ی 🍂🍂🍂🍂 ای سنق دللرین صفا سی% قلبیمون توخداماز یارا سی% هارداسان فاطمه بالا سی % آغلاما گوز لرون فداسی گل اقا سن گلن یولا سو سپرم گل اقا من قدملرونه اپرم آقام تز گل آقام تزگل% 🍂🍂🍂🍂 گوزلریم کاسه سی دولوبدی% صورتم گل کیمی صو لوبدی% گیجه لر صبح اولونجا مو لا% دل سوزوم وای وای اولوبدی % گل اقا سن گلن یولا سو سپرم گل اقا من قدملرونه اپرم آقام تزگل آقام تزگل% 🍂🍂🍂🍂 هاداسان شیعه لر آقاسی% ای سنق قلبیمون دوا سی% سس لرم آدو وی دمادم % قالمیوب جسمیمون قواسی % گل اقا سن گلن یولا سو سپرم گل اقا من قدملرون اپرم آقام تزگل آقام تزگل% 🍂🍂🍂🍂 آی یانان قلبیمون دو اسی% گلشن عشقمون هما سی % دوشموشم محنت وبلایه% اوج ایدر عرشه دل نواسی گل اقا سن گلن یولا سو سپرم گل اقا من قدملرون اپرم % آقام تزگل آقام تزگل% ✨اَللّهُمَّ عَجِّل لِوَلیِّکَ الفَرَج✨

"شایسته دی گول پرپر اولا خارین الینده اسلام  اولا ملعـبه کفارین الینده دین اهلی دوشه ذلّته اشرارین الینده نه رحم ایده لر طفل صغیره نه کبیره نه پیـــر و جوانه نه قتیله نه اسیره کفارین آدی مسلم اولــوب آلت دستی احـراره جری ائیلوری هر ارذل و پستی دینون دئموری قائمی وار یوخدی شکست بیر نئچه شرارت یوکی بدنام ایاقدا گویا گوروری هامی اسلامی اوزاقدا آگه سن ئوزون حاجتی یوخ شرح و بیانین مینلرجه مسلمان دی گلن پیرو و جوانین ناحق یئره دشمن توکوری سو کیمی قانین  دل یوخدی که داغ اولمیا غم دللری داغلار قربان گوزووه قالدی رعیتــلرون آغلار ملک و طنین مرزی دونوب کرب و بلایه تبدیل اولوری گونده نئچه طویلار عزایه مهمان ائله منت قوی ئوزون خیر دعایه فتنه یارادانـلار هاموسی ریشه کن اولسون رونق تاپوپ اسلام دونوب سن سون اولسون اسلام اتگینـدن کس الین اهل جفانین سیندیر قوشونون کافر بی شرم و حیانین شمشیریله آچ باغلی یولون کرب و بلانین گئتسین او مزار اوسته جوان اوغلی ئولنلر لیلا دیلیجه سویله سین ای وای علی اکبر ای (حافظینون) حافظی  هر آینه دمده سندندی کمک  لیق  منه   گفتار و  قلمده وار دور گوزی مریم جه گوزل دست کرمده  هرکیم منیلن وار اونادا لطف و کرم قیل هر تک تکینون آدینی دفترده رقم قیل https://eitaa.com/kobradsg

سلام او سینیه‌کی اوخ دگنده اوخ دئمه‌دی سلام او اللره کی ساربانه یوخ دئمه‌دی سلام او شخصه‌که عشقینده پر اراده‌ایدی بدنی قوملارون اوسته باشی جداده‌ ایدی سلام او سالکه اسلامی سرفراز ائلدی سلام او لبلره که خیزرانه ناز ائلدی سلام او شاهده قانه بوروندی مقتلده وئروب شعار عدالت سوروندی مقتلده سلام او مسته آدین جلوهٔ‌ی حیات ائلدی اورگینون یاراسی جبرئیلی مات ائلدی ائدنده لبلری قانلی نگاری یاد حسین ملک‌لر عرشیده سسلندی زنده‌باد حسین گنه‌ده مرغ خیالیم رهِ ولاده گزور قلمده دایره ی دشت کربلاده گزور نه کربلا که ملک آستانینه باش ایَر نه کربلا که تماشاسی مین بهشته دگر نه کربلا غمی مردان عشق قدین اگوب رباب و لیلیه‌ده اوردا تازیانه دگوب نه کربلا که گداسینده شاه منصبی وار گورَن بیلر نه گوزلیکده تلّ زینبی وار استادسید تقی سیفی https://eitaa.com/kobradsg

