عرض ارادت به اباعبدالله الحسین علیه السلام به قلم کربلایی صابر ثمودی سبک ای ربابین سویگولی 🏴🏴 ای شه کرب وبلا. زاده خیرالورا گلمیشوخ درگاهیوه .صاحب لطف و عطا جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان حسین مولا 🏴🏴🏴🏴 ای شجاعت مظهر ی.بحر جودین گوهری کربلا سلطانی سن.عالمین سروری برج عزُت ماهی سن اهل عشقین شاهی سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای شه نیکو مرام...عشقیمیز سن سن تمام قبریوون مشتاقیوق. ای شه والا مقام اورداور عشق و صفا اوردادور درده دوا جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴🏴 یازدوخ آدین پرچمه. هر گون ائتدوخ زمزمه وئرمروخ بیز عشقیوی. یا حسین جان عالمه شهریار عشق سن عالمه سرمشق سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 گول آدون پرچمده دی..شهرتون عالمده دی ایندیده عباسیوون. بیر گوزی علقمده دی نهرون اوسته آی باتوب قبریده خجلت یاتوب جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴 جان فدا عبّاسیوه.معدن احساسیوه گیمشوق قاره آقا.گلمیشوخ بیز یاسیوه دل غمونده داغلاروخ ماتمونده آغلاروخ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای (ثمودی) چنگ وور ..بو شهین دامانینه هر نه دردون وار دئنن .کربلا سلطانینه دردیوی دلداره دئ محرم اسراره دئ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 التماس دعا

آیلار دولاندی گونلر به قلم کربلایی صابر ثمودی 🏴🏴.......🏴🏴 آیلار دولاندی گونلر دولاندی ایل گلدی باشه محرم اولدی هر یئرده نصب اولدی قاره پرچم ای اهل ماتم ماه غم اولدی سسلور یارالی.. زهرا اوغول وای باشی بلالی... زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴......🏴🏴 بو آیدا زهرا قرا سین باغلا ماه ماتمدی سینه سین داغلار کرب و بلاده قانلی مناده بیکس حسینون غمیده آغلار سسلور یارالی... زهرا اوغول وای باشی بلالی... زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴.......🏴🏴 اوخشاما دییر اکبرین آغلار عونیله فضل و جعفرین آغلار اوچ پر اوخیلان اوخلانان اوغلون یادینه سالار اصغرین آغلار سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴...........🏴🏴 گل اهل ماتم احساسه آغلا اگینونده قاره گل یاسه آغلا زهرایه سس وئر ای اهل ماتم اوغلی حسین و عبّاسه آغلا سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴............🏴🏴 بو آیدا جنّت قاره پوش اولدی سُرور و شادی فراموش اولدی بو آیدا شمع زهرای اطهر باد ظلم اَسیب دور خاموش اولدی سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴...........🏴🏴 (ثمودی) دلده تاب و تب آغلار واردور بیر یانقلی مطلب آغلار مقتلده گوردی بیر غملی صحنه باشینده زینب چادر شب آغلار سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴........🏴🏴 التماس دعا دارم

این سه ذکر حسینی را به خاطر بسپار 🎤 حجت الاسلام والمسلمین رفیعی 🕊💚

