دلم امشب به رواق و به زیارت باشد به امید کرم و اذن و شفاعت باشد رضا جان به جوادت همه داریم قَسَم که تن و جانِ رئیسی به سلامت باشد

یا حسین چوخلاری حیراندی سنه منده بیری چوخی عشق عالمی قرباندی سنه منده بیری ذکر ائدنده آدووی گوز دولار اشک تریلن خلقتون هاموسی گریاندی سنه منده بیری هر کیمون دردی اولا فوری دوتار دامنووی چوخلاری دست به داماندی سنه منده بیری سفره لطفون آچیقدی گلنه یوخ دئموسن بشرون هاموسی مهماندی سنه منده بیری دست خالی سنی زهرا منی سن سالما یولا هامی بیر سائل نالاندی سنه منده بیری اوتلانان لبلرووی یاده سالاندا یانییام عالمون قلبی الولاندی سنه منده بیری اویانان لبلرووه یاندی حسین عرشیله فرش داشلاروندا اورگی یاندی سنه منده بیری خیمه گاهون نجه یاندی ددی آلاه: وای حسین هامینون سینه سی اوتلاندی سنه منده

وقت او وقت اولدی گرک زینب حسیندن آیریلا باغلانیبدی خیردا قیزلار ناقه اوسته قول قولا شهدا قالدی کفن سیز ، اسراء دوشدی یولا غم قطاری یولانیب زینب اولوبدی بی پناه ناقه اوستن هی دونیب گوداله ایلیوردی نگاه گوئیا روحی قالوب گودالیده یار آختارور قاسم و اکبر و یا طفل لبن خوار آختارور یاکی علقمده یاتان قولسوز علمدار آختارور گوز یاشی وئرمیر امان غصه و غمدن دانشییر کربلا دشتینه باخدوخجا اورکدن آلیشییر کربلا واردی گلایم سنه دیندیرمه منی چکدون آغوشیوه بش قارداشیمی وار محنی در به در ایله دون آخر بو جلای وطنی کربلا قلبیمی غم خنجری یاردی گئدیرم اوجا قدیم بؤکولیب زلفیم آغاردی گئدیرم

ساتمارام عشقی سلیمان نبی دولتینه واردی فخریم بونا که سفره زینب آجیام گر باشیم یدی سمایه اوجالانسا دییرم هر کیم اولسام هله من عشق حسین محتاجیام خلق اگر کعبه زیارت ایلیوب حاجی اولار من حسین مقتلینه بوسه ویراندان حاجیام.

یا اباعبدالله... گشتیم جُز 'تو' مَحرم‌ومَرهم‌ نیافتیم…

بیر عمر یاحسین دئمیشم یا حسین سنه ایندی یامان گونومدور الیمدن یاپیش آقا بو قبر گوشهسینده غریبم آدامسیزام نه بوردا بیر قوهوم تاپیلیر نه تانیش آقا قورخوم بودور نکیر ایله منکر کاریخدیرا گل سن اؤزون منیم عوضیمدن دانیش آقا

مرحوم ذلیل تبریزی دوشدی خیالیمه گینه گلزار کربلا دیوانه ایلدی منی بازار کربلا قربان اولوم حسین او شش گوشه قبریوه گویلوم چوخ ایستیری اولا زوار کربلا بیر یوز قویام حبیب مظاهر مزارینه مخصوص اولوبدی چون اونا دربار کربلا شیعه دورون که قافلۀ کربلا گیدر هریاندا باغلانوبدی گینه بار کربلا قانلو گوزیله گوزلوری زوارینون یولون کرب و بلا ده قافله سالار کربلا زوار پیشوازینه الده علم گلور آق کورپی اوسته علمدار کربلا آب فراتی دولدوروب اول قانلو مشگینه یولدان مباد سوسوز گله زوار کربلا سقا بولر همیشه سوسوزلوق حرارتین چون تشنه جان ویریب او وفادار کربلا چاووش سسلننده دورالار مزاریدن یتمیش ایکی شهیدیله سردار کربلا شامون خرابه سینده دورار توزلی قبریدن قولدا طناب بلبل گلزار کربلا سیزده ویرون حسینی علی اکبره قسم بو اربعین اولاخ هامی زوار کربلا آغوشه جان کیمی باساخ اکبر مزارینی تابیر اولاخ حرمده عزادار کربلا یارب نصیب ایله بو حضاریلن «ذلیل» اولسون بو ایل مجاور دربار کربلا

ساخلیان دینی خطردن بو حسین وای سسیدی حضرتین قاره گیوب سینه ویرانلار کسیدی عارفانه توکولن گوز یاشی دینون بسیدی هر آخان قطریه بیر کاخ ستمگر یاتاجاق سیل اولوب دامنه سی کاخ سفیده چاتاجاق دشمن اهدافینه زهرایه قسم چاتمیاجاق شیعه ئوز مکتبون عـزتنی ساتمیاجاق بو ابالفضل علمی حشره کیمی یاتمیاجاق بـام بین المللی بیـر گونی آخر چخاجاق یخدی خضرانی بو گون کاخ سفیدی یخاجاق دین اسلامین اصولینده حسین الگودی گلشن دینیده گل چوخدی حسین خوشبودی ئوزیده شیعه سیده حقدی ، صراحتگودی گر حسین اولماسا بیر درهمه دنیا دگمز شیعه مولاسی کیمی ارذله گردن اگمز استادغلامرضاهادی اردبیلی

قویدون منی چوللرده حسینیم هارا گیتدین قالدی یَقَم اللَّرده حسینیم هارا گیتدین دور بیرده باجی سسله منی عالم ایشیتسین بیرده ده آنام باجی بنی آدم اشیتسین سویمزدون حسین آدیمی نامحرم اشیتسین زینب آدی دللرده حسینیم هارا گیتدین ✨اَللّهُمَّ عَجِّل لِوَلیِّکَ الفَرَج✨

عرض ارادت به اباعبدالله الحسین علیه السلام به قلم افتخار کانالمون شاعر اهلبیت (ع) برادر بزرگوار کربلایی صابر ثمودی سبک:👇🙏 ای ربابین سویگولی 🏴🏴 ای شه کرب وبلا. زاده  خیرالورا گلمیشوخ درگاهیوه .صاحب لطف و عطا جان سنه پروانه دی عشقیوه دیوانه دی ای شهید کوی  جانان یا حسین  مولا کربلاسی درده درمان حسین  مولا 🏴🏴🏴🏴 ای شجاعت مظهر ی.بحر جودین گوهری کربلا سلطانی سن.عالمین سروری برج عزُت ماهی سن اهل عشقین شاهی سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای شه نیکو مرام...عشقیمیز سن سن تمام قبریوون مشتاقیوق. ای شه والا مقام اورداور عشق و صفا اوردادور درده دوا جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴🏴 یازدوخ آدین پرچمه. هر گون ائتدوخ زمزمه وئرمروخ بیز عشقیوی. یا حسین جان عالمه شهریار عشق سن عالمه سرمشق  سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 گول آدون پرچمده دی..شهرتون عالمده دی ایندیده عباسیوون. بیر گوزی علقمده دی نهرون اوسته آی باتوب قبریده  خجلت یاتوب جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴 جان فدا عبّاسیوه.معدن احساسیوه گیمشوق قاره آقا.گلمیشوخ بیز یاسیوه دل غمونده داغلاروخ ماتمونده آغلاروخ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای (ثمودی) چنگ وور ..بو شهین دامانینه هر نه دردون وار دئنن .کربلا سلطانینه دردیوی دلداره دئ محرم اسراره دئ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