زبانحال حضرت علی (ع) ✍مرحوم غمکش ای علینون همدمی آرام جانیم فاطمه قامتی غمدن کمان روح و روانیم فاطمه آغلارام قان آغلارام قلب زاری داغلارام یا فاطمه یا فاطمه من دیردیم فاطمه سرو چمن آراسیدی مرتضانین دهریده حتماً گل زیباسیدی آند اولا تک آللّها زهرا کرم دریاسیدی ای فلک رحم ایله سن بو مصطفی زهراسیدی چاره می الدن آلوب هجرو ملالون فاطمه دهریده یوخدی سنون گرچه مثالون فاطمه زینبون قان آغلیور آچ گوزلرون یا فاطمه غمدن آز قالمیش سینا تازه نهالون فاطمه آند اولا ئوز جانیوه روح و روانیم سن منیم عالم عشق ایچره سن هفت آسمانیم سن منیم باخ ایویم پوزقوندی گور یافاطمه یافاطمه قوی دیوم عالم بیله آرام جانیم سن منیم روزگاریم تار اولوب ایندی سنون نالانیوم سن منه سس وئر خانم دنیاده سرگردانیوم آغلاشور اهل حرم هجرونده باخ یا فاطمه ویر سسیمه سس منیم یا فاطمه قربانوم نیله سین سندن صورا آیا نئجه بو دل غمین آل اله بیر یول خانم نالان حسینون اللرین من فراقونده نجه آیا دوزوم یا فاطمه ئولمه‌گون الله بیلور اولدی منه زهرا چتین ✨ اَللّهُمَّ عَجِّل لِوَلیِّکَ الفَرَج✨💫

#سرود👏 #میلاد_حضرت_زینب_سلام_الله_علیها یه سبد پر از گل محمدی امشب از عرش معلی اومده جبرئیل تو گوش پیغمبر گفت دختر علی به دنیا اومده دختر روشنایی خونه است نور چشم و قلب باباشه مولا از ته دلش میگه زهرا جان مبارکت باشه دختر یعنی زینب کبری مادر یعنی حضرت زهرا 🌼💐🌼💐🌼💐🌼 علی میگه اومده روی زمین دختر مجاهدِ صبور من معلومه حسینو خیلی دوست داره آفرین به دخترِ غیور من توی خانواده‌ها میشه صحبت از محبت زینب توی دنیا با حسین بودن میشه اولویت زینب کبری شیعه میگه با دل بی‌تاب خواهر یعنی خواهر ارباب دختر یعنی زینب کبری مادر یعنی حضرت زهرا 💐🌼💐🌼💐🌼💐 علی‌اکبر امام حسین باید اسوه‌ی نسل سلیمانی باشه دختر علی و زهرا هم باید الگوی دختر ایرانی باشه توی راه حق علی‌اکبر از کشته شدن نمی‌ترسه زینب هم تو خطبه خوندن هاش عین حیدره توی عرصه سرباز یعنی علی‌اکبر بانو یعنی دختر حیدر دختر یعنی زینب کبری مادر یعنی حضرت زهرا 💐🌼💐🌼💐🌼💐🌼                     ✨ اَللّهُمَّ عَجِّل لِوَلیِّکَ الفَرَج✨💫

