‍ استمداد قمر بنی هاشم (ع) (سبک: علی جان بالا لبیک) منی یخمادی هرگز جراحت آتام اوغلی ابوالفضلیوی یخدی شماتت آتام اوغلی قلج الده ایدوردوم آقا حمله سپاهه جهانی ایلدیم تنگ بوگون قوم تباهه مریدان یزیدین گونی دوندی سیاهه جهنمده ایدوللر اقامت آتام اوغلی آشان وقتده تلّى الیمده ایتی شمشیر دل لشگره ووردوم اوزومی آقا چون شیر آتام شیر خدادور منم شیر جهانگیر جهانگیر آقا سن سن بو ساعت آتام اوغلی سنون اللرون هر کس اوپوب کام آپاروبدی سعادت ایکی عالم او خوش نام آپاروبدی ملک جنّته ساری اولا ، رام آپاروبدی قویوب باشینه تاج کرامت آتام اوغلی اوتوز مین قوشون افسوس گیدوللر ره باطل پیمبر بالاسیندان چکوب ال بو اراذل جمال اللهه اولدی بولوط تک قوشون حایل چیخار گون بولوط آتدان به سرعت آتام اوغلی آقا ای گل باغ رسالت شه عالم شهادت یاخون اولدی علمداریوه کم کم قولوم دوشدی بدندن اسور ساق صولا پرچم ایدیب مشگیمه بیر اوخ اصابت آتام اوغلی خیامه گله بلمم سو یوخ مشگیده قارداش گورولَّه منی قولسوز وورور فرقه ی اوباش گهی خنجر و نیزه گهی تیر و گهی داش اوزون گل منه ایله عنایت آتام اوغلی فراتین یاخنندا قیامتدی قیامت سالوب شیری آرایه بو روبه صفت امت مسلمان قویوب آدین بو سفیانی جماعت مسلمانی وورور قصد قربت آتام اوغلی یانا پرچمی قویمام نقدری نفسیم وار چاغیردوم سنی داده نه اندازه سسیم وار که بو لشگر گمراه بوله دادرسیم وار بو گردابده ایلر حمایت آتام اوغلی ابوالفضلی یخوبلار گل ای روح پیمبر گل ای قبله ی عالم صفای دل حیدر سنی ایستوری گوگلوم باشیم اوسته برادر گل اگلش ایلیوم تا زیارت آتام اوغلی اگر گلمه سن الان سن ای سرور احرار ملاقاتمیز اولماز قالار محشره دیدار آتندان یئره دوشسه اگر قولسوز علمدار ایدر قطعه به قطعه جماعت آتام اوغلی دفاع حالتی منده داخی یوخ بو جدلده فرات اوسته سالوبلار صول و ساقیم أَوَلده نه درده دَیَر السیز که وار هر نه ، وار الده وار عشقی تاپا عباس شهادت آتام اوغلی غم و محنته توشم سنون آیریلقوندان بو قانلی یئره قارداش دوشم آز قالوب آتدان اوزون تز یتور اولسون وصاله بدل هجران منی عفو ایله اولسا اذیت آتام اوغلی شیرین دل بالالاردان ابوالفضل آرالاندى دیمه آل عبایه که شیرون یارالاندى بویورما هله مشگیم دگوب اوخ پارالاندى منی ایلدی لشگر خجالت آتام اوغلی دیمم آغلا یول اوسته دوشن قوللارا قارداش گوزون دوشسه پوزولما داخی اونلارا قارداش سو یوخ قان سپوب اونلار گلن یوللارا قارداش منی تاپماقا اولسون علامت آتام اوغلی فقط آل عبایه او بوش مخیمه فکر ایت باجیم زینبه یعنی گل مریمه فکر ایت علمداری یخوبلار ولی پرچمه فکر ایت که مندیدی بو چولده امانت آتام اوغلی ** غلامرضا عینی فرد زنجانی

