بنام خدا پندیات در مقام بی وفائی دنیا "" "" "" " گینه پنج شنبه گلدی اورک لر پارچالاندی گئدنلریاده دوشدی غم اوسته غم قالاندی بوتون قبرستان اهلین سراسر یاده سال دوخ بونی بیلدوخ بو دونیا یالانداندا یالاندی فلک چوخ داش اورکدی یوخ اوندا ذره انصاف تامام دارو نداری فلک اُلدن آلاندی بشر سیندیر غروری قوجا یا گر جاوان سان خیال ائتمه کی بیر کس بو دنیاده قالاندی بو دنیا بیر بولاخ دی بیری دویموب سویون دان گلر بیر گون گوررسن دوری چشمه بولاندی اوگون یوخ قاچماغا یول و یا کی راه چاره گوررسن اوندا بیر آن نئجه گوزلر سولاندی اودم یوخ وقت جبران داخی سون لحظه لردی تازا اوندا بیلرسن بوتون گول لر سولاندی دیری واختوندا فاخر آمان دی غفلت ائتمه بونی بیل غافل اولسون ایکی دونیان تالاندی نه خوش نظمه چکوبدی بونی استاد دوران بشردن بو جهاندا فقط بیر آد قالاندی ✍مسلم فرتوت( فاخر) «برای سلامتی بازماندگان و شادی روح درگذشتگان صلوات نثار کنید» اللهم صل علی محمد و آل محمد و عجل الفرجهم 🌹🌹 ✨اَللّهُمَّ عَجِّل لِوَلیِّکَ الفَرَج✨

حضرت فاطمه(س) نور مطلق سؤال ایتدیم بیر عده اهل علم و اهل منبردن مقام دخت طاها حضرت زهرای اطهردن دیدیلر علت ایجاد عالم نور مطلق دور هامی خلقتدن اوّل خلق اولوب حتی پیمبردن ایدوبلر صحبتی طولانی اخبار و احادیثدن خصوصاً سورۀ توحید و یاسین، نور و کوثردن مقام و منزلتده فاطمه بیر شمع دور روشن خموش اولسا خبر قالماز نه یرلردن نه گوگلردن فلکلر محو اولار زیر و زبر کون و مکان یکسر تزلزل باشلانار طوفان قوپار غوغا ملکلردن عموم کهکشانلار سیر ایدور نظم و نظامیلن ایدوللر پیروی هر تک تکی اول ماه انوردن شموس عالمینین نوری هیچ دور اولماسا زهرا الیمده معتبر بیر مدرکیم وار حی داوردن کسا بیر مدرک پر محتوا دور شأن زهرایه یتیشمیش حضرت ختم مآبه عالم زردن امین وحی دور نقل ایلین گر ایسته سون شاهد سوروش پیغمبرین اوز نایبی مظلوم حیدردن دیسین هر عصردن هر مهد و هر موضوعیدن بیر بیر که اون سکیز مین عالمدن بویورسین صحبت ازبردن اونین چون قدمتیندن جبرئیل ایلور بیله تعریف تمام آفرینش فیض یاب اولموش او سروردن دیور قبل از حدوث خلقت آدم اوزوم گوردوم کمال سرعتیلن رد اولور حساس معبردن دیدیم یا للعجب کیمدور بو عابر بو جلالتده ملائک خدمتینده دسته دسته فرداً و فرداً اوزولموشدی الیم پروردگارین بارگاهیندن ذلیل اولموشدوم اوندا مدتیدی بالیدن پردن کلام منطقیندن بهره مندم ایلورم پرواز نجات مطلق آلدیم منجی ایام الآخردن اودور کان علوم ما یکون و ما سبق ما کان اونین وار امتیاز برتری مخلوق برتردن بیان ایلور که زهرا اوّل اهل کسادن دور اوجادور قیمتی عالم دولوسی ناب گوهردن عیار ایتمز اونین معیارینی سنگ محک اصلاً اونین معیارینی آلماق گرک الله اکبردن اونین گر اولماسا بیر ذره لطفی باغ باغاتلاردا آغاجلار خشک اولوب بیر بیر دوشللر باردن بردن اونین گر اولماسا بیر ذره لطفی چشمه لر چایلار آخانماز بیر قدم رودخانه لر محروم اولار تردن اونین گر اولماسا بیر ذره لطفی کل اقیانوس تعادل دن دوشر قالماز خبر کشتی و لنگردن اونین گر اولماسا بیر ذره لطفی اود یاغار گوگدن مسلم جان قوتارماز بیر نفر اوضای محشردن او اسلام مسندین غصب ایلین جای تعجب دور بیوک شیطانه ایستور بیعت آلسین فتح خیبردن دوروب پیغمبرین دردانه سی دشمن قباقینده دیور اللم ولیکن چخمارام بیر لحظه سنگردن دیلیم گفتاره عاجز یوخ قلم ده یازماقا قدرت بیان ایلوم نجه مسماریدن دیواریدن دردن یازیلار فاطمه المزدی ظلم ثانی الدوردی اونین ظلمیله زهرا بیر قوش اولدی اوچدی اللردن قویوب دورت غنچه نی بیر باغریقان باغبانی ال قولتوق علی بیر دل دی الله آیرلانماز غملی دلبردن ایوین غملر یخان باغبان اوزی آیرلمیان یرده نجه بلبلر آیرلسین گل خندان و پرپردن حسین ال سینه سینده اشک ریزان سینه سی سوزان دایانمیش دور تماشا فیضین آلسین نازلی مادردن مصیبتلی آنام لایلای دیوب آهسته اگلشدی یوزین قویدی گوگرمیش صورتینه اوپدی گوزلردن خطاب ایتدی ننه دور سن حسینی زینبه تاپشور کناره قویماسین گوزدن نظرده ساخلاسین هردن "امینی " ال گوتورمز بیر دقیقه غم کتابیندن حمایت ایلسین صبح و مسا مخلیص نوکردن https://eitaa.com/kobradsg

