راه شام نه غریبانه دی عمه بیزه بو غملی هوا نا بلددور بو بیاباندا قطار اُسرا قورخودان تیترور الیم ، هی یوزه گوز یاشیم آخور ویر منیلن ال اله ، آی بی بی قلبیم داریخور گوره حاشا بو فلک بیز کیمی بیر در به دری آلتی آیدور دولانور قافله میز شهریلری کربلادنده چتین اولدی بو شامون سفری گزیروک چوللری آواره وطندن آرالی گئدوروک شامه بی بی ، سن یارالی من یارالی بو وفاسیز فلکه قلبیده وار چوخلی سوزوم بئله بیر ظلمیلی دنیایه نه نوعیله دوزوم یومولور آند اولا زهرایه ایاقه اوسته گوزوم سنیمی آل نظره ، غملریمون حدینه باخ اللریم اوسته منیم قمچیلرین ردینه باخ ظلمتین پرده سی حایلدی گیجه گوندوزومه دوه لر آغلیور عمه منیم آغلار گوزومه نه گناه ایلمیشم سیلی ویروبلار یوزومه حاضرم تا ویرا مین سیلی منه قوم ستم تکجه بیر یول قویالار کهف اوخیان لب دن اوپم دوتولار گویده بولوتلار کیمی سینم گیجه لر قورولار دایره ی عشقیده ماتم گیجه لر تیره توپراقلار اولار دردیمه درمان گیجه لر او گچن گونلریمی من گینه یاده سالارام اوتوروب اصغریمه هر گیجه لایلای چالارام عاشقانه آچارام خاطره لر دفتریمی سالارام یادیمه شهزاده علی اکبریمی نازیلن سینه سینون اوسته یاتان گونلریمی گه گولوب گه دانیشوب ئوز ئوزومه گه دولارام بعضاً ال باشه آتوب زولفومی بیردن یولارام منه دشمن وئره گر گویده کی مهپاره لری ساغالار فکر ایلمه قلبیده دیل یاره لری ایستورم اکبر آلان خیرداجا گوشواره لری چون او گوشواره ئورک یاره سینه مرهم اولور قانه ده باتسا گینه اکبریمون عطری گلور خیردا قیزلار گیجه لر رسمیدی بعضاً اویانار یوخی گلمز گوزونه کاسه صبری جالانار اوتورار صبحه جک اولدوزلاری گویلرده سانار منده اولدوز یئرینه بسلیورم غم سسینی سایارام صبحه کیمین قوللاریمون یاره سینی ناقه لر اوسته منی ساخلاماق انصاف دگول یئر تیکانلیقدی گرگ خاریله یولداش اولا گول قوی گزوم پای پیاده بو چولی ، آغلاما گول بو محال امریدی شخصیتیمی غم دئیشه بابا وای دیلده گرک شامه جنازه م یئتیشه سن خیال ائتمه ئورک ملک سلیمانی گزور یا ملکلر دولانان جنت الاعلانی گزور کربلادندی گوزوم منزل ویرانی گزور علتی وار او یئری گورمگه قلبیم تله سر چون بابام قول وئروب شامیده دیداره گله ر یوخ سوزوم ایندی منیم دردیله یا شیونیلن آلتی آیدور یولا یولداشلیق ائدورسن منیلن نچه سوز وار ئورگیمده دئیورم من سنیلن قلبیمون غملرینی سنله گینه بولملیم بئله فکر ائلیورم شامیده من ئولملیم منه ویرانه اگر حشره کیمین اولسا مکان جان وئرن یئرده منیم قبریمی قاز ائتمه فغان سویله سجادیمه وئرسون باشیمون اوسته اذان قویمامیش قبره ، قسم وئرم آخان گوز یاشیوا یارلی پیکریمی عمه دولاندیر باشیوا چک اول اللروی قمچی دگن اللریمه آغلاما یوللارا حسرتله باخان گوزلریمه گلسه غساله یقین غسل ائلمز پیکریمه قالما آواره علاج ائت گل نیلوفریوه کفن آختارما بی بی ، بوک منی ئوز معجریوه یوزومه یئرده کی توپراقی سپن وقته دی وای بو گوزل اوخشامانی وئر هامی عالملره پای یارلی قبره گئدن نازلی رقیم لایلای بو بلاکش بالا یوللاردا چوخ اینجیتدی سنی قویما شرمنده ئولم عمه حلال ایله منی ** بهزاد قاسمی اردبیلی

