🍁یا اباصالح(عج)🍁 __ باشیسز دولانور عالمی بو قافله مهدی گل قويما مسلمان بوقدر اسگیله مهدی قويما دوشه ايش مشکله یولدان آقا تزگل باش گوتدی چخور قافله یولدان آقا تزگل هر گون چوخالور فاصله یولدان آقا تزگل گل دوز یولی گوستر یتیشک منزله مهدی سن گلسون آقا جامعه دن ارزش آزالماز هر کیمسه ده ساتسا شرفین آیری کس آلماز دوزعاشقیون قلبی جاوانلقدا قوجالماز دیوانه لر ایراد   ایلمز   عاقله   مهدی https://eitaa.com/kobradsg

العجل ای امید جهان گل العجل ای امید جهان گل یوسف فاطمه هارداسان گل گوزلریم یولدا قالدی اماندی الامان یا امام زمان گل الامان یا امام زمان گل شیعه توش اولدی موج بلایه ظلم اولور بس که اهل ولایه ایمروغ باش بیز اهل نفاقه  اقتدا اتمیشوک کربلایه اقتدا اتمیشوک کربلایه ظلم و جوری جهانه دایانما شمعی تک درد هجرانه یانما گوز یاشی باخدی عزت قازاندی شکر اوله درگهونده قوجالدیم شکر اوله درگهونده قوجالدیم بیر نظر ایله زهرا بالاسی باشدا وار کربلا هواسی  باشدا وار کربلا هواسی  کیم دییر شام ظلمه سحر یوخ فاطمه یوسفی نن خبر یوخ اربعین کربلاده دییدوخ ای قلم سوزلرینده اثر یوخ ای قلم سوزلرینده اثر یوخ https://eitaa.com/kobradsg 👇

علیرضا نادری: گورنمیوب بیری اول صحنه لر که من گوردوم اوشاقلیق عالمی بیر لاله لی چمن گوردوم مدینه اهلی یروز بوش او قانلی صحراده حجاز یوسفین عریان و بی کفن گوردوم حسین دلینده بی بیم آختاروردی قتلگهی باخاندا داشلارین آلتیندا بیر بدن گوردوم سوروشمیون آقازی کیم او حاله سالمیشدی که قتلگاهه طرف چوخ گلوب گئدن گوردوم بی بیمون حقی واریدی تانیمیا بدنین که اوخ ووران اونا داش ووردی تازه دن گوردوم بابام مریضدی قالمیشدی خیمه لرده ملول بابامدا گورمدی اول صحنه لر که من گوردوم ائلیکه کوفه لی لر  جدّیمون باشین کسدی ووریلدی خیمه اود غارتی علن گوردوم شرار غمله آلیشدی رقیّه نین اتکی سه ساله عمّه می پر غصه و محن گوردوم دیَن یوخیدی قوناقلیق هارا اسیرلیق هارا بالالارین قولونا ووردیلار رَسَن گوردوم گئجه نی وئردیله مسکن یانان چادردا بیزه آنام رباب قوروب غملی انجمن گوردوم دیوردی گل بالا لایلای دیوم  یات آسوده گئچن گئجه یاتا بیلموردون ایستیدن گوردوم صودومده وار بالا ایچسن اگر سرین سودا وار بو تشنه لیق غمین اوغلوم کمر شکن گوردوم #حاج_ولی_الله_کلامی https://eitaa.com/kobradsg

#یا_مهدی............ دریادی گوزوم یابن الحسن ساحلی یوخدی گل بیرباخشاجانمی آل قابلی یوخدی فکریمده خیال عالمی گه بیرگل اولورسان ملک دلیمی عطرون آلور جانه دولورسان قربانون اولوم هاردا آچوب هارداسولورسان هیچ بیر چمنون سن کیمی زیبا گلی یوخدی ای حُسنی سالان حیرته جمعیت حسنی حسنون قوتاروب رمز تمامیت حسنی یوسف که جهانی گوتوروب شهرت حسنی زلفون کیمی بیداد ایلین کاکلی یوخدی محشریارادوب گونه ده کی دانه خالون مجنون ایده آز قالدی منی وصف جمالون گیتدیم عقلادن سوروشام شرط وصالون گوردوم هامی دیوانه دیلر عاقلی یوخدی تا عالم ارواحده عشق اولدی سر آغاز تشریف محبّت ایلدی خلقی سرافراز دریای محبّتده اوزن ساحله چخماز سرچشمه سی کوثر ده دی چون ساحلی یوخدور سوز یوخ که خدا عشقون اولوب پایه گذاری بو عشقه عیار ایسته دی تعیین ایده باری گوردی که حسیندور بو ایشین کامل عیاری مینلرجه عیار اولسا بله کاملی یوخدور تقسیم بلا ائتدی او گوندن که مشیّت سهمیّه بلادن بیزه ده چاتدی محبّت دنیا اوزی بیر مزرعه دی میوه سی محنت جز عشق حسین درده دَیَن حاصلی یوخدور شاعر:استاد حاج داود صادقی تبریزی https://eitaa.com/kobradsg

خرابه لرده باجون ئولمیوب گلوبدی حسین ولی یتونجه سنه کاش اول ئولیدی حسین گئدنده گورموشودوم شامه پاره پاره سنی قولومی‌باغلادی اهل جفا    عداوتیله آیردیلار  منی سندن حسین نه حسرتیله او گونده گول بدنون قوملاار اوسته قالمیشدی خرابه ده منی قبرون    خیالی آلمیشدی گوره بو قبری باجی سهلدور کنار آغلار غریب حالینه مشهوریدور مزار آغلار کیم اولدی سن کیمی  بیگانهٔ وطن قارداش یارالی نعشوه کیم ایلدی کفن قارداش نیدیم که اشک بصر ویرموری امان ، منه دینمورم گلوری اوزگه بیر خیال منه ایشقلی گون منه بوندان سورا قرا گئجه دی بویور گوروم باجون اولسون یارالارون نجه دی میسر اولمازیدی غسل اولیدی یا کفنون نچون داغیلمیشدی عضو عضویدن بدنون کفن کی اولمادی ، غسلون گر اولسا قان اولدی نه دیللریله سنی اوخشیوم حسین قارداش جنازن اوسته گرک  آغلیوب یولیدیم باش شکایت ایلمیرم کثرت مصیبتدن دوشوب نحاله  باجون طعنهٔ شماتتدن نجه دیوم سنه من اهل بیت نسگیلینی قویوب خرابه ده گلدیم مدینه بلبلونی ویرنده جان سنیله اکبری خیاله سالوب اونون مصیبتی گور زینبی نحاله سالوب گهی بابا گهی قارداش دیردی گه عباس او غربت ایچره اونا اهلبیت ساخلادی یاس یارالی سینه لری موتی قانه دوندردی گلنمدی سنه اول قیز سلام گوندردی https://eitaa.com/kobradsg

🍃🍃🌼🍃🍃🌼 نشو د ناطقه اش لال به هنگام ممات هر زمانی که فرستد به محمد صلوات سلام عرض ادب خدمت اعضای کانال دلتنگ کربلا خواهشا هر کس از کانال دلتنگ کربلا چیزی کپی کرد یه صلوات به امواتم بفرستد الهی عاقبت بخیر باشید 🍃🍃🌼🍃🍃🌼

🌴قاپی باغلانما دعاسی🌴 قاپیوا شخص دخیل اولدی ئورک یاندی حسین بیزدن ایستولّه ضمانت قاپی باغلاندی حسین 🌷🌷🌷🌷🌷 دردی وار نسگلی وار مطلبی قلبینده قالوب نذری وار حاجتی وار ناله سماواته سالوب چوخلاری مطلبینی ایندیه تک سندن آلوب او یانان خیمیه باخدوم ئورک اودلاندی حسین واردی چون سنده سخاوت قاپی باغلاندی حسین 🌷🌷🌷🌷🌷 قاپونی باغلادیلار غملی عزاداریوه باخ ایندی بو بسته گلن درگهه زوّرایوه باخ بیرده فرمان وئره سن قولسوز علمداریوه باخ منتظر دورموش علم الده نگهباندی حسین گل قبول ایله وساطت قاپی باغلاندی حسین 🌷🌷🌷🌷🌷 ای سپهدار حسین سنده علی مکتبی وار کیمین عالمده سنون تک بو قدر منصبی وار قاپونی باغلیانون قلبده بیر مطلبی وار هامونون دردینه عباس آدی درماندی حسین یتش امداده کرم قیل قاپی باغلاندی حسین 🌷🌷🌷🌷🌷 قاپونی باغلیان آچ گلسون عزادارِ حسین مطلبون وئرمگه مأموریدی سردار حسین ضامنون حضرت عباس علمدار حسین بئله مشکل لر ابوالفضله چوخ آساندی حسین داده یت میر عدالت قاپی باغلاندی حسین... https://eitaa.com/kobradsg