زبانحال حضرت سیدالشهدا  (ع) در بالین برادر ‍ زبانحال حضرت سیدالشهدا (ع) در بالین برادر آچ گوزون ساقی عطشان یارالی جانیم اولسون سنه قربان یارالی دور ایاقه باغریم اولدی قان یارالی جان یارالی جان یارالی جان یارالی کیم گوروب بیله گول صولسون چمنده یوخدی سن سیز صفا دور زمنده وای منه اللرون یوخدی بدنده یاره گئتدون یاره لی مهمان یارالی جان یارالی جان یارالی جان یارالی غملی گوردوم بو دشتین ماجراسین تنگ ائدوبلر سنه میدان آراسین وئردیلار قلبیمه هجران یاراسین جانیم اولسون جانیوه قربان یارالی جان یارالی جان یارالی جان یارالی الامان الامان هجران الیندن قانلی طوفانلی بو میدان الیندن وای او آنّونداکی پیکان الیندن گلشنیمده ای گل خندان یارالی جان یارالی جان یارالی جان یارالی عاجزم دردیوین من چاره سیندن گلشن جسموون اوخ پاره سیندن قوی اوپوم سجده گاهون یاره سیندن ای قتیل بزم جاویدان یارالی جان یارالی جان یارالی جان یارالی وای منه وای غریب آشنایه یانمشام مشگوه قانلی لوایه کشمکشده دوشوب باشون بلایه قانلی باشون زینت میدان یارالی جان یارالی جان یارالی جان یارالی وار فرات اوسته عشق جاودانی ایچمیسن شوقیله جام بلانی آچ گوزون حیدر کرار ثانی ای شهید شاهد جانان یارالی جان یارالی جان یارالی جان یارالی ائتسه همت قلم بو شرح حاله هم نوا اولسا گر فریاد و ناله سیر خلوتگه بزم وصاله بزم وصلین ایلرم اعلان یارالی جان یارالی جان یارالی جان یارالی اولماسیدی او گون اهل بصیرت دفن اولاردی بو گون رمز حقیقت کیم بولردی ندور سرّ شهادت درس عشقی ایلدون عنوان یارالی جان یارالی جان یارالی جان یارالی یوخدی نوکرلیقا منده لیاقت من هارا وصف گلزار شهادت ایلسم قبریوی بیرده زیارت ((پور رادم )) سسلرم من جان یارالی جان یارالی جان یارالی جان یارالی ** حاج کاظم پوررادی

 حضرت زینب (سلام الله)درخرابه شام زبانحال حضرت زینب (سلام الله)درخرابه شام (سبک : کربلا منتظر ماست بیا تا برویم) آغلورام  چوخ   یانورام دیده سی گریان  بالاما چوخ  دگن  قمچی اولان  حالی  پریشان بالاما هی دییردی  من آجام یا سوسوزومدام  یانورام اولدی   آجلوق  ئولومه بیر  سبب  عنوان  بالاما یوخ خرابه  یرینون سقفی ووروب گون  یوزینه یانورام گون   ائلین گول کیمی   خندان   بالاما سینییِ  زرده  گلوب  قارداشیمون  قانلی  باشی اولموشام  غصه گورن  اولموش هراسان بالاما یارالی   باشی آلوب  قویدی   دوداقین   دوداقا دئموسن   منزل   اولوب  ای بابا  ویران   بالاما آتانون  لبلرینون    گوردی    تازا   قانی    آخور بالامون رنگی صولوب سنده حسین  یان بالاما قوجاقیندا     یارالی    باش   بالاما غش  گلوب باخگیلان قارداش حسین الده وئرن جان بالاما یارالی  باشه دئدیم  ئولدی  بالام گئتمه  دایان من  دیوم  نوحه  اخا  ، سن  اوخو  قرآن  بالاما قاره   بیر  معجره   بوکدوم  بالامین یوخ کفنی دفن  ائدیم  قوی دوتاقون شام غریبان  بالاما آناموز     فاطمه   تک   سیلی   دگوبدی  ئوزینه اوخشورام  قبره گیدن گول ئوزی خندان بالاما زجر   قمچیله   ووروب   کعب  سنانیله   سنان یوخودی  بیرجه   دیین  وورما   مسلمان  بالاما قمچیلر    آتدا    ئولوبدی    بدنی  نیلی   اولوب حیف   اولا   ئولدی اولوب  منزلی ویران  بالاما نیزه ده گوردی باشون چوخ قرا گون چکدی قیزون چوخ جسارت   ائلیوب   فرقه ی  دونان   بالاما (( صاحبه ))    ایلیورم       نازلی    رقیّمله    دعا گله     هیئتیله    اولا   شامیده   مهمان     بالاما ** عباسعلی دهقان  (صاحب) برچسب‌ها: عباسعلی دهقان صاحب

