قتلگاه سیدالشهدا تاحسین دوشوب ذوالجناحیدن،ناامید اولوب مرکب آغلادی معجرین آچوب فرشه فاطمه،باشینه ویروب زینب آغلادی تکلیوب چوخور یرده شامیان،بی کمک امامی ندن ویرور صف چکوب هامی وحشی کوفیان،بیرگلن ویرور بیر گیدن ویرور کیم ویرور گیدیر آخر صفه،نوبتی چاتوب تازه دن ویرور     گاه بیرنفس تا ه ایلوری،گه گیدیر گینه حال عادیدن      گه دییور ابولفضل هایانداسان،دم آلور اسن وقته بادیدن راوی نقل ائدیر گوردوم حضرتین،صاف یری وجودینده قالمادی بولمورم او بی رحم عربلرین،پس نیه دیلی راضی اولمادی اول چوخور مکاندا گلن گیدن،ویردی بی کمک شاهی دویمادی      بعضیسی گورور قورتاروب حسین،جسمینه گینه داش آتوردولار       بعضی تازه نعل آتلارا سالوب،گیروداریده آت چاپوردولار قوی دئیوم اوزوم نیزه داریدن،عف ائله منی یابن فاطمه بیر اشاره چوخ آشمارام سوزی،یوخدی طاقتی اهل محرمه ویردی نیزه نی گیچدی قلبینه،چکدی قان سپوپ عرش اعظمه      لخته لخته قان سوزدی نیزه دن،سیندی زینبون خم اولان بئلی        تلّیده ویروب لطمه صورته،سسلدی یتیش داده یاعلی بو مخمسیلن تمام ایدوم،شیعه نین بو نسگیل بیوک داغین بیر اشاره ده ساربانیدن،پوزدی باد غم فاطمی باغین چوخ تلاش ائدوب چیخمادی اوزوک،خشمگین اولوب کسدی بارماغین      صف ب صف گلوب قدسیان یره،وا حسین دئیوب سینه داغلادی     جبرییل او دم نوحه باشلادی،قورخورام یازام اللّه آغلادی بسدی ای قلم جان فاطمه،وئر بو نوحیه بوردا خاتمه سن حیا ائله ساخلا ال دایان،زخمدار اولور قلب فاطمه گورمسن «فقیر» آغلوری قلم،دفتر آغلوری بیله ماتمه      آچما چوخ سوزی آلدی اهل دل،قصه ی غم قتلگاهیدن         یاز شجاعتین یاز شهامتین،آل صله اوزون پادشاهیدن https://eitaa.com/kobradsg

‍ واضح دئمرم مندن ئورکلر کدر اولسون عالمده گرک قاره خبر مختصر اولسون هر کیم ئوزی بو حالی گئدوب گورمسه بیلمز درد اهلینه لازمدی یاخیندان نظر اولسون کیم زینبی ایستور تانیا سسلسون آدین سس ویرمسه ممکندی نظر بی ثمر اولسون قارداش ئولومی باجینی بش گونده قوجالدار حالین گورن البته گرک دیده تر اولسون پیشوازه گئدون حرمت ائدون دردی آزالسون آز باشه ووروب ناله ائدوب خونجگر اولسون اوچ طایفه نی منع ائلیون گیتمسون اما بو یولدا مبادا زحماتوز هدر اولسون نه اکبری پیشواز ائلسون تازه جوانلار نه تازه گلینلر سیزیلن همسفر اولسون ال سینه ده دورسونلا ربابون یولی اوسته نه صود ورن عورت نه ده بیر صودامر اولسون فکر ایلمیون صودامر آز یاندری قلبی اود اوددی اگر بیش و یا مختصر اولسون وار حقی ربابونده که یانسون بو شراره پروانه کیمین جانی فدای شرر اولسون مرحوم استاد منزوی اردبیلی https://eitaa.com/kobradsg