‌طالِعهَ باخ کوکبَه باخ        دولته باخ مٌوکبَه باخ        مَکتبه باخ مَذهَبه باخ       زینبه  باخ  زینبه باخ زینب زهرا قیزیدی سید بَطحا قیزیدی آدم و حوا قیزیدی هاجر و سارا قیزیدی مریَم عَذرا قیزیدی عِصمت کُبری قیزیدی یاسین و طاها قیزیدی اُمَ اَبیها قیزیدی فخریده اٌمّ و اَبهَ باخ زینبه باخ زینبه باخ زینب لایق یارانوب بَحر علایق یارانوب قارداشا عاشق یارانوب عشقده صادق یارانوب آدی علینون آدینا زِیب و یاراشیق یارانوب دشمنه فایِق یارانوب شيعيه شایِق یارانوب قلبی یارالیق یارانوب باشی قَرالیق یارانوب شاِعره باخ مطَلَبه باخ زینبه باخ زینبه باخ بير قیزاولان فاطمه دن طاهره دوشدن سود امن حَق بینوب خَلق ایلین اُمّ و اَب اللّٰه دین قارداش حسینیله حَسَن جسمی ایدن شامی وطن روحی اوچوب عَرشه گیدن کیمدی ویره دادسخن آغریدیم آغزیم نیه من باخما منیم شعریمه سن باخ ولی صَدمرتبه باخ زینبه باخ زینبه باخ زینب عَجَب زینبیدی واقعی زینِ اَبیدی چرخ غمه کوکبیدی دل دولی تاب وتبَیدی فاطمه سِیر ایتدیگی یول زینبه خوش مَذهبَیدی مَحضر پیغمبر اونون درس اوخیان مَکتبیَدی صُحبته شیرین لَبیدی اٌلفتهَ خوش مَشرَبیدی مَذهَبه باخ مَکتبه باخ زینبه باخ زینبه باخ کَهفِ اَمان زینبیدی شیردَمان زینبیدی رَزمه قاچان زینبیدی جِبهه آچان زینبیدی آلجاق حسینون سَسینی داده چاتان زینبیدی شمر جَفاسیله اَول قانه باتان زینبیدی قانینی قارداش قانینا اوردا قاتان زینبیدی دشمن لامذهَبه باخ زینبه باخ زینبه باخ زینبه فکر ایتسون اگر غارته بير ايله نظر بیردن اوتوزمین توکولوب خیمه لره لشگرشَر چاره‌سیز اطفال حسین گل کیمی وحَشتدن اَسر بعضی قاچور قَمچی دَگر کیم دایانور سیلی یِیرَ خیمه قباقینده خانم قوللارین ایتمشدی سِپرَ معرکه اَصحبه باخ زینبه باخ زینبه باخ هر کیمه کی قمچی وروب سویماقا اُول قوم دَغا زینب او دَم قوللارینی ویردی سِپرَ تک قاباغا بسکی خانم وردی ئوزون گاه سولا گاه ساغا آهی ايله شُعله‌لَنور اود دوتور اُول ماه لقا قَمچی دگنده ايله بیل کیمدی سو توکدی چراغا؟ جِسمیده تاب وتَبَه باخ زینبه باخ زینبه باخ شُعله یاتوب کول اوجالوب خیمه سَرا اولدی تالان یاندی یانان قاچدی قاچان سویدی سویان آلدی آلان ناخوش اِمام اولدی فقط زینب مظلومه قالان سیلی دگوب لاله‌لَنوب رنگ جمالی سارالان گوز ویریم‌آندا خانیمون دَبدبه‌سی اولدی یالان جنگیده رسم و دَبهَ باخ زینبه باخ زینبه باخ زینبه عشقون آجیسی شَهدیدی هم شَکرَّیدی دختر صِدّیقه نشان فاطمیه مَظهریدی سِیّد مظلومه خانم مادریدی خواهریدی قاتله عِجز ایلمدی گورنه وفا پروریدی خنجره تنها سپری اَلده قرا معجریدی گردش روز و شبه باخ زینبه باخ زینبه باخ زینب اودور دشمن ئوزی مات قالوب همتینه زینب اودور دالدالانوب عصمت اونون عِصمتینه زینب اودور چادُر آتوب عِزّ وشَرف قامتنه آند ایچوب اَوّلده خانیم مرتضوی غیرتنه قويمادی بير رخنه چاتا قارداشون حیثیَّتنه همت زین‌اَبه باخ زینبه باخ زینبه باخ ✍ #مرحوم_استاد_رحیم_منزوی

