عالم لره سرور رضا. ه🍃☘🍃🌺🍃☘🌺 آی عشقمین سرمایه سی انوار رحمت سا یه سی اولسون مبارک مقد مون عشقین شرافت آیه سی عشقیم رضا جانیم رضا تفسیر قر آ نیم رضا دلبر رضا سرور رضا عا لم لره رهبر رضا جانم ر ضا جانم ر ضا ای جان جا نا نم رضا 🌸🌱ه یا ضا من آ هو آ قا یار غر یبان ا لسلا م عشقین مقدس آیه سی شا ه خراسا ن ا لسلام صیادا لیندن قورتاروب آهویه سن وئردون.امان ا و لدی مرامین جاودان تفسیر قرآن ا لسلام اولسون مباک مقدمون ای فخر ایران السلام روحیم رضا جانیم رضا آئین سبحا نیم رضا دلبر ر ضا سر و ر رضا عا لم لر ه ر هبر رضا جانم رضا جا نم رضا ای جان جا نا نم رضا 🌸🌱🌸🌱ندای عاشورا❤️

نام مقدسون بیزه عنواندی یا حسین سسلور هامی که جان سنه قرباندی یا حسین من بیلمورم آدوندا نه وار یابن فاطمه هاردا آدون گلور اورا طوفاندی یا حسین بیر لحظه عشقیوی ایکی دنیایه ویرمرم هر کیم ساتا بو گوهری ناداندی یا حسین بیر عمریدور سنی چاغیروب یا حسین دیدیم عشقیم منمی جنابیوه چوخداندی یا حسین مجنون ایدوب جماعتی عشق مقدسون دیوانه لر قاپوندا فراواندی یا حسین هر کیم قاپوندا خادم اولوب افتخاری وار گلسه گدا بو درگهه سلطاندی یا حسین هر یرده یا حسین دیوب ذکر اولا آدون اهل ولایه روضه رضواندی یا حسین سندندی عزت و شرف و اعتباریمیز پیوسته عادتون سنون احساندی یا حسین اهل کرم قاپوندا گلوب درس آلا گرک حاتم یانوندا طفل دبستاندی یا حسین کیم چپ باخا قرا علمه روزگاریده وجدانی یوخدی فاقد ایماندی یا حسین قاره علم نشان ولایتذی شیعیه عاشق سنه بو ملت ایراندی یا حسین جاه و جلال و شوکتون عالملری دوتوب موسی عصائیله سنه درباندی یا حسین بیر بیر اجل گلوب آپارور آغلیانلاری ایله نظر که لطفیوه مهماندی یا حسین عشقیم دیور داریخما آقام دادیوه گلر قبرون گوررسن اوندا چراغاندی یا حسین بیز اغلوروق سنه بو ئولنلر بهانه دی دیللرده یا حسین سسی برهاندی یا حسین هیچ کیم محبت عالمی زینب اولانمادی قولباغلی گلدی مقتله نالاندی یا حسین سعد اوغلی میر قافله دور امر و نهی ایدور عباس ئولوبدی شمر نگهباندی یا حسین شمر شقی قطاری چکوب قتلگاهیدن اما نه قتلگه که گلستاندی یا حسین هر بش قدمده لاله دوشوب برگ یاسیله پرپر اولوب چمنده نمایاندی یا حسین بیر یاندا قانه غرقیدی عباس با وقا قولسوز یاتوبدی زینت میداندی یا حسین آیری طرفده قاسم نوکد خدا یاتوب الده حناسی واردی ولی قاندی یا حسین اکبر جداده بس دیه سن لیلیه با خور مجنون اولوبدی لیلی پریشاندی یا حسین بیلمم نه حالیله بالالار اندی ناقه دن مقتلده یا حسین سسی قوزاندی یا حسین کیم اغلیاندا قمچی اونا تسلیت ویرور آل امیه شاد و خراماندی یا حسین دوشدی یارالی پیکریوه زینبون گوزی گوردی او گل جنازه نی عریاندی یا حسین سسلندی بس ندن یوزون اوسته یخلموسان کیم سویدی کوینگون اورگیم یاندی یا حسین آخشام یانان چادرا حسین مسکن ایلدیم قلبیم شرار محنته اودلاندی یا حسین یانمیش چادردا شام غریبان دوتوب باجون الله بیلور نه شام غریباندی یا حسین سو گتدیلر یانان چادرا ایچمدی رباب عرض ایندی صاحبیم منیم عطشاندی یا حسین