احوالات حضرت رقیه (س) 🖤🖤 بیر قیز رقیه تک شرر غمده یانمادی دوزدی بلایه کاسه صبری جالانمادی رخت حریرو اطلسه ناز ایلین بالا تپراقلار اوسته بیر گئجه راحت یاتانمادی شامین ملال ومحنتی باشه گلنده گل یاده دوشنده سیل سرکشکیم دایانمادی عرضیم بودور کی زینبی اول گیر وداریده هیچ کیم خانم رقیه کیمین یاندرانمادی تپراقه قویدی گل یوزونی توکدی گوزیاشین توز باسدی زلفونی ولی شانه تاپانمادی آهو یارالانار ولی امکانی وار قاچا اما رقیه شمرین الیندن قاچانمادی (آی دیملی دردی اولانلار آی امیدیلن گلنلر الله بالالاریزی یتیم المسین) سسلردی گون باتاندا بابا هارداقالمسان؟ (گلردی سخلاردی عمه سی زیتبین قولتوقونا عمه شامین قیزلاری منه دل یاراسی ورولار ؛امان دل یاراسنین الینن امان شمادت الینن) سسلردی گون باتاندا بابا هارداقالمسان؟ بیر کس سنون کیمی سفر اوسته یوبانمادی ازبس کی آغلادی باباسن گتدی یانینه (گئجه نین عالمی یزید گوردی خرابه دن آغلاماق سسی گلیر غلامین گوندردی غلام گیت گور بو آغلیان کیمدی ؛غلام گلدی گوردی حسینون بالالاری آغلاشور مخصوصا او اوچ یاشندا بالا اله بی تابی الیر دستور ویردی آپارون یارالی باشی ویرون بلکه آرام اولا یارالی باشی گتیردیلر اما نه حالتده؟ طبقده یارالی باش اورتوگ اوستونده گتیردیلر قویدولار رقیه نین برابرینده اوچ گونویدی بالالار غذا یمه میشدیلر رقیه اله بولدی غذا گلوب دیدی عمه دوزدی آجام عمه سنن طعام ایستمیرم عمه من بابامی ایستیرم روبندی رد اله دی باخدی گوردی آتانین یوزی کوله بلنوب،قانا بلنوب زینب  دیر گوردوم معجرین آلدی الینه یواش یواش گوردوم حسینین گوزونون قانین سیلیرگوزونون کولون سیلیر بیر دفعه گوردوم قولون چرمادی قولوندا قمچینین یرین نشان ویریر) چوخ وروبلار سنی اینن بله کاش ورمویالار بوله لر عالمه سروردی بوباش ورمویالار خیزران بسدی عقلا سنه داش ورمویالار چوخ دویوبدور بابا یولاردامنی شمر دنی بیر دین اولمادی دویمه بوجلایه وطنی چاغرردم اووراندا منی امداده سنی گلمدون داده کوسدوم اودی سندن یارالی (اوقدر اوخشادی آغلادی یارالی باشون اوستونده یارالی باش بیر یانا دوشدی رقیه بیر یانا دوشدی زینب بالانی آلدی قوجاقینه ننم اوخشاری بالام لایلای) دائم قره معجر سالان عمه ون سنه قربان آرامینی غملر آلان عمه ون سنه قربان قارداشسیز اوغولسوز قالان عمه ون سنه قربان (زینب چاغردی امام سجادی امامیم بالا خبر ویر یزیده دئنن ئولدی رقیه) ئپلدی