سلام امام زمانم✋🌸 🌸آلوده ایم،حضرت باران ظهور کن 🌱آقا تو راقسم به شهیدان ظهورکن 🌸گاهی دلم برای شما تنگ می شود 🌱پیداترین ستاره ی پنهان ظهور کن 🎀اللهم عجل لولیڪ الفرج🎀

🔸 #سلام_آقا هر روز را با سلام بر تو آغاز می‌کنیم! سلام بر تو... که صاحب‌اختیار مایی! اَلسَّلامُ عَلَیْکَ يا خَليفةَ اللهِ وَخَلَيفةَ آبائِهِ الْمَهْدِيّينَ سلام بر شما ای جانشین خدا و نیاکان پاک سرشت تان #اصحاب_المهدی

همہ‌ هستی‌ من‌ حضرت‌ ارباب‌ سلام اۍ‌ دلیلِ‌ تپشِ‌ این‌ دلِ‌ بی‌تاب‌ سلام #صبحتون_حسینی🌤

سلام اے ڪعبہ ے دل،بیقرارَم بہ سر سوداے احرام تو دارم سلام از دور بر شاهِ شهیدان بہ آیاٺِ عظیم حےِّ سبحان سلام بر آیہ آیہ عشق و احساس سلامُ الله،بر ارباب و عباس سلام ارباب خوبم✋🌸

به‌سلیمان‌جهان‌از‌طرف‌مور‌سلام به‌شه‌تشنه‌لب‌از‌بنده‌ی‌رنجور‌سلام نشدم‌لایق‌وصل‌تو‌در‌این‌مدت‌عمر دلخوشم‌اینڪه‌دهم‌باز‌هم‌از‌دور‌سلام #من_الغریب_الے_الحبیب❤️ #السلام_علیک_یاسیدالشهدا✋ #صبحتون_حسینی ⛅️

‍ حضرت علی اصغر (ع) زبانحال حضرت رباب (س) او اوخ آتان کی سنی قانیله خضاب ایلیوب اوخون آتاندا ، منیم قلبیمی کباب ایلیوب دگنده اوخ ، ئورگیم بولدی خیمه ده ، گوردوم قیزشدی قلبیمی اود دوتدی التهاب ایلیوب او اوخ یخوب ایویمی ، روزگاریمی چووروب سنی اگر چه فرات اوسته کامیاب ایلیوب دونن گون اورتا چاقندان ایتیرمیشم ئوزومی کرخدروبدی منی فکریمی خراب ایلیوب او اوخ نجه اوخوموش بولمورم ، دیولّه ولی همان اوخون تایی سقّانی دلکباب ایلیوب سحر اولونجا سالوب چیخموشام دونوب دیمیشم نه خاطره سنه ده اوچ پر انتخاب ایلیوب یتیشمیشم بو یئره فکریمی ایدوب آزاد مقام عشقده چون قهرمان حساب ایلیوب گه آغلورام سنه گاهی باخوب فرحلنیرم یوزونده نور خدا گور نه باز تاب ایلیوب او قان دولان گوزیوه گوزلریم اولا قربان دوباره قانلی باشون نی ده انقلاب ایلیوب صبا آلور گوزل عطرون مشامیمه یترور خمار و نشئه ، منی عطر و بوی ناب ایلیوب مشامیمه یتیشن عطریوه اوزوم قربان او اوچ پر اوخ گولومی ایله بیر گلاب ایلیوب اوجاتموسان باشیمی عرشه سن ایوین آباد منی شهید آناسی هر گورن خطاب ایلیوب ولی ئورکده منیم نچّه نیسگیلیم واردور کچن گیجه او کی وار روحیمه عذاب ایلیوب بیری بودور کی سو اوستونده باغلادوم اَلیوی آنان خیال ایلیردی اوغول ثواب ایلیوب ولی دیولّه او اوخ سانجلاندا حنجریوه الی کی قونداقا باغلیدی پیچ و تاب ایلیوب اودم صودوم یوخودی ناعلاج قالمیشدوم دیمه آنام اَلیمی بسته طناب ایلیوب گلوبدی سینمه سوت ایندی منّتون چکیرم سالوبدی جانیمه اود ، قلبیمی کباب ایلیوب وریدیلر او باشی سینم اوسته ساخلاردوم هزار حیف اولا کی دشمنیم جواب ایلیوب نئیون یوخوندی سنون ((ساده )) دار فانی ده بو بس کی اصغر آدی دیده وی پُر آب ایلیوب ** داود طهمورثی تبریزی (ساده) برچسب‌ها: داودطهمورثی تبریزی عتیق