زبانحال ساده با آقا امام زمان(عج) اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا😭😭 قلبیم اولوب قان آقا😭😭 رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا😭😭 قلبیم اولوب قان آقا😭😭 گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا😭😭 قلبیم اولوب قان آقا😭😭 غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا😭😭 قلبیم اولوب قان آقا😭😭 فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا😭😭 قلبیم اولوب قان آقا😭😭 باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا😭😭 قلبیم اولوب قان آقا😭😭 https://eitaa.com/kobradsg 👇👇

سلام مولای مهربان ما💕 هرچند شما را از یاد بردیم ... هرچند دلتنگ غربت بیکرانتان نبودیم ... هرچند زندگی هایمان از عطر حضور شما خالی بود ... ... اما اینک که در دام بلا گرفتاریم، فریادرسی جز شما نداریم ... امید و پناه و مأمنی جز شما نداریم ... به دادمان برسید ای مفهوم نجات !

وصیّت حضرت زهرا (س) به حضرت زینب (س) . . . امین جوانمرد . . گل ای اولان منه نائب غم آشناسی قیزیم او آغلیان گوزون فاطمه فداسی قیزیم . داریخما زینبیم اولما بئله پریشانحال دعا ائله اَله گلسون خدا رضاسی قیزیم . اولار مریض و مریضه داریخما هر ائیوده گرک مدام ائده سن سنده حق ثناسی قیزیم . کیمین اوینده اولا گر مریضه بیر عورت خصوصاً اولسا او عورت ائوین آناسی قیزیم . داریخدیرار ائوین اهلین اوزی ده چوخ داریخار ائوین ده هم پوزولار نقشه و نماسی قیزیم . ائدر که سعی دورا ساغلیقی کیمین ایاقا مریضه وئرمز اجازه ولی قواسی قیزیم . دوروب اوکس دولانار عادی بیر مریض اولسون نه من کیمی که اولا سینده یاراسی قیزیم . بو رسمیدور که مریضون ائوی دولوب بوشلار گلر عیادتینه خویش و اقرباسی قیزیم https://eitaa.com/kobradsg