رقیه دهریده هیچ گولمسون یوزون غساله گوندر عمه لریم ئولدورور ئوزون غساله گلدی تا بالانین غسلونی ویره بولمم نه گوردی خسته بدنده یوانمادی هرچند یزیده بئله بیر سوز دیماق اولماز الرده ئولوبدی بوبالا غسل ایلمگ اولماز توکدی سویی غساله ایسلاندی قراتلر باخدوخجا قرازلفه آغلور قره معجرلر (غساله رقیه نی بوکدی بیر قرا معجره بیر ایاق بندین باغلادی باش بندین باغلیاندا زینب یانایانا دیدی غساله دایان) سسلندی خانم زینب غساله الین ساخلا زینب گوزونی اوپسون اونان کفنین باغلا

‍ روضه حضرت علی اصغر(ع) اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم 👇👇

‍ ‍ ‍ سوم محرم شهادت حضرت رقیه (ص) خرابه چراغونه امشب قناری غز۸ل خونه امشب موهام فرش مهمونه امشب دلم خونه امشب بابا نبودی ببینی پر معجرم سوخت بابا نبودی ببینی كه موی سرم سوخت بابانبودی ببینی كه خاكسترم سوخت  نبودی ببینی پرم سوخت خرابه چراغونه امشب، قناری غزل خونه امشب موهام فرش مهمونه امشب دلم خونه امشب لبام دیگه خندونه امشب   ولی چشما گریونه امشب بابام گفته می مومنه امشب دلم خونه امشب بابا نبودی ببینی كه دستام وبستند بابا نبودی ببینی دلم رو شكستند بابا نبودی ببینی چی آُمد سرمن  بابا نبودی ببینی سرم رو شكستند نبودی دلم رو شكستند بابا نبودی ببینی پر معجرم سوخت  بابا نبودی ببینی كه موی سرم سوخت بابانبودی ببینی كه خاكسترم سوخت  نبودی ببینی پرم سوخت خرابه چراغونه امشب،  قناری غزل خونه امشب موهام فرش مهمونه امشب،دلم خونه امشب شب بادو بارونه امشب  پریشونه این خونه امشب دیگه رفتن آسونه امشب  دلم خونه امشب بابا نبودی ببینی رو خارا دویدم  بابانبودی ببینی كه زهرا رو دیدم بابانبودی ببینی كه من چی كشیدم بابا نبودی ببینی دویدم بریدم نبودی ببینی بریدم بابا نبودی ببینی پر معجرم سوخت  بابا نبودی ببینی كه موی سرم سوخت بابانبودی ببینی كه خاكسترم سوخت  نبودی ببینی پرم سوخت خرابه چراغونه امشب، قناری غزل خونه امشب موهام فرش مهمونه امشب دلم خونه امشب 👇👇

  بونه حالدور حسین جان بیله وضع حالت اولماز آنام اوغلی بیر بدنده بو قَدَر جراحت اولماز   نه باشون قالوب بدنده نه لباس و جامه تَنده مگر اللرون کسنده کسن هیچ خجالت اولماز   دیمـرم بـلادن هـرگز اوسانوب بلالی باشون بولورم سالوبدی من‌تک باشا مین خیالی باشون کسیلوب سوسوز جدایه وورولوب یارالی باشون اوخور آیه‌آیه قرآن بیله خوش تلاوت اولماز   وورولوب باشون جدایه بدنون قالوبدی‌یئرده ایـدرم نظاره قانیـاش تؤکرم بو روی زرده بولوسن بو غملو قلبیم نقدر گلوبدی درده داخی بو جهاندا سنسیز منه استراحت اولماز   هانی بس او کهنه کؤینک که گیدنده مندن آلدون منی بـو قضیّـه‌دن چـوخ غم بیشماره سالدون اونی کیم چخارتدی عریان بوگون ایستیسینده قالدون بیله ظلم بی‌نهایت