میلادیه خانم زینب کبری (س) درآهنگ :سویرم چمنده گلی چیچکی شعراز:کربلایی ودودآذرین خلخال ترکی👇👇👇 1⃣حضرت زهرایه نشان دی زینب حیدره هم جسم و هم جان دی زینب پنجم جمادی گلدی جهانه غنچه گلزار جنان دی زینب درده دوادی ... مشکل گشادی ام المصائبدی خانم کان حیادی ماشاالله ماشاالله....مبارک اولسون قدمی انشاالله 2⃣محبت گویینده کوکب دی زینب عاشقلرینه ذکرلب دی زینب شان و منزلتی ازبس آغیردی فقط دیه بیللم زینب دی زینب درده دوادی ... مشکل گشادی ام المصائبدی خانم کان حیادی ماشاالله ماشاالله....مبارک اولسون قدمی انشاالله 3⃣آیینه جود واحسان دی زینب کان حیا عشق وایمان دی زینب بوسوزی بویوروب حضرت مهدی(عج) دواسیز امراضه درمان دی زینب درده دوادی ... مشکل گشادی ام المصائبدی خانم کان حیادی ماشاالله ماشاالله....مبارک اولسون قدمی انشاالله 4⃣سیمای ادبدی مظهر وفا الگوی شرفدی معدن حیا زینت پدردی مفخرمادر خواهرحسیندی دردلره دوا درده دوادی ... مشکل گشادی ام المصائبدی خانم کان حیادی ماشاالله ماشاالله....مبارک اولسون قدمی انشاالله 🌹🌹🌹فارسی👇👇👇👇 1⃣زاده زهرایی تالی زهرا دخترخوش خلق دختر طاها هم کوه صبری هم دریای غیرت زینت و زیور علی اعلا کان حیایی .... مشکل گشایی شریک نهضت حسین در کربلایی ماشاالله ماشاالله....مبارک این جشن وسرور انشاالله 2⃣کان وفایی هم عین کرامت عالمه ی عشقی ، گل سخاوت دیده گشودی بررخ حسینت شدی حسینی از روز ولادت کان حیایی....مشکل گشایی شریک نهضت حسین درکربلایی ماشاالله ماشاالله....مبارک این جشن وسرور انشاالله شاعر اهل بیت ودود آذین

🌹🌹🌹🌹🌹🌹🌹🌹🌹🌹🌹 #نغمه_زینب در آهنگ(ساقی ساقی ای ساقی) نغمـه  جلـی زینب _   نور منجلی زینب دیللری چکوب بنده  _ بَضعِه علی زینب سائلِ  درگهون  اهل  آسمان زینب عمه‌ی حضرت صاحب الزمان زینب ای  عـزیـز   پیغمبر  _ نور  دیـده‌ی حیـدر چاکـران درگـاهت_انس  و جن  و حورالر آدیوه جان فدا ای عزیز جان زینب عمه‌ی حضرت صاحب الزمان زینب زنگ عشقیوی چالدون_شامـه ولـوله سالدون دشمنـان حیـــدردن  _ غیرتیلـه بـاج آلدون تحت امرونده دی  یکسره زمان زینب عمـه‌ی حضـرت صاحـب الزمان زینب قانلي نهضتون باتماز_عارف عشقیوی آتماز شیعه قبریون  گردین_  بـاغ جنتـه سـاتماز شیعیه  مدفنون  جنت و جنان زینب عمـه‌ی حضـرت صاحب الزمان زینب جلـوه‌ی مبـارک سـن_ سینه لرده سن حک سن عرشه جبرئیل یازمیش_سن علی کیمی تک سن عاشق اولدی سنه جمله قدسیان زینب عمــه‌ی حضـرت صـاحـب الزمان زینب #پریشان                     ✨ اَللّهُمَّ عَجِّل لِوَلیِّکَ الفَرَج✨💫

🌱زبانحال حضرت زینب (س) 🌱 حیدر ائوینون شمعی نَه تِز سوندی الهی خوش گونلریمیز قاره گونه دوندی الهی مَجروح آنامون حالینه بَند کفن آغلار باش باشه وئروبلر بوحُسین وحَسن آغلار اَلدن گئدنیم وای اونا بِیتُ الحَزَن آغلار افغانه گلوب حیدر آتام غُسل وِئرنده مِسمار اثرین سینهء زهراده گورَنده عالَمده قالان خوش گونَه حَسرت نَنَه میز وای عمری آز اولان مونس مِحنت نَنَه میز وای شَانیندَه گَلن سورهء رحمت نَنَه میز وای بیرخوش گونی بو دَهریده هِچ گورمَدی زهرا مِسمار اونی ئولدوردی ئوزی ئولمَدی زهرا عُمریم نَه قَدَر اولسا قَرا باغلیارام من بِیتُ الحَزنَه گِئتسم ئورک داغلیارام من باخدوقجا بو دَرگاهیمیزه آغلیارام من نِسگیللرینی هَرگجه یاده سالارام من مِسماره باخوب مُحسنه لایلای چالارام من پَرپَر بوگجه صَحنیده یاسِ چمن اولدی گئتدی نَنَه میز زینب اَسیر مِحن اولدی آچدیم قاپونی یاسینه شاید گَلن اولدی گوردوم که گَلن یوخ قاپونی باغلادیم الله قارداشلاریمیلا اوتوروب آغلادیم الله

