللی اوچ ایل قاپونداوار حسین جان
➕نوحه یازیب غمونده اولموش مریض و نالان
➖دست مبارکونله دردینه ائیله درمان
➖امید صحت ایله باب شفایه گلدی
➕آی باتدی صبح آچیلدی زینب نوایه گلدی
➕زهرا دئدی حسین وای عالم صدایه گلدی
✍️ تاج‌الشعرا یحیوی
#محرم #تاج_الشعرا_یحیوی #ترکی
☁️🌦@HASANAAT🌦☁️
171 دنبال‌کننده
1هزار عکس
1.6هزار ویدیو
36 فایل
🌦گلچینِ مجازی💚
🔍 عموماً با زمینه‌ی مذهبی و اعتقادی
🌹نشر با حذف پیوند هم: صلواتی
✍️ مدیرِ «حسنات»:
«سیدمحمدحسن صدری شال»، نمی از چشمه‌سار زلال حوزه علمیه قم
@SADRI_SMH
🔻 إن‌شاءالله پاسخگوی سؤالات و شبهات مرتبط با معارف دینی و انقلابی خواهم بود.
مشاهده در ایتا