نوحه اربعین از زبان خانم زینب فی البداهه نوشته شده در تاریخ ۱۴۰۳/۵/۳۱ ساعت ۲۳/۲۸ التماس دعا دارم بقلم ابراهیم تون خوش قلم میاندوآبی به سبک بزم عزاده گیمیشم _ قاره یاعباس .... رقیه نازلی صورتون _ قویما دیواره و یا ممد نبودی ببینی..... 🌹🌹🌹🌹🌹🌹🌹🌹🌹🌹🌹🌹🌹🌹 گلدیم سنون دیدارووه  _ دور حسین قارداش خوش گلدین ائت زوّارووه  _ دور حسین قارداش گلمیشم _ دلغمین           تا دوتام _ اربعین قرخ گوندی دلخسته باجون  _ دلکباب آغلار جنتده پوزقون حالیمه  _ بو تراب آغلار من سسلینده اصغریم  _ وای رباب آغلار آغلار سنون دلدارووه  _ دور حسین قارداش گلمیشم _ دلغمین           تا دوتام _ اربعین قرخ گوندی قلبِ عالمی _ داغلارام قارداش قلبیم سینیبدور غصَّه دن _ آغلارام قارداش مرهم گتوردیم یارووی _ باغلارام قارداش قربان او سای سیز یارووه _ دور حسین قارداش گلمیشم _ دلغمین تا دوتام _ اربعین قبرون نه پوزقوندور سنون  _ وای حسینیم وای گتدیم گوزل پیراهنون _ وای حسینیم وای کرب و بلادور گلشنون _ وای حسینیم وای قربان اولوم گلزارووه _ دور حسین قارداش گلمیشم _ دلغمین         تا دوتام _ اربعین دشمن ائدن معصِیّتون  _ حدِّینه بیر باخ بو دلغمینون خم اولان  _ قدِّینه بیر باخ قارداش قولومدا خیزران  _ رَدِّینه بیر باخ باخ خسته جان سردارووه  _ دور حسین قارداش گلمیشم _ دلغمین           تا دوتام _ اربعین التماس دعا

ای که آمال همه منتظرانی بازآ... شيعيان در غم هجر تو به حالی زارند... حسرت ديدن رويت به دل ما مگذار... زود بازآ که همه منتظر دلدارند... ❣اَللَهُمَ عَجِل عَلی ظُهورک یا اباصالح المهدی عج ❣

نوحه شاخصی اربعین به قلم کربلایی صابر ثمودی 🏴🏴.......................................🏴🏴 آه ای روحه صفا..شاه کرب و بلا سس وئر زینب نالانه گلدیم دیلده نوا.دور ای کان وفا باخ بو دیده سی گریانه سوز آهمیلن یاندیروب یاخدیم کل دنیانی لطف ائله قارداش گل دیله دیندیر بو پریشانی قارداشیم لایلای قارداشیم لایلای 🏴🏴..............................................🏴🏴 گلدیم باشدا قرا..قارداش قولدا یارا باخ بو حال پریشانه دور ای دینه فدا.. شمع ِ عشق و وفا زینب دور سنه پروانه قبروون اوسته سینمی گلدیم داغلیام قارداش دولموشام غمدن محنتونده من آغلیام قارداش قارداشیم لایلای قارداشیم لایلای 🏴🏴.............................................🏴🏴 سن سن عالمه نور ..سالدون قلبیمه شور قارداش منه سنه زوّارم کان مهر و سخا آدون درده دوا قارداش من سنه بیمارم زینبین واردی دردینون الان سنده درمانی دردیمه درمان ایله قارداشیم سن آنام جانی قارداشیم لایلای قارداشیم لایلای 🏴🏴..............................🏴🏴 الده قاره علم..باشدا لشکر غم قارداش منه سنه مهمانم گتدیم عترتیوی قانلی کوینگووی قارداش دیده سی گریانم زینبم قارداش بار محنتدن قامتیم خمدی قیزلارون گتدیم هامسون یکسر بیر قیزون کمدی قارداشیم لایلای قارداشیم لایلای 🏴🏴🏴🏴🏴🏴🏴🏴🏴🏴