روضه حضرت زینب(س) نه کوینک عالم امکاندا رتبده تکدی آناسی فاطمه نی آغلادان بو کوینکدی نه کوینک عالمه نشر ایدیبدی قرآنی مین اوچ یوز ایلدی سویوبلار یولمویوب قانی بولوسن بو کوینگین اوسته من باشیمی هارالارا چالمشام دولانوب سویان دالیجا حسین یانایانه آغلیوب آلمشام آغاروب ساچیم بوکولوب بئلیم بو  غربتده  الله  ، گوزوم  یولدادی که دردیم دواسی، اوزون قولدادی خبر یوخ ائلیمدن ، دوتار کیم الیمدن،  یوزوم گولمدی حسن چوخ یوباندی ، ابوالفضل اوتاندی ، حسین گولمدی باجی  جان   ویرنده ،  باخار    قارداشا ولی  غملی  زینب ،   باخیر  داغ   داشا بو  حسرتله   عمریم ،  یتیشدی   باشا منه   داغلار   آغلار  ،  منه   داشلار    آغلار  ،  باغی   نیلیرم منه    کربلاده  ،  کسیک    باشلار     آغلار  ،   باغی    نیلیرم

#یا_ضامن_آهو_یا_ضامن_غریبان_حضرت_امام_الرئوف_سلام_اولسون_اوسنه اِی رِضا اِی ضامِنِ آهُو سَلام اوُلسُون سَنه قَبرِی جَنّتدَن اوُلان خُوشبُو سَلام اوُلسُون سَنَه السّلام اِی شَهرِ طُوسی نُور باران اِیلِیَن خاکِ اِیرانی بِسانِ لَعل و مَرجان اِیلیَن اِی خُراسانی صَفادَه باغِ رِضوان اِیلِیَن غِبطَه اِیلَر قَبرِیوَه مَینُو سَلام اوُلسون سنه قُویمُوش حِیرتدَه عِقُولی بُو جَلال و اِفتِخار شَه لَر اِیستَر آستانُوندَه اوُلار خِدمَتگُذار دَفعَتاً زَرّین ضَریحُون اوُستُونَه قُونسا غُبار زُلفِ حُورا دُور اوُنا جارُو سَلام اوُلسون سَنَه عِزّت و شُوکَت دَه چاتماز طُورِ سِینا قَبرُیوَه دِیلدَه اَرنی یُوز قُویُوب بِیر فُوجِ مُوسی قَبرُیوَه هَر شَبِ جُمعَه گلَر حَسَرتلَه زَهرا قَبرُیوَه قَبرُون اوُستُوندَه یُولار گِیسُو سَلام اوُلسُون سَنَه صُوفِیانِ صافِ طَینَت عارِفان پاکِباَز صَحن پاکُوندَه آلالار دَستَه