#اربعین یکی مادرش را با ماشین می‌برد خانه سالمندان که به آرزوهای خودش برسد... یکی مادرش را پای پیاده بر دوشش می‌برد... تا به آرزویش برساند!

🥀شب جمعه است هوایت نکنم میمیرم 🥀 🥀صلی‌الله‌علیک‌یااباعبدالله‌الحسین 🥀 شب جمعه است هوایت نکنم می میرم یادی از صحن و سرایت نکنم می میرم ناله و شکوه حرام است بر عشاق ولی از فراق تو شکایت نکنم می میرم سجده برخاک شما سیره ی هر معصومی است سجده بر تربت پاکت نکنم می میرم 🥀اللهم‌عجل‌لولیک‌الفرج🥀

ساقیا بیرجام وئر اولسون عنایت دن دولی دل یانیر خوشدور اولا پیمانه شربت دن دولی بیر نئچه مدت دی کی هجران اودیلا یانمیشام آهیم اوج ائیلور سمایه سینه محنت دن دولی اولسا گر ممکن یازام اوز بختیمه بیر نامه من گوزیاشیلا یوللارام اما شکایت دن دولی یاریمیله وار ازلدن عهد و پیمانیم منیم اولموشام دیدارینه مشتاق همت دن دولی یاریمین واردور آدیندا بیر مقدس جذبه سی گوزلری افسون ائدیر خلقی ملاحت دن دولی هر نه حکم ائتسه منه اجراسی واجب دور بلی اولسا گر اجراسی حتی رنج و زحمت دن دولی اربعینه آزقالیر یارب اوزون قیل بیر نظر گویلوم اولموش بیر نئچه گوندور که حسرت دن دولی بو بلانی قورتار الله جانه گلدوخ رحم ائله ائیله دنیانی خدا سِلم و سلامت دن دولی روسیاهم بی پناهم رحم قیل شرمنده یم نامه اعمالیم اولموش جرم و غفلت دن دولی هر کیم اولسام ، هر نه اولسامدا حسینه عاشقم آند اولا عشقه اولوب عشقیم صداقتدن دولی تشنه یم آب فراته بیر نولار دعوت گله چرپنیر قوش تک اورک عشق و محبت دن دولی بیر نولار اولسام پیاده کربلانین زاییری هر طرف اولسون گوروم سیل جماعت دن دولی کربلا جنت دی عشاقه بونی عالم بیلور گورمه سم یانام اولار قلبیم جراحت دن دولی دفتر عشق و صفادور کربلانین یوللاری کلمه کلمه، جمله جمله، پند و حکمت دن دولی مسجد کوفه دوشور یاده واریدیق بیر گونی گون قبافینده، اورک، شوق عبادت دن دولی مسجد حنانه ده، قیلسام جماعتله نماز نامه اعمالیمی ائیلر شفاعت دن دولی کربلا گر قسمتیم اولسا سورونم شوقیدن عاشقانه آغلارام گوزلر رضایت دن دولی حضرت عباس صحنین ده گر آلسام دستماز مشکی ساللام یاده که اولدی خجالت دن دولی ببرده گورسم آلتی گوشه قبره مهمان اولموشام سجده شکر ائیلرم شور ولایت دن دولی الله الله سن حسینین خاطری احسان ائله بیر ده اولسون کربلا شور قیامت دن دولی کربلا بازارینه دوشسه یولوم نذر ائتمیشم ائیلییم سوغاتیمی مهریله تربت دن دولی بیر نولار یولدا قابار چالسا ایاقیم اینجسه شامی سالام یادیمه اولام حکایت دن دولی بیلمیرم بو داغی قلبیمده نئجه پنهان ائدیم اولموشام مدهوش جان، جانیم حلاوتدن دولی # مدهوش #هوشمند

❣️حضرت رقیه(س)❣️ پدر آمد دل شب گوشه ویرانه به خوابم ریخت از دیده بسی بر ورق چهره گلابم گفت رویت ز چه نیلی شده زهرای سه ساله مگر از باغ فدک بوده به دست تو قباله 🏴شهادت حضرت رقیه خاتون (س) بر همه شیعیان تسلیت و تعزیت باد. 🍃🖤🍃

