یامهدی(عج)... سرود امامت
شعراز کربلایی آذرین
مژده ویرون یاران ... مهدی امام اولدی
صبح ظفر گلدی ..... غصه تمام اولدی
قویوبدی باشه تاج امامت حجت حق مهدی
خلق جهانه ویردی سعادت حجت حق مهدی
یامهدی آقا یامهدی۳
باغ و گلستاندا .... آچدی قزل گللر
شاد و غزلخوان دی ... شاخه ده بلبللر
دیولله به به بو شاخ شمشاد عجب دل آرادی
بوسرو زهرا خلق جهانه سرور و مولادی
یامهدی آقا یامهدی۳
جناندا شوقیندن ... اولوبدی زهرا شاد
فرحلنوب حیدر ... اولوب نبی دلشاد
بزندی گویلر باغ جناندا جشن و سرور اولدی
حور و ملکلر گلدی یراوسته شوره جهان دولدی
یامهدی آقا یامهدی۳
یره گوی اهلیندن ... صوت هلا گلدی
بشارت ای یاران ... درده دوا گلدی
بو بیر آقادی خوان عدالت آچار بو دنیاده
منشا فیض و رحمت حقدی شفیعدی عقباده
یامهدی آقا یامهدی۳
جهان دگرگوندی.... حقلر اولوب باطل
اوزون دعا ایله .... فرج اولا حاصل
مریض اولانلار بستر غمده دییلّه یامهدی
سنی گوزتلیر بوعاشقان هیئت "یامهدی"
یامهدی آقا یامهدی۳
ساعت نگارش۲۰و۴۵ دقیقه ۹ربیع الاول ....سال۱۳۹۹شمسی
https://telegram.me/navaye_azarin. احسن کربلایی آذرین شاعر ومداح اهلبیت ع 🥀 بسیار عالی 🌹🌴🌹