▪️نوحه شهادت حضرت زهرا (س) 🎼سبک:گلدیم هرایه قارداش آی قهرمان اباالفضل... 🎼سبک:ای دست دلرباسی مشکل گشا اباالفضل... آرام جان حیدر روح و روان حیدر دور یاتما قان ایجینده یار جوان حیدر قلبیم صفاسی زهرا(۲) دردیم دواسی زهرا (۲) دور گور نه خستیم من قوللاری بستیم من آچگوزلرون عزیزیم قلبی شکستیم من قلبیم صفاسی زهرا(۲) دردیم دواسی زهرا (۲) ای یار باوقاریم ای نازنین نگاریم سن قانووه باتوبسان الدن گئدوب قراریم قلبیم صفاسی زهرا(۲) دردیم دواسی زهرا (۲) ای روح سرنوشتیم سنسن منیم بهشتیم زهرا طوافون ایلر هم دیر و هم کنشتیم قلبیم صفاسی زهرا(۲) دردیم دواسی زهرا (۲) حیدر سنه قان آغلار باشینه قاره باغلار تا عمری وار عزیزیم یاسونده سینه داغلار قلبیم صفاسی زهرا(۲) دردیم دواسی زهرا (۲) سینون اولوب یارالی ای مصطفی مارالی قانه بویاندی محسن سندن دوشوب آرالی قلبیم صفاسی زهرا(۲) دردیم دواسی زهرا (۲) ✍بقلم_کربلایی_حسن_طیبان_میانجی https://eitaa.com/kobradsg

شجاعت حضرت ابوالفضل العباس (ع) ایلیور حمله اوتوز مین نفره جرأتیله تولیور صاق و صولا قولارینی قدرتیله دَرَکه واصل ائدور شامیلری خفّتیله مجمع شعر حماسی اوزمان دائر اولوب جبرئیل مدح ابالفضله اوزی شاعر اولوب واژه یوخ وصف ابالفضله زبان قاصر اولوب مارده ایلدیلر فوری خبر حاضر اولوب قدرت حضرت عبّاسه بیرآز ناظر اولوب صورا دستور ویروبلر قویا میدانه قدم آلدی پاداش فراوان گئده میدانه اودَم مارده سویلدی عبّاس سپهدارم من فاطمه اوغلینا هریرده مددکارم من اوجاقامتلی اوزون قولّی علمدارم من فنّ رزم و جَدَله هرنَدَن آگاهم من گئت اوشاقسان بابا شاگرد یداللهم من سویلدی مارد ابالفضله اگر عاقلسن اول پناهنده بیزه بیعته گر مایلسن سنی حیفیم گلور اولدورمگه چوخ قابلسن ایستوسن لذّت دنیانی بیزه همراه اوُل چون امیریمدی یزید سن اونا خاطرخواه اوُل ماردین کسدی سوزین حضرت عبّاس اوزمان دئدی جنگ ایلمگه سنده اگر یوخدی توان سال یره اسلحووی خواب جهالتدن اویان مست و میخواره لره سرور و سلطان دیمرم اویزیدی قاپیما هِچ ایت حساب ایلمرم https://eitaa.com/kobradsg

مجلس_یزید از زبان حضرت زینب بوحسینون یادگاری طیب الانفاسیدور لشکریم عورت اوشاقلارعصمته مقیاسیدو ر لشکرون سالاری من بو قیز منه عباسیدور باغلامیشدی قوللارین اعدای بی عاریم منیم معجرین پرچم ایدوب اولدی علمداریم منیم سیل گوزون یاخجی تانی آل اللهی یا بن طلیق چهار عنصر بیربیریلن هچ زمان اولماز رفیق تپراق آلتیندان رکاب اوسته مینر خالص عقیق سن جهنم جنت من تحت الانهار حسین سن بیابان با طراوت گلشن وگلزار حسین خطبه درسین زینبه مسجدده زهرا أورگدوب درس صبرلایزانی شاه بطحا أورگدوب غیرتی اما منه غیرتی سقا أورگدوب خاطرونده هرزمان ساخلا بو اعظم مطلبی بت شکن خلق ایلیوب خلاق داور زینبی بیر قوری جان گوره باش اگمرم اهل شره من امیرالمومنین حاشا دییم فتنه گره ایلیور لعنت ملکلر سن کیمین بیررهبره طایربختون سنون بیر گون دوشر پروازیدن ملک دینه رهبر اولماز سن کیمین سگ بازیدن کربلایی نویدآسال