#یا_ابا_صالح_مددی # فراقینده گوزوم یاشی دونوب عمانه یامهدی توان و طاقتیم یوخدورداخی هجرانه یامهدی گرفتار غم و دردم تاپیلمور دردیمه چاره عنایت ایله سن مولا من نالانه یا مهدی فغان و نالم اوج ایلور گیچور عرش معلادن گلور بیرجه امیدیم سن کیمی سلطانه یامهدی گناهیم باعث اولموش تا ظهورون دوشدی تاخیره آنان جانی اوزون یالوار حق منانه یامهدی الیم بوشدور عملدن وارامیدیم سنکیمی شاهه اوزون ائتسن نظر لطفاً، دولار پیمانه یامهدی شرار عشقه یانماق نوش دور عشاقه دنیاده جمالون شمع دور بیزده اونا پروانه یامهدی ترحم قیل گدای دردمندم لطفووه محتاج گدادن ائت اوزون"دلجو"یی شاهانه یامهدی #بداهه #دلجو

نچه ایلدی قاپوندا حسین جان،نوا ائدورم      سنون آدونلا ئورک دردینه دوا ائدورم   صفالی هیئتوین ازلیندن آخرینه      حسین حسینیله بوبزمی باصفاائدورم ننم ائله بویودوب ذکر یاحسینیله      اوشاقلیقمدان ائله ذکر کربلا ائدورم   باشیم ائله قیزیشور موسم وصالونده  که عشق وعقل یئرین گاهی جابجا ائدورم نه یاخشی بو یولا گلدیم نام جاودان تاپدیم   حسینچی اولماقیما تانریمی دعا ائدورم دوشنده یادیمه سقافراتی چخدی سوسوز    ایچنده سو اوتانیب نفسیدن حیا ائدورم مین ایلدن آرتیق اولاربیرنفر تاپانمامیشام    که هرنه وار دییه قارداش سنه فدا ائدورم

حسین مجالسی عشق اهلینه صفایریدی چمنده بلبل شوریدیه نوا یریدی بویرده شهپرآچار جبرئیل روح الامین بویرمکان صفا شاه لافتی یریدی پیمبران اولوالعزم گللره  تسلیته مقربین خداوند لایرا. یریدی دره ورودیده عباس تک نگهبان وار بویرشرفلیدی چون خیره النسا یریدی گیدنده  بزم غمه ایت گیلن وضوتجدید بویرحرمدی سنه مرکز دعا یریدی ادبلی اول که ادبدی علائم ایمان ادبلیه شه دین درگهی عطا یریدی مجالیسه گلنه چوخلی احترام ایله گلنلرین الین اوپ چون بویر وفایریدی مبادسیندیراسان بوردابیرکسین قلبین شکسته دل بولوسن ذات کبریا یریدی شکسته اول که بوتونلوق شکسته لیقداندی جهانه موعظه دی جای مطلقا یریدی منیت اوسته اوابلیسی تردایدوبدی خدا بویوردی گیت بویریم جای آشنا یریدی وزیرجنگیده اولسان غروریوی سیندیر دیارجنگ دگل مجلس. عزا یریدی حسینه عاشق اولانلارحسینه ننگ اولماز مگرعزای خسین قدرت و نما یریدی حسینه عاشق اولان بیرکسه دیمز بهتان مگرمحافل غم جای افترا یریدی حسین نوحه سی اولماز ترانه شگلینده ترانه نین یری واردی دیمه غنا یریدی حبیبی گوردی اومردشریف رویاده دیدی سنون بومکانون عجب صفا یریدی دوباردن دیدی هیچ واردی آرزون آیا دیدی نیه دیلیمه چوخ یاتان نوا یریدی ایشیت اینان بوسوزی سن حبیب داوردن بهشت عدنیدن آرتوخ منه عزا یریدی کونول چوخ ایستوری امامنیم الیم چاتمور یولوم اوزاقدی دیاریم اوکربلا یریدی گلنده قتلگه ایچره علی قیزی زینب گوروب حسین بدنی سربسر یارا یریدی تاپانداقارداشینی قتلگاهده زینب دیدی حسین باجون اولسون عجب نوا یریدی مریضووم منی دیندیر سنی آنام زهرا مریض عشقه حسینیم بویر دوا یریدی

العجل ای امید جهان گل العجل ای امید جهان گل یوسف فاطمه هارداسان گل گوزلریم یولدا قالدی اماندی الامان یا امام زمان گل الامان یا امام زمان گل شیعه توش اولدی موج بلایه ظلم اولور بس که اهل ولایه ایمروغ باش بیز اهل نفاقه  اقتدا اتمیشوک کربلایه اقتدا اتمیشوک کربلایه ظلم و جوری جهانه دایانما شمعی تک درد هجرانه یانما گوز یاشی باخدی عزت قازاندی شکر اوله درگهونده قوجالدیم شکر اوله درگهونده قوجالدیم بیر نظر ایله زهرا بالاسی باشدا وار کربلا هواسی  باشدا وار کربلا هواسی  کیم دییر شام ظلمه سحر یوخ فاطمه یوسفی نن خبر یوخ اربعین کربلاده دییدوخ ای قلم سوزلرینده اثر یوخ ای قلم سوزلرینده اثر یوخ