بیله قتل و غارت اولماز   وورولوبدی گر چه دورت‌مین بو یارالو سینوه اوخ پوزولوبدی نقش جسمون بدنونده صاف یرون یوخ ولی قلبوه دگن اوخ اوره‌گیمی یاندورور چوخ سنه آغلاسام اؤلونجه سبب ملالت اولماز   یولی کاش دوشمییدی باجووون بو کارزاره جَسَـدِ شریفــون اعــدا ایلیوبـدی پاره‌پاره نه یوزیله ساربانـون کسوب اللریـن دوباره ندن اللری شل اولماز بیله بیمروّت اولماز   بو یارالو جسمه یاره یئتیشوب ووروبدی هر کس کسیک اللرون فداسی هانی خوردا بارماقون بس سسیمه سبب ندور ای آنام اوغلی ویرموسن سس آنام حقّی ویرمَسَن سس اوره‌گیمده قوّت اولماز   بدنون آلـوب کنــاره اؤپَـرم یـارالاروندان دئمـم آشکار یاره وورولوب هارالاروندان مگر اوزمُوسن علاقون بوگون اوز بالالاروندان داخی کیمسه‌دن برادر اولارا حمایت اولماز   قُشونـون سینـوب برادر اوجا بیرقون باتوبدور آت ایاقی جزو عضوون هامی بیربیره قاتوبدور بو یارالو سینه‌ده اوخ نئجه باش باشا چاتوبدور سنه هر جفانی ایلوب دئدیلر کفایت اولماز   ستـم آتشی بـرادر وورولوب خیامه سنسیز دوشوب عترت غریبون نئجه گور نظامه سنسیز بیزی اهـل شام و کوفه آپارولاّ شامه سنسیز بو قدر جفا و ظلم و ستم و عداوت اولماز   بو حسین عزاسی ذاکر هامی قلبی صاف ایلر هامی درده اشگ چشمون بولوسن کِفاف ایلر اولاریکه ایمدی قبـرین بو شهین طواف ایلر چخادور بهشتی یاددان او صفاده جنّت اولماز   مرحوم ذاکر تبریزی

‍ احوالات حضرت علی اصغر(ع) گل باجی باغریم دوباره غصّه دن قان اولدی گل بیر ایچیم سو اوسته اصغر قانه غلطان اولدی گل اوندا کی هر بیر بلایه من باجی وئردیم بلی ثبت اولوندی اوندا بیر برنامه ی بیع و شرا یوم عاشور اولدی موعد ، وعدگاهیم کربلا اصغریمده اوردا جزء عهد و پیمان اولدی گل زینت طومار اولوب یتمیش ایکی جانباز آدی مرغ روحی وصل یاریله ائدن پرواز آدی گوردیلر تا اوندا وار بیر صود امر سرباز آدی انبیا بیر بیله تشکیلاته حیران اولدی گل کیم دئیر عاشق گرکدور اعتباریندن گئچه کیم دئیر عشق اهلی لازمدور وقاریندن گئچه جان به کف عاشق گرک دار و نداریندن گئچه عشقیمه اصغر غمی عالمده میزان اولدی گل اصغری دینه فدا وئردیم بویوک سود ائله دیم هدیه ی ناچیزیدی تقدیم مقصود ائله دیم باطلی بیر صود امر قانیله نابود ائله دیم چوخلاری اوز ائتدیقی ایشدن پشیمان اولدی گل اوخلاناندا اصغریم اوچ شعبه لی پیکانیله امتحانیم حدّ اکماله یتوب جانانیله تک نه اصغر قونداقی ظلمیله دولدی قانیله یوز گوزیمده آخر اول قانیله الوان اولدی گل بو مبرهن مطلبه اثبات و تفسیر ایسته مز بیر ایچیم سو وئرماقا اوچ شعبه لی تیر ایسته مز صود امر ئولدورماقا اوچ شعبه لی تیر ایسته مز گور نه جرمه مرتکب بو قوم عدوان اولدی گل اوخ دگنده حلقینه گئچدی غمیم اندازه دن گوزلرین آچدی منه بیر باخدی یومدی تازه دن بیله