دَستَه دَستَماز کَعبَه دَن اَفضَل رَواقُوندا اِیکی رَکعَت نَماز جُمله طاعتدَن اوُلان نِیکُو سَلام اوُلسون سَنَه صَحنِ اَقدَسدَه اوُلان رُونَقلی سَقا خانَه دَن هَر کِیم اِیچسَه فِیض آلوب دور خِضرِ اِیچَن پِیمانَه دَن زَندَه دور رُوحی هَمیشَه عِشقِ جاویدانَه دَن بیدوا دَردَه او دُور دارُو سَلام اوُلسُون سَنَه وار رِضا جان صَحن پاکُونَده سَنُون بِیر مُنظَرَه پیر و بُرنا دِیلده وا ویلا قارِشمِیش بِیر بِیرَه گُنبَدُون اَطرفِینَه قُوشلار چَکوبلَر دایرَه خُوش کَبُوتَر لَر دِیر کُوکُو سَلام اوُلسُون سَنَه با صَفا اِیوانلارُون وار جِلوِگاهِ عِشق دور مَدفَنُون آئینِهء حُسنِ اِلاهِ عِشق دور اَهلِ عُرفانَه جَوارُون خانِقاهِ عِشق دور اوُج اِیدَر اوُردا گُویَه یا هُو سَلام اوُلسُون سَنَه اِیلَدِی مأمُونِ بی اِیمان بُیُوک بِیر اِشتِباه نُورِیوِی اِیستَردِی خامُوش اِیلسُون نَسلُون تَباه بُولمِدِی قالماز بُولُود آلتندا دائم مِهر و ماه بُولدی قَتلُون جایز اوُل بَد خُو سَلام اوُلسُون سَنَه قُویمادِی دُنیا یِتِیشسُون دِلدَه کِی آمالِینَه آهِ مَظلُومانَه دَن اوُد دُوشدی اِستِقلا لِینَه اِیمدِیدَه تارِیخ اِیدَر نِفرِین اوُنُون اَعمالِینَه ظُلم تالارِین یِخان آقا سَلام اوُلسُون سَنَه آه او ساعَدن آلُوب آرامِیوِی زَهرِ جَفا گه دُونَردُون ساق صُولا دِیلدَن چَکردُون آه وا سَسلَدی زَهرا صُولان رَنگه آنان قُربان رِضا باشُون اوُستَه یُوخدی بِیر دِلجُو سَلام اوُلسُون سُنَه اِی #کریمی عِبرَت اِیلَه عالَم عِبرَت خانَه دِی کاخِ مأمُوندان خَبَر یُوخدِی اِیلَه وِیرانَه دِی عالَمُون اَمّا یُوزِی اوُل زَرنِگار اِیوانَه دِی سَسلَنُور تُرک و عَرب هِندُو سَلام اوُلسُون سَنَه #رنده_یاد_کریمی_مراغه_ای_رحمة_الله_علیه