اربعین حسینی دور ای حق اوسته عطشان قانینه غلطان اولان قاردارش گلوب دیر  اربعینه  اهلبیتین   باغریقان     قارداش خبر وئر اکبر و عباسه  تا پیشوازه گلسین لر اوزاق یولدان گلیر احرام عشقه کاروان قارداش نقدری چکمیشم بو عرشه بنذر قبریوه حسرت نقدری  ائتمیشم هجرونده نی  مثلی  فغان قارداش بو مدتده اورک تیر غمه هر گون  نشان اولدی خوشام الان نصیبیم اولدی بو دارالامان قارداش باجون قربان اولا ششگوشه قبره دور منی  دیندیر نه لر باشیم چکیب تا ائیلییوم بیر بیر بیان قارداش شهید اولدون سوسوز چیخماز یادیمدان روزعاشورا گرک ایندی سپم قبر اوستونه  اشک روان قارداش منیم هر سمته  باخدوقجا  یانیر قلبیم  آخیر اشکیم وئرور ذهنمیده کئچمیش خاطراتیم ایمدی سان قارداش مگر یاتدان چیخار بیر آن منیم طوفان عاشورا مگر تکرار اولار بیرده  ائله بیر داستان قارداش قفادن  باشیوی شمر ستمگر کسدی مقتلده باخیب یاندیم  منه چاره یوخیدی مهربان  قارداش شهید ائتدی سنی بو چولده بی ایمان  مسلمانلار بودرده آغلارام یاننام  نقدری وار دی جان قارداش گئدنده شامه گوردوم پیکرین توپراق لار اوستونده نه بیر اوروتوک واریدی جسمیوه نه سایبان قارداش قانادسیز  قوشلارین شاماتیدن آزاد اولوب گلدی اولوبلار  قبریوین اوسته نئجه گور نغمه خوان  قارداش گوز آچ ای یاره لی بو دلشکسته قیزلاری دیندیر یاخین دیر قبرین اوستونده اولا محشر عیان  قارداش گتیردیم اهلبیتین کوفه و شاماتیدن یکسر اگر چه قدیم اولدی بار محنت دن کمان قارداش قیتدیم شامیدن عزتله اما  داغلی دی  قلبیم رقیم ائیله دی شام خراب ایچره مکان قارداش نقدری سسلدیم سس وئرمدی بیر دفعه لیک یاتدی دوشوب جاندان بو بیکسدن  آلیب تاب و توان قارداش رقیه م گلمه دی  ویرانسراده خسته جان ویردی سفیر دولتین اولدی او دخت خوش بیان قارداش دیار شامه گتدیم حقی احیا ائیله دیم  گلدیم قوجالدیم غصه و غمدن دگیل زینب همان قارداش اثاث غارتی آلدیم  برادر  قان  توکن لردن سنون ده کوینگین آلدیم گتوردوم ارمغان قارداش چالیشدیم نهضتین ترویج وئردیم اهل دنیایه قالار تا روز محشر بو قیامین جاودان قارداش بیزی یاندیردی شام  و کوفه اهلی دیل یاراسیندان امان قارداش شماتت دن ، شماتت دن امان قارداش خیال ائیلیوردی  دشمن لر حسین ئولدی تمام اولدی بونی بیلموردی سونمز  نور حق تا وار جهان قارداش ندور علت دوشوب سندن اوزاق عباسیمین قبری سو قولیندن خجل دور اولمیا اول قهرمان قارداش علمدارین ندن   قبری بو اندازه کچیک اولدی نه نوعی خردا قبر ایچره یاتار بیر پهلوان قارداش علی اصغری وئر بیر آناسی آلسین آغوشه ربابین آز قالیر اولسون گل عمری تالان قارداش خبر وئر بیر منه سینونده کی پیکان یاراسیندان کسیلدی قانی یا اینکه وئریر الان دا قان قارداش نظیری یوخ بو گوللر کی سنین اطرافیوب آلمیش جهان تا واردی اولماز بیرده بیله گلستان  قارداش قلم یازدوقجا محنتدن توکر گوزیاشینی  مدهوش اوزون لطف ایله دفترده آدین یاز نوحه خوان  قارداش شاعر : محمد