ای کاش همیشه یاورت باشم من در وقت ظهور، محضرت باشم من ھر چند که نامه ام سیاہ است ولی بگذار سیاہ لشکرت باشم من 🌺 اللهم عجل لولیک الفرج 🌺

سلام بر دست هایی که بی انگشت شد امابا ظلم هم دست نشد...✋️ حسیـن جان(ع) ای که می بخشی توبا انگشتــری انگشـت خویش... دسـت خالـی رد مکـن مارا زکویت یاحسیــن(ع)

اي كشته اشكها،برنام توسلام🙏 برشورمحرم الحرام تو،سلام🙏 هفتادودوگل به كوي توپرپرشد🙏 برخاك هميشه لاله فام تو،سلام🙏 السلام علیک یااباعبدالله الحسین 🙏

❤️حســــین جـــــان❤️ ❣دل سلامٺــــ مےڪند اما جوابش مےڪنے 😔اصـلا این دیوانہ را آدم حســابش مےڪنے السَّلامُ عَلَیْکَ یا اَباعَبْدِاللَّهِ ✋🌸

ورود به  ماه محرّم دئدیم هلاله نه باعثدی قامتین خمدور جواب وئردی مگر بولموسن محرّمدور دئدیم نه‌دن اریوب اولموسان ضعیف و نحیف دئدی سالان منی بو درده هاله‌ی غمدور ایدوب احاطه سراسر هلال هاله مثال هلاله هاله‌ی درد و ملال، توأم دور دیدیم شفقدن اولوب دامن فلک گلگون دئدی بو سرّی سؤال ائتمه مبهم‌دور شفق دگول، شهداء قانی‌دور که شام و سحر اولور مشاهده، سرخی، دلیلِ محکم‌دور دگول بو خطّ شعاعی، تیکوب عزا علمین سپهر بامینه خورشید، قانلی پرچمدور طلوع صبحده ظلمات مغرب شامی سالوب خیالینه آفاق، اودور که مظلم‌دور اولوبدی کرسی عرش اوسته نوحه‌خوان جبریل ایدوبله فرش، عزاخانه، عرش اعظمدور وورور صلای محرّم جمیع ذرّاته سماء و ارض بو ماتمده غرق ماتمدور او بزمه حاضر اولان انبیای ذوالأکرام ایدن اقامه‌ی ماتم رسول اکرم‌دور گئیه‌ن قراسینی حوّا و مریم و سارا گلن عزاسینه نوح و خلیل و آدم‌دور حسین‌حسین سسی دولدوروبدی شش‌جهتی دگوب بیری-بیره عالم، بیر اؤزگه عالمدور به سان کعبه سیه‌پوش اولوبلا خلق جهان دمادم اشک‌فشان دیده‌لر چو زمزمدور اولوب بساط سلیمان کربلا بر هم بساط عیشی بو ماه عزاده برهــم‌دور اولوب علی‌قیزی زینب بو آیدا شمره اسیر او زینبی که کمینه کنیزی، مریم‌دور دؤنوب بو آیدا جوان قاسمین طویی یاسه خضاب خونیله زلف سیاهی پُر نم‌دور بو آیدا شبه پیمبر شهید اولوب ناکام قیامته کیمی گر آغلیاق گینه کمدور یِتوب امامه مصیبت مصیبت اوستوندن نظرده ایمدی همان حالتی مجسّمدور ییخوبلا قولسوز علمدارینی فرات اوسته یانان بو حسرته شطّ فراتِ علقمــدور یئته‌ن زمان باشی اوسته گؤروب نفس گلمور هنوز گلماغی قانین ولی، دمادمدور دولوبدی قان گؤزونه دیده‌دن آخار یوزونه گول اوزره بس دئیه‌سن قطره-قطره شبنمدور الین قویوب بئلینه دلده ذکر وا عبّاس دئدی بوکولدی بئلیم آه قامتیم خمدور الون الیمدن آلوب ائتدیلر شهید سنی بو قوم ایمدی منیـــم قتلیمه، مصمّمدور سنون گؤزونده منم، اؤز گؤزونده سن منی گؤر بو پرده - پرده ی چشمونده، خونِ دیده‌م‌دور مداد سرخیله سینه‌نده آیه‌ی قربان یازوبلا صفحه‌ی قرآن کیمی مُتَرجَمدور منیم یولومدا اؤزوم شاهدم شهید اولوسان مقام منزلتون حق یانوندا معظمدور ولی نه فایده سنسیز حیات دنیادن منه حیاتدن ایمدی اؤلوم، مقدّمدور اگر یاتوب علمون ایتمه غم قیامتده او گون لوای شفاعت سنه مسلّمدور نفس ویریلدی گلوب هوشه ائیلیوب احساس یانیندا حاضر و ناظر ولیّ اعظمدور سَرِ مفاخرتین عرش ساقینه یتوروب گؤروب امام حضورینده چوخ معظّمدور باشین گؤتوردی دیزیندن ایاقینه قویدی محبّت عالمی‌نین سرّی اؤزگه عالمدور یوزون ایاقینه قویدی دئدی جُعِلتُ فداک وسیله ی شرفیم بو غبار مقدمدور دوتوبدی گؤزلریمی قان، گؤرنمیرم یوزووی بو آرزوئیله گؤیلوم هنوز خرّمدور کی اؤز الینله گؤزومدن بو قانی پاک ایده‌سن گؤرم جمالیوی بیر دم که دم، همین دمدور