گلدی محرمون به قلم کربلایی صابر ثمودی 🏴🏴🏴 گلدی محرمون .باشلاندی ماتمون هریئرده ذکر اولور .مولا سنون غمون بو ماه اعظمون.مستانه عالمون دیلده نوا سالار .بو قاره پرچمون ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴 بو آیدا شیعه لر..مولا ائدر نوا قاره گییوب سنه..مولا دوتار عزا سسلوله شیعه لر..با یک دل و صدا قربانون اولوم سنه..ای شاه کربلا ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴 ایام غم گلوب ...یا شاه محترم قویمازلا شیعه لر..یاتسین قرا علم مولا بو روضه لر.همچون بیزه حرم بیز سائلوخ سنه ..یا صاحب کرم ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴🏴 ماتم دوتوب بو آی .عرض و سما سنه جنّتده آغلیور ..خیر النساء سنه میعادگاه اولوب..کرب وبلا سنه لبیک سسلنوب . یتمیش فدا سنه ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴 ای شاه عالمیِن ..دوغراندی اکبرون ظلمیله اوخلانوب..شش ماهه اصغرون قانه باتوب آقا..غیرتلی افسرون عریان قالیب سنون..قوم اوسته پیکرون ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴 ای شهریار دل..عزّتلی مدفنون جنّاته ناز ائدر.. عزّتلی گلشنون دوتموش (ثمودی )چون..ایللردی دامنون دستِ تهی منیم.. لطف و کرم سنون ای سرور جهان ای میر انس و جان ماتم دوتوب سنه دنیاده عاشقان ای شاه کربلا مولا حسین حسین جانیم سنه فدا مولا حسین حسین 🏴🏴 التماس دعا

ورود به کرب و بلا کربلا دور بورا عشق اهلینه مامندی باجی سنه غم محفلی اما منه مدفندی باجی نخل پربار امامت ویره جک بوردا ثمر بورا جدیم بویوران یئردی ایدور جلب نظر ایله کی باده عشق ایچدی بو چولده صودامر گوره جکسن بورا خمخانه ذوالمندی باجی بو بیابان که گورورسن بیله بی آب و علف آدلاری ماریه دور ، کرب و بلا وادی تف خزف ایلر صدف عشقی بو صحراده هدف اوندا بو شوره مکان گوهر مثمندی باجی بورا بیر کعبه دی مُحرم لری حق محرمی دور نهر علقم بو بیابان غمون زمزمی دور یعنی مُحرم لرینون عشق خدا همدمی دور بوردا عشقون سوزی دیوان مُدوّندی باجی بورا بیر کعبه دی بوردان آلاجاق کعبه صفا مروه سی تلّ دی نهرون یانی مشعردی بلی ا خال اکبر حجر الا سودی گودالی منا ایندی یتمیش ایکی قربانی مزیّندی باجی بوردا مقصوده یتشمک باجی ایستور دل صاف اهل عرشه ایلیوب حق بورانی یعنی مطاف قره احرامیله گودالی ایدن وقته طواف گوره جک سن که بویئر جسممه مسکندی باجی من وارام بوردا باجی پاک اولان احساسیمیله دینه خدمت ایدرم اکبریله قاسیمیله اود ایشین سو گوره جک قارداشیم عباسیمیله سو کناری آتامون اوغلنا مدفندی باجی بوردا زینت ویره جک یتمیش ایکی گل چمنه بوردا گل لر بولوننده چاتاجاق لاله منه نیلی گل لر بو بیابانیده قسمت دی منه بو چمن اوندا بیلرسن نجه گلشندی باجی اولاجاق دشت بلاده بو رقیم گل یاس قوراجاق شام غریباندا منه مجلس یاس گیده جک زیب و طلاسی گیه جک کهنه لباس گوره جک سن بدنی چون گل سوسندی باجی اولاجاق بوردا بیزیم ، بیر حرم و حایریمیز بوردا افواج ملائک اولاجاق طایریمیز دسته دسته ئوپه جک قبریمیزی زایریمیز شیعیه یعنی بورا وادی ایمندی باجی