شهادت حضرت ابوالفضل(ع) در سبک گل ای امید دل منتظران ☘☘☘☘☘☘☘☘☘☘ گول اوسته صرصر اسیلیبدی نه نه/ داخی امیدیم کسیلوبدی نه نه/ بو قلبیمی غم اوخی بولدی نه نه/ علم دوتان قارداشیم أولدی نه نه/ سیندی بلیم نه نه گل/ یوخ کمکیم نه نه گل/ قانلی منایه دوشوب / آرخام الیم نه نه گل/ وفالی قارداش ابوالفضل حیالی قارداش ابوالفضل یاتان بوایستی قوم اوسته یارالی قارداش ابوالفضل,, اولوبدی پرپر گل یاسمنی بو چولده صد پاره اولوب بدنی/ سالوبدیلارجسمیده قوللاری یوخ/ ووروبدیلار ساغ گوزی اوسته بیر اوخ/ پیکری قانه باتوب / تشنه بو چولده یاتوب/ گوزلرون آچمور آنا / چون منی گوزدن آتوب ,,,, باتوبدی القانینه کل وجود/ وروبدیلار آنلینا آهن عمود/ قانادسیز عنقا کیمی شهپری یوخ/ بو پیکرونده داخی صاف یری یوخ/ پیکرون اوخلار آلوب / ایستی قوم اوسته قالوب/ آی یوزونی بو عدو / گورنجه حاله سالوب,,,, غم اوستونه گور نجه غم قالانوب/ دیوبدی اوخ مشکینه سو جالانوب / جفا وغم طاقتیمی آلوری / بوچولده دشمنلریم ال چالوری/ یار ومریدیم اویان / تشنه شهیدیم اویان/ کرب وبلاده منیم/ سن سن امیدیم اویان,,,/ خیمده من زینبیمه نه دیوم/ سه ساله تشنه لبیمه نه دیوم/ نجه دیوم ساغ گوزون اوخلادیلار/ وفالی قارداشیوی دوغرادیلار/ آهو کیمی اوملر / اشکینی گوزدن الر بولسه رقیه قیزیم قانلی منایه گلر التماس دعا (خوش نواز https://eitaa.com/kobradsg

استمداد حضرت عباس (ع) از امام (ع) گل قارداش حسین تیر جفا قدّیمی اگدی ردّ اولدی گوزیمدن گلوب اوخ مشکیمه دگدی دشمنلر آتان اوخلاری من سینمه دوزدوم بیر مشک سو اوسته نه قدر زحمته دوزدوم سو مشکیمه اوخ دگدی حیاتیمدن ال اوزدوم گل قارداش حسین تیر جفا قدّیمی اگدی دگسیدی اگر مشکه دگن اوخ بو گوزیمدن اشکیم کیمی راضیدیم آخا قانی گوزیمدن امّا اوخ آتان قارداش حسین چخدی سوزیمدن گل قارداش حسین تیر جفا قدّیمی اگدی ال اولمادی تا حفظ ایلیم مشکیمی قارداش سو گیتدی یره آخدی گوزیمدن یوزه قانیاش سندن خجل ایتدی منی بو زمره ی اوباش گل قارداش حسین تیر جفا قدّیمی اگدی سو مشکیمی بو لشکر کین ایتدی بهانه ایلوبله منی ناوک پکانه نشانه بو باره ده گلسم یری وار آه و فغانه گل قارداش حسین تیر جفا قدّیمی اگدی ال گیتدی منه اولدی جری اهل شقاوت ایلوب یارا وورماقدا قوشون بیر بیره سبقت ایتدی بالالاردان منی شام اهلی خجالت گل قارداش حسین تیر جفا قدّیمی اگدی ایتموبدی منی ئولماقیمون فکری پریشان خوشدور سوسوز ئولسم من اگر ای شه عطشان یالقوزلادی بو چولده سنی لشکر عدوان گل قارداش حسین تیر جفا قدّیمی اگدی بیر ظلم یتیشدی منه بو اهل ستمدن طاقت گتوره بولمدیم ال چکدیم علمدن شمشاد قدیم اولدی کمان بار المدن گل قارداش حسین تیر جفا قدّیمی اگدی بیر سس ویر اماندور ئولورم بو سسه قارداش آز قالدی سوسوز باشیمی دشمن کسه قارداش رحم ایتمدی جلّاد من بی کسه قارداش گل قارداش حسین تیر جفا قدّیمی اگدی گل مشکیمی آخر آپار ای سرور بطحا سویله سو یولین گوزلمسون عترت زهرا سقّانی سوسوز سالدیلار آتدان یره اعدا گل قارداش حسین تیر جفا قدّیمی اگدی صدقیله سال «عاصی» باشیوا شور حسینی تا قلبیوی روشن ایلیه نور حسینی یازسان بئله سوز یاز اولا منظور حسینی گل قارداش حسین تیر جفا قدّیمی اگدی https://eitaa.com/kobradsg

پدری با پسری گفت به قهر که تو آدم نشوی جان پدر حیف از آن عمر که ای بی سروپا در پی تربیتت کردم سر دل فرزند از این حرف شکست بی خبر از پدرش کرد سفر رنج بسیار کشید و پس از آن زندگی گشت به کامش چو شکر عاقبت شوکت والایی یافت حاکم شهر شد و صاحب زر چند روزی بگذشت و پس از آن امر فرمود به احضار پدر پدرش آمد از راه دراز نزد حاکم شد و بشناخت پسر پسر از غایت خودخواهی و کبر نظر افگند به سراپای پدر گفت گفتی که تو آدم نشوی تو کنون حشمت و جاهم بنگر پیر خندید و سرش داد تکان گفت این نکته برون شد از در «من نگفتم که تو حاکم نشوی گفتم آدم نشوی جان پدر https://eitaa.com/kobradsg