زبانحال حضرت رباب (س) در عطش حضرت علی اصغر (ع) (سبک: آخشام اولدی ننه) باغریقان اصغریم ، بی زبان اصغریم قلبیمون باشین داغلاما اوغلوم آجلیق ایتدی سنی ، نیمه جان اصغریم آغلاما اوغلوم آغلاما اوغلوم تللرون سریلوب یوزه سنبل کیمی اوجالوب شیوندن غملی سنبل کیمی سارالوب صورتون سارالان گول کیمی درده دولاندى عشقون هوسون آز ناله ایله یورولدی سسون آغلاما اوغلوم آغلاما اوغلوم ای گویچک غزالیم عشقوه بنده ام دویمارام نازوندان نه قدر زنده ام یوخدور دوشده صودوم سندن شرمنده ام یانسون بو یالان دنیانی اوغلوم یاندیردی منی پنهانی اوغلوم آغلاما اوغلوم آغلاما اوغلوم آلتی آی زحمتون چکدیم مستانه تک زلفووی کیپریگیم دارادی شانه تک دولاندیم باشووه گونده پروانه تک بختیم گلشنین سئللر داغیتدی گوللر نظامین یللر داغیتدی آغلاما اوغلوم آغلاما اوغلوم گوزلرون آخینار اوره گیم قان اولار سن ملرسن منیم سینم شان شان اولار بو شامون سحری بیردن هجران اولا بلبل اوخوماز گولسوز گلشنسیز دنیاده علی نیلرم سنسیز آغلاما اوغلوم آغلاما اوغلوم ** سیدتقی سیفی اردبیلی https://eitaa.com/kobradsg

زبانحال حضرت رباب (س) به حضرت علی اصغر (ع) اَلون قماطه باغلادیم ، سن آغلادین من آغلادیم دل جهانی داغلادیم ، سن آغلادین من آغلادیم **** کمان و اوخ یانیر سنه ایشیم اولوبدی وای بالا غمونده اولدوز آغلیور گون آغلیور هم آی بالا سنی سوسوز سالوب یولا ننون ئولیدی آی بالا سنی او قد قوجاقلادیم ، سن آغلادین من آغلادیم امام الینده اوچ یئره بوغازین اوخ بولن بالا آتاسین آغلادان ولی اوخا باخوب گولن بالا آنان دویونجا سسلیر جان آی سوسوز ئولن بالا یارالی قلبی داغلادیم ، سن آغلادین من آغلادیم آخوب سپهر ِ بختیمون دیل آشمیان ستاره سی حلال ائله ربابی سن کسیلدی راه چاره سی بابان دیور بوغازیوین گمان دریندی یاره سی او قدری یاندیم آغلادیم ، سن آغلادین من آغلادیم خِیَمده قیزلار آغلادی علی سن آغلیان زمان یانوبدی قلب آسمان جهانی داغلیان زمان سینیدی اللریم ، اَلون ، قوماطه باغلیان زمان نیه اَلووی باغلادیم ، سن آغلادین من آغلادیم بوغازیوه ویروبلار اوخ اگر چه چوخ جفائیله جنانه گئت پیمبره اماندی ایلمه گله صفاسی یوخدی سینمون ، دوباره گل خراش ائله سنه نشانه ساخلادیم ، سن آغلادین من آغلادیم اوخیلا اُلفت ایلیوب ربابیدن کچن بالا آناسینی مَلَر قویوب یارالی قان ایچن بالا دویونجا بیر صود ایچمیَن بوغازین اوخ بیچن بالا سو تاپمادیم سوراقلادیم ، سن آغلادین من آغلادیم ** رامین محمد زاده ( پریشان تبریزی) برچسب‌ها: رامین محمد زاده پریشان