عرض ادب به محضر حضرت اباعبدالله الحسین (ع) موسی آقایی اردبیلی" یا حسین   غم گینه   تسخیر  ایلدی  جانیمیزی کربلا   محنتی    جوشه     گتیریب      قانیمیزی گیموشوک جامه ی  ماتم  سنه یاس ساخلاماقا گوزده    قانیاش   ایدروک   چاک   گریبانیمیزی گونوموز  لیله ی تار   اولدی  اوگوندن که  بیزیم دوغرادی   تیغ  ستم     شمس   درخشانیمیزی گوشه ی   چشمیله   قاره   گیین  عاشقلره  باخ دردیمیز    چوخدی   عنایت    ایله   درمانیمیزی ساحت    اقدسووه   عرض       ادب     ایلمگه غصه    ویران   ایلیوب     قلب    پریشانیمیزی ای   باشی  تشنه    قفادن کسیلن  واردی یری گونده  مین یول سنه  قربان ایلسوک جانیمیزی مجلس    یاسووه   زهرا    الی  پهلوده    گلوب غم  پوزوب  هم   بیزی هم غمزده مهمانیمیزی امر    یزدانیله    مفتوحدی       ابواب       فلک تا    ملایک    ایشیده     ناله    و    افغانیمیزی باخماروخ    حیله   و     تبلیغینه     بیگانه لرین شور عشقون   بوریوب    محفل     عرفانیمیزی تیغ   تیزیله   ایاقدان   باشا  دوغرانسوق   اگر قویماروخ   عرصه ده   تک حجت  رحمانیمیزی آند   اولا   جانووه   بیز کوفه نین اهلی  دگولوک ساتماروخ     سلطنت     عالمه     سلطانیمیزی سنی   ویروک   قسم   اجلالووه   ای رب کریم حشریده    بیزدن   آییرما    شه   عطشانیمیزی https://eitaa.com/kobradsg