عرض ارادت خدمت منجی عالم بشریت حضرت امام زمان عج از بس که یوخ زمین و زماندا مثل سنه حیرتده دیر قلم نئجه یازسین غزل سنه تعریفوی یازاندا کیمه بنذه دیم سنی نه آی، نه گون، نه گول، اولا بیلمز مثل سنه حسن و وقاریده سنه بیر همطراز یوخ سن اصلسن، یاراشمیری اصلا بدل سنه نه تک منم که عشقیوه بیر ادعا ائدم دلبسته دور تمام خلایق گوزل، سنه از بس که قاف شان و جلالین رفیع دور سیمرغ دل محالیدی که، تاپسین ال سنه نقاش روزگار سنی چوخ گوزل چکیب احسان اولوب بو مرتبه روز ازل سنه سن نورسن، حقیقته عالی عیارسن شایسته دور که باش اگه شمس و زحل سنه یازسین گرک دی وصفیوی شاعر اوز آدیوه سن اصلسن بو دهردیده یوخدور بدل سنه عالم سنی امید بیلیر داده تئز یئتیش حی علی الظهوردی، خیرالعمل سنه مدهوش اولور گلنده آدین دفتر و قلم منت چکیر عومور بویی قند و عسل سنه #انتظار #هوشمند

یا هو آهن بیر عمودیله سینا باش نه چتیندی بیر سینیه قهراً دگه مین داش نه چتیندی قارداش قاباغیندا ئوله قارداش نه چتیندی قلبیم ائلمور بو ئولومه باور اباالفضل یوخ‌یوخ باتوسان آی کیمی اولدوز تک آخورسان جناتی گوروب کرب و بلاده دارخورسان هی دیندیرورم نه دانشورسان نه باخورسان بو صحنه ئولوم صحنه‌سینه بنذر اباالفضل سندن قاباق ئولسیدی حسین کرب و بلاده حمل ایلریدون پیکری قالمازدی اراده قویماز قالا قارداش بدنین قارداش اراده ایش مشگله افسوس اولوب منجر اباالفضل واردور ایکی دردیم یوزه گوزدن توکورم یاش بیر درد بودور چوخدی یارون جسمیده قارداش بیر درد واریمدور اورگیمده ائدورم فاش آلمیش جانیمی داغ علی اکبر اباالفضل مرحوم حاج انور

سلام اولا او چوخور یرده خسته جان آقاما سلام اولا بدنی اوخلارا نشان آقاما سلام اولا بشگین جبرئیل ترپدنه حصیره چولقالانوب جسمی دفن اولان آقاما سلام شمرین النده قالان یارالی باشا او حالدا خیمه لره ناگران باخان آقاما سلام قتلگهه خیمه دن اوروج گیدنه سلام اولا اوروجون آخشام آچمیان آقاما سلام اولا آقامون قورخوشان بالالارینا گجه او خیمه دالیندا تیکان یولان آقاما سلام اولا او یول اوستونده اگلشن بالیا خیام و تل آراسیندا او آغلیان آقاما سلام اولا او اله ساربان الینده قالوب بیر عمر دوز چورگین ساربان دادان آقاما سلام تو اللره که اکبرین تلین دارادی عربی کاکلی قانه باتان جوان آقاما سلام اولا آلا گوزلی اوجا علمداره اوشاقلارا اوز الیله سو پایلیان آقاما سلام صبح آچلونجا ربابی آغلادانا بالق کیمی سوسوزوندان چالیقلیان آقاما

روضه قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه نه چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم دوداقوندان یارالی داغیلوب قلبون اوپوم قوی ایاقوندان یارالی بیر یاران وار یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم دوره سی نیزه اوخودی بو چوخور یرده گئچن گون بو قدر داش یوخودی باخورام هر داشا القاندی یارالی یارالی مقتلین قانیله الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه مرحم گیدورم وئر ابوالفضله خبر شمریله باهم گیدورم دئینن دور قافله یولاندی یارالی یارالی هم رهیم دشمن ناداندی یارالی یارالی •┈┈••✾❀🕊✿🕊❀✾••┈┈•

احوالات تنور خولی دیدی حسین گوزون آچ کام آلیم نگاهوندن خبر ویریم سنه اوز قانلی قتلگاهوندن او چولده من واریدیم چشم خون فشان واریدی غریبه منظره لر واضح و عیان واریدی یانان چادردا نماز اوسته زینبون گوردوم نه دیزده طاقتی نه قلبیده توان واریدی سریر نازیده صبح ایلین یالالاریوا گئجه نه بستر راحت نه خانمان واریدی گوزوم که دوشدی فراته آخوردی اوز باشینا شریعه ده نه موکّل نه پاسبان واریدی کسیلسون اللری شمرون، ایوی خراب اولسون گوروم که من کیمی قلبی یانوب کباب اولسون مرحوم استاد منزوی

رجز قمه زنی قتلگاه (شمر): تک قالوبسان قوملار اوسته یولداشین یوخدور حسین باشیوی آلسون الیمدن قارداشین یوخدور حسین ایستورم باشون کسم تاکی گورم زینب باجون قتلگهده نیلییر گورسه باشین یوخدور حسین (جواب امام) من بو خلوتگاه عشقه یولداشمدان کچمیشم طالب فیض عظیمم قارداشمدان کچمیشم باشیمی تز ذبح ایله سن زینبه فکر ایلمه زینبیم آخشامنان آگهدی باشمدان کچمیشم