#بهترین‌ارباب🖤 من همان رانده شده از در غِیرم ارباب! نیست غیر از تو مرا هیچ خریدار حسین... #شبتون‌کربلاییـــــــــــــــــــ🌙

امام حسین(علیه‌السلام): ✅ بپرهیز از انجام کارهایی که نیاز به عذرخواهی دارد؛ زیرا مؤمن کار بد انجام نمی‌دهد و به عذرخواهی هم نیاز پیدا نمی‌کند امّا منافق همواره بدی می‌کند و عذر می‌خواهد.(بحارالانوار، ج 75، ص 120)

رقییّم باشیم بلالی اولدی آرخام ائلیم مندن آرالی اولدی آینا کیمی سئندیم قضا داشیندان درد الیندن قلبیم یارالی اولدی اوچ ایل منه بهار اولدی یاز اولدی آییم گونوم نعمت اولدی ناز اولدی ارث آپاردوم دردی بُیوک ننمدن نازلی گونوم گُلَش یوزوم آز اولدی خانملقیم کربلاده یوخ اولدی منیم غمیم نَنَمدَندَه چوخ اولدی ئوز بی بیمه دینمدیم دردیمی نسگللریم قلبیمه بیر اوخ اولدی من بیر قیزام شیرین شیرین سوزوم وار کمان قاشیم شَوه کیمی گوزوم وار اوچ ایل کئچوب هله تَوّلدومدن منده نجه دوگولمگه دوزوم وار من بیر قیزام عزیزِیدیم ائللره آدیم سانیم ازبریدی دیللره یالان اولدی آیدین گونوم جفادن آتام ئولدی دوشدی یاخام اللره من بیر قیزام زمانه ساتدی منی قزل گول تک غملر سارالتدی منی ساربانلار قوللاریمی باغلادی سویقونچلار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمدان آدامسیزام یاره می باغلیان یوخ من بیر قیزام دردیمی یوخدور بیلن غصه توزین قرا تِلیمدن سیلن ئولسم اگر بو  وحشتلی دمنده  کیم غسل ایدر منه کیم ایلر کفن من بیر قیزام آتدی منی ائللریم غم دیزیمیده داراخلانوب اللریم گوز اولومشام گوزدن بیله دوشمشم آلتی آیدور دارنمیوب تللریم سو آخماسا چمن لاله بترمز قورد اولماسا قویون سوری ایترمز اوچی قوان مارال کیمی ایتمیشم هیچ کیم منی ائللریمه یترمز قلبیم کیمی داغلار باشی دوماندی  گوزلریمده حسرت سرشکی قاندی سنّیم اوشاق نابلدم یولارا شامون یولون تاپانمورام هایاندی سید تقی سیفی اردبیلیm