شهرت و عزت حسینی مرحوم حیدر خسروشاهی (حزین) کیم حسینین درگهینده شهرت خدمت تاپار هم بو دنیا هم او دنیاده گوزل عزّت تاپار بو مقدّس آستاندا صدقیله خدمت ایدن آند اولا بو آستانه گون به گون قیمت تاپار آستانیندا حسینون سیندیران شخصیّتین سانما شانی آزالار سیندیقجا شخصیّت تاپار خادم اولماق هر کسه ممکن دگل بو درگهه سالنما بو توفیقی هر کس ایتمسه همّت تاپار شرطی وار بو منصب پر افتخاره یتماقین بیله بولمه بو مقامی هر بشر صورت تاپار اولین شرطی بو عالی منصبین اخلاصیدور منزلت تاپماز ریائیله گلن نکبت تاپار اولمیوب بیر کس صفائیله گله نومید اولا هاردا بیله بیر قاپی عالمده بیر ملّت تاپار هیچ درگاهه قیاس اولماز حسینون درگهی خوش اونون احوالینه بو حضرته نسبت تاپار بیرده لازیمدور حسینون خادمی یکرنگ اولا کیم بیر اوزلی گلمسه بو درگهه خفّت تاپار منصب دنیایه توولانماز حسینون خادمی خیر گورمز کیم بو شهدن چکسه ال خسرت تاپار بیر ائله شان و جلالت حق بو درگاهه ویروب کیم اوزون بو درگهه ییخسا بویوک رفعت تاپار قونمیوب ذلّت توزی قونماز بو عالی درگهه بیله فکر ائتمه حسینون خادمی ذلّت تاپار چون حسینیلندی هر آزادی و آزادگی عبد اولان آزاد مرد انسان (حریّت) تاپار بیر نئچه یرده حسین اوز خادمین یاده سالار بیر بو دنیاده او دم که چوخ غم و محنت تاپار بیرده لطفیله گلر جان تاپشوران ساعاتیده چون بولر انسان ائله ساعتده چوخ زحمت تاپار قابض روحه دیر رحم ائت بیزه خادمدی بو گوندن آیدین دور که عزرائیل او دم رقّت تاپار بیرده اوندا که اونی ائل لر قویار قبره گیدر تک قالارکن قبر اویی ظلمت گورر وحشت تاپار وار عقیدم بیر ائله وحشتلی ساعتده حسین خادمین غمدن قوتارسون حقّدن رخصت تاپار اوندا کی گوردی ایشیقلاندیردی قبرین نور حق قلبده وحشت گیدر اوز قبرینه الفت تاپار بیرده محشرده شفاعت ایتماقا اوز خادمین لطف اوزیله آختارار بی شبهه اول حضرت تاپار اوندا کی هر کس قالار اوز قیدینه فریاد ایدر او حقیقی خادمین اول شافع امّت تاپار هر آدین خادم قویان خادم اولانماز بو سوزون حکمتین دنیاده اهل منطق و حکمت تاپار عمده شرطی بیرده تقوادور بئله بیر منصبین اولماسا تقوی چتین بیر کس بئله رتبت تاپار بوردا خوشدور ((شانی)) مرحومدن خوش یاد اولا چونکه دوز خادمدی دوز خدمت ائدوب رحمت تاپار مطلبین حقّین گوزل بیر طرزیله ایلوب ادا حالینه طوبی ، گوزل خدمت گوزل اجرت تاپار https://eitaa.com/kobradsg

زبانحال حضرت زینب (س) در شهادت مادر زینبون گوز یاشی آخماز آنا جان اوز باشنا آناسیز قیزلارین عالمده اولور کول باشنا یاده سالام او گچن گونلریوی صبح و مسا باخارام بوش یریوه اود دوتارام یانام آنا گلرم نالیه هر آن ایدرم شور و نوا آناسیز قیزلارین عالمده اولور کول باشنا آناجان دلخوشدوم من بو جهاندا سنیلن نه اولوب قطع علاقه ایلدون سن منیلن قویدون عالمده بو خونین جگری شیونیلن آناسیز قیزلارین عالمده اولور کول باشنا عمرون آز اولدی سنون زحمتون اما چوخ اولوب خاطرون لاله ی نعمان کیمی قانیله دولوب سن کیمی هانسی گولون رنگی بو نوعیله سولوب آناسیز قیزلارین عالمده اولور کول باشنا دیمه سندن صورا هجرانوی آسان سانارام باخارام سن دولانان یرلره دلدن یانارام دیرم وای آنام ایوای دوتوب اود اودلانارام آناسیز قیزلارین عالمده اولور کول باشنا بو غم و درد و محن گور نجه دلدن سیلینی فرقتون بوکدی آتام شیر خدانون بلینی کیمی واردور دیسون آیا کیمه درد دلینی آناسیز قیزلارین عالمده اولور کول باشنا آتامون صبرینه عالم هامی مبهوت قالوب صبر دریاسیدی هجران ولی آرامین آلوب ایله آغلور که سسی ولوله افلاکه سالوب آناسیز قیزلارین عالمده اولور کول باشنا هر قدر جور و ستم ایتدی عدو دوزدون آنا آغلادون چولده ولی ایودن الون اوزدون آنا گیجه لر ایوده یوزه درّ بصر دزدون آنا آناسیز قیزلارین عالمده اولور کول باشنا آنا سندنصورا بوللم داخی گولمز بو یوزوم نقدر جاندا نفس وار قالی آغلار بو گوزوم باشیمه هر نه گله تاب ایدرم یوخدی سوزوم آناسیز قیزلارین عالمده اولور کول باشنا بولورم واردی قاباخدا سفر کرب و بلا گوررم من او مکاندا آنا هر نوعی بلا قارداشیم تشنه ویرر جان دیرم ایوای اخا آناسیز قیزلارین عالمده اولور کول باشنا بو آنان فاطمیه (( شوری)) بِلون باغلاگیلن بیر به بیر حاجتیوی ایسته سینه داغلاگیلن اوز مزارینده گیدوب بو سوزی دی آغلاگیلن آناسیز قیزلارین عالمده اولور کول باشنا https://eitaa.com/kobradsg