یاتی قوشون کسیلدی سس سایه چکیلدی دوره دن چخدی رقیه خارجه نصف شکسته خیمه دن باشی آچق ایاغ یالین جامه سی کهنه پیرهن قتلگه طرف قاچور یر کیمی تیتریور بدن هرقدم اغلیور دیور هارداسان ای بابا حسین گوشه قتلگاهیدن ناگه اشیتدی بیر صدا گزمه بو قانلی عرصه نی سینمین اوسته گل بالا درک ادوب اشنا سسی لحن صدای اشنا تاپدی نشان نوریله مقتلده اوز باباسنی گوردی چخور مکانیده قان بوریوب باباسنی آچدی یارالی شه ایکی بازوی حق نماسینی سینه سینه یاپشدروب دختر بینواسنی اغلیا اغلیا ددی جانوه من فدا بابا هاردیدون قوشون گلیب خیمه نی یاندران زمان عمه لریم انام باجم قول قولا باغلانان زمان ات قاباغندا قزلاری دولاندروب وران زمان قمچی بیزه وران زمان رختمیزی سویان زمان ورمدون ایلورم گله ناله میزه صدا بابا قوازانوب ایسته دیم گلم اتلار ایاقی قویمادی نیزه قلنج سنخلاری کسدی قاباغی قویمادی سخدی منی چخور یرده شمرون ایاغی قویمادی

سبک ولادت امام رضا(ع) (وصال تبریزی) شه خراسان گلوبدی مه درخشان گلوبدی منادی سسلیر سماده سلطان ایران گلوبدی حق پایلیور خلقه صورتینده نور جمال پیغمبری کنج لبونون هر کیم اوپر یادینه سالور حوض کوثری گوزل گوزی شهلادی لبی شیرین دریادی گوزل آدی رضادی رضا رضا یا مولا اولوبدی دل پای بستی یتوبدی موسم مستی آقام رضانون آدیله ائداخ بوگون می پرستی رضانون آدیله دادموشام من نمازیله ، طاعت عشقینی صفالی قبرین گورنون آتدوم ، همیشه لیق جنّت عشقینی دیلیم دیر یا رضا الیمی دوت یا مولا اوزون به حق زهرا رضا رضا یا مولا عرشیدن اعلا رواقی ولایت اهلینه ساقی وار هانسی شاهون رضا تک جلالت و طمطراقی یوزه چکوب سنده حق جلالون ، حُسن خداسن رضا رضا قاشوندی قبله اوزون ولی بیر قبله نماسن رضا رضا گوزوم کرمونده دی یاشل علمونده دی اورک حرمونده دی رضا رضا یا مولا ذکر ائلین دلبر آدین قویوبدی پیغمبر آدین رضا گلوبدی دیرتسین دوباردن حیدر آدین گونیله ، آیدا اولان او جلوه بونون او نوره جلیسیدی امامت و هم ولایتون چون رضا اوچومجی علیسیدی جلالی عین علی کمالی عین علی خصالی عین علی رضا رضا یا مولا قبول ائدر خوب و زشتی ولاسیدور حق سرشتی رضا اولان یرده زاهد گوزومه چکمه بهشتی منیم بهشتیله هم جنانیم جلالیله ارض طوسیدی جهاندا فخر ائیلرم آقام یر یوزونده شمس الشموسیدی گوزل آدی جانیمدی ولاسینی ایمانیمدی آقامدی سلطانیمدی رضا رضا یا مولا گل شه دلجونی سسله اول شه مه رونی سسله مشکله دوشسن همیشه ضامن آهونی سسله هم انبیا و هم اوصیاده اولان جلالت سنونکیدی یوسف سنه چاتمیوبدی چاتماز ، حُسن و وجاهت سنونکیدی غم آتشینده یانام دیوب رضا اوتلانام باشوا من دولانام رضا رضا یا مولا منیم وقاریم رضادی گل و بهاریم رضادی قسم حق ذوالجلاله جهاندا یاریم رضادی ایکی جهان شیعه نون وقار و صلابتی مرقدونده دی خدایه آند اولسون اهل ایران گوزی رضا گنبدونده دی فلک گوروب اعجازین چکر ملک لر نازین بولر رضا دل رازین رضا رضا یا مولا سبک 👇👇👇👇👇👇👇👇👇