🍂 حالات حضرت رقیه(س) 🍂 ویرانهء شامون دوتولان ماهی رقیه شیرین دیلیله  سسلین  اللهی  رقیه آخشاملار اونا سیر زمانه یوباناردی هر لحظه نی بیر ایل غم اَیّامه ساناردی صبحون قوشی تک صبح زمانی اویاناردی اَل سینه ده ویرانه قباقینده دوراردی قاره یل اَسوب تِللرینه شانه وراردی هردَم گجه نون عالمی آهسته دوراردی زینبله وئروب باش باشا غم بزمی قوراردی غملی سینه سین آه یتیمانه یوراردی قاره یره گوزلردن آخان یاشی اَلردی اولدوزلار اُرا اصغری گویلرده گزردی ویرانه ی شامی دئدی دیلدن دیله سالّام ویرانه قباقینده دوروب گوز یولا قالّام گون باتسا گنه رشته ی زلفی اَله آلّام یوخ شامیده احوالیمی بیر درک ائدن الله غُربتده آدامسیز ئولورم یوخ کفن الله تشبیهم آنام فاطمیه درد و مِحنده ویرانه ده من آغلادیم او بیتُ الحَزنده ثانی گوزومه گورسنوری شمری گورنده گوز یاشیمی معناده آنام فاطمه سیلدی نیلی یوزومون دردینی نیلی یوزی بیلدی زهرا نَنمون نسگیلینی ایلدیم اَظهر یول یول گوگرن جسمیم اونون جسمینه بَنزر بیت الحزنی مسکن اگرائتدی او اَطهر ویرانه منیم هر گجه بیت الحزنیمدی ئولسمده بو اگنیمده کی کوینک کفنیمدی (نادر)گوزی یولاردا رقیه آلیشاردی روحی قفس جسمیده دائم چالیشاردی آغلاردی کچن گونلرینه گه دانیشاردی رخسارین ئوپردی گجه لر خاک خرابه گویا که قزیل گل سپه لنمیشدی ترابه 🍁🍁🍁🍁🍁🍁 🩸زبانحال حضرت زینب(س)-خرابه🩸 بوخرابه گوشه سینده باغریقان ئولدی رقیه گئتدی زهرایه گجیله میهمان  ئولدی  رقیه بوگجه ویرانسراده بیرگوزل مَه پاره  ئولدی اکبرین دوتدی سراغین ائتمدیم بیرچاره ئولدی من خجل قالدیم اوقیزدان تاپمادیم گوشواره ئولدی غملراوستن غم گلوبدور بیکران ،ئولدی رقیه کثرت غمدن اولوبدورکاسهء صبری لبالب سوندی آخرشمع عمری بوقرانلوقدا دلشب آشنایوخدورقالوبدور اللری قوینوندا زینب قوی دیوم بو شامیانه  شامیان ئولدی رقیه مهوشی رنگی دولاندی گل سیاقی اولدی سولقون صورتی بیرآیه بنزر هالهء  غملرده دوتقون یات دئدیم آرام جانیم سنده یورقون منده یورقون بوبلالی عمه سیندن ناگران  ئولدی  رقیم  آغ کفن یوخدورسوزوم یوخ واردی اَگنینده قراسی یاسلیا آخرکفندور گیدیگی  قاره  لباسی دینجلوب یاتدی مارالیم دای ائشیتمزدیل یاراسی شامون اهلیندن گلیلی بیگمان ئولدی رقیه شمر دون غیظیله وردی بوقزا یولاردا سیلی بیلمدی آخر یتیمون حی داوردور کفیلی گئتدی زهراتک مزاره قولّاری رخساری نیلی قمچی آثارین آپاردی ارمغان ئولدی رقیه 🍂🍁🍂🍁🍂🍁🍂🍁🍂 🌴زبانحال در خرابه 🌴 خرابه ده   رقیه جان سن آغلادون من آغلادیم نَنَم باخیش باخان زمان سن آغلادون من آغلادیم چَکنده آهی سینَه دن شرار غمدی هِی شاخور دولاندا قاره گوزلرون گُل اوسته شَبنَمی آخور بِله خیالیمه گَلَر جوان ئولَن نَنَم باخور اولاندا خاطرات عیان سن آغلادون من آغلادیم ئولونجه آغلاسام اگر روادی تَک بو نِسگیله دئدون بی بی هاچان گَلَر بابام خرابه مَنزله او توزلی تِللره باخوب دئدیم بیرآزدا صبر ائله دئدون که عمره یوخ گمان سن آغلادون من آغلادیم هامی یاتان زمانیده آچاندا اَل دعایه سن گلوبدی نالووِین سسی یاواش یاواش او گوشه دن تمام غملرون اولوب دِیَنده بو سوزی عَلن دِئدون اَجل هایانداسان سن آغلادون من آغلادیم بی بون فدا او گوزلره دانیش منیله آی قیزوم گِئدک مدینه شهرینه سنیله واردی چوخ سوزوم سَحر ستاره سی کیمی آماندی باتما اولدوزوم گجه نی صبحه تَک اینان سن آغلادون من آغلادیم وَطنده غم شَراره سی چَکر زبانه آغلارام خرابه خاطراتیمیز اولار فَسانه آغلارام بو قاره تِللره بالا وِراندا شانه آغلارام اَسنده صَرصَر خزان سن آغلادون من آغلادیم وار اوخشارون او جیرانا قَیالاری گَزر گِئدر یوروبدی اوچیلار اونی زمانه دن کوسَر گِئدر بو دَهرین اولمیش عادتی که گُللَری اَزر گِئدر اِئدنده دردووِی بیان سن آغلادون من آغلادیم حسین عزیزمصطفی دیار عشقه شهریار وار حاجتی بو نوکرین گلوبدی دَرگهون چالار او (نادرم) که تاپمیشام سنون آدونلا افتخار یازاندا نوحه باغریقان سن آغلادون من آغلادیم