اثر طبع استاد حاج یدالله منعم اردبیلی ای باد صبا کرب و بلایه گذر ایله غم قاصدی اول هاشمیانه خبر ایله .. زوار گلور سویله جوانان حسینه عباسه دئ قانلی علمین آلسون الینه .. آل اصغری آغوشیوه ای شبه پیمبر دور عمّه وی پیشواز ائله گلدی علی اکبر .. پیشواز ائلین ای هامی زوّاری ابوالفضل پیشواز ائله دور زینب بی یاری ابوالفضل .. مدّتدی گزوب چوللری آواره دی زینب قوللاروی سال بوینونا بی چاره دی زینب .. دیندیر باجیوی اوستونه غملر توکولوبدور گورسون تانیمازسان داخی قدّی بوکولوبدور .. بیردن دئدی چاووش، حسین قبری گوروندی زینب ئوزینی آتدی یوزی اوسته سوروندی .. آغ زلفی قرا معجری تپراقه بَلَندی گلدی باجون ئولسون دئدی گوزیاشی اَلَندی .. خردا بالالار گلدی نوالر اوجالاشدی گوتدی هره بیر جام فرات اوستونه قاشدی .. دولدوردیلا جامی قیدوب دسته به دسته گئتدی هاموسی سپدی حسین قبرینون اوسته .. بیچاره رباب آغلادی باشدا قره معجر الله دئدى بس هاردا یاتوبدور على اصغر .. گل گل دئدیلر آغلاما ای قلبی شکسته شش ماهه بالون یاتدی حسین سینه سی اوسته .. منعمدی آدیم عرصۀ ماتم چمنیمدور هر یرده حسین وای سسی گلسه وطنیمدور .. بو قاره نقدری دیرییَم پیرهنیمدور ئولسمده آغیر داشلارون آلتدا کفنیمدور https://eitaa.com/kobradsg

#فراق_مادر ایکی عالم صدف اولسا ، اونا گوهردی آنا خلقتین فخر مباهاتینه جوهردی آنا خوش دانیشدیر یوزونی قویما گوره رنج و محن اوپ اَلین حرمتیلن قیمتی یوخ زردی آنا امرینه ایله اطاعت که رضا سنن اولا بیر دعاسی سنه مین سایه دی شهپردی آنا قویما دیداریوه مأنوس اولا چوخ حسرتیلن تابی یوخدور دوزه،هجران غمی پروردی آنا سنسن امّید و نشاطی ،گوزونه نور و ضیا سنسیز اولسا بیلوسن بیکس ویاوردی آنا اول مواظب عملینن اِله حفظ حرمتینی قویما سولسون اورگی غنچه کیمی تردی آنا دوت الینن که سنین چوخلی دوتوبدور الیوی حاجتین ایله روا پاک و مطهردی آنا دوقوز آی حمل ایلیوبدور سنی بطنینده هله ایکی ایل صود وئروب آیینه ی اختردی آنا دانیشاندا سویونوب گه یئرییَنده سویونوب سنی هر صبح مسا عشقیله گوزلردی آنا گه قوجاغینده سنه لای لایی گوز یاشلی دئیوب گهی گهوارده ، شیرین سَسی دیلبردی آنا اوقدر واردی مقامی نقدر یازسا قلم گئنه ده کم گتیرور مین دَنه دفتردی آنا بیرده حاشا گله دنیایه آنا مثلی بشر قالمیشام من یازام آیا نَیه بنذردی آنا؟ ایستسون کوثری الله سنه اهدا ائلسون اوپ الینن آناوین صاحب کوثردی آنا اوپ اَیاقین سنه تا واجب اولا الماسی جنت حق که سنه شافع محشردی آنا https://eitaa.com/kobradsg

ای مدینه اورک قانه دوندی ‍ 🌴در قبرستان بقیع 💢نوحهء حضرت زهرا(س دراهنگ ای قلم سوزلرینده ✍شعر از استاد جاهد ای مدینه  اورک  قانه دوندی ناله  سینمده  افغانه  دوندی تاپمادیم  قبر  زهرانی  سنده گوز یاشیم بحر عمانه دوندی آغلارام  دل  دونر قانه  زهرا آغلارام  قبر   پنها نه    زهرا -------------------🏴🩸 دوزمدی   دل  بو  داغ    فراقه غملی  سینم  دوشوب احتراقه قبرزهرانی کیمدن سوروشدوم سالدی.گوز یاشلی.باشین.اشاقه آغلا رام  دل  دونر  قانه  زهرا آغلا رام    قبر   پنها نه   زهرا -----------------🩸🏴 یوسف    فاطمه   گل    اما ندی شیعه نین قلبی هجرینده قاندی گل   نشان   وئر    مزار    بتولی باری.قوی.شیعه بیلسین هایاندی آغلا رام  دل  دونر   قانه  زهرا آغلا رام   قبر     پنها نه   زهرا التماس دعا