❣#سلام_امام_زمانم_سلام_مولا‌ی‌غریبم❣🫡 ای که در ظلمت دنیای دلم مهتابی تو تسلی دل غمزده و بی تابی.... سالها فکر من اینست و همه شب سخنم مهدی فاطمه پس کی به جهان میتابی... ❣اَللَهُمَ عَجِل عَلی ظُهورک یا اباصالح ❣ 🕊🕊🌾🌸🌾🕊

جان یا خانم رقیه ( س ) بودور نجابت آیه سی بودور شرف رساله سی بودور حیا و عصمت و فضیلتین مقاله سی شفاعت اللرینده دی بودور جنان قباله سی گلنده حشره حیدرون غزاله ی سه ساله سی توکر عذاره گوزیاشین یقین قیامت ایلیر حسینه آغلیانلاری اوگون شفاعت ایلیر صفالی گلستانینون شمیم جانفزاسی وار بودوزدی کی آتاسینون مزا ر دلرباسی وار فدا اولوم بو دختره حسین کیمین آتاسی وار ولی بونوندا شامیده بیر آیری کربلاسی وار الهی قطع ایله اوزون درخت کینه خوللارین مزارینون دوباره آچ بو جمعه باغلی یوللارین ایکی جهانون اهلینی بو غرق حیرت ایله دی مزار پاک و اطیبی دمشقی جنت ایله دی ئولنده ده خرابه ده به پا قیامت ایله دی کفن یرینه قاریه بو قیز قناعت ایله دی رقیه دن بو دهریده گرک اطاعت ایلیم قرانی باغلیانلارا بوگون وصیت ایلیم ئولنده من ملالیمه دیمم کی آغلیون منیم گیوب عزا لباسوزی عزامی ساخلیون منیم قویاندا قبره قلبیمی بو غمله داغلیون منیم سیزی رقیه نون جانی قرامی باغلیون منیم گلنده قبریم اوستونه آقام بو مطلبی دیه بو نوکریمدی باغلیوب قرا قیزیم رقییه ✨اَللّهُمَّ عَجِّل لِوَلیِّکَ الفَرَج✨

#پندیات #غزل_اجتماعی_و_عرفانی_ترکی عزیزیم جنتین فکرینده اول جذب جهان اولما سُووش هفت آسماننان پایبند هفت خوان اولما بوگونون شکرینی ایله صاباحین فکرینه قالما اوگون که گلمیوبدور روزیسینن ناگران اولما اولانّان تا ئولونجن عمریوون فکرین ائدوب آلله گلجک یادیوه دوشدوگجه عزیزیم باغریقان اولما ایاق آلتیندا قویما دینیوی هئچ بیر کسه خاطر بیری ایستور آشا دامنان اونا سن نردبان اولما حلالدان فلفلونده اولسا گر شوقیله میل ایله حرام سفره باشیندا بالدا گورسون میهمان اولما گون اول تا اینکه نورونّن آییخلار مستفیض اولسون یاتان اشخاصین اوستونده یالانان سایبان اولما جهان بیر فیلم دور سن یاخشی بیر نقش انتخاب ایله حبیب اول مسلم اول حر اول ولیکن ساربان اولما گناهین لذتی بیر لحظه دور آثاری جاویدان آماندی دشمن پروردگار لامکان اولما بیرین گوردون چیخوب یولدان الینن دوت یولین گورست ائوی آباد ائدن اول زندگیده ائو یخان اولما گونیوی مهربان آلله آدیلان باشلیورسان سن ئوزونده سعی ائله خلقُ اللّهَه نا مهربان اولما گوجون واردی اگر، ظالم قباغینده عیان ایله گورنده بیر ضعیف ال آچما فورا پهلوان اولما یِیوب مظلوملارین حقین ئوزیوه یغما سرمایه بو دنیا بیر امانتدور یالان نان پاسبان اولما یغیب اوخلارینی شیطان هدف چوخدی کمان یوخدی گورنده سن اونی قدّون اگوب فورا کمان اولما حسینون مجلسینده روضه خوانلیق نیتون اولسا رعایت ایله آدابی، ادبسیز نوحه خوان اولما یازاندا علیوی شعر، آللهی گور باشیوون اوسته گوزتله بعضی حیوان تک اسیر استخوان اولما #ابیات_شعر_حاوی_احادیث_امیرالمؤمنین_علی_(ع)_میباشد #شاعر_علیوی ✨اَللّهُمَّ عَجِّل لِوَلیِّکَ الفَرَج✨