یل یاتار طوفان یاتار حاج ولی الله کلامی یل یاتار طوفان یاتار یاتماز حسینون پرچمی دیده ی دوران یاتار یاتماز حسینون پرچمی ─── ❖ ── ✦ ── ❖ ─── بوحسینونده عزیزان پرچمی اوچ رنگیدی گنبدی اوستونده قرمز یادگار جنگیدی هم یاشیل اعلان ایدورعباس اونون سرهنگیدی سن قرا پرچم گوتور بو زینبون فرهنگیدی سسله هر بنیان یاتار یاتماز حسینون پرچمی ─── ❖ ── ✦ ── ❖ ─── قاره پرچمقرمزی پرچم یاشیل پرچم دیور جاوداندور کربلاخلقه حدیث غم دیور تک حسینی لر دیمور بلکه هامی عالم دیور ای مسیحی لر بو ذکری عیسی مریم دیور پایه ی ادیان یاتار یاتماز حسینون پرچمی ─── ❖ ── ✦ ── ❖ ─── ای عراقین تپراقی ویر شور و شینوندن خبر سنده دی آلتی امام ایفای دینوندن خبر یانجف یا سامرا یا کاظمینوندن خبر هرطرفدن اود یاغور قبر حسینوندن خبر قورخما بوبحران یاتار یاتماز حسینون پرچمی ─── ❖ ── ✦ ── ❖ ─── عالمی ظلمت دوتوب شمعی گزور پروانه لر آشنالردن دی دوتسون فاصله بیگانه لر خانه ی امنیت و احساندی ماتم خانه لر قوی دیسونلر قاره سین گیدی گنه دیوانه لر عالم امکان یاتار یاتماز حسینون پرچمی ─── ❖ ── ✦ ── ❖ ─── بیز بو پرچمدن برات آللوخ ایشتسین مدعی گیتمه روخ آیری مسیره گیتسه گیتسین مدعی طعنه لر بسدی خطا یولدان قیتسین مدعی کیفر صدامه باخسین عبرت ایتسین مدعی ─── ❖ ── ✦ ── ❖ ─── کاخ نامردان یاتار یاتماز حسینون پرچمی یوخ مورخده او قدرت ایلیه حفظ وفاق چوخ قیامی ثبت ایدوب اما پوزوب دست نفاق شاه مظلومان مین اوچ یوزیتمیش ایل بوندان قباق بیر قیام ایتدی سسیندن تتردی دوقوز رواق یازدی هر ارکان یاتار یاتماز حسینون پرچمی ─── ❖ ── ✦ ── ❖ ─── بیر یانا عشق حسین انبوه موکب بیر یانا یدی دریا بیر یانا عطشان قالان لب بیر یانا نسل آدم بیر یانا یتمیش مقرب بیر یانا یتمیش عاشق بیر یانا تک غملی زینب بیر یانا بیلدی یورقون جان یاتار یاتماز حسینون پرچمی ─── ❖ ── ✦ ── ❖ ─── اشقیا قورخوردی عباسین آدیندان تک به تک گوردولر جنگ ایتمدی گیتدی قالوب شه بی کمک واردی بیلموردیله زینبده قوای مشترک تا حسین جان ویردی گوتدی پرچمی عباس تک سس گلوب وجدان یاتار یاتماز حسینون پرچمی ─── ❖ ── ✦ ── ❖ ─── معرفتسیز کوفیان باشسیز وجودی داشلادی سجده ده اولدی حسین زینب نمازی باشلادی سو دویونجا ایچمدی قانلان دوداقین یاشلادی سسلدی عشقین بقاسی بیز باجی قارداشلادی موج بی پایان یاتار یاتماز حسینون پرچمی ─── ❖ ── ✦ ── ❖ ─── ای حسینی لر نه دردوز وار دوا زینبده دی نینوا بیر قانلی صحرادور نوا زینبده دی اختیارات قـــــوام اولـــــــیاء زینبده دی عشقه آند اولسون کلید کربلا زینبده دی خیمه ی سوزان یاتار یاتماز حسینون پرچمی ─── ❖ ── ✦ ── ❖ ─── عشقیده آری اسارت وار شهادتدن صورا باشلادی اوز نهضتین زینب او نهضتدن صورا وقرینی