بوللم جانب حقّدن یتن آوازه دن تاپدی آرامش روانِ باغ رضوان اولدی گل دین حق اوسته گئچوب بیر عده باش و جانیدن ائتدیلر عالی حمایت دیندن قرآنیدن بو بالامدا قالمادی اول خدمت شایانیدن آلتی ایلیق وقته گئتدی دینه قربان اولدی گل گر چه اوخلاندی بالام یتدی غم عضما منه وار ولی بیر عمده مطلب گل بیان ایلوم سنه ایتماقا بو دشتیده اتمام حجّت دشمنه اللریم اوستونده اصغر یاخشی عنوان اولدی گل گوسترنده من بو طفلی لشکره بی هوشیدی شوق جام وصل یاریله باجی مدهوشیدی قورتولان بیر شمع تک گر چه بالام خاموشیدی راه عشقه لیک بیر شمع فروزان اولدی گل محنتیم آتدیقجا تکلیفیم آزالدی بیش و کم عهدیمون ایفاسی تکمیل اولدی یتدی هر نه غم اکبر و عباسیم ئولدی ، سرنگون اولدی عَلَم سانما صبریمده منیم بیر ذرّه نقصان اولدی گل بیر زادیم قالموب داخی کام دلم تاپدی حصول گل الیمدن آل بو قونداقی ایا بنت بتول ویر ربابه سویله چوخ غم ایلمه اولما ملول ویردیقون هدیه عجب مقبول جانان اولدی گل ای (( شبیری )) اولما غافل آشکارا یاز سوزی گر چه اصغر دور ولی باب الحوائج دور اوزی بوندا دور عالمده هر درد اهلینون آغلار گوزی وار یادوندا دردیوه لطف ائتدی درمان اولدی گل ** سعید شبیری

زبانحال حضرت رقیه (س) به حضرت زینب (س) در خرابه شام ‍ زبانحال حضرت رقیه (س) به حضرت زینب (س) در خرابه شام بیجا یره آخماز یوزیمه گوز یاشی عمه سندیردی گوگل شیشه سینی غم داشی عمه هیچ من کیمی بیر بختی گونی قاره تاپولماز ایلدن وطنیندن اولان آواره تاپولماز بس هاردا قالوب اکبر مه پاره تاپولماز سالماز باجی نی یاده مگر قارداشی عمه ایلوب بو خیالاتی منی ایله خیالی یاددان چیخادوبدور هامی بیر فکر و خیالی علت اودی ویرانه ده من باشی بلالی ورد ایلمیشم آدینی هر سوز باشی عمه قارداشیم علی مندن ایدوب قطع محبت مدتدی قویوبدور منی دیدارینه حسرت قیلّام گیجه لر کعبه ی روبونده عبادت محراب اطاعتدی منه خم قاشی عمه روحیم قوشی بو شامیده گور عمه سیخیلماز؟ دیلدن علی اکبر غمی بیر لحظه چیخیلماز بیر بیله غم و درد و مصیبتله یخیلماز؟ بیر طفل صغیرین که اولا اوچ یاشی عمه یوللاردا منیم عمریمون عمه گولی صولدی گول تک ایاقیم خار مغیلانیله دولدی از بس که پیادیدیم ایاقیم قبار اولدی آهو کیمی گزدیم هامی داغ و داشی عمه عاجز له میشم سیرده من صبر یولومدان آچماز رسن ظلمی ندن شمر قولومدان گوز یاشیم آخار عارضیمه ساق و صولومدان دریا کیمی غرق ایتدی منی گوز یاشی عمه عمه علی اکبر آدی دیلده ئولورم من ویر غسلیمی اشکیله دویونجا ایله شیون قوی قبره بو اگنیمده اولان کوینگیلن سن یاز اکبر آدین قبریمه قوی باش داشی عمه بیرق من ئولندن صورا وور سر حد صبره دوندرمه گوزون یاشینی چوخ بارش ابره سال اصغریمون اؤنّوگینی شال ایله قبره حشره کیمی اولسون منه غم یولداشی عمه