‍ روضه حضرت زهرا(س) @okhshama درکوچه ای من بوده ام دستم به دست مادرم دیدم که زد آن بی حیا سیلی به روی مادرم (دییر گوردوم ننم ئوز ئوزونه دانشیر) هیچ من دیمیرم لاله لی داغ داشیم اولیدی یا غصه و غمدن آغاران باشیم اولیدی اسدی اورگیم ثانی منه سیلی وراندا آرزوم بویودی بیردنه قارداشیم اولیدی دیمیرم دردی بونون بیر سند پاره یدی دیمیرم مشکلی بیر گمشده گوشواریدی درد بودی بیر قولی سنمشدی اورک یاره یدی خانمی سالدی ایاقدان ایکی سیلی یاراسی ایندی فکر ایله نیه تئز ئولدی رقیه بالاسی https://eitaa.com/kobradsg 👇👇

. آسال اردبیلی . حیدر مارالی زهرا ائلدن آرالی زهرا قبره گیدن گیجیلن سینه یارالی زهرا لای لای یارالی زهرا لایلای یارالی زهرا . . . . قدرون کیمین اولوبدی قبرون نهان یارالی کلثوم ایدوبدی غوغا زینب فغان یارالی آغلور بو ماتمونده یکسر جنان یارالی بو محنتونده اولدی عالم عزالی زهرا . . . . زینب دییردی هرآن لای لایلای جوان ننم وای اولدی جوانلیقوندا والله یالان ننم وای اون سکیز ایلده اولدی قدون کمان ننم وای سن سیز قالوبدی حیدر بی کس وفالی زهرا . . . . غسلون ویرنده حیدر گورسندی سیلی ردّی دیواره قیلدی تکیه گویا بوکولدی قدی یدی گویی کیچوبدی ظلم و جفانون حدی هی سسلیور دمادم لایلای حیالی زهرا . . . . گلدی حسن بیانه ایتدی بیله اشاره ظلمیله ویردی سیلی ثانی او مه عذاره دوشدی ترابه ناگه گوشواره اولدی پاره سسلندیم ای وای ای وای باشی بلالی زهرا . . . . یاندیردی مرتضانی زهرا بو درد اعظم یدّی نفرله گیتدی قبره عزیز خاتم تک دورت بالون قوروبدی منزلده بزم ماتم یاتما مزاریده دور سینم مدالی زهرا . . . . سن عالمی آتوبسان قبر ایچره خوش یاتوبسان یارون قالوبدی تنها سن آی کیمین باتوبسان فیض وصال حقه آز سنّیلن چاتوبسان سن سیز سولوبدی حیدر گللر مثالی زهرا . . . . ای حیدرون پناهی یالقوزدی مرتضی دور سو نصف شب لر ایستور سلطان کربلا دور یاتما بقیعده راحت ای عشق مصطفی دور باشدان آشوب علینون درد و ملالی زهرا . . . . درد و غمونده یکسر غملن دولوبدی سینه یوخدور ویرن تسلی مولای دلغمینه زهرا أولوبدی امّا راحت یاتوب مدینه آی اهل یثرب أولدی سینه یارالی زهرا . . . . خیبر آچان علینون تیغی دوشوب کسردن زهرا ییوبدی سیلی ثانی بد گهردن حیدر قالوبدی ساکت اشکی آخوب بصردن باغلیدی امر حقدن شه پرّ و بالی زهرا . . #سبک_احوالیمیز_یاماندی … ۱۰ سبک