مدح و شجاعت حضرت ابوالفضل7
والاتبار ابوالفضل، صاحب وقار ابوالفضل
غیرتمدار ابوالفضل، حیدرعیار ابوالفضل
سلطان عشقه یاور، اطهاره یار ابوالفضل
جانین ائدن طریق حقّه نثار ابوالفضل
جانلار سنه فدادی ای گلعذار ابوالفضل
هر ذرّه، ذرّه ذرّه مجذوب اولار حسینه
طالب گر اولسا عشقه، مطلوب اولار حسینه
بیر یاحسین چاغیرسا منسوب اولار حسینه
عبّاس تک کیم اما محبوب اولار حسینه؟
چون گؤز آچاندان اولدی عشقه دچار ابوالفضل
عبّاس ماه عالم، سردار شاه عالم
لطفی اولار او ماهین پشت و پناه عالم
او دوّمی ندارد در جلوه‌گاه عالم
خوف ایلمز یولون گر کسسه سپاه عالم
سدّ سپاه ظلمی سئل تک ییخار ابوالفضل
@naemi56
ص 186 از کتاب قمربنی هاشم ع، مدح و شجاعت حضرت ابوالفضل ع 👆👆👆👆👆
در وصف مقام برادر و اخوت امام حسین و حضرت ابوالفضل8
یار اولار هر محنت عظماده قارداش قارداشا
مهر و الفت گؤسترر دنیاده قارداش قارداشا
جان‌دئیر، جان‌بذل‌ائدر معناده قارداش‌قارداشا
آرتیرار شور و صفا آزاده قارداش قارداشا
هر کیمون قارداشی واردور عزت دنیاسی وار
زندگیده لطف حقدن نعمت عظماسی وار
دردیده اولسا اورکده، شادمان سیماسی وار
شادمانلیق بسلیر سیماده قارداش قارداشا
هرکیمون‌قارداشی‌واردی قارداشی چون جان‌بیلر
غصّه بیلمز چون اونی اؤز دردینه درمان بیلر
باغلیار بئل، قارداشین عالمده پشتیبان بیلر
تکیه ایلر محنت و بلواده قارداش قارداشا
@naemi56
ص 165 از کتاب قمربنی هاشم ع، برادری حضرت عباس ع👆👆👆👆👆