سندیرمادی مردان غیرتدن صورا باغلادی بیر قاره معجر باشه غارتدن صورا یعنی جوشقون قان یاتار یاتماز حسینون پرچمی ─── ❖ ── ✦ ── ❖ ─── چخدی تل اوسته گوروب ایلور عربلر هلهله قبله ی عشقه دوتوب یوز یعنی قانلی مقتله سسلدی قارداشیم ای باشی دوشن الدن اله من بیر ایش گورم حسین تا عرشیدن بو سس گله فتنه ی عدوان یاتار یاتماز حسینون پرچمی ─── ❖ ── ✦ ── ❖ ─── ای ابوالفضلیم بو آغلار گوزلریم قربان سنه اوخلانان مشگی چخارت یاددان دعا ایله منه ای امیر کاروانیم دور اسیرم دشمنه سن علمدن مطمین اول ویرمیرم اهریمنه شور نخلستان یاتار یاتماز حسینون پرچمی ─── ❖ ── ✦ ── ❖ ─── اکبریم ای هامیدان آرتیق رسوله بنزین ای رسول الله یولوندا قرمزی خلعت گین ای منی پوزقون گورن گونلرده جان عمه دین ایستورم سندن مدد ای عمه سین چوخ ایستین تاگورم طغیان یاتار یاتماز حسینون پرچمی ─── ❖ ── ✦ ── ❖ ─── ای جوان قاسم عجب طوی دوتدی عاشورا سنه باغلادی بیر دسته قرمز گل آنان زهرا سنه قالدون آتلار دیرناقیندا یانمادی اعدا سنه ساخلارام منده آناوی تا چاتا نجوا سنه دیده ی گریان یاتار یاتماز حسینون پرچمی ─── ❖ ── ✦ ── ❖ ─── ای علی اصغر که ایتدون سنده اوز دینون ادا آخره قالدون ولی عالی مدال آلدون بالا اوخلانان وقته گولوبسن جان عزیزیم مرحبا خنده معناسی بودور بیلسین مریدان صفا غنچه ی خندان یاتار یاتماز حسینون پرچمی ─── ❖ ── ✦ ── ❖ ─── ای کلامی یازدیقون اشعاره تحسین ایستمه اوزگه لر تحسینی بش گونلوقدی تضمین ایستمه قاره کوینک خلعتوندور رخت زرین ایستمه حقی یاز مولا کمکدی جانه تاْمین ایستمه پرچم شاهان یاتار یاتماز حسینون پرچمی ━━━━━━━✦✗✦━━━━━━ یل یاتار طوفان یاتار حاج ولی الله کلامی

🌹 جانم امام حسین (ع) به گل احمر باغ زهرا (ص) صلوات به صفا بخش دل سید بطحا صلوات به نکو مظهر حرّیت و ایمان و شرف به حسین بن علی شافع فردا صلوات اللَّهُمَّ صَلِّ عَلَى مُحَمَّـدٍ و آلِ مُحَمَّدٍ وعَجِّلْ فَرَجَهُمْ 🌹

. مرحوم ذهنی زاده . گوز یاشمی یارالاریوا مرهم ایلرم بولسون هامی کی هریارانین بیردواسی وار . مرهم قبول ایلمین یاره حشره‌تک زخم شهادتین دی دوادن اباسی وار . باشدان ایاقه هر نه یارا جسموه دگوب تک زینبون ئورکده بیر ایله یاراسی وار . چوخ یاره‌لر دگوب منه چوخ تازیانه دن هر تازیانه نین بیر اوزون ماجراسی وار . فکر ایلدیم گئچن گجه تک قالدی قارداشیم قلبیم دئدی داریخما یانیندا آناسی‌ وار . هجرونده زینبین آغارار زلفی غم یئمز چون قاره زلفدن قره بختین قراسی وار . درد و بلاسی باشیمیزون باشه یئتمیوب الله بولور کی باشیمیزون نه بلاسی وار . گر چه نوای نای غم‌انگیز اولور ولی نای دل یتیمه نون اوزگه نواسی وار . بی‌کس عیال و عترتوی تاپشیر اللها هر کیمسه نون کی هئچ کسی یوخدور خداسی وار . صحرایه قیزلارون نه دئسون قاچماسون حسین بیر قوش کی آشیانه‌سی یاندی هاراسی وار . باشون گئدوبدی کوفیه مهماندی خولیه کول باشیمه حکایت مطبخ‌سراسی