تحصیل ایلدیم دفتر عشقین هامی سطرین دود دیلیمون آچدیم اودور باشیمه چترین فکریم بودور اؤنّوکدن آلام اصغرین عطرین مدهوش ایلیه عطری من کولباشی عمه بو بس دگی تبدیل اولونوب ذلّته جاهیم طعن ایلوری شام اهلی منه وار نه گناهیم یاندورسا اگر وار یری بو شعله ی آهیم غم آتشینه هم قورونی هم یاشی عمه بیز ایلمیشوخ (( نجمی نی )) بو نوحیه ارشاد چوخ ضیقدی چون قافیه ایتدوق اونا امداد باخسا بوله جاقدور نه چکوب شاعر استاد اما نه بولور زحمتینی هر ناشی ، عمه ** مرحوم یوسف نجمی تبریزی

 زبانحال حضرت زهرا (س) در تنور خولی بو تنور ایچره سنی کیم قویوب عطشان یارالی آناوین جانی اولا باشووه قربان یارالی سنی من بسلمیشم گوللرین اوستونده حسین قویموشام دائمی سنبللرین اوستونده حسین کیم قویوبدور باشووی کوللرین اوستونده حسین ایدرم من بو سببدن سنه افغان یارالی هر یئره گیتسن اوغول منده مسلّم گلرم بو خسوفه یتوشن گوزلره ناله ایلرم کول دولان گوزلریوی معجریمیله سیلرم میزبان ایوده تنور ایچردی مهمان یارالی نه روا خولی ایده بیر بیله طغیان باشووا کنج مطبخده ویره ظلمیله اسکان باشووا یری وار دائم ایدم ناله و افغان باشووا آناوی دردون ایدوب چوللری ویلان یارالی نقدر اهل جفا کج روشنده چالشور یارالی باشووه باخدوقجا وجودیم آلشور قان دولان گوزلرون آچ فاطمه سنلن دانشور نقدر کوفه لیلر ایلدی عصیان یارالی گزموشم چوللری من کرب و بلادن گلورم بیر یانان خیمه ده کی آه و نوادن گلورم قتلگاهونده حسین قانلی منادن گلورم پیکرون اولموشیدی ظلمیله شان شان یارالی نعشون اوستونده اوغول آهیله دل داغلاموشام یوزیمه گوز یاشیمی شیونیله باغلاموشام اوخشیوب پیکروی نوحه دئیوب آغلاموشام گوزون آچ باخ آناوا ای سر بی جان یارالی قوی حسینیم سنه من آه و نوادن دانشوم یارالی پیکروه آیری جفادن دانشوم ساربان ظلم ایلین تازه یارادن دانشوم تپراقا جاری اولوردی تازا بیر قان یارالی بیر یانان خیمه ده قورموشدی باجون بزم عزا دوره سین آلموشیدى سلسله ی آل عبا اوجالوردی گویه اول خیمه ده فریاد و نوا زینبون اولموشیدی اوردا نواخوان یارالی یا حسین منده سنه عاشق پر تاب و تبم کمترین شاعرم و نوحه گر حق طلبم من (( بیضائیه )) لطف ایله که شیعه نسبم سن سن ای روح ولا دیللره سلطان یارالی ** حاج اکبر بیضائی بنابی

مدح حضرت رقیه(س) رقیه مثل گل اولماز جهاندا تکدی رقیه بهار عاطفه دی نوحیه نمکدی رقیه جمالی آی اورگی صاف وساده روحی منزه نه عرض ایدیم سیزه هر هیسیدن ملکدی رقیه آدیندا توأم اولوبدی نگار و مهر وملاحت بو اوچ صفاتیده بیر حس مشترکدی رقیه قاچوب تیکانلارون اوسته بلایه ورمادی زانو حریف نامی و دیرینه فلکدی رقیه دل آچماموش اونا زینب ویروبدی درس حجابی حیا باغندا شکوفا اولان چیچکدی رقیه ئولونجه آغلامادی اکبره گلایه لی ئولدی