‍ #تنور_خولی مطبخده گلدون اوغلوا مهمان آنا قانلی باشیم ایاقیوه قربان آنا خوش گلمیسن بو مجلس خار و محقره لایق دیور سنون کیمی خاتون محشره دیواری دوده فرشیدی کول قاندی منظره ویران اولان گویول کیمی ویران آنا ای گوهر یگانه گنجینه حیا سوز یوخ آنا نشان ویریسن اوغلوا وفا سینن یارادی باشیمی چوخ باسما باغریوا قانلی باشیم دیر آچیلار قان آنا دیدی اوغول گوزون آچ کام آلوم نگاهوندن خبر ویریم سنه ئوز قانلی قتلگاهوندن او چولده من واریدیم چشم خون فشان واریدی غریبه منظرلر واضح و عیان واریدی گوزوم فراته ده دوشدی آخوردی اوز باشینا شریعه ده نه موکّل نه پاسبان واریدی یانان چادردا نماز اوسته زینبون گوردوم نه دیزده طاقتی نه قلبیده توان واریدی دیدیم گیدیم گنه گودال قتلگاهه طرف اگرچه اوردادا مین محنت گران واریدی کسوک بوغازیوی اوپدوم اوجادان آغلامادیم کمینده چون اَلی خنجرده ساربان واریدی من اوخشاما دیمَدیم چون که سینون اوستونده بیر اوچ یاشیندا شیرین دیلی نوحه خوان واریدی (گوردوم اله سیزلدیر اله دییر وای یارالی بابام گوردوم آرام آرام دییر بابا) قمچی سالور اذیته دردین آتانمرام آغریر باشیم یوخومدا گلندا یاتانمرام آیون ایشیقی دوشنده رقیّه نون یوزینه گوزومدن اولدی روان قلبیده نه قان واریدی بیله خیال ایلدیم ثانی کربلایه گَلوب یوزینده من کیمی چون سیلیدن نشان https://eitaa.com/kobradsg

یامهدی(عج)     نار فراقه یانموشام آه و نوایه گلموشم   رحم ائله نازلی سویگلوم گورنه نوایه گلموشم   من دئمورم که لایقم عاشق بیقراریوم   بیر باخشین گورر منی بیله هوایه گلموشم   یوخدی فراقه طاقتیم دار ونداریم هارداسان   گُورمقه گول جمالیوی دیلده دعایه گلموشم   وصلیوه لایق اولماسام لطف ائله بیر گوز آلتی باخ   قلبیده مین امیدیله مُلک ولایه گلموشم   آنداولا لبده خالیوه گوزلریم آختارور سنی   گوزلریوه فدا اولوم باب نجایه گلموشم   یوخدی لایقتیم اگر هاشیمی خالیوی اؤپَم   ویرماقا بوسه دم بدم زیر او پایه گلموشم   من دوزَرم فراقیوه ناز ائله نازلی عیبی یوخ   آیریلیقین صفاسی وار٬ منده صفایه گلموشم      گرچه« فقیرم»عاشقم بوش یولا سالماسان منی   چون تانیرام نگاریمی هانسی سرایه گلموشم https://eitaa.com/kobradsg

روضه حضرت ابوالفضل علیه السلام ای شهریار مقدمیون انتظاریم تشریفین اولسا سون نفسیم خاکساریم سقالقیم فنایه گدیب مشکیم اوخلانوب محشرده، ده بالالارون شرمساریم (گوردی یانا یانا سس آزالدی حسین) سیندردلار غروریمی شرمندیم حسین #عباسیه https://eitaa.com/kobradsg

✅یوسف عشق✅ ای فاطمه نین فرزندی وی قلبلرین پیوندی ایللردی گوزوم یول گوزلور گَل شیعه لرین دلبندی یورولموشام بو هجره مهدی--- هایانداسان وفالی تز گل اورك تلاطم ایلیر آخر--- گوره او گول جمالی تز گل مولا مهدی-مولا مهدی ------------------- هجرین منی دلدن سالدی آرامیمی الدن آلدی ناله مده اثردن دوشدی گوز گوشهٔ درده قالدی دوزنمورم فراقه مهدی---هایانداسان عزیز زهرا قوتار بو موسم فراقی--- یورولموشام بو غمده مولا مولا مهدی-مولا مهدی گر غرق گناهم پستم بر لطف من دل بستم از جام مئی لبهایت تا آمدنت سرمستم بیا بیا‌بجان زینب--- دل شکسته را جلا دِه امید من مرا دوباره---برات خاک کربلا ده ---------------- ای از همه گل زیباتر در کلّ جهان تنهاتر میسازی و ما میسوزیم دل خون شده و مینا تر دگر برُیدم از فراقت--- امید عاشقان کجایی طلب کن از خدای رحمان--- بحق فاطمه بیایی مولا مهدی-مولا مهدی https://eitaa.com/kobradsg