وار . کرب و بلا هواسی بیزه سازش ائتمدی شامه گئداخ گوراخ اورانین نه هواسی وار . هر لحظه تازه بیر غمه گردون سالور منی هئچ بولموری کی بسدی غم کربلاسی وار . غارت گونونده ایله قیامت قوپوب بیزه حاشا کی محشرون ایله محشر نماسی وار . معجرلر اوسته ایلمشوق بسکه کشمکش هر معجرون هامی بوله مین جان بهاسی وار . اولدی بهار فصلی گلستانیمیز خزان نه باغبان نه بلبلینون بیر صداسی وار . بلبل‌لرین گوزوندن ایراق پایمال اولان گل برگ‌لرده زاغ و زغن جای‌پا سی‌وار

‍ حلول ماه محرم خم ایتدی قامت دنیانی غم هلالی حسینون که دولدوروب هامی عالملری ملالی حسینون چکوبله گویلره قاره اولوبدی مجلسِ ماتم بو آیدا عرشِ خداوند ذوالجلالی حسینون خدایه ممکن اولا آغلاماخ یقین ایله بی شک باتار ملاله بو ماتمده لايزالی حسینون توکر سرشکنی صاحب زمان گیجه گونوز آغلار نچون بو آی پوزولوب رونق ِ جلالی حسینون قوناق آدیله گتورديله کربلایه او شاهی نه بیحیادی گورون دشمنِ ضلالی حسینون سو یوللارینی ازل باغلادیلا ویرمدیلر سو سوسوزدان اودلانوب اطفالِ خردسالی حسینون کفن سالوب اوزی ال چکدی اکبریندن او سَرور گوزی باخا باخا ئولدی او م ه جمالی حسینون دوتولدی قاسمه بير طوی آدی و لیک او طویدا هامی حرملری اولدی باشی قرالی حسینون الینه زلفنه قانین خضاب ایلدی داماد اجل کمندينه صيد اولدي اول غزالی حسینون سو اوسته قوللارینی ویردی شوق اوزیله ابوالفضل که بلکه رفع اولا بو باره ده ملالی حسینون نقدر جهد ایلدی بلکه مشکه دگمیه پیکان خجالت اولميا اول مرتضی مثالی حسینون ورولدی مشکنه اوخ آخدی سو چو اشگِ سکینه دویوب حیاتِ جهاندان او خوش خصالی حسینون سو ممکن اولمادی ، بو نقصدن اوزین ئولوميله خلاص ایتدی او سقّای باکمالی حسینون يتوردی خیمه ده قارداشا پیک ِ آهله پیغام که صون نفسده نصیبی اولا وصالی حسینون الی بیلنده یتشدی باشی اوسته سرور ِمظلوم گورنده نعشنی قولسوز پوزولدی حالی حسینون ال اوسته اصغرینی اوخلادیلا فرقه ی باطل مگر گناه ایلمشدی او نطقی لالی حسینون ئولوب کمک لری قالدی امام او عرصه ده یالقوز همان او دمده يتوب نوبتِ قتالی حسينون چوخ آختاروب ئولوم ، آختاردیقین تاپوب آخر دوتولدی گون یتشوب گون کیمی زوالی حسینون سو ایچمدی سو کنارینده ویردی جان سوسوز ئولدی اولوبدی قانلی او گون زمزمِ زلالی حسینون توكولدی خیمه لره اهلِ کوفه آتلی پیاده تالاندى ظلمیله اول خیمه ی جلالی حسینون سويولدی آل پیغمبر بیوک کیچیک هامی یکسر گیدوبدی غارته جمله منال و مالی حسینون وُورولدی خیمیه اود یاندی خیمگاهی او شاهون داغیلدی چوللره آهو کیمی عیالی حسینون دچار اولوب حرم آهولری کمندِ جفایه اولوبدی عازم شام اهلبیت و آلی حسینون کفافدور بو بیان (( شانیا )) دایان داخی یازما بونی اینان که بودور مقصد و خیالی حسینون شفاعت ایلیه محشر گوننده امّته یکسر یاز آغلا عرض ایله وار ای شه عرضحالی حسینون ** مرحوم حسین شأنی تبریزی https://eitaa.com/kobradsg