اودور بهشته ده گیتسه قرا لچکدی رقیه وداعده گوزلری چشمان باغبانه دوشنده اورکده بذر امید و نثاری اکدی رقیه یوزونده اشکی آخاندا حسینون عکسینی چکدی او عکسی زجر الی پوزدی دوباره چکدی رقیه اوقدر شامه کیمین قولاروندا یاسمن آچدی یازیلدی مرقدینه وارث فدکدی رقیه جهاندا هر اثرین ویژه بیر زرافتی اولدی کتاب مرثیه نینده رقیه زینتی اولدی تولدونده بولوندی جهان رقیه سیز اولماز فروغ و روشنی خانمان رقیه سیز اولماز صفا ویروبدی آدی مجلس عزای حسینه عروج معنوی نوحه خوان رقیه سیز اولماز فقط مقامینی آختارما یرده دون گویه بیر باخ ستاره لرده دیور آسمان رقیه سیز اولماز مدینه دن چخالی دوتدی دامنین دیدی صغرا بابا آپارما گلی گلستان رقیه سیز اولماز باجیمدی ویرسون اجازه گوز اوسته ساخلیارام من قسم شرافتیوه آشیان رقیه سیز اولماز بویوردی شاه شهیدان سوزون گوزلدی عزیزیم فقط نه باغ و گلستان جنان رقیه سیز اولماز رقیه رحمت حقدی رقیه با برکتدی زمین رقیه سیز اولماز زمان رقیه سیز اولماز ولیک یازمیشام ازل من عهدنامه عشقی ورقلین گورجاخ داستان رقیه سیز اولماز شکوه و حکمتیلن هی باخوب بو یولارا گوردوم منای عشقه گیدن کاروان رقیه سیز اولماز بالاجا الره باخما یرینده پرچمی ساخلار حماسه شهدا جاودان رقیه سیز اولماز

‍ ‍ سینه زنی حضرت ابوالفضل(ع) زینبیـم گـل عـلمـداریـم ئولدی با شهامت سپهــداریـم ئولدی منتظر قالماسون شیرخواریـم قهــرمـان وفـاداریـم ئولدی هم صاقیندان گئچیب هم صولوندان دونمویبدور ولی حق یوْلۇندان سینه‌سی اۆسته پرچم اسیردی قان سوزوردی یئره هر قوْلۇندان زینبیم گل علمداریم ئولدی قان بۇ غمده گرک قلبه دوْلسۇن وار یئری گل گلستاندا سوْلسۇن خئیمه‌سینین یاتێردێن ستونین قارداشێم ئولدی باشۇن ساغ اوْلسۇن زینبیم گل علمداریم ئولدی با شهامت سپهداریم ئولدی یاندرور قلبیمی اوخ سوزوندن ماجراسین ائشیتدیم ئوزوندن گوئیا تلّه ساری باخێرمێش اوْخ دیوب  ناگهان صاق گؤزۆندن زینبیم گل علمداریم ئولدی سینه‌سی یاره‌لی باش یارالێ ایلیوب آننی داش یارالێ حقّی وار ئولمگه گؤرسه قارداش جان وئریر تئشنه قارداش یارالێ زینبیم گل علمداریم ئولدی اوْخ دگیبدیر اوْلۇب مشگی پاره مشگینه آغلئیور گؤزده یاره غیرته باخ اوْ حالتده گؤردۆم آختارور اصغره راه چاره زینبیم گل علمداریم ئولدی گؤردۆم آغلور دیور  جان رقیّه قاره گوز غملی جیران رقیه گئت ربابه دینن باغلا قاره اصغره یوْخدی درمان رقیّه زینبیم گل علمداریم ئولدی پرچمین ساخلیوب سینه اوسته گوئیا گۆل دریب دسته دسته گورجگین ایسته‌دی قالخا یئرد‌ن پیکری یاره‌لی خسته خسته زینبیم گل علمداریم ئولدی یات دئدیم یات ادبلی وزیریم یات شرافتلی غیرتلی شیریم نیلورم  گۆنده باتسا باتبدور باتدێ علقمده ماه مُنیریم زینبیم گل علمداریم ئولدی با شهامت سپهداریم ئولدی 👇👇