کربلا آماده اول شاهنشه خوبان گلیر فاطمه اوغلی اوزاق یولدان سنه مهمان گلیر وار صفالی گوللری سرو قامت اکبری شیرخواره اصغری خوش سنین اقبالیوه ای سرزمین باصفا کعبه نی ترک ائلیب دیر کعبه اهل ولا فخر ائله مهمان گلیر توپراقیوه العبا ویرماقا عزت سنه یئتمیش ایکی جانان گلیر کربلا سنده نه وار که قبله گاه عشق سن وصل معشوقه مسیر و شاهراه عشق سن هر کیمین یوخدور پناهی سرپناه عشق سن نقد جان الده گلن لر بی سر و سامان گلیر کربلا اماده اول ال اللهی پیشواز ائیله کاروان چوخ با صفادور حرمت و اعزاز ائله ال قوجاقه اصغری عرشیله فرشه ناز ائله حرمله باخما الینده زهریلی پیکان گلیر کربلا ماه محرم دیر غمین دریاسی وار شاه دینین نهضتینده یوم عاشوراسی وار بیر سند دور قانیله یئتمیش ایکی امضاسی وار هر کسین واردور الینده رشته پیمان گلیر کربلا اماده اول بیر با وفا لشگر گلیر عون و فضل و جعفر و قاسم گلیر اکبر گلیر باقر ال محمد هم علی اصغر گلیر باغبان گویا الینده سنبل و ریحان گلیر کربلا آزاده انسانلار سنه گلدی قوناق وصل حقه وار او جمع با صفاده اشتیاق صف چکیب یوللاردا اما ظلمت و کفر و نقاق بیعت اوسته جنگ وظلمه کوفه دن فرمان گلیر کربلا آماده اول هر سمتیدن لشگر گلیر توکماقا قان اوخ گلیر نیزه گلیر خنجر گلیر کسماقا باشین امامین شمر بداختر گلیر لشگر حقه مقابل لشگر شیطان گلیر

نوحه ورود به کربلا شاکرم حضرت داداره حسین نوکریم عاشقم احمد مختاره حسین نوکریم من ولایت باغنن بلبل دیوانه سیم گیتمرم آیری چمنزاره حسین نوکریم عشقین حسینین روضه رضوانه ویرمرم بزم عزانی باغ وگلستانه ویرمرم خاک مزاری مهر نمازیمدی صبح وشام بو مهری من نگین سلیمانه ویرمرم سیخما ذهنینده بوطوفانلی چولون نقشه سینی ثبت ایله خاطره میدانی اویان گوشه سینی سندیرار اوردا جفا داشی اورک شیشه سینی اوردا دشمن منه دل یاره سینی چوخ ویراجاخ حرمله الریم اوسته بالاما اوخ ویراجاخ ایندیدن هیچ دیمیرم قمچی گوردن قولاباخ پوزولان گلشنیمه یا که شکسته خولا باخ خیمه نین دال طرفینده او تیکانلخ یولا باخ اوردا غم منظره سی نازلی رقیم آچاجاخ چولره خیمه یانان وقتیده اوردان قاچاجاخ دیمیرم مقتلیمه اوندا گلیب گیتمه باجی دیمیرم هیچ منه خاطر ئوزون اینجیتمه باجی واردی بیر خواهشیم اما اونی رد ایتمه باجی تیر تحقیریله بیرده اورگین یارمیاسان سنی غیرتلی ننم قاتله یالوارمیاسان

کربلا سمتینه ای باد صبا ایله سفر کربلا سمتینه ای باد صبا ایله سفر ئولور اکبر باجیسی اکبریمی ایله خبر سویله صد پاره اولان نعشی گوزل قارداشیما گلدی ویرانه بوجاقیندا نه ایشلر باشیما اگلشوب گرد یتیمی گوزمه هم قاشیما قاچمیشام بس کی اخا یاره اولوبدور ایاقیم  گورسدور حالتیمی بوگوورن دیل دوداقیم سن گِئدنّن بو بدن توش اولونوب چوخ مُحنه اُوقدر واردی سوزوم حیف اولا گلمور سخنه بَلکده قالمیا عمروم علی جان سن گلنه بَنزورَم بیر یورولان قوش کی دوشو بدی قفسه اَزیلوب قول قنادیم چاتمیشام آخر نفسه  ئوز خیالیمده چوخ ایامی مُرور اِیلمیشم یصربین کوچه لریندن من عبور ایلمیشم عالم عشقیده بیر یرده قُصور ایلمیشم من نجه قلبیمی تیغ غمیلن بولممیشم آتا قارداشیم ئولوب ایندیَجک ئولممیشم ئوزخیالیمده باباملان دانیشوب غم آچارام من دییرم کی او گلن یولّارینا گول ساچارام من بابا جان سویلیوب آغوشینه ساری قاچارام من بوسینان قلبیمیلن فوری بارشیدیّرام اونی  کوسموش اولسا گرمنیلن من دانیشدّیرام اونی  چشم گریان نَچِه مدت یازیلوب قالدی رقیه آغلیوب هرایکی دنیایَه شرر سالدی رقیه عاقبت رأس حسینی قوجاقا آلدی رقیه گولونن گول بِجرن لحظۀ دیداره چاتوب  کسیلن باشی رقیه دیزینین اوسته آلوب  دئدی ای گوزلریمی یولدا قویان آچ گوزوئی قانیلن یاتما بوتشت ایچره اویان آچ گوزوئی گلمیوبدی ئوزومه سیلی ووران آچ گوزوئی أل ایاقدان آچیلو بدی بابا جان بَندِ رسن قویمارام قولّاریمین ردّ طنابین گورَسن گوزون آچ نیزه باشیندا دانیشان حق سوزی باش قلبینی تیر عدو یاره لیین آلنینی داش دِئمرم من سوزومی سن اله آسرارووی فاش دی ِمنه خولی اِئوینده باشووا گلدی نلر  دِئمرم من قیچیمون یاره لریندن سو گلر دِئمرم صورتیمه سیلی ووروب زجردنی ساچلاریمنان یاپیشوب یرده سوروندوردی منی سَبّ اِئدردی گجه چوللّرده قالان وَقته سنی من دییردیم بابامون آدینی آلما دیلووه اودییردی دییرم آرتیق اولا نیسگیلووه بابا آچ گوزلرووی باخ بو پریشان قیزووا طاقتین اَلدن آلان آتش هجران قیزووا شهر غربتده اولان بی سرو سامان قیزووا بنزورم ماهیه من آیری دوشوب دریادن بیر باخیش باخ منه تا جان قوتاریم مأوادَن شوره گلدی قلمیم دیلَدَه کی احساس کیمین گوزومون یاشی داموب دفتره الماس کیمین دوشدی دیلدن بالا قیز برگ گل یاس کیمین تازه دن بانگ عزا عالم اِمکانی آلوب کُنج ویرانیده زینب بالاجا قبری قازوب وار یِری سنگ مزارینده بونوعیله یازا پنجم ماه صفر حَشرَه کیمن اولدی عزا رادیو موج پیام گرچه چالور طَبل و سازا « صبری» سن وئرمه قولان هرچالینان آهنگه دیلده یاس ساخلا آجیندان یخییلان دلتنگ https://eitaa.com/kobradsg

عرض ارادت به اباعبدالله الحسین علیه السلام به قلم کربلایی صابرثمودی در چند سبک مختلف 🏴🏴...........🏴🏴 ای شهریار عالم ای نور چشم خاتم سسلر آدون ملکلر صبح و مسا دمادم سن شاه کربلا  سن درد اهلینه دواسن بیز سائلوخ قاپوندا سن صاحب عطاسن جانم حسین. حسین جان  جانم حسین  حسین جان 🏴🏴.......🏴🏴 ای مظهر اللهی محبوب لم یزل سن شاهلار ایچینده مولا بی مثل و بی بدلسن زهرایه روح و ریحان سن حیدره مثل سن مولا نه هیبتون وار داغ تک صلابتون وار محشرده شیعیانه مولا شفاعتون وار جانم  حسین حسین جان  جانم حسین حسین جان 🏴🏴........🏴🏴 ای کربلا امیری سن شاه  ما سوا سن عالمده شیعیانه .سالار و مقتدا سن سن جلوه خداسن درد و غمه دواسن یا سابِغَ النِعَم سن یا دافعِ النِقَم سن بیز سائلوخ قاپوندا سن شاه ذو الکرم سن جانم حسین حسین جان جانم حسین حسین جان 🏴🏴........🏴🏴 ای کربلاسی کعبه عشق اهلینه جهاندا عشقون اولوب نمایان هر پیر و هر جواندا سسله یا حسین جان هر بزم و هر مکاندا ایمانیمیز حسیندی جانانمیز حسیندی فخر ایلورخ جهانه سلطانمیز حسیندی جانم حسین حسین جان جانم حسین حسین جان 🏴🏴.......🏴🏴 عالم قالوبدی حیران مستانه عالموندن کسب سعادت ایلور عزّتلی پرچموندن عیسی مسیح اولوبدی مولا سنون دموندن عیسایه مقتداسن موسایه راهنماسن حاتم سنه گدادی سن معدن سخا سن جانم حسین حسین جان جانم حسین حسین جان 🏴🏴🏴 عشقون چکوب کمنده دنیاده جبرئیلی نمرود آتشیندن قورتارموسان خلیلی عطشان دوداقون امّا آغلاتدی سلسبیلی قووزاندی آه و واسی سوز و فغان صداسی سسلندی شاه عالم من لبلرون فداسی جانم حسین حسین جان جانم حسین حسین جان 🏴🏴🏴 زینب کیمین جهاندا بیر سینه داغلیان یوخ هی قاره اوسته  قاره  دنیاده باغلیان یوخ هیچ کیم سنه باجون تک عالمده آغلیان یوخ دور زمانه دوندی گوز یاشی قانه دوندی هیجرونده یا حسین جان قدی کمانه دوندی جانم حسین